الشحدة واقع معاصر أم فن مصطنع

[حزن الحراز]

جاء من اقصى المدينة ومعه ولدين
الاول مريض والثاني مرافق الحاج فلان الفلاني
ادخل ولده الي احد مستشفيات بحري بعد عمل الفحوصات اللازمة
والتحاليل وتكلفة العلاج قدرت بملغ كبير زاد عن مصروفات فلان
قال الابن الصغير ( انا برجع البلد اجيب قرووش وبرجع سريع )
الاب قال ليه ( احسن تبيع قطعت الارض )
غادر الابن الصغير المستشفى عائداً الي البلد وظل الاب مرافقا لأبنه المريض
تأخر الولد في القدوم وزادت حالة الان سواءا وفي يوم من الايام ذهب الاب الي الصلاة
في مسجد المستشفى فدعته الحاجة الي اقيام امام الناس فقال
( يا اخونا جيتكم من بلد غريب ومعاي ولدي عيان وعايز لي مساعدة عشان اعالجو
ساعدوني يا اولد الحلال ) .
فأصبح جمع المال شغله اشاغل يتنقل من مسجد الي مسجد ومن زاوية الي زاوية
ومن سوق الي سوق حتى اتم تكلفة العلاج وتم عمل اللازم لأبنه المريض
وبعد فترة جاء الابن الصغير ومعه المال فوجد اخوه معافى فحمد الله على سلامته
ولكن عندما سأل الاب اخوي بقى كيف من المرض ....... قال ليه
( يا ولدي اخوك نصح لكن مرضت انا والله يشفيني )
عاد الولدين الي بلادهم وعاش الاب في هذه البلاد بعد ان عرف كيفية جمع الثروة

س :- هل الشحدة حاجة الي المال ام هو واقع مصتنع لجمع الثروة ؟
سأعود اليكم مع حقائق اخرى
لـــــنسممممـــــع

[عمرالماحي]

اخي حزن الحراز لك التحيه
انك لمست موضوع اصبح كثرا هذه
الايام في جميع انحاء البلاد واصبحت
الشحده ظاهر غير كريمه ؛فهي تحتمل
تفسيرين الحوجه والمرض بالشحده ‏
وفي مدني تكثر هذه الظاهره من
نفرا غرباء عن المدينه يحضرون
الي ودمدني منذ الصباح الباكر فيتجولون
بين الوزارات ومكاتب الحكومه
وتجار السوق ويرون قصه دراميه ‏
حزينه تجبرك علي اعطاءه الساهله
وتتغير القصه يوميا والمكان ‏
حقيقا الموضوع يحتاج لنقاش جاد و
لك شكري وتقديري

لناعودا

[حزن الحراز]

اخي حزن الحراز لك التحيه
انك لمست موضوع اصبح كثرا هذه
الايام في جميع انحاء البلاد واصبحت
الشحده ظاهر غير كريمه ؛فهي تحتمل
تفسيرين الحوجه والمرض بالشحده ‏
وفي مدني تكثر هذه الظاهره من
نفرا غرباء عن المدينه يحضرون
الي ودمدني منذ الصباح الباكر فيتجولون
بين الوزارات ومكاتب الحكومه
وتجار السوق ويرون قصه دراميه ‏
حزينه تجبرك علي اعطاءه الساهله
وتتغير القصه يوميا والمكان ‏
حقيقا الموضوع يحتاج لنقاش جاد و
لك شكري وتقديري

لناعودا

شكرا اخ عمر على هذا المرور الرائع فعلا الامر
يحتاج الي كثير من النقاش الجاد والطويل فهذ الظاهرة
تفشت بصورة كبيرة ايضا هنا في الخرطوم ومختلف الجمعيات
كما اصبحت هنالك منظمات للشحدة تقودها ادارة مختصة في جمع المال
وتعرض بعض الاطفال والعجزة الي الاعاقات بسبب الشحدة ....
الموضوع طويل اخ عمر ارجو المتابعة
مودتي

[حزن الحراز]

تحياتي لجميع المتداخلين
ونواصل ما انقطع من حديث
خرجت ذلك اليوم وكلي طموح زايد و امل في ان اخرج بعدد
من النتائج مع مقابلتي للفتيات استقليت الحافلة كالعادة
وصلت الي الجامعة فلم اجد ما كنت اتوقع . لم يأتي البنات عكس ما توقعت
ذهبت الي احد الكفتريات ثم بدأت بأرتشاف القهوة وفجأة سمعت صوتا من خلفي
( حزحز كيفك ان شاء الله تمام اسفين لي التأخير لانو مشينا تممنا وجينا )
سلام فلانة وهاي علانة كيف الحال ان شاء الله طيبين .
بدأت بتوجيه الاسئلة . ثم بدأت احدى الفتيات بالحديث
( انا بين يوم ليلة لقيت روحي في الشارع من دون اي زول فكرتا اعمل شنوو
عشان اصرف علي روحي ما لقييت غير الشحدة طريق فبقيت لشحد في الاسواق العامة
وفي يوم جاتني مرة وقالت لي لازم يكون عندك ترخيص لي الشحدة في المكان دا رايك شنو
لو تشتغلي عندنا بي النسبة كل ما تدخلي اكتر تلقي قروش اكتر . ومالقيت طريقة غير اني اشتغل عندهم
لأنو بيوفرو لي الحماية والسكن والمأكل والمشرب . اشتغلت عندهم وانا الان بشتغل هنا )
كانت تتكلم الفتاة كلها ثقة وثبات لم تهتز او تخاف
سألتها انت لم تخافي من طمع الطامعين ومشاغلة الفاسدين وظلم المستبدين
فقالت ( الحياة علمتني حاجات كتيرة اني ما اخاف الا من الخلقني واحترم الاصغر مني عشان يحترمني الاكبر)
طيب الم تخافي من ان يقبض عليك بتهمة التسووول ( يا حزحز لو كل واحد خاف انو يعمل حاجة ما اظن يعيش )
طيب ماذا تعرفي عن المرأة التي سعت الي انضمامك الي عملك الحالي فقالت
( انا ما شفتها غير مرة واحدة لما جاتني . انا هسي بعمل في الشحدة وبخجل لكن مجبورة علي كدا
اما الجمعية دي عندها موظفين وعمال متخصصين في التأمين خشية الهروب بي الما ل)
وانتهى الامر بعزومة علي الفطور وسلامات

[ريمون]

لحقنا المصريين يعني يا حزحز ولا شنو ؟؟:o
مرت علينا حالات كتيره مؤسفه وما بتشبه السودان ..
جاتنا واحده في المكتب وعرضت مشكلتها والجماعه ما قصروا لمو ليها حوجتها وطلعت وصادف اني طلعت مشيت وزارة تانية لقيت نفس الزولة وبي نفس الظروف رغم انها من عندنا المبلغ الطالباهو اكتمل ..
يعني نحن نعرف المستهبل من المحتاج كيف ؟؟

[ZANOON]

تعرف ياحزن الحراز...
انا بمروا علي اشكال والوان...
لكن مره في زول ضربنا في وتر حســــــــــــــــــــــــاس خلاص..
وزولنا معروف ومن ناس مدني..لكن ربنا ابتلاه بالشحده...
بجي بقول داير (يعمل اكفان للميتيين...وعطور ..ريحه..)...وكدا..
الزول بديهو حق طاقه قماش ..وبلم حق كم طاقه...
وحاتك لمينا فيهو في السوق ببيع في الطاقات...
هي ..قناعه ...وضعف ايمان...
فربنا سبحانه وتعالي لمن يعطي الانسان نعمه المال بيحب يشوفوا بيعمل بيها شنو...؟؟؟يشكر ..ولا..يكفر...
ولمن بمنع المال من زول داير يمتحنوا ...بيسخط ويلعن...ولا يصبُر..ويؤجر...
هي امتحانات من ربنا سبحانه ونسأله القبول والرضا...
مشكوووووور...

[خالد علونى]

حزن الحراز

الموضوع في حقيقتو شائك
بالرغم من الحوجة عند البعض إلا إننا بقينا نخاف من إنو ندي المحتاج لأنو وبي كل بساطة ما بنقدر نعرف هل في حوجة حقيقية لي المال دا ولا أدمن الشغلانة دي وبقي ما عندو غيرا

المشكلة في أغلب الحالات المسألة دي بتبقي شغل ثابت يعني ما حوجة بس وبي فهم إنو أنا ما دام بقدر أطلع أكبر قدر من القروش بي صورة ساهلة زي دي الجابرني علي أني افتش علي شغل تاني وجوطة ودوشة ووجع دماغ شنو
كدي أعمل ليك تصويت تبع الموضوع دا وشوف راي الناس ما بين الحوجة والمهنة في الشحدة

[آلاء عبد الرحمن]

انا بمرو علي اشكال والوان كل يوم
وفي ناس يومي بجو يشحدو
وفي ناس حافظه اسطوانة وكل فترة بتجي تسمعها

والله بس ربنا يرحم
معظم الناس اخدتها كمهنة ليس الا

[حزن الحراز]

لحقنا المصريين يعني يا حزحز ولا شنو ؟؟:o
مرت علينا حالات كتيره مؤسفه وما بتشبه السودان ..
جاتنا واحده في المكتب وعرضت مشكلتها والجماعه ما قصروا لمو ليها حوجتها وطلعت وصادف اني طلعت مشيت وزارة تانية لقيت نفس الزولة وبي نفس الظروف رغم انها من عندنا المبلغ الطالباهو اكتمل ..
يعني نحن نعرف المستهبل من المحتاج كيف ؟؟


فعلا عزيزتي تفشى الامر بصورة عجيبة
ولكن العجيب ان الامر لايقتصر علينا هنا فقط
ولكنه يشمل جميع العالم في اوكرانيا يلونون وجهوهم
ويفعلون حركات غريبة كالرجال الالين واخر بالموسيقى
كنوع من الفنون التي تجلب المال ولكنها شحدة

[حزن الحراز]

تعرف ياحزن الحراز...
انا بمروا علي اشكال والوان...
لكن مره في زول ضربنا في وتر حســــــــــــــــــــــــاس خلاص..
وزولنا معروف ومن ناس مدني..لكن ربنا ابتلاه بالشحده...
بجي بقول داير (يعمل اكفان للميتيين...وعطور ..ريحه..)...وكدا..
الزول بديهو حق طاقه قماش ..وبلم حق كم طاقه...
وحاتك لمينا فيهو في السوق ببيع في الطاقات...
هي ..قناعه ...وضعف ايمان...
فربنا سبحانه وتعالي لمن يعطي الانسان نعمه المال بيحب يشوفوا بيعمل بيها شنو...؟؟؟يشكر ..ولا..يكفر...
ولمن بمنع المال من زول داير يمتحنوا ...بيسخط ويلعن...ولا يصبُر..ويؤجر...
هي امتحانات من ربنا سبحانه ونسأله القبول والرضا...
مشكوووووور...

لا حول لا قوة الا بالله العلي هل وصلت الي هذه الدرجة
نسأل الله السلامة .. فهذا الامر اصبح كثيرا جدا وخاصة
في المجتمعات المتوسطة

[حزن الحراز]

حزن الحراز

الموضوع في حقيقتو شائك
بالرغم من الحوجة عند البعض إلا إننا بقينا نخاف من إنو ندي المحتاج لأنو وبي كل بساطة ما بنقدر نعرف هل في حوجة حقيقية لي المال دا ولا أدمن الشغلانة دي وبقي ما عندو غيرا

المشكلة في أغلب الحالات المسألة دي بتبقي شغل ثابت يعني ما حوجة بس وبي فهم إنو أنا ما دام بقدر أطلع أكبر قدر من القروش بي صورة ساهلة زي دي الجابرني علي أني افتش علي شغل تاني وجوطة ودوشة ووجع دماغ شنو
كدي أعمل ليك تصويت تبع الموضوع دا وشوف راي الناس ما بين الحوجة والمهنة في الشحدة

ههههه ابو الخلد الموضوع يحتاج الي اكثر من تصويت فعلا نحن
نحتاج الي حل فحتى اذا تم ايجاد المال تبقى الشحد فن لجمع المال
وهي اداة قد تشد المجتمع الي الاسفل فهذه عادات دخيلة لا نعرف
عنها شيء وللكننا طورنها بصورة مذهلة فمنا الذي يعمى والذي يشل
يده وغيرها من الحركات ... نسأل الله السلامة

[حزن الحراز]

انا بمرو علي اشكال والوان كل يوم
وفي ناس يومي بجو يشحدو
وفي ناس حافظه اسطوانة وكل فترة بتجي تسمعها

والله بس ربنا يرحم
معظم الناس اخدتها كمهنة ليس الا

فعلا الاء اصبحت اسطوانة معرفة لدى البعض
والاهم أنهم صاروا يصنعون قصصا خيالية حتى
يحصلوا على المال ..كما قلتي نسأل الله السلامة

[عبدالرحمن مدثر]

حزن الحراز

موضوع فى غايه الاهميه .. سلم يراعك وهو يطوف بنا فى واقع حال اجتماعى مؤسف

والشحده بين واقعها الاجتماعى (حقيقه لاتحتاج الى دليل)

وبين صناعتها (تتعدد الاسباب وبياض النيه يكفينا )

................

فى بلادى كل الناس بقت بعيده من بعض .. وتلاشى البيت الكبير الكان بجمع

والظروف الاقتصاديه اصبحت رخ ضخم يجثم فى قلوب الجميع

بكتب ليك فى المشاركه وانا من جووه السجانه عند منتصف اليوم

توقفت لكى استمع الى امراه ضاق بها الحال

ومن رجل يحتاج الى من يقف بجانبه لان حاله زوجته متاخره

ومن رجل اصيب بتليف فى الكبد وهو يعول 6 بنات

...................

ومن

ومن

والقصه تطول

والحقيقه التى لاجدال فيها ان هذا واقع حال

اى نعم لكل قاعده شواذ

لكن الواقع مؤلم

والنزف مستمر

وبالنيه وحدها نحاول ان نميز بين يعانى وبين من يصطنعها

[عمرالماحي]

انت عارف يا حزن الحراز
في مدني في مجموعه من النساء عاملين تيم ويرك
الكلام ده زمن الوالي السابقه انت عارف النسوان ديل عندهم رئيسه بتوزعهم الصباح علي حسب
برنامج الوالي والله ديل عارفين برنامج الوالي اكتر من ناس المراسم
وبتكتب الطلبات وعندها قاعده بتقولها للنسوان ان تغير التوب كل يوم لون ومره تتبلمي ومره تتحجبي
اها القصه حوجه مع حبه مرضه

[مولانا جلال]

حقيقة الامر خطير بالامس القريب ركبت امجاد ركب جنبى حاج كبير فى السن تجاوز السبعين وطلب ينزلوه الملجة لانو ولدو
طلع من البيت ليهو شهر وقال عرف انو فارش فى ملجة الخضار والله كادت ان ان تنسكب الدموع من اعيننا وكل اصبح يدلو بدلوه من تحدث عن عقوق الوالدبن ومن ضرب الامثال قلبى على جناى وقلب جناى على حجر ، نزلت من العربة بعد ساعة راكب ركشة اشوف ليك زولى فى شارع استديو الساعة يشحد وقفت الركشة قلت احتمال مالقى ولدو وعاوز يرجع حلتهم انزل اساعد سالته يا حاج ولدك مالقيتو قال اى طيب ياابوى لو قروشك ناقصة نتمها ليك الناقص كم والله بدون اى مقدمات القى ليك الحاج تغير شكلا وصوتا وبنهره قال لى ( انت عاوز تعد على قروشى لو عاوز تدينى ادينى ولاشوف ليك شغلة ) .
حقيقة ان الامر اصبح صنعة يتبارى فيها الكثير وماننسى قصص زمان لمان اهلنا قالوا فلان الشحاد مات ولقو ا فى راكوبتو قروش بالجوالات

[محمد الجزولى]

الصديق العزيز حزن
موضوع هام وشائك
الشحده يا حزن اصبحت مهنه .. لها قوانينها .. ودستورها المكتوب وغير المكتوب
لها موظفين وعمال ومدراء ورؤساء عمال
كل عامل في هذه المهنه يعرف حدوده واماكن تواجده التي لا ينبغي عليه ان يتعداها
هنالك من ضاقت به الدنيا فعلا ومد يده ذليلا ولكن صدقني يا محمد ديل قله قليله
على الدوله أن تهتم بهذا الامر وأن توفر لمن انخرط في هذه المهنه دورات تدريبيه وورش تأهيل وادماجهم في مشاريع تعود عليهم بالفائده
التسول او الشحده صارت لها مدارس في بعض الدول .. فقد حكى لي احدهم انه التحق بمعهد للتسول في احدي الدول .. لم اصدقه في البدايه ولكنه اقسم لي ان المعهد موجود وهو يعمل في الخفاء ويخرج متسولين على فترات ويضخ بهم للسوق

[حزن الحراز]

حزن الحراز

موضوع فى غايه الاهميه .. سلم يراعك وهو يطوف بنا فى واقع حال اجتماعى مؤسف

والشحده بين واقعها الاجتماعى (حقيقه لاتحتاج الى دليل)

وبين صناعتها (تتعدد الاسباب وبياض النيه يكفينا )

................

فى بلادى كل الناس بقت بعيده من بعض .. وتلاشى البيت الكبير الكان بجمع

والظروف الاقتصاديه اصبحت رخ ضخم يجثم فى قلوب الجميع

بكتب ليك فى المشاركه وانا من جووه السجانه عند منتصف اليوم

توقفت لكى استمع الى امراه ضاق بها الحال

ومن رجل يحتاج الى من يقف بجانبه لان حاله زوجته متاخره

ومن رجل اصيب بتليف فى الكبد وهو يعول 6 بنات

...................

ومن

ومن

والقصه تطول

والحقيقه التى لاجدال فيها ان هذا واقع حال

اى نعم لكل قاعده شواذ

لكن الواقع مؤلم

والنزف مستمر

وبالنيه وحدها نحاول ان نميز بين يعانى وبين من يصطنعها

اخ عبد الرحممن فعلا الامر محير وقد تكون
تلك المرأة التي روت قصتها صادقة وقد يكون فن
مصطنع حتى تخدعك الله اعلم بما يقولون

[حزن الحراز]

انت عارف يا حزن الحراز
في مدني في مجموعه من النساء عاملين تيم ويرك
الكلام ده زمن الوالي السابقه انت عارف النسوان ديل عندهم رئيسه بتوزعهم الصباح علي حسب
برنامج الوالي والله ديل عارفين برنامج الوالي اكتر من ناس المراسم
وبتكتب الطلبات وعندها قاعده بتقولها للنسوان ان تغير التوب كل يوم لون ومره تتبلمي ومره تتحجبي
اها القصه حوجه مع حبه مرضه

هههههه قصة عجيبة فعلا هذا العمل اصبح مؤسس ويدار
من قبل جهات محترفة بهذه الامور .. قد يكون الامر غير
واقعي للبعض ولكن هذه حقيقة

[حزن الحراز]

حقيقة الامر خطير بالامس القريب ركبت امجاد ركب جنبى حاج كبير فى السن تجاوز السبعين وطلب ينزلوه الملجة لانو ولدو
طلع من البيت ليهو شهر وقال عرف انو فارش فى ملجة الخضار والله كادت ان ان تنسكب الدموع من اعيننا وكل اصبح يدلو بدلوه من تحدث عن عقوق الوالدبن ومن ضرب الامثال قلبى على جناى وقلب جناى على حجر ، نزلت من العربة بعد ساعة راكب ركشة اشوف ليك زولى فى شارع استديو الساعة يشحد وقفت الركشة قلت احتمال مالقى ولدو وعاوز يرجع حلتهم انزل اساعد سالته يا حاج ولدك مالقيتو قال اى طيب ياابوى لو قروشك ناقصة نتمها ليك الناقص كم والله بدون اى مقدمات القى ليك الحاج تغير شكلا وصوتا وبنهره قال لى ( انت عاوز تعد على قروشى لو عاوز تدينى ادينى ولاشوف ليك شغلة ) .
حقيقة ان الامر اصبح صنعة يتبارى فيها الكثير وماننسى قصص زمان لمان اهلنا قالوا فلان الشحاد مات ولقو ا فى راكوبتو قروش بالجوالات

هههههه مولانا هل رأيت كيف هي الحيل انت تساعد
بحسن النية وتجد بالمقابل هذا الموقف نسأل الله السلامة

[حزن الحراز]

الصديق العزيز حزن
موضوع هام وشائك
الشحده يا حزن اصبحت مهنه .. لها قوانينها .. ودستورها المكتوب وغير المكتوب
لها موظفين وعمال ومدراء ورؤساء عمال
كل عامل في هذه المهنه يعرف حدوده واماكن تواجده التي لا ينبغي عليه ان يتعداها
هنالك من ضاقت به الدنيا فعلا ومد يده ذليلا ولكن صدقني يا محمد ديل قله قليله
على الدوله أن تهتم بهذا الامر وأن توفر لمن انخرط في هذه المهنه دورات تدريبيه وورش تأهيل وادماجهم في مشاريع تعود عليهم بالفائده
التسول او الشحده صارت لها مدارس في بعض الدول .. فقد حكى لي احدهم انه التحق بمعهد للتسول في احدي الدول .. لم اصدقه في البدايه ولكنه اقسم لي ان المعهد موجود وهو يعمل في الخفاء ويخرج متسولين على فترات ويضخ بهم للسوق

صاحب المقام فعلا من يحتاج هم القلة ولكن
كيف السبيل لمعرفتهم ومن الصعوبة ذلك
الامر يحاتج لدراسة عميقة وتقصي للمشاكل
وهذا صعب

[حزن الحراز]

فلان الفلاني رأيته في السوق العربي
قبالة الجامع الكبير كان منظر يدمي القلوب قبل العيون
طفل في ريعان طفولته عمره لا يتجاوز 12 عام مدد على الارض
ويده الي الامام ورأسه على الارض ويسيل اللعاب من فهمه
وهو يئن من الالم ويصرخ بحنية تترك في القلب الحسرة واللوعة
فذهب اليه وساعدته بما استطيع ثم ذهبت الي قضاء حاجة لي السووق
وعندما انتهيت كان الليل قد غطى المكان فعدت ادراجاً عائداً للمنزل
ولكني رأيت منظرا يخاله الناس عدياً ولكنني ذهلت رأيت ذلك الطفل ينهض
ويرتدي ملابس غير التي كان عليها ويتعطر بأحسن طيب ويحمل جوواال اخر صيحة
ويدندن بأرق الالحان فقلت في نفسي هل هذا هو الطفل الذي ليس له حول ولا قوة
فقلت سبحان الله ويخلق مالا تعلمون
فعلا الحاجة تولد الابداع

[ZANOON]

تعرف يا حزن الحراز ...
بعرف زول في فريقنا القديم....اتوفي الي رحمه مولاه قبل كم يوم..يعول اسره من 6شُفع...اقعده المرض 5سنوات...
يوم واحد ما مدا يدو لي زول...يعني عز المرض ومصاريفه وتكاليفه..وحوجه الاولاد واحتياجاتهم...آثر درب التعفف..
وبما انو امه سيدنا النبي بخير..فقد شكر لزوجته كل من طرق بابه بظلام..وكفاه شر مدت اليد...
زي ناس المهنه ديل نا بمنعوا الخير من ناس بيستاهلوا زي زولنا دا ..الف رحمه ونور عليه....

[حزن الحراز]

تعرف يا حزن الحراز ...
بعرف زول في فريقنا القديم....اتوفي الي رحمه مولاه قبل كم يوم..يعول اسره من 6شُفع...اقعده المرض 5سنوات...
يوم واحد ما مدا يدو لي زول...يعني عز المرض ومصاريفه وتكاليفه..وحوجه الاولاد واحتياجاتهم...آثر درب التعفف..
وبما انو امه سيدنا النبي بخير..فقد شكر لزوجته كل من طرق بابه بظلام..وكفاه شر مدت اليد...
زي ناس المهنه ديل نا بمنعوا الخير من ناس بيستاهلوا زي زولنا دا ..الف رحمه ونور عليه....

سبحان الله اسأل الله له المغفرة والرحمة
انتعرف يا ذوالنون يذكرني بقصة جميلة لرجل لا اذكر اسمه لكنه
عالم من علماء المسلمين وكان يطوف بالبيت وكان امير المؤمنين
يطوف بالبيت ايضا فأجتمع الناس حوله فقال امير المؤمنين ما الخطب
قالو أنه فلان . لإاته ثم قال له سل تلبى . فرد الشيخ كيف اسألك وأنا
في بيت من يعطي . فأنتظره امير المؤمنين خارجا فلما خرج قال سل تلبى
فقال سبحان الله لم اسأل الله وأنا في بيته فكيف اسألك ... فسبحان الله
صديقك هذا رجل مؤمن وعساه من الصالحين

[ودالعمدة]

حزن الحراز
لقد ازددنا حزنا بما آل إليه الحال
في واقعنا المرير بكثرة السؤال
وقد أبدعوا في صنوف الاحتيال
قصة حقيقية حصلت في مدني
بجوار الجامع العتيق (جامع الحكومة ) :
قالوا بالليل جاء واحد وأطعم المساكين
حول الجامع أرزاً باللبن وفيه مادة منومة
وقام بالبحث وسرقة ما يملكه الشحاتون
وهى ملايين الجنيهات وهرب بها ؟؟؟
يعنى إبداع في الشحتة وفنون في السرقة
هذه إحدى ثمرات المشروع الاحتضارى !

[تغريدا]

حزن الحراز
لقد ازددنا حزنا بما آل إليه الحال
في واقعنا المرير بكثرة السؤال
وقد أبدعوا في صنوف الاحتيال
قصة حقيقية حصلت في مدني
بجوار الجامع العتيق (جامع الحكومة ) :
قالوا بالليل جاء واحد وأطعم المساكين
حول الجامع أرزاً باللبن وفيه مادة منومة
وقام بالبحث وسرقة ما يملكه الشحاتون
وهى ملايين الجنيهات وهرب بها ؟؟؟
يعنى إبداع في الشحتة وفنون في السرقة
هذه إحدى ثمرات المشروع الاحتضارى !


كلام عجييييييييييييييييب وشئ مؤسف
أخى حزن الحراز حقيقة لمست جرح كبير وغائر غائر وللأسف زايد والشكيه لى أبيدن قوية