سؤال لو سمحتو

[ود المطامير]

فى يوم سماية بتى شهد قبل 12 يوم تقريبا
كنت جائ من أبوظبى وماشى منطقتنا والمسافه تقريبا 300 كيلو متر
أهاا .. لما قطعت نص المشوار ضرب لى واحد صاحبى وإتونس معاى وسألنى
_ إنتا ضبحت خروف السمايه ؟
_ لا والله لسه وهسى أنا راجع من أبوظبى وماشى منطقتنا والباقى لى ساعه وشويه إن شاء الله
_ لكن كدا ما ح تحصل
_ أحصل شنو ؟
_ السمايه
_ كيف يعنى ؟
_ ما هو المغرب ح يدخل بعد دا وتانى إلا بعد إسبوع تانى
_ عليك النبى ؟
_ هه هه هه هه ، إنتا يا مطاميرو أوع تكون سميت بالليل لواحد من أولادك التلاته
_ ما متذكر والله
_ هه هه هه هه
_ يا زول هووووى مع السلامه وخلينى أشوف لى حل

كلام صاحبى دا جهجهنى وخلانى أضرب تلفون لواحد مولانا صاحبى وقال لى نفس الشئ
يلا مسكتنى أم هلا هلا ، قمت ضربت لسواق هندى يعمل معانا فى مؤسستنا فى نفس منطقتنا وقلت ليهو
تمشى طيران الزرايب وتمشى الزريبه الفلانيه وتشيل خروف أنا موسمو ودافع حقو وتمشى المسلخ
لكن أهم شئ من يجيك الجزار ومن ينزل الخروف وقبل أن يعمل أى شئ أعمل لى مسكول

وفعلا .. شال الخروف ومشى المسلخ ومن الجزار نزل الخروف قال ليهو أقيف وعمل لى مسكول وضربت ليهو
وقلت ليهو أدينى الجزار وأدانى ليهو وقلت ليهو وهو باكستانى

_ أسمع
_ نعم
_ الخروف دا أنا عاوزه سمايه معلوم ؟
_ معلوم معلوم
_ أها سمايه يعنى شنو ؟
_ الله أعلم
_ أهااا .. دا أنا الكنت خايف منو ؟ سمايه يعنى خروف حق إسم بنت جديده
_ أيوااا ... ( عقيقه ) يعنى
_ سبحان الله ، عليك نور .. اااى عقيقه
_ تمام تمام ، مع السلامه
_ أقيف أقيف هووووى ها
_ نعم ؟
_ مع السلامه شنو ؟ ح تسميها لى إنتا ؟
_ شنو كلام ؟ ما يفهم
_ هسى إنتا عرفت ح أسميها شنو ؟
_ أيوااا ... شنو الإسم ؟
_ أيوااا ... بعد تقول الدعا حق الضبح تقول إسمها شهد
_ أوكى ... أوكى ، باى
_ ياخ دقيقه إنتا مالك مستعجل كدا ؟
_ نعم
_ أها ... ح تقول الإسم شنو ؟
_ مافى مشكله رفيق
_ لا قولو لى
_ إنتا قول الإسم تانى
_ شهد ... شهد
_ أيواااا ... شهد
_ اااى كدا
_ مع السلامه
_ مع السلامه

وقلت للهندى أديهو الرسوم حق الضبح وخلى اللحم عندهم أنا بغشاهم

وجيت بعد داك غاشيهم وجابو لى اللحم وقلت ليهم وينو الجزار اللى ضبحو
ونادوهو لى وسألتو

_ أها .. لما ضبحت قلت إسمها شنو ؟

عاين جاى وجاى وقال لى

_ آخوى ، كذب مافى زين ، أنا يشيل خروف بعد كلام مال إنتا وإجيب داخل مسلخ ويسوى دعاء ميه الميه
لكن إسم إنسى ، لكن مافى مشكله أنا كلام ... يا رب هو شنو قال الإسم بس هو ذاتو .

أها ... أعيد السمايه ولأ كيف ؟

[عنكوليب]

غايتو انا بقول رأي : انت صاحب مال السماية ،،
والبنت بنتك ،، وفد سميتها منذ ان نوت به ،،

السماية ماشة يا زول ،،،

بعدين سماية شنو هي ال يوم 12 دي ؟
وتاني في المرة الجاية ،، تسمي ساعة ولادة الطفل ،،
بعد ان تسمي الله وتكبر تقل له اسمه/ا ، وتؤذن ( بس بالراحة) ،،

[ابو عبد الرحمن]

غايتو انا بقول رأي : انت صاحب مال السماية ،،
والبنت بنتك ،، وفد سميتها منذ ان نوت به ،،

السماية ماشة يا زول ،،،

بعدين سماية شنو هي ال يوم 12 دي ؟
وتاني في المرة الجاية ،، تسمي ساعة ولادة الطفل ،،
بعد ان تسمي الله وتكبر تقل له اسمه/ا ، وتؤذن ( بس بالراحة) ،،
والله يا عنكولبية شيخة عديل كدي ما شاء الله تبارك الله .. اها يا مطره امسك كلام
الشيخة عنكوليبة دي كويس .. انسى الفكرة وجلي المنظر .. وقرض على كدي ..
الاسم ما عندو علاقة بالعقيقة .. وبعدين السماية في 7 و14 و 21 ...يوم كلو يجوز ..والله اعلم

[ودسمير]

فى يوم سماية بتى شهد قبل 12 يوم تقريبا
كنت جائ من أبوظبى وماشى منطقتنا والمسافه تقريبا 300 كيلو متر
أهاا .. لما قطعت نص المشوار ضرب لى واحد صاحبى وإتونس معاى وسألنى
_ إنتا ضبحت خروف السمايه ؟
_ لا والله لسه وهسى أنا راجع من أبوظبى وماشى منطقتنا والباقى لى ساعه وشويه إن شاء الله
_ لكن كدا ما ح تحصل
_ أحصل شنو ؟
_ السمايه
_ كيف يعنى ؟
_ ما هو المغرب ح يدخل بعد دا وتانى إلا بعد إسبوع تانى
_ عليك النبى ؟
_ هه هه هه هه ، إنتا يا مطاميرو أوع تكون سميت بالليل لواحد من أولادك التلاته
_ ما متذكر والله
_ هه هه هه هه
_ يا زول هووووى مع السلامه وخلينى أشوف لى حل

كلام صاحبى دا جهجهنى وخلانى أضرب تلفون لواحد مولانا صاحبى وقال لى نفس الشئ
يلا مسكتنى أم هلا هلا ، قمت ضربت لسواق هندى يعمل معانا فى مؤسستنا فى نفس منطقتنا وقلت ليهو
تمشى طيران الزرايب وتمشى الزريبه الفلانيه وتشيل خروف أنا موسمو ودافع حقو وتمشى المسلخ
لكن أهم شئ من يجيك الجزار ومن ينزل الخروف وقبل أن يعمل أى شئ أعمل لى مسكول

وفعلا .. شال الخروف ومشى المسلخ ومن الجزار نزل الخروف قال ليهو أقيف وعمل لى مسكول وضربت ليهو
وقلت ليهو أدينى الجزار وأدانى ليهو وقلت ليهو وهو باكستانى

_ أسمع
_ نعم
_ الخروف دا أنا عاوزه سمايه معلوم ؟
_ معلوم معلوم
_ أها سمايه يعنى شنو ؟
_ الله أعلم
_ أهااا .. دا أنا الكنت خايف منو ؟ سمايه يعنى خروف حق إسم بنت جديده
_ أيوااا ... ( عقيقه ) يعنى
_ سبحان الله ، عليك نور .. اااى عقيقه
_ تمام تمام ، مع السلامه
_ أقيف أقيف هووووى ها
_ نعم ؟
_ مع السلامه شنو ؟ ح تسميها لى إنتا ؟
_ شنو كلام ؟ ما يفهم
_ هسى إنتا عرفت ح أسميها شنو ؟
_ أيوااا ... شنو الإسم ؟
_ أيوااا ... بعد تقول الدعا حق الضبح تقول إسمها شهد
_ أوكى ... أوكى ، باى
_ ياخ دقيقه إنتا مالك مستعجل كدا ؟
_ نعم
_ أها ... ح تقول الإسم شنو ؟
_ مافى مشكله رفيق
_ لا قولو لى
_ إنتا قول الإسم تانى
_ شهد ... شهد
_ أيواااا ... شهد
_ اااى كدا
_ مع السلامه
_ مع السلامه

وقلت للهندى أديهو الرسوم حق الضبح وخلى اللحم عندهم أنا بغشاهم

وجيت بعد داك غاشيهم وجابو لى اللحم وقلت ليهم وينو الجزار اللى ضبحو
ونادوهو لى وسألتو

_ أها .. لما ضبحت قلت إسمها شنو ؟

عاين جاى وجاى وقال لى

_ آخوى ، كذب مافى زين ، أنا يشيل خروف بعد كلام مال إنتا وإجيب داخل مسلخ ويسوى دعاء ميه الميه
لكن إسم إنسى ، لكن مافى مشكله أنا كلام ... يا رب هو شنو قال الإسم بس هو ذاتو .

أها ... أعيد السمايه ولأ كيف ؟









كده اولا خلينا من الاسم ... مبروووووووووك ...

انت يا مطاميرو حتى فى الامارات ساكن بعيييييييييييييييد 300 كيلو من ابو ظبى .. انت متاكد انك فى الامارات ؟!!

[عنكوليب]

اها يا ابو عبدالرحمن لقيتني كيف ؟
الله يستر غايتو ،،، من العلالات

ويطرشني ما سمعت ب سماية 12 يوم دي ،،

يعني يا مساميرو عليك حاله ،،،

[ام ساره]

اها يا ابو عبدالرحمن لقيتني كيف ؟
الله يستر غايتو ،،، من العلالات

ويطرشني ما سمعت ب سماية 12 يوم دي ،،

يعني يا مساميرو عليك حاله ،،،
حاجة لفحو هو قال ليكم قبل ١٢ يوم ماقال سمها في ١٢ انتي الجماعة عادوك كر علي جاهلة وصغيرة.

[ود المطامير]

غايتو انا بقول رأي : انت صاحب مال السماية ،،
والبنت بنتك ،، وفد سميتها منذ ان نوت به ،،

السماية ماشة يا زول ،،،

بعدين سماية شنو هي ال يوم 12 دي ؟
وتاني في المرة الجاية ،، تسمي ساعة ولادة الطفل ،،
بعد ان تسمي الله وتكبر تقل له اسمه/ا ، وتؤذن ( بس بالراحة) ،،
الله يديك العافيه ، طمنتينى

طبعا الإسم مجهزنو من بدرى ونوينا عليهو

والسمايه ما اليوم ال 12 ، لا أنا قلت قبل 12 يوم
وقبل 12 يوم كان إسبوعها الأول ، يعنى سمينها فى أول إسبوع ليها

وتانى المره الجايه نهى زندقى ;) غايتو إلا إذا أرد الله ذلك

وتصدقى أول ما إتولدت .. وكانت بتبكى علشان جيعانه وأمها كانت تحت التخدير
قمت أذنت ليها ... وحات الله هدأت بصوره لما أنا إتكيفت ;)

[ود المطامير]

والله يا عنكولبية شيخة عديل كدي ما شاء الله تبارك الله .. اها يا مطره امسك كلام
الشيخة عنكوليبة دي كويس .. انسى الفكرة وجلي المنظر .. وقرض على كدي ..
الاسم ما عندو علاقة بالعقيقة .. وبعدين السماية في 7 و14 و 21 ...يوم كلو يجوز ..والله اعلم



هع هع هع هع

اااى والله والخوف تشيل من حيرانى ;)

يديك العافيه يا الحبيب

[ود المطامير]

كده اولا خلينا من الاسم ... مبروووووووووك ...

انت يا مطاميرو حتى فى الامارات ساكن بعيييييييييييييييد 300 كيلو من ابو ظبى .. انت متاكد انك فى الامارات ؟!!
هع هع هع هع
حبيبنا الغالى ، ياخ إشتقنا ليك فى النفاج

تسلم وبارك الله فيك يا الحبيب

تعرف ؟ أنحنا على حدود السعوديه ، 90 كيلو بس
وكمان بعد ال 300 كيلو من أبوظبى تانى مشوار عييييييييك لحد جزيرتى دى ;)

[ود المطامير]

اها يا ابو عبدالرحمن لقيتني كيف ؟
الله يستر غايتو ،،، من العلالات

ويطرشني ما سمعت ب سماية 12 يوم دي ،،

يعني يا مساميرو عليك حاله ،،،
هع هع هع هع

غايتو أم ساره الله يخليها لينا ، ردت ليك

[ود المطامير]

حاجة لفحو هو قال ليكم قبل ١٢ يوم ماقال سمها في ١٢ انتي الجماعة عادوك كر علي جاهلة وصغيرة.

;););););););););)

وحات الله مفروض تكونى مشرفه ;)

[عنكوليب]

حاجة لفحو هو قال ليكم قبل ١٢ يوم ماقال سمها في ١٢ انتي الجماعة عادوك كر علي جاهلة وصغيرة.

يا اخوانا يعني الواحد هني ما يغلت ،،
أم سارة ،،، أصبري عاد ،،، فتحتي لروحك طاقة ابقي أقدري عليها ،،،
ان ما احرش ليك الشمشار ،،، تسييييفي ؟

ومطاميرو أريتو يطمر فيك ،،
ان شاء الله ،،،

[عنكوليب]

الله يديك العافيه ، طمنتينى

طبعا الإسم مجهزنو من بدرى ونوينا عليهو

والسمايه ما اليوم ال 12 ، لا أنا قلت قبل 12 يوم
وقبل 12 يوم كان إسبوعها الأول ، يعنى سمينها فى أول إسبوع ليها

وتانى المره الجايه نهى زندقى ;) غايتو إلا إذا أرد الله ذلك

وتصدقى أول ما إتولدت .. وكانت بتبكى علشان جيعانه وأمها كانت تحت التخدير
قمت أذنت ليها ... وحات الله هدأت بصوره لما أنا إتكيفت ;)



هع هع هع هع

اااى والله والخوف تشيل من حيرانى ;)

يديك العافيه يا الحبيب

حيرانك ديل منو يا اخـــــــــــــــــــــــــــوي ان شاء الله ؟؟؟؟؟

[ود المطامير]

حيرانك ديل منو يا اخـــــــــــــــــــــــــــوي ان شاء الله ؟؟؟؟؟
أبو المراوح والبكاى ;)

[عنكوليب]

أبو المراوح والبكاى ;)

بحســــــــــــــــــــــــــــــــب !!!!

[مايسة]

هع هع هع هع
حبيبنا الغالى ، ياخ إشتقنا ليك فى النفاج

تسلم وبارك الله فيك يا الحبيب

تعرف ؟ أنحنا على حدود السعوديه ، 90 كيلو بس
وكمان بعد ال 300 كيلو من أبوظبى تانى مشوار عييييييييك لحد جزيرتى دى ;)


محسوب علينا ساااااااااااااي معناتو انت ;):p

[نزار احمد كوارتي]

كده اولا خلينا من الاسم ... مبروووووووووك ...

انت يا مطاميرو حتى فى الامارات ساكن بعيييييييييييييييد 300 كيلو من ابو ظبى .. انت متاكد انك فى الامارات ؟!!


لو سمحته ما تنبِز نحن بي جاي طرف السوط لِحِقنا

بالزقاق:-

رقم تلفونك سريع في رساله في الخاص يا حبيب

[المسافر]

أصبر يوم يومين كده ، عايزين نعمل لينا فرع في النفاج بتاع الفتاوي برئاستي بس نعمل الفرع طوالي بنفتي ليك في موضوع ( العقيقة ) ده ، بس في أشياء لازم نعرفها وهي :

إسم المولودة :
إسم الهندي :
نوع الخروف :
ونوع الهاتف :

وإن شاء الله سوف تسمع خبر حلو ، بس جهز حق الخروف التاني للضمان

[ود المطامير]

بحســــــــــــــــــــــــــــــــب !!!!;);););););););)

[ود المطامير]

محسوب علينا ساااااااااااااي معناتو انت ;):p
هههههههههههههههههههههههههههه
هع هع هع هع

ونزار العريس ذاتو
ساكن معانا فى نفس المنطقه
ومكان شغلو جمب القيفه حقت جزيرتى

[ود المطامير]

لو سمحته ما تنبِز نحن بي جاي طرف السوط لِحِقنا

بالزقاق:-

رقم تلفونك سريع في رساله في الخاص يا حبيب
هع هع هع هع هع هع

[ود المطامير]

أصبر يوم يومين كده ، عايزين نعمل لينا فرع في النفاج بتاع الفتاوي برئاستي بس نعمل الفرع طوالي بنفتي ليك في موضوع ( العقيقة ) ده ، بس في أشياء لازم نعرفها وهي :

إسم المولودة :شهد
إسم الهندي :محمد كوتى
نوع الخروف : جزيراوى
ونوع الهاتف :دو

وإن شاء الله سوف تسمع خبر حلو ، بس جهز حق الخروف التاني للضمان
والله يا المشاترأصلو ما بتطمن كلو كلو

[ام ساره]

يا اخوانا يعني الواحد هني ما يغلت ،،
أم سارة ،،، أصبري عاد ،،، فتحتي لروحك طاقة ابقي أقدري عليها ،،،
ان ما احرش ليك الشمشار ،،، تسييييفي ؟

ومطاميرو أريتو يطمر فيك ،،
ان شاء الله ،،،
ههههههههههههههههههههههههههههه عنكوليبة والله قطعتي مصاريني بالضحك. قلت تحرشي لي منو؟ هههههههههههه خلي روحك رياضية.

[isamzaki1978]

أصبر يوم يومين كده ، عايزين نعمل لينا فرع في النفاج بتاع الفتاوي برئاستي بس نعمل الفرع طوالي بنفتي ليك في موضوع ( العقيقة ) ده ، بس في أشياء لازم نعرفها وهي :

إسم المولودة :
إسم الهندي :
نوع الخروف :
ونوع الهاتف :

وإن شاء الله سوف تسمع خبر حلو ، بس جهز حق الخروف التاني للضمان

ومعاه كبد ابل بدل تأخير

[عنكوليب]

ههههههههههههههههههههههههههههه عنكوليبة والله قطعتي مصاريني بالضحك. قلت تحرشي لي منو؟ هههههههههههه خلي روحك رياضية.

والخواف ما بريدو ،،،

[mahagoub]

انت مجهجهنا معاك مالك
الجزيره ما فيها خرفان ؟؟
اضبح اى حاجه يا اخى

[ود المطامير]

انت مجهجهنا معاك مالك
الجزيره ما فيها خرفان ؟؟
اضبح اى حاجه يا اخى
الجزيره يا عمك فيها غزال
الواحده تقيف ليك فى نص الظلط
وتضرب ليها بورى ربع ساعه ما تزح

[صلاح ودالطاهر]

يازول تعيد السمايه وشيل شيلتك سماية البت في رقبتك

[ود المطامير]

يازول تعيد السمايه وشيل شيلتك سماية البت في رقبتك
يا زول هى هسى بقت تضحك ، سماية شنو تانى كمان ؟ ;)

[mahagoub]

يا زول هى هسى بقت تضحك ، سماية شنو تانى كمان ؟ ;)

انت اول مره يجيك مولود
اصول السمايه ما عارفا ؟
اسأل ود الطاهر يوريك كم خروف
ووقت وطريقة الذبح