الغنماية اكلت عشاء الفنانين !!!

[حاتم مرزوق]

هذا بالضبط ما حدث لنا وللبيت بتاع ناس مايسة ..

الرئيس الأسبق جعفر نميرى بحث ونقب عن البترول ودفع من أموال الدولة الشئ الكثير ثم بعد ذلك أنفقت الإنقاذ من خزينة الدولة أموال طائلة حتى أصبح لنا بترول يصدر للخارج واصبحت العملات الصعبة تأتينا بفتحة بلف لكن مع الأسف الشديد لم يدم الحال أو كما يقول إخوتنا المصريين يا فرحة ما تمتش..

شجع البترول الإخوة الجنوبيون على الإنفصال و الإنفراد بالبترول وهكذا نحن أهل السودان نكون أحباباً حين نكون فقراء وما أن يأتينا المال حتى تنشب المشاكل بيننا .. ليس هذا فحسب بل نذهب لإهمال المصادر الأصلية للدخل كما اهملت الدولة الزراعة فبعد أن فرحت الإنقاذ بالبترول عملت على تدمير الزراعة وتوابعها فى السودان فبدأت بمشروع الجزيرة الذى عدمته نفاخ النار وهى لا تدرى أنها كانت حبال بلا بقر ..

وها هو البترول قد ذهب مع الريح وأفلست دولتنا واصبحنا كالبانى فى غير أرضه !! ما هذه الوكسة ؟

اما كان الأفضل أن تُبذل الجهود فى الشمال ولو أنتجنا البترول من الشمال الذى اثبتت الدراسات أنه موجود بكثرة لضمنا وحدة الجنوب ولما حدث لنا ما حدث.

الأخطاء الإستراتيجية هى التى لا علاج لها ...

ماذا نحن فاعلون وقل أُكل عشانا حمرة عين ؟

[ود المطامير]

الحبيب
الكيزان ديل حيرو العالم
وفى إعتقادى إنو هم كانو على يقين بإنفصال الجنوب
علشان كدا قالو يطلعو البترول الواقع فى حدوده ويلقفو منو أكبر قدر ممكن
لأنو كدا كدا ح يطلع أكان إسرائيل أكان أمريكا بطلعوه

ونجحو و أثروا وبنو القصور والفلل الفخمه
والتعابا الغلابا ليهم ربنا والحمد ليك يا رب

[ودالعمدة]

الأخطاء الإستراتيجية هى التى لا علاج لها ...
ماذا نحن فاعلون وقل أُكل عشانا حمرة عين ؟

الرائع حاتم مرزوق
ياخوى انت من زمن الغنماية بتاكل عشاء الفنايين
غنم الجماعة ديل اكل لحمنا نحنا ذاتنا ؟؟؟

[mahagoub]

هو الفنانين لسه بغنوا بالعشا
تعبنا وقدر ما كسنا البديل
زاد تعبنا
نخاف من الشتات والانقسامات

[حاتم مرزوق]

الحبيب
الكيزان ديل حيرو العالم
وفى إعتقادى إنو هم كانو على يقين بإنفصال الجنوب
علشان كدا قالو يطلعو البترول الواقع فى حدوده ويلقفو منو أكبر قدر ممكن
لأنو كدا كدا ح يطلع أكان إسرائيل أكان أمريكا بطلعوه

ونجحو و أثروا وبنو القصور والفلل الفخمه
والتعابا الغلابا ليهم ربنا والحمد ليك يا رب


أنا أشك فى أنهم حسبوا حساب إنفصال الجنوب والجنوبيون أنفسهم ماكانوا لينفصلوا لو أن البترول لم يخرج فى أرض الجنوب!

والواقع أن الحكومة إعتمدت على الدخل من البترول كدخل أساسى وأهملت بقية الموارد التى كنا نعتمد عليها من قبل ..

الدول يا ود المطامير تعمل بالتخطيط الإستراتيجى والتفكير السليم مع حساب كل الإحتمالات لأنها ككابتن الطائرة دائما مشغول بسلامة الركاب ..

على أى حال ما حدث قد حدث فماهو المخرج من هذه الأزمة؟

الشئ الآخر لماذا لم تستفِد الحكومة من موارد بترول الجنوب فى إستخراج بترول الشمال ولو فعلت لكان عندنا بديل نجابه به ما يحدث لنا من تحديات و لما تحسرنا اليوم .

لكن ما جرى خلال العقدين الماضيين لا يعدو كونه جبانة هايصة.

[حاتم مرزوق]

الرائع حاتم مرزوق
ياخوى انت من زمن الغنماية بتاكل عشاء الفنايين
غنم الجماعة ديل اكل لحمنا نحنا ذاتنا ؟؟؟


الباشمهندس الوقور ود العمدة

تحياتى

الفنانين كتروا عشان كده العشاء ذاتو بقى ما بكفيهم.. كل يوم فنان جديد فمن المستمع؟

ثم أن الأغانى نفسها هابطة وألحانها نشاز لا ترقى لأذواق الجماهير ويبدوأننا أدمنا سماع الهابط من الأغانى الصاخبة ولم نعد نطمع فى فن راقى.

[مدنيّة]

صباحك سوداني ياحاتم
-----------

عندي صاحبتي ياحاتم
شغالة في شركة بترول
اها لما تعمل حاجة (مادية) لزول
بتقول ليه عشان تحلف تقول ضقت قروش البترول دي ):


---------
اها قبل ما نضوقها راحت في حق الله

--------
حاتم بليز ياخ
كبر حجم الخط عندك
ما عشاني انا لكن في ناس كبيرة ومابتقدر تقرأ خطك دا ياخ

[حاتم مرزوق]

هو الفنانين لسه بغنوا بالعشا
تعبنا وقدر ما كسنا البديل
زاد تعبنا
نخاف من الشتات والانقسامات

يا محجوب مافى زول بغنى ليك بدون عشاء تتشتت تنقسم المهم العشاء .

[حاتم مرزوق]

صباحك سوداني ياحاتم
-----------

عندي صاحبتي ياحاتم
شغالة في شركة بترول
اها لما تعمل حاجة (مادية) لزول
بتقول ليه عشان تحلف تقول ضقت قروش البترول دي ):


---------
اها قبل ما نضوقها راحت في حق الله

--------
حاتم بليز ياخ
كبر حجم الخط عندك
ما عشاني انا لكن في ناس كبيرة ومابتقدر تقرأ خطك دا ياخ


الآن عرفت حجم نظارات الأعضاء :cool:


صباحك زين يا مدون ..

الحكاية شنو يا مدنية أى زول كبر الخط كبر الخط الأعضاء حصل ليهم شنو فى غيابى :o

ياخسارة بترولنا الراح
و خلانا للأسى و الجراح
كنت قايل فى يوم أكون مرتاح
وتتبدل أيامى هناء وأفراح
يعم الخير مدنية مايسة وناس سواح
غدر مكتوب نسمع دعاية فى كل صباح
حاتم 11/تشرين الأول 2011

[محمد الجزولى]

تعرف يا حاتم يا اخوي نحن مشكلتنا المستعصية إننا لا نجيد التخطيط للمستقبل
عندما أتت هذه الحكومة اقامت مهرجانات من المؤتمرات استبشر بها الناس خيرا
ولكن يبدو ان العمق الإستراتيجي كان مفقودا ..
يبدو ان حكامنا يتعاملون مع الامور بردود الافعال في زمن اصبحت فيه الدول تعرف ماذا تريد لخمسين سنة قادمة
تحياتي العزيز حاتم ...

[مايسة]

الآن عرفت حجم نظارات الأعضاء :cool:


صباحك زين يا مدون ..

الحكاية شنو يا مدنية أى زول كبر الخط كبر الخط الأعضاء حصل ليهم شنو فى غيابى :o

ياخسارة بترولنا الراح
و خلانا للأسى و الجراح
كنت قايل فى يوم أكون مرتاح
وتتبدل أيامى هناء وأفراح
يعم الخير مدنية مايسة وناس سواح
غدر مكتوب نسمع دعاية فى كل صباح
حاتم 11/تشرين الأول 2011


تحياتي

هو إحنا في السودان عندنا إستراتيجية :confused:

خططنا دائما ما بتتعدا حل المشكلة دا طبعا لو إتحلت اصلا -
أديك مثال بسيط بعيدا من البترول -

النفق العملو قدام العفراء مول - بعد ما عملو غرق عدييييييييييييل - غرق -
اها هم بس فكرو إنو يعملو حاجة تسهل لحاجة بس الحاجة دي حا تعيش كيف ولمتين والظروف الحاتجيها بعد داك شنو - (خليها على الله زي ما بقولو - ربك كريم) (طبعا المقوله دي بقت أساسية )

تعال لماليزيا - البلد دي قالو التطور الفيها هسي دا - صنعو صناعة - لانو القائمين على هذا الأمر عايزين انو بلدهم تكون أحسن وأحلى بلد -

إحنا في السودان كمان البترول دا ما إتعدى بيوت المسئولين -

أنا غايتو لو كنت مع الجنوبين ديل زاتو بطالب بالانفصال



صحي نسيت عايزة حقي في القصيدة مش جبته ليك القافية :o

[حاتم مرزوق]

تعرف يا حاتم يا اخوي نحن مشكلتنا المستعصية إننا لا نجيد التخطيط للمستقبل
عندما أتت هذه الحكومة اقامت مهرجانات من المؤتمرات استبشر بها الناس خيرا
ولكن يبدو ان العمق الإستراتيجي كان مفقودا ..
يبدو ان حكامنا يتعاملون مع الامور بردود الافعال في زمن اصبحت فيه الدول تعرف ماذا تريد لخمسين سنة قادمة
تحياتي العزيز حاتم ...


ولك التحية اخى ود الجزولى على هذه الكلمات الوضيئات

ما يفتقده الحكام كثير أقله التخطيط الإستراتيجى والحنكة الإدارية والآلة التنفيذية المحكمة ثم الوطنية والتجرد لخدمة الناس فالتصدى للحكم يتطلب إصلاحات كبيرة فى الذات حتى تتهيأ بعقل مفتوح ونية سليمة لخدمة الوطن وأهم الخطوات المطلوبة طرد النفعيين والمطبلين واصحاب المصالح الخاصة وإبعادهم لأنهم مفسدون وإستبدالهم بالعلماء الشرفاء الناصحين فهم البطانة الصالحة التى تذكر الحاكم إذا نسى وتنصحه إذا أخطأ.


نحتاج أيضاً إصلاح فى الرعية لأن معظمهم يفسد الحكام فما أن تقلد أحد أقاربهم أو معارفهم لمنصب حتى إنهالوا عليه بطلباتهم التى لا تخلص وإن لم يستجب قالوا عنه مالم يقله مالك فى الخمر.

قال الصادق الأمين كيفما تكونوا يولى عليكم لذلك لا بد من إصلاح أنفسنا كخطوة أولى ثم إصلاح الحاكم لأن الحاكم لا ينصلح إلا بصلاحنا..

مع الود والتقدير..

[حاتم مرزوق]

تحياتي

هو إحنا في السودان عندنا إستراتيجية :confused:

خططنا دائما ما بتتعدا حل المشكلة دا طبعا لو إتحلت اصلا -
أديك مثال بسيط بعيدا من البترول -

النفق العملو قدام العفراء مول - بعد ما عملو غرق عدييييييييييييل - غرق -
اها هم بس فكرو إنو يعملو حاجة تسهل لحاجة بس الحاجة دي حا تعيش كيف ولمتين والظروف الحاتجيها بعد داك شنو - (خليها على الله زي ما بقولو - ربك كريم) (طبعا المقوله دي بقت أساسية )

تعال لماليزيا - البلد دي قالو التطور الفيها هسي دا - صنعو صناعة - لانو القائمين على هذا الأمر عايزين انو بلدهم تكون أحسن وأحلى بلد -

إحنا في السودان كمان البترول دا ما إتعدى بيوت المسئولين -

أنا غايتو لو كنت مع الجنوبين ديل زاتو بطالب بالانفصال



صحي نسيت عايزة حقي في القصيدة مش جبته ليك القافية :o

هههههههههههههههههههههه والله بتاع البيت تعب معاك كان دايرة حقك فى القافية ;)



كلامك صحيح يا مايسة

كل عمل يجب ان ينفذ بالطرق العلميةوأى عمل عشوائى مصيره الفشل والخسارة وهؤلاء المهندسون الذين صمموا ونفذوا كبرى عفراء فى إعتقادى لم يشاهدوا كبارى وأنفاق من قبل وأهم شئ فى الخبرات الإحتكاك والمشاهدة للنماذج النوعية ومن غير المعقول أن تطلب من بناء جالوص عمل منتجع سياحى لذلك لا بد من تبادل الخبرات ولو إستعانت الحكومة بشركات أجنبية لعمل النفق حتى تستفيد كوادرنا المحلية بالضبط كما حدث فى الكبارى فقد شاهد المهندسون السودانيون قدرات الصينيين التخطيطية والتنفيذية فإكتسبوا خبرات فى هذا المجال .

كل شئ يجب أن يسير وفق طرق علمية حديثة وطريقة اخنق فطِّس هذه مصيرها الفشل والإفشال.

[حاتم مرزوق]

خبر:

اعلن الرئيس السوداني عمر البشير الاثنين ان الخرطوم تأمل في الحصول على مساعدة من الدول الغربية لسد فجوة فقدان عائدات النفط التي خسرها السودان اثر انفصال الجنوب عنه في التاسع من تموز/يوليو وذهاب 75% من انتاج البترول لدولة جنوب السودان.

وقال البشير امام البرلمان "ستتواصل الجهود مع الدول الغربية وخاصة الولايات المتحدة وبريطانيا والنروج حول المؤتمر الاقتصادي الذي سيعقد في تركيا العام القادم لمساعدة السودان على تجاوز الفجوة بسبب فقدان عائدات النفط ومساعدته في التنمية الاقتصادية".

لكنه لم يذكر تاريخا محددا لموعد انعقاد هذا المؤتمر.

من جهته، قال سفير النروج في الخرطوم جنس بيتر كيمبرد لفرانس برس ان "المؤتمر سيعقد في اسطنبول يومي الاول والثاني من كانون الاول/ديسمبر وسيتناول اقتصاد السودان ما بعد التاسع من تموز/يوليو بعدما فقد السودان نحو 75% من الثروة النفطية المكتشفة و 60% من دخله من العملات الصعبة".

واضاف ان "السودان سيقدم للمؤتمر سياسته لمواجهة التحديات الاقتصادية وسيركز على تنوع مصادره الاقتصادية والاستثمارات الحالية وخططه لتطوير الزراعة والمعادن والبنى التحتية والطاقة وزيادة انتاجه في مجالات النفط والثروة السمكية والحيوانية ليحصل على مزيد من العملات الصعبة ويجذب مزيدا من الاستثمارات".
واوضح السفير النروجي ان "المؤتمر ليس لتقديم المساعدات او المنح"، لافتا الى انه "تمت دعوة اكثر من ستين
دولة اضافة الى الامم المتحدة ومؤسسات تمويل من كل انحاء العالم" للمشاركة فيه.

وفقدت الموازنة السودانية 36% من ايرادتها بسبب انفصال الجنوب وذهاب 75% من مناطق انتاج النفط البالغ 480 الف برميل يوميا الى دولة جنوب السودان.

ويعاني السودان من عقوبات اقتصادية تفرضها عليه الولايات المتحدة منذ عام 1996 وهي عقوبات تم تجديدها في تموز/يوليو الماضي عاما اضافيا بسبب استمرار واشنطن في ادراج اسم السودان ضمن قائمتها للدول الراعية للارهاب.

ويأمل السودان في معالجة ديونه الخارجية والبالغة 38 مليار دولار.

وقال البشير "تم تحريك ملف اعفاء الديون الخارجية بصورة معقولة".

واضاف البشير "كان لانفصال الجنوب وخروج عائدات النفط اثر سالب على الاقتصاد السوداني لا يمكن تجاهله ولتعويض هذا الفاقد ومعالجة الاثار السالبة سنعتمد على الزراعة والتصنيع باعتبار انها مصادر اساسية للتنمية".
واضاف "كما سنقوم باعادة هيكلة الحكم واصلاح الادارة وترشيد الصرف الحكومي".

[حاتم مرزوق]

وفى خبر غريب مناقض للخبر الأول :

أنهى الرئيس عمر البشير ظهر أمس، زيارة الى منطقة البطانة استغرقت يومين، وقال البشير إن الطريقة التي كان يتعامل بها المتمرد مالك عقار شكّلت عبئاً كبيراً على الدولة، وأضاف أن عقار كان أشبه (بقروح) في ظهر الحكومة، وتابع: (الحمد لله الذي أخرج عقار وعافانا)، وعزا الرئيس ارتفاع سعر صرف الدولار إلى ما وصفه بهلع التجار والمضاربات، وتعهّد بخفضه ومعالجة الأمر.

وقلّل الرئيس أثناء مخاطبته للقاء النوعي لقيادات المؤتمر الوطني بمحلية البطانة أمس من الآثار الاقتصادية المترتبة على الانفصال، وقال إن السودان لن يفقد شيئاً كثيراً، وتابع: نحن ساعون لـ (سد الفَرَقَة)، وقال الرئيس إن الدولة ستأخذ حقها من البترول، وأضاف: اذا رفض الجنوب منحنا حقنا في عبور النفط فليغلق خط الأنابيب من هناك.

[حاتم مرزوق]

وقال البشير امام البرلمان "ستتواصل الجهود مع الدول الغربية وخاصة الولايات المتحدة وبريطانيا والنروج حول المؤتمر الاقتصادي الذي سيعقد في تركيا العام القادم لمساعدة السودان على تجاوز الفجوة بسبب فقدان عائدات النفط ومساعدته في التنمية الاقتصادية".




وذكر البشير أن السودان وجد دعماًُ مقدراً من التجمعات الدولية والإقليمية التي ينتمي لها لكبح جماح الدول التي تستهدفه في مجلس الأمن ومجلس حقوق الإنسان.

http://www.sudaneseoffline.net/forums/images/smilies/1;%20(46).gif

الأخبار جميعها : سودانيز أون لاين