كسِّــر تلج ... كسِّــر تلج ... كسِّر تـلِـــج

[abomazeen]

في السودان يصفون الملق للرؤساء بأنه ( تكسير ثلج ) ولهم في ذلك فلسفة وفن ..
لم يكن النص دعوة صريحة بانتهاج هذا النهج ولكنه ..
دعوا النص المنقول يكفيني شر التفسير حتى لا أفسده عليكم ..



لو دار تعيش عيشة ملك !!
ما تستحي .. من أيِّ باب لازم تلِج
لو كُت غفير تصبح مدير
بس كيف تكتِّر في التلج
قاصد المدير قول ياوزير!!
أحقر حقير عِندك أمير !!
لابس القطن لابس حرير !!
نصة نهار عز الهجير
كسِّر تلج .. كسِّر تلج .. كسِّر تلِج
عندك طلب !!
نمِّق حروفك هندِسه .. من توب جمالك لبِّسه
حسِّن ملافظك واستعير .. كم بيت شِعِر من قول جـرير
عِز الشتاء .. في الزمهرير
كسِّر تلج .. كسِّر تلج .. كسِّر تلِج
وما تأسى لو واقعك مرير .. أو تستكين تصبِح أسير
فالحالة مهما عصّلجت .. لابد في يوم تنفرِج
وإيّاكا تبكي وتتنخِج
كسِّر تلج .. كسِّر تلج .. كسِّر تلِج
حاذر وما تخش في شِرِك .. وما تنقبض يوم بي شَرَك
إياك تألِه فد نفــر .. تكفر عديل تدخل سقر
تحرِمْ تطوف حوالين رئيسك أو تحِج
لكين كمان ..
لو دار تحِل أمراً حرِج :
ما تكسي وشّك بالزهج
دعِّم كلامك بالحِجج
وما يبقى في قولك لجج
سرِّب مطالبك كالبنِج
كسِّر تلج .. كسِّر تلج .. كسِّر تلِج
قُبّال يشع نور الصبــاح .. وقبل الديوك تبدأ الصياح
شاغلك دوام حق المُلاح .. هاك مني قولاً بي صراح:
ما تكتِّر النّضمي وتلِج .. أمرُق بعيد حق التلِج
كسِّر تلج .. كسِّر تلج .. كسِّر تلِج

[abomazeen]

كسِّــر تلـج ... كسِّـر تلج ... كسِّـر تـلِـج

[abomazeen]

نصيحة ليكم ما تعموا بيها يا أهلنا !



كسِّر تلج

كسِّر تلج

كسِّر تلِج

[بت أم درمان]

الموضوع دا ليهو علاقة بالكلام داك الهناك ؟

[بت أم درمان]

نصيحة ليكم ما تعموا بيها يا أهلنا !



كسِّر تلج

كسِّر تلج

كسِّر تلِج




حاسة كأنك عايز تقول

اوعك تذل نفسك

اوعك تذل نفسك

اوعك تذل نفسك

شكرا على النصيحة

[مايسة]

سؤال

هل كسير الثلج يعتبر نفاق

[الجندي المجهول]

الحبيب تكعيب ابو مازن

قصيدة معبرة جداً ،،،

تخريمة : بكل اسف ضعف (النفوس والايمان ) يفتكرون ان (كسير التلج) يجلب الرزق ... ومن غيره (لا يستطيع الانسان ) المحافظة على اكل عيشه

باللفة : حضورك بي هناك مهم ( وانت المهم)

[abomazeen]

الموضوع دا ليهو علاقة بالكلام داك الهناك ؟




بــتــو ... منورة البوست بجمال حضورك
غايتو أنا نقلتو هنا بس ... بهناك دي وين يا ربي
غايتو عــندك جـنــس باااص قووون ... ذهبي بس

[abomazeen]

حاسة كأنك عايز تقول

اوعك تذل نفسك

اوعك تذل نفسك

اوعك تذل نفسك

شكرا على النصيحة


احساسك جميل وفي محلو يا ستي

[abomazeen]

سؤال

هل كسير الثلج يعتبر نفاق


إجابة أولى :


نعم للتأكيد



إجابة تانية :


لا نافية

[abomazeen]

الحبيب تكعيب ابو مازن

قصيدة معبرة جداً ،،،

تخريمة : بكل اسف ضعف (النفوس والايمان ) يفتكرون ان (كسير التلج) يجلب الرزق ... ومن غيره (لا يستطيع الانسان ) المحافظة على اكل عيشه

باللفة : حضورك بي هناك مهم ( وانت المهم)



اوووووووو .. جندينا الهميم مشتاقيين والله
يقول المولى تبارك وتعالى في محكم تنزيله الكريم
{وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ}

على جنب كده : والله حيرتونا عديل كده
إنتــو ماشيـن وين هناك .. هنا أحســن

[بدر الدين محمد]

في السودان يصفون الملق للرؤساء بأنه ( تكسير ثلج ) ولهم في ذلك فلسفة وفن ..
لم يكن النص دعوة صريحة بانتهاج هذا النهج ولكنه ..
دعوا النص المنقول يكفيني شر التفسير حتى لا أفسده عليكم ..



لو دار تعيش عيشة ملك !!
ما تستحي .. من أيِّ باب لازم تلِج
لو كُت غفير تصبح مدير
بس كيف تكتِّر في التلج
قاصد المدير قول ياوزير!!
أحقر حقير عِندك أمير !!
لابس القطن لابس حرير !!
نصة نهار عز الهجير
كسِّر تلج .. كسِّر تلج .. كسِّر تلِج
عندك طلب !!
نمِّق حروفك هندِسه .. من توب جمالك لبِّسه
حسِّن ملافظك واستعير .. كم بيت شِعِر من قول جـرير
عِز الشتاء .. في الزمهرير
كسِّر تلج .. كسِّر تلج .. كسِّر تلِج
وما تأسى لو واقعك مرير .. أو تستكين تصبِح أسير
فالحالة مهما عصّلجت .. لابد في يوم تنفرِج
وإيّاكا تبكي وتتنخِج
كسِّر تلج .. كسِّر تلج .. كسِّر تلِج
حاذر وما تخش في شِرِك .. وما تنقبض يوم بي شَرَك
إياك تألِه فد نفــر .. تكفر عديل تدخل سقر
تحرِمْ تطوف حوالين رئيسك أو تحِج
لكين كمان ..
لو دار تحِل أمراً حرِج :
ما تكسي وشّك بالزهج
دعِّم كلامك بالحِجج
وما يبقى في قولك لجج
سرِّب مطالبك كالبنِج
كسِّر تلج .. كسِّر تلج .. كسِّر تلِج
قُبّال يشع نور الصبــاح .. وقبل الديوك تبدأ الصياح
شاغلك دوام حق المُلاح .. هاك مني قولاً بي صراح:
ما تكتِّر النّضمي وتلِج .. أمرُق بعيد حق التلِج
كسِّر تلج .. كسِّر تلج .. كسِّر تلِج


موضوع القصيدة جميل ... وخطير
بس كسير التلج في المنتدى هو المشكلة

التححية لأبي مازن

[مايسة]

موضوع القصيدة جميل ... وخطير
بس كسير التلج في المنتدى هو المشكلة

التححية لأبي مازن


هههههههههه
ممكن امثلة أستاذ بدر الدين
عشان بس نشيل الموية الساخنة ونمشي عليهو :cool:

[مايسة]

إجابة أولى :


نعم للتأكيد



إجابة تانية :


لا نافية


ما تديني بالقطارة
عايزة فُل آنصر

[بت أم درمان]

بس كسير التلج في المنتدى هو المشكلة


؟؟؟؟؟
!!!!!

عايزين امثلة بث

[abomazeen]

موضوع القصيدة جميل ... وخطير
بس كسير التلج في المنتدى هو المشكلة

التححية لأبي مازن


التحية والتقدير لكم أستاذنا بدر ... ومنّور البوست
القصيدة رغم إنهـا في قالب فكاهـي لكنها تمس واقع حقيقي
المنتدى صورة مصغرة لمجتمعنا الخارجي .. هنا تكمن المشكلة

[abomazeen]

هههههههههه
ممكن امثلة أستاذ بدر الدين
عشان بس نشيل الموية الساخنة ونمشي عليهو :cool:




أضحــك الله سنــك كل يوم وليلة
نصيجة لك يا مايسة : التلج بزحلق الزول
وإنت شايلة موية ساخنة لو كبت فيك بتحرقــك
اها أنا قصـرت معــاك والباقي أستاذ بدر بتمـو لك

[جنيـــــدو]

إن من البيان لسحرا

[بدر الدين محمد]

هههههههههه
ممكن امثلة أستاذ بدر الدين
عشان بس نشيل الموية الساخنة ونمشي عليهو :cool:

طيب يا مايسة
البكسرو ليه التلج في المنتدى منو؟؟؟؟؟؟؟؟؟؟؟
اولا الآدمن
تانيا اعضاء مجلس الادارة
تالتا المشرفين كل في حوشه
رابعا ........

يلا نادو المساح يتابع الناس ديل

[الجندي المجهول]

وللأمانة التاريخية

كسير التلج دا بدهو (.............) ؟؟؟؟؟؟؟

الباقي تموا خياااااااااااااااااااااااااااااااااااااال

[بدر الدين محمد]

؟؟؟؟؟
!!!!!

عايزين امثلة بث

تحياتنا مشرفتنا بت امدرمان
انا قلت البكسرو ليه التلج منو
بس البكسر التلج في المنتدى فتشو براكم يا ناس العام

[الجندي المجهول]

اوووووووو .. جندينا الهميم مشتاقيين والله
يقول المولى تبارك وتعالى في محكم تنزيله الكريم
{وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ}

على جنب كده : والله حيرتونا عديل كده
إنتــو ماشيـن وين هناك .. هنا أحســن


يا ابو مازن يجازي محنك ياخ

لولا (تلفون من الاخوان) كنت لي هسع رايح وكنت اظن ان موضوعك يتحدث (خارج المنتدي) الدوائر الحكومية والمسؤولين وخلافه
ولكن صاحب الاتصال قال بالحرف الواحد (انت ما بتعرف ابو مازن) دا قاصد ليهو زوول عديل جوا المنتدى

كتلني بالضحك ......
تخريمة : عن نفسي ورأي شخصي بحت لا اعتقد ان هنالك ( من يستحق كسير التلج في المنتدى) ولكن ، جميع الموجدين (والمتواجيدن) بالمنتدى (جديرين بالاحترام والتقدير والمحبة)

باللفة : يا اخوي كسير التلج دا هناك (بس )

واعرش على كدا

[abomazeen]

يا ابو مازن يجازي محنك ياخ

لولا (تلفون من الاخوان) كنت لي هسع رايح وكنت اظن ان موضوعك يتحدث (خارج المنتدي) الدوائر الحكومية والمسؤولين وخلافه
ولكن صاحب الاتصال قال بالحرف الواحد (انت ما بتعرف ابو مازن) دا قاصد ليهو زوول عديل جوا المنتدى

كتلني بالضحك ......
تخريمة : عن نفسي ورأي شخصي بحت لا اعتقد ان هنالك ( من يستحق كسير التلج في المنتدى) ولكن ، جميع الموجدين (والمتواجيدن) بالمنتدى (جديرين بالاحترام والتقدير والمحبة)

باللفة : يا اخوي كسير التلج دا هناك (بس )

واعرش على كدا



يااااخ ما تسمع الكلام ... اسألني طوووالي
ده موضوع عام وقصيدة معروفة ومتداولة
ما تسلبط فيني كلام ما بشبهني يا عمك
ما عندي أي قصد مع اي زووول/ة
وخــت الكورة ووواطى يا تـنـقـا
طبعاً احترامي للزول الكلمك
ولك ولكل الأعضاء الكرام

[abomazeen]

طيب يا مايسة
البكسرو ليه التلج في المنتدى منو؟؟؟؟؟؟؟؟؟؟؟
اولا الآدمن
تانيا اعضاء مجلس الادارة
تالتا المشرفين كل في حوشه
رابعا ........

يلا نادو المساح يتابع الناس ديل


أستاذ بدر ... معليش رديت للجندي قبالك
اهاا أنا رابعاً دي عاجباني شديد ...
وعاوز أعمــل ليها لاااايك كبير
عليك الله كورك معاك للمساح

[ام قبس]

اتعودنا من ناس تكسير التلج يقولوا للمكانيكي يابشمهندس
وللمضيف الجوي ياكابتن
وللممرض يادكتور
وقيس علي ذلك

هو نفاق بلا شك
وجهه نظري التي سبق ان قلتها
التجاهل اصدق من النفاق
وان كنت في حوجه لهذا الشخص فلن اخسر جزء من شحصيتي لارضاء نقص فيه
ابو مازن سلامات
وتلج شنو يازول البتكسر
التلج تخليه يدوب براااااااااااااااااااااااااااااااااااااااااااه ويبقي مويه في واطه الله دي
وشوفه اكان ينفع بي تعريفه

[abomazeen]

يا ابو مازن يجازي محنك ياخ

اظن ان موضوعك يتحدث (خارج المنتدي) الدوائر الحكومية والمسؤولين وخلافه




اهااا يا حبيب أنا قااااااصد النوع ده من كسير التلج


http://www2.0zz0.com/2010/12/28/19/422672031.jpg



شفت أنت ظلمتني كيف يا زول النصيحة قبل الأخيرة ...

[abomazeen]

إن من البيان لسحرا




جنيـــــدو ... يا زول يا سمح الخلق والأخلاق
إنت وييين من زماااااااااان ما شوفنا حروفك
لو كنت عاوف كسير التلج بجييبك كمان
كنّا دشدشناهــو لك حتــة حتــة
نورت من تاني يا جنيدو ...

[بدر الدين محمد]

ألم اقل لك يا ابو مازن الموضوع جميل وخطير

سؤال
تكسير التلج هدفو شنو
وفي منتدانا بالذات هدفو شنو

[مايسة]

طيب يا مايسة
البكسرو ليه التلج في المنتدى منو؟؟؟؟؟؟؟؟؟؟؟
اولا الآدمن
تانيا اعضاء مجلس الادارة
تالتا المشرفين كل في حوشه
رابعا ........

يلا نادو المساح يتابع الناس ديل


تحياتي أستاذ بدر الدين ومساك خير
هسي يعني معناتو المنتدى دا كلو بكسر تلج للناس الذكرتهم ديل
بس سؤال -

كيف يعني كسير تلج - لهؤلاء -
يعني لو إتكلمته معاهم ساي معناتو بكسر تلج لو اتونسته لو هظرته

ولا كيف - !!

معنى كسير التلج إنو الواحد حا يستفيد بعد يكسر التلج
يعني مثلا ببساطة

لمن يسيح التلج دا بديك
موية بااااااااااااااردة - مع إنو موية التلج ما حلوة زاتو وفيها ملح

اها الجماعة ديل لمن أكسر ليهم تلج حا أستفيد شنو مثلا
-----------------
عايزة أصل ليك إنو كسير التلج في الحتة دي ما وارد - او ما جاي
معليش اطبل للحكومة يمكن يجوني في البيت يدوني شئ
وظيفة -
ان شاء الله زيارة بعرباتهم ديك - يقومو ناس الحلة يهرشو مني

لكن في المنتدى دي صراحة شوية صعبة

الا اكون عايزة أبقى الآدمن :cool::eek:

[مايسة]

طيب يا مايسة
البكسرو ليه التلج في المنتدى منو؟؟؟؟؟؟؟؟؟؟؟
اولا الآدمن
تانيا اعضاء مجلس الادارة
تالتا المشرفين كل في حوشه
رابعا ........

يلا نادو المساح يتابع الناس ديل


هسي يا استاذ بدر الدين
لو انا جيت في قسم الفنون بهناك أشدته بلوحة من اللوحات ولا
أثنيت على أي شئ أكون بكسر ليك تلج

- الرابعة دي ما يكون الأعضاء بث :o

[مايسة]

أضحــك الله سنــك كل يوم وليلة
نصيجة لك يا مايسة : التلج بزحلق الزول
وإنت شايلة موية ساخنة لو كبت فيك بتحرقــك
اها أنا قصـرت معــاك والباقي أستاذ بدر بتمـو لك




البوست دا زاتو عامل زي ويكليكس

[بدر الدين محمد]

تحياتي أستاذ بدر الدين ومساك خير
هسي يعني معناتو المنتدى دا كلو بكسر تلج للناس الذكرتهم ديل
بس سؤال -

كيف يعني كسير تلج - لهؤلاء -
يعني لو إتكلمته معاهم ساي معناتو بكسر تلج لو اتونسته لو هظرته

ولا كيف - !!

معنى كسير التلج إنو الواحد حا يستفيد بعد يكسر التلج
يعني مثلا ببساطة

لمن يسيح التلج دا بديك
موية بااااااااااااااردة - مع إنو موية التلج ما حلوة زاتو وفيها ملح

اها الجماعة ديل لمن أكسر ليهم تلج حا أستفيد شنو مثلا
-----------------
عايزة أصل ليك إنو كسير التلج في الحتة دي ما وارد - او ما جاي
معليش اطبل للحكومة يمكن يجوني في البيت يدوني شئ
وظيفة -
ان شاء الله زيارة بعرباتهم ديك - يقومو ناس الحلة يهرشو مني

لكن في المنتدى دي صراحة شوية صعبة

الا اكون عايزة أبقى الآدمن :cool::eek:

يا مايسة الوسطية والاعتدال واصابة كبد الموضوع واضافة شئ ما ... جميل وايجابي ومفيد
اما ما يلفت النظر متابعة شخص بي عينو ايا كان موضوعه فدي المبالغة والتي ترقي لكسير التلج
اما الهدف .. مثلا اطالة الموضوع .. المجاملة ... الخ

[بت أم درمان]

يا مايسة الوسطية والاعتدال واصابة كبد الموضوع واضافة شئ ما ... جميل وايجابي ومفيد
اما ما يلفت النظر متابعة شخص بي عينو ايا كان موضوعه فدي المبالغة والتي ترقي لكسير التلج
اما الهدف .. مثلا اطالة الموضوع .. المجاملة ... الخ

طيب يا استاذ بدر ممكن انا اضرب ليك مثل وانت قول رأيك فيه
تمام ؟

بالنسبة لموضوع ( مساء - صباح الجمال )
لمدنية في الثقافي
طبعا انت شايف كم وصلت عدد صفحاته في وقت قصير
رأيك شنو في المشاركين والدعاية المعمولة للبوست
هل هنا يوجد كسير تلج ؟ :)
والدعياة العاملها الأخ ( .... ) للبوست هل تعتبر كسير تلج ;)

تخريمة : معليش يا مدنية دا مثل قريب عن بوست انتشر وانتعش في وقت قصير

[مايسة]

يا مايسة الوسطية والاعتدال واصابة كبد الموضوع واضافة شئ ما ... جميل وايجابي ومفيد
اما ما يلفت النظر متابعة شخص بي عينو ايا كان موضوعه فدي المبالغة والتي ترقي لكسير التلج
اما الهدف .. مثلا اطالة الموضوع .. المجاملة ... الخ


تحياتي وصباح الخيرات

أكيد الوسطية حلوة ومطلوبة
ما بتخيل حد يكسر تلج عشان هدفو المجاملة وإطالة الموضوع
حايستفيد شنو أصلا !!

معقولة بس في ناس بتفكر كدا

[ابوالنور]

تحياتنا مشرفتنا بت امدرمان
انا قلت البكسرو ليه التلج منو
بس البكسر التلج في المنتدى فتشو براكم يا ناس العام
عاين البتاع ده بعادي؟

[بدر الدين محمد]

طيب يا استاذ بدر ممكن انا اضرب ليك مثل وانت قول رأيك فيه
تمام ؟

بالنسبة لموضوع ( مساء - صباح الجمال )
لمدنية في الثقافي
طبعا انت شايف كم وصلت عدد صفحاته في وقت قصير
رأيك شنو في المشاركين والدعاية المعمولة للبوست
هل هنا يوجد كسير تلج ؟ :)
والدعياة العاملها الأخ ( .... ) للبوست هل تعتبر كسير تلج ;)

تخريمة : معليش يا مدنية دا مثل قريب عن بوست انتشر وانتعش في وقت قصير


التحية يا بنتنا
كما تعلمي انا بعرف اختنا خالتنا مدني عن قرب وعن دورها في المنتدى ودايما ما تعتذر لي عن عدم المامها بالتشكيل وهناك مساجلات في هذا الشأن في منتدى الفنون الجميلة وانا شخصيا اعجبني بوستها (مساء صباح الجمال) والتي قصدت به ان تقول انا هنا في الثقافي .. واعجبني اكثر الموضوع المطروق ودخلت فيه بتجربتي (ارجعي ليها) ونجاح البوست لا يعتبر كسير تلج بحساب الهدف الذي تحقق منه
وعادة الدخول الى الثقافي يعتبر (مثاقفة وليس كسير تلج)

[بدر الدين محمد]

عاين البتاع ده بعادي؟

ابو النور عزيزنا

والله سؤالك وجيه انت اعمل حسابك ما تمشي بهناك

وبالمناسبة انا معجب باسلوبك (ما قل ودل)

[بدر الدين محمد]

تحياتي وصباح الخيرات

أكيد الوسطية حلوة ومطلوبة
ما بتخيل حد يكسر تلج عشان هدفو المجاملة وإطالة الموضوع
حايستفيد شنو أصلا !!

معقولة بس في ناس بتفكر كدا

في الحقيقة يا مايسة البني آدم بحب اشياء منها -مثلا- (لفت النظر) عكس الحديث:إن الله يحب الأخفياء الأحفياء الأتقياء الأبرياء الذين إذا غابوا لم يفتقدوا وإذا حضروا لم يعرفوا
ولفت النظر دا من الاسباب الكبيرة في فتح الموضوعات التي تثير غبارا ولا تجد فيها طحنا وقيمتها تأتي من عدد المداخلات والتي تستدعي المجاملات كما وكيفا وليس مما تقدمه للقارئ وهنا تجدي البربندي المغروس لرباط الفرس

[جنيـــــدو]

صفة بعيدة عن الشخصية السودانية ... لكن جد الاونة ااخيرة بدأت تظهر ؟؟؟؟؟؟؟؟؟ لا ادري إن كان شخص ود مدني قد تعلم هذا الفن !!!!!!!!

[جنيـــــدو]

يا اهل المنتدى - شكلكم تعلمتوا وساي بتجاملوا وخاصة المغتربين - والدليل ( مما عرفتوا فيها كسير جيتو خاشيين )

[جنيـــــدو]

******** الاخ ابو مازن ******

جينا راجعين وإن شاء الله قاعدين وفي المنتدى لافين

******** طبعا الاخوة جميع الاخوة في المنتدى ما قصروا بس ظروف جد ظروف منعتنا التواصل بالمنتدى وهانذا احط رحالي وارسم بخيالي واعاود ال

[abomazeen]

البوست دا زاتو عامل زي ويكليكس




لا لا لا يا مايسة ده بوست عادي زي البقية

لكن مرات بـيأخذ منحيـات حسب التعرجـات

وأنت كمان منورة البوست زي أستاذ بدر والبقية

[abomazeen]

صفة بعيدة عن الشخصية السودانية ... لكن جد الاونة ااخيرة بدأت تظهر ؟؟؟؟؟؟؟؟؟ لا ادري إن كان شخص ود مدني قد تعلم هذا الفن !!!!!!!!



لنوعاً ما ( شخص ودمدني ) لسة بخير والحمد لله
لكنه يتأثر بالعوامل المحيطة به بيئيـاً واجتماعياً
واهو كلو موجود الطالح فينا والصالح

[abomazeen]

يا اهل المنتدى - شكلكم تعلمتوا وساي بتجاملوا وخاصة المغتربين - والدليل ( مما عرفتوا فيها كسير جيتو خاشيين )




غايتو عني أنا النقطة ما قدرت افهمها

يا ريت لو وضحت لينا المقصد الجميل

[abomazeen]

******** الاخ ابو مازن ******

جينا راجعين وإن شاء الله قاعدين وفي المنتدى لافين

******** طبعا الاخوة جميع الاخوة في المنتدى ما قصروا بس ظروف جد ظروف منعتنا التواصل بالمنتدى وهانذا احط رحالي وارسم بخيالي واعاود ال




أخونا جنيدو ... مراحبتين ب من قبل ومن بعد
وإن شاء الله تاني ما تنقطع عننا ... خليك قريب
وعلى فكرة افتقدناك اكتر من مرة وسألنا عليك
في بوست عن الغائبين خش هناك وشوف

[جنيـــــدو]

الاخوة الاحباب والحبيب ابو مازن --- الجميع جزاهم الله خيراً يسال عني كما يقول البعض بانه اخر مشاركاتي بالمنتدى كانت قبل الزواج بفتر ة بسيطة --- فالاسباب كثيرة -- الحمد لله - عدنا من جديد واكتسبنا الكثير الكثير - سعدت جدا بوجودكم

[مايسة]

يا اهل المنتدى - شكلكم تعلمتوا وساي بتجاملوا وخاصة المغتربين - والدليل ( مما عرفتوا فيها كسير جيتو خاشيين )


إحنا بنكسر تلج بحقنا

[بدر الدين محمد]

إحنا بنكسر تلج بحقنا

العزيز جنيدو
العزيزة مايسة

فلنكسر التلج لاسعاد الآخرين
فلنكسر التلج للمزيد من الابداع
فلنكسر التلج لمن له واجب تكسير تلج علينا
فلنكسر التلج للاصلاح بين المتخاصمين

والعندو اضافة يكتب

[جنيـــــدو]

م ا ي س ه

بحقكم ! ما قلنا حاجة بس بره البلد ( الخير يخص وا ل ش ر يعم )

[جنيـــــدو]

الاخ بدر الدين كلك ذوق وحنين

[بت مارنجان]

البوست دا مذكرني بغنية
حم حم تعال ياحمام شتت ليك سكر :o

وماتسالني من وجه الشبه شنو لاني ماعارفاه :o

[مايسة]

م ا ي س ه

بحقكم ! ما قلنا حاجة بس بره البلد ( الخير يخص وا ل ش ر يعم )


:confused::confused:
دا حالتو ما قلته

برا البلد وين -
مش قلته ليك بحقنا - معناتو في اي مكان واي زمان

[جنيـــــدو]

اللبيب بالاشارة يفهم

[جنيـــــدو]

الجُبْـنُ عَارٌ وَفِي الإِقْدَامِ مَكْـرُمَةٌ

والمَرْءُ بِالجُبْـنِ لا يَنْجُو مِنَ القَـدَرِ

****************

لَقَـدْ ذَكَرْتُكِ والرِّمَاحُ نَوَاهِلٌ مِنِّـي

وَبِيْـضُ الهِنْـدِ تَقْطُـرُ مِـنْ دَمِـي

فَـوَدَدْتُ تَقْبِيـلَ السُّـيُوفِ لأَنَّـهَا

لَمَعَـتْ كَبَـارِقِ ثَغْـرِكِ المُتَبَسِّـمِ


****************

[جنيـــــدو]

نَفْسُ الكَرِيـمِ عَلَـى الخَصَاصَـةِ وَالأَذَى

هِي فِي الفَضَـاءِ مَـعَ النُّسُـورِ تُحَلِّـقُ

[admin]

طيب يا مايسة
البكسرو ليه التلج في المنتدى منو؟؟؟؟؟؟؟؟؟؟؟
اولا الآدمن
تانيا اعضاء مجلس الادارة
تالتا المشرفين كل في حوشه
رابعا ........

يلا نادو المساح يتابع الناس ديل

اها الادمن جاء ... عليكم الله قطع صغار صغار عشان السيرمس ما بشيل كثير

http://www.66a66.com/up5/uploads/images/66a66-021fe4784d.gif

[مايسة]

اللبيب بالاشارة يفهم



الفهم قسم يا ود أمي
عشان كدى خلى كلامك على عينك يا تاجر

عشان الواحد يقدر يرد عليك

هسي في ذمتك المغتربين ديل ما مساكين
ويكسرو تلج لمنو اصلا - وأغلب السودانيين عايشين على المغتربين المساكين

وكمان الحكومة الما عندها شغلة غيرهم
وتجي انت وتقول بنكسر تلج

ما نكسر بحقنا ياخي قلته ليك

وبعدين : علاقة الجبن وعزة النفس شنو هسي بالكلام دا لو عندك إعتراض ورأى في المغتربين افتح ليك بوست كامل عشان الناس تقدر تتفاهم وتصل لنتيجة على الاقل تكون فيها فايدة للكل
تحياتي ليك

[مايسة]

ولو قصدك مغتربين المنتدى
ورينا عشان كسير التلج هنا بيختلف

[مايسة]

اها الادمن جاء ... عليكم الله قطع صغار صغار عشان السيرمس ما بشيل كثير

http://www.66a66.com/up5/uploads/images/66a66-021fe4784d.gif


هو زاتو الواحد لو عايز يكسر ما يسيبو يكسر :cool:
تحياتي للأخضر

[المسافر]

يا اهل المنتدى - شكلكم تعلمتوا وساي بتجاملوا وخاصة المغتربين - والدليل ( مما عرفتوا فيها كسير جيتو خاشيين )

جنيدو المغتربين دي بكسروا تلج لمنو مثلاً وشفت وين مغترب قاعد يكسر تلج
غايتو لو بتكلم عن شيء واقعي بتكون ( قلبت هوبا ) لأن البيوت السوادنية بقت
مفتوحة بالمغتربين والحرامية فقط . . .

[بت مارنجان]

هو زاتو الواحد لو عايز يكسر ما يسيبو يكسر :cool:
تحياتي للأخضر

وانا برضو وقفيني في السلام :o

[آلاء عبد الرحمن]

انا غايتو رحته في النص

[مدناوية]

أنا عاوزة أكسر تلج ..


ممكن؟؟؟!!!!

[ضياء الدين احمد]

يا ابو مازن لكن انا سمعت فتوى من الجندي المجهول بتقول كسير التلج للجكس بتجوز مع الكراهة رايك شنو في الكلام ده

[abomazeen]

البوست دا مذكرني بغنية
حم حم تعال ياحمام شتت ليك سكر :o

وماتسالني من وجه الشبه شنو لاني ماعارفاه :o



قلت لي بذكرك بشــنــو يا ستــي ...!
وبالمرة كده ورينا وجــه الشبــه شــنــو ..؟
وللضمان كـدة ... نورتـي البوست يا مارنجـوو

[abomazeen]

اها الادمن جاء ... عليكم الله قطع صغار صغار عشان السيرمس ما بشيل كثير

http://www.66a66.com/up5/uploads/images/66a66-021fe4784d.gif




يا خواجــة لو الحكاية فيها زي كده
ما كان ترسل لي رسالة في الخاص
وبعد داك مـش ح تقــدر تغمد عينيك

[ريمون]

غايتو بوست رهييييب ..
يا ريتك لو كنت معانا امبارح في الاحتفال ..!!

[ابوالنور]

انتو هنا الردود مزاجتيه !!
ولا نكسر تلج ؟

[بدر الدين محمد]

اها الادمن جاء ... عليكم الله قطع صغار صغار عشان السيرمس ما بشيل كثير

http://www.66a66.com/up5/uploads/images/66a66-021fe4784d.gif

الحضر القسمة يقسم ....

[بدر الدين محمد]

انتو هنا الردود مزاجتيه !!
ولا نكسر تلج ؟

كدي يا ابو النور شوف الدمن بعد في القروش كيف!!!!!

[ابوالنور]

ابو النور عزيزنا

والله سؤالك وجيه انت اعمل حسابك ما تمشي بهناك

وبالمناسبة انا معجب باسلوبك (ما قل ودل)


كدي يا ابو النور شوف الدمن بعد في القروش كيف!!!!!

يعجبوك وليداتك ان شاءالله يا يابا
وينك امبارح ؟
اها نسيتيني اسعلك الادمن ده مالو اصابعينو بيشبهو اصابعيني كده

[بدر الدين محمد]

يعجبوك وليداتك ان شاءالله يا يابا
وينك امبارح ؟
اها نسيتيني اسعلك الادمن ده مالو اصابعينو بيشبهو اصابعيني كده

انا كنت معاكم ..جبت ليكم نضال الحاج وصورة ام الحلوات ... وين تكريمي

[abomazeen]

غايتو بوست رهييييب ..
يا ريتك لو كنت معانا امبارح في الاحتفال ..!!



عليك الله المرة الجاية كلموني من بدري
لكن أكيييد كنت معاك بكل مشاعرنا العميقة
شكرن جزيلن اخ ريمون على الدعم المعنوي

[abomazeen]

انتو هنا الردود مزاجتيه !!
ولا نكسر تلج ؟



أبو النور .. ازيك يا جميل وعامل عمايل بهناك
الرد ... الرد ... الرد ... اشوف حرفك كفاية

[ابوالنور]

ابو النور عزيزنا

والله سؤالك وجيه انت اعمل حسابك ما تمشي بهناك

وبالمناسبة انا معجب باسلوبك (ما قل ودل)


انا كنت معاكم ..جبت ليكم نضال الحاج وصورة ام الحلوات ... وين تكريمي

لا يااااااااااااخ
وانا اقول البت الزوق دي الجابها منو

[abomazeen]

انا غايتو رحته في النص




خلاص ما مشكلة ...

امسكي في الطرف التاني

[abomazeen]

أنا عاوزة أكسر تلج ..

ممكن؟؟؟!!!!




إنت عارفة يا مدناوية بعد احتفال الشمعة داك
وبخصوص طلبك ده نرد لك ونقول لك
ممكن ... ما ممكن إنت اختاري بس

[abomazeen]

يا ابو مازن لكن انا سمعت فتوى من الجندي المجهول بتقول كسير التلج للجكس بتجوز مع الكراهة رايك شنو في الكلام ده




ضيــاء يا أخــوي ... اسمع كلامــي ده
الجندي ده بقى الأيام دي مكاااار شديد
زي زولنا دااك ما مضمون ..!
يعني مرات كده ومرات كده

[الجندي المجهول]

ضيــاء يا أخــوي ... اسمع كلامــي ده
الجندي ده بقى الأيام دي مكاااار شديد
زي زولنا دااك ما مضمون ..!
يعني مرات كده ومرات كده


هههههههههههههههه

تخريمة : ورق

[ابوالنور]

تخريمة : ورق
طـــــــــــلق

[جنيـــــدو]

ك س ر و ا ذ ي م ا د ا ي ر ي ن - ب س م ا ت ع ا د و ن ا