حــــاج جـــدعــــه

[الشمشار]

سلامات
حنحكي الليله عن حاج جدعه وحاج جدعه راجل ظريف جدا مدمن ضمنه يحب الضمنه زي عيونو ورغم حبه للضمنه الا انو كيشه فيها وطوالي مغلوب ورغم تدهور مستواه في الضمنه الا انو لسانو اطول من طويل هههههههههههه زي لسان ............(انا ماقلت فلان)انتظروني جاي
الجبنه في النار عشان ما تفور زي اقيام الضمنه التي يهزم فيها صاحبنا حاج جدعه انتظرو انزله واشربه واجيكم
ماتقولو لي دايرين معاك فرد كبايه ههههههههههههههههه
انا جااااااااااااااااااااااااااااااااااااااي
شوله مزعلاني
(ده البوست السادس لي مافي زول يخش فيه ويرد نمشي يعني ياناس مدني ؟)

[الشمشار]

نعود لي حاج جدعه الذي لايعرف اي شخص تاريخ عشقه للضمنه كل زول في الحله قام لقي حاج جدعه يصيح صيحته المشهوره لصديقه ودفعته وزميلو الدائم في الضمنه مصطفي
(ورق )
وههههههه ومصطفي يقول لي طلق ومايكسبوها
وبعد داك تبدا النقه من حاج جدعه
مصطفي ياخ بتبالغ انت ما بتكسب بتقول لي طلق ليه
يرد مصطفي الذي عرف ببروده الشديد ياحاج انا يدي بتكسب بس انت شايل نومه البيش
حاج جدعه
انا ذاتي غلطان العب معاك انت بتقفله عمياء طوالي
مصطقي
انا برضو بقفله عمياء
يشيح حاج جدعه ويقول مقولته اليوميه التي حفظها الناس عن ظهر قلب
القيم الجاي بتاع منو ؟
حاشيه
يقفله عمياء في مصطلح الضمنه اي ان لايدع مجال لرص كروت اخري يعني ماتكون في طريقه للعب
نواصل بعد الفاصل

[الشمشار]

القيم الجاي حاج جدعه ومصطفي يصيح احد الشباب بتلك المقوله رادا علي احد السائلين بعد مرور مده من الزمن بعد ان طال انتظار حاج جدعه وصديقه مصطفي وبدا القيم وحاج جدعه طبعا استاذ في اطلاق الالقاب علي نفسه
انا استاذ في مدرسه البنات جهار
يرد الشخص الذي بيمينه جلا
مصطفي جهار ين
يقول الشخص الاخر جلا
يعلو صوت عمك حاج جدعه وانا نااااااااااااايم
العب يامصطفي
مصطفي دو الحرفاء مابدو
الشخص الذي علي يسارحاج جدعه بيش
حاج جدعه يردد مقولته تبعتو دربك لقيتو باين انا ماسرقت بس جيت اعاين بيشين
يصيح كل من في النادي ياحاج جدعه بالغت
حاج جدعه يقول اسكتو
واستمر اللعب واصبح حاج جدعه بي كرت واحد وقرب يضمن لاول مره في حياتو بعد سنين ودنين في ممارسه الضمنه فصاح الشخص الذي بيساره ياحاج جدعه كان ضمنت ضمن لي في راسي ده ابيض
حاج جدعه بكل الاسف الفي الدنيا جلا
يتواصل اللعب حتي يصل الي الشخص الذي علي يسار حاج جدعه ويقول سي
هنا يصرخ حاج جدعه ضمنه ويهتز النادي والشباب يكوركو باعلي صوت
حاج جدعه ضمن وضمنه حاج جدعه كانت من المستحيلات زي الغول والعنقاء والخل الوفي
المهم لي سكينه ست الشاي جات جاريه وزغردت نظام كسير تلج وكده لانو زبونه بيشتري منها الشاي
واصبح خبر ضمنه حاج جدعه من الاخبار النادره الحدوث والتي تهم جميع من في الحله ونواصل بعد الفاصل


حاج جدعه ضمن وانتو لي هسي مارديتو علي البوستات الفاتحها ياناس مدني اتلومتو

[الشمشار]

الجوطه قامت والحله هاجت الماشي في الدرب علي بيتو جا راجع النادي والنسوان يزغردن

حاج جدعه ضمن ينطقها الجميع مستحلبين فيها كل قطرات الدهشه في هذه اللحظات كان عريس الحله حاج جدعه الذي اخذ يفخر بي انو رغم انو جلا مرتين لكن ضمن لاول مره في حياتو مصطفي يلعب كويس قال حاج جدعه هذه العباره مختزلا كياشتو في عدم معرفه مصطفي بكيفيه اللعب الصحيح

لكن من بين الموجودين هناك من لم ترق له فكره انو حاج جدعه ضمن قام قال للناس كدي احسبو الكروت

لامن حسبو الكروت لقوها سبعه وعشرين ومفروض يكونو ثمانيه وعشرين قامو بقو يفتشو في الكرت الناقص حاج جدعه علي شلاقتو داير يرمي الكرت في الواطه براحه بدون اي زول يحس بي الكرت لامن وقع عمل صوت هنا هاج النادي وماج وحاج جدعه ينفي صلته بالكرت الا ان الجميع تيقن ان حاج جدعه لامن غلبو يضمن بالطريق العديل حاول يغش
نقطه سطر مهم

كم من شخص في هذا البلد يسعي للطرق الملتويه لتحقيق هدفه
نقطه سطر تاني

وحاتكم لي الليله دي حاج جدعه ماضمن
نقطه سطر دخلتو من راسي
الردود هي اوكسجين المواضيع ردو عشان تدونا الدافع نكتب تاني
نقطه وسطر اخير

القصه انتهت

[ابووضاح]

رائعة من روائع الزمن الجميل قصة ارجعتني لعدة سنين
لامتطي ذاكرتي مع الجيران والاصدقاء والحبان مع الضمنة والكوتشينة
ناس خمسين جراها غلط وكروتو زايدة ورق طلق البلاطة مع منو
متعك الله بالصحة والعافية اخي الشمشار

[مايسة]

(ده البوست السادس لي مافي زول يخش فيه ويرد نمشي يعني ياناس مدني ؟)


تصدق من المتابعين لما تكتب
كتاباتك في قمة الروعة
وكل المواضيع حساسة جدا وفي الصميم زي ما بقولو
ومن مجتمعنا السوداني
وفيها تبسيط جميل يجعل الشخص يتابعها للنهاية دون توقف - ولكن

سأحكي لك هذه القصة الصغيرة

إذا كنت بتتمشى في الشارع وفجأة لقيت ليك محل باسطة عجييييييييييييييب
ودخلته تووووووش
وكنت من محبي الكنافة والشعيرية والبسبوسة والبقلاوة وام شنو وام شنو ...........
حا تعمل شنو في الحالة دي -
حا تقعد تاكل منها في وقت واحد لمن تجيك تخمة وتمشي المستشفى
ولا تاكل واحدة واحدة وتتذوق طعمها
ولفترات عشان ما تتعب بطنك -

تحياتي مرة أخرى لك الشمشار
وأكيد الزيي كتار

[abomazeen]

لكن والله وقعــت لي في جرررررررح عديل كده
الما لعب معاك يا زميل .. ما لعب
دي تحية منـي للزول دااااك ...!
تسلم يا شمشار يا جميل انت

[الشمشار]

ايووووووووووووي يووووووووووووي يوووووي
هووووي ده ما انا دي زميلتي الجنبي قالت لي مبروووك اخيرا عبروك هههههههههههههه

[معتز الريح]

منور يا حبيب .. ومتابعين إبداعاتك ..
وحاج جدعة ده ذكرني أخونا هيثم الخواض أبولوزة ..
بحب الضمنة لكن طوالي مغلوب ..
-----------------------------------
الغريبة الضمنة حقتو .. وبدفع حق الشيشة والمشاريب ..

[كارلوس2008]

دي ضمنة متلفزة ولا شنو


يعطيك العافية

[الشمشار]

رائعة من روائع الزمن الجميل قصة ارجعتني لعدة سنين
لامتطي ذاكرتي مع الجيران والاصدقاء والحبان مع الضمنة والكوتشينة
ناس خمسين جراها غلط وكروتو زايدة ورق طلق البلاطة مع منو
متعك الله بالصحة والعافية اخي الشمشار
ابو وضاح شكرا لك الغرض من ايراد القصه المناقشه في موضوع مهم
التحايل لتحقيق الاهداف
ههههههههههههه هسي انا اتحايلت عشان الناس تتفاعل مع البكتبو هههههههههههه واهو انت شرفتني هنا ومعاك بقيه الحلوين

[الشمشار]

تصدق من المتابعين لما تكتب
كتاباتك في قمة الروعة
وكل المواضيع حساسة جدا وفي الصميم زي ما بقولو
ومن مجتمعنا السوداني
وفيها تبسيط جميل يجعل الشخص يتابعها للنهاية دون توقف - ولكن

سأحكي لك هذه القصة الصغيرة

إذا كنت بتتمشى في الشارع وفجأة لقيت ليك محل باسطة عجييييييييييييييب
ودخلته تووووووش
وكنت من محبي الكنافة والشعيرية والبسبوسة والبقلاوة وام شنو وام شنو ...........
حا تعمل شنو في الحالة دي -
حا تقعد تاكل منها في وقت واحد لمن تجيك تخمة وتمشي المستشفى
ولا تاكل واحدة واحدة وتتذوق طعمها
ولفترات عشان ما تتعب بطنك -

تحياتي مرة أخرى لك الشمشار
وأكيد الزيي كتار
اختي سلمتي والله
واتمني دائما اكون عند حسن الظن
لكن
الردود مهمه لانها بتوريك انت واقف وين وبتخليك في نقاش مع الناس وشكرا للتشبيه الجميل واقولها ليك بنفس تعبيراتك
الناس لازم تشتري عشان الحلواني يعمل تاني ولاشنو ؟
منوره

[الشمشار]

لكن والله وقعــت لي في جرررررررح عديل كده
الما لعب معاك يا زميل .. ما لعب
دي تحية منـي للزول دااااك ...!
تسلم يا شمشار يا جميل انت


ابو مازن تسلم والتحيه اللي للزول داك وصلت
مشكووووور يارائع

[الشمشار]

منور يا حبيب .. ومتابعين إبداعاتك ..
وحاج جدعة ده ذكرني أخونا هيثم الخواض أبولوزة ..
بحب الضمنة لكن طوالي مغلوب ..
-----------------------------------
الغريبة الضمنة حقتو .. وبدفع حق الشيشة والمشاريب ..
لالالالالا
انا كده اتحسد
المشرف العام ذاتو هنا
يامرحبا
ههههههههههههههه يعني خسران خسران اخير حاج جدعه مابصرف شئ الا علي نفسو
شمشره صغيرونه
هيثم الخواض ده ماياهو الزول الاسمو في المنتديات سوداني ولا اسم علي اسم

[الشمشار]

دي ضمنة متلفزة ولا شنو


يعطيك العافية
تسلم ياجميل
ايوه ضمنه صوت وصوره
ههههههههه

[معتز الريح]

لالالالالا
انا كده اتحسد
المشرف العام ذاتو هنا
يامرحبا
ههههههههههههههه يعني خسران خسران اخير حاج جدعه مابصرف شئ الا علي نفسو
شمشره صغيرونه
هيثم الخواض ده ماياهو الزول الاسمو في المنتديات سوداني ولا اسم علي اسم

مرحب بيك أنت وبي ابداعاتك ..
-----------------------------
والله نحنا جابتنا الزغاريد .. دخلنا (نشمشر)
-----------------------------
أبولوزة ما اتخيل لي مشارك في منتديات غير هنا ..
واحتمال كبير اسم على اسم ..
-----------------------------
هيثم اخو حبيب وعزيز لكن في الضمنة لو قعد زميلك
بتتغلب بتتغلب .. وبعدين نحنا ما عايزين نخسر (الامتيازات) ..
جربنا قعدنا معاهو احرف ناس برضو اتغلب ..
وخايفنو يحرد والله ويشيل الضمنة حقتو ..
لكن كترة الغلب بتقتل القلب .. فهو اتعود واتعايش مع المسألة ..
----------------------------------
لكن ليه دائما أصحاب الإمكانيات كيشة (يعني سيد الكوتشينة وسيد الضمنة
وزمان عندنا واحد بجيب لينا فنايل كورة لتيم المدرسة
(بندخلو بعد ما نكون غالبين سته وما فوق)
مره قال يا تلعبوني يا بشيلهم ..
بعد تعب وقفناهو حارس مرمى..

[الشمشار]

مرحب بيك أنت وبي ابداعاتك ..
-----------------------------
والله نحنا جابتنا الزغاريد .. دخلنا (نشمشر)
-----------------------------
أبولوزة ما اتخيل لي مشارك في منتديات غير هنا ..
واحتمال كبير اسم على اسم ..
-----------------------------
هيثم اخو حبيب وعزيز لكن في الضمنة لو قعد زميلك
بتتغلب بتتغلب .. وبعدين نحنا ما عايزين نخسر (الامتيازات) ..
جربنا قعدنا معاهو احرف ناس برضو اتغلب ..
وخايفنو يحرد والله ويشيل الضمنة حقتو ..
لكن كترة الغلب بتقتل القلب .. فهو اتعود واتعايش مع المسألة ..
----------------------------------
لكن ليه دائما أصحاب الإمكانيات كيشة (يعني سيد الكوتشينة وسيد الضمنة
وزمان عندنا واحد بجيب لينا فنايل كورة لتيم المدرسة
(بندخلو بعد ما نكون غالبين سته وما فوق)
مره قال يا تلعبوني يا بشيلهم ..
بعد تعب وقفناهو حارس مرمى..

هاهاهاهاها
سيد الكوره زمان برضو كنا بنعلبو معانا مجبورين بيقول ليك يافيها يا اشيل كورتي وامشي
(انا معوق حركيا لكن بلعب كوره كنت وبلنتيي مابتصد هههههه)
معتز غايتو ابو لوزه ده جيبو دوره متقدمه مع حاج جدعه
يا اتشاكلو
ياناس نادينا تاني بطلو الضمنه هههههههههههههههه

[ريمون]

سلامات
حنحكي الليله عن حاج جدعه وحاج جدعه راجل ظريف جدا مدمن ضمنه يحب الضمنه زي عيونو ورغم حبه للضمنه الا انو كيشه فيها وطوالي مغلوب ورغم تدهور مستواه في الضمنه الا انو لسانو اطول من طويل هههههههههههه زي لسان ............(انا ماقلت فلان)انتظروني جاي
الجبنه في النار عشان ما تفور زي اقيام الضمنه التي يهزم فيها صاحبنا حاج جدعه انتظرو انزله واشربه واجيكم
ماتقولو لي دايرين معاك فرد كبايه ههههههههههههههههه
انا جااااااااااااااااااااااااااااااااااااااي
شوله مزعلاني
(ده البوست السادس لي مافي زول يخش فيه ويرد نمشي يعني ياناس مدني ؟)

ردينا ليك ..
ومتابعين ..
انت عارف مواضيعك ممتعة ..
شوف المشاهدين كم ما تشوف الردود ..

[الشمشار]

ردينا ليك ..
ومتابعين ..
انت عارف مواضيعك ممتعة ..
شوف المشاهدين كم ما تشوف الردود ..

حبابك وحباب الردو كلهم
لكن يا اختي المشاهدات مابتثري المناقاشات ولا انا غلطان ؟
حبابك تاني انتي والمعاك كلهم

[mahagoub]

حبه حبه يا ملوانى
ما هى كترت المواضيع بتتوه
انا اليوم اتفرغت لمواضيعك
الضمنه متعه وعذاب
ضمنته عمك دى نوعا كتير فى معاملات الناس
والله يهدى

[الشمشار]

حبه حبه يا ملوانى
ما هى كترت المواضيع بتتوه
انا اليوم اتفرغت لمواضيعك
الضمنه متعه وعذاب
ضمنته عمك دى نوعا كتير فى معاملات الناس
والله يهدى

حبااااابك
ما مشكله انت نور مواضيعي بي راحتك وانا منتظرك مين ملواني ده ههههههههههههههههه

[mahagoub]

حبااااابك
ما مشكله انت نور مواضيعي بي راحتك وانا منتظرك مين ملواني ده ههههههههههههههههه

مقطع من مسرحية مدرسة المشاغبين
جملة ناظر المدرسه

[الشمشار]

مقطع من مسرحية مدرسة المشاغبين
جملة ناظر المدرسه

حلووو منكم نستفيد استاذ محجوب
يديك العافيه يارب

[mahagoub]

لو انا كنت قاعد معاهم
كنت عملت مصهين واخليه يفرح مره واحده فى حياته

[الشمشار]

لو انا كنت قاعد معاهم
كنت عملت مصهين واخليه يفرح مره واحده فى حياته

ههههههههههههه وتعمل شنو مع الزول العكليته العرف الحاصل ده سريع سريع