من قال ان الحمار والغنماية أغبياء

[حاتم عمر]

سيداتي انساتي سادتي 000 كلمة حق وانصاف في حقهم

شئ محير جداً كان انا غلطان قولي لي عووووك

أولاً : من الذي قال ان الحمار غبي ! ولماذا؟ وكيف؟ وعشان شنو انا شخصيا بعتبروا من اذكى الحيوانات واطيبها وانفعها للانسان تخيلوا الخدمة الكبيرة التي يقوم بها الحمار في المزارع والحقول وفي نقل الموية واحيانا كارو واحيانا رملة وبتاع اللبن وبتاع الخضار و و و وفي خلال يوم ولا اثنين يتعود على هذا العمل ويتقنه احسن اتقان يعني المزارع من الصباح بخت فيهو البردعة وبمجرد ان يركب عليه اتوماتيك على الحواشة وبالعكس في الرجعة ينزل صاحبه وعلى بيته عدل بانتظار الاكل ، كذلك حمار بتاع اللبن يقيف عند كل بيت اتوماتيك بصراحة يا جماعة الكلام دة مش كتير منو ( والله في احياناً كتيرة بكون ذو نفع وفايدة ونشاط احسن من البني ادم) ، وين الغباء هنا ؟؟ّّّ!!

ثانياً : الغنماية : لا ارى انها غبية او ( طيرة) ذي ما بنعتونها فهي مخلوق طيب وودود وتمنحنا لبن خالصا سائغاً للشاربين وتتوالد وفاتحة بيوت بالمال والبنون
طبعا واحد ح يقول لي بتاكل الشجر والزهور والدقيق ، طيب مالو اذا كانت الحكاية سايبة ما تاكل ، اها تاني شنو ، وين الغباء ؟! بالمناسبة هذا قليل من كثير في حق الحمار والغنماية ارجو ان اكون ما قصرت في حقهم
هل من منصف ومؤيد او معارض اذا كنت معارض يرجى توضيح الاسباب وامثلة لغباء هذين الحيوانين المسكينين ، الذين احبهماواحترمهم من كل قلبي
ما في زعل اياً كان التعليق .
الى اللقاء

[آلاء عبد الرحمن]

ربنا يديك العافية
:)

[صلاح محمد]

قال تعالى (((((((((( ان أنكر الأصوات لصوت الحمير )))))))))))

هذا الصوت المزعج بالنهيق أليس نوع من الغباااااااااء ؟؟؟؟؟؟؟؟؟؟؟

[فنجاط]

و الله ماف اعتراض طالما ان الحديث عن ناس الحكومة
و ما ناقصين مشاكل

[حاتم عمر]

ربنا يديك العافية
:)

شكراً الاء والعافية للجميع ان شاء الله

[حاتم عمر]

قال تعالى (((((((((( ان أنكر الأصوات لصوت الحمير )))))))))))

هذا الصوت المزعج بالنهيق أليس نوع من الغباااااااااء ؟؟؟؟؟؟؟؟؟؟؟

تحياتي يا ابو صلاح
ما في شك في قوله تعالى ( ان انكر الاصوات لصوت الحمير) وهذه لحكمة ولكن هل تنكر الخدمة الكبيرة التي يقدمها الحمار
ولو على الاصوات ياما بنسمع اورغنات وناس بتنهق للصباح في الحفلات ( اشباه الفنانين)

[حاتم عمر]

و الله ماف اعتراض طالما ان الحديث عن ناس الحكومة
و ما ناقصين مشاكل

فنجاط تحياتي وبطل اللعب بالفحم
بكل امانة هذا الحديث ليس عن ناس الحكومة ولكن كلمة حق في المعنيين في البوست ( الحمار والغنماية)
مع التقدير

[ودسمير]

سيداتي انساتي سادتي 000 كلمة حق وانصاف في حقهم

شئ محير جداً كان انا غلطان قولي لي عووووك

أولاً : من الذي قال ان الحمار غبي ! ولماذا؟ وكيف؟ وعشان شنو انا شخصيا بعتبروا من اذكى الحيوانات واطيبها وانفعها للانسان تخيلوا الخدمة الكبيرة التي يقوم بها الحمار في المزارع والحقول وفي نقل الموية واحيانا كارو واحيانا رملة وبتاع اللبن وبتاع الخضار و و و وفي خلال يوم ولا اثنين يتعود على هذا العمل ويتقنه احسن اتقان يعني المزارع من الصباح بخت فيهو البردعة وبمجرد ان يركب عليه اتوماتيك على الحواشة وبالعكس في الرجعة ينزل صاحبه وعلى بيته عدل بانتظار الاكل ، كذلك حمار بتاع اللبن يقيف عند كل بيت اتوماتيك بصراحة يا جماعة الكلام دة مش كتير منو ( والله في احياناً كتيرة بكون ذو نفع وفايدة ونشاط احسن من البني ادم) ، وين الغباء هنا ؟؟ّّّ!!

ثانياً : الغنماية : لا ارى انها غبية او ( طيرة) ذي ما بنعتونها فهي مخلوق طيب وودود وتمنحنا لبن خالصا سائغاً للشاربين وتتوالد وفاتحة بيوت بالمال والبنون
طبعا واحد ح يقول لي بتاكل الشجر والزهور والدقيق ، طيب مالو اذا كانت الحكاية سايبة ما تاكل ، اها تاني شنو ، وين الغباء ؟! بالمناسبة هذا قليل من كثير في حق الحمار والغنماية ارجو ان اكون ما قصرت في حقهم
هل من منصف ومؤيد او معارض اذا كنت معارض يرجى توضيح الاسباب وامثلة لغباء هذين الحيوانين المسكينين ، الذين احبهماواحترمهم من كل قلبي
ما في زعل اياً كان التعليق .
الى اللقاء


يا دفعه ... انت الحمار والغنمايه ديل عارفين الاشاده دى ؟!!

الحمار ده والله من شكلو غبى !

أما الغنمايه ليست غبيه احتمال لكنها مضره جدا ..

كدى يا ولدنا شوف لينا الخروف ؟؟

[حاتم عمر]

يا دفعه ... انت الحمار والغنمايه ديل عارفين الاشاده دى ؟!!

الحمار ده والله من شكلو غبى !

أما الغنمايه ليست غبيه احتمال لكنها مضره جدا ..

كدى يا ولدنا شوف لينا الخروف ؟؟


عزيزي ود سمير ( يا دفعة) تحياتي لك
انا غايتو ماعارفهم عارفين الاشادة دي ولا لا لكن اذا ما عارفين عايز اوصلها لهم مع التقدير
بعدين يا دفعة مالك دايرني اقول ليك الاشكال الغبية حتى في البني ادم موجودة ( شنو المشكلة)
اديني مثل لغباء الحمار وضرر للغنماية ( بس ما تقول لي بتخرب كذا وكذا ، اول حاجة نلم نحن حاجاتنا ونديها طعامها في وقته ونشوف وحتى لو حصل حالها حال غيرها
بالمناسبة يا دفعة من ذكاء الحمار ( قيل ان الخروف جاء يتبختر بجماله وصوفه الجميل على الحمار فقال ساخرا من الحمار انت شكلك قبيح وغبي فقال له الحمار برضو احسن منك لاني عايش وما بذبحوني لا في الضحية ولا غير الضحية ) بالله دة غبي
تحياتي

[مايسة]

تحياتي لكل المتداخلين

بتخيل التسمية جات من إنو الحمار إتجاه واحد بس
يعني مثلا لو حفظ الدرب - لو انت ماشي مكان تاني برضو بوديك الحافظو

الغنماية نفس الحكاية أي شئ قدامه بتاكلو

لو (دلق بتاكلو)


غير ذلك أراهم حيوانات مفيدة جدا

[نزار احمد كوارتي]

تعرف يا حبيب زكرتني حمار جدي علي دلدوم الله يرحمه ويغفر ليهُ

وحاتك يا الحبيب حُمارو الأسود وبطنو بيضا داك حمار الواحد حرام زاتو يقول عليهُ حمار

تعرف الحُمار ده لو دخلوهُ المدرسه كان يخيل لي ما حا يجي الطيش

جِدنا ده كان راجل كبير وتعبان وجنو نوم, تعرف يا حاتم بركب الحمار ده وقَعْدَتو في السرِج بِشخُر

الحُمار تِنقِش تِنقِش تِنقِش جدنا يصحي يلقي روحو في الحواشه بتاعتو, وحكمة الله لا يوم دقَّ الدلجه لا يوم لِقي روحو في حواشة جدي عوض عبدون

[محمد الجزولى]

هل من منصف ومؤيد او معارض اذا كنت معارض يرجى توضيح الاسباب وامثلة لغباء هذين الحيوانين المسكينين ، الذين احبهماواحترمهم من كل قلبي
ما في زعل اياً كان التعليق .
الى اللقاء

تصدق يا حاتم عمر فكرة تدعو للتأمل
لكن بيني وبينك يا حاتم البني آدم ده لما يريد ليهو شيء بطلعوا السماء والعكس صحيح
اسي عليك الله في اغبى من التعامه ...المشهوره بي دفن راسها في التراب لما تحس بالخطر
اها في غباء اكثر من كده وبعد ده كلو كاتبين فيها اشعار ...
الفراشة بعجبها الضوء وتجي توش خاشه في النار .. دون تردد ولا تفكير .. وبرضو عملو ليها اغاني ولا تذكر الا بشكلها الجميل
صراحة الموضوع رغم ظرافته بس فيهو بعد فلسفي عميق ...
زمان الواحد لما ينعتوهو بالحمار ليس كناية عن غباءه .. ولكن كناية عن قدرته على التحمل .. والصبر...ولكن بقدرة قادر تحول الوصف كناية على الغباء ..
يعني يا حاتم اخوي الموضوع موضوع قصد وترصد وارتباط الموضوع بالجمال .. ربما ...

[حاتم عمر]

تحياتي لكل المتداخلين

بتخيل التسمية جات من إنو الحمار إتجاه واحد بس
يعني مثلا لو حفظ الدرب - لو انت ماشي مكان تاني برضو بوديك الحافظو

الغنماية نفس الحكاية أي شئ قدامه بتاكلو

لو (دلق بتاكلو)


غير ذلك أراهم حيوانات مفيدة جدا

شكرا مايسةمعاك حق ، الحمار اتجاه واحد ولكنه ليس غبي لانه يا ما في الحبس مظاليم

[حاتم عمر]

تعرف يا حبيب زكرتني حمار جدي علي دلدوم الله يرحمه ويغفر ليهُ

وحاتك يا الحبيب حُمارو الأسود وبطنو بيضا داك حمار الواحد حرام زاتو يقول عليهُ حمار

تعرف الحُمار ده لو دخلوهُ المدرسه كان يخيل لي ما حا يجي الطيش

جِدنا ده كان راجل كبير وتعبان وجنو نوم, تعرف يا حاتم بركب الحمار ده وقَعْدَتو في السرِج بِشخُر

الحُمار تِنقِش تِنقِش تِنقِش جدنا يصحي يلقي روحو في الحواشه بتاعتو, وحكمة الله لا يوم دقَّ الدلجه لا يوم لِقي روحو في حواشة جدي عوض عبدون

شكراً يا نزار والمفروض نكرم حمار جدك دة له التحية

[حاتم عمر]

تصدق يا حاتم عمر فكرة تدعو للتأمل
لكن بيني وبينك يا حاتم البني آدم ده لما يريد ليهو شيء بطلعوا السماء والعكس صحيح
اسي عليك الله في اغبى من التعامه ...المشهوره بي دفن راسها في التراب لما تحس بالخطر
اها في غباء اكثر من كده وبعد ده كلو كاتبين فيها اشعار ...
الفراشة بعجبها الضوء وتجي توش خاشه في النار .. دون تردد ولا تفكير .. وبرضو عملو ليها اغاني ولا تذكر الا بشكلها الجميل
صراحة الموضوع رغم ظرافته بس فيهو بعد فلسفي عميق ...
زمان الواحد لما ينعتوهو بالحمار ليس كناية عن غباءه .. ولكن كناية عن قدرته على التحمل .. والصبر...ولكن بقدرة قادر تحول الوصف كناية على الغباء ..
يعني يا حاتم اخوي الموضوع موضوع قصد وترصد وارتباط الموضوع بالجمال .. ربما ...

الرائع ود الجزولي ، اشكرك على التحليل وفعلاً الموضوع يحتاج الى تأمل ، والنعامة والفراشة خير دليل ، اما الصبر والتحمل اتخيل لي انها اشياء جميلة جدا
تحياتي