المساعد الشخصي الرقمي

مشاهدة النسخة كاملة : أبناء المغتربين الي أين؟؟


بت مارنجان
15-10-2011, 02:12 AM
حقيقة هنالك مشكلة حقيقية في الخرطوم
لاادري الي سببها ؟؟؟

منذ يومين تم البت في قضية لأحد اببناء الشهادة العربية
وكان الحكم بالاعدام ... وقد تم ...

تفاصيل القضية :
نفذت سلطات السجن الاتحادي امس الخميس عقوبة الاعدام شنقاً حتى الموت على الطالب (مازن) المدان بجريمة قتل سيدة بمنطقة اركويت الخرطوم عندما داهم منزلها قاصداً ابناءها فسدد إليها (9) طعنات ادت الى مقتلها في الحال وجرت مراسم تنفيذ حكم الاعدام على المدان وسط حضور اولياء الدم وذوي المدان وبعد فشل كل المحاولات في إقناع اسرة القتيلة للتنازل عن القصاص. ووقعت الحادثة العام الماضي بمنطقة اركويت عندما نظمت (شلة) من ابناء الحي رحلة ترفيهية بمنطقة القلابات بشرق السودان وكان بينهم المدان وابناء المتوفاة وهناك تم الاعتداء على المدان الذي كان قادماً لتوه من احدى الدول العربية لمواصلة تعليمه في السودان بـ(شهادة عربية) وقد تركه اصدقاؤه بمنطقة القلابات مغمى عليه وعادوا بالعربة التي يستقلونها ونجح المدان بعد إفاقته من الاغماء في الوصول إلى العاصمة بعد رحلة معاناة فحمل سكيناً وقصد منزل الذين اعتدوا عليه بيد أنهم عرفوا نواياه ليغادروا المنزل وعند دخوله وجد والدتهم تنام في أحد الممرات فسدد إليها (9) طعنات كانت كافية لتفارق الحياة وكان للتحرك السريع لشرطة الخرطوم شرق دوره في توقيف المتهم وتوجيه الاتهام إليه وأحالته الى مشفى الامراض النفسية الذي اجرى له العلاج واكد مقدرته على الدفاع عن نفسه لتتم إحالته الى المحكمة بالخرطوم شرق امام مولانا عادل موسى الذي استمع لاقوال طرفي القضية وخلص إلى حكمه بإيقاع عقوبة الاعدام شنقاً حتى الموت على المدان وايدت العقوبة بقية المحاكم الاستئنافية والعليا لينفذ الحكم
مدنيّة
15-10-2011, 02:17 AM
لا حول ولا قوة الا بالله العلي العظيم
والله اول مرة اسمع بالحادثة دي

-------
ماعارفة الزول يعلق يقول شنو!!!
بت مارنجان
15-10-2011, 02:17 AM
منذ مايقارب الشهر ايضا وباحدي الشقق في منطقة الرياض بالخرطوم
توجه أخ المجني عليه لي شقة المقتول في الساعات الاولي من الصباح
حيث وجد احد اخاه وهو ايضا شهادة عربية طالب بجامعة الخرطوم الطبية "مقتول" ومسدد عليه اكثر من خمسة طعنات
ووجد الجاني بجانبه نائما ...
ووجد علي احدي الطاولات مجموعة من المواد المخدرة وتضاربت الاقوال حول سبب القتل
من يقول بسبب مشاجرة بسبب فتاة ومن يقول بسبب تعاطي المخدر ...
بت مارنجان
15-10-2011, 02:21 AM
القصة الفوق دي كانت منشورة باحدي الجرايد وكان مفترض تكتب في العدد الذي يليه
لكن علمنا من احدي المحاميات بان الشاب الجاني ابن احدي المسعولين
الذي امر بوقف نشر مجريات القضية ....

حكاية المغتربين اللي بياجرو شقق مفروشة لي اولادهم دي شنو؟
ودسمير
15-10-2011, 02:30 AM
انا من المتابعين لهذه القضيه وجد ابناء وبنات المغتربين حياتهم لا تعجب ولا تسر ليس كلهم ولكن الغالبيه العظمى منهم ... لا وجود لرقيب لا اب ولا عم يعمل له حساب تربيه ناقصة فى الخليج وحريه فايته الحد فى السودان والنتيجه مخدرات ومصائب لا تحصى ولا تعد !!!!!

لو تحدثت فى هذا الموضع باسهاب لبكيتم كثيرا ...

انما الامم الاخلاق ما بقيت فان هم ذهبت اخلاقهم ذهبوا
بت مارنجان
15-10-2011, 02:55 AM
لا حول ولا قوة الا بالله العلي العظيم
والله اول مرة اسمع بالحادثة دي

-------
ماعارفة الزول يعلق يقول شنو!!!

تعرفي ياام جمال لو ماكنت بعرف اشخاص قريبين من الشخص دا
كنت قلت دا مسلسل مصري من الاحداث الحاصلة فيه ؟؟؟؟

المشكلة انو السودانين المغتربين لما يسافرو ماخاتين انو والله غربتهم دي
فترة محددة من الزمن ولازم يرجعو لي بلدهم
تلاقي الواحد عايش هناك ويرسل في اولاده
عليك الله انا ولدي او بتي في سن مراهقة ارسلو السودان وفي شقة مفروشة
يعني السبب البقعدني هناك شنو وعشان شنو؟
بت مارنجان
15-10-2011, 03:00 AM
انا من المتابعين لهذه القضيه وجد ابناء وبنات المغتربين حياتهم لا تعجب ولا تسر ليس كلهم ولكن الغالبيه العظمى منهم ... لا وجود لرقيب لا اب ولا عم يعمل له حساب تربيه ناقصة فى الخليج وحريه فايته الحد فى السودان والنتيجه مخدرات ومصائب لا تحصى ولا تعد !!!!!

لو تحدثت فى هذا الموضع باسهاب لبكيتم كثيرا ...

انما الامم الاخلاق ما بقيت فان هم ذهبت اخلاقهم ذهبوا


الحقيقة ياود سمير عدم وجود الرقابة هي المشكلة الحقيقة
يعني اليوم طالب او طالبة تجد او يجد نفسه في بلد "مفتوح" فيهو اي شئ
مافي رقابة "مطلق الحرية" لاي شئ
مافي انسان يسالك جيت ولامشيت ولا الساعة كم
طبيعي اعمل العايزه ....

منتظرين تحكي باسهاب علنا نجد حلول للكثيرين
مدنيّة
15-10-2011, 03:00 AM
تعرفي ياام جمال لو ماكنت بعرف اشخاص قريبين من الشخص دا
كنت قلت دا مسلسل مصري من الاحداث الحاصلة فيه ؟؟؟؟

المشكلة انو السودانين المغتربين لما يسافرو ماخاتين انو والله غربتهم دي
فترة محددة من الزمن ولازم يرجعو لي بلدهم
تلاقي الواحد عايش هناك ويرسل في اولاده
عليك الله انا ولدي او بتي في سن مراهقة ارسلو السودان وفي شقة مفروشة
يعني السبب البقعدني هناك شنو وعشان شنو؟

اي زول طبعا بيكون فاكر انه ولده / بته
احسن زول في الدنيا
ومستحيل يجي في خياله
انه ممكن يغلط ساي
ناهيك عن احداث زي دي

-------
قرينا الجامعة
وفي محل اولاد المغتربين (الاهلية)
عاشرنا منهم ناس
والله قمة في الاخلاق والادب والتهذيب
واكيد ماكل اولاد المغتربين كدا
ربنا يهدي الجميع يارب

صراحة حالة الواحد ماقادر يتخيلها
وربنا يكون في عون اهل الشاب دا
بت مارنجان
15-10-2011, 03:09 AM
اي زول طبعا بيكون فاكر انه ولده / بته
احسن زول في الدنيا
ومستحيل يجي في خياله
انه ممكن يغلط ساي
ناهيك عن احداث زي دي

-------
قرينا الجامعة
وفي محل اولاد المغتربين (الاهلية)
عاشرنا منهم ناس
والله قمة في الاخلاق والادب والتهذيب
واكيد ماكل اولاد المغتربين كدا
ربنا يهدي الجميع يارب

صراحة حالة الواحد ماقادر يتخيلها
وربنا يكون في عون اهل الشاب دا

دايما بيقولو اهلنا الزمن اتغير انا ماشايفة الزمن اتغير
الزمن ياهو من ابونا ادم وامنا حوة
الاخلاق هي الاتغيرت
الليلة انا ام وعندي بنات واولاد بفتح مسلسلات تركية من مهند ونور
لي عشق ممنوع لي ماعارفة شنو
اولادي ديل بقعدو معاي يحضرو وبيشوفو الاحداث والحاجات البيحصل
وعارفين انو الناس البتعمل كدا مسلمين المانع شنو هم يعملو كدا ؟؟؟
انا مانطبقت علي مقولت ختيت النار جمب البنزين !!!
هسي يااسماء وانتي صغيرة والدك او والدتك او الناس الكبار بتناقشو في شئ
قدامك ولا بتقدري تحضري ليك فلم قدامهم
بت مارنجان
15-10-2011, 03:12 AM
وبعدين ياخ الاهتمامات زاتها كانت في حدود مجتمعي وعاداتي وتقاليدي يعني
امشي لي صحبتي الونسة الدايرة عن حاجات البنات وخصوصياتهم
اولاد همهم الكورة لاعبين مع منو والله انا اخواني زمان تلاقيهم لو الكورة جرت ورجعو
بعد اذان المغرب يقعدو يتراجفو
هسي تلقي الام والابو نايمين واولادهم لسا برة البيت ..

ياخي انا الولد دا واجعني اعدامه وجع لانه مازمبه والله
مايسة
15-10-2011, 03:35 AM
ياخي انا الولد دا واجعني اعدامه وجع لانه مازمبه والله


تحياتي للمتداخلين ولآرائهم

لكن ذنب منو لو ما ذنبو هو
أمو وأبوهو قالو ليهو شيل سكين وأمشي أطعن المرأة ولا كيف

صحيح إنو التربية ليها أثر في تكوين شخصية الإنسان -
لكن توجد أشياء يتحكم ويفكر فيها الشخص بعقله
- وإلا كل الجرائم التي تحدث من إغتصاب وقتل وغيره
المفروض لا يعاقب مرتكبيها ولا شنو -


وهذا الشخص إذا نظرنا بأنه شخص ( ضحية) لأسباب كثيرة
من أين تعلم هذه الاشياء - مجتمعنا السوداني للأسف أصبح عنيف
لأسباب كثيرة جدا جدا


تخريمة: ما تزعلى شديد لسى محتاجين ليك
ahmed algam
15-10-2011, 03:37 AM
لا حول ولا قوة الا بالله العلي العظيم
بت مارنجان
15-10-2011, 03:40 AM
تحياتي للمتداخلين ولآرائهم

لكن ذنب منو لو ما ذنبو هو
أمو وأبوهو قالو ليهو شيل سكين وأمشي أطعن المرأة ولا كيف

صحيح إنو التربية ليها أثر في تكوين شخصية الإنسان -
لكن توجد أشياء يتحكم ويفكر فيها الشخص بعقله
- وإلا كل الجرائم التي تحدث من إغتصاب وقتل وغيره
المفروض لا يعاقب مرتكبيها ولا شنو -


وهذا الشخص إذا نظرنا بأنه شخص ( ضحية) لأسباب كثيرة
من أين تعلم هذه الاشياء - مجتمعنا السوداني للأسف أصبح عنيف
لأسباب كثيرة جدا جدا


تخريمة: ما تزعلى شديد لسى محتاجين ليك

ههههههههههه
العزيزة ميسو انا ماقلت انه مامذنب
هو مذنب ولازم ياخد جزائه لكن مايعدم
يتسجن عشرين او خمسة وعشرين سنة ماقلنا شئ
لكن العوامل الحوليه غريب والناس دي بحسابنا والله اطفال وشفع لسا
مهماا كان عمره لكن مابحساب اعمار الجيل القديم ...

ياخ برضو زعلانا :(
حاتم مرزوق
15-10-2011, 03:54 AM
الموضوع له أبعاد كثيرة لذلك تحميل الأخطاء كلها لأبناء المغتربين فيه إجحاف كبير.

هناك دور حكومى مفقود ودور جامعى معدوم ودور أسرى غائب .

أما الحكومة فجردت الجامعات من الداخليات المنظمة التى فيها إنضباط للطلبة دخولهم وخروجهم بإذن والحكومة هى التى قصرت فى دورها حتى إنتشرت المخدرات بين الطلبة.

والجامعات نسيت دورها التثقيفى والتوعوى واصبح همها المال والأسر نسيت النصح والإرشاد وأطلقت العنان لأبنائها.

وليس الموضوع فقط لأبناء المغتربين وإنما لكل الأبناء.


إن الحكم على هذا الطالب بالشنق ليس هو العلاج وأن هذا الطالب اقدم على إرتكاب جريمة القتل لدوافع لا نعرف عن حيثياتها شئ فهناك ممارسات تعمى البصر وتزهد فى الحياة فيكون القتل هو العلاج الشافى فى نظر مرتكب الجريمة.

نسأل الله أن يحرس ابناءنا بعينه التى لا تنام وأن يجنبهم الفتن ما ظهر منها وما بكن وأن يجمعهم بالصالحين الأبرار ويصرف عنهم الشرار إنه ولى ذلك والقادر عليه.
محمد الجزولى
15-10-2011, 03:57 AM
تحياتي بت مارنجان
الموضوع شائك والله ويفتح ابواب عديدة
من المسئول ... الاب او الاسرة او المجتمع او الظروف
الاب بين سندان الوضع الاقتصادي ومطرقة ايجاد فرص مناسبة لتعليم اولاده
كثير من الاسر لا تستطيع توفيق اوضاعها والعودة للوطن للبقاء مع ابنهم او بنتهم الجامعية
يواجه الكثير من المغتربين صعوبات في تربية الابناء بسبب البيئة المختلفة والانفتاح الكبير وانغلاق الابناء على والديهم فقط في ظل حرمانهم من البيت الكبير واللعب مع اولاد الجيران والكثير من العوامل الاخرى
الموضوع شائك وذو افرازات عديده والله يا بت مارنجان
وربنا يكون في عون المغتربين ...
تحياتي واحترامي لك
بت مارنجان
15-10-2011, 04:07 AM
الموضوع له أبعاد كثيرة لذلك تحميل الأخطاء كلها لأبناء المغتربين فيه إجحاف كبير.

هناك دور حكومى مفقود ودور جامعى معدوم ودور أسرى غائب .

أما الحكومة فجردت الجامعات من الداخليات المنظمة التى فيها إنضباط للطلبة دخولهم وخروجهم بإذن والحكومة هى التى قصرت فى دورها حتى إنتشرت المخدرات بين الطلبة.

والجامعات نسيت دورها التثقيفى والتوعوى واصبح همها المال والأسر نسيت النصح والإرشاد وأطلقت العنان لأبنائها.

وليس الموضوع فقط لأبناء المغتربين وإنما لكل الأبناء.


إن الحكم على هذا الطالب بالشنق ليس هو العلاج وأن هذا الطالب اقدم على إرتكاب جريمة القتل لدوافع لا نعرف عن حيثياتها شئ فهناك ممارسات تعمى البصر وتزهد فى الحياة فيكون القتل هو العلاج الشافى فى نظر مرتكب الجريمة.

نسأل الله أن يحرس ابناءنا بعينه التى لا تنام وأن يجنبهم الفتن ما ظهر منها وما بكن وأن يجمعهم بالصالحين الأبرار ويصرف عنهم الشرار إنه ولى ذلك والقادر عليه.

استاذي حاتم نهارك سعيد
حقيقة ابناء مغتربين او مواطنين واحد بس الجرائم من النوع دا كترت
ولما نرجع للجاني والمجني بيكونو ابناء مغتربين
وعلي فكرة في مغتربين داخليين يعني ابناء ولايات ...

هي الحكومة اصلا سجمانة ومامن الليلة المصايب بتاعتها من تلاتة وعشرين سنة
اذا كانت الداخليات تخرج فتياتها نهارا جهارا

بس انا الحبيت الفت اليه النظر اخي الكريم انه مهما ربيت اولادي وعلمتهم الاخلاق
وكان البيت متدين فالشارع اسوأ .. ناهيك عن اني ارسل ابني في عمر حرج
لحاله في بلد اصبح الفساد فيها في كل ركن
عدم رقابة حكومية وعدم رقابة ألآلهية وعدم رقابة اسرية ...

اصبحت الجامعات الان مهمتها كيف تستقطب اكبر عدد من الطلاب لاحراز
اكبر مجموع من المال المستجمع منهم ....
وزي مابنشوفو في شريط الاعلانات علي النيل الازرق
والفالح قفل بيتو وعمله جامعة ...
اللهم استرنا ولاتفضحنا
بت مارنجان
15-10-2011, 04:11 AM
تحياتي بت مارنجان
الموضوع شائك والله ويفتح ابواب عديدة
من المسئول ... الاب او الاسرة او المجتمع او الظروف
الاب بين سندان الوضع الاقتصادي ومطرقة ايجاد فرص مناسبة لتعليم اولاده
كثير من الاسر لا تستطيع توفيق اوضاعها والعودة للوطن للبقاء مع ابنهم او بنتهم الجامعية
يواجه الكثير من المغتربين صعوبات في تربية الابناء بسبب البيئة المختلفة والانفتاح الكبير وانغلاق الابناء على والديهم فقط في ظل حرمانهم من البيت الكبير واللعب مع اولاد الجيران والكثير من العوامل الاخرى
الموضوع شائك وذو افرازات عديده والله يا بت مارنجان
وربنا يكون في عون المغتربين ...
تحياتي واحترامي لك

محمد الجزولي نهارك سعيد
كل الكلام القلتو صحيح والوضع الاقتصادي اصبح ضاغط علي الكل
لكن كمان نبقي ضايعين اقتصادينا واخلاقيا ...
تعرف انا دايما في نقاش مع اقربائي المغتربين
الواحد تلاقي مغترب وماشايل هم بكرة
هسي المصري لما يغترب بيكون واضع اهداف قدامو وعدد السنين المغترب فيها
وبتلاقيه مضيقها علي نفسو واولادو
مازي السودانين تلقي شقتو احسن من شقق المواطنين ...
النفوس اتغيرت وحقو الناس تغير من مفاهيما عشان تقدر تعيش

وودي واحترامي ليك "ياخال"
بت مارنجان
15-10-2011, 04:12 AM
لا حول ولا قوة الا بالله العلي العظيم

ونعم بالله ....
abomazeen
15-10-2011, 04:33 AM
حقيقة هنالك مشكلة حقيقية في الخرطوم
لاادري الي سببها ؟؟؟

منذ يومين تم البت في قضية لأحد اببناء الشهادة العربية
وكان الحكم بالاعدام ... وقد تم ...

تفاصيل القضية :
نفذت سلطات السجن الاتحادي امس الخميس عقوبة الاعدام شنقاً حتى الموت على الطالب (مازن) المدان بجريمة قتل سيدة بمنطقة اركويت الخرطوم عندما داهم منزلها قاصداً ابناءها فسدد إليها (9) طعنات ادت الى مقتلها في الحال وجرت مراسم تنفيذ حكم الاعدام على المدان وسط حضور اولياء الدم وذوي المدان وبعد فشل كل المحاولات في إقناع اسرة القتيلة للتنازل عن القصاص. ووقعت الحادثة العام الماضي بمنطقة اركويت عندما نظمت (شلة) من ابناء الحي رحلة ترفيهية بمنطقة القلابات بشرق السودان وكان بينهم المدان وابناء المتوفاة وهناك تم الاعتداء على المدان الذي كان قادماً لتوه من احدى الدول العربية لمواصلة تعليمه في السودان بـ(شهادة عربية) وقد تركه اصدقاؤه بمنطقة القلابات مغمى عليه وعادوا بالعربة التي يستقلونها ونجح المدان بعد إفاقته من الاغماء في الوصول إلى العاصمة بعد رحلة معاناة فحمل سكيناً وقصد منزل الذين اعتدوا عليه بيد أنهم عرفوا نواياه ليغادروا المنزل وعند دخوله وجد والدتهم تنام في أحد الممرات فسدد إليها (9) طعنات كانت كافية لتفارق الحياة وكان للتحرك السريع لشرطة الخرطوم شرق دوره في توقيف المتهم وتوجيه الاتهام إليه وأحالته الى مشفى الامراض النفسية الذي اجرى له العلاج واكد مقدرته على الدفاع عن نفسه لتتم إحالته الى المحكمة بالخرطوم شرق امام مولانا عادل موسى الذي استمع لاقوال طرفي القضية وخلص إلى حكمه بإيقاع عقوبة الاعدام شنقاً حتى الموت على المدان وايدت العقوبة بقية المحاكم الاستئنافية والعليا لينفذ الحكم



لا حول ولا قوة الا بالله العلي العظيم
لا حول ولا قوة الا بالله العلي العظيم
لا حول ولا قوة الا بالله العلي العظيم
لا حول ولا قوة الا بالله العلي العظيم
abomazeen
15-10-2011, 04:35 AM
لا حول ولا قوة الا بالله العلي العظيم
تسلمي يا بت مارنجان (بعد الغيبة) النسبية
ويا ريت لو نقدر نقرأ ونسمع اراء القانونين
يعني عاوزين لينا واحد من سعادة المستـشارين
يدلي لينا بالرأي القانوني والحكم حول الملابسات
الجندي المجهول
15-10-2011, 04:39 AM
تحياتي بت مارنجان ،،،

ليس السؤال فقط إلى أين ابناء المغربين !!!
السؤال ... السودان كله إلى أين ؟
سواء ابناء مغتربين او ( موجودين داخل السودان) ....
هنالك تفك اسري بصورة (فيها نوع من المبالغة) وزي ما تفضلت ( وكانه مسلسل مصري) تاليف اسامة انور عكاشة او محمد فاضل
ما يحدث الان لا يبشر ( بمستقبل) جميل ...
تحدثنا من قبل عن
المخدرات
الاغتصاب (خاصة للاطفال)
الزواج العرفي
الخ ..
.
.
ودار المايقوما
و
و
و
ولا حياة لمن تنادي
وزارة الشؤون الاجتماعية ( في وادي ) والدنيا في وادي اخر ..
الحكومة تبحث عن (الجلوس في السلطة والتشبث بها ) و95% من الشعب يبحث عن لقمة العيش فضاع الابناء والبنات
وهذا ايضا لا يعفي اولياء الامور من التقصير !!!!!!!!!!!!!!!

من قبل فترة كنت اكتب واقول ( الجاي احلى)
وحتى كتابة هذه الاسطر بقول الجاي (احلى)

ولكن (اذا اطال الله في العمر)
بعد تاريخ 31/12/2011م


عندي راي ....
تخريمة : أتمنى أن يسألني عن سبب اختيار وتحديد هذا التاريخ .....

باللفة : يا بت مارنجان ما طولي الغياب ( وما تكتري منو) ....
ونسأل الله السلامة للجميع (بدون فرز)
مع تحياتي ،،،
محمد حسين (المميز)
15-10-2011, 05:08 AM
مارنجـــووووووو

القصه ما قصة اغتراب

القصة تربية ومتابعه

اولاد البلد واولاد المغتربين قريبيــــــــــن من بعضهم

يمكن الفروقات الواضحه او الفارقه هي في حاجتين تلاته

القروش الكتيره في اليد & عدم المتابعة من الاهل بسبب عدم تواجدهم

اما باقي الحاجات فممكن تكون مشتركة وحتى حكاية القروش وعدم المتابعة دي موجووووووووود بكثرة في مجتمع الخرطوم

ايوه الخرطوم بالتحديد:cool::cool:





تخـ: انا هسه مولود بره وعشت بره وود مغتربين .. (( عيبيني:confused::confused:))
محمد حسين (المميز)
15-10-2011, 05:11 AM
الليلة انا ام وعندي بنات واولاد بفتح مسلسلات تركية من مهند ونور
لي عشق ممنوع لي ماعارفة شنو
اولادي ديل بقعدو معاي يحضرو وبيشوفو الاحداث والحاجات البيحصل
وعارفين انو الناس البتعمل كدا مسلمين المانع شنو هم يعملو كدا ؟؟؟
انا مانطبقت علي مقولت ختيت النار جمب البنزين !!!




:eek::eek::eek::eek:


يا حليلهم .. سنه كم عيالك ديل:p:p:o:p:p
بدر الدين احمد الطائف
15-10-2011, 05:35 AM
بتو سلام
حكاية ابناء المغتربين دى حكاية قديمة من يوم ما قمنا عرفنا انه فى بعض الاباء قاعدين فى دول الاغتراب يلمو فى القروش يرسلوا لى اولادهم فى المصاريف ومعيشينهم فى رغد او فى ضنك لانه فى ناس غربتهم اسم ساكت. المهم انهم بيكنزوا فى المال ونسوا العيال نسوا الزوجه والاهل اهملوهم غاب الحسيب والرقيب وبعد كده بيكون الناتج مشاكل كتيره منها الادمان والانحلال الخلاقى وغيرة.
الشى الجديد يا بتو انه اصبح فى تغير نوعى فى الجريمة فى السودان يعنى الاغتصاب تفشى الدعاره المخدرات وزيادة نسبة تعاطى المخدرات وسط الطلبة والبنات دى ما كانت موجوده . ولو جينا شفنا نسبة جرائم القتل فى السودان لاى سبب كان بنلقى انه نسبة ابناء المغتربين الممكن يعملوا كده بتكون 0% من الشى البيحصل .
اعتقد انك ذكرتى جريمتين حصلوا فى وقت متقارب ولكن الجرميتين ديل مسببات يعنى فى دوافع للجريمه لو ولد مغترب ولا اى كان ممكن يكون القاتل لنفس السبب اذا ذكرتك الاسباب الحقيقة للجريمة.
مدنيّة
15-10-2011, 06:21 AM
[FONT="Arial"][CENTER]
[COLOR="red"][SIZE="4"]
تخـ: انا هسه مولود بره وعشت بره وود مغتربين .. (( عيبيني:confused::confused:))

http://www.sudaneseonline.com/db/attention/200_4e.gif


لطفا بنوتة
لكن وحاة الله تعليق المميز غلبني افوته
سيف الدين الامين
15-10-2011, 01:13 PM
أبدأ مداخلتي بسـؤال هل الاغتراب في حد ذاتو غاية ؟
لا والله انما هو وسيلة لتحقيق أهداف عجز المرء عن تحقيقها وهو سط أهله وناسه ولا أظن ان هناك من اغترب حبا في مبدأ الاغتراب وبالتالي فان وصف المغتربين بالسعي وراء اكتناز الاموال اتهام باطل يزيد من معاناة هذه الشريحة التي لا يرى الناس منها وللأسف الشديد غير الراحة والدعة والمال الوفير وليتهم غاصو في أعماق غالبية المغتربين ليرو حجم المعاناة والمأساة التي يعيشونها ثانيا لماذا نقول أبناء المغتربين ... من هم المغتربين ؟ أليسو اخوانكم أو أعمامكم وأخوالكم أليس أولادهم هم أولادكم ؟ دلوني علي مغترب واحد لم يقدم يد العون لاسرته الصغيرة أو الكبيرة أو حتى أهل الحي والمنطقة التي يعيش فيها ؟ اكاد أجزم بأنه لايوجد ... أبناء المغتربين وهم في الاغتراب لا يعرفون الجريمة ولا المخدرات ولا ... ولا ... كل ذلك تعرفو عليه للأسف عندما عادو لحضن الأسرة الكبيرة التي تنكرت لهم بحجة السعي وراء المعيشة فتركو في مهب الريح ولا أظن أن أسرة تعلم أن كبدة فلذتها بعد أن شب وترعرع وأصبح على عتبة الانتقال لمرحلة الرجولة وتحقيق أحلام والديه سيذهب للمجهول وهو بين أهله وداخل وطنه وتسكت ... ان المغتربين تعشموا خيرا وهم يرسلون أغلى ما يملكون في الحياة الي الوطن ولسان حالهم يقول سيكون الولد أو البنت وسط أهلهم وتحت أعينهم لكن للأسف خاب ظنهم وضاع هؤلاء الأبرياء الذين لا يملكون أي خبرة في التعامل مع مجتمع لم يعيشو فيه الا أيام معدودات هي فترة الاجازات التي يقضونها وسط أهلهم وما يحز في النفس أن هؤلاء الابناء خلال تلك الاجازات يكونون محط اهتمام الاسرة الكبيرة رغم عدم حاجتهم لذلك الاهتمام في ذلك الوقت نسبة لرعاية الوالدين لهم وعندما يكونو في أمس الحاجة للرعاية والاهتمام ينصرف عنه الأقارب ... اذن من هو الجاني أهو الأب الذي قدم المساعدات ( قدم السبت في انتظار الأحد ) أم هم الاهل الذين انشغلوا عنه بأنفسهم أم هو المجتمع الذي تبدل وتغير أم يا تري الجاني ذلك الابن الذي أتى للوطن يحدوهو الأمل بحياة جامعية ثم تخرج وحياة عملية وتكوين أسرة أسوة بوالديه .
صلاح ودالطاهر
15-10-2011, 10:35 PM
اختي بت مرنجان بالفعل موضوع حساس ولكن القصه ليست ابناء المغتربين وحدهم بالقصة قصة تربيه ومن الاسباب التي ادت الي انهيار الاخلاق العوامل الاقتصادية ولو تحدثنا عن قصص ابناء المغتربين لوجدنها نسبه بسيطه للواقع المعاش في السودان ولكن اذا عرف السسبب بطل العجب ويا حليل السودان ويا حليل التربية والتعليم في السودان ومتابعين هذا الموضوع الشيق وربما نضع الاصبع على الجرح
بت مارنجان
15-10-2011, 11:39 PM
لا حول ولا قوة الا بالله العلي العظيم
تسلمي يا بت مارنجان (بعد الغيبة) النسبية
ويا ريت لو نقدر نقرأ ونسمع اراء القانونين
يعني عاوزين لينا واحد من سعادة المستـشارين
يدلي لينا بالرأي القانوني والحكم حول الملابسات


ياريت انا بتمني زول يحاول يكشف لينا اشياء
يمكن نحنا ماعارفنها ....
بت مارنجان
15-10-2011, 11:51 PM
تحياتي بت مارنجان ،،،

ليس السؤال فقط إلى أين ابناء المغربين !!!
السؤال ... السودان كله إلى أين ؟
سواء ابناء مغتربين او ( موجودين داخل السودان) ....
هنالك تفك اسري بصورة (فيها نوع من المبالغة) وزي ما تفضلت ( وكانه مسلسل مصري) تاليف اسامة انور عكاشة او محمد فاضل
ما يحدث الان لا يبشر ( بمستقبل) جميل ...
تحدثنا من قبل عن
المخدرات
الاغتصاب (خاصة للاطفال)
الزواج العرفي
الخ ..
.
.
ودار المايقوما
و
و
و
ولا حياة لمن تنادي
وزارة الشؤون الاجتماعية ( في وادي ) والدنيا في وادي اخر ..
الحكومة تبحث عن (الجلوس في السلطة والتشبث بها ) و95% من الشعب يبحث عن لقمة العيش فضاع الابناء والبنات
وهذا ايضا لا يعفي اولياء الامور من التقصير !!!!!!!!!!!!!!!

من قبل فترة كنت اكتب واقول ( الجاي احلى)
وحتى كتابة هذه الاسطر بقول الجاي (احلى)

ولكن (اذا اطال الله في العمر)
بعد تاريخ 31/12/2011م


عندي راي ....
تخريمة : أتمنى أن يسألني عن سبب اختيار وتحديد هذا التاريخ .....

باللفة : يا بت مارنجان ما طولي الغياب ( وما تكتري منو) ....
ونسأل الله السلامة للجميع (بدون فرز)
مع تحياتي ،،،

انا بسالك عن التاريخ والجاي أسوأ ...
اللهم احفظنا واستر علينا يارب ...

اتكلمت عن التفكك الاسري وحقيقة
الاباء بيتعاملو بطريقة غريبة مع ابناءهم تحت غطاء مايسمي بالتحضر والتمدن
ويقولو ليك لازم الطفل يتعلم من هو صغير بانه يعبر عن نفسه ويكون مكبوت
دا علي اساس انه الواحد اتكبت واتحرم من هو صغير بانه يكون عنده راي ويعبر

البت تطلع عادي ماشة لي صحبتي مافي حتي زول بسالها صحبتك دي منو؟
وساكنة وين واهلها منو ؟؟؟

وترجع بالليل عادي يوصلها اخو صحبتها واحد صاحبهم والوالد يقول ليك انا واثق فيها
ولو انا رفضت البت تزعل وتقول بقيدو حريتها مابتعبر ..

اها رايك شنو في حنك التعبير دا ؟؟؟
بت مارنجان
15-10-2011, 11:57 PM
مارنجـــووووووو

القصه ما قصة اغتراب

القصة تربية ومتابعه

اولاد البلد واولاد المغتربين قريبيــــــــــن من بعضهم

يمكن الفروقات الواضحه او الفارقه هي في حاجتين تلاته

القروش الكتيره في اليد & عدم المتابعة من الاهل بسبب عدم تواجدهم

اما باقي الحاجات فممكن تكون مشتركة وحتى حكاية القروش وعدم المتابعة دي موجووووووووود بكثرة في مجتمع الخرطوم

ايوه الخرطوم بالتحديد:cool::cool:


المميز صباحك ورد
كلامك زي الورد وفعلا موجود ...
وازيدك كمان الايام دي طالعة موضة انه الاولاد يمشو يقعدو في بيت او ياجرو
شقة واهلم في الخرطوم يعني الفهم انه عايزين يقرو ..
انا ماعارفة حرارة قلب السودانين دي فاتت وين ؟؟؟
ياربي اندفنت في كرري ؟؟؟




تخـ: انا هسه مولود بره وعشت بره وود مغتربين .. (( عيبيني:confused::confused:))

اولاد المغتربين خشم بيوت ;)
وبعدين انت من جيل الزمن الجميل :o:o
لقيتني كيف عليك الله ;)
حاتم عمر
16-10-2011, 12:08 AM
شكراً يا بت مارنجان ، موضوعك في غاية الاهمية وهو جدير بالنقاش والبحث فيه تشكري عليه جدا
كل مداخلات الاخوة جميلة ومنطقية ولا ازيد عليها
مشكورررررررررين
بت مارنجان
16-10-2011, 12:21 AM
أبدأ مداخلتي بسـؤال هل الاغتراب في حد ذاتو غاية ؟
لا والله انما هو وسيلة لتحقيق أهداف عجز المرء عن تحقيقها وهو سط أهله وناسه ولا أظن ان هناك من اغترب حبا في مبدأ الاغتراب وبالتالي فان وصف المغتربين بالسعي وراء اكتناز الاموال اتهام باطل يزيد من معاناة هذه الشريحة التي لا يرى الناس منها وللأسف الشديد غير الراحة والدعة والمال الوفير وليتهم غاصو في أعماق غالبية المغتربين ليرو حجم المعاناة والمأساة التي يعيشونها ثانيا لماذا نقول أبناء المغتربين ... من هم المغتربين ؟ أليسو اخوانكم أو أعمامكم وأخوالكم أليس أولادهم هم أولادكم ؟ دلوني علي مغترب واحد لم يقدم يد العون لاسرته الصغيرة أو الكبيرة أو حتى أهل الحي والمنطقة التي يعيش فيها ؟ اكاد أجزم بأنه لايوجد ... أبناء المغتربين وهم في الاغتراب لا يعرفون الجريمة ولا المخدرات ولا ... ولا ... كل ذلك تعرفو عليه للأسف عندما عادو لحضن الأسرة الكبيرة التي تنكرت لهم بحجة السعي وراء المعيشة فتركو في مهب الريح ولا أظن أن أسرة تعلم أن كبدة فلذتها بعد أن شب وترعرع وأصبح على عتبة الانتقال لمرحلة الرجولة وتحقيق أحلام والديه سيذهب للمجهول وهو بين أهله وداخل وطنه وتسكت ... ان المغتربين تعشموا خيرا وهم يرسلون أغلى ما يملكون في الحياة الي الوطن ولسان حالهم يقول سيكون الولد أو البنت وسط أهلهم وتحت أعينهم لكن للأسف خاب ظنهم وضاع هؤلاء الأبرياء الذين لا يملكون أي خبرة في التعامل مع مجتمع لم يعيشو فيه الا أيام معدودات هي فترة الاجازات التي يقضونها وسط أهلهم وما يحز في النفس أن هؤلاء الابناء خلال تلك الاجازات يكونون محط اهتمام الاسرة الكبيرة رغم عدم حاجتهم لذلك الاهتمام في ذلك الوقت نسبة لرعاية الوالدين لهم وعندما يكونو في أمس الحاجة للرعاية والاهتمام ينصرف عنه الأقارب ... اذن من هو الجاني أهو الأب الذي قدم المساعدات ( قدم السبت في انتظار الأحد ) أم هم الاهل الذين انشغلوا عنه بأنفسهم أم هو المجتمع الذي تبدل وتغير أم يا تري الجاني ذلك الابن الذي أتى للوطن يحدوهو الأمل بحياة جامعية ثم تخرج وحياة عملية وتكوين أسرة أسوة بوالديه .

الاخ سيف الدين صباحك جميل ..
اذا كان المال وسيلة للوصول الي الاهداف "التعليم الجيد" العلاج الجيد"
المعيشة في مستوي عال ...
سؤالي لك اخي سيف ...
الاغتراب قديما والاغتراب الان ؟؟
زمان يعني كما قال الاخ المميز هو "شهادة عربية"
لكن هل الاخلاقيات المجتمعية الان كما كانت حينما جاء المميز وهو طالب شهادة
عربية مابين اهله وتخرج وعاد الي الغربة؟
ولا حتي اعمار الطلاب المغتربين مازي الاول ..
زمان الطالب بيجي كبير علي الاقل في وعي بانه هو تارك اسرته وحياته
وعائد الي وطنه من اجل مهمة محددة وهي انه يقرا ويتخرج ويرجع ....

زمان يااخي سيف الجيران بيربو والخالات بيربو والاعمام بربو
بتطلع الشارع تعمل غلط "راجل الجيران" بيعاقبك او مرة الجيران
او الولد الكبير في "الفريق"
غلطت في البيت عمك بيعاقبك خالتك ممكن تمد يدها عليك ..
هسي الان بتقدر تشاكل ولد الجيران ولا "تحدر" ليه ساي لو غلط
الحياة زمان تكافلية الناس بتساعدك وتربي معاك ..

الان مافي أم اوأب بيرضي ولده زول يشاكلو او يتكلم معاه ...
يقول ليه انت مالك دا ولديه يعني ولدي مامربي؟

في ظل نظرية يانفسي وكل واحد ماليه دعوة بالتاني اللوم يكون علي منو
في ضياع الاولاد ديل ؟؟؟؟
بت مارنجان
16-10-2011, 12:29 AM
بتو سلام
حكاية ابناء المغتربين دى حكاية قديمة من يوم ما قمنا عرفنا انه فى بعض الاباء قاعدين فى دول الاغتراب يلمو فى القروش يرسلوا لى اولادهم فى المصاريف ومعيشينهم فى رغد او فى ضنك لانه فى ناس غربتهم اسم ساكت. المهم انهم بيكنزوا فى المال ونسوا العيال نسوا الزوجه والاهل اهملوهم غاب الحسيب والرقيب وبعد كده بيكون الناتج مشاكل كتيره منها الادمان والانحلال الخلاقى وغيرة.
الشى الجديد يا بتو انه اصبح فى تغير نوعى فى الجريمة فى السودان يعنى الاغتصاب تفشى الدعاره المخدرات وزيادة نسبة تعاطى المخدرات وسط الطلبة والبنات دى ما كانت موجوده . ولو جينا شفنا نسبة جرائم القتل فى السودان لاى سبب كان بنلقى انه نسبة ابناء المغتربين الممكن يعملوا كده بتكون 0% من الشى البيحصل .
اعتقد انك ذكرتى جريمتين حصلوا فى وقت متقارب ولكن الجرميتين ديل مسببات يعنى فى دوافع للجريمه لو ولد مغترب ولا اى كان ممكن يكون القاتل لنفس السبب اذا ذكرتك الاسباب الحقيقة للجريمة.


استاذي بدر الدين نهارك سعيد
حقيقة زي ماقلت الجريمة حتقع حتقع باختلاف من هم القائمين علي الجريمة
في نقاش مع احدي الاخوة انه اختفي الوازع الديني بين الناس
انا اختلفت معاه في النقطة دي حتي لو انا كأم قمت بعمل المستحيل حتي
نشأو ابنائي في بيئة دينية وصالحة واخلاقية ..
ورسلتهم السودان للجامعة واجرت ليهم شقة وقعدو فيها
نشوف مجتمع الجامعة الان ونقول حسبي الله ونعم الوكيل
الحفلة في المكان الفلاني والرحلة في المكان العلاني وشوية شوية
اصدقاء السوء ممكن يجروني "الا من رحم ربه "
الليلة كنت بصلي الاوقات بكرة اقطعهم بعديها جيت تعبان افوت ...
واصدقاء السوء يشتغلو ...
في اولاد بيرجعو زي ماوصلو ..
المغزي من كلامي انه لازم يكون في رقابة "يعني قوم صلي"
جيت متاخر مالك ؟؟؟
بت مارنجان
16-10-2011, 12:32 AM
:eek::eek::eek::eek:


يا حليلهم .. سنه كم عيالك ديل:p:p:o:p:p

سنة حفرو البحر :mad::o

مابتعرف ضرب الامثال "يضربك ال
الجندي المجهول
16-10-2011, 12:40 AM
اولاد المغتربين خشم بيوت ;)
وبعدين انت من جيل الزمن الجميل :o:o
لقيتني كيف عليك الله ;)

بتنا بت مارنجان ..
المميز كان قاعد مع ناس حبوبتو وعندو (خيلان واعمام) بياكلوا الزلط انحنا لما نغلط كان بيوجهونا ولم تقتصر التربية فقط على اهلنا في المنزل بل (الجار) ايضا بمثابة الوالد (والجارة) في مكانة الوالدة ونحترم كلمتهم .....

تخريمة : المميز دا زاتو (التقولي ما كان شهادة عربية) بلي وشنقت وتلقيهو في الاستاد والملجة والدلالة والسوق الصغير والسوق الكبير وببيع في الريالات من زمن هو في المتوسطة (سوق اسود) قال شهادة عربية .... زول بيأجر (بيتهم لي ناس الضرائب وبشيل عمولة من الطرفين ) عاد دا كلام !!!!

الشهادة العربية كنا (انحنا) والله
بت مارنجان
16-10-2011, 02:03 AM
اختي بت مرنجان بالفعل موضوع حساس ولكن القصه ليست ابناء المغتربين وحدهم بالقصة قصة تربيه ومن الاسباب التي ادت الي انهيار الاخلاق العوامل الاقتصادية ولو تحدثنا عن قصص ابناء المغتربين لوجدنها نسبه بسيطه للواقع المعاش في السودان ولكن اذا عرف السسبب بطل العجب ويا حليل السودان ويا حليل التربية والتعليم في السودان ومتابعين هذا الموضوع الشيق وربما نضع الاصبع على الجرح

استاذي ود الطاهر نهارك سعيد
الوضع الاقتصادي في السودان لايسر اي كان ... وحقيقة الضائقة الاقتصادية
اصبح يعاني منها جميع الطبقات الميسورة والضعيفة ماليا ...
في مداخلة الاخ سيف الدين كتب عن انه الناس كانت بتمشي بنظرية نقدم السبت
عشان يلقي الاحد في ارسال الابناء للسودان .. بس خلينا نلقي نظرة علي الوضع الاقتصادي
الان .. الكثير من سكان الخرطوم اما من باع منزله وسكن في ضواحي الخرطوم
او الجزء الاخر من قسم نصف المنزل وأجره لضيق ذات اليد ...
نمسك الحالة الان الاقتصادية ....
الكهرباء وماادراك مالجمرة الخبيثة التي تشتري وبعد دا تقطع او تقطع من المورد الاصلي
زمان الكهرباء كانت مدعومة يعني تدفع اخر الشهر البتدفعو في الكهرباء وماشة
الان الجمرة الخبيثة التي تقطع قبل الشهر ماينتصف ...
طالب الشهادة العربية بيجي شايل لاب توب وموبايل وآي باد وكاميرا ديجتل
وعايز يغسل بغسالة وعايز يساهر في التلفزيون ...
دي مااستهلاك لكهرباء اسرة ميسورة الحال او نقول وضها الاقتصادي عادي؟؟؟
منو البقدر يستحمل شخص اضافي يقعد يستهلك كل الهم دا من الطاقة الممكن تمسكهم
ايام اضافية من دون ماتنفد ...
الموضوع من جميع الجهات معقد يااستاذي وياريت نعرف نحل القضية ...
محمد النويري-الفقراء
16-10-2011, 02:53 AM
تحياتي بت مارنجان وبقية الاحبة المتداخلين العملية بقت زي حكاية ( فكوهو وطار ) لو ما التربية السليمة ابتدأت من هم اطفال وكانت في رقابة عليهم ما حينفعوا لقدام والعملية حتكون حصاد رماد
abomazeen
16-10-2011, 04:39 AM
ياريت انا بتمني زول يحاول يكشف لينا اشياء
يمكن نحنا ماعارفنها ....




مارنجووو ... كلامك يعضد ما ذهبت إليه أنا
يعني عاوزين نعرف الرأي القانوني
حول الباعث للجريمة والمحرك
وبعد داك المجرم الحقيقي
وبعد ده صحة الحكم
ده كلو للفائدة بس
تسلمي يا بتــو
محمد حسين (المميز)
16-10-2011, 05:18 AM
اولاد المغتربين خشم بيوت ;)
وبعدين انت من جيل الزمن الجميل :o:o
لقيتني كيف عليك الله ;)




لقيتــــــــك .. :rolleyes::rolleyes::confused::rolleyes::rolleyes:
محمد حسين (المميز)
16-10-2011, 05:19 AM
بتنا بت مارنجان ..
المميز كان قاعد مع ناس حبوبتو وعندو (خيلان واعمام) بياكلوا الزلط انحنا لما نغلط كان بيوجهونا ولم تقتصر التربية فقط على اهلنا في المنزل بل (الجار) ايضا بمثابة الوالد (والجارة) في مكانة الوالدة ونحترم كلمتهم .....

تخريمة : المميز دا زاتو (التقولي ما كان شهادة عربية) بلي وشنقت وتلقيهو في الاستاد والملجة والدلالة والسوق الصغير والسوق الكبير وببيع في الريالات من زمن هو في المتوسطة (سوق اسود) قال شهادة عربية .... زول بيأجر (بيتهم لي ناس الضرائب وبشيل عمولة من الطرفين ) عاد دا كلام !!!!

الشهادة العربية كنا (انحنا) والله



بسم الله الله اكبر

ومن شر حاسد اذا حسد:mad::mad:


:p:p:p
ابو دعاء
17-10-2011, 11:15 AM
[quote=بت مارنجان;636495]حقيقة هنالك مشكلة حقيقية في الخرطوم
لاادري الي سببها ؟؟؟

منذ يومين تم البت في قضية لأحد اببناء الشهادة العربية
وكان الحكم بالاعدام ... وقد تم ...
_________________________________________
والله يابتووو .... أطفال المغتربين ديل اولادنا بس هم ضحية لواقع مفروض نتيجة لأخفاقات من نواحي كثيرة يتحمل نتيجتها أولاً الدولة التي قصرت في حق المواطن نتيجةً لأنعدام أهم مقومات الحياة من صحة وتعليم ومعاش وخلافه أدي في النهاية لسفر رب الأسرة للبحث عن حياة أفضل، وثانياً مسؤولية الأب والأم في تربية الأبناء بالأضافة الى عدم وجود رقابة قوية على الأبناء الذين يذهبون لتكملة الدراسة في السودان، وثالثاً مسؤولية المجتمع بأكمله ومسؤؤوليات متشعبة من عدة نواحي أخري بما فيها أبناء المغتربين أنفسهم.
بس في الآخر يظل أبناء المغتربين هم الضحية ومن واجبنا نحنا علي أقل تقدير أستخدام هذا الصرح لأبناء ودمدني لنشر كل ما يتعلق بالمغتربين وهمومهم بالأضافة لتدارس كل المشاكل التي تواجههم والمساعدة في تقديم الرأي والمشورة والتوجيه لما فيه صلاح الأبناء وأسر المغتربين.
# نسأل الله العلي القدير أن يحفظ أبناءنا ويكفيهم شر القنوات الفضائية المسيئة للأخلاق وأصحاب السوء في بلادنا وبلاد المهجر #
عاصم – أبو دعاء
بت مارنجان
26-10-2011, 11:06 PM
ههههههههههههههه
شر البلية مايضحك

اها دي حصلت قبل يومين نهارا جهارا
ولقينا اثار الجريمة في الشارع :(


تعرضت استاذة بجامعة نصر الدين الطبية بالمنشية لعملية قتل وهي بقاعة المحاضرات الكبري
المقتولة : استاذة
القاتلة : طالبة
سبب الجريمة :
الطالبة "س" اعتقد طالبة باحدي الكليات الطبية بالجامعة حضرت الي القاعة بغرض الجلوس
وخوض الامتحان .. اعترضتها الاستاذة ومنعتها من الدخول بسبب انها اصبحت غير طالبة
بالكلية بسبب رسوبها في الامتحانات وفصلت نهائيا ..
والامتحانات الشغالة دي كانت ملاحق والطالبة كانت عايزة تنزل الملاحق عشان تواصل
وماتتفصل ..
منعتها الاستاذة من الجلوس للمتحان واخرجتها من القاعة علي حسب اللوائح وهي اصلا مفصولة

خرجت الطالبة الي كافتريا الجامعة وطلبت من مسؤول علي الكافتريا ان يعطيها سكينا
حملت السكين وتووووووش علي الاستاذة بداخل القاعة امام مئات الطلبة والطالبات وسددت
اليها ثلاث طعنات بالراس ..

شفتو الاكشن دا كيف :confused:
بت مارنجان
26-10-2011, 11:09 PM
تحياتي بت مارنجان وبقية الاحبة المتداخلين العملية بقت زي حكاية ( فكوهو وطار ) لو ما التربية السليمة ابتدأت من هم اطفال وكانت في رقابة عليهم ما حينفعوا لقدام والعملية حتكون حصاد رماد

اخي النويري صباح الخير
والله حتي التربية مابتنفع لو غابت الرقابة علي الابناء
انا اكتشفت انو الطفل من صغير لازم يكون في شخص بيخاف منه
وبيعمل ليه حساب ...
لانه حتي لو ربيت كويس وخفت ربنا فيهم الشارع برة مابرحم الابناء
واصدقاء السوء بقو اكتر من اصدقاء الخير ..
بت مارنجان
26-10-2011, 11:11 PM
مارنجووو ... كلامك يعضد ما ذهبت إليه أنا
يعني عاوزين نعرف الرأي القانوني
حول الباعث للجريمة والمحرك
وبعد داك المجرم الحقيقي
وبعد ده صحة الحكم
ده كلو للفائدة بس
تسلمي يا بتــو



اها شوف البت القتلت استاذتها دي ياابو مازن عشان مادخلت الامتحان
اها الاستاذ تاني زاتو بيخاف يكلم طالب ولا يسالو ...
الناس دي روح الجريمة بقي جاري في دمهم ...
الحكاية شنو؟
بت مارنجان
26-10-2011, 11:17 PM
[quote=بت مارنجان;636495]حقيقة هنالك مشكلة حقيقية في الخرطوم
لاادري الي سببها ؟؟؟

منذ يومين تم البت في قضية لأحد اببناء الشهادة العربية
وكان الحكم بالاعدام ... وقد تم ...
_________________________________________
والله يابتووو .... أطفال المغتربين ديل اولادنا بس هم ضحية لواقع مفروض نتيجة لأخفاقات من نواحي كثيرة يتحمل نتيجتها أولاً الدولة التي قصرت في حق المواطن نتيجةً لأنعدام أهم مقومات الحياة من صحة وتعليم ومعاش وخلافه أدي في النهاية لسفر رب الأسرة للبحث عن حياة أفضل، وثانياً مسؤولية الأب والأم في تربية الأبناء بالأضافة الى عدم وجود رقابة قوية على الأبناء الذين يذهبون لتكملة الدراسة في السودان، وثالثاً مسؤولية المجتمع بأكمله ومسؤؤوليات متشعبة من عدة نواحي أخري بما فيها أبناء المغتربين أنفسهم.
بس في الآخر يظل أبناء المغتربين هم الضحية ومن واجبنا نحنا علي أقل تقدير أستخدام هذا الصرح لأبناء ودمدني لنشر كل ما يتعلق بالمغتربين وهمومهم بالأضافة لتدارس كل المشاكل التي تواجههم والمساعدة في تقديم الرأي والمشورة والتوجيه لما فيه صلاح الأبناء وأسر المغتربين.
# نسأل الله العلي القدير أن يحفظ أبناءنا ويكفيهم شر القنوات الفضائية المسيئة للأخلاق وأصحاب السوء في بلادنا وبلاد المهجر #
عاصم – أبو دعاء

الرقابة ثم الرقابة ثم الرقابة
نرجع لموضوع الرقابة
يعني في تسلسل ودرجات الالمسؤولية كما قالها الرسول عليه الصلاة والسلام
كلكم راع وكلكم مسؤول عن رعيته ..
لابد للرقابة عشان الواحد مايتاثر بالحواليـــــــــــــــه
رضا حسن محمد
27-10-2011, 12:55 AM
بتنا بت مارنجان ..
المميز كان قاعد مع ناس حبوبتو وعندو (خيلان واعمام) بياكلوا الزلط انحنا لما نغلط كان بيوجهونا ولم تقتصر التربية فقط على اهلنا في المنزل بل (الجار) ايضا بمثابة الوالد (والجارة) في مكانة الوالدة ونحترم كلمتهم .....

تخريمة : المميز دا زاتو (التقولي ما كان شهادة عربية) بلي وشنقت وتلقيهو في الاستاد والملجة والدلالة والسوق الصغير والسوق الكبير وببيع في الريالات من زمن هو في المتوسطة (سوق اسود) قال شهادة عربية .... زول بيأجر (بيتهم لي ناس الضرائب وبشيل عمولة من الطرفين ) عاد دا كلام !!!!

الشهادة العربية كنا (انحنا) والله

يا الجندى صراحة انت زول حاقد ساى
المميز اصلا شهادة عربية وما بعرف التلتلة البتتكلم عنها انت دى
انت لعبت ضد المريخ سمة 1984 وكرهت سكسك الكورة
وسنة 85 دورت شكلة فى بانت فى حفلة البوليس ما قدر يثبتك
انا صراحة لو عندى ولد فى وجاهة المميز دة بقريهو فى السعودية وما بفارقنى شبر
الجندي المجهول
27-10-2011, 01:00 AM
يا الجندى صراحة انت زول حاقد ساى
المميز اصلا شهادة عربية وما بعرف التلتلة البتتكلم عنها انت دى
انت لعبت ضد المريخ سمة 1984 وكرهت سكسك الكورة
وسنة 85 دورت شكلة فى بانت فى حفلة البوليس ما قدر يثبتك
انا صراحة لو عندى ولد فى وجاهة المميز دة بقريهو فى السعودية وما بفارقنى شبر

حبيبنا استاذ رضا تحياتي

ومنير الكباشي مالو (عيبو لي)

ياخ الزول دا جاري (حيطة بالحيكة) انت قايلني عرفتو هنا ولا شنو !!!
+

خلاص بكرة جيبو معاك الدافوري خليهو يحرسها ليك

تخريمة : وابشرك عشان تعرفو سمسار (قال اسال استاذ رضا) ما عاوز يبيع قطعتوا الفي (المنيرة) .. اسمع بكرة بدري عليك الله ...
رضا حسن محمد
27-10-2011, 01:17 AM
حبيبنا استاذ رضا تحياتي

ومنير الكباشي مالو (عيبو لي)

ياخ الزول دا جاري (حيطة بالحيكة) انت قايلني عرفتو هنا ولا شنو !!!
+

خلاص بكرة جيبو معاك الدافوري خليهو يحرسها ليك

تخريمة : وابشرك عشان تعرفو سمسار (قال اسال استاذ رضا) ما عاوز يبيع قطعتوا الفي (المنيرة) .. اسمع بكرة بدري عليك الله ...
يا جندينا
المميز وبت مارنجان يحلو من حبل المشنقة
محمد حسين (المميز)
27-10-2011, 07:34 AM
يا الجندى صراحة انت زول حاقد ساى
المميز اصلا شهادة عربية وما بعرف التلتلة البتتكلم عنها انت دى
انت لعبت ضد المريخ سمة 1984 وكرهت سكسك الكورة
وسنة 85 دورت شكلة فى بانت فى حفلة البوليس ما قدر يثبتك
انا صراحة لو عندى ولد فى وجاهة المميز دة بقريهو فى السعودية وما بفارقنى شبر




عليك الله وريهو يا استاذ:cool::cool:


والله والله مشتاقين يا استاذ
سألنا منك في السودان قالو في جدة:confused::confused:
سألنا منك في جدة قالو في السودان:confused::confused:
محمد حسين (المميز)
27-10-2011, 07:36 AM
حبيبنا استاذ رضا تحياتي

ومنير الكباشي مالو (عيبو لي)

ياخ الزول دا جاري (حيطة بالحيكة) انت قايلني عرفتو هنا ولا شنو !!!
+

خلاص بكرة جيبو معاك الدافوري خليهو يحرسها ليك

تخريمة : وابشرك عشان تعرفو سمسار (قال اسال استاذ رضا) ما عاوز يبيع قطعتوا الفي (المنيرة) .. اسمع بكرة بدري عليك الله ...



انت يا العنكبـــوت ....;);)
محمد حسين (المميز)
27-10-2011, 07:38 AM
يا جندينا
المميز وبت مارنجان يحلو من حبل المشنقة



ماقدر ده يا استــــاذ .. بت مارنجــان بتصدق:p:p:cool::p:p
بت مارنجان
27-10-2011, 10:03 AM
يا جندينا
المميز وبت مارنجان يحلو من حبل المشنقة

ممكن اعمل like للمشاركة دي
والله ياود حسن في مقولة بتقول "وفي الليلة الظلماء يفتقد البدر :o"
بت مارنجان
27-10-2011, 10:10 AM
ماقدر ده يا استــــاذ .. بت مارنجــان بتصدق:p:p:cool::p:p

انا متعودة :p
الخوف انت تصدق:cool::p