ياسر ود النعمة
17-11-2011, 12:27 AM
• قال الراوي: إن طعم العرس حلوٌ ولذيذ.. وهو راحات وأقداح نبيذ!! لكن الخوازيق ستأتي.. وانتفاخات القرنتي ثم ضربات البنلتي.. ود بطاناً كالنمتي لا يقاوم بالتينتي.. أنت تصرخ بنتي.. بنتي وهي تصدّح حِني.. حِني.. وتتي.. تتي!!، وكما قال الراوي أيضاً:
• شيخنا ود الشايقي أفلح.. اشتري ليلي مكعكع فتصلّح وتصبّين.. في هزيع الليل يمدح.. يا ليلى ليك جنا معشوقك أوّه وغنا.. وتجيب المدح ليلى وتهرول غير هدنا وتجيب الشيخ قرباً غاب قوسين وأدنى.. إنها دنيا المقالب باسم ليلى من يطالب لست أدري؟!
شيخنا يا الشيخ البجم خلّف زرازير السجم واحدين أساميهم عرب.. واحدين أساميهم عجم بدأ بزوجات الرسول العشرة.. وكل الذين تجمهروا في البيعة تحت الشجرة طلحة الخير والزبير.. ثم سعداً وسعيد ثم ست مبايعين.. كمل أسماء الصحابة والكرام التابعين وتابعين التابعين والنجوم البارزين.. وأسامي الخالدين.. ثم كتّر ما يشاء من البنين.. عز الدين.. وسامي الدين.. وفخر الدين.. وباهي الدين.. وسيف الدين.. ونجم الدين.. وقمر صناعي الدين.. ثم كتّر في القوافي وتبّحر في تراكيب المضافي.. وآخر الدور بقت الواحدة تلد في ثمانية شهور.. ولدّه أناتي جوز فوق جوز.. وولّده ضكور.. الراجل تقول مسحور وما بخليلو مرتاً بور.. وزرعتو ما بتقع واطة.. وشيخكم عاد قعد باطة يكتب الطلبات لست المقاسات بالدست.. لحسو قدر العندو ست.. الولية تنبح ما انكست.. والبت تدور كان أصبحت وإن كان مست جيب غوايش.. وعرايسي.. ومفستك.. ومحزق.. ومنمق..
• ربنا يخلي الخواجة ما تقيف قدّامنا حاجة.. إلاّ يرطن فيها حاجة.. يا خلق يا عقل صبّة.. تلحسو الرز بالمربة.. وتشربو عروق المحبة.. وتدّو كبة وراها كبه عشان تقيف ما تاخدو حبة.. إنتٍ يا جاموسة دري.. هو اليكتح وإنت ضري.. الليلة يقطعو حبل سري.. بكرة يظهر حبل سرى!! العداد ما سكاه سري لا بتحدثني لا بتقري ويلا يا دايتنا جري.. إنه قول المعري خففي الوضع خليلي ها هنا قبر سليلي.. جمي.. جمي.. وبكره تمي ويلا يا نخلاية رّمي.. ألدي أردب فول وسمسم خلي ملك الموت يلملم.. حبة يا أهل المحبة.. حبه في جوف الولية حبة واحدة مع العشية والمطايب.. هي.. هي!!.
• بالمناسبة دي رأينا أن نخصص يوم في كل عام نطلق عليه (اليوم العربي للزوجة الثانية) فإن نجحت الفكرة نخصص أيضاً يوم عربي للزوجة الثالثة إلى أن نبلغ النمرة الكاملة.. والكلام ده أو الفكرة دي ما عشان نساءنا نقناقات أو فقريات أو بيكثرّن في الطلبات لحد ما تلقى بعلها مات.. لا.. أبداً مش كدة.. وأتمنى أن يفهمن زوجاتنا السودانيات الأهداف والمعاني السامية التي نحن بصدد تنفيذها لحكاية الزوجة الثانية.. والله لولا إن المسألة تتسبب في مشاكل كثيرة تهم الوطن لما فكرنا في الزوجة الثانية على الإطلاق.. (وما الحب إلا للقشير الأولِ).
• فالذي يقطّع أحشاءنا ويصيب دواخلنا بأمراض العصر تلك الدراسة التي وقعت بين يدينا نحن معشر الرجال المتزوجون.. هذه الدراسة تقول (إن مقابل كل شاب أو رجل سوداني ثلاثة عشر فتاة).. وفيهن من فاتهن القطار بمحطةٍ أو سندةٍ.. طيّب أيها الزوجات السودانيات الماجدات يرضيكن بأن يبقن بنات جنسكن عانسات والبلد مليانة رجال ليهم شنبات.. وبالرغم من إننا سنتزّوج الزوجة الثانية.. ستظل المشكلة قائمة!! أو نكون قللنا شوية من الفتيات الحايمات ديل.. ولنفترض بأن امكانياتنا المادية ولياقتنا البدنية تؤهلانا لبلوغ سقف الشريعة الإسلامية أربعة نساء زي الفل (خاصةً الأولى العسل).. برضك حيكون في عجز تسع فتيات.. نعمل شنو؟.. العلينا عملناه وأكثر من طاقتنا.. والمسألة قد تتطلب منّا العودة إلى سنار.. أقصد العودة للتمارين والعودة أيضاً لـ(حساب التلميذ) عشان نجدوّل الموضوع خوفاً من أن لا تعدلوا دي!!.
• ألّذ حاجة في ونسة تتم عادةً بين الزوج وزوجته بعد شاي العصر مع مراعاة فارق الوقت لناس الخرطوم اللابياكلوا ولا حاجة! قلت لزوجتي إنت عارفة (البنات بقن كتيرات) وحدّثتها بالدراسة وقلت لها يجب على كل سوداني فيه شوية نخوة عربية ويتحلى بالروح الوطنية أن يساهم بقدرٍ كبيرٍ في حل هذه المشكلة قبل أن تتفاغم.. قالت ماذا تقصد؟ قلت لها لابد من أن نخوض مع الخائضين ونتزوّج من البنات السمحات وكتيرات ديل.. فأنا.. وعماد.. وعمر.. وعمر.. ومجدي وحسن.. ومجدي الثاني.. لو كلنا أقدمنا على مثل هذه الخطوة نكون حلّينا جزء كبير من المشكلة.. قالت ليّ مشكلة شنو؟ قلت ليها مشكلة البنات الكتيرات وما متزوجات؟
• قالت ليّ (بِس) إنت مسؤول منهن ولاّ إنت الحكومة؟ قلت ليها أنا الحكومة لا.. أنا البرلومة!!.
فإذا كان هذا رد الزوجات نقول للفتيات الما متزوجات أصبرن يا بناتي.. مخيّر اللـه في حقو.
القليب فيها والبعشوم مابيها!!
قال الزوجة الثانية قال.. أمشو إتزوجو فنحن مرتبطين بقصة حب فيها نوع من المبالغة.. وأنا حقيقةً دخلت في صندوق مع شلة نساء صديقات المدام.. واحدة قالت ليّ نديك الثانية.. قلت ليها لا.. وألف لا.. أنا داير الأولى!!.
• شيخنا ود الشايقي أفلح.. اشتري ليلي مكعكع فتصلّح وتصبّين.. في هزيع الليل يمدح.. يا ليلى ليك جنا معشوقك أوّه وغنا.. وتجيب المدح ليلى وتهرول غير هدنا وتجيب الشيخ قرباً غاب قوسين وأدنى.. إنها دنيا المقالب باسم ليلى من يطالب لست أدري؟!
شيخنا يا الشيخ البجم خلّف زرازير السجم واحدين أساميهم عرب.. واحدين أساميهم عجم بدأ بزوجات الرسول العشرة.. وكل الذين تجمهروا في البيعة تحت الشجرة طلحة الخير والزبير.. ثم سعداً وسعيد ثم ست مبايعين.. كمل أسماء الصحابة والكرام التابعين وتابعين التابعين والنجوم البارزين.. وأسامي الخالدين.. ثم كتّر ما يشاء من البنين.. عز الدين.. وسامي الدين.. وفخر الدين.. وباهي الدين.. وسيف الدين.. ونجم الدين.. وقمر صناعي الدين.. ثم كتّر في القوافي وتبّحر في تراكيب المضافي.. وآخر الدور بقت الواحدة تلد في ثمانية شهور.. ولدّه أناتي جوز فوق جوز.. وولّده ضكور.. الراجل تقول مسحور وما بخليلو مرتاً بور.. وزرعتو ما بتقع واطة.. وشيخكم عاد قعد باطة يكتب الطلبات لست المقاسات بالدست.. لحسو قدر العندو ست.. الولية تنبح ما انكست.. والبت تدور كان أصبحت وإن كان مست جيب غوايش.. وعرايسي.. ومفستك.. ومحزق.. ومنمق..
• ربنا يخلي الخواجة ما تقيف قدّامنا حاجة.. إلاّ يرطن فيها حاجة.. يا خلق يا عقل صبّة.. تلحسو الرز بالمربة.. وتشربو عروق المحبة.. وتدّو كبة وراها كبه عشان تقيف ما تاخدو حبة.. إنتٍ يا جاموسة دري.. هو اليكتح وإنت ضري.. الليلة يقطعو حبل سري.. بكرة يظهر حبل سرى!! العداد ما سكاه سري لا بتحدثني لا بتقري ويلا يا دايتنا جري.. إنه قول المعري خففي الوضع خليلي ها هنا قبر سليلي.. جمي.. جمي.. وبكره تمي ويلا يا نخلاية رّمي.. ألدي أردب فول وسمسم خلي ملك الموت يلملم.. حبة يا أهل المحبة.. حبه في جوف الولية حبة واحدة مع العشية والمطايب.. هي.. هي!!.
• بالمناسبة دي رأينا أن نخصص يوم في كل عام نطلق عليه (اليوم العربي للزوجة الثانية) فإن نجحت الفكرة نخصص أيضاً يوم عربي للزوجة الثالثة إلى أن نبلغ النمرة الكاملة.. والكلام ده أو الفكرة دي ما عشان نساءنا نقناقات أو فقريات أو بيكثرّن في الطلبات لحد ما تلقى بعلها مات.. لا.. أبداً مش كدة.. وأتمنى أن يفهمن زوجاتنا السودانيات الأهداف والمعاني السامية التي نحن بصدد تنفيذها لحكاية الزوجة الثانية.. والله لولا إن المسألة تتسبب في مشاكل كثيرة تهم الوطن لما فكرنا في الزوجة الثانية على الإطلاق.. (وما الحب إلا للقشير الأولِ).
• فالذي يقطّع أحشاءنا ويصيب دواخلنا بأمراض العصر تلك الدراسة التي وقعت بين يدينا نحن معشر الرجال المتزوجون.. هذه الدراسة تقول (إن مقابل كل شاب أو رجل سوداني ثلاثة عشر فتاة).. وفيهن من فاتهن القطار بمحطةٍ أو سندةٍ.. طيّب أيها الزوجات السودانيات الماجدات يرضيكن بأن يبقن بنات جنسكن عانسات والبلد مليانة رجال ليهم شنبات.. وبالرغم من إننا سنتزّوج الزوجة الثانية.. ستظل المشكلة قائمة!! أو نكون قللنا شوية من الفتيات الحايمات ديل.. ولنفترض بأن امكانياتنا المادية ولياقتنا البدنية تؤهلانا لبلوغ سقف الشريعة الإسلامية أربعة نساء زي الفل (خاصةً الأولى العسل).. برضك حيكون في عجز تسع فتيات.. نعمل شنو؟.. العلينا عملناه وأكثر من طاقتنا.. والمسألة قد تتطلب منّا العودة إلى سنار.. أقصد العودة للتمارين والعودة أيضاً لـ(حساب التلميذ) عشان نجدوّل الموضوع خوفاً من أن لا تعدلوا دي!!.
• ألّذ حاجة في ونسة تتم عادةً بين الزوج وزوجته بعد شاي العصر مع مراعاة فارق الوقت لناس الخرطوم اللابياكلوا ولا حاجة! قلت لزوجتي إنت عارفة (البنات بقن كتيرات) وحدّثتها بالدراسة وقلت لها يجب على كل سوداني فيه شوية نخوة عربية ويتحلى بالروح الوطنية أن يساهم بقدرٍ كبيرٍ في حل هذه المشكلة قبل أن تتفاغم.. قالت ماذا تقصد؟ قلت لها لابد من أن نخوض مع الخائضين ونتزوّج من البنات السمحات وكتيرات ديل.. فأنا.. وعماد.. وعمر.. وعمر.. ومجدي وحسن.. ومجدي الثاني.. لو كلنا أقدمنا على مثل هذه الخطوة نكون حلّينا جزء كبير من المشكلة.. قالت ليّ مشكلة شنو؟ قلت ليها مشكلة البنات الكتيرات وما متزوجات؟
• قالت ليّ (بِس) إنت مسؤول منهن ولاّ إنت الحكومة؟ قلت ليها أنا الحكومة لا.. أنا البرلومة!!.
فإذا كان هذا رد الزوجات نقول للفتيات الما متزوجات أصبرن يا بناتي.. مخيّر اللـه في حقو.
القليب فيها والبعشوم مابيها!!
قال الزوجة الثانية قال.. أمشو إتزوجو فنحن مرتبطين بقصة حب فيها نوع من المبالغة.. وأنا حقيقةً دخلت في صندوق مع شلة نساء صديقات المدام.. واحدة قالت ليّ نديك الثانية.. قلت ليها لا.. وألف لا.. أنا داير الأولى!!.