السطلجيه

[الشمشار]

سلام من الله عليكم
فتحنا ملفات المجتمع من خلال عدد من البوستات وايضا بوست من ارشيفي باسم الميج وعدم الوالي والروج في العلالي ثم اعدت نشر بوست كدوس ودلوق وعدم طايوق وبوست دحن مسحاخوم وعدد اخر من البوستات اليوم سنتكلم عن موضوع المخدرات من خلال هذا البوست السطلجيه وهو ايضا من ارشيفي دعواتكم انو ينصلح الحال وخليكم قرااااااب

[الشمشار]

سلامات
اخش ليكم في موضوع الليله صديقي ويدعي انور يعمل في احد شركات الكمبيوتر في الخرطوم وهذه الشركه تقع في الدور الثاني في احدي البنايات التي تطل علي احدي الجامعات الخاصه المهم في الامر اني كنت في زياره له بالامس وبعد الونسه الطويله ديك كنت داير اشم هوا نضيف طلعت علي البلكونه واخذت اتفرج علي منظر الخرطوم من فوق ماتشيلو حالي انا زول بسيط وساكن في حي درجه ثالثه هههه
واثناء ما بتجول بنظري وقعت عيني علي فتاتين وشاب من جامعه خاصه مجاوره وهم داخل سياره يدخنون سيجاره بنقو بالجد المنظر كان غريب وهم يتلفتون يمنه ويسري استاذنت من صاحبي ونزلت وعديل اتجهت عليهم وبكل الجراءه الفي الدنيا فتحت باب العربيه الهم فيها وركبت
نواصل بعد الفاصل

[الشمشار]

عدنا
اندهش الشباب الثلاثه من اقتحامي خلوتهم طمنتهم في الاول قلت ليهم ماتخافو وواصلو عادي كاني ما موجود بس انا صحفي وما معاي اي كاميرا ولاحا اسالكم اساميكم منوبس داير اعرف انتو بتستفيدو من البنقو ده في شنو ؟
توجسو خيفه الا اني طمنتهم واضطريت اكذب عليهم قلت ليهم انا كنت بتناول البنقو لكن هسي خليتو وقعدت امازح فيهم شكلكم اربعه
(اربعه مصطلح يطلقه العامه علي الشخص المستجد في الشئ)
ابتدرت الفتاه الجميله وانا حا ارمز ليها بالحرف ن ابتدرت حديثها بضحكه وقالت لي اديك نفس قلت ليها خليتيها بعد بقت زغروده ودايره تديني ليها بعدين انا بطلت من بدري
(زغروده في مصطلح السطلجيه تعني ان تصغر السيجاره وتبقي بحجم صغير لي درجه انك وانت ماسكه زي شكل الاصابع في الزغروده )ههههههه عارف في ناس ما حتظن فيني خير لكن مهنتنا دي بتعلمك اي حاجه ودي معارف لابد من اكتسابها
قلت لي ن بديتي تركبي الفيله متين ؟(وده اسم الدلع لتعاطي البنقو) ردت ايييييييييييييك من بدري ههههههه ماتعد تقوم تحسدنا
قلت ليها وانتي بت العلمك ليهو منو ؟
حبيبي نطقتها دون اختشاء او ان يظهر اي ملمح للحياء في صوتها وفي وجهها
طيب حبيبك ده علمك كيف ؟
عادي هو كان خبير في الموضوع ده
انا طيب اتعرفتي علي حبيبك ده وين ؟
صاح الشاب ولعل السؤال جرح كرامتو اظنو ن دي مكسراهو وانت مالك ؟
رديت علي بصوت واطي جدا نحن بنتونس
يتبع

[الشمشار]

اسمع يافرده بقت شوشاوه خليني اكمله ونتكلم هكذا نطقت ن الحروف وبكل بجاحه قبلت علي قالت لي جيب الف ج نشتري حباسه واليكم تفسير معني كلمه حباسه وكلمه شوشاوه
(شوشاوه تعني ان تصل السيجاره الي اخرها وتبدا تتش في الاصابع اما حباسه فهي السيجاره العاديه دي بشربوها بعد البنقويه ومرات مابتكون سيجاره بكون فول مدمس يعني فول سوداني او جبن او اي شئ مالح )
انا عارفكم ماحتظنو فيني خير ابدا ههههههههه
المهم اديت ن الالف جنيه ودي بالقديم يعني بالجديد جنيه واحدوطوالي اتناولها الشاب وذهب ليحضر السجائر التفت الي البنت الاخري وقلت ليها شكلو المزاج عالي عشان كده انتي ساكته من قبيل
نظرت لي بازدراء وقالت لي ها الماعارف يقول عدس
قلت ليها انتي العلمك منو
قالت لي علمتني ن صاحت ن علمها الشاكوش واخذت تضحك
طاطات البنت الاخري راسها وذهبت عيناها الي البعيد
وواصلت شوف يافرده اي زول بتعلم الكيف ده هارب من مشكله وداير يعمل دماغ عشان ينسي
اتت فتاه الي العربه وطرقت بيدها علي الزجاج وقالت للفتاتين المحاضر خشه
التفتت الي ن وقالت لي نتندس ونجيك
قلت ليها مره تانيه واخدت نمره تلفونه عشان اواصل معاها ما انقطع من حديث عن البنقو
انا كده تميت ليكم القصه وانا كتبت الدار بيني وبينهم بكل امانه والشئ الحازي في نفسي انهم شكلهم اولاد ناس لكن لعنه الله علي رفقه السوء
ارائكم ياجماعه قصتنا انتهت

[ابووضاح]

والله يالشمشار ياخوي بت الناس دي مش لو مرت بي مشاكل لو المشاكل في راسها مابتمشي للاعوج
ربنا يحفظ اولادنا وبناتنا من كل شر اميييييييييين

[مدنيّة]

ربنا يحفظنا واولادنا من كل سوء يارب
جد بنسمع حاجات يشيب لها الولدان عن شباب الجامعة


-------
انا عايزة اسال
شنو العلاقة بين الظرافة وبين من يتعاطي هذا الشئ!!
لانه بالجد المساطيل ديل عندهم تعليقات ظريفة لابعد مدي

-----
شكرا الشمشار

[ahmed algam]

حبينا معاوية (( الشمشار ))
نتابع ماتكتبة عن كثب

وبالجد كل ماتكتبه حاصل للاسف



واصل ونحن في انتظار المذيد من يراعك

[بحيرى]

انا عايزة اسال
شنو العلاقة بين الظرافة وبين من يتعاطي هذا الشئ!!
لانه بالجد المساطيل ديل عندهم تعليقات ظريفة لابعد مدي


هاهاها ...
العلاقه تكاد تكون وطيده بيناتهم ....
من ناحيه علميه .... الدخان عموماً ( سجاير عادى او بنقو ) بأثر على مؤخرة المخ .... والله اعلم ..
وهذا مما يجعل الشخص يتأمل فى بعض الاشياء ويسرح بخياله الى مناطق بعيده ....
وبالتالى يستنتج اشياء غير مرئيه بالعين المجرده ...
تراها العين العاديه بانها ضرب من الخيال المثير للضحك ....
وهكذا ...
بالمناسبه ده كلام علمى .... ما تضحكوا بتحت تحت ...

مشكور الاخ الشمشار على هذه القصه الواقعيه ...التى اصبحت واقعاً معاشاً بكثير من الصور ... وقصتك واحده من هذه الصور ...!!!

[مدنيّة]

بالمناسبه ده كلام علمى .... ما تضحكوا بتحت تحت ...



ونضحك بتحت تحت ليه يابحيري!
والله نضحك بالدرب
ههههههههههههههههههههههههههههههه

------
قال علمي قال
-------
غايتو لو في زول ثني علي كلامك
ح اسحب الضحكة ، ثح!

[بنت الرفاعي]

:):):)


لك التحية أخي الشمشار وأنت
تُطل علينا بمواضيع بعضها (يجعل
الحواجب تكاد تصل لمقدمة الشعر)!!:eek:

سؤال:
لو سمحت كيف وأنت من ذلك العلو عرفت أنها
(سيجارة بنقو) (ماشاء الله) هل لأن شكلها معروف؟!
وإن كان كذلك فهل ذلك يعني أن الجُرأة وصلت بالبعض
أن يُدخنوها علناً من كثرة ما يحدث في بلادنا ........
و..........
إلخ؟!:confused:


:):):)

[بحيرى]

ونضحك بتحت تحت ليه يابحيري!
والله نضحك بالدرب
ههههههههههههههههههههههههههههههه

------
قال علمي قال
-------
غايتو لو في زول ثني علي كلامك
ح اسحب الضحكة ، ثح!


قايتو جنس إحباط يا خالتو .....
لكن الا اجيب ليك الجريده الفيها الكلام ده ...
ولا اقول ليك هاك الرابط ده ....
http:///?%20search.thechatphone.com/

[مصطفى هاتريك]

قايتو جنس إحباط يا خالتو .....
لكن الا اجيب ليك الجريده الفيها الكلام ده ...
ولا اقول ليك هاك الرابط ده ....
http:///?%20search.thechatphone.com/




رابط لمنو ؟؟؟

[مصطفى هاتريك]

والله يا الشمشار موضوعك (( ريحته فايحه )) لذا شأكتفي الآن


بالشم على أن أعاود المداخلة ب (( مزاج ))

[بحيرى]

رابط لمنو ؟؟؟


جارى للشكل بث ...!!!

[بحيرى]

والله يا الشمشار موضوعك (( ريحته فايحه )) لذا شأكتفي الآن


بالشم على أن أعاود المداخلة ب (( مزاج ))


دى حلتها شم بث ...!!!!

[مصطفى هاتريك]

*ما خفي أعظم!!
"في آداب، البنات في الاستراحة بيتعاطوا المخدرات، وفي واحدة في الجامعة كلية الآداب عامله فيها طالبة بتجي يومياً الجامعة وهي أتخرجت من بدري ومعاها واحده بتدرس في قسم الفرنسي ديل شغالين شغل جد، ويستهدفوا ناس معينين وبروجوا ليها صحبة صحبة يعزموك مرة ومرتين والمرة الثالثة أنت براك بتطلب. الحرس يعرفهما ولا يسألهما". هذا إفادة مصدرنا من كلية الآداب وذكر لنا الأسماء وقال إنه تم استغلاله وهو الآن ضمن شلة كبيرة وعندهم شقة يستأجرونها في بحري، وأضاف قائلاً "لو بقى على البنقو والمخدرات بس هين في حاجات أبشع"!.
*الحرس الجامعي!!
تطرقنا إلى سؤال في الحلقة السابقة حول موقع الحرس من ما يحدث في الجامعات من ترويج للبنقو وتعاطي واتجار. وقابلنا المقدم عبد المنعم حسين، قائد الحرس بجامعة النيلين، والذي نفى أن يكون هنالك تعاطي واتجار أو ترويج بداخل الحرم الجامعي. وقال إن هذه مجرد حكايات نسمع عنها، ولكنها في الواقع غير موجودة مثلها مثل الزواج العرفي بالجامعات والذي ظللنا نبحث عن حالة واحدة له في الجامعة ولم نجد. ثم عرج بحديثه إلى الحديث حول خصائص جامعة النيلين التي تبعد عنها شبهة التعاطي قائلاً.. جامعة النيلين تختلف عن بقية الجامعات باعتبار أنها جامعة في وسط الخرطوم ومكتظة جداً بالطلاب ويبلغ عدد طلابها حوالي 74 ألف طالب وطالبة، والطالب المدمن لما يكون داير يولع سجارتو إذا كانت بنقو ولا غيرو، لازم يلقى ليه جو هادئ وكمان البنقو رائحته نفاذة ومستحيل الطالب يتناولوا في الجامعة، نسبة للمساحات الضيقة والكثافة الطلابية". وأضاف "جاتنا معلومة عن وجود مروجين في النشاطات المجاورة للجامعة وبذلنا جهودا جبارة وساعدتنا شرطة مكافحة المخدرات التي مدتنا بأتيام وسعينا معاً وتمكنا من ضبط حالة واحد لشخص متلبس ولم يكن طالبا، بل عسكري مرفوت حاول يجي يروج في المكان وأودعناه الشرطة وفتحنا فيه بلاغات". وواصل قائلاً "وصلتنا أيضاً معلومة عن وجود مروجين يعملون في الشارع الذي يفصل بين السفارة المصرية وكلية الإحصاء ويصطادون بعض الطلبة والطالبات وعملنا ترتيباتنا مع ناس مكافحة المخدرات وعندنا أتيام موجودة هناك.



منقول

عن موقع رماة الحدق

أرجو ملاحظة التناقض في شهادة الحرس الجامعي

[الشمشار]

والله يالشمشار ياخوي بت الناس دي مش لو مرت بي مشاكل لو المشاكل في راسها مابتمشي للاعوج
ربنا يحفظ اولادنا وبناتنا من كل شر اميييييييييين

بالضبط يا ابو وضاح لكن الشيخ فرح ود تكتوك قال آخر الزمن الحره بتعيب والاذي بجيك من قريب
وآهو عااااااابت
الله يلطف بينا شكرا ابو وضاح

[الشمشار]

ربنا يحفظنا واولادنا من كل سوء يارب
جد بنسمع حاجات يشيب لها الولدان عن شباب الجامعة


-------
انا عايزة اسال
شنو العلاقة بين الظرافة وبين من يتعاطي هذا الشئ!!
لانه بالجد المساطيل ديل عندهم تعليقات ظريفة لابعد مدي

-----
شكرا الشمشار

والله يا مدنيه يمكن السبب انها بتعيش المسطول في عالم خيالي ويبدأ يتعامل مع العالم ده بسذاجه والسذاجه دي بتولد ظرافه نابعه من عدم المعرفه
والله اعلم منوراني اختي

[الشمشار]

حبينا معاوية (( الشمشار ))
نتابع ماتكتبة عن كثب

وبالجد كل ماتكتبه حاصل للاسف



واصل ونحن في انتظار المذيد من يراعك
تسلم يا ابو حميد وسعيد بمتابعتكم لكم جميعا موفور التقدير والاحترام

[الشمشار]

حبينا معاوية (( الشمشار ))
نتابع ماتكتبة عن كثب

وبالجد كل ماتكتبه حاصل للاسف



واصل ونحن في انتظار المذيد من يراعك
تسلم يا ابو حميد وسعيد بمتابعتكم لكم جميعا موفور التقدير والاحترام

[الشمشار]

هاهاها ...
العلاقه تكاد تكون وطيده بيناتهم ....
من ناحيه علميه .... الدخان عموماً ( سجاير عادى او بنقو ) بأثر على مؤخرة المخ .... والله اعلم ..
وهذا مما يجعل الشخص يتأمل فى بعض الاشياء ويسرح بخياله الى مناطق بعيده ....
وبالتالى يستنتج اشياء غير مرئيه بالعين المجرده ...
تراها العين العاديه بانها ضرب من الخيال المثير للضحك ....
وهكذا ...
بالمناسبه ده كلام علمى .... ما تضحكوا بتحت تحت ...

مشكور الاخ الشمشار على هذه القصه الواقعيه ...التى اصبحت واقعاً معاشاً بكثير من الصور ... وقصتك واحده من هذه الصور ...!!!
بحيري تسلم ع الاضافه مدنيه امسكي في كلام بحيري ده قوي ههههههههه

[الشمشار]

ونضحك بتحت تحت ليه يابحيري!
والله نضحك بالدرب
ههههههههههههههههههههههههههههههه

------
قال علمي قال
-------
غايتو لو في زول ثني علي كلامك
ح اسحب الضحكة ، ثح!
هههههههههههههه ثنينا بي ضحكه هههههههههههههه

[الشمشار]

:):):)


لك التحية أخي الشمشار وأنت
تُطل علينا بمواضيع بعضها (يجعل
الحواجب تكاد تصل لمقدمة الشعر)!!:eek:

سؤال:
لو سمحت كيف وأنت من ذلك العلو عرفت أنها
(سيجارة بنقو) (ماشاء الله) هل لأن شكلها معروف؟!
وإن كان كذلك فهل ذلك يعني أن الجُرأة وصلت بالبعض
أن يُدخنوها علناً من كثرة ما يحدث في بلادنا ........
و..........
إلخ؟!:confused:


:):):)





بت الرفاعي لك التحيه
عرفتها لانو الشاب الكان بلف فيها كان مدخل يدينو جوه التي شيرت وبلف فيها يعني داسيها كان لازم افهم انو دي سيجاره بنقو خصوصا انو كان بتلفت زي مروحه التربيزه
هم مادخنوها علنا هم مالقو محل غير العربيه معناها كانو متخفين
تسلمي اختي

[الشمشار]

قايتو جنس إحباط يا خالتو .....
لكن الا اجيب ليك الجريده الفيها الكلام ده ...
ولا اقول ليك هاك الرابط ده ....
http:///?%20search.thechatphone.com/
هههههههههههههه نحيي التأكيد مدنيه بعد ده ماعندك كلام

[الشمشار]

رابط لمنو ؟؟؟

شكلو للجميع ياهاتريك
وخصوصا مدنيه

[الشمشار]

والله يا الشمشار موضوعك (( ريحته فايحه )) لذا شأكتفي الآن


بالشم على أن أعاود المداخلة ب (( مزاج ))
ههههههههههههه اوعه تسطل بس

[الشمشار]

دى حلتها شم بث ...!!!!

ههههههههههههههههههههههههههههههههه
شممومه والناس مهجومه

[الشمشار]

*ما خفي أعظم!!
"في آداب، البنات في الاستراحة بيتعاطوا المخدرات، وفي واحدة في الجامعة كلية الآداب عامله فيها طالبة بتجي يومياً الجامعة وهي أتخرجت من بدري ومعاها واحده بتدرس في قسم الفرنسي ديل شغالين شغل جد، ويستهدفوا ناس معينين وبروجوا ليها صحبة صحبة يعزموك مرة ومرتين والمرة الثالثة أنت براك بتطلب. الحرس يعرفهما ولا يسألهما". هذا إفادة مصدرنا من كلية الآداب وذكر لنا الأسماء وقال إنه تم استغلاله وهو الآن ضمن شلة كبيرة وعندهم شقة يستأجرونها في بحري، وأضاف قائلاً "لو بقى على البنقو والمخدرات بس هين في حاجات أبشع"!.
*الحرس الجامعي!!
تطرقنا إلى سؤال في الحلقة السابقة حول موقع الحرس من ما يحدث في الجامعات من ترويج للبنقو وتعاطي واتجار. وقابلنا المقدم عبد المنعم حسين، قائد الحرس بجامعة النيلين، والذي نفى أن يكون هنالك تعاطي واتجار أو ترويج بداخل الحرم الجامعي. وقال إن هذه مجرد حكايات نسمع عنها، ولكنها في الواقع غير موجودة مثلها مثل الزواج العرفي بالجامعات والذي ظللنا نبحث عن حالة واحدة له في الجامعة ولم نجد. ثم عرج بحديثه إلى الحديث حول خصائص جامعة النيلين التي تبعد عنها شبهة التعاطي قائلاً.. جامعة النيلين تختلف عن بقية الجامعات باعتبار أنها جامعة في وسط الخرطوم ومكتظة جداً بالطلاب ويبلغ عدد طلابها حوالي 74 ألف طالب وطالبة، والطالب المدمن لما يكون داير يولع سجارتو إذا كانت بنقو ولا غيرو، لازم يلقى ليه جو هادئ وكمان البنقو رائحته نفاذة ومستحيل الطالب يتناولوا في الجامعة، نسبة للمساحات الضيقة والكثافة الطلابية". وأضاف "جاتنا معلومة عن وجود مروجين في النشاطات المجاورة للجامعة وبذلنا جهودا جبارة وساعدتنا شرطة مكافحة المخدرات التي مدتنا بأتيام وسعينا معاً وتمكنا من ضبط حالة واحد لشخص متلبس ولم يكن طالبا، بل عسكري مرفوت حاول يجي يروج في المكان وأودعناه الشرطة وفتحنا فيه بلاغات". وواصل قائلاً "وصلتنا أيضاً معلومة عن وجود مروجين يعملون في الشارع الذي يفصل بين السفارة المصرية وكلية الإحصاء ويصطادون بعض الطلبة والطالبات وعملنا ترتيباتنا مع ناس مكافحة المخدرات وعندنا أتيام موجودة هناك.



منقول

عن موقع رماة الحدق

أرجو ملاحظة التناقض في شهادة الحرس الجامعي


ياسااااااااااااتر خربانه خراب سوبا
شكر يا حبيب ع الاضافه

[mahagoub]

سطحيه فى كل شى
يا اخى زمان طالب الجامعه ليه هيبه
حتى المجتمع ليه تأثيره
ونرجعا للفراغ وحب التقليد

[الشمشار]

سطحيه فى كل شى
يا اخى زمان طالب الجامعه ليه هيبه
حتى المجتمع ليه تأثيره
ونرجعا للفراغ وحب التقليد

وايضا لضعف الوازع الديني واهمال بعض الاسر في تربيه ابنائهم
ايضا عدم مراقبه الاسر لابنائهم وبناتهم الذين هم في طور المراهقه
ممنون لك اخي محجوب

[mahagoub]

وايضا لضعف الوازع الديني واهمال بعض الاسر في تربيه ابنائهم
ايضا عدم مراقبه الاسر لابنائهم وبناتهم الذين هم في طور المراهقه
ممنون لك اخي محجوب

اضيف عليها ضغط الحكومه
المؤدى للفقر
فكيف لاب يعمل من الصباح للمساء
يتمكن من رعاية اسرته

[الشمشار]

اضيف عليها ضغط الحكومه
المؤدى للفقر
فكيف لاب يعمل من الصباح للمساء
يتمكن من رعاية اسرته

ربك يلطف بعباده