كـرسـي الـنـجـوم ... مع ودالـعـمـدة

[بت أم درمان]

http://i41.tinypic.com/1enuh.gif


http://i39.tinypic.com/2ut6tti.gifhttp://i39.tinypic.com/2ut6tti.gifhttp://i39.tinypic.com/2ut6tti.gifhttp://i39.tinypic.com/2ut6tti.gifhttp://i39.tinypic.com/2ut6tti.gifhttp://i39.tinypic.com/2ut6tti.gif



نبدأ معكم مع بداية السنة الجديدة
بوست حـ يكون شهري إن شاءالله
وهو
كرسي النجوم

http://i39.tinypic.com/2ut6tti.jpghttp://i39.tinypic.com/2ut6tti.jpghttp://i39.tinypic.com/2ut6tti.jpghttp://i39.tinypic.com/2ut6tti.jpghttp://i39.tinypic.com/2ut6tti.jpghttp://i39.tinypic.com/2ut6tti.jpg

[بت أم درمان]

http://i41.tinypic.com/2d2hx54.jpg

ونحن بإنتظار أول نجم يطل علينا

http://wadmadani.com/vb/showthread.php?t=44015

[بت أم درمان]

http://i44.tinypic.com/n5qyww.jpg


البوست حـ يكون مرتبط ببوست نجم الشهر
يعني البوست الحائز على النجومية صاحبه يجلس بكرسي النجوم

http://i44.tinypic.com/n5qyww.jpg


ضيفنا نجم شهر ديسمبر 2011
ود العمدة

http://i44.tinypic.com/n5qyww.jpg


نجمنا له بصمة واضحة بالمنتدى
قدم الكثير والكثير
وأثبت وجوده بما سطره

http://i44.tinypic.com/n5qyww.jpg


وهاهي الفرصة حانت لنتعرف على جوانب اخرى عنه
من خلال أسئلتكم ومحاورته

http://i44.tinypic.com/n5qyww.jpg


فأهلا وسهلا بك
نجمنا ودالعمدة
مع تمنياتي لك بقضاء أجمل الأوقات وأطيبها

http://i44.tinypic.com/n5qyww.jpg

[ريمون]

حباب ود العمده ..
تعال أولاً اتكلم عن نفسك وتجربتك في المنتدي ..
وبنجيك تاني ..

[بت أم درمان]

بالنسبة لموضوعك الحائز على النجومية
الثقة بالنفس هل هي فن صعب؟

عندما سألتك هل الموضوع لك اومنقول؟
قلت انه من دفاتر قديمة من ايام الثانوي

حدثنا عنه ؟
متى وكيف ولماذا كتبته؟

[ahmed algam]

بوست اكثر من رائع

**** **** ****


نجوم تضئ سماء منتدانا الحبيب


اتفضل نجمنا الساطع لشهر ديسمبر


ود العمدة

[عبدالرحمن مدثر]

فرحانه بيك كل النجوم

ودالعمده حبيب الكل

تحياتى ياغالى

جيت اسلم

وابارك

واهنىء

[عبدالرحمن مدثر]

سعديه تحياتى لك

فكره جميله ورائعه

فمن يتميز بيراعه حرى بنا ان نحتفى به لنصل معه الى عوالم ابداع رحبه

تلامس السماء .. ونخربش سويا مع النجوم



خربشه ..

كرسى النجوم مع ودالعمده

او اى تعبير اخر يكمل (كرسى النجوم ) لكى ينبه المتصفح على ماهيه النجوم

يعنى انا مثلا بكره النجوم دى .. ماخليتها تعدى الا عشان الاحمر ودالعمده

[الفارس البنفسجي]

بت امدرمان

كرسي النجوم فكرة رائدة ومتميزة
وهي إضافة للمنتدى
وآملي أن نسعد بنجوم سيدة المدائن

[آلاء عبد الرحمن]

فكرة جميلة
لكي نتقترب اكثر من نجومنا
:)

[بت أم درمان]

سعديه تحياتى لك

فكره جميله ورائعه

فمن يتميز بيراعه حرى بنا ان نحتفى به لنصل معه الى عوالم ابداع رحبه

تلامس السماء .. ونخربش سويا مع النجوم



خربشه ..

كرسى النجوم مع ودالعمده

او اى تعبير اخر يكمل (كرسى النجوم ) لكى ينبه المتصفح على ماهيه النجوم

يعنى انا مثلا بكره النجوم دى .. ماخليتها تعدى الا عشان الاحمر ودالعمدة

وبالجد انا سعيدة جدا بي طلتك عبدالرحمن مدثر

وسعيدة كمان لانك اضفت للعنوان
كرسي النجوم مع ود العمدة
وجاري التعديل

[محمد الجزولى]

صانع الجمال ود العمده
فرحين حد الثمالة بهذه الطله
فأنت ممن جمعوا بين الريشة والقلم
فنا ....وإحساسا ..
ترحيب كبير
وأنت نجما من نجوم المنتدى
بت أم درمان تحية وسلام

[مايسة]

بعد غياب -
نرحب بعودة الكرسي الساخن بإسم آخر يحمل داخله
معنى وبُعد ثاني - يجعل الجميع ان شاء الله نجوم بدون تحيز
--------------------------
خربشة زي بتاعت الدفعة خرباش
اذا تكرر الفائز سيتم الاختيار عشوائيا ولا سيتم الرجوع للنجوم في السنة الفائتة بالترتيب؟
--------------------------
يسلمو مشرفى العام
------------------
نرحب بالنجم ود العمدة
وأكيد من المنتظرين للتعرف على شخصك الكريم

[بت أم درمان]

--------------------------
خربشة زي بتاعت الدفعة خرباش
اذا تكرر الفائز سيتم الاختيار عشوائيا ولا سيتم الرجوع للنجوم في السنة الفائتة بالترتيب؟
--------------------------
يسلمو مشرفى العام
------------------



الله يسلمك مايسة

سؤال جميل ومميز زي صاحبته
طبعا يا ميسو ما حيكون في تكرار ان شاءالله
حتى اذا اتكرر النجم
حتى نجم الشهر واضعين له تصور
يعني النجم ما يتكرر اكثر من ثلاثة شهور
لإتاحة الفرصة لنجوم أخرين
و كرسي النجوم حـ يكون شامل لكل اقسام المنتدى
ما حـ يكون حكر على العام لذلك ما حـ يكون في تكرار

شكرا ميسو

[بت أم درمان]

بت امدرمان

كرسي النجوم فكرة رائدة ومتميزة
وهي إضافة للمنتدى
وآملي أن نسعد بنجوم سيدة المدائن




سعيدة جدا
لان الفكرةعجبتكم
شكرا ضياءالدين

[ساريه]

كرسى النجوم ...
وللنجوم ضوء يسطع ويملاء المكان نوراً ... ود العمده نجم وعمود من اعمدة المنتدى ... شكراً بت امدرمان على هذا البوست وبانتظار ود العمده ....

[عنكوليب]

الثقة التي تحدثت عنها ود العمدة ،،، تجعلنا
الأن نصفق لك هيبة وجمالا ،،

دائما مرتق يارب ،،،

للثانوية جمال ذكرى في نفوسنا جميعا ،،

بت ام درمان كلنا ثقة فيك يا اميرة ،،

[ايمن عبد الله]

تسلمي يا بت امدرمان ..
اهنئك وكل المشرفين على هذه الفكرة الجميلة الجديدة الملعوبة ..

والى الامام ..

الحبيب ود العمدة .. بنرجع ليك .. ان شاء الله ..
دي زيارة خفيفة هسة ..

[محمد الجزولى]

ود العمده وينك ياخ

[ودالعمدة]

الشوق للقياكم إذ جن الدُجى..أوأشرقت شمس على الأزمان
ينداح هنا إخوة وأحبة .... هم في الفؤاد مشاعل الإيمان
سأظل أذكركم بحجم مودتي .... فمحبتي فيض من الوجدان
فلتذكروني بالدعاء فإنني .... في حبكم أرجوا رضا الرحمن

[صلاح ودالطاهر]

شكراً جزيلاً بت امدرمان ومشرفي المنتدى العام على هذا الجهد ونتمنى لود العمده اقامه طيبه
قبل كل شي البطاقه الشخصية

[ودالعمدة]

السلام عليكم ورحمة الله وبركاته
والحمد لله والصلاة والسلام على رسول الله
أعتذر بدءا لظروف خاصة عن التاخير
وشكرى الجزيل لأختنا بنت أم درمان
وأتمنى أن يكون هذا اللقاء لمزيدا من التواصل
مع الأحبة فى المنتدى

[ودالعمدة]

أهني الكوكبة الجديدة وأمنياتي لهم بالتوفيق إن شاء الله
خصوصا لأختينا في الإشراف بالعام وماشاء الله عينا باردة
ضربة البداية فكرة كرسي النجوم والتي تجددت بشكل جميل
وأتمنى دوماً المحافظة على روح الابتكارات بمثل هذه الروعة

ليتحقق الأمل : نلتقي لنرتقي ...

[بت أم درمان]

السلام عليكم ورحمة الله وبركاته
والحمد لله والصلاة والسلام على رسول الله
أعتذر بدءا لظروف خاصة عن التاخير
وشكرى الجزيل لأختنا بنت أم درمان
وأتمنى أن يكون هذا اللقاء لمزيدا من التواصل
مع الأحبة فى المنتدى

مرحباً بكَ ود العمدة
وشكراً لأنك قبلت الدعوة

[ودالعمدة]

حباب ود العمده ..
تعال أولاً اتكلم عن نفسك وتجربتك في المنتدي ..
وبنجيك تاني ..

مع عصر العولمة وسهولة الاتصال والتخاطب المسموع والمرئي حيث هنا نختار من نحادثه ،
جاءت مساحة المنتديات والتي هي بمثابة بث مباشر للأفكار وتبادل الأراء وسرعة التواصل
ولكنها من وراء حجاب وينقصها حميمية التلاقي وكأنها لقيا على استحياء
وهنا الآخرون من يختاروا لقراءة ما نكتب ... وأقصد هنا الكتابة بأنواعها المختلفة
السياسية - الدينية - الثقافية - الأدبية – العلمية – الاجتماعية والتوثيقية وغيرها
ولا يخفى على أحد أن المنتديات كتاب مفتوح للجميع لكل الأعمار والثقافات
وعلى الكاتب وضع المادة في كوب أنيق ليسهل تناوله وهضمه
كما تعتبر المنتديات مجالا واسعا لإظهار المواهب
فكم من شخص يملك الموهبة العالية والفريدة وجد ضالته هنا فى صقلها ...
وفى تقديري أفضل عدم كتابة مواضيع كثيرة ذات فائدة قليلة ،
ولكنني أحبذ كتابة مواضيع قليلة ذات فوائد كثيرة ان شاء الله ،
وليست كثرة الردود والمشاركات تعنى أهمية الموضوع بل الأثر والانطباع والفائدة هو المهم
كما أنه ليس بالضرورة أن يوافق الجميع على رؤيتى لأمر ما فلكل وجهة
نظره التى أحترمها ..
وعموما للمنتديات فوائد كثيرة فهي مصدر للمعلومات ومنبر للعلم والثقافة وخدمة للمجتمعات والأعمال الإنسانية
فضلا عن التواصل بيننا ونشر التآلف والمحبة ..
والحمد لله منتديات ودمدنى جعلتنا نتعارف وكأننا أسرة واحدة ...
شكرا ريمون

[تغريدا]

أبدعتى والله يابنوته ( الاسم شفيته من مدنية الله يذكرها بالخير)
حباب الأخ ودالعمدة ومبروك النجومية وحقيقة حنسعد بيك فى كرسى النجوم

[ودالعمدة]

بالنسبة لموضوعك الحائز على النجومية
الثقة بالنفس هل هي فن صعب؟
عندما سألتك هل الموضوع لك اومنقول؟
قلت انه من دفاتر قديمة من ايام الثانوي
حدثنا عنه ؟
متى وكيف ولماذا كتبته؟

نحمد الله كثيرا إننا تلقينا التعليم في عصر ذهبي
وأزجى صوت شكر لكل من تعلمنا على يديه
في مدرسة الأهلية (أ) المتوسطة
حيث كان فيها منابع من النشاط
الجدران الخارجية للفصول معلق عليها
مجلة المعرفة وهى موسوعة لكل العلوم والثقافات
بالإضافة إلى منشط الجمعيات الأدبية
وحصص المكتبة وغيرها
وكذلك عاصرنا أساتذة أجلاء في مدني الثانوية
وكنا نقرأ المجلات والكتب التى نتحصل عليها
من مكتبات مضوى والفجر وسودان بوكشوب
فضلا عن المكتبات الشعبية ( الأرضية )
بجوار حديقة سليمان وقيع الله
ومكتبة البلدية والمركز الثقافي البريطاني
هذا التشبع الثقافي والذي تميزت به مدينتنا عن غيرها
مما جعلها مركز إشعاع ننهل منه بشغف ونهم
وكانت حصة الإنشاء محببة لدى خاصة
إذا ما ترك لنا الأستاذ حرية اختيار الموضوع
وكانت جُل المواضيع عن العلاقات الإنسانية
كان منها موضوع : الثقة هل هي فن صعب ؟
وكان مضمونه زرع الثقة مطلق الثقة في الآخرين
وبالأخص فيما يتعلق بأداء أي تكليف
وشكرا بنت أم درمان

[ودالعمدة]

الاعزاء
أحمدعلقم
عبدالرحمن مدثر
ضياء الدين محمد يوسف
محمدالجزولى
ايمن عبدالله

الأخوات
آلاء عبدالرحمن
مايسة
سارية
عنكوليب
وتغريدا
جئتُ اليكم كي ألقي التحية
معى الأزهار فوحا مخملية
وأسطر البوح حروفاً أبجدية
***************
لهؤلاء أهدي التحية والسلام
للطفلِ يحبو فوقَ أرصفةِ الكلامْ . . .
للأُمِّ وَهْيَ تَزِقُّهُ بمكارمِ الأخلاقِ . .
للأَبِ عائداً بِحصادِ ساعدِهِ الحلالِ
مُعَطَّراً بِنَدى الجبينِ . . .
وللينابيعِ . . . البساتينِ . . . الحَمامْ . . .
لِعَصاً تَوَكَّأَها العجوزُ . .
لفارسٍ كبَت الصروفُ بهِ فقامْ
للحُرِّ يأْنَفُ أَنْ يُضيمَ
ويأْبى أَنْ يُضامْ . . .
للصُّبْحِ يغسلُ بالضياءِ الدربَ
من وَحْلِ الظلامْ . . .
لِلَّيلِ ينسجُ من حريرِ نسيمِهِ
بُرَدَ المَسَرَّةِ للنِيامْ . . .
للنهرِ والواسوق . . للمحراثِ . . .
للوَتَدِ الذي شَدَّ الخِيامْ . . .
لَغَزالةٍ بَرِّيَّةٍ أَنِسَتْ بها الصحراءُ . .
للراعي . . الرَّبابةِ . . للخُزامْ . . .
ترانيمٍ من منيةِ القلبِ المُتَيَّمِ
بالصلاةِ وبالصيامْ

أما أستاذى صلاح ودالطاهر
سأعود لسؤالك بعد المذاكرة !

[خالد 000 ابقرجة]

عمدتنا 000
وحفيد عمدتنا محمد سعيد 000
عدت الي هنا بعد طول غياب 000
أتلمس وداداً ما انقطع 000
وتواصلاً أضحي حبلاً سرياً لا تحيا دواخلنا الا به 000
فوجدت صدر العام مزدان بك نجماً يشع برقاً وسنا 000

فلك مني الحب وجميل المني 000

وأمني نفسي بمكان في مقدمة الصفوف أمام كرسيك 000
طالباً نجيباً يجيد الإستماع والتدوين حينما يتحدث أهل الحكمة والذوق 000

وقبل عودتي اليك مرة أخري 000

تحية عبرك لـ (سعدية ) 000

التي دوماً عودتنا علي كل مبتكر وجديد بهذا الكرسي الذي تم ربطه بنجم الشهر 000
بعد أن غاب دهراً 000

[ودسمير]

ود العمده ...

جد انت نجم يضئ سماء المنتدى ... وانا متابع جيد لكل ابداعاتك ..

سؤال ... وداير اجابه ( ليس فيها كسير تلج )..

لو قلنا اعطى اجازه ( عارضه ) شهر لبنات حواء وشهر لاولاد آدم ...

فى اى شهر يتاثر المنتدى سلبا ؟

[ريمون]

ود العمده .. متابعين ..
خالد ابقرجة .. منور المنتدي ..
وإن شاء الله دائما منور ..

[ودالعمدة]

شكراً جزيلاً بت امدرمان ومشرفي المنتدى العام على هذا الجهد ونتمنى لود العمده اقامه طيبه
قبل كل شي البطاقه الشخصية

أستاذي صلاح ود الطاهر
دعنى أكتب هنا بطاقة شخصية
غير هذه المختومة بختم الدولة

الاسم : لما علمت بأن قلبي فارغٌ ** ممن سواك ملأته بهداكَ
وملأت كلى منك حتى لم أدع ** منى مكاناً خالياً لسواكَ
الميلاد : أنت الذي ولدتك أمك باكيا ** والناس حولك يضحكون سرورا
المهنة : فاعمد إلى عمل تكون إذا بكوا ** في يوم موتك ضاحكاً مسرورا
الهواية : يا باكيا فرقة الأحباب عن شحطٍ ** هل بكيت فراق الروح للبدن
نور تردد فى طين إلى أجل فانحـ ** ـاز علوا وخلى الطين للكفن
ياشد ما افترقا من بعد ما اعتلقا ** أظنها هدنة كانت على دخن
إن لم يكن في رضي الله اجتماعهما ** فيالها صفقة تمت على غبن

[ودالعمدة]

عمدتنا 000
وحفيد عمدتنا محمد سعيد 000
عدت الي هنا بعد طول غياب 000
أتلمس وداداً ما انقطع 000
وتواصلاً أضحي حبلاً سرياً لا تحيا دواخلنا الا به 000
فوجدت صدر العام مزدان بك نجماً يشع برقاً وسنا 000

فلك مني الحب وجميل المني 000

وأمني نفسي بمكان في مقدمة الصفوف أمام كرسيك 000
طالباً نجيباً يجيد الإستماع والتدوين حينما يتحدث أهل الحكمة والذوق 000

وقبل عودتي اليك مرة أخري 000

تحية عبرك لـ (سعدية ) 000

التي دوماً عودتنا علي كل مبتكر وجديد بهذا الكرسي الذي تم ربطه بنجم الشهر 000
بعد أن غاب دهراً 000


مرحبا.. أبو آية ... مع كل شروق شمس وغروبها ..
مرحبا... عدد نجوم السماء اللامعة في دروبها ...
مرحبا ... حين تتهادى أهازيجا فينا أمواج البحر...
مرحبا...عندما تغنى قطرات الندى على الزهر ...
مــرحبا بعودتك بعد الغياب ...
إذا بُعد المكان فقد قُصر الزمان
لأن سرعة التواصل تبقى دوما عالية
فأنت مكانك في مقدمة قلوبنا
وعندما رأيت حروفك هنا صحت (وجدتها ... وجدتها )
وتجدني مشبع باللهفة بانتظار العودة

[محمد الجزولى]

ما بين الريشة والقلم يتقاطع الإبداع ليهبنا جمالا أنت صانعه
س سؤال : لماذا تركت الريشة وأنت تجيد التلوين بها ..
ود العمده : صباحك ورد

[ابوالنور]

عصفورين بحجر وحاة الله ده كلام جميل
والبداية مشرفة جدن مع الراقي ود ود مدني السني
الباشا ود العمده
ياخ منور وحاة الله
اها نسيت اقول ليك يا بت ام در
حلوة وجديده وناجحة بأذن الله

[ابوالنور]

اها نسيت اقول ليك يا بت امدر


بطريقتكم دي ح تضيعو المشرفين من الكرسي

[ودالعمدة]

ود العمده ...
جد انت نجم يضئ سماء المنتدى ... وانا متابع جيد لكل ابداعاتك ..
سؤال ... وداير اجابه ( ليس فيها كسير تلج )..
لو قلنا اعطى اجازه ( عارضه ) شهر لبنات حواء وشهر لاولاد آدم ...
فى اى شهر يتاثر المنتدى سلبا ؟

الحبيب ود سمير
يديك العافية يا غالى
هسى منو فينا البكسر فى التلج عز الشتاء
كل واحد منا ليهو ظروفه ومشاغله قد تغيب أياما
أو أسابيع لكن شهر كتير جدا
بعدين الإجازة نحتاجها للراحة من التعب
والمنتدى مكان للراحة طالما يتم فيه اللقاء مع الأحباب
وفى تقديري لا يوجد شهر يتأثر المنتدى سلبا بالغياب
ولكن توجد شهور تزداد فيها كثافة الحضور
احتراماتى ودسمير

[ودالعمدة]

ما بين الريشة والقلم يتقاطع الإبداع ليهبنا جمالا أنت صانعه
س سؤال : لماذا تركت الريشة وأنت تجيد التلوين بها ..
ود العمده : صباحك ورد

الأديب ودالجزولى
مساء / صباح الورد
ربما لأن فنون الريشة صارت علماً لم يتثنى لي دراسته
وربما تتطلب الريشة الجمع والمزج بين الألوان
وربما أحب التعامل مع لون واحد

14092
حافظ ابراهيم شاعر النيل

وربما يمثل القلم بث مباشر
ربما كل ما ذكر صحيح

14093

[مدنيّة]

نجم النجوم في كرسي النجوم
إن شاء الله يرحب بيك ياقول النسوان ):

---------
بنرجع ليك برواقة باذن الله ياسر
جينا نسجل حضور

[نزار حسن محمد]

حباب ود العمدة
اسمعنى يابوى نحن ناس عنقريب هبابى وكباية قهوة وعلبة برنجى
ونسه صباحى ..وعشان ننداح معاك بندور البطاقه الشخشيه 1+1=2
بنمشى ونجيك ..وحبابك الف

[ودالعمدة]

عصفورين بحجر وحاة الله ده كلام جميل
والبداية مشرفة جدن مع الراقي ود ود مدني السني
الباشا ود العمده
ياخ منور وحاة الله


أبوالنور
قصدك حجار كتيرة في عصفور واحد !!
وحات الله منور أنت يا ابوالنور
الجمال نعمة إلهية في دواخلنا
إذا رعيناها بالحمد لله دوما تجدها فينا تأتنق
وإذا أهملناها بالجحود مرة غرقت مثل تايتانك
أذكر أنى منذ مايقرب من حولين
حضرت إلى عمارة عباس كنين
وجلست ع النت زى ساعتين
ولما لم أجدك قلت (ياربى انت وين ؟ )

[ابوالنور]

الحبيب ود سمير
يديك العافية يا غالى
هسى منو فينا البكسر فى التلج عز الشتاء
كل واحد منا ليهو ظروفه ومشاغله قد تغيب أياما
أو أسابيع لكن شهر كتير جدا
بعدين الإجازة نحتاجها للراحة من التعب
والمنتدى مكان للراحة طالما يتم فيه اللقاء مع الأحباب
وفى تقديري لا يوجد شهر يتأثر المنتدى سلبا بالغياب
ولكن توجد شهور تزداد فيها كثافة الحضور
احتراماتى ودسمير
عاين
ممكن اصفق يا شباب

[ابوالنور]

أبوالنور
قصدك حجار كتيرة في عصفور واحد !!
وحات الله منور أنت يا ابوالنور
الجمال نعمة إلهية في دواخلنا
إذا رعيناها بالحمد لله دوما تجدها فينا تأتنق
وإذا أهملناها بالجحود مرة غرقت مثل تايتانك
أذكر أنى منذ مايقرب من حولين
حضرت إلى عمارة عباس كنين
وجلست ع النت زى ساعتين
ولما لم أجدك قلت (ياربى انت وين ؟ )
ما محظوظ انا عاد اسوي شنو
توااااالي رايح الله يكون في عوني
اكون طالبك يا راقي ساعتين
رايك شنو ؟

[ودالعمدة]

نجم النجوم في كرسي النجوم
إن شاء الله يرحب بيك ياقول النسوان ):

---------
بنرجع ليك برواقة باذن الله ياسر
جينا نسجل حضور


أختنا مدون
مراحب بأم جمال
نجم النجوم حتة واحدة
بالطريقة دى أطالب بتسجيلى مكان فيصل العجب
هسى أنا قلت ميسى
وربنا يديك العافية والرواقة
ويدينا كأس أندية أفريقيا
بعد مارديت لقيت مشاركتى طشت
دا كله من البرير

[الجندي المجهول]

حباب العمدة في كرسي العمودية (النجومية)

سؤال عالماشي ....
انت جاي راجع السعودية متين ؟؟
لمن تكون (لوحدك) ومزاجك (اخر روقان - زي انا الليلة كدا ) بتسمع منو ؟

مجرد سؤال .. هل يجوز (العرش على كدا في الكرسي الساخن)
لو يجوز (اعرش على كدا)

لو ما بجوز

اعمل (نايم)


تخريمة :

[بت أم درمان]

عاين
ممكن اصفق يا شباب

http://i40.tinypic.com/2uo30h5.gif

[ودالعمدة]

حباب ود العمدة
اسمعنى يابوى نحن ناس عنقريب هبابى وكباية قهوة وعلبة برنجى
ونسه صباحى ..وعشان ننداح معاك بندور البطاقه الشخشيه 1+1=2
بنمشى ونجيك ..وحبابك الف

الحبيب أبسفروق
حبابك واليوم السعيد الليلة جابك
جر العنقريب وأديها رقدة وسرحة
سفروقنا النتر حجّر دريب السرحة
حضوركم يمين مكتملة بيهو الفرحة
معانا الهمبريب يشيل الهموم والجرحة
البطاقه الشخشيه 1+1=2
الاسم : ياسر محمد خير محمد سعيد ( العمدة )
المهنة : مهندس مدني
الدراسة : مدرسة الشرقية الابتدائية و مدرسة مدني الأهلية (أ)
ومدرسة مدنى الثانوية و أخيراً جامعة الخرطوم
العمل : تنقلت بين القطاع العام و الخاص وحالياً مرحلة العودة للغربة
الحالة الاجتماعية : متزوج واحدة فقط ! وأب لبنت واحدة والحمد لله
الباب متاقى ياود أخوى من قبيل
جيب سفروقك وتعال راجينك بالحيل

[ودالعمدة]

بالنسبة للأسرة الكبيرة آخى الأكبر صيدلي فى أم درمان
وأخي الأصغر طبيب فى مكة المكرمة
ولى خمسة شقيقات أربعة منهن متزوجات
في مدني والخرطوم والدمام
والصغرى أستاذة في جامعة القرآن الكريم بمدني .
وبحكم عمل الوالد عليه رحمة الله كقاضي شرعي تنقلنا في مدن السودان
ولكن أحلى الأيام كانت في حي المدنيين حيث الذكريات الجميلة ...

[ودالعمدة]

14095

وبهذه المناسبة أهديكم قصيدة مدني
للشاعر إيهاب صلاح السعيد ( ابن خالي ) :

أنت يامهد الطفولة ومرتع أيام الصبا
ياهبة الأزرق ووادي المها والظبـــــا
عشقي برغم الجور نبعا لن ينضبـــــا
فى حضرة جمالك نجواى همسا تأدبا
أنت أمسى ويومي وغدي و له أترقبا
ياواحة وارفة الظلال بالسندس متغشبا
كم من فتاة و فتى وبانتمائه لك معجبا
ونحن بنوك صون عهودك علينا واجبا
أنت في حدق العيون بنورهواك مرحبا
يا آية من الآيات بك يزدان الجمال تقربا
حبك ثوى بالحنايا وذكرك للنفوس محببا
وأنتى هنا بعصب السكون موجا صاخبا

14096

[ودالعمدة]

حباب العمدة في كرسي العمودية (النجومية)
سؤال عالماشي ....
انت جاي راجع السعودية متين ؟؟
لمن تكون (لوحدك) ومزاجك (اخر روقان - زي انا الليلة كدا ) بتسمع منو ؟
مجرد سؤال .. هل يجوز (العرش على كدا في الكرسي الساخن)
لو يجوز (اعرش على كدا)
لو ما بجوز
اعمل (نايم)

تخريمة :

الغالى جندينا
المنتدى نور بعودتك
العودة قريباَ إن شاء الله وزى ماقلت ليك ...
دوماَ أحب سماع الكلمة الجميلة الصادقة
واعرش على كده

[عاشق الترحال]

ود العمده لك مني الف تحيه

اقيف يا زول ما تعرش جلس (بكسر الجيم ) الكمر لسه ما ختوهم .

نتمني ان يتواصل هذا الابداع

وتقبل تحياتي
ودمتم بود

[ودالعمدة]

ود العمده لك مني الف تحيه
اقيف يا زول ما تعرش جلس (بكسر الجيم ) الكمر لسه ما ختوهم .
نتمني ان يتواصل هذا الابداع
وتقبل تحياتي
ودمتم بود


عاشق الترحال
مرحبا بك وياهلا
العرش دا جابو الجندى
لزوم الطابق الأرضى !
ماسمعت بقصة الجعلى
الدايه قالت ليهو : مبروك جابو ليك تؤام
قال ليها : حرم تشيلى ليك واحد !!!
لن يجف المداد
ولن يتوقف الابداع
طالما هناك ودمدنى
سعدت كثيرا بحضورك
لأني مثلك أعشق الترحال

[نزار حسن محمد]

وادى قعده جنب حبيبنا ود العمده
كدى النجر عنقريبى من الشمس ونقعد لك كويس
وهاك الدوباى ده من هديه
جمعوها وفتقوها وعتقوها
وعتقوها وفتقوها وجمعهوها
وصفوها ثم روقها ثم اراقوها
قطرات نغم فى دلع طنبور ندي
وتباريح صب فى أنات صوت شجى
ثم زفوها الى المسامع لتشجى
عمـــــــدتنا
هيع عفيت منك يا جمل الشيل
حديثك كهدير الماء الزلال
جالسين ومتابعين ياباشمهندس

[عبدالرحمن مدثر]

انت عارف ياعمده انا من زمن كنا اطفال وادونا فصول سنه

نفسى اعرف شكل فصل (الربيع ) دا عامل كيف

لكن خاب ظنى بين مطر وشتاء وسخانه تزلط

واليوم مع تعريفه مجازا (الربيع العربى )

برضو شكلو ساااقط من اجندتنا


@@@@


لماذا نحن (مع التشديد )لاى حاجه زمااااان

الكوره زماااان

زمن حدثنا فيه مذيع على قناه دبى الرياضيه ان اللاعب الاشهر فى العالم (بيليه )

خلال زيارته التاريخيه للسودان اعجب بالكره السودانيه وتوقع لها شاننا كبيرا

وقبل ان يكمل جملته اذا بعلاء الدين يوسف يخمش ليك واااحد ويطلع بكرت ملون ويخلى المذيع

يتوقف عن الامنيات

@@@

نحن اول ناس نعمل اى حاااجه

قالوا الربيع العربى غشانا زماااان

[عبدالرحمن مدثر]

عمده


مازلنا سويا فى مركبه فضائيه راجعه للخلف عكس بقيه خلق الله عشان نفتش عن كل ماهو جميل

السلم والثعبان

السلم سلم سبدرات بكل خرمجته الواضحه جليا فى تلميذ يذهب من الاساس الذى لااساس له للمرحله الثانويه وهو لايعرف حتى لفك الخت

رجعتنى بذكرياتك عن المرحله الوسطى بكل القها ونضاره ايامها والتخمه الاطلاعيه التى جعلتنا نفخر بها

السلم والثعبان مع ارهاصات خرمجه جديده فى محاوله اصلاح ماافسده الشفت سبدرات

والسلم والثعبان كلعبه طفوليه جميله عندما تهم بالوصول الى (الميس ) لكنك فجاءه ترجع تانى لسنه اولى

[ودالعمدة]

وادى قعده جنب حبيبنا ود العمده
كدى النجر عنقريبى من الشمس ونقعد لك كويس
وهاك الدوباى ده من هديه
جمعوها وفتقوها وعتقوها
وعتقوها وفتقوها وجمعهوها
وصفوها ثم روقها ثم اراقوها
قطرات نغم فى دلع طنبور ندي
وتباريح صب فى أنات صوت شجى
ثم زفوها الى المسامع لتشجى
عمـــــــدتنا
هيع عفيت منك يا جمل الشيل
حديثك كهدير الماء الزلال
جالسين ومتابعين ياباشمهندس

الغالى نزار ود حسن
وادى قومة نقالد فيها الحبايب

تسلم أب سفروق يا التلفى ساة العترة
وياجبل الضرى ويا الري نهارالخترة
عندك طبعة وكتين تدر إيدك تتــرى
زى صفق الأراك الشم ريحة النترة

وشكراَ للهدية يالخزين
جيب اضانك :
نحنا ناس هدير نضمى ساكت
علا انتو ناس تسونامى البيان بالعمل
وتانى مشتاقين

[ودالعمدة]

انت عارف ياعمده انه من زمن كنا اطفال وادونا فصول السنه
نفسى اعرف شكل فصل (الربيع ) دا عامل كيف
لكن خاب ظنى بين مطر وشتاء وسخانه تزلط
واليوم مع تعريفه مجازا (الربيع العربى )
برضو شكلو ساااقط من اجندتنا
@@@@
لماذا نحن (مع التشديد )لاى حاجه زمااااان
الكوره زماااان
@@@
نحن اول ناس نعمل اى حاااجه
قالوا الربيع العربى غشانا زماااان

الحبيب أبومزن
هلا وغلا
ياخرباش دا موضوع كارب
هسى ابدا ليك من وين
كدى تعال نشوف الرابط دا عشان تفش غبينتك فيهو :
الزمن في فيلم الحنين للمخرج الروسي آندريه تاركوفسكي قراءة سينمائية

http://avb.s-oman.net/showthread.php?t=1296768

ورأيى أن الحياة حلقات متزنة و مترابطة بين الماضى والحاضر والمستقبل
بمعنى الحاضر هو واقعنا المعاش ولكن بعين استقراء للماضى وعين استقبال للقادم ،
ولو صار الواقع هو الحلقة الأضعف يتم الاستقواء بحلقة الماضى (دائما) لخلق التوازن النفسى
وليكن ذلك فقط لاستخلاص العبر ( كما نقرأ فى قصص القرآن الكريم )
وليس للبكاء على الأطلال و كما صور الشاعر :
نعيب زماننا والعيب فينا ** وما لزماننا عيب سوانا ....
والربيع العربي دا بجيك ليه برواقة
وزماان فى مجلة العربي الكويتية باب اسمه أنت تسأل ونحن نجيب
وزمااااااااان ياخرباش كان البقعدو فى الكرسى دا هو اللى بيسأل

[ودالعمدة]

يا حبيب جينا بعد الرواقة
تعجبنى كتاباتك فهى بطريقة قص السلويت
الربيع المناخي عندنا قصير لدرجة عدم شعورنا به
والربيع العربي عندنا ضعيف لدرجة عدم إدراكنا له
والربيع اللي غشانا زمااان ولد يتيما ودفن حياً
صحيح نحنا أول ناس نعمل أى حاااجة
ولكننا أول ناس نضيع نفس هذه الحاجة
فهل أنت معي ؟

[ودالعمدة]

عمده
مازلنا سويا فى مركبه فضائيه راجعه للخلف عكس بقيه خلق الله عشان نفتش عن كل ماهو جميل
السلم والثعبان
السلم سلم سبدرات بكل خرمجته الواضحه جليا فى تلميذ يذهب من الاساس الذى لااساس له للمرحله الثانويه وهو لايعرف حتى لفك الخت
رجعتنى بذكرياتك عن المرحله الوسطى بكل القها ونضاره ايامها والتخمه الاطلاعيه التى جعلتنا نفخر بها
السلم والثعبان مع ارهاصات خرمجه جديده فى محاوله اصلاح ماافسده الشفت سبدرات
والسلم والثعبان كلعبه طفوليه جميله عندما تهم بالوصول الى (الميس ) لكنك فجاءه ترجع تانى لسنه اولى


عندما نتصفح الماضي بحثاً عن كل جميل
لسببين الأول واقعنا متشبعاً بالبؤس والمعاناة
والثاني لكي ما نبقى على شعرة معاوية بيننا والجمال
أما الرجوع للخلف بسبب عدم معرفتنا لاتجاه الطريق
وأما سلم التعليم لمحى الدين صابر ولمن جاء بعده
هو سلم للهبوط فقط وبدون ( قلبات )- landings
ولن نبلغ الميس طالما بقي هذا الثعبان يلدغنا
مع العلم أن كل الأمصال فاسدة
وسنبقى منتظرين الخريف الجميل
حتى ينشد المغنى :
الحقن اتملن والدابي جاتو فضيحتـو
ومو خاتي ان مرق ضاقت عليه فسيحتـو
اندش السرح وكرفت هواهو منيحتـو
والمحريب شهق فتح قزايز ريحتـو

[عاشق الترحال]

اربع رسائل يا ود العمده ....!!!!

لمن ترسلها

[بت أم درمان]

http://i39.tinypic.com/29xunlu.gif


و إلى هنا نكون قد وصلنا لختام جلستنا مع نجمنا ودالعمدة
واحب قبل مغادرتي ان اشكرك على قبولك الأستضافه
وعلى اجاباتك ورحابة صدرك
كما اشكر كل من مر هنا مشارك وقارئ ومرحب
فالشكرلكم جميعاً على التواجد
وانتظرونا مع نجم جديد
الله اديكم العافية

مع تحيات مشرفي العام

[بنت الرفاعي]

:):):)

استمتعنا بالرغم من قلة ما كُتب
(طمّاعين (للكلمات طبعاً):o)،
ولكن الجمال يلفه (كل ما كُتب)،
فشكراً للجميع.

:):):)

[شيكو]

http://i39.tinypic.com/29xunlu.gif


و إلى هنا نكون قد وصلنا لختام جلستنا مع نجمنا ودالعمدة
واحب قبل مغادرتي ان اشكرك على قبولك الأستضافه
وعلى اجاباتك ورحابة صدرك
كما اشكر كل من مر هنا مشارك وقارئ ومرحب
فالشكرلكم جميعاً على التواجد
وانتظرونا مع نجم جديد
الله اديكم العافية

مع تحيات مشرفي العام



بت أمدرمان ياغالية
ازيك ومشتاقين كتير كتير
يعني أمش أتقيف وأجي راكب تكسي مخصوص عشان أحصل ود العمده
حبيبي وأخويا
ألقاكم شحنتو عفشو وركبتوهو الطيارة؟
سمونا رضينا يا الحنينة
خلاص سؤالنا لي ود العمده
نوجهوا لله سبحانه وتعالي انو يوفقو ويعدل خطوتو
وليكم انتو كلكم ربنا يعدل خطوتكم ويوفقكم
وربنا يساعد الجميع عشان ترجع منتديات مدني قبلة الانظار
ونشوفا رائعة جميلة زي أول
ومليانة بالحب لانو هو البقرب ليها الناس
نبقي فعلا كتار وهدفنا واحد
ودايما الكيف وليس الكم
خليتكم في أمان الله
وتسلمو كلكم يارب.

[mahagoub]

ود العمده تألق وابداع
فى الردود الدبلوماسيه والادبيه والفنيه
فقد امتعتنا معك فى رحلة قصيره وسط زخات حروفك النديه
دمت وفى انتظار عودتك

[ودالعمدة]

اربع رسائل يا ود العمده ....!!!!
لمن ترسلها

أختم بهذه الرسائل أخي عاشق الترحال
كنت خايف أفوت والسكة بيك ماتلمنى
رسالة احترام : لك وللمتداخلين وللمشرفين خاصة بنت أم درمان وريمون وبنت الرفاعى
رسالة محبة : لكل أعضاء المنتدى الرحيب المشاركين والضيوف
رسالة مودة : لكل السودان وناس مدني ولأسرتي الكبيرة والصغيرة
رسالة وداع : أدعو الله أن يجمعنا على الخير ومحبته دوماً ...




ألقاكم شحنتو عفشو وركبتوهو الطيارة ؟
خلاص سؤالنا لي ود العمده
نوجهوا لله سبحانه وتعالي انو يوفقو ويعدل خطوتو
وتسلمو كلكم يارب.


أخى الحبيب شيكو
عارف الطيارة دى أقصد الكرسي دا بدأ من ود مدني
وبعد دعواتكم المباركة ورحلة الزمكان
الحمد لله وصلت إلى المدينة المنورة

[ودالعمدة]

ود العمده تألق وابداع
فى الردود الدبلوماسيه والادبيه والفنيه
فقد امتعتنا معك فى رحلة قصيره وسط زخات حروفك النديه
دمت وفى انتظار عودتك

الحبيب الغالى عمنا محجوب
لقد تعلمنا كل فنون الحياة والمحبة والجمال من أمنا ... أم المداين
لقد عدنا ... وأجمل ما كان هنا وهناك
هو التقائي بك مرتين في ودمدنى وفى ودمدنى. كوم