قوة عين المستأجر البقى مؤجر

[مايسة]

الزمن إتقلب ولا الحاصل شنو

المستأجر بقى مؤجر -

إتخيلو زول قاعد في البيت مجاااااااااااااااااان تقريبا



- يا زول جيب حق الإيجار - ليك كم شهر ما دفعته !!

- ما طالع إلا تدوني مليون ونص (بالقديم طبعا)

- ليه يعني مشان شنو انت البيت حقك ولا حقنا

- ما أنا عملته لي راكوبة :o وصلحته البيبان وعملته لي حاجات -

- طيب انت ما قاعد مجاااااااان وما دفعته الإيجار - أخصم وإتخارج

- نهائيا ما بطلع أدوني القروش وبطلع


اها يا جماعة أفتونا في الكلام دا - نعمل شنو مع الزول دا




القصة دي جد جد وواقع معاش الحين :(

[معتز الريح]

ههههههههههه .. كلام غريب جداً ..
يشيل راكوبته .. ويمشي ..

[مايسة]

ههههههههههه .. كلام غريب جداً ..
يشيل راكوبته .. ويمشي ..


قلنا ليهو كدا معتز - لكن الراجل داخل على طمع شكلو
وعكلييييييييييييت -

الغريبة دخلنا زول (واسطة يعني) - قلنا ليهو طلع الزول دا لانك جبتو - إتخيل بس الحصل :confused: - حرش (المؤجر) الجيران مسكو الولد المسكين (الواسطة) ضربو ضرب من صباح الرحمن لمن جا يسال من تلفون (المؤجر) -

[مايسة]

عشان الرؤية تكون واضحة للأعضاء وللزوار كمان

الحاصل دا في بيوت الثورة - البعد محطة صابرين (السكن الاستثمارى) -

فيا ريت لو أي زول مؤجر ليهو لناس هناك ولا عندو بيت اليمشي يلحقو

[معتز الريح]

قلنا ليهو كدا معتز - لكن الراجل داخل على طمع شكلو
وعكلييييييييييييت -

الغريبة دخلنا زول (واسطة يعني) - قلنا ليهو طلع الزول دا لانك جبتو - إتخيل بس الحصل :confused: - حرش (المؤجر) الجيران مسكو الولد المسكين (الواسطة) ضربو ضرب من صباح الرحمن لمن جا يسال من تلفون (المؤجر) -

أنت المأجرين ليهو ده .. (مالك عقار) ..

[ود المطامير]

غايتو خوفتونا ياخ
أبوعبدالرحمن دايرين يقلعو واطاتو
وإنتى بيتكم إتسلبطو فيهو

صديق لينا بنى بيت وسكنو فيهو ناس أختو ووليداتها
وصاحبنا هنى معانا ووليداتو معاهو

بعد كم سنه أختو قالت ليهو فى بيت للبيع حقو تشتريهو
علشان لما ترجعو تكونو جمبنا ;)

[ود المطامير]

أنت المأجرين ليهو ده .. (مالك عقار) ..
هع هع هع هع
حبيبنا
يعلم الله مشتاااقين

[مايسة]

أنت المأجرين ليهو ده .. (مالك عقار) ..


يمكن ولا من جماعتو -
غايتو المشية الجاية حا تكون مدرعة وكدا الظروف ما معروفة

[مايسة]

غايتو خوفتونا ياخ
أبوعبدالرحمن دايرين يقلعو واطاتو
وإنتى بيتكم إتسلبطو فيهو

صديق لينا بنى بيت وسكنو فيهو ناس أختو ووليداتها
وصاحبنا هنى معانا ووليداتو معاهو

بعد كم سنه أختو قالت ليهو فى بيت للبيع حقو تشتريهو
علشان لما ترجعو تكونو جمبنا ;)


كُر على - ما جاتو زبحة

صراحة الوضع في السودان بخوف جد جد
وبالذات حكاية البيوت والأراضي دي

[معتز الريح]

هع هع هع هع
حبيبنا
يعلم الله مشتاااقين
ههههههههههههه
إزيك يا حبيب والله بالأكتر ..
وليك وحشة والله ..

[حاتم مرزوق]

الزمن إتقلب ولا الحاصل شنو

المستأجر بقى مؤجر -

إتخيلو زول قاعد في البيت مجاااااااااااااااااان تقريبا



- يا زول جيب حق الإيجار - ليك كم شهر ما دفعته !!

- ما طالع إلا تدوني مليون ونص (بالقديم طبعا)

- ليه يعني مشان شنو انت البيت حقك ولا حقنا

- ما أنا عملته لي راكوبة :o وصلحته البيبان وعملته لي حاجات -

- طيب انت ما قاعد مجاااااااان وما دفعته الإيجار - أخصم وإتخارج

- نهائيا ما بطلع أدوني القروش وبطلع


اها يا جماعة أفتونا في الكلام دا - نعمل شنو مع الزول دا




القصة دي جد جد وواقع معاش الحين :(





يا مايسة أنا رأيى زول زى ده أحسن تدفعوا ليه وتتفكو :cool:

[مرتضى يوسف العركي]

الاخت مايسة
بلدنا الله يدينا خيرها لا قانون محترم لا اجراءات تنفيذ عاجلة اي محاولة للجوء للقضاء ستستهلك وقتا كبيرا مما يجعلني اميل لما ذهب اليه اخونا حاتم مرزوق نحن شعب بكرم الوسطاء + عروض مناسبة تغري الطرف الاخر كون ذلك ازكى لو بملاحظة بسيطة اجراءات الدعوى وما تستهلكة من وقت وجهد ومصاريف حركة ستجدينها اقل بكثير مما يفديك من هذا الموقف المتعنت نحن لا نؤسس الى انهزام بقدر ما حكمة تتجاوز الحال
نواضر تحياتي

[ميادة]

والمدهش في الموضوع انو بتصلو عليهو عشان ياخدو منو مواعيد :mad::confused:

[ودسمير]

دائما الايجارات مشاكلها لا تحصى ولا تعد بين الطرفين ...

فى الفترة الاخيره العقودات اصبحت تحل كثيرا من المشاكل ...

وكثير من اصحاب البيوت اصبحوا لا يؤجرون الا للاجانب وخاصة الاحباش .. والسبب واضح للجميع .

[مايسة]

يا مايسة أنا رأيى زول زى ده أحسن تدفعوا ليه وتتفكو :cool:

هههههههه - من آخرها جبتها يعني -
لكن ندفع ليهو على أي أساس - المفروض هو يدينا مش العكس :(

[مايسة]

الاخت مايسة
بلدنا الله يدينا خيرها لا قانون محترم لا اجراءات تنفيذ عاجلة اي محاولة للجوء للقضاء ستستهلك وقتا كبيرا مما يجعلني اميل لما ذهب اليه اخونا حاتم مرزوق نحن شعب بكرم الوسطاء + عروض مناسبة تغري الطرف الاخر كون ذلك ازكى لو بملاحظة بسيطة اجراءات الدعوى وما تستهلكة من وقت وجهد ومصاريف حركة ستجدينها اقل بكثير مما يفديك من هذا الموقف المتعنت نحن لا نؤسس الى انهزام بقدر ما حكمة تتجاوز الحال
نواضر تحياتي


تحياتي أستاذ مرتضى
حتى إذا إتجهنا للقضاء أعلم ما سيحصل لما ذكرته حضرتك - وايضا إذا وافقنا على طلبه سيطمع أكثر وسيتلكك وأخاف إنو بعد شوية يقول دا زاتو بيتي - أشترو مني

[مايسة]

والمدهش في الموضوع انو بتصلو عليهو عشان ياخدو منو مواعيد :mad::confused:


سابقا عزيزتي إذا كانت مهنتك تعليم الأجيال - فكلمتك هى سيف تمشي وإن كان على رقبتك انت نفسك - ولكن هذه الفترة وللأسف - مهنة الشخص لا تعطيه أي شئ بل تأخذ منه
كيف يربي أجيال على الصدق والوفاء والعهد إذا كان هو نفسه يفتقر لهم -

المواعيد الساعة كم صحي :confused:

[مدنيّة]

والمدهش في الموضوع انو بتصلو عليهو عشان ياخدو منو مواعيد :mad::confused:


شكلها ميدو هي التعبانة مع المستأجر دا
ههههههههههههههههههههههههههه


----------
عشان تاني تمشوا الثوارت
الرياض دي مالكم ماشايفنها!! (وش غياااااااااااظ)

[مايسة]

دائما الايجارات مشاكلها لا تحصى ولا تعد بين الطرفين ...

فى الفترة الاخيره العقودات اصبحت تحل كثيرا من المشاكل ...

وكثير من اصحاب البيوت اصبحوا لا يؤجرون الا للاجانب وخاصة الاحباش .. والسبب واضح للجميع .


تحياتي ود سمير -
دي ما مشاكل دا قلع عينك يا تاجر وسرقة في ضوء الشمس
وما هو السبب وضح لينا الواحد بقى ما فاهم شئ زاتو

[مايسة]

شكلها ميدو هي التعبانة مع المستأجر دا
ههههههههههههههههههههههههههه


----------
عشان تاني تمشوا الثوارت
الرياض دي مالكم ماشايفنها!! (وش غياااااااااااظ)


ههههههههه
ياخ دا بيت جميل ياخ - جنب بيوت الشرطة والصحفيين الفي الثورات -
إحنا عندنا حساسية من حتة الطيارة بتقوم والرئيس بنوم دي ;):p

[محمد الجزولى]

تعرفي يا مايسة لما طلع قانون الايجارات في التسعينات ( على ما اعتقد ) سادت وقتها بين العامة جملة ( القانون يحمي المستأجر )
اها .. عندنا خالنا مأجر بيتو في المزاد لي جماعة ( طيبين ) جدا ( طيبين دي قيل المقولة اعلاه )
اها .. مشى للمستأجر وقال ليهو اطلع لي من البيت .. زولنا حلف ستين يمين ما يطلع
حجتو شنو ... قال لو ما جبنا ليها ما يثبت انو خالي راجع نهائي من الغربة ويريد ان يسكن في البيت ما بطلع
واتذكر آخر جملة قالها لينا ( القانون يحمى المستأجر يا جماعة )
وتصدقي الكلام ده قبل كم سنة ولغاية اسي هو قاعد في البيت
غايتو كان القانون ده لسه موجود ادفعو ساهي يا مايسه

[مايسة]

تعرفي يا مايسة لما طلع قانون الايجارات في التسعينات ( على ما اعتقد ) سادت وقتها بين العامة جملة ( القانون يحمي المستأجر )
اها .. عندنا خالنا مأجر بيتو في المزاد لي جماعة ( طيبين ) جدا ( طيبين دي قيل المقولة اعلاه )
اها .. مشى للمستأجر وقال ليهو اطلع لي من البيت .. زولنا حلف ستين يمين ما يطلع
حجتو شنو ... قال لو ما جبنا ليها ما يثبت انو خالي راجع نهائي من الغربة ويريد ان يسكن في البيت ما بطلع
واتذكر آخر جملة قالها لينا ( القانون يحمى المستأجر يا جماعة )
وتصدقي الكلام ده قبل كم سنة ولغاية اسي هو قاعد في البيت
غايتو كان القانون ده لسه موجود ادفعو ساهي يا مايسه


تحياتي ود الجزولي -
دي على وزن القانون لا يحمي المغفلين ولا شنو

يعني يجيب ليهو ورقة من وين ! ولا عايز جواب نهاية الخدمة كان :rolleyes:
-------------
تعرف وين المشكلة - أصلا البيت دا فاضي والايجارات هناك ما غالية شديد - فقلنا بدل يكون فاضي أخير يجي ناس يسكنو فيهو لحد ما نظبطو ونشوف حا نعمل شنو - فجبنا الشخصية دي عن طريق واسطة وقعدناهو (بإذجار شهري) - يعني الحكاية كلها إلتزام بالفم زي ما بيقولو - (وعلى أساس إنو أستاذ وكدا وزول فاهم ومرتب ) - :(

[حاتم مرزوق]

هههههههه - من آخرها جبتها يعني -
لكن ندفع ليهو على أي أساس - المفروض هو يدينا مش العكس :(


المفروض شئ والواقع شئ آخر يا مايسة .. بعدين إنتو تجو فجأة يعنى وهو يتخارج يمشى وين ما لازم تدوه حق الخُلعة:rolleyes:

[مايسة]

المفروض شئ والواقع شئ آخر يا مايسة .. بعدين إنتو تجو فجأة يعنى وهو يتخارج يمشى وين ما لازم تدوه حق الخُلعة:rolleyes:


والله ما خلعناهو معقولة بس
بالعكس لينا فترة يا زول جيب الايجار جيب الايجار - يعني بقينا نشحد فيهو
لمن غلبنا قلنا ليهو خلاص اطلع من البيت طالما ما عايز تدفع

تخريمة: بالمناسبة متزوج مرتين واحدة في البيت دا والتانية في مكان تاني -
بسري قلته ليهو طالما ما قادر تدفع المعرس ليها شنو :o

[moh_alnour]

لكن ندفع ليهو على أي أساس - المفروض هو يدينا مش العكس :(

تدفعي ليهو ( خلو رجِل ) عشان يتخارج
سمعت من زميلي المصري بالمكتب بأن صاحب المنزل الذي يستأجرونه عرض عليهم مبلغ
( خمسين ألف جنيه مصري ) و هو مبلغ كبيرا جدا ً
لكي يخلوا المنزل لأنهم مستأجرين المنزل بإيجار قديم لا يتعدى ( خمس جنيهات في الشهر ) :rolleyes:
همسة : إنت ِ يا ديامية الوداك أخر الثورات شنو ؟ الديوم مالا لوميها لي في سطر :p

[مدنيّة]

فقلنا بدل يكون فاضي أخير يجي ناس يسكنو فيهو لحد ما نظبطو ونشوف حا نعمل شنو

تاني امشوا قولوا ثمح يا الفالحين
ههههههههههههههههههههههههههههه

[مايسة]

تدفعي ليهو ( خلو رجِل ) عشان يتخارج
سمعت من زميلي المصري بالمكتب بأن صاحب المنزل الذي يستأجرونه عرض عليهم مبلغ
( خمسين ألف جنيه مصري ) و هو مبلغ كبيرا جدا ً
لكي يخلوا المنزل لأنهم مستأجرين المنزل بإيجار قديم لا يتعدى ( خمس جنيهات في الشهر ) :rolleyes:
همسة : إنت ِ يا ديامية الوداك أخر الثورات شنو ؟ الديوم مالا لوميها لي في سطر :p


ههههههههههه
وحاة الله عرفتك حا تجي تقول لي كدا -
ايوااا - لو لاحظته هم بدفعو ليهو أيجار لكن يا عمك ياخ
وخلو الرجل معروف - اذا كان هنا حتى المستأجرين لمن يكونو عايزين يخلو البيت بشيلو من المستأجر الجديد خلو رجل (دي معروفة) -
البيوت هناك كانت بتراب الفلوس وبالتقسيط ياخ من السكن الاستثماري - تعال هسي شوف البيت بجيب كم الشئ الفلاني - تقول ديامة - حطب القيامة ديل :p

[مايسة]

تاني امشوا قولوا ثمح يا الفالحين
ههههههههههههههههههههههههههههه


انت شمتانة فيني ولا شنو يا عمتي -;)
تاني ما بقول ياخ - حتى لو سكنو بسم الله الرحمن الرحيم -
على الاقل ديلك بطلعو بسورة البقرة

[مدنيّة]

انت شمتانة فيني ولا شنو يا عمتي -;)
تاني ما بقول ياخ - حتى لو سكنو بسم الله الرحمن الرحيم -
على الاقل ديلك بطلعو بسورة البقرة


معقولة ياخ اشمت في اعز ساحباتي!
وطمعانة فيها الطمع العارفاه انتي داك!!
يازولة قولي كلام غير دا!
هههههههههههههههههههههههه

---------
في السودان عندنا مشاكل ياميسو
لو اديتي زول قروش
اقنعني منها
فما بالك
ببيت ادددددددددددددديل ياخ

[مايسة]

معقولة ياخ اشمت في اعز ساحباتي!
وطمعانة فيها الطمع العارفاه انتي داك!!
يازولة قولي كلام غير دا!
هههههههههههههههههههههههه

---------
في السودان عندنا مشاكل ياميسو
لو اديتي زول قروش
اقنعني منها
فما بالك
ببيت ادددددددددددددديل ياخ


لو على طمعك داك مقدور عليهو ياخ -
يعني قولتك أقنع من البيت خلاص
اوصف هسي ولا أعدد :(

[بت أم درمان]

هههههههه - من آخرها جبتها يعني -
لكن ندفع ليهو على أي أساس - المفروض هو يدينا مش العكس :(

بالجد نصيحة يا مايسة
ادفعوا ليهو من حسة ما تخلوا الموضوع يطول
لان اذا دخلتوا في دعاوى ومحاكم صدقيني ما بتتحلوا بالساهل
ديل ناس عارفين القانون احسن من ناس القانون زاتهم
وفاهمين ان ليك الحق بس كل شي بطول في بلدنا
وما وراهم حاجة انتي المتضررة

نحن المؤجرين بيتنا ما طلبوا فلوس بس رفضوا يطلعوا
والدعوى ضدهم اخدت تلاتة سنين :) حتى حكم عليهم بالإخلاء
مش اخير ليك تكسبي وقتك

[الجندي المجهول]

الزمن إتقلب ولا الحاصل شنو

المستأجر بقى مؤجر -

إتخيلو زول قاعد في البيت مجاااااااااااااااااان تقريبا



- يا زول جيب حق الإيجار - ليك كم شهر ما دفعته !!

- ما طالع إلا تدوني مليون ونص (بالقديم طبعا)

- ليه يعني مشان شنو انت البيت حقك ولا حقنا

- ما أنا عملته لي راكوبة :o وصلحته البيبان وعملته لي حاجات -

- طيب انت ما قاعد مجاااااااان وما دفعته الإيجار - أخصم وإتخارج

- نهائيا ما بطلع أدوني القروش وبطلع


اها يا جماعة أفتونا في الكلام دا - نعمل شنو مع الزول دا




القصة دي جد جد وواقع معاش الحين :(




بتنا مايسة صباح الخير
+
انت غلطانة
+

النصيحة : الايجار يكون لواحد من هؤلاء :
1/اجنبي ( سفارة - فرقة اثيوبية-ندى القلعة-نجاة غرزة-كفيل المسافر-منظمة)
2/كوز
المذكورين اعلاه هم من يملكون (المال الان) ..
تخريمة : ربنا سبحانه وتعالى قال فيما معناه ( ادعوني استجيب لكم) وعليك بالدعاء اختي الكريمة ....

+
تحياتي ،،،

[مايسة]

بالجد نصيحة يا مايسة
ادفعوا ليهو من حسة ما تخلوا الموضوع يطول
لان اذا دخلتوا في دعاوى ومحاكم صدقيني ما بتتحلوا بالساهل
ديل ناس عارفين القانون احسن من ناس القانون زاتهم
وفاهمين ان ليك الحق بس كل شي بطول في بلدنا
وما وراهم حاجة انتي المتضررة

نحن المؤجرين بيتنا ما طلبوا فلوس بس رفضوا يطلعوا
والدعوى ضدهم اخدت تلاتة سنين :) حتى حكم عليهم بالإخلاء
مش اخير ليك تكسبي وقتك


تعرفي لو عملنا دعوة اصلا القانون معانا - لانومافي اي ورقة تثبت انو إحنا أجرنا ليهو البيت
يعني براهو إستولى على البيت - :eek:

بس الواحد ما عايز يخش في حاجات زي دي لانو الواحد زاتو ما عندو وقت
قلنا الكلام معاهو براحة يمكن يجيب فايدة - وبعدين حتى لو اديناهو - يمكن يتحجج بحاجة تانية
ما بعيدة على شخص صدر منو كدا يصدر منو الأكعب والأشنة
الطمع كعب يا بتو ياخ
ادعي معانا بس انت

[مايسة]

بتنا مايسة صباح الخير
+
انت غلطانة
+

النصيحة : الايجار يكون لواحد من هؤلاء :
1/اجنبي ( سفارة - فرقة اثيوبية-ندى القلعة-نجاة غرزة-كفيل المسافر-منظمة)
2/كوز
المذكورين اعلاه هم من يملكون (المال الان) ..
تخريمة : ربنا سبحانه وتعالى قال فيما معناه ( ادعوني استجيب لكم) وعليك بالدعاء اختي الكريمة ....

+
تحياتي ،،،


صاااااااااااح انا الغلطانة من البداية -
هى لكن الذكرتهم ديل بسكنو في الثورات - بالذات حكومة المسافر دا :o

ربنا يسهل لكل الناس ويفرج عنهم

ونقول خلاص رجعته

[ود المطامير]

أنا لقيت ليك الحل
بيعوهو لى بالزول المؤجرو دا

[ودسمير]

تحياتي ود سمير -
دي ما مشاكل دا قلع عينك يا تاجر وسرقة في ضوء الشمس
وما هو السبب وضح لينا الواحد بقى ما فاهم شئ زاتو


شكلك كده الجماعه ما طلعوا من بيتكم !! ع العموم الا تعملو ليهم عمل

[مدنيّة]

شكلك كده الجماعه ما طلعوا من بيتكم !! ع العموم الا تعملو ليهم عمل

ماهلالابي
ح تقول شنو غير كدا!
ياها دي ثقافتكم

[بت أم درمان]

ماهلالابي
ح تقول شنو غير كدا!
ياها دي ثقافتكم

:D :D :D
:) :) :)
:rolleyes: :rolleyes: :rolleyes:

[بدر الدين احمد الطائف]

غايتو خوفتونا ياخ
أ
صديق لينا بنى بيت وسكنو فيهو ناس أختو ووليداتها
وصاحبنا هنى معانا ووليداتو معاهو

بعد كم سنه أختو قالت ليهو فى بيت للبيع حقو تشتريهو
علشان لما ترجعو تكونو جمبنا ;)

هع هع هع
صديقنا برضو كان بشيل ويرسل لابوهو عشان يبنى ليهو البيت حقو.
لما رجع لقى ابوهو كاتب البيت بى اسمه.
قال ليهو كتبت البيت بى اسمك يا ابوى ليه دى ماقروشى والبيت حقى.
ابوهوقال ليهو ماتخاف ياولدى بتاخد نصيبك مع اخوانك فى الميراث

مايسة ادفعوا القروش خلو الزول يتخارج انتو الكسبانين

[حاتم عمر]

لو على طمعك داك مقدور عليهو ياخ -
يعني قولتك أقنع من البيت خلاص
اوصف هسي ولا أعدد :(

مايسة تحياتي والله يكون في عونكم ، ولكني لست مندهش لهذا الذي حصل معاكم ، لانو اخوي كان عنده بيت في شرق النيل ساكنه فيهو جنوبية باسرتها لما جا يبني حلفت ما تطلع إلا بعد دفع مليون مع امهالها وقت لحدي ما لقت بيت قيد الانشاء ترحل فيه، اها بعد داك قالت جيبو لي بوكس اشيل فيهو اغراضي ( التقول خلاص دااك يا الطقم) ورضخنا لطلبها وجبنا البوكس على مرتين ورحلناها ( السمحة قالوا مرحلا) عشان كدة ادفعوا بسرعة قبل ان يطمع اكتر او ساوموه او دكسوه .

[بابكر]

إذا كان هذا الشخص مؤجر بعقد ,, ولم يدفع الايجار لمده شهر واحدفقط , وأثبت ذلك عليه تخرجه المحكمه من المنزل بالقوه ,,
كلام محامى ,, متلقى حجج ,, ولو عاوزه عنوانه بديك ليهو فى الخاص يا مايسه ,, والله يطلعو ليكم ,, زى الشعره من العجين ,, وكمان يدفع المتأخرات بالتقسيط

[مايسة]

أنا لقيت ليك الحل
بيعوهو لى بالزول المؤجرو دا


ايواااا - انت طمعان في الراجل بقيت ولا شنو :cool:
خلاص لو أبت تتحلى طوالي وبنفس المبلغ الاشتريتو بيهو كمان

[مايسة]

شكلك كده الجماعه ما طلعوا من بيتكم !! ع العموم الا تعملو ليهم عمل


ماهلالابي
ح تقول شنو غير كدا!
ياها دي ثقافتكم


:D :D :D
:) :) :)
:rolleyes: :rolleyes: :rolleyes:


قلته كدا -
طيب آخر واحد مشيتو ليهو - أدينا تلفونو :cool:

[مايسة]

هع هع هع
صديقنا برضو كان بشيل ويرسل لابوهو عشان يبنى ليهو البيت حقو.
لما رجع لقى ابوهو كاتب البيت بى اسمه.
قال ليهو كتبت البيت بى اسمك يا ابوى ليه دى ماقروشى والبيت حقى.
ابوهوقال ليهو ماتخاف ياولدى بتاخد نصيبك مع اخوانك فى الميراث

مايسة ادفعوا القروش خلو الزول يتخارج انتو الكسبانين




تحياتي أستاذ بدر الدين
يعني الولد المسكين دا يعاني من ويلات الغربة ما يعاني -
ويجو الباقين يشاركوهو حقو ويدهم في الموية الباردة -

تعرف دي واحدة من مشكلاتنا في السودان بخصوص المغتربين -
يلقوها من وين ولا من وين
---------------
بخصوص الشخص بتاع البيت دا - شكلو ما حا يكون في حل غير الطريق دا
لكن دا ما قلع عينك عينك - :(

[مايسة]

مايسة تحياتي والله يكون في عونكم ، ولكني لست مندهش لهذا الذي حصل معاكم ، لانو اخوي كان عنده بيت في شرق النيل ساكنه فيهو جنوبية باسرتها لما جا يبني حلفت ما تطلع إلا بعد دفع مليون مع امهالها وقت لحدي ما لقت بيت قيد الانشاء ترحل فيه، اها بعد داك قالت جيبو لي بوكس اشيل فيهو اغراضي ( التقول خلاص دااك يا الطقم) ورضخنا لطلبها وجبنا البوكس على مرتين ورحلناها ( السمحة قالوا مرحلا) عشان كدة ادفعوا بسرعة قبل ان يطمع اكتر او ساوموه او دكسوه .


تحياتي أخي حاتم -
ضحكتني بخصوص الجنوبية دي - عاملتوها كأنها vip
كان كدي خلاص النعمل بالنصيحة دي الناس كلها بتقول ادوهو
- بس وين مبادئ البني آدم - كيف الواحد يشيل حاجة ما حقتو
وبالذات هو مربي أجيال قال (أستاذ) -

غايتو الحمد لله بس

[مايسة]

إذا كان هذا الشخص مؤجر بعقد ,, ولم يدفع الايجار لمده شهر واحدفقط , وأثبت ذلك عليه تخرجه المحكمه من المنزل بالقوه ,,
كلام محامى ,, متلقى حجج ,, ولو عاوزه عنوانه بديك ليهو فى الخاص يا مايسه ,, والله يطلعو ليكم ,, زى الشعره من العجين ,, وكمان يدفع المتأخرات بالتقسيط


تحياتي أستاذ بابكر -
تعرف المكان داك البيوت زمان كانت اغلبها فاضية -
فالمالك بكون بس عايز حد يقعد في البيت عشان ما يخرب او يجو ناس يقلعو الطوب وكدا -
الشخص دا ساكن من غير عقد ولا اي شئ - عقدو لسانو أتفاقية بالكلام يعني - والسبب لأنو هم نفسهم ما بيقعدو كتير - بيشوفو ليهم مكان تاني وبمشو عليهو -
وعلى أساس هو مربي وكدا إطمأنينا للموضوع - فغايتو بعد كدا الا نديهو فعلا
شكرا ليك على الخدمة :)

[مصطفى هاتريك]

أ
صديق لينا بنى بيت وسكنو فيهو ناس أختو ووليداتها
وصاحبنا هنى معانا ووليداتو معاهو

بعد كم سنه أختو قالت ليهو فى بيت للبيع حقو تشتريهو
علشان لما ترجعو تكونو جمبنا ;)


هههههههههههههههههههه

والله ما قصرت معاهو تب

ليك بحالو إن شا الله يا شيخي

[بابكر]

تحياتي أستاذ بابكر -
تعرف المكان داك البيوت زمان كانت اغلبها فاضية -
فالمالك بكون بس عايز حد يقعد في البيت عشان ما يخرب او يجو ناس يقلعو الطوب وكدا -
الشخص دا ساكن من غير عقد ولا اي شئ - عقدو لسانو أتفاقية بالكلام يعني - والسبب لأنو هم نفسهم ما بيقعدو كتير - بيشوفو ليهم مكان تاني وبمشو عليهو -
وعلى أساس هو مربي وكدا إطمأنينا للموضوع - فغايتو بعد كدا الا نديهو فعلا
شكرا ليك على الخدمة :)

فى هذه الحاله يعتبر تعدى على حقوق الغير , لانه لايملك مايثبت مشروعية سكنه فى المنزل ,, لذا أفتحى عليه بلاغ تعدى , وإياك أن تقولى أنك قلت ليهو أسكن فى البيت ,عشان تحرسوا لينا , وطالما بقى لئيم ,, فليس أمامك سوى هذا الحل , والله الموفق ,, وقلبى معك أيتها الغاليه مايسه , وربنا يصرفه ,,