ترشيح بوست النفاج المميز لآخر شهر في السنه دي

[نزار احمد كوارتي]

بسم الله الرحمن الرحيم
والصلاة والسلام على سيدنا محمد النبي العربي الهاشمي الأمين
أيها الإخوة والناعِمات

تحية طيبة وبعد،،،
نظراً لأنه في الفتره الأخيره المُنصَرِمه وبالتحديد في الفتره ماقبل وبعد الحادي عشر من سبتمبر, هي أقصُد نوفمبر , تم إبعادي وإبتعادي وانا لي زمان بنادي, المُهِم لم أتمكن من دخول المنتدي رغم جميع محاولاتي اليائسه والتي باءت بالفشل الزريع (طبعاً الزريع ده راجل الزِريعه البِسوو بيهُ راجل الآبري)’ أهااااااا قام شِنو يا نزاااااااار؟؟؟!!! آآآآي قام هِناي, البِتاع داك إختفي ولِمُده ليست بالقصيره رغم أنه لم ولن يتجاوز عُمر الزهور فقرر أن يلجأ إلي عمر البشير.
أيها الإخوه والناعمات:-
لم تكن العلاقات النفاجيه والمنتدييه بصفه عامه والدبلوماسية بين جميع الأعضاء وبين المشرفين والمشرفين وبين المشرفين والأعضاء في عمومها، تسير على وتيرة واحدة، وإنما كانت متباينة في طبيعتها عمقا واتساعا، تتأرجح بين الصداقة والإخاء والمحبه من دون عِرِق محبه، وبين الولاء والطاعه وكسير التلِج أحياناً بصوره بريئه مقبوله اُم هاني صاحبي زاتو ، حسب ما تقتضيه المصلحة والمنفعة الظرفية أحياناً كثيره وما تقولو الزول ده بتاع مصالح لأنو دي بقت إسمها شفتنه وكِده.
أيها الإخوه والناعِمات:-
انطلاقاً من رؤية فخامة المشرف المُفَّدي والمُشرِفه المُفديه برضو لتحقيق مبدأ "كُلنا نفاجين وكُتار نحن ونفاج واحد"، دأبت مفوضية النفاج الساميه شديد جداً جداً بالتنسيق والتعاون مع مُنظمات العمل الطوعي وضمن الرؤية الاستراتيجية لتطوير الجهاز النفاجي الى تحسين الأداء العام للنفاج وتعزيز مبدأ سيادة القانون وتحقيق الحريه الديموقراطيه كما أراد جلالته وجلالتها, (اللهم جرجِر الزعيييييييم اللهم طرطِشه وخلِله وفلفه, اللهم فلفل شعرهُ آمييييييييييييييييين, هي هي هي اللهم أنبت شعره أولاً ومن ثم فلفِله آميييييييييييييين (هسي انا قلت المسافر عندو صلعه؟؟؟!!!)( طيب انا كان قصدي كِده يعني مدناويه عندها صلعه برضو ولا شنو يعني؟؟؟!!! موش برضو مُشرِفه؟؟؟)
نرجع لي موضوعنا وما تقاطعوني
، ومن الملاحظ وواضح وضوح الشمِش أنه لا تنمية نفاجيه وإدارية وتعليمية واقتصادية ورياضيه وثقافيه وديموقراطيه ونفاجيه حُره نزيهه كما قلنا في بوست الشهر الفات لا تشوبها شبهات تكمُن في قاع القضيه المُستأصله في نِخاع المُنتدي دون إصلاحات جذرية تطال جميع المُتطاوِلين والخونه والمارقين والعابثين والمُرجفين والمُتخازلين والقاعدين في الفنادِق بره, تكبييييييييييييييير اللهُ أكبر, حيث أن من شأنها تكريس الشفافية وتكافؤ الفرص بين أفراد المنتدي وتعزز المكاسب للشعارات بالإنتخابات النزيهه الحُره.
حيث أنه ظهرت في الآونه الأخيره بعض الشُبُهات التي تشكك في نزاهة الترشيح للبوست المميز نتيجه لبعض المُخططات الصهيونيه الماسيونيه الدنيئه والتي تُحاك من خلف الكواليس لإسقاط تثبيت بعض البوستات كمقابل لمنح بعض الشعارات التي تدلت وإمتدت إلي آخر الصفحات مما قام بتخريب ميزانية المنتدي حتي كاد أن يعلن إفلاسه لولا دعم بعض المنظمات التي سنقوم بطردها قريباً وكُلهم تِحِت جزمتي دي من دون مؤاخزه. تكبييييييييييييييير
الله أكبر
أيها الإخوة والناعمات

لقد جاءت فكرة ترشيح بوست النفاج المميز من ضرورة ايجاد مصدر كوادر رئيسي للمُنتدي، وزيادة الوعي العام حول الرؤية الاستراتيجية لتطويره كما تهدف الى تعزيز نزاهة النفاج وتعزيز البنية التحتية له وحوسبة وظائفه وتطوير الموارد البشرية من النفاجه والمتنفجين واستعراض أهم البوستات والانجازات، والتحديات، والخطط المستقبلية.
والله أكبر ولا نامت أعين الجُبناء

والسلااااااااااااااامو عليكوم ورحمة الله تعالي وبركاتهو


فتح باب الترشيحات لبوست النفاج المميز لشهر ديسمبر 2011

[نزار احمد كوارتي]

أمسكو البوست ده ما يقوم جاري شكلو مُستعجل شديد

[آلاء عبد الرحمن]

وووووين يا الاخو
اخباركواحوالك


شكلك كده عشان طولته ماكتبته سرحته في الكتابه

ههههه
نورته المنتدي مرة اخري


باللفة كده اها المدام مادخلت المنتدي؟؟؟
بالله جيب معاك ام عمرو كمان

هههههه

[مايسة]

غايتو الواحد لما يكون ممغوس بيعمل اكتر من كدا
--------------
منور من جديد

[نزار احمد كوارتي]

وووووين يا الاخو
اخباركواحوالك


ويييييييييييييييين يا دكتوره

شنو يعني فتحتو لينا كده وما شفناكم لمن جينا راجعين

إنشالله الإمور طيبه والناس كلهم كويسين

شكلك كده عشان طولته ماكتبته سرحته في الكتابه

ههههه
نورته المنتدي مرة اخري


باللفة كده اها المدام مادخلت المنتدي؟؟؟

المدام الدخلت فيها تاني يمرقها الله داااااااك دقست دقسة عدوك

بالله جيب معاك ام عمرو كمان

هههههه


أم عمرو وأم عُلا كان لِحقو خشوا تاني ياكي الما شفتي ليك ودمطامير وللا مودي حايم في المنتدي ده

[آلاء عبد الرحمن]

أم عمرو وأم عُلا كان لِحقو خشوا تاني ياكي الما شفتي ليك ودمطامير وللا مودي حايم في المنتدي ده

المرة الجايه

هم اليومين دي غاتسين وين ماشايفاهم؟؟؟؟

[نزار احمد كوارتي]

غايتو الواحد لما يكون ممغوس بيعمل اكتر من كدا
--------------
منور من جديد



ويييييين يا خالتو؟؟؟!!!

وحاة النبي مُشتاقين

نان هي داب مغسه؟! قلت أخير أبدد طاقتي دي في البوست ده عشان ما أقوم أخنق البنقالي الجاب لي الشاي زي وشو ده

بالزقاق:-

يا حليلكم يا الشاي والجبنه الكنت بشربكم تحت ضُل الضحا وناس البيت ملمومين جنبي

[مايسة]

ويييييين يا خالتو؟؟؟!!!

وحاة النبي مُشتاقين

نان هي داب مغسه؟! قلت أخير أبدد طاقتي دي في البوست ده عشان ما أقوم أخنق البنقالي الجاب لي الشاي زي وشو ده

بالزقاق:-

يا حليلكم يا الشاي والجبنه الكنت بشربكم تحت ضُل الضحا وناس البيت ملمومين جنبي


بالأكتر والله -

اها يعني رجعته تاني للبنغالي والنيبالي والهندي
----------------
ما تتحسر ياخ كدا - انت رجعته بكنز من هناك صح
راح يغنيك شوية من الحاجات القلتها دي

ربنا يسعدك

[ود المطامير]

عشان تاااامنووو
أهاا تانى بتعرس ؟ ;)

وحات الله مشتاااااااااااااااااقين

[ود المطامير]

وووووين يا الاخو
اخباركواحوالك


شكلك كده عشان طولته ماكتبته سرحته في الكتابه

ههههه
نورته المنتدي مرة اخري


باللفة كده اها المدام مادخلت المنتدي؟؟؟
بالله جيب معاك ام عمرو كمان

هههههه
عليك الله يا دكتوره ما تجيبى لينا الهوا ياخ ;)

[ود المطامير]

أم عمرو وأم عُلا كان لِحقو خشوا تاني ياكي الما شفتي ليك ودمطامير وللا مودي حايم في المنتدي ده
;);););););)

[ريمون]

حمد الله علي السلامه يا عريس ..
الحق كمل كتابه قبل ما تلحق الجماعه ..:p













بعد رجعت ..
ممكن نتكلم في الحنانه والعشاء وباقي كبايه العصير و... و ....
ولا اسكت ساي احسن ؟؟؟؟!!!!!

[الشمشار]

ويييييين يا خالتو؟؟؟!!!

وحاة النبي مُشتاقين

نان هي داب مغسه؟! قلت أخير أبدد طاقتي دي في البوست ده عشان ما أقوم أخنق البنقالي الجاب لي الشاي زي وشو ده

بالزقاق:-

يا حليلكم يا الشاي والجبنه الكنت بشربكم تحت ضُل الضحا وناس البيت ملمومين جنبي

خليك واضح وصريح وقول ياحليلك ياخالي الشمشار الكنت بتسقيني الشاي وانا محنن
يديني لي هسي مبقبقااات
هو الزنك بطيييييييييييييييير
زول بخسه بس هههههههههههههههههههههههههههههههههه

[نزار احمد كوارتي]

عشان تاااامنووو
أهاا تانى بتعرس ؟ ;)

وحات الله مشتاااااااااااااااااقين



إنت قايل شنو يا عمك؟ حركاتي دي حركات زول أول مره يعرس

بالزقاق:-

ياخ إنت زول كعب كده مالك ياخ ما تضرب لي, انا مضيع الأرقام والله

[الشمشار]

إنت قايل شنو يا عمك؟ حركاتي دي حركات زول أول مره يعرس

بالزقاق:-

ياخ إنت زول كعب كده مالك ياخ ما تضرب لي, انا مضيع الأرقام والله




فتنه
هههههههههههه
ود المطامير بشريات العرس بدت
الخرف المبكر
قال ضيع الارقام
وجوازو ذاتو الله يستر ما يكون روحو
انا ماقلت شئ ههههههههههههه

[نزار احمد كوارتي]

حمد الله علي السلامه يا عريس ..
الحق كمل كتابه قبل ما تلحق الجماعه ..:p













بعد رجعت ..
ممكن نتكلم في الحنانه والعشاء وباقي كبايه العصير و... و ....
ولا اسكت ساي احسن ؟؟؟؟!!!!!


والله يا جماعه ريمون دي ما قصرت معاي كلو كلو في عرسي, زوله ملكه عديييييييل كِده, وكمان مُسعِد جيراننا طلع ببقي ليها خالها
مُسعِد زاتو راجِل تمام وكمان هو المؤزن بتاع زاوية حي الثوره, والله ريمونه دي الله يقدرنا علي جزاءها سااااااااي

بالزقاق:-

أهم من ده كلوووووو إنتو قايلين شنو؟؟؟

والله زوله سكوته خلاص ولاااااااا بتاعة شمارات

[نزار احمد كوارتي]

خليك واضح وصريح وقول ياحليلك ياخالي الشمشار الكنت بتسقيني الشاي وانا محنن
يديني لي هسي مبقبقااات
هو الزنك بطيييييييييييييييير
زول بخسه بس هههههههههههههههههههههههههههههههههه



إنت زوووووول طُبجه

دبلوس ساي ياعوج الطُندُب يا دهليز

أمانه في زُمتَك المِبقبِقات يدينك وللا شلاليفي التشتشتهِن لي ديل

تتراجف كُلك زي مكنة التلاجه

[الشمشار]

إنت زوووووول طُبجه

دبلوس ساي ياعوج الطُندُب يا دهليز

أمانه في زُمتَك المِبقبِقات يدينك وللا شلاليفي التشتشتهِن لي ديل

تتراجف كُلك زي مكنة التلاجه


كديييييييييييييي
مخ قدر راس الشوكه..............
خلااااااااااص
عرست داير تبورني
منو اليتراجف
افوووووووووووووووووووو
(هسي في داعي للفضائح دي علوني كان سمع كلامك ده بكره بعمل لي بوست يتفسح فيني )
امش عرس تاني وغيب من المنتدي ده شهر شهرين بعد اتفسح سممممممممممح بعد داك تعال
(الله يستر من لسان عنكوليب )

[الشمشار]

:confused:البوست ده اتفتل


نرجع للترشيحاااااااااااات

[نزار احمد كوارتي]

:confused:البوست ده اتفتل


نرجع للترشيحاااااااااااات


البوست ده من قام قام مفتول زي الصاروخ بتاع ناس حماس البسووه براهم داك
بِفِكوهُ ويقومو جاريين عشان ما يقع فيهم’ عشان كِده مُشرفين الهنا ديل زاتو أبو يثبتوهُ

[الشمشار]

البوست ده من قام قام مفتول زي الصاروخ بتاع ناس حماس البسووه براهم داك
بِفِكوهُ ويقومو جاريين عشان ما يقع فيهم’ عشان كِده مُشرفين الهنا ديل زاتو أبو يثبتوهُ

بالطريقه دي بوستك ده بحصل الزنك

[الشمشار]

سي يابدوي سي
اها ثبتوووووووهو
وعليه فقد تم تثبيت بوست نزار
قبل يلحق الزنك ونزار يدق الطاااااااار

[ود المطامير]

إنت قايل شنو يا عمك؟ حركاتي دي حركات زول أول مره يعرس

بالزقاق:-

ياخ إنت زول كعب كده مالك ياخ ما تضرب لي, انا مضيع الأرقام والله
;););););););)

هو أنا عارفك إنتا وين ؟
فى السودان ولأ أندونيسيا ولأ رجعت لينا ؟
هو إنتا وين ؟ ;)

[ود المطامير]

فتنه
هههههههههههه
ود المطامير بشريات العرس بدت
الخرف المبكر
قال ضيع الارقام
وجوازو ذاتو الله يستر ما يكون روحو
انا ماقلت شئ ههههههههههههه
;););););););)

تعرف يا الحبيب ؟
ود أختك دا قبل العرس كان بهضرب

بعد العرس يا حولاااااااااااااااااا ;)

[المسافر]

يا نيزو
بقيتو كم

[ود المطامير]

البوست ده من قام قام مفتول زي الصاروخ بتاع ناس حماس البسووه براهم داك
بِفِكوهُ ويقومو جاريين عشان ما يقع فيهم’ عشان كِده مُشرفين الهنا ديل زاتو أبو يثبتوهُ
;););););););)

والله زول لافيها ما يحصلك

أرشح هذا البوست بوست النفاج المميز لهذا الشهر

[خالد علونى]

الـــــــــــلـــــــــــــه اكبر

[خالد علونى]

اولا بالتبادي


نبارك للاخ نزار عودته من الحجز الانفرادي





تحت تحت قالو لي كان مباري ود المطامير وبقرا عندو علم نفس وكجور






ما علينا المهم نرجع لي موضوعنا


اها ومن محلنا داك مشينا لي عند السوق وقلنا كده هاك يا نقة



وقلت ليهو الجماعة ديل شالوا الكلام زادوهو حبة جابوهو ليك



الغريبة ما صدقني


لكين ما مشكلة انا عارف هم مشو وين لما خلونا في الموقف









هسي انا الجابني هنا شنو زاتو؟

[خالد علونى]

ارشح الآتي نصه ولا ربعو ما عارف


ياخ خليك جادي



خلاث




الترشيح الاول: خالتي عنكوليب في بوست رأي أنثي

[خالد علونى]

الترشيح الثاني: انا في العمارات شارع واحد وأربعين


لي الشمشار الشمشار

[خالد علونى]

كدي النلف وأجيك تاني

[مايسة]

1- رأى أنثى
2- عروس لعلوني
3- علوني في فورتي ون

[ام ساره]

البركة الشفناك طيب يانزار وفقدناك كتيير الايام الفاتت والنفاج من غير كتاباتك مسييييخ لكن والله حالتك بقت صعبة خلاص كر علي ما تستاهل.

[نزار احمد كوارتي]

;););););););)

هو أنا عارفك إنتا وين ؟
فى السودان ولأ أندونيسيا ولأ رجعت لينا ؟
هو إنتا وين ؟ ;)


يعني انا أبو النور؟؟؟ ولا يا ربي انا منو؟؟؟

[نزار احمد كوارتي]

يا نيزو
بقيتو كم


س = س

وبطرح س من الطرفين

إذن:-

(س-س) = (س-س)

بتربيع الطرفين ينتج:-

(س2-س2)= (س2-س2)

بإستخراج س كعامل مشترك من الطرف الأيمن:-

س(س-س) = (س2 - س2)

بفك الطرف الأيسر فرق بين مربعين ينتج:-

س(س-س) = (س-س)(س+س)

بقسمة الطرفين علي (س-س) ينتج:-

س (س-س) = (س-س) (س+س)
(س-س),,,,,,,,,,,, (س-س)

وبالإختصار ينتج:-

س = (س+س)

س = 2س

وبقسمة الطرفين علي س ينتج:-

1 = 2

إذن:-

انا = انا و أنا

وهو المطلوب إثباته

بالزقاق:-

عارفك قادي رياضيات لا منطقيه لكن نعمل شنو مجبورين نديك حصص مجانيه يا سعادة المُشرِف

[ريمون]

البوست الكتلت لي فيهو قلبي ده بسكت فيهو ساي .. لكن يا ربي بقدر ؟؟
بس مودي ومطاميرو ما يسألوني غايتو.!!

[نزار احمد كوارتي]

اولا بالتبادي


نبارك للاخ نزار عودته من الحجز الانفرادي





تحت تحت قالو لي كان مباري ود المطامير وبقرا عندو علم نفس وكجور






ما علينا المهم نرجع لي موضوعنا


اها ومن محلنا داك مشينا لي عند السوق وقلنا كده هاك يا نقة



وقلت ليهو الجماعة ديل شالوا الكلام زادوهو حبة جابوهو ليك



الغريبة ما صدقني


لكين ما مشكلة انا عارف هم مشو وين لما خلونا في الموقف









هسي انا الجابني هنا شنو زاتو؟


كدي النلف وأجيك تاني



عليك الله لمن تلِف لِفها بي كرِت واحد تاني وما تجُرها كلها وتجينا عامِل كِده

[نزار احمد كوارتي]

البركة الشفناك طيب يانزار وفقدناك كتيير الايام الفاتت والنفاج من غير كتاباتك مسييييخ لكن والله حالتك بقت صعبة خلاص كر علي ما تستاهل.



أهليييييييييييييين أم ساره, وحاة الخوه مِشتاقين, ما يفقدوك في سمِح قولي آمين

النفاج طاعم بيكُم لمن يشرِق ويعشرِق عديل كِده

حالتي ما صعبه ياخ, حالتي بس تحنن الكافر ساي

[ود المطامير]

البوست الكتلت لي فيهو قلبي ده بسكت فيهو ساي .. لكن يا ربي بقدر ؟؟
بس مودي ومطاميرو ما يسألوني غايتو.!!
نقدرى ؟
وحات أمى أكان كتفوك ما ح تقدرى تسكتى
ريمون تسكت ؟ والله أكان تمسك حُمه

هع هع هع هع

[ود المطامير]

أرشح
رأى أنثى

[نزار احمد كوارتي]

البوست الكتلت لي فيهو قلبي ده بسكت فيهو ساي .. لكن يا ربي بقدر ؟؟
بس مودي ومطاميرو ما يسألوني غايتو.!!



والله إنتي في الشايفو ده وبي حالتك دي!!! موش كان كتلو ليك قلبك!!! كان كتلوك عدييييييييييييل كده ما بتسكتي


حبوبتنا بت عبدون الله يرحمها ويغفر ليها الجماعه كانو بشاغلوها في ولدها البتحبو ويقولو ليها فلانه دايره تعرسو وفلتكانه عايزه تعرسو, وهي جنها وجن النسيبه طبعاً, قام يوم قالو ليها والله ولدك ده إلا تشوفي ليهُ واحده أمها ميته غير كده مافي حلل

قالت ليهم والله كان ميته زاتو تقوم من القَبُر تجي توصيها وترجع, موش النسيبات ديل.

[ريمون]

نقدرى ؟
وحات أمى أكان كتفوك ما ح تقدرى تسكتى
ريمون تسكت ؟ والله أكان تمسك حُمه

هع هع هع هع
اها يا نزار .. مطاميرو قاليك بتمسكني حمه ..
انت بترضاها لي ؟؟؟

[ريمون]

والله إنتي في الشايفو ده وبي حالتك دي!!! موش كان كتلو ليك قلبك!!! كان كتلوك عدييييييييييييل كده ما بتسكتي


حبوبتنا بت عبدون الله يرحمها ويغفر ليها الجماعه كانو بشاغلوها في ولدها البتحبو ويقولو ليها فلانه دايره تعرسو وفلتكانه عايزه تعرسو, وهي جنها وجن النسيبه طبعاً, قام يوم قالو ليها والله ولدك ده إلا تشوفي ليهُ واحده أمها ميته غير كده مافي حلل

قالت ليهم والله كان ميته زاتو تقوم من القَبُر تجي توصيها وترجع, موش النسيبات ديل.


ده انا غلبااااان !!!!

[نزار احمد كوارتي]

أرشح
رأى أنثى


رشح البترشحو بس ورينا السبب لو سمحته

عشان الراي ولا عشان الأنثي؟؟؟؟؟

[ود المطامير]

رشح البترشحو بس ورينا السبب لو سمحته

عشان الراي ولا عشان الأنثي؟؟؟؟؟
والله سؤال وجيه جدا

السبب علشان أبو شنب عنكوليب كاتب البوست فرده ياخ ;)

[بت أم درمان]

ممكن أرشح ؟

[نزار احمد كوارتي]

ممكن أرشح ؟


ترشحي البسيطه دي يا بت أم در

رشحي علي طول, بس عليك الله عَطِّسي بعيد بعيد نِحن ما عايزين نرشِح.

[عنكوليب]

(الله يستر من لسان عنكوليب )


انت لقيتني عيانة وقعدت تتفسح مش كدة ،،،

انا غايتو ما جاتني دعوة للعرس ،،

وانت الله يحضرنا يووووومك داك ،،، أصبر ،،،

[نزار احمد كوارتي]

(الله يستر من لسان عنكوليب )





تزوير في أوراق رسميه

بالزقاق:-

صحي الله يستر من لسان عنكوليب

[بنت الرفاعي]

:):):)

حمداً لله على السلامة.

:):):)

[بحيرى]

الترشيح الاول : داير اترشح لمنصب مشرف ....
الترشيح الثانى : داير اترشح لمنصب مشرف عام للمنتدى ...
الترشيح الثالث : داير اترشح لمنصب ادمن ....

[عنكوليب]

يا بنية الرفاغي ،،، سلامات ،، مرامات ،،،

حمدا لله على السلامة دي لمنو ؟ لي انا من المرض ؟

ولا ل نزار من ال ..... عرس ؟

[عنكوليب]

تزوير في أوراق رسميه

بالزقاق:-

صحي الله يستر من لسان عنكوليب

ما فهمتك يا نزار ،، انت ما عارفني بليــــدة ،،،

والكلام ده قلتو انت يا اخوي ،،،

يتتلفت مالك ؟

شايفأأأأأأأأأك

[نزار احمد كوارتي]

الترشيح الاول : داير اترشح لمنصب مشرف ....

الزقاق الأول:- : أعمل حسابك يا حبيب

الترشيح الثانى : داير اترشح لمنصب مشرف عام للمنتدى ...

الزقاق التاني:- : أعمل حسابك شديييييييييييييد لو عايز تستمر حبيب

الترشيح الثالث : داير اترشح لمنصب ادمن ....

الزقاق التالت :- : بحيري ده منو؟؟؟ انا زااااااتي ولا بعرفو

[نزار احمد كوارتي]

يا بنية الرفاغي ،،، سلامات ،، مرامات ،،،

حمدا لله على السلامة دي لمنو ؟ لي انا من المرض ؟

ولا ل نزار من ال ..... عرس ؟

سؤال ما أوجه منو إلا انا

[بنت الرفاعي]

يا بنية الرفاغي ،،، سلامات ،، مرامات ،،،

حمدا لله على السلامة دي لمنو ؟ لي انا من المرض ؟

ولا ل نزار من ال ..... عرس ؟



:):):)

سلامتك من المرض وما تشوفي شر
إن شاء الله،
:D
حلـــّوة:cool:
لوصوله للإمارات وعودته للمنتدى.

:):):)

[بنت الرفاعي]

سؤال ما أوجه منو إلا انا


........
.....
:):):)
:):)
:)

[بنت الرفاعي]

:):):)

الترشيح الأول:
بوست:
رأي أنثى2.

لكاتبته:
الأخت عنكوليب.

:):):)

[نزار احمد كوارتي]

ضَع القلم


إنتهي الزمن

[mahagoub]

الزقاق التالت :- : بحيري ده منو؟؟؟ انا زااااااتي ولا بعرفو

الزول ده اول ما هبش الحكومه زغته منو ؟
انا قلت انت حتقيف معاه فى الانقلاب
ما تخاف ما فيها اعدام