و يتواصل مسلسل الضغط على المواطن السودانى

[فنجاط]

اليوم تم دمج فاتورة المياه مع الكهرباء
يعنى يخصمو حق المويه اول حتى يدوك كهرباء
لماذا هل سوف يتم صرف المرتبات نهاية الشهر
لماذا الضيق على العباد
فى العادة يتم دفع فاتورة المياه فى نصف الشهر
و لا اعتراض فى حكم الله

[الجندي المجهول]

زمان الجندي قال (الجاي احلى)

اهو شفت الحلاوة كيف ؟

تخريمة : حاول شوف ليك انبوبة اوكسجين هواء لأن الظروف ( ما معروفة) !!!!

[ودسمير]

الموضوع ده اليوم عمل مشكله كبيره فى كهرباء مدنى غرب ...
المويه أصلا كتير جدا من ايام السنه ماااااااااااااااااااااااااااااافى !! والكويس انو ناس المويه متفهمين موضوع القطوعات وبتماشو معانا ...

يا نااااااااااااااس : وفروا المويه فى المواسير وبعد داك ان شاء الله تدمجوا فاتورة المويه مع الهواء ...

ولينا رب اسموا الكـــــــــــــــــــــــــــــــــريم

[بت أم درمان]

والله جد بتحصل حاجات غير منطقية في البلد الاسمه السودان

[nehroo]

على أي قانون إستندوا ؟

ما تقول لي جوغة المجلس التشريعي !
ما ليهم أي حق ..

[بابكر]

يأخوانا ده كلو عشان تخشوا الجنه ,, يعنى كله خير ليكم بس أصبروا ساى !!

[فنجاط]

أحلى ساى
دى أغنية عقد الجلاد المشهوره جدا ( حاجة امنة ) فقدوها معناها و محتواها
و يا حليل سمعتى صوت جاك من بعيد و بعد قليل بابك ضربك
شالك تعب ختاكك تعب
(( بس شكلهم ما ناس الموية شكلهم ناس النفايات ))

[فنجاط]

ود سمير
بطرفنا مستندات تفيد بان الماء فى الجزء الشرقى و منطقة السوق بها تلوث بنسبة عاليه نتيجة اختلاط احد مياه البيارات مع مياه بئر الصرف الصحى التابع لمستشفى الاطفال
ناهيك عن القطوعات المنظمة فى مناطق عديده و اشهر الاحياء حنتوب و الرياض و مايو بمنظومة القطوعات
ناهيك عن النيل ومياه
و ناهيك ....
بس لينا رب اسمو الكريم

[فنجاط]

بنت درمان و ام درمان
الصحفى ياسر ود النعمة لديه مقال او استراحة رائعة اسمها ( لما تكون فى حاجات غريبه بتحصل حاجات عجيبه )
اتمنى ان ينزلها فى منتدانا العامر بكم
الحال فى السودان بقى مائل و المنظومة الحاكمة بتفتش لسه تملى بطونها و الله يكون فى عون العباد

[فنجاط]

عزيزى نهرو كيف امورك و احوالك
على اى قانون استندوا فى تصفية مشروع الجزيرة
و على اى قانون استندوا فى تضييع نصف السودان
و على اى قانون اقتالوا ابناء هذه البلد
و على اى قانون خصخص القطاع العام
و على اى قانون .....
و الساكت عن قول الحق ..... الخ

[فنجاط]

مولانا بابكر
نسالك الدعاء و النصح لنا

[ضياء الدين احمد]

يافنجاط والله اصبح تدهور مريع في كل شئ وختامه الاخلاق وربنا استر بس

[مصطفى هاتريك]

اللهم عليك بهم فقد أذاقونا الأمرين

[مصطفى هاتريك]

قشي الدمعـة يا بت الرجال ما بحكموك أولاد