كل ما نشتل الأفراح .. تجي الأقدار تمد إيدها

[عثمان جلالة]

أولن بالتبادي اسمحوا لي أوريكم إحساس المتغربين في الأرض تجاه السنين التي قضوها ويقضونها في منافي الغربة .. والنتيجة أو الحصاد !!!! كلما تشرق شمس يوم جديد بتسأل نفسك .. أنا عملت شنو؟؟

في إجازتي السغنتوتيه الفاتت دي .. قلت أمشي يا ولد أشتري ليك أرض في الخرطوم ... وخليها للزمن .. ما مهم وين في الخرطوم أو أم درمان أو بحري المهم محل الرئيس بنوم والطياره بتقوم :D
لكن احبطتني الاسعار .. نااااااااااااااااااار يا حبيبي نااااااااااار.

وطبعن عندي خطه بديله ... هههههههه إنتو قايلني هين .. تفتيحه وكده :rolleyes: الخطه البديله قلت استثمر .. أخش بالقريشات الـ عندي في مشروع ذو عائد سريع ومربح ومضمون ..أها قلت يا ولد طالما إنو الضحية قربت .. والخرفان أسعارها في السما .. أستثمر في الأضاحي وأهو مشروع مدته شهرين أو أقل ... ولحسن الصدف عندي خالاً لي عندو مشاريع في النيل الأزرق ..وعندو مزرعة مربي فيها حوالي الـ 100 راس أضاحي .. طوااااالي اتفقت معاهو ... أشيل منو 50 راس وأرحلهم من النيل الأزرق للجزيرة قبل عيد الأضحى بـ عشرة أيام.

يعلم الله الكلام ده قلناهو الليلة .. كان بكره أسمع ليك بالاحداث في الدمازين وعموم النيل الأزرق .. التقول عقار ده قاصدني:mad:

حاليا مع أسعار الخرفان الما معروفه كيف؟ يمكن الواحد يبقى على السمسم .. ما سمسم القضارف .. سمسم الدمازين :rolleyes:.. ده كان خالي قدر يحصد سمسمو .. هييييييييييييه .. يعني الواحد يعمل شنو؟ في بلد كل يوم في حال وغير مستقره لا اقتصاديا ولا سياسيا ولا حتى مجتمعيا.

عشان كده الظاهر غربتنا دي ح تطووووووووول ... وممكن لو رجعنا ع كرعينا نرجع ايد ورا وايد قدام ... كل الأمنيات أن نجد في بلدنا الــــ كان مليون ميل مربع .. شبرا لندفن فيه.

لك الله يا وطني.

[مدنيّة]

ياابوها
اجيب ليك البوست حقي
بتاع
غايتو انتو يا المغتربين بري منكم!!

غايتو عندكم جنس حركات
قاعدين في بلد الاغتراب
زي العجب وهيثم مصطفي زاتو
تجي تقول لي خرفان؟؟
انت قايلنا هنود!!

---------
بجدية
أفضل استثمار ياجلالة
هي الاراضي
في اي حتة اشتريها
وخليها للزمن
انت ما تعاين للاراضي الغالية
في الرخيص المقدور عليه
امسك فيه

------
كل عام انت والاسرة بالف خير يارب

[abomazeen]

معقولة أو منة بشحمو وعضمو وحروفو ( والووفه )
( اللوفه دي جمع تكسير لكمية الآلف من الريالات هاهاهاه)
منور المنتدى من بعد غيبة يا حبيب ... يعلم الله مشتاقين عديل
اعمل حسابك من ناس البندر ديل يا حبيب بسرقو الكحل من العين
واهو اول السماسرة ظهروا فوق مشاركتي دي ... بس ما تـقول منو ؟

[مدنيّة]

واهو اول السماسرة ظهروا فوق مشاركتي دي ... بس ما تـقول منو ؟

[/COLOR]

الغريبة
المميز* ما شارك في البوست دا!!



* المميز لانه اشهر سمسار هنا

[abomazeen]

الغريبة
المميز* ما شارك في البوست دا!!



* المميز لانه اشهر سمسار هنا





هي العدوى إلاّ بتتنقل بالعطس ...؟

والكلام ليك يا المنطط عييينيك ...!

[بدر الدين محمد]

الله يعينك يا جلالة

[آلاء عبد الرحمن]

والله المغتربين ديل ربنا معاهم
بث صراحة الواحد لو مفكر يجي اول حاجة يشوف ليو مشروع ويبداو حتي يجي مش يجي وبعدها يفكر لانو قروشو حتخلص قبل ماتجيو الفكرة

[عثمان جلالة]

ياابوها
اجيب ليك البوست حقي
بتاع
غايتو انتو يا المغتربين بري منكم!!

غايتو عندكم جنس حركات
قاعدين في بلد الاغتراب
زي العجب وهيثم مصطفي زاتو
تجي تقول لي خرفان؟؟
انت قايلنا هنود!!

---------
بجدية
أفضل استثمار ياجلالة
هي الاراضي
في اي حتة اشتريها
وخليها للزمن
انت ما تعاين للاراضي الغالية
في الرخيص المقدور عليه
امسك فيه

------
كل عام انت والاسرة بالف خير يارب

وإنتي والأسرة الكريمة بألف خير يا أسماء.

تعرفي كل الأراضي الاسعارها مناسبة ... حيازه فقط ... بدون شهادة بحث يعني .. ودي زي ما عارفه مشاكلها كتيره.

ليك علي للشفتو ده بعد سنتين تلاته أكون أكبر مستثمر أراضي في منتديات ود مدني :rolleyes:;);)

[عثمان جلالة]

معقولة أو منة بشحمو وعضمو وحروفو ( والووفه )
( اللوفه دي جمع تكسير لكمية الآلف من الريالات هاهاهاه)
منور المنتدى من بعد غيبة يا حبيب ... يعلم الله مشتاقين عديل
اعمل حسابك من ناس البندر ديل يا حبيب بسرقو الكحل من العين
واهو اول السماسرة ظهروا فوق مشاركتي دي ... بس ما تـقول منو ؟



أبو مازن يا راقي .. الشوق بحور والله .. منعنا منكم الشديد القوي

ههههههههههههه ما تخاف علي اخوك .. مفتح ... لكن الزي مدنيه دي ما بجوك بالدرب العديل :D .. بعد ما تشتري الأرض .. يجوك ناس مدنية يقولوا ليك أمرق منها لأنو اكتشفنا فيها بير بترول هههههههه :) .. "سمسره بـ محروقاتها" هع هع هع

تلحيقه:

عاجبني اسم مازن ياخ .. لو بترسل لي حق السمايه .. الولد الجاي ده بسميهو مازن :o;)
رأيك شنو؟؟؟

[عثمان جلالة]

الله يعينك يا جلالة

يعينا وياك يا الحبيب .. طبعن يا حبيب القسا لأنو الزمن دردرك .. أنتا من الناس المحتاجين شورتهم.

كل عام وأنت و الأسرة الكريمة بألف خير.

[عثمان جلالة]

والله المغتربين ديل ربنا معاهم
بث صراحة الواحد لو مفكر يجي اول حاجة يشوف ليو مشروع ويبداو حتي يجي مش يجي وبعدها يفكر لانو قروشو حتخلص قبل ماتجيو الفكرة

كلامك صاح يا صاحبة أجمل ابتسامة

لأنو الظروف ما معروفه ... والزمن دوار

كل الود،،،

[مصطفى هاتريك]

شيخ الطريقة الإبداعية التميزية

أول التبادي ... طلتك عيد قبل العيد وفي قبايل العيد

تاني التبادي .. الإستثمار في السودان عايز شرطين عشان ينجح

الأول : لازم تكون هناي ,,, ولا صاحب هناي

وفي الحالة دي (( أبشر بالخير ))

الثاني : إذا لم يتوفر فيك الشرط الأول , فأنت محتاج لتلاته حاجات بسيطه







صبر أيوب







عمر نوح






مال قارون












بس

[عثمان جلالة]

شيخ الطريقة الإبداعية التميزية

أول التبادي ... طلتك عيد قبل العيد وفي قبايل العيد

تاني التبادي .. الإستثمار في السودان عايز شرطين عشان ينجح

الأول : لازم تكون هناي ,,, ولا صاحب هناي

وفي الحالة دي (( أبشر بالخير ))

الثاني : إذا لم يتوفر فيك الشرط الأول , فأنت محتاج لتلاته حاجات بسيطه







صبر أيوب







عمر نوح






مال قارون












بس

الغالي هاتريك .. والله كلامك عين الحقيقه .. وإن كان محبط .. لكنه وللأسف الشديد .. الواقع المحزن.

قالوا أسمع كلام الـ ببكيك .. وما تسمع كلام الـ بضحكك

أخير لينا الصبر بس يا حبيب .. لأنو ح أقتدي بــــ مثالين .. نبي الله أيوب .. والشعب السوداني الفضل :rolleyes:;):mad::)

[admin]

جلالة كل عام وانت بالف خير
كدي اسمع الكلام الجد
ان بدور اساعدك في مصابكم الجلل دا وبشتري منك خروفين تسليم السوق الشعبي
وبديك فيهن الاثنين نص مليون كاااااش وورق جديد وقالوا الكاش بقلل النقاش
العرض دا الليلة وبكرة بس لانو كان مالحقتا بعتا بضاعتك دي قبل العيد الا تبيعها فرش رقشات بعد داك

[عثمان جلالة]

جلالة كل عام وانت بالف خير
كدي اسمع الكلام الجد
ان بدور اساعدك في مصابكم الجلل دا وبشتري منك خروفين تسليم السوق الشعبي
وبديك فيهن الاثنين نص مليون كاااااش وورق جديد وقالوا الكاش بقلل النقاش
العرض دا الليلة وبكرة بس لانو كان مالحقتا بعتا بضاعتك دي قبل العيد الا تبيعها فرش رقشات بعد داك

ههههههههه الحبيب أبو بكر .. شوق كتير والله على قدر ما حاولت ألم فيك في مدني .. يقولوا لي في المستشفى عامل فيها طه القرشي وكده :rolleyes::D .. حكي لي بكري كسلا عن تفاصيلك ... وضروري تعمل هجمه مرتده يا حبيب ... وكان علي الخرفان هدا طرفي منهن يا حبيب .. بديك بدلهن شوالين سمسم ... أعملوهن حلاوه سمسميه ;):D وديل ما داير فيهن لا قرش ولا تعريفه .. لكن أتحمل فاتورة العلاااااااج براااااك هههههههه

[ضياء الدين احمد]

اخونا عثمان جلالة ولاتزعل نفسك وبدون دخول السماسرة بيناتنا انا عندي عماره 3 طوابق في نمرة اتنين وعاوز ابيعها رايك شنو تشتري !!!!!!!!!!!!!!!!!!!!!!!!!!!!!!!!

[mahagoub]

يا اخوى قضى اجازتك وارجع
انافى عشره ايام صرفت سته مليون ما عارفا راحت وين ؟؟؟
المهم شوفة الاهل والحبان

[عبدالرحمن مدثر]

انت ماتقع (البقعه ) يايابا

مالك ومال الخرفااان ياخ دا استثماااار خرفااااان

حسب متابعتى لحركه الاراااضى وكدا

امدرمان البقعه بها العديد من المربعاااات بعد حى الجااامعه

وكذلك شرق النيل بمناسبه كبرى المنشيه وفى كبرى جديد يربط بين سوبا شرق والخرطوم سيتم البدء فى تنفيذه

لذلك المنطقه بين سوبا شرق والسمره لحدى ام ضوا بان تشهد حركه نشطه



تلحيقه


انت عارف فى سوبا شرق جنب النيل فى حى كااامل بتاع ناس الجنجويد ناس موسى هلال

الجماعه كولهم رحلو بهناك



دا تقرير اولى

بجيك صاااد


خربشه اخيره

فى ذمتى مشتاقين ليكم

[أبوعمرو]

تستاهل.... عشان تاني ما تقول رسل السيرة الذاتية

[عثمان جلالة]

اخونا عثمان جلالة ولاتزعل نفسك وبدون دخول السماسرة بيناتنا انا عندي عماره 3 طوابق في نمرة اتنين وعاوز ابيعها رايك شنو تشتري !!!!!!!!!!!!!!!!!!!!!!!!!!!!!!!!

ضياء يا حارسنا وفارسنا يا بيتنا ومدارسنا

عماره وطابقين .. وفي الخرطوم اتنين .. ياااخي بالغت والله .. دا عرض مثالي في زمن خرافي .. بس الخوف كل الخوف من السعر

متأكد بيعتك ح تكون بيعة أخوان هههههه

أن شاء الله بس جنب ناس صغيرون ؟؟:o:rolleyes:

كل الود يا حبيب:)

[عثمان جلالة]

يا اخوى قضى اجازتك وارجع
انافى عشره ايام صرفت سته مليون ما عارفا راحت وين ؟؟؟
المهم شوفة الاهل والحبان

المحجوب .. المحبوب .. الجاتك في السته مليون .. سامحتك تب .. البركه في شوفه الأهل على قولك .. لكن بيني وبينك منو فينا القاعد يصرف 6 ألف ريال في عشرة أيام ؟؟؟ ههههههههه دي بس لو حسبناها طقه بـ طقه ... هييييييييييه يا حبيب .. بلدنا بقى زي اللبن فاقد الصلاحيه .. كان شربتو وووب وكان خليتو في جركانتو وبييييييييين .. ربك ييسر يا حبيب

[عثمان جلالة]

انت ماتقع (البقعه ) يايابا

مالك ومال الخرفااان ياخ دا استثماااار خرفااااان

حسب متابعتى لحركه الاراااضى وكدا

امدرمان البقعه بها العديد من المربعاااات بعد حى الجااامعه

وكذلك شرق النيل بمناسبه كبرى المنشيه وفى كبرى جديد يربط بين سوبا شرق والخرطوم سيتم البدء فى تنفيذه

لذلك المنطقه بين سوبا شرق والسمره لحدى ام ضوا بان تشهد حركه نشطه



تلحيقه


انت عارف فى سوبا شرق جنب النيل فى حى كااامل بتاع ناس الجنجويد ناس موسى هلال

الجماعه كولهم رحلو بهناك



دا تقرير اولى

بجيك صاااد


خربشه اخيره

فى ذمتى مشتاقين ليكم

ود المدثر يا حبيب ... عاد أنا ألقاك وين .. عاد عارفك بتفش مغستي .. وبترسيني على بر
بس حكاية حميد

والروح مشحتفة فى البلود الفيها ريحتك
للبعود من فزعة الغربة البساسق فوكا
مو راجع ولا بالحيل قريب
الروح مشحتفة فى الحبيب القلب بكر الدنيا ما شافت جديدو
ولا الحزن دقالو باب

معليش يا الحبيب بنتظر الشوفه في الجيه الجايه ... وأكيد أكيد ح نتقابل .. بالله أتأكد من الأسعار كويس وحقك برا هههههههه:rolleyes:;)

[عثمان جلالة]

تستاهل.... عشان تاني ما تقول رسل السيرة الذاتية

أبو عمرو الغالي ... معليش يااخ والله متلومين تب معاك ... لكن أخوك ممكون وصابر ... عليك النبي ترسل السيره الذاتيه عشرومية مره كان ساجورنا دا أنفكا ... هههههه مشتاقين والله

[moh_alnour]

كل ما نربي كتكوت يكبر يفوت و كل ما نربي خروف ...... أو كما قال المسطول



يا أبوها أجيب ليك البوست حقي بتاع غايتو إنتو يا المغتربين بري منكم ، غايتو عندكم جنس حركات

عمتنا إنت ِ لسه ما بطلتي الحقد الطبقي بتاعك دا :p الراجل عايز يطلع مصاريف الإجازة :rolleyes:

[ريمون]

جلالة .. ازيك ..

[ابوالنور]

معقولة أو منة بشحمو وعضمو وحروفو ( والووفه )
( اللوفه دي جمع تكسير لكمية الآلف من الريالات هاهاهاه)
منور المنتدى من بعد غيبة يا حبيب ... يعلم الله مشتاقين عديل
اعمل حسابك من ناس البندر ديل يا حبيب بسرقو الكحل من العين
واهو اول السماسرة ظهروا فوق مشاركتي دي ... بس ما تـقول منو ؟



عاين
الكلمة القبال معقولة دي جمع شنو ؟
التحية ليكم الاتنيني ( جمع عرب سااااكت )
وكل عام وانتم بخير

[عثمان جلالة]

كل ما نربي كتكوت يكبر يفوت و كل ما نربي خروف ...... أو كما قال المسطول



عمتنا إنت ِ لسه ما بطلتي الحقد الطبقي بتاعك دا :p الراجل عايز يطلع مصاريف الإجازة :rolleyes:


ود النور .. كيفنك يا الحبيب .. إنت قايل المسطول قال الكلام دا ساكت قالوا فوق راي .. ياااااخ

بعدين بوست مدنيه حق المغتربين داك الفيهو حقد طبقي .. كان أيام الخدمه الوطنيه .. لكن يوم الليله .. وبعد البترول وكده .. نحنا الحاقدين علي مدينه يااااااخ :D:rolleyes::( هههههههه

[عثمان جلالة]

جلالة .. ازيك ..

ريمون ... يا بعض الرحيق أنا .. والبنفسج أنت .. منوره زريبتنا دي والله ::):)

ما شاء الله .... دايما متألقه ... من أيام حفلات عقد الجلاد ديك :rolleyes: ... هههه زمان همنا كان حق البارد ... والسندوتش بس حاجات بسيطه .. لكن كنا نحس بأننا نملك كل العالم .. زمن عجيب صااح؟

[عثمان جلالة]

عاين
الكلمة القبال معقولة دي جمع شنو ؟
التحية ليكم الاتنيني ( جمع عرب سااااكت )
وكل عام وانتم بخير

ود عمي الحبيب .. والله فقدتك بشده مع المجموعة الجاتني في أم تريبات .. خامس أيام العيد .. العيد مبارك عليك والشوق بحور ... ويا هو عهدنا بيك أصيل وود بلد .... شوق الشوق للشوف آآآ خي .. وفنجان جبنه فوق قهوة أدروب :rolleyes::)

[ريمون]

ريمون ... يا بعض الرحيق أنا .. والبنفسج أنت .. منوره زريبتنا دي والله ::):) ما شاء الله .... دايما متألقه ... من أيام حفلات عقد الجلاد ديك :rolleyes: ... هههه زمان همنا كان حق البارد ... والسندوتش بس حاجات بسيطه .. لكن كنا نحس بأننا نملك كل العالم .. زمن عجيب صااح؟
ايام الزمن الجميل ..
هسه عقد الجلاد ذاتها ما بقت ياها .. خلي الدنيا ..
لكن اقول ليك سر ..
انا لازلت حاسه اني املك كل العالم ..

[ابوالنور]

ايام الزمن الجميل ..
هسه عقد الجلاد ذاتها ما بقت ياها .. خلي الدنيا ..
لكن اقول ليك سر ..
انا لازلت حاسه اني املك كل العالم ..
فووووووووووووووووووووووو
دللللللللللللللللللللللللللللللللل
زنننننننننننننننننننننننننننننن

[ريمون]

فووووووووووووووووووووووو
دللللللللللللللللللللللللللللللللل
زنننننننننننننننننننننننننننننن
كل العالم ما ظاهر في الابتسامة ياخ ..
علي الاقل ...

[isamzaki1978]

أولن بالتبادي اسمحوا لي أوريكم إحساس المتغربين في الأرض تجاه السنين التي قضوها ويقضونها في منافي الغربة .. والنتيجة أو الحصاد !!!! كلما تشرق شمس يوم جديد بتسأل نفسك .. أنا عملت شنو؟؟

في إجازتي السغنتوتيه الفاتت دي .. قلت أمشي يا ولد أشتري ليك أرض في الخرطوم ... وخليها للزمن .. ما مهم وين في الخرطوم أو أم درمان أو بحري المهم محل الرئيس بنوم والطياره بتقوم :D
لكن احبطتني الاسعار .. نااااااااااااااااااار يا حبيبي نااااااااااار.

وطبعن عندي خطه بديله ... هههههههه إنتو قايلني هين .. تفتيحه وكده :rolleyes: الخطه البديله قلت استثمر .. أخش بالقريشات الـ عندي في مشروع ذو عائد سريع ومربح ومضمون ..أها قلت يا ولد طالما إنو الضحية قربت .. والخرفان أسعارها في السما .. أستثمر في الأضاحي وأهو مشروع مدته شهرين أو أقل ... ولحسن الصدف عندي خالاً لي عندو مشاريع في النيل الأزرق ..وعندو مزرعة مربي فيها حوالي الـ 100 راس أضاحي .. طوااااالي اتفقت معاهو ... أشيل منو 50 راس وأرحلهم من النيل الأزرق للجزيرة قبل عيد الأضحى بـ عشرة أيام.

يعلم الله الكلام ده قلناهو الليلة .. كان بكره أسمع ليك بالاحداث في الدمازين وعموم النيل الأزرق .. التقول عقار ده قاصدني:mad:

حاليا مع أسعار الخرفان الما معروفه كيف؟ يمكن الواحد يبقى على السمسم .. ما سمسم القضارف .. سمسم الدمازين :rolleyes:.. ده كان خالي قدر يحصد سمسمو .. هييييييييييييه .. يعني الواحد يعمل شنو؟ في بلد كل يوم في حال وغير مستقره لا اقتصاديا ولا سياسيا ولا حتى مجتمعيا.

عشان كده الظاهر غربتنا دي ح تطووووووووول ... وممكن لو رجعنا ع كرعينا نرجع ايد ورا وايد قدام ... كل الأمنيات أن نجد في بلدنا الــــ كان مليون ميل مربع .. شبرا لندفن فيه.

لك الله يا وطني.



يا حبيبنا
اسمع كلامى وما تقول دا كلام مهترش
عيش حياتك واتمتع بالعندك
ولو حبيت تعمل استثمار اعملوا فى حته تانى
هل تصدق انو فى حتات فى الخرطوم الانت بتقول فيها محل الرئيس بنوم عقارات اغلا من لندن
ولو ما الاهل العزاز هنا بقول ليك ما تجى
وما تقول
وللاوطان فى دم كل حر .....
الكلام دا كل كضب ، الوطن محل الراحة وراحة البال
وردى كل عمرو يغنى : وعن بعيدا ابيت الرحيل
واول واحد اتخارج
وقالوا لما جى راجع والمضيفه قالت نحلق الان فى الاراضى السودانية
كان بغنى فى الطيار بالعود لى الركاب
غنية ونرجع تانى لى بلدا ولى صحابنا ولى اهلنا
قال ونرجع تانى لى بلدا ولى سجمنا ولى قرفنا