إذا كانت زوجتك عسل ... فلا تلحسها كُلّها !!

[ياسر ود النعمة]

* للزواج حكايات وروايات وأقاويل وسعادةً ما بعدها سعادة وبالمقابل تعاسة وعكننة ومرمطة ... فالذي يعيش سعادةً يكون من المحظوظين جداً على إنه إرتبط بإنسانةٍ هادئةٍ وراضيةٍ لا تكثر الطلبات لِست والمقاسات بالدِست ... وجيب شرائط وخرائط ومحزّق ومفستّق ومفسطّن ومناديل الحياري !! وإن كنت من الذين كُتبت عليهم الشقاوة كما كُتبت على الذين من قبلك فتبقى حياتك (زي الزِفت )!! وإن كان للزِفت فوائد في تزيين الشوارع والمطارات والساحات والموانئ !!
* هناك قصص حُب قد وقعت بين أطراف اللقاءات وقد إشتهرت تلك القصص وذاع صيتها العالم الإسلامي والعربي ولا أريد أن أقول عن (قيس إبن الملّوح وليلى العامرية) (أو جميل بثينة) فتلك قصص حب قد حدثت في عهدٍ بعيدٍ كان فيه الحب مقدّس بدرجةٍ رفيعةٍ لكنني أكتفي بقصة حب وقعت بين الشاعر الراحل (نزار قباني) (وبلقيس) التي وكما قال فيها نزار في إحدى روائعه : كانت إذا تمشي ترافقها طواويسٌ وتتبعها أيائل .. بلقيس يا وجعي ويا وجع القصيدة حين تلمسها الأنامل .. هل يا تُرى من بعد شعرك سوف ترتفع السنابل .. وقال في ذات القصيدة يعني زوجته شريكة حياته (بلقيس) : قتلوك يا بلقيس ..أية أمةٍ عربيةٍ تلك التي تغتال أصوات البلابل ... وقال في قصيدته ذائعة الصيت يعني فيها العرب قال : لو حرّروا ليمونة أو زيتونةً أو برتقالة ومحوا عن التاريخ عاره .. لشكرت من قتلوك يا بلقيس يا معبودتي حتى الثمالة لكنهم تركوا فلسطيناً ليغتالوا غزاله !!
* تلك كانت سعادة نزار قباني بالحب الذي وقع بينه وبين معشوقته (بلقيس) التي راحت ضحيةً في حادث السفارة الأمريكية (ببيروت) ... وفيما يبدو ومن خلال قصيدته (بلقيس) يتلمّس الإنسان ويتحسس مدى بلوغ الحب أعذبه الذي كان بينه وبينها .. وقليلون الذين دعاهم حبّهم لزوجاتهم أن ينظمون فيهن قصائداً غراميةً فؤلئك نُعدّهم من المحظوظين الذين ساعدهم حظهم في الإرتباط بزوجاتٍ يقدّسن الحياة الزوجية ولسنينٍ عددا أمثال الشاعر الكبير (كامل عبد الماجد) الذي أقرّ واعترف إعترافاً واضحاً بأن قصيدة (سيد الاسم) التي تغنّى بها الفنان الراحل والكبير (احمد الجابري) هي لحبيبته التي هي الآن زوجته حيث تقول بعد مقاطع الأغنية :

مرّات أقول أديهو كلمة تزعلوا
حبة عذاب وكلام عتاب أنا عارفو ما بتحملّو
* أي إنها مناجاة بلغت بالشاعر قمة الحب التي أوصلته درجة التلاشي فبدأ يعذبها ويعاتبها بكلمات هادئات .. لكنها لا تتحمّل ذلك ولا تقوى على العتاب من فرط حبها له .. عشت يا كامل عبد الماجد وأتمنى أن تُعاد السنين لتلك الفترة لنشهد تلك القصة التي هزّت فؤادك مرتين !!
* نزار قباني ... وكامل عبد الماجد ... وسيف الدين الدسوقي واسحق الحلنقي هؤلاء نظموا أروع وأعذب وأجمل الكلمات .. خاصةً الذين يعنون بكلماتهم الأخاذات محبوباتهم اللائي صرنّ مع مرور الأيام والسنين زوجاتاً لهم ... مثل هؤلاء يسمح لهم بأن يفعلون ما يشاءوون يلحسونهّن كلهّن أو ما أرادوا .. لأن الذي وقع بينهما لم يكن شيئاً عادياً عل الإطلاق .
* دعونا من نزار قباني وبلقيس وكامل عبد الماجد وسيف الدين الدسوقي واسحق الحلنقي وغيرهم من مبدعي السودان والعرب وأتركونا مع زوجاتنا العاديات (الكشا.. مشا) يعزموهن شاي المغرب يجّن عشا !!
* يقول ليك : ( لو زوجتك عسل ما تلحسها كلها !!) والله زوجاتنا ديل لا بتلحسّن ولا الله قال ... ألحس ليّ عسل قصب مصري فيه فايدة ... ولا عسل نحل فيه شفاء للناس إن شاء الله ألحس عسل أبو أسد .. مالو .. ما لذيذ ورهيب وإنجليزي الصُنع نلحس فيه من عمرنا ست سنوات الحصل لينا شنو ؟ غير إننا استمتعنا وتلذذنا به .. واحد من أبالسة مدني قال لي :-
هسع العسل أبو أسد ده بتلحسو كله ؟ وأصلو العسل ده إلاّ يجيبوه في علب ؟
قلت ليهم بلحسوا جزئياً إرتحت يا مجرم !!
قال شنو ... لو زوجتك عسل ما تلحسها كلها
أريتها تبقى زى العسل أبو أسد !!

[مدنيّة]

استاذنا ياسر ود النعمة
ماعارفة
لكن دائما في فهمي
انه تعامل الزوجة مع زوجها
هو reaction
لتعامل زوجها معاها

-------
كونوا لزوجاتكم
مثلما تحبوا ان تكون
زوجاتكم معكم


-------
قلم مميز يعرف كيف يشد القارئ لاخر حرف
شكرا عميقا

[المسافر]

ما أعتقد يا ود النعمة أن في هذه الدنيا في زوجة عسل ولا شبه عسل
والشعراء الذين ذكرتهم كانوا بقصائدهم هذه يتمنون ويرجون
ذلك الأمر ، ولو لا خيالهم كان واسعاً جداً xxxxl لما
نطق واحد فيهم حرفاً .

[نزار حسن محمد]

سلمت يداك اخى ياسر ...اسمعنى كويس النقول لك والله ماتشوف ردود الجماعه ديل والجاين اقولووو لك والله المره لو لقيته فى الحطب ازيده نار...كضابين يابوي والله السودانين ديل ريادين جنس ريده علا بكتموها جوه حشاهم المشكله بعتبرها عيب انه الواحد يحب مرته ..ولمن اسمعوا عثمان حسين الدمعه فررر تكب من عينهم كدى اسال ود الصول قولووو اغنيه الرشيد كسلا بتعمل فيك شنوا ..يازول واصل ابدعاتك ونحن مصنقرين جنبك شبر ما بنفوت

[بابكر]

http://www.ubikann.com/wp-content/uploads/2006/09/Lyles_Golden_Syrup.jpg
والله لى هسه بنلحس فى العسل الانجليزى

[نزار حسن محمد]

والله انت العثل ياود الصول

[بابكر]

http://www.sudanforum.net/customavatars/avatar27344_10.gif

كلو كوم والصوره الفى الفيس بوك كوم تانى يا نزار يا عسل إنت ,,

[أمير عبداللطيف]

لا اتفق معك ابدا ،، وربنا يحفظ لينا زوجاتنا ،، فهى عندي لايسوي امامها عسلك الانجليزي هذا شيئا ،، مع مودتي ،،

[samia]

والله وماعارفة أبدا من وين! لكن كنت بعتقد أن أسوأ شئ في الحياة هو أن يبقي الانسان وحيدا !!!!! لكنني إكتشفت أن أسوأ شئ في الحياة أن يعيش الانسان مع أشخاص يجعلونه يشعر بأنه وحيد !!!!!!!!!!!!! بدل يكون عسل وكمان يتلحس !!!!!!!!!!! فلا أندم بل أفتخر اني كنت ومازلت إنسانا ; أحمل قلبا من بين ناس لاقلوب لهم ،،،،،، هناك شئ ينتظرني بعد الصبر شئ سيبهرني فينسيني مرارته - كل مر وأى مر - وبشر الصابرين هذا وعد ربي

[Amin Idries]

استاذنا ياسر ود النعمة
ماعارفة
لكن دائما في فهمي
انه تعامل الزوجة مع زوجها
هو reaction
لتعامل زوجها معاها

-------
كونوا لزوجاتكم
مثلما تحبوا ان تكون
زوجاتكم معكم


-------
قلم مميز يعرف كيف يشد القارئ لاخر حرف
شكرا عميقا

و كذلك العكس يا مدنية!
لك التحية
ود النعمة أنت تختار مواضيعك بعناية و تسردها ككاتب محترف

[مدنيّة]

و كذلك العكس يا مدنية!


أمين صباحك مدناوي

-------
أكيد وكذلك العكس
لكن ما بتتفق معاي
انه الرجل هو (القائد)*
عشان كدا الخطوة الاولي منه
مهمة جدا
في سير بقية الخطوات!




-------
*قائد دي = حاجات كتيرة جدا

[Amin Idries]

أمين صباحك مدناوي

-------
أكيد وكذلك العكس
لكن ما بتتفق معاي
انه الرجل هو (القائد)*
عشان كدا الخطوة الاولي منه
مهمة جدا
في سير بقية الخطوات!




-------
*قائد دي = حاجات كتيرة جدا


و صباحك كمان يا مدنية
مش ممكن يكون مجلس قيادة

[حاتم عمر]

التحية لك والتجلة يا عرفات ولي طلب عندك نزل لينا حاجة من الشاعر ود بادي العكودابي

امين ومدنية سلامات
طيب لوكان بدأ الخطوة الاولى والتانية والتالتة( اول مرة سامحتك وتاني مرة سامحتك وعااااااشر مرة سامحتك) وما نفع ولا جاب نتيجة في الحالة دي الحل شنو؟

[Amin Idries]

الأخ حاتم صباحك فل
اول شئ سامحتك دي بي كسر التاء و لا فتح التاء؟؟

[ريمون]

ما أعتقد ياود النعمة أن في هذه الدنيا في زوجة عسل ولا شبه عسل والشعراء الذين ذكرتهم كانوا بقصائدهم هذه يتمنون ويرجون ذلك الأمر ، ولو لا خيالهم كان واسعاً جداً xxxxl لما نطق واحد فيهم حرفاً .

انت العرفك شنو؟؟!!

[ريمون]

الأخ حاتم صباحك فل
اول شئ سامحتك دي بي كسر التاء و لا فتح التاء؟؟

وش قاعد ليك يا حاتم علي الواحدة ..

[ريمون]

والله وماعارفة أبدا من وين! لكن كنت بعتقد أن أسوأ شئ في الحياة هو أن يبقي الانسان وحيدا !!!!! لكنني إكتشفت أن أسوأ شئ في الحياة أن يعيش الانسان مع أشخاص يجعلونه يشعر بأنه وحيد !!!!!!!!!!!!! بدل يكون عسل وكمان يتلحس !!!!!!!!!!! فلا أندم بل أفتخر اني كنت ومازلت إنسانا ; أحمل قلبا من بين ناس لاقلوب لهم ،،،،،، هناك شئ ينتظرني بعد الصبر شئ سيبهرني فينسيني مرارته - كل مر وأى مر - وبشر الصابرين هذا وعد ربي
ربنا يزيد الصبر ..

[حاتم عمر]

الأخ حاتم صباحك فل
اول شئ سامحتك دي بي كسر التاء و لا فتح التاء؟؟

تقبل الاثنين يا امين وهذه من حلاوة اللغة العربية كل واحد ياخذ اللي بيعجبو

[حاتم عمر]

وش قاعد ليك يا حاتم علي الواحدة ..

ريمون ، عليك الله وريني اسوي شنو مع امين دة قاعد لي في حلقي

[حاتم عمر]

ياسر ود النعمة
وين انت يا ( كربستين) ما تخش ترد عليناواوع تقول لي ماشي اجيب الجبنة وجاي

[مدنيّة]

امين ومدنية سلامات
طيب لوكان بدأ الخطوة الاولى والتانية والتالتة( اول مرة سامحتك وتاني مرة سامحتك وعااااااشر مرة سامحتك) وما نفع ولا جاب نتيجة في الحالة دي الحل شنو؟

في الحالة دي ياحاتم
طوالي يغني

ظلموه القلب الخالي ظلموه
قابلوه شبكوه وارتاحوا لما شغلوه
وعدوه يزوروه ونهار ما افتكروا يهنوه
نسيوه وفاتوه واتاريهم قبل ما ينسوه ظلموه

[مدنيّة]

و صباحك كمان يا مدنية
مش ممكن يكون مجلس قيادة

مساءك سوداني يا أمين
خلا المسميات خليها
بتتفق معاي في راي دا ولا لا!

[ودسمير]

ود النعمه كلامك لذيذ ... لكن زودته ( لحستين ) اقصد حبتين ...

قال رسولنا الكريم ( ص ) الدنيا متاع وخير متاعها الزوجه الصالحه ... الى اخر الحديث ..

نسال الله ان يديم الالفه داخل بيوتنا ...

[حاتم عمر]

في الحالة دي ياحاتم
طوالي يغني

ظلموه القلب الخالي ظلموه
قابلوه شبكوه وارتاحوا لما شغلوه
وعدوه يزوروه ونهار ما افتكروا يهنوه
نسيوه وفاتوه واتاريهم قبل ما ينسوه ظلموه


شكرا كتييير يا مدنية واحي فيك هذه العدالة الراقية والجواب المباشر للسؤال وبعد ان يغني الرجل هذه الاغنية تتفقين معي انه من حقو يعمل اي حاجة يراها مناسبة حتى وان كان عسل ابو اسد او ابو فيل

اهـ يا امين رايك شنو؟

[مدنيّة]

شكرا كتييير يا مدنية واحي فيك هذه العدالة الراقية والجواب المباشر للسؤال وبعد ان يغني الرجل هذه الاغنية تتفقين معي انه من حقو يعمل اي حاجة يراها مناسبة حتى وان كان عسل ابو اسد او ابو فيل


معقولة بث ياحاتم
اجاوب ليك اجابة مباشرة
تجي تسألني سؤال بتاعع لولوة!!
ههههههههههههههههههه
كدي جيب سؤالك دايركت
زي اجابتي الفوق دي
بعدين نرد ليك ، ثمح! ):

[مايسة]

تحياتي أستاذ ود النعمة -

ولكن العسل نفسه أنواع - وأشكال والوان -

الا تتفق معي بأن اذا كان الرجال مثل نزار قباني - لرأيت نساء مثل بلقيس :rolleyes:

- كتاباتك لها طعم خاص - وتجبر الشخص على المتابعة -



لا اتفق معك ابدا ،، وربنا يحفظ لينا زوجاتنا ،، فهى عندي لايسوي امامها عسلك الانجليزي هذا شيئا ،، مع مودتي ،،


تحياتي سعادتو - ويسلم فمك

[ود الضو]

يصنع الصانعون ( عسلاً ) ولكن عسل الطبيعه لايُضارع شكلا

[Amin Idries]

مساءك سوداني يا أمين
خلا المسميات خليها
بتتفق معاي في راي دا ولا لا!

بتفق معاك يا مدنية
لكن ماذا لو القيادة كانت للزوج و الزوجة معا ولا بغرقوا المركب
و صباحك سعيد

[المسافر]

انت العرفك شنو؟؟!!


وصلني على شكل شمار ليس إلا

[ريمون]

وصلني على شكل شمار ليس إلا
ياخ انت ما تريح نفسك مننا ومن نقتنا وتلحق نزار _ اليا حليلو _ ما بقي صغيروني ؟!!!!:rolleyes:

[ياسر ود النعمة]

تعرفو يا أولاد منتديات ود مدني لو أنا قعدت في كرسي عشان ارد عليكم كلكم ناس آلاء ومدنية وبت أم درمان وبت ودناصر ، وبت المصطفي ، وبت أم زمّيم ، ونزار وحاتم جركس و الزول العسل الجاب علبة عسل ختاها في نص الشاشة و المشرفين وكل الذين تجمهروا في البيعة تحت الشجرة .. طلحة الخير و الزبير ثم سته مبايعين و النجوم البارزين وأسامي الخالدين .. ثم أكبر في القواقي وأبحر في تراكيب المضافي – عزالدين وبدر الدين وهكذا .
ياجماعة الخير يااولاد مدني وأم درمان وغيرهما ويا اعضاء المنتدي لو أنا قعدتا في كرسي مع الاخ مؤسس الموقع أبو بكر محمد المبارك عشان أرد عليكم لرحلت من هذه الدنيا جوعا !! تعرفوا ليه .. زي ماقال ود الشايقي لاعب الهلال زمان لو مشيت تشرب تلقي خانتك مليانة !! نحن هنا برائعة المدن مدني نردح من صباحات الرحمن مع شفعنا بدءا بالمدارس وانتهاء بالقرقاش .. نرد لكم كيف .. فكرت جيدا بأن أرد للجميع برد واحد ليكم كلكم كالتالي
- كلكم كده علي بعضكم عسللي أوحلاوة بلي ياترلي عشان (...........) تحلّي ونحن من بعدك نحلّي ...واحد من أبالسة مدني بحي ود أزرق وصف المراة وقال عنه (أنها مثل اكل المستشفي ..صحي لكن مسيخ !!) لكنني أختتم هذا الرد ياحلوين ومنورين بينا وبراكم نقول عشان الناس الحلوة ماتزعلش لولا المراة و البحر لما بقينا .. فكلاهما يمنحنا الملح الذي يحفظنا ويحفظكم الزي خلق هذا الكون بهذا اللون ومنتداكم لوحة تشكيلية مثلها مثل محترف راشد دياب رقة وتواصل .

[حاتم عمر]

خلاص يا ود النعمة بعد كلامك دة عفيناك من الردود ، لكن بطير مني وين سالاحقك بالتلفون وماعندك حل إلا تعين ليك سكرتيرة ، متعك الله بالصحة والعافية

[مرتضى يوسف العركي]

تعرفو يا أولاد منتديات ود مدني لو أنا قعدت في كرسي عشان ارد عليكم كلكم ناس آلاء ومدنية وبت أم درمان وبت ودناصر ، وبت المصطفي ، وبت أم زمّيم ، ونزار وحاتم جركس و الزول العسل الجاب علبة عسل ختاها في نص الشاشة و المشرفين وكل الذين تجمهروا في البيعة تحت الشجرة .. طلحة الخير و الزبير ثم سته مبايعين و النجوم البارزين وأسامي الخالدين .. ثم أكبر في القواقي وأبحر في تراكيب المضافي – عزالدين وبدر الدين وهكذا .
ياجماعة الخير يااولاد مدني وأم درمان وغيرهما ويا اعضاء المنتدي لو أنا قعدتا في كرسي مع الاخ مؤسس الموقع أبو بكر محمد المبارك عشان أرد عليكم لرحلت من هذه الدنيا جوعا !! تعرفوا ليه .. زي ماقال ود الشايقي لاعب الهلال زمان لو مشيت تشرب تلقي خانتك مليانة !! نحن هنا برائعة المدن مدني نردح من صباحات الرحمن مع شفعنا بدءا بالمدارس وانتهاء بالقرقاش .. نرد لكم كيف .. فكرت جيدا بأن أرد للجميع برد واحد ليكم كلكم كالتالي
- كلكم كده علي بعضكم عسللي أوحلاوة بلي ياترلي عشان (...........) تحلّي ونحن من بعدك نحلّي ...واحد من أبالسة مدني بحي ود أزرق وصف المراة وقال عنه (أنها مثل اكل المستشفي ..صحي لكن مسيخ !!) لكنني أختتم هذا الرد ياحلوين ومنورين بينا وبراكم نقول عشان الناس الحلوة ماتزعلش لولا المراة و البحر لما بقينا .. فكلاهما يمنحنا الملح الذي يحفظنا ويحفظكم الزي خلق هذا الكون بهذا اللون ومنتداكم لوحة تشكيلية مثلها مثل محترف راشد دياب رقة وتواصل .



يا سلام عليك يا ود النعمة يا رائع
على القيمة الموضوعية العالية لهذا البوست الحياتي لشريكات حياة ورحلة عمر الامر ليس قدحا او تبجيلا باعتبار اختلاف المعايير التي يمكن ان نبني عليها العسل من غيره ....اذن الامر متفاوت من زوج وزوجة الى زوج وزوجة اخرى ياخي الحريم ديل كلهم عسل
زمان الزول في احلامو انو يعرس بنت السلطان ويركب حصان ابيض ويزفها زي سندريلا للدرجة ان نزار قباني الجبتو لينا هنا في عسلك ده ذاتو اعترف للملأ حين قال علمني عسلك عفوا ( حبك) ان يمضي العمر ولا تأـتي بنت السلطان .. بدليل انو الواحد يقوم نهاية المطاف يتمتم ويشوف الكشف عشان سقف اجازو يعرس بت خالو او بت عمو او بت جيرانو الطول العمر لقاها امامو في الوقت الكان فيهو احلامو بت سلطان على ذلك لا معايير محددة للعسل في الواقع العسل هو الذي يساعدك في مقاطعة اللحمة ومجازفة الاحوال في كل حا ل في العشرة والسترة ونسيان وما تخطه انت سيد يالرجل من قيم وتعامل ما يفهما البعض خوف بقدر ما هي تفهم وتشارك وحكمة من الطرفين و وزح من رأسك امراة واحدة لا تكفي في ظل الجمهورية الثانية السودانية التي اعقبت المشروع الحضاري للدولة السودانية الفضلت .
على فكرة هوي ياود النعمة انا لا شفتك لا بعرفك والكلام الفوق ده ما قلتو انا ده ملاني ليهو نزار حسن والله هو الكلمني عن بوستيك ده قبل ساعة من الامارات وتقديرا لظروفه الامنية وظروفي ايضا كتبت الكلام ده عشان اتفشى هو ما انا كن بكل الخير صديقي ود النعمة ولجميع متداخليك

[مايسة]

يا سلام عليك يا ود النعمة يا رائع
على القيمة الموضوعية العالية لهذا البوست الحياتي لشريكات حياة ورحلة عمر الامر ليس قدحا او تبجيلا باعتبار اختلاف المعايير التي يمكن ان نبني عليها العسل من غيره ....اذن الامر متفاوت من زوج وزوجة الى زوج وزوجة اخرى ياخي الحريم ديل كلهم عسل
زمان الزول في احلامو انو يعرس بنت السلطان ويركب حصان ابيض ويزفها زي سندريلا للدرجة ان نزار قباني الجبتو لينا هنا في عسلك ده ذاتو اعترف للملأ حين قال علمني عسلك عفوا ( حبك) ان يمضي العمر ولا تأـتي بنت السلطان .. بدليل انو الواحد يقوم يعرس بت خالو او بت عمو او بت جيرانو الطول العمر لقاها امامو في الوقت الكان فيهو احلامو بت سلطان على ذلك لا معايير محددة للعسل في الواقع العسل هو الذي يساعدك في مقاطعة اللحمة ومجازفة الاحوال في كل حا لفي العشرة والسترة ونسيان امراة واحدة لا تكفي
على فكرة هوي ياود النعمة انا لا شفتك لا بعرفك والكلام الفوق ده ما قلتو انا ده ملاني ليهو نزار حسن والله هو الكلمني عن بوستيك ده قبل ساعة من الامارات وتقديرا لظروفه الامنية وظروفي ايضا كتبت الكلام ده عشان اتفشى كن بكل الخير صديقي ود النعمة ولجميع متداخليك


تحياتي ليك أستاذ مرتضى -
مشاركة صراحة زي العسل (ما العسل الإنجليزي)
ومن هنا نشكر حكومتك وحكومة أبو سفرووق

[مرتضى يوسف العركي]

تحياتي ليك أستاذ مرتضى -
مشاركة صراحة زي العسل (ما العسل الإنجليزي)
ومن هنا نشكر حكومتك وحكومة أبو سفرووق

الرائعة سيدتي مايسة
اشكرك لكن الزول المفرض تشكريه هو ابو سفروق الملاني الكلام ده قطعا حاشيل مشاركتي وشكرك ده للحكومة على فكرة استدراكك لعبارة (ماالعسل الانجليزي) غايتو جنس غتاتة وحداقة يا مايسة وياهو ده ذاتو البخوف يعني لازم تحكيها كده شكيت محنك لمنو هاهاهاها طبعا عوضا عن الشكية بمزح أسا ل ربنا يحفظك ويغتيك
نواضر تحياتي

[ود المطامير]

تعرفو يا أولاد منتديات ود مدني لو أنا قعدت في كرسي عشان ارد عليكم كلكم ناس آلاء ومدنية وبت أم درمان وبت ودناصر ، وبت المصطفي ، وبت أم زمّيم ، ونزار وحاتم جركس و الزول العسل الجاب علبة عسل ختاها في نص الشاشة و المشرفين وكل الذين تجمهروا في البيعة تحت الشجرة .. طلحة الخير و الزبير ثم سته مبايعين و النجوم البارزين وأسامي الخالدين .. ثم أكبر في القواقي وأبحر في تراكيب المضافي – عزالدين وبدر الدين وهكذا .
ياجماعة الخير يااولاد مدني وأم درمان وغيرهما ويا اعضاء المنتدي لو أنا قعدتا في كرسي مع الاخ مؤسس الموقع أبو بكر محمد المبارك عشان أرد عليكم لرحلت من هذه الدنيا جوعا !! تعرفوا ليه .. زي ماقال ود الشايقي لاعب الهلال زمان لو مشيت تشرب تلقي خانتك مليانة !! نحن هنا برائعة المدن مدني نردح من صباحات الرحمن مع شفعنا بدءا بالمدارس وانتهاء بالقرقاش .. نرد لكم كيف .. فكرت جيدا بأن أرد للجميع برد واحد ليكم كلكم كالتالي
- كلكم كده علي بعضكم عسللي أوحلاوة بلي ياترلي عشان (...........) تحلّي ونحن من بعدك نحلّي ...واحد من أبالسة مدني بحي ود أزرق وصف المراة وقال عنه (أنها مثل اكل المستشفي ..صحي لكن مسيخ !!) لكنني أختتم هذا الرد ياحلوين ومنورين بينا وبراكم نقول عشان الناس الحلوة ماتزعلش لولا المراة و البحر لما بقينا .. فكلاهما يمنحنا الملح الذي يحفظنا ويحفظكم الزي خلق هذا الكون بهذا اللون ومنتداكم لوحة تشكيلية مثلها مثل محترف راشد دياب رقة وتواصل .


هييييييييييييييييييع
عفيت منك والله
عرفت ليهم بالطريقه الصاح

والله ضحكت لما قلت بس فى حكاية لو مشيت تشرب تلقى خانتك مليانه ;)

الحبيب
فى المرحله الثانويه كان عندنا أستاذ الله يطراهو بالخيركان خاطب
والظاهر عليهو كان ملتاع لوعة السنين وكان درسنا قصيده غزليه لأحد الشعراء العرب
أهااا ... قام سألنا سؤال جرئ فى ذلك الزمن .. قال
_ أيهما أجمل الحب قبل الزواج ولأ بعد الزواج ؟
وطبعا الطلبه يعجبوك وكلهم إتفننو فى الإجابه

قمت أنا رفعت أصبعى وقلت ليهو
_ الحب قبل الزواج جربناهو ولقيناهو حلا حلا
ولما نتزوج ح نكلمك بالجواب واللى يتزوج من غير حب ويحب بعد الزواج
ما بيقدر يجاوبك على سؤالك علشان ما بكون جرب الحب قبل الزواج

أهااا .. أنا شخصيا غارق فى العسل السودانى وحامد الله وشاكرو سكر مركز ;)
أهاااا .. أكان جربت عسل مصر ولبنان
وكدا بكلمك ;)

[مايسة]

الرائعة سيدتي مايسة
اشكرك لكن الزول المفرض تشكريه هو ابو سفروق الملاني الكلام ده قطعا حاشيل مشاركتي وشكرك ده للحكومة على فكرة استدراكك لعبارة (ماالعسل الانجليزي) غايتو جنس غتاتة وحداقة يا مايسة وياهو ده ذاتو البخوف يعني لازم تحكيها كده شكيت محنك لمنو هاهاهاها طبعا عوضا عن الشكية بمزح أسا ل ربنا يحفظك ويغتيك
نواضر تحياتي


تسلم أستاذ مرتضى على الكلام الراقي دا - لك الف تحية

[Amin Idries]

يا اخوانا كدي نقطة نظام
دايرين نعرف ما هي مواصفات المرأة المثالية بالنسبة لأعضاء المنتدى و ما هي مواصفات الرجل المثالي بالنسبة للعضوات
يلا بالدور كل واحد يقول رايه و البداية عندك يا حاتم عمر

[مدنيّة]

يا اخوانا كدي نقطة نظام
دايرين نعرف ما هي مواصفات المرأة المثالية بالنسبة لأعضاء المنتدى و ما هي مواصفات الرجل المثالي بالنسبة للعضوات
يلا بالدور كل واحد يقول رايه و البداية عندك يا حاتم عمر

سلامااات يا أمين

--------
ماعارفة
صعبة شوية حصر مواصفات
لكن اعتقد انه المرأة المثالية لما الوحدة تبقي (امرأة)
والرجل المثالي لما الواحد يبقي (رجل)
بكل ما تحويه الكلمتين من معان


----------
اها بديت ليك انا قبل حاتم
ههههههههههههههههههههههه

[حاتم عمر]

يا اخوانا كدي نقطة نظام
دايرين نعرف ما هي مواصفات المرأة المثالية بالنسبة لأعضاء المنتدى و ما هي مواصفات الرجل المثالي بالنسبة للعضوات
يلا بالدور كل واحد يقول رايه و البداية عندك يا حاتم عمر

حاضر يا امين موافق ان تكون البداية من عندي وامسكوا الخشب

باختصار شديد لمواصفات المرأة المثالية : ان تكون مطيعة وودود وولود ، ولا تضع راسها براس الرجل في البيت لان الرجل لا يحب ان يشاركه احد في رجولته وانه يريد انثى رقيقة وعطوفة ، ان تهتم بالبيت اهتمام شديد والاهتمام بالابناء ، الكلام الطيب والتعابير الجميلة ، التجاوز عن الاخطاء البسيطة والهفوات التي تصدر من الرجل وتقدير همومه وضغوطه في العمل ، ان تجعل من البيت بيئة جاذبة وليست طاردة ( بايسط الاشياء على سبيل المثال الابتسامة العطور يعطيك العافية ترجع بالسلامة من الشغل ، موفق 000 الخ) باختصار تكون له امة يكون لها عبداً ( ما في داعي للتفاصيل الكتيرة) هذا ما يريده الرجل ولا يريد اكثر من ذلك ولكن ( للذكيات فقط ) .
ثانياً مواصفات الرجل المثالي : الحب والاحترام ومعاونتها في شؤون البيت ( باعتبار ان البيت شئ واحد مقسوم على اثنين والاحساس بتعبها والكلام الجميل وتحمل الاشياء البسيطة والتجاوز عنها ويا حبذا لو مسكناها من ناحية الاخلاق النبوية السمحة فهناك قصص جميلة عن الرسول وزوجاته وغيرتهم وتحمل المصطفى صلى اله عليه وسلم لهن و و 000 (واذا تحمل مواصفات المرأة التي لا تنطبق عليها الشروط اعلاه فهو مثالي بجدارة ويستاهل جائزة نوبل للحرب . وبس) .
وخير الكلام ما قل ودل
امين 0000 شوف الدور وين

[مدنيّة]

وخير الكلام ما قل ودل


دي الحالة!!
ههههههههههههههههههههههه

[حاتم عمر]

دي الحالة!!
ههههههههههههههههههههههه

مدنية والله حيرتيني معاك ما عجبك الا خير الكلام ما قل ودل دي بس
وهدي الحالة ؟؟؟؟؟؟؟؟؟ نريد تعليق مباشر كما عودتينا دائما
تحياتي لك

[Amin Idries]

سلامااات يا أمين

--------
ماعارفة
صعبة شوية حصر مواصفات
لكن اعتقد انه المرأة المثالية لما الوحدة تبقي (امرأة)
والرجل المثالي لما الواحد يبقي (رجل)
بكل ما تحويه الكلمتين من معان


----------
اها بديت ليك انا قبل حاتم
ههههههههههههههههههههههه


صباح الخير مدنية
بس ورينا المعاني دي شنو لانو اي واحد فينا شايف نفسو راجل بمعنى الكلمة و اي واحدة فيكم شايفة نفسها مرة بمعنى الكلمة

[Amin Idries]

حاضر يا امين موافق ان تكون البداية من عندي وامسكوا الخشب

باختصار شديد لمواصفات المرأة المثالية : ان تكون مطيعة وودود وولود ، ولا تضع راسها براس الرجل في البيت لان الرجل لا يحب ان يشاركه احد في رجولته وانه يريد انثى رقيقة وعطوفة ، ان تهتم بالبيت اهتمام شديد والاهتمام بالابناء ، الكلام الطيب والتعابير الجميلة ، التجاوز عن الاخطاء البسيطة والهفوات التي تصدر من الرجل وتقدير همومه وضغوطه في العمل ، ان تجعل من البيت بيئة جاذبة وليست طاردة ( بايسط الاشياء على سبيل المثال الابتسامة العطور يعطيك العافية ترجع بالسلامة من الشغل ، موفق 000 الخ) باختصار تكون له امة يكون لها عبداً ( ما في داعي للتفاصيل الكتيرة) هذا ما يريده الرجل ولا يريد اكثر من ذلك ولكن ( للذكيات فقط ) .
ثانياً مواصفات الرجل المثالي : الحب والاحترام ومعاونتها في شؤون البيت ( باعتبار ان البيت شئ واحد مقسوم على اثنين والاحساس بتعبها والكلام الجميل وتحمل الاشياء البسيطة والتجاوز عنها ويا حبذا لو مسكناها من ناحية الاخلاق النبوية السمحة فهناك قصص جميلة عن الرسول وزوجاته وغيرتهم وتحمل المصطفى صلى اله عليه وسلم لهن و و 000 (واذا تحمل مواصفات المرأة التي لا تنطبق عليها الشروط اعلاه فهو مثالي بجدارة ويستاهل جائزة نوبل للحرب . وبس) .
وخير الكلام ما قل ودل
امين 0000 شوف الدور وين

و الله يا حاتم الفيك اتعرفت زي ما قالت مدنية و المثالية عندك لكن
تحياتي الحارة ليك