حمل التومه

[الشمشار]

سلامات
بعد غيبه من الكتابه في المنتدي من امس والحمد لله عدنا ميه ميه وعاد المنتدي 300في الميه لنسرد لكم بعض القصص الفكاهيه من حلتنا الشماريه
التومه جارتنا بلغت من العمر اكتر من عمر هنايه ديك بي عشره سنه
ما تعاينو لي بقصد
( علويه الحشريه ام 44 سنه طبعا ما ام 44 الحشره )
هسع انا قلت حاجه تجيب الرقيب
نرجع لي موضوعنا
اها التومه دي بعد ان بلغت ارزل العمر اتزوجها جارنا المرتو ماتت قبل 15سنه
وبما انو التوماند جيري (ده لقب التومه )
عروس جديده
فحلاه الدنيا عليها قايله نفسها لسه صغيرونه جاهله
فلبست الحلق والاسكريتي والوش فسختوووووووو
( ده الكلام البتعب الناس واحدين )
بس غلبها تمسح الشلوخ المطارق
لكن في النيه تسافر لبنان تحقن سليكون وتمسح المطارق
انا جاااااااااااي للقصه خلوكم قرااااااااااب

[الشمشار]

نواصل
وقفنا في انو التومه قررت بينها وبين روحها تمش تحقن سليكون وتمسح الشلوخ المطارق اها طبعا التومه زبون دائم لي نانا ونانا دي ست الكوافير الجنبنا ولا اقول ليكم بيوتي سنتر
المهم في الموضوع اصبحت نانا بين يوم وليله مستشار التومه التي تغير اسمها من التومه لي عسلهم
(ودي من تحت راس الشمشار هو الاداها اللقب ده ) او الاسم الجديد ده كانت التومه في تلك الايام مكان تندر الجميع فهي رغم سنين عمرها التي قاربت للخمسين الا انها شايفه نفسها ناس سلافه وربي ورشا ذاتهم ماقدرها
(ديل بنات راجلها من مرتو الاولي )
ولعبت نانا براس التومه وبقت التومه كل خمسه يوم يا مصبغه شعرها يا قاصاهو يا اما عامله روج من الاضان لي الاضان
(ده السبب الخلاني اسميها عسلهم روج الجن ده ) صحينا ذات يوم علي زغروده من اطلق الزغروده هي التومه التي وبدون مقدمات كده قالت للناس كلهم انها حامل
وبما انو التومه زوله مواصله ووناسه مع الكبير والصغير ناس الحله رغم عدم تصديقهم لخبر حمل التومه فرحو فرح مابعده
دقايق انا عندي حاجه صغيرونه في الشغل اعملها واجي
علوني جيب حفاظه مويه واقعد انتظرني في البوست ده
عنكوليب جيبي ليك شيبس واتفرجخي في واطه البوست ده لامن اجي
جاااااااااااااااي
تكويشه
اتفرجخي يعني بتوع يعني اقعدي

[الشمشار]

نواصل
التومه حامل iiiiiiiiiiiiiiiiiiii ينطقها الجميع بكل هذا التعجب المخلوط بفرح الزول البقولو لي مرتك حامل في اول مولود
ام رخم الله جارتنا
(نديده التومه )
ونديده يعني بتوعه يعني قدرها في العمر الله يأزي الديجتل العلم الناس الطنقعه ونساهم عباراتهم الحلوه

ام رخم الله دي بحكي ليكم قصتها بس هسي خلونا في حلم التومه اقصد حمل التومه
ام رخم الله هي الوحيده الماكانت مصدقه ولا فرحانه ذاتو في الحله لكن ناس الحله بما انهم بحبو التومه شديد واقفين في صف التومه ومصدقنها
ورسلو لي علويه الدايه للكشف علي التومه والغريبه انو علويه الدايه عندما سألت التومه عن الاعراض التي تعانيها كانت اجابات التومه مؤيده لوجهه النظر انها حامل
(هسي تقولو الشمشار ده تالتن والدخلو في كلام الحريم شنو؟ )
ماتظلموووووووني
الموضوع بقي موضوع الحله
واي زول بتكلم في
والتومه بقت تتوحم
يوم تتوحم علي تبش بالشطه تلقي الحله كلها اليوم داك بنات علي شباب علي ناس كبار بياكلو معاها التبش بالشطه
ويوم تتوحم علي طين البحر تلقي الحله كلها زي الجهال ياكلو في الطين
(ده السبب الجاب ليك الحصوه يا الشمشار )
ويومها الاتوحمت علي الكسره بي الطماطم بي زيت السمسم
قبل يعملوها انا مرقت مشوار عشان الكسره مابتنفع معاي
ناس الحله كلهم بجاملو التومه والتومه كل يو م تتوحم علي شئ مختلف لكن الشئ الحير ناس الحله وخصوصا النسوان انو شافع الجن ده ما ظهر
(يعني بطنها مابرزت لي بره )
انا اشرح ليكم يجي الرقيب يتفشي فيني انا انا مالي ومال دقوهو وقلعو حقو
نرجع للتومه
قامن نسوان الحله اقنعنها انو يمشو الدكتور يعملو موجات صوتيه وبعد عملو الموجات الصوتيه الدكتور اكد انو التومه ماحامل لكن التومه ابت تقتنع انا ذاااااااااتي ما اقتنعت خليكم من التومه

والحله كلها اصيبت باحباط لانهم عايشو مع التومه حلمها الجميل لكن الله ما اراد
نقطه سطر موزوووون
التومه زوله جميله في كل تصرفاتها عشان كده ناس الحله حبوها
نقطه سطر موزون وزنه خفيفه
امثال التومه انقرضو من مجتمعنا
نقطه سطر في الرف
التومه نحن كلنا اولادك
نقطه ونقطتين وتاني شرطتين
ربي لاتحرم بيت من الاطفال
اخر نقطه (نقطه ماسوره بس )
القصه كملت

[خالد أحمد الصول]

أيها الجميل ... قد حلقت بنا و طوفت حتي سرحنا
ما هذا يا صبي
إنك عبقري يوثق للماضي القريب
شكرا للدهشة و السعادة التي أدخلتها علي

[صلاح ودالطاهر]

واصل يا حبيب

[عنكوليب]

عنكوليب جيبي ليك شيبس واتفرجخي في واطه البوست ده لامن اجي
جاااااااااااااااي
تكويشه
اتفرجخي يعني بتوع يعني اقعدي

تتفرجخ في سوق الموليتا ،،، قول آمين ،،،

شوفو الشافع يا أولاد أمي ،،، أصبر بلاقيك ،،،

بس اليوم داك الا يحلنك كرعيك ،،، فللـــــــــــــــي ،،،،

تحفه يا الشمشار ،،، لقد سررت كثيرا بسردك اللطيف ،،،عشت يا ..... !!!

[ضياء الدين احمد]

رائع يا ايها الشمشار - شمشرتك شمشرة السرور

[بت أم درمان]

تتفرجخ في سوق الموليتا ،،، قول آمين ،،،




;) :p :rolleyes:

[الشمشار]

أيها الجميل ... قد حلقت بنا و طوفت حتي سرحنا
ما هذا يا صبي
إنك عبقري يوثق للماضي القريب
شكرا للدهشة و السعادة التي أدخلتها علي

تسلم استاذنا بعضآمما عندكم ياناس مدني
تدوم السعاده
يا استاذ خالد وممنون لك لكلماتك وحضورك الطاغي

[الشمشار]

واصل يا حبيب

القصه انتهت قبييييييييييييل
التومه طلعت بتتوهم سااااااي لاحامل لاشئ

[الشمشار]

عنكوليب جيبي ليك شيبس واتفرجخي في واطه البوست ده لامن اجي
جاااااااااااااااي
تكويشه
اتفرجخي يعني بتوع يعني اقعدي

تتفرجخ في سوق الموليتا ،،، قول آمين ،،،
سوق الموليتا ده بتاع الصين موش كدي هههههههههههه
شوفو الشافع يا أولاد أمي ،،، أصبر بلاقيك ،،،
راااااااااااااااااحل تلمي فيني وييييييين؟
بس اليوم داك الا يحلنك كرعيك ،،، فللـــــــــــــــي ،،،،
هههههههههههه عشان كده اشتريت عصايات دفع رباعي للزنقات الزي دي
تحفه يا الشمشار ،،، لقد سررت كثيرا بسردك اللطيف ،،،عشت يا ..... !!!

تسلمي اختنا عنكوليب ويارب دائمآ في سعاده ومرح
هوووووي انا ماشي معاك سوق الموليتا ده اوعك تمشي تخليني عصاياتي علي رجلك
(هههههههه علي وزن رجلي علي رجلك بس ده وزن معوقين ههههههههههههه)

[الشمشار]

رائع يا ايها الشمشار - شمشرتك شمشرة السرور

تسلم يارائع منورني ياضياء وضياك عم المكان

[الشمشار]

;) :p :rolleyes:

يدوووووووووووووووم يابت ام درمان

[عنكوليب]

يدوووووووووووووووم يابت ام درمان


ياربي ال في النص ده لمنو يا بت امدرمان ،،
اصبري ،، بلقاك يهناك ،،
تسلمي يالحبيبـــه ،،،
:)
اللسان ده ليك انت يا شماشيرو ،،، الحـــق بت ام درمان ،،مسافرة ،،

[mahagoub]

باقى ليك لى هسع عشمانه انها تحمل


الحلوين من اهلنا وتميزهم فى الفريق كثر


واصل

[الشمشار]

يدوووووووووووووووم يابت ام درمان


ياربي ال في النص ده لمنو يا بت امدرمان ،،
اصبري ،، بلقاك يهناك ،،
تسلمي يالحبيبـــه ،،،
:)
اللسان ده ليك انت يا شماشيرو ،،، الحـــق بت ام درمان ،،مسافرة ،،

تسافر وين بعد مدت لي لسانها الليله مابخليها ما بخليها

[الشمشار]

باقى ليك لى هسع عشمانه انها تحمل


الحلوين من اهلنا وتميزهم فى الفريق كثر


واصل

والله دي لي هسي عشمانه علي سيره عشمانه في بوست اسمو عشمانه الطرشانه كتبتو قبل 6شهور هسي بنكتو وبجيبو هنا