ترتيب البيت على منو

[بت أم درمان]

آآآآآي ترتيب البيت . . . على منو ؟

يا جماعة البوست دا جادي جدا

بس عايزة أعرف أراءكم أولا

[بت أم درمان]

هل ينفع نضع الاثاث بأي مكان داخل البيت بدون ترتيب
او اتخاذ الاماكن المناسبة لكل غرض ؟

[بت أم درمان]

مثلا ينفع نضع
الثلاجة بغرفة النوم ؟
او البوتجاز داخل المجلس ؟
او الغسالة وسط الصالة ( الهول ) ؟

[آلاء عبد الرحمن]

ماينفع الحته تكون جايطة
والترتيب علي حسب المساحة المتوفرة عندك
وحسب الاثاث الموجود

[بت أم درمان]

عادة المرأة صاحبت البيت هي البترتب اغراض البيت
وتختار الاماكن المناسبة لكل غرض
ولكن لا يمنع أن يتدخل رب البيت لوضع لمسته
أو احد الابناء مثلا
وبكدا يكون كل من داخل البيت وضع لمسة
يعني نقدر نقول جميع من داخل البيت تدخل في الترتيب
صح ؟!

[بت أم درمان]

حتى اذا جبنا شغال ( خدامة )
بتكون كل مهمتها محصورة في حتة انها تنظف
وتعيد ترتيب الأغراض في اماكنها
وكل عملها ينحصر في كل ما يطلبه منها من هم داخل البيت
ما ينفع انها تغير اماكن الاغراض على كيفها
وبمزاجها لان كل شي مكانه معروف
صح ؟!

[بت أم درمان]

ماينفع الحته تكون جايطة
والترتيب علي حسب المساحة المتوفرة عندك
وحسب الاثاث الموجود

بالضبط كدا يا الاء
جوطة المكان بتدي إحساس بعدم الاهتمام
والترتيب بخلي الواحد نفسيا كدا مرتاح
تسلمي الاء

[بت أم درمان]

مثلا مثلا
واحد من الاولاد اشترى دولاب ووضعه في الصالة
جات بعد شوية امه شالت الدولاب ووضعته ليهو في الأوضه
جا الولد زعل وشاكل وقال منو وضع الدولاب في الاوضة انا عايزه هنا في الصالة
وبعد شوية قال خلاص مش البيت دا انا مارق منو ولا عايز اقعد معاكم فيه

بمعنى أنسحب من الإقامة معكم داخل البيت

قامت الأم رجعت الدولاب مكانه في الصالة زي ما وضعه
فرح الولد ورجع البيت

مع اقتناعه التام ان دا مكان غير مناسب للدولاب
بس عايز دولابه اكون في الصالة
لان اي زول حا اجي حا يشوفه

[بت أم درمان]

في زول فاهمني عايزة أوصل لشنو ؟! :)

[محمد حسين (المميز)]

في زول فاهمني عايزة أوصل لشنو ؟! :)




هـــــــاتي من الآخــر:rolleyes::rolleyes:

[ريمون]

في زول فاهمني عايزة أوصل لشنو ؟! :)

انا غايتو يا سعادة المشرف اظني فاهماك .. ;)
اعتقادي انو ما ممكن كل زول يعمل الترتيب العاوزو في البيت لانو الامور كده بتجوط ساي ..
طالما هم وثقوا في الام واختاروها لقيادة دفة المنزل فلازم يشاوروها وهي ليها الكلمه العليا في ترتيب البيت ..
لكن برضو الام ما لازم تبقي دكتاتوره يعني لو ترتيبهم ما بيخرب النظام العام فما مشكله خليهم يرتبوا زي ما عاوزين تحت اشرافه ..

[ودسمير]

والله يا دفعه احتمال اكون قريب من الفهم ... غايتو اذا حالفنا الحظ اكون مبسوط واذا نظرت ساكت الجايات اكتر ...

بيوتنا السودانيه حتى تصل الى بر الامان عليها ان تتكاتف ويكون التفاهم اللغه السائده وقبول الراى والراى الآخر من الصغير والكبير معا حتى تسود الألفه ونصل الى بيت مثالى وبالتالى مجتمع رائع ...

[admin]

في زول فاهمني عايزة أوصل لشنو ؟! :)

شكلي انا الوحيد الفاهمك يا بتنا.
انتى قصدك انو المنتدى مقسم لاقسام ومفروض نضع اي بوست في مكانه الصحيح. يعني مننا برانا موش الا يجي المشرف ( امنا ) تحولو. وكمان لو حولتو ما نزعل نخلي البيت. صاح

[ريمون]

شكلي انا الوحيد الفاهمك يا بتنا.
انتى قصدك انو المنتدى مقسم لاقسام ومفروض نضع اي بوست في مكانه الصحيح. يعني مننا برانا موش الا يجي المشرف ( امنا ) تحولو. وكمان لو حولتو ما نزعل نخلي البيت. صاح
الوحيد كيف ؟!!!!!
انت ماقريت مشاركتي ولا شنو ؟؟!!!

[ودسمير]

شكلي انا الوحيد الفاهمك يا بتنا.
انتى قصدك انو المنتدى مقسم لاقسام ومفروض نضع اي بوست في مكانه الصحيح. يعني مننا برانا موش الا يجي المشرف ( امنا ) تحولو. وكمان لو حولتو ما نزعل نخلي البيت. صاح

البيت السودانى انا قصدت بيهو المنتدى ....والكلام ليك يا المنطط عينيك !!!

[admin]

الوحيد كيف ؟!!!!!
انت ماقريت مشاركتي ولا شنو ؟؟!!!
غايتو جنس سلبطه

البيت السودانى انا قصدت بيهو المنتدى ....والكلام ليك يا المنطط عينيك !!!
انت قاصد شنو؟ يازول القووون جبتو انا قبيل وانت والاخ ريمون كوركم في شارع الظلط

[ريمون]

غايتو جنس سلبطه

انت قاصد شنو؟ يازول القووون جبتو انا قبيل وانت والاخ ريمون كوركم في شارع الظلط
كيف تكون في الظلط ..
كدي اسأل احمد علقم ؟؟!!!

[ahmed algam]

في زول فاهمني عايزة أوصل لشنو ؟! :)




اكيد فهمناك

ياريت ناس البيت كلهم يقتنعوا بالفهم دا

ناس البيت الكبير

[بت أم درمان]

شكلي انا الوحيد الفاهمك يا بتنا.
انتى قصدك انو المنتدى مقسم لاقسام ومفروض نضع اي بوست في مكانه الصحيح. يعني مننا برانا موش الا يجي المشرف ( امنا ) تحولو. وكمان لو حولتو ما نزعل نخلي البيت. صاح

صااااااح :)

[بت أم درمان]

ا
لكن برضو الام ما لازم تبقي دكتاتوره يعني لو ترتيبهم ما بيخرب النظام العام فما مشكله خليهم يرتبوا زي ما عاوزين تحت اشرافه ..

هنا مافي دكتاتورية ولا حاجة :)
بالعكس
طالما في يقين بأن الكل عارف المكان المناسب للغرض المناسب
مافي داعي للزعل في حالة وضع الغرض في مكانه
الترتيب الما منظم بيعمل فوضى في المكان :)

[بت أم درمان]

والله يا دفعه احتمال اكون قريب من الفهم ... غايتو اذا حالفنا الحظ اكون مبسوط واذا نظرت ساكت الجايات اكتر ...

بيوتنا السودانيه حتى تصل الى بر الامان عليها ان تتكاتف ويكون التفاهم اللغه السائده وقبول الراى والراى الآخر من الصغير والكبير معا حتى تسود الألفه ونصل الى بيت مثالى وبالتالى مجتمع رائع ...

تمام يا ودسمير
فهمك للموضوع في محله
الوصول الى المثالية والتميز هو الاهم

[بت أم درمان]

اكيد فهمناك

ياريت ناس البيت كلهم يقتنعوا بالفهم دا

ناس البيت الكبير

لازم يقتنعوا
للحفاظ على المنظر العام

[مايسة]

بتو - تحياتي -

ترتيب البيت دا صراحة أصعب شئ - ولا تستطيع ان ترضي جميع من في البيت أكيد

ولكن

لا ضير إن تركنا لهم كما ضربتي (الدولاب) دا في الصالة لفترة على الاقل بسيطة يوم يومين - عشان الضيوف البيجو يشوفو - لأنو معروف إنو الصالة المكان الاول في إستقبال الناس

لأنو فعلا مرات بيكون الدولاب دا حلو شديد - شكلا ومضمونا -


تخريمة: الف مبروك ياخ إشراف العام - :)

[بت أم درمان]

بتو - تحياتي -

ترتيب البيت دا صراحة أصعب شئ - ولا تستطيع ان ترضي جميع من في البيت أكيد

ولكن

لا ضير إن تركنا لهم كما ضربتي (الدولاب) دا في الصالة لفترة على الاقل بسيطة يوم يومين - عشان الضيوف البيجو يشوفو - لأنو معروف إنو الصالة المكان الاول في إستقبال الناس
لأنو فعلا مرات بيكون الدولاب دا حلو شديد - شكلا ومضمونا -




تخريمة: الف مبروك ياخ إشراف العام - :)

فكرتك واردة يا مايسة ودا الحاصل فعلا

رد التخريمة : الله يبارك فيك ... يادوب انتي لاحظتي بس ما دايرة اقول ليك العتب على النظر ما عليك انتي :rolleyes::)

[moh_alnour]

طالما أن الأمر يتعلق بالمصلحة العامة
فترتيب البيت مسئولية الجميع
مع تقسيم الأدوار بما يتناسب و مقدرة كل شخص في البيت
ولا ضير أن يقوم شخص ما بدور الأخر في ظل غيابه أو مرضه ( لا سمح الله )
عن نفسي أحب النظام و الترتيب في كل شيء

[بت أم درمان]

طالما أن الأمر يتعلق بالمصلحة العامة
فترتيب البيت مسئولية الجميع
مع تقسيم الأدوار بما يتناسب و مقدرة كل شخص في البيت
ولا ضير أن يقوم شخص ما بدور الأخر في ظل غيابه أو مرضه ( لا سمح الله )
عن نفسي أحب النظام و الترتيب في كل شيء

كلام سليم مية في المية
لابد من التعاون
شكرا محمد النور

[محمد الجزولى]

النظام سلوك حضاري يا بنت ام درمان
والفوضي دائما ما تؤدي الى هدم اركان البيت
وما كان تقسيم البيت الى غرف نوم وغرف جلوس وغرف معيشة الا ليسود النظام ارجاء المنزل
وحتي الزائرين للمنزل يعجبهم منظر الزهرية اذا كانت في المكان المخصص لها
ويمكن كمان يعلقوا على عدم ذوق سيد او ست البيت اذا وضعت في مكان ليس مكانها
هنالك اشياء تصلح لان تكون بالصالة او داخل الغرف في نفس الوقت .. ففي هذه الحالة لا باس من التشاور حولها ووضعها في مكانها المناسب
ده من ناحية ترتيب البيت اما من هو الذي يرتب البيت فالتشاور ضروري حتي يكون منظر البت متوافق مع راي الجميع
ولكن لابد من وجود شخص تكون له الريادة في ترتيب البيت والا تنازع الجميع الامر واصبح البيت كما يقول المثل ( ريسين غرقوا المركب )
يعني لا نترك الامر على هوي صاحب قطعة الاثاث المعينه حينها يمكن أن اطالب بوضع الثلاجة داخل الحمام مثلا ( مش على كيفي .. )
تحياتي بت ام درمان

[ود المطامير]

غايتو جنس سلبطه

انت قاصد شنو؟ يازول القووون جبتو انا قبيل وانت والاخ ريمون كوركم في شارع الظلط
أهاااااااااااا

دا ذاتو اللى بخلى البيت يجوط
وهسى يرحلو الدولاب دا النفاج ;)

[ود المطامير]

بت أم در
بقيتى مشرفه متين ؟ ;)

[بت أم درمان]

النظام سلوك حضاري يا بنت ام درمان
والفوضي دائما ما تؤدي الى هدم اركان البيت
وما كان تقسيم البيت الى غرف نوم وغرف جلوس وغرف معيشة الا ليسود النظام ارجاء المنزل
وحتي الزائرين للمنزل يعجبهم منظر الزهرية اذا كانت في المكان المخصص لها
ويمكن كمان يعلقوا على عدم ذوق سيد او ست البيت اذا وضعت في مكان ليس مكانها
هنالك اشياء تصلح لان تكون بالصالة او داخل الغرف في نفس الوقت .. ففي هذه الحالة لا باس من التشاور حولها ووضعها في مكانها المناسب
ده من ناحية ترتيب البيت اما من هو الذي يرتب البيت فالتشاور ضروري حتي يكون منظر البت متوافق مع راي الجميع
ولكن لابد من وجود شخص تكون له الريادة في ترتيب البيت والا تنازع الجميع الامر واصبح البيت كما يقول المثل ( ريسين غرقوا المركب )
يعني لا نترك الامر على هوي صاحب قطعة الاثاث المعينه حينها يمكن أن اطالب بوضع الثلاجة داخل الحمام مثلا ( مش على كيفي .. )
تحياتي بت ام درمان

كلام مرتب مية مية
شكرا ليك يا ود الجزولي

[بت أم درمان]

بت أم در
بقيتى مشرفه متين ؟ ;)

غايتو حيرتني بي سؤالك دا
بقيت ما عارفة ارد ولا ما ارد
يادوووبك انتبهت انت ؟
العتب على شنو اقول ليك ما عارفة