المنتديات هروب ام ملاذ .. ولا ملئ فراغ ساي ..!!

[ريمون]

موضوع شاغل بالي ليه فترة ..
نتشارك النقاش ..
وبجيكم راجعه ..

[أم سماح]

بالتأكيد لا هذا ولا ذاك

[mahagoub]

ارتياح واندياح بين الحبان
وبالدارجى الواحد بتفشا

[moh_alnour]

المنتديات هروب أم ملاذ .. ولا ملئ فراغ ساي

المنتديات مكان للهرب من جحيم الغربة و رهق العمل و الدوام و ملاذ لمن يبحث عن الصُحبة و الرفقة
و مكان يُذهب عنك الحزن و الهم بنكتة ضاحكة أو تعليق ساخر
عن نفسي كان موقع ود مدني و من بعده منتدى ود مدني أحد المُعينات التي أعانتني على ألم الفِراق
للوطن و الأهل و الأصدقاء
و المنتدى عرفني بأصدقاء أصبحوا أكثر قربا ً لي في الغربة من أهلي في الوطن البعيد
و منتدى ود مدني على وجه الخصوص إمتدت علاقات أعضائه خارج المنتدى و وصلت للأسرة و البيت
كما أن المنتديات مكان يمكن أن تجد فيه كثير من المعلومات في شتى العلوم و كل ضروب الحياة
و منتدى ود مدني كان حلقة الوصل بين المغتربين و المدينة ففيه يجدون أخبارها و إيقاع الحياة فيها
و المتغيرات التي طرأت عليها
كما أن المنتديات مكان لتبادل الأراء و النقاش في كثير من القضايا الحياتية و غيرها
و فيه يمكن أن يصقل الشخص موهبته الكتابية و القصصية حيث يجد التشجيع و النقد من الأعضاء
و أيضا ً المنتديات يمكن أن تفيد الشخص في إكتساب خبرات عن العالم الإسفيري و الحاسوب بصورة عامة
و بس :p

[بنت الرفاعي]

المنتديات مكان للهرب من جحيم الغربة و رهق العمل و الدوام و ملاذ لمن يبحث عن الصُحبة و الرفقة
و مكان يُذهب عنك الحزن و الهم بنكتة ضاحكة أو تعليق ساخر
عن نفسي كان موقع ود مدني و من بعده منتدى ود مدني أحد المُعينات التي أعانتني على ألم الفِراق
للوطن و الأهل و الأصدقاء
و المنتدى عرفني بأصدقاء أصبحوا أكثر قربا ً لي في الغربة من أهلي في الوطن البعيد
و منتدى ود مدني على وجه الخصوص إمتدت علاقات أعضائه خارج المنتدى و وصلت للأسرة و البيت
كما أن المنتديات مكان يمكن أن تجد فيه كثير من المعلومات في شتى العلوم و كل ضروب الحياة
و منتدى ود مدني كان حلقة الوصل بين المغتربين و المدينة ففيه يجدون أخبارها و إيقاع الحياة فيها
و المتغيرات التي طرأت عليها
كما أن المنتديات مكان لتبادل الأراء و النقاش في كثير من القضايا الحياتية و غيرها
و فيه يمكن أن يصقل الشخص موهبته الكتابية و القصصية حيث يجد التشجيع و النقد من الأعضاء
و أيضا ً المنتديات يمكن أن تفيد الشخص في إكتساب خبرات عن العالم الإسفيري و الحاسوب بصورة عامة
و بس :p







:):):)
:):)
:)

[بنت الرفاعي]

موضوع شاغل بالي ليه فترة ..
نتشارك النقاش ..
وبجيكم راجعه ..




:):):)


لكِ أزهى التحايا أختي ريمون،:)
و
سؤالك جميل،
وبالتأكيد في إنتظار رجعتك إن شاء الله.

:):):)

[isamzaki1978]

ارتياح واندياح بين الحبان
وبالدارجى الواحد بتفشا

1000 من 10000

[عبدالرحمن مدثر]

موضوع كامل الدسم

المنتديات عالم جميل .. فيها المعلومه .. الاخوه الحقه .. والثقافات والامزجه المتعدده

هى (هروب ) من سطوه واقع مؤلم الى افاق كلمه ارحب ..

هى (ملاذ ) لما تلقى براحات تشيل احساسك وتديك الفه .. ودهشه .. وفرح تريان ومندى

[ريمون]

تحية لكل المتداخلين ..
بس لانو الكلام في الموضوع ده كتير بجيهو بي رواقه ..
وعاوزه اسمع الاراء ..
مشكورين ..
ولسه جايه ..

[ساريه]

المنتدى هو البيت الثانى ( تجملاً ) ..
ملاذ وهروب من ضغوطات الحياة وصحبة وخوة صادقه ومعين ثقافى فى شتى المجالات ومنبر من لا منبر له على قول (الجزيره القطريه ) ونتمنى من الجميع الحفاظ على هذا الصرح وترميمه بالصدق والشفافيه ... والبعد عن مهاترات قد تؤدى به الى النهاية ...

[انور النور محمد]

مجموعة الوان

وحزمة حروف

ممكن نرسم بيه خرائط النور ونخلي الشمش نهار طوالي جوة قلوبنا

وحروف نكتب بيها احوال الزمن وسفر الصباحات للمساء

وممكن نرسم بيه الواقع والمستقبل
من غير خوف

ونكتب فيه الغناء والحجا وكمان البكاء

ونرسم بيه يوم بكرة
ونكتب فيه احساسنا
وانفعالات الروح
وبنروح جواهو في الالوان
وتقيدنا الحروف بالتواصل

ولسة كتير

[مدنيّة]

بالنسبة لي انا ياريمون
المنتدي هو بيتني
وحاسة انه كل العرفتهم من خلال بيتنا دا
احساسهم زي احساسي

-----
تسلمي ريمون

[mahagoub]

1000 من 10000

سقطه يعنى؟؟؟؟

[ريمون]

معليش اتأخرت شويه في الجيه ..
بعض الظروف الصعبه ..
وجيتكم راجعه اهي ..
نتناقش ..
مشكلة اختلاف النظرة للمنتديات ..
يعني ناس بشوفوه مكان آمن بيلجوأ ليه عند الشده ..
وناس بعتبروه تسليه وملئ فراغ ..
وناس بيستعرضوا فيهو عضلاتهم ..
والمفاهيم كتيره ..
بس السؤال الصعب الحارقني ..
هل هو هروب ؟؟؟
لو اخدنا شريحة عشوائية من الاعضاء من الجنسين ..
كم في المائه حياتو مستقره ومرتاح ؟؟
منو البرمي همو وراهو ويدخل المنتدي وينداح ..؟؟ كتار ..؟؟ ولا بسيطين .. ؟؟
وبالنسبه للنساء ..
مع كل المشغوليات .. المنتدي شنو ؟؟
جوطه في راسي وكبيتها ليكم ..
فكروا معاي ..
مرات الزول بكون عاوز يعرف وين راسو وين رجلينو ..

[ريمون]

قد يكون الكلام جايط ..
بس اتعودت من ناس المنتدي القدرة علي الوصول للمهم ..
وانتوا مريحين بالجد ..

[مدنيّة]

بالنسبة لي ياريمون
مستحيل اطلق كلمة (هروب) علي المنتدي
لانه زي ماقلت ليك فوق
هو بيتي
في زول بيهرب من بيته!!

--------
عارفة ياريمون
اللي عرفتهم من خلال المنتدي دا
ماعرفت عُشرهم طيلة وجودي في مدني
وكانوا وسيظلوا باذن الله
اخوة واخوات احبهم واعزهم مادمت حية

--------
شكرا ابوبكر محمد المبارك

[ريمون]

بالنسبة لي ياريمون
مستحيل اطلق كلمة (هروب) علي المنتدي
لانه زي ماقلت ليك فوق
هو بيتي
في زول بيهرب من بيته!!

--------
عارفة ياريمون
اللي عرفتهم من خلال المنتدي دا
ماعرفت عُشرهم طيلة وجودي في مدني
وكانوا وسيظلوا باذن الله
اخوة واخوات احبهم واعزهم مادمت حية

--------
شكرا ابوبكر محمد المبارك


لك الف حق ..
بالنسبه لي مدني ككل وبالنسبه للمنتدي كجزء ..
غايتو صدقي لو قلت ليك انو المنتدي ده بالذات بقي اساسي في حياتنا لدرجه انو بقي اهم من اولويات مجتمعية كتيره ..
انت عارفه يا مدنيه لدرجة انو لما تحصل مشكله في المنتدي بتأرقنا وكأنها خاصه باحد افراد الاسرة الحقيقية ..
لكن ..
لما جيتي المنتدي في الاول كان شنو بالنسبه ليك ؟؟

[مدنيّة]

انت عارفه يا مدنيه لدرجة انو لما تحصل مشكله في المنتدي بتأرقنا وكأنها خاصه باحد افراد الاسرة الحقيقية ..


ودا اكبر دليل ياريمون
علي انه المنتدي دا بيتنا
لانه زي ماقلتي
كل الحاجات الفيه زي الحاصلة في (بيتنا)

-------
ادخلي هنا ياريمون
عشان تشوفي رحلتي من البداية مع (بيتنا) ولو اني لسة ما كملتها


http://wadmadani.com/vb/showthread.php?t=36036

[تغريدا]

المنتديات أنا أعتقد أنها مهمة فى طرح الرأى وتقبل الرأى من طرف ثانى ولجملة أمور ، لأن الهدف من المنتديات يجب أن يكون ساميا بعيداً عن المجاملات ، وبعيداً عن التقولات ، والمشاحنات ،والخلافات ، فالمنتديات يجب أن تكون موئلا للحوار الفكري ، والنقاش الفكري الذي يعبر عن أخلاقيات الإنسان ، وأفكاره ، وسلوكياته ، وتحمله مسؤولية الكلمة التي يطلقها ، والمنتديات هي المنبر الحر الذي يجب أن يفيد منها كلواحد منا ؛ لأن النشر لا يخص فئة عمرية معينة ، ولا شريحة مخصوصة ، ومن ثم فإن المنتديات يجب أن تكون ملتقى لتجارب مختلفة العمر ، والثقافة ، وتلاقح الأفكار ، وتبادل وجهات النظر ، ويجب على المنتديين ـ بحسب رأيي ـ فإن على كل واحد منا وواحدة الإيمان بمسألة احترام وجهة نظر الآخر ما لم تعارض الدين والأخلاق .

إننا نحتاج إلى أن نبتعد عن المجاملات التي لا تقدم إلا الإضرار بالفكر ، وأن نهتم بنشر ما يخدم الفكر الإنساني على مختلف الصعد.
أما بالنسبة لمنتدانا هنا فأنا حقيقة أسميه البيت الكبير لأننا جميعاً يجمعنا هنا حبنا الكبير لهذه المدينة المعطاءة وحقيقة أجد به أقلام متميزة تتحدث عن نفسها بلا خيلاء أو كبر وأرى به حجم أن جاز التعبير من الود والتواصل بين الأعضاء وهذا الشئ مايميز هذا البيت العامر بأهله وسعيدة أيما سعادة أنى من أفراد هذا البيت الذى أتمنى فيه تواصل المحبة والتوادد رغم أختلاف الآراء التى لا تفسد لودهم قضية.

الحبيبة ريمون يارائعة دائماً مواضيعك مميزة لك الود والحب دوماً وبجد مشكورة على الطرح دا

[ريمون]

هل تكمل المنتديات نقصا ما ..؟؟
ومنتدانا .. بيتنا .. والاهميه الماخده في حياة اغلبنا ..
ليه حصلت ؟؟

[samia]

والله وبصراحة المنتدى روعة وثقافة وأخلاق عالية والحمدلله تغريبا أغلبية أعضائه بنعرفهم أو بنعرف أخواتهم ،،،،، الحاجة التانية والمهمة بمدنا بأخبار الاهل بمدني ،، وهذه الاخبار سواء كانت مفرحة أو محزنة بتنداح بالمشاركة الفعلية من الأعضاء والكثير منهم لاأعرفهم الاعن طريق أقلامهم ،،،، أما مافي هروب لأنو جد ثقافة لى ،،، لأني كل يوم بقرأ وببحث عشان أدلى بالمفيد ،،، وملاذه لي في تخفيف مانعانيه من غربة في بلاد العم سام ،،، أتمني للجميع الصحه والعافية وإن شاءالله مدني عامرة بناساوفي عيونا وربنا يجمعنا قريب في ربوعا وحيشانا وبيوتاالعامرة

[مصطفى هاتريك]

والله يا ريمون

الأيام دي الإجابة على سؤالك ده بقت صعبة خلاص

[عباس الدسيس]

البوست كان في سودانيز بين اساسي وعمر الفاروق وعجب كمان حبيبنا اميري يتحدث عن العلاقات الاسفيريه بوست جميل يحوي حس الفكاهه والنكته:

عمرالفاروق مفترع البوست:
بادئ ذي بدء الواحد لازم يعترف إنو كان مندهش بي أساسي ده إندهاش منقطع النظير سيم سيم إندهاشي بي تواجدي مع تماضر والموصلي في مكان واحد ..وأذكر أن لي بوستاً أقل ما يوصف به أنه بوست (بيض) يدلل على (بيضنة) كاتبه وقتها..
إندهاشي بي أساسي كان بي سبب صورة منزلنها ليهو وهو لابس جلابية (لا أجزم إن كانت مكوية أم لا) ومن ملامح الصورة رسمت شخصية لي مغترب نضيييف ومرطب النوع البيكون عندو كريسيدا حارق فيها (ند) وعلاقة المفتاح من الصوف الملون الناعم لابس شبط سيورو رفييعة وكعب رجلينو ما مشقق والنوع الما بيحوّل مصاريف لي أهلو لأنهم مرطبين وهو بس جا للإغتراب لتحقيق الذات بعيداً عن جلباب أبي ..وبما إنو انا ما عندي هكذا نوع من الأصحاب قلت بببببس وجدت ضالتي في هذا الأساسي زول مرطب ونضييف وحنكوش ومنصهر مع مجتمع سودانيز للبسيط ومشهلت ده يبقا ده زول حبااابو وممكن الزول يقشر بيهو ..
وقد كان ..لاحقته في بوستاته بالعاً حبوب الظرافة تارة وناصره ظالماً او مظلوماً تارة أخرى وفي بالي تلك الصورة اللعين لذلك الحنكوش المرطب الذي سأحتاجه يوماً إذا ما سافرت لأداء عمرة أو سياحة إلى جدة فأجد تكية وشقة فاخرة وترحيل مجاني و و و ..
نجحت الخطة وسارت كما خططت واتوفقت بعد جهد جهيد وظفرت بي مكالمة تلفونية وجاني صوت يتطابق مع الصورة اللعينة إياها ..حنكشة طن وصوت مرطبين للكتاش والخطة ماشة كما ينبقي إلى أن حدث ما لم يكن بالحسبان وأنقلبت الأية والسحر على الساحر ..
بدل ما أمشي انا جدة يقوم السيد أساسي يجي الرياض ..
ويضرب لي تلفون ويقول لي يا عمر ياخ من دون أهل الرياض انا ضربت ليك وانا حالياً في الرياض ..
تهللت أساريري وقلت الشرك قبض وأخيراً لقيت زول اصاحبو من زمرة الحناكيش فأنا أحنكش صاحب عندي إسمو ميرغني ساكن الفتيحاب وقمة رفاهيتنا مع ميرغني ده إنو كان بيجيب لينا بيض بي الجبنة لما نمشي نفطر معاهو ..
أها يا سيدي الأمانتي لييك قلت أسالو وأقول ليهو نازل وين وفي بالي الشيراتون والهولي دي إن اها قال لي انا في شقق مفروشة في العليا ..
قلت برضو ماااا بيناتنا العليا حبااااب شمال الرياض وما مشينا بعيد والبيت جمب الجامع وانا لازلت مكنكش في أملي وصديقي الحنكوش الجديد ..
وصلت الشقق المفروشة وما خاب ظني فاخرة ومن النوع اللمن تجي اليريسيبشن بيسألك ماشي لي منو ودقيقة نضرب نشوفو صاحي ولا نايم في ولا مافيش وو..
المهم صديقي الحنكوش اداني رقم الغرفة وتنقش تنقش قرعت الجرس ..
حولااا فتح لي زول أغبش ضخم الجثة شعرو قرقدي لابس ليهو بنطلون بي (كسر) وقميص كم قصير ..
تصدقو وبكل عفوية وبراءة قلت لي الزول الفتح الباب أوووب سوري ..معليش يبدو إني غلطت في رقم الشقة وطوالي مشيت لي باب الغرفة اللي بعدها ..
زولنا الملقوف قال لي : عمر الفاروووق..وييين يا حبيييب...
والله ولا أخفيكم سراً وإنتو ناس ما غريبين يعني ..انا الزول ده مننن ما دخلت لحدي ما طلعت تاني ما فرزت ليهو شي ..قلبي ده إنقبببض وحسيت بي إني في ورطة لا يعلم بها إلا الله ..
أووول حاجة انا جني وجن الزول العندو بنطلون بي كسر وتحت كافيهو الكفة الإنجليزية داك ..وبعدين نظام بي حزام والبنطلون بي الجمبة مكرمش كده من شدة الحزام وبعدين كان لابس ليهو شراب ما عندو علاقة بي اللبسة البنطلون رمادي والقميص أبيض والشراب كان لونو بني ..ومازاد الطين بلة إنو الشراب كان مقدود في حتة الكعب الخلفية ديك والتي عندما تخيلتها بادئ ذي أمر في بداية حديثي إني حا أشوفا من خلال شبط راقي خيفي السير لا من خلال شراب مقدود لونو بني..
دقيقتين ما تميناها بعد السلام إلا وصحبي ده يخش لي في الونسة العاضة بتاعت المسئوليات والغربة والمصاريف والحياة الصعبة في السودان والمعاناة اللي عاناها هناك ..وانا شابكو ليك اهاااا..اممم اممم ..ايوااا صحي ..اي والله ...
ياخ الزول ده حكى لي قصص لمممن انا دمعت والله ..نوع ناس أخوي الصغير قال عايز موبايل n90 وود عمي قال يرسلو ليهو أتاري.. والشهر ده راتبي نزلوهو لي ناقص ..وانا مفكر اشوف لي دوام تاني بي المسا و و و ..قصص حزييينة حزييينة لمن عيوني رقرت ..
ومع كل ده انا لسة كنت متمسك بي أمل الحنكشة وقلت الزول ده متواضع بس وعايز يختبرني إلا أن جاءت الطامة الكبرى ..فعد كل تلك القصص الحزينة قررت أعزم هذا الأساسي غداء وكان أن إتصلت على المطعم ونظام ديليفري وكده ..أها وانا بقول ليهم في الأوردرز إلا وأسمع ليك أساسي بيكورك لي وبيقول:
خليهو يخت لينا كشطب ..خليهو يخت كشطططب ..
هي يا يمة هيييي ...الزول ده بيقول لي الكاتشب كشطب ؟؟؟(رددت العبارة دي في سري) وطلبت له الكشطب كما أراد ..
إتغدينا ..وانا طالع قال لي عمر عليك الله أرميني معاك قدام جمب الشغل عشان ما معاي عربية ..
رميتو قدام ..وكانت الرمية الياها ..ومن ديك وعيييك ..

تخريمة :
تجاوزت موضوع الباسكن روبنز واكتفيت بي الكشطب ولك ان تتخيل عزيزي البوردابي..





اساسي:
اذن ما ادام الكلام جاب الكلام وعرجنا علي الباسكن روبنز لابد ان نتحدث عن الاسباب الادت بعضو المنبر الكبير الاخ بناديها لترك البورد , وسأذيع سرا لاول مرة ان قلت ان السبب هو عمر الفاروغ هذا هو السبب المباشر الذي ادي بالاخ بناديها لترك البورد نهائيا وعدم تصفحه مطلقا بل ادي به الي اعتزال البورداب جميعا , كل هذا حدث في تلك ا لزيارة اللعينة الي الرياض , المعروف ان العضو بناديها هو من الاعضاء المؤسسين لهذا الموقع وسودانت وهو من قام علي اك########م اول عمل منابر سودانية حيث كان لهم قصب السبق في النشر الفكري الرزين والمنطقي المؤسس من الاعضاء المحترمين الذين تشهد لهم الاسافير السودانية في انطلاقتها , كان ان بدات علاقتي من خلال سودانيز اون لاين مع الاخ بناديها وقد قابلته في زيارات قصيرة سابقة الي الرياض وقد صادف في زيارتي الاخيرة للرياض التي التقيت فيها بعمر الفاروغ وعربته الكريسيدا التي سنطلق عليها مجازا هنا عربية , كان قد تواعدنا ان وبناديها ان نلتقي وانه سيمر علي للسلام وكدا وبما ان عمر الفاروغ ما صدق انه يلقي ليهو زول ينحله ويتكل معاهو كعادة النحل الامدرماني العتيق فكان قد اتي بغياراته كلها الي الشقة وقاسمني في الدولاب الوحيد بل واستطوطن في الغرفة الاخري داخل الشقة ينام فيها ويذهب الي العمل ويعود اليها وكانت اول مرة اري فيها احدا يطبع نسخة من مفاتيح شقق فندقية , مر علي الاخ بناديها وبالتأكيد وجد عمر الفاروق مستلقي بالبرمودا في الصالة مستلما للريموت منظرا في الكورة وبالطبع عادي الحالة موش واحدة , بل وكانه صاحب ملك وكاني ضيفه حتي بت اتحرج من ازعاجه بحركتي في الشقه , عندما تعرف الاخ بناديها علي الاخ عمر اضطر ان يقدم له دعوة معي علي ايسكريم باسكن روبنز , لاول مرة في حياتي اري فرح الاطفال في رجلا اصلع , عمر ما فاضل ليهو الا ينطط , كركرب دخل بي برمودته ديك في بننطلون الجنز المعلق في الباب وكان في لحظة ينتظرنا امام مدخل الشقق , في ذلك الوقت سالني بناديها , دا منو دا باستغراب , اجبته بتحرج , ياخ دا عمر الفاروغ بتاع البورد , اجابني باقتضاب , ايواااا , ونزلنا سويا وركبنا عربية بناديها التي وجدنا عمر الفاروغ ملصق فيها زي العجل الاسبير وللحظة ما عارفه كيف عرفها ونكر عربيته حطب , مشت بينا العربية لحظات وعمر زي مقرئي المائتم في مصر يتكلم براهو بي غنة وبدون غنة , للخحظة انا مستغرب انسان يتكلم وفي صوته غنة لم اجدها الا في هذا الفاروغ , ما علينا نزلنا من العربية وحات خوتكم عرم الفاروغ قام جاري الجري الواحد داا وقعد في الكرسي وهو بتململ , ولكم ان تعرفوا احراجي وحالي وبناديها ذلك الرجل الوقور والشخص الرزين , اكلتها في حناني وانا اطنن جواي دي اخر معرفة الاسافير , اها بناديها قال انا بطلب ليكم لانه باسكن دا عنده نوع اسكريم بالتوفي والكراميل جميل جدا , عمر الفاروق هنا دقا صاجة وقف الف احمر قال دُد , داير الصحن بتاعه فيهو كل الحاجات , همست له براااحة كدا فتة هو يا عمر ؟ بدون تحرج جهر بصوته انت دافع حاجة ؟ اكلتها في حناني برضو , اها جابوا لينا لتوفي بالكراميل انا وبناديها وجابو فتة الاسكريم لي ود الفاروغ , توفي كراميل فراولة شوكلاته وكل النكهات التي تضاف عليها بالاضافة للمكسرات , اوووووووول مرة في حياتي اشوف زول بياكل اسكريم وبيعرق , العرق الواحد دا ؟؟ قام بناديها مبتسمبا قال لي عمر الفاروغ انت في الرياض هنا , عمر الفاروغ ما نجيض , قال ليهو كيف ياخ انا في الرياض دي لي اربعة سنين , قام اردف بناديها واول مرة تجي هنا , انا في الحتة دي ما صبرت واضفت ما واضح عليك الله , وضحكنا وضحك عمر الفاروغ وكان لم يكن شيئا ولهط الاسكريم ولكن المفاجاة انه قال داير تاني ؟ هي العشا بلبن ؟ رجلة هي ؟ شنو العايز تاني , وقتها ضحك بناديها وقال لبتاع باسكن جيب واحد تاني من الاخير دا , وجاب واحد تاني ودخل عمر الفاروغ وصلعته العرقانة علي التاني وحددها معاهو , وانتهي اليوم علي هذا .
المشكلة بعد عودتي من الرياض الي جدة افاجأ باتصال من بناديها يقول لي فيه , ياخ علي الله يا اساسي لو سمحت كلم صحبك عمر الفاروغ دا , انا زول ما عندي وقت ولا فاضي لزولك الوهم دا فكني منه عليك الله وموش المنابر دي اها دي يدي منها ودا فراق بيني وبينها وكان من يومها مفارقة بناديها للمنابر بسبب تليحة عمر الفاروق له .
وسناتي الي قصة الكريسيدا موديل 1974 الجرحني طبلونها في ركبتي وقطع سلك ياي الكرسي حقها مساكة حزامي قلت لي طلبت منك توصلني بالفارهة هاهاها