كيف تلبس العمه بطريقة احترافيه؟

[admin]

هل العمه في طريقها للاندثار؟ يلاحظ في الاونه الاخيره اكتفاء الشباب بلبس الطواقي الملونه وترك العمه. وياحليل زمن العمه الاجبارية في المدرسة كما تظهر في الصورة التى ارفقها لنا دكتور بدرالدين مؤخرا.
يمكنني الاعتراف بانني وحتى هذه اللحظه ما حصل "لفيتا صاح" وخلال محولاتي التدريبيه كلها مافي زول قال لي كدا تمام. فقلت ياخي اشوف الطرق العلمية والتنظيريه في لبس العمه.
تختلف طريقة اللبس حسب طول العمه ونوع قماشا وكذلك تختلف حسب الانتماءات السياسية والقبايلية وحسب الروقه الماليه والاجتماعيه. وطرق اللف بالتالي مختلفه تلقى واحدة مجبصه وواحدة كل دقيقه تقع زي توب الهزاز. وفي لفات ذات قطر واسع واخريات ضيقة النطاق.

فعليكم الله ورونا افضل الطرق للبس العمه واختيارها حتى تخرج بصورة مشرفه



مشقاقه: حسه تجيك واحدة تقول ليك في عمه "ربط"

[نزار حسن محمد]

مشقاقه: حسه تجيك واحدة تقول ليك في عمه "ربط"[/quote]

ما اصلو فى عمة ربط ..كدى اسال ود الصول

[مدنيّة]

ماعارفة
لكن اللبس السوداني دا
عنده نكهة خااااصة والله

جلابية مع عمة مع شال
حاجة ما تخلص



------
جمال ولدي ماشاء الله تبارك الله
من هسي
خبير في لبس العمة
ممكن تدفع بالاخضر
ونخليه يديك حصص في
افضل الطرق للبس العمة

[حاتم مرزوق]

ماعارفة
لكن اللبس السوداني دا
عنده نكهة خااااصة والله

جلابية مع عمة مع شال
حاجة ما تخلص



------
جمال ولدي ماشاء الله تبارك الله
من هسي
خبير في لبس العمة
ممكن تدفع بالاخضر
ونخليه يديك حصص في
افضل الطرق للبس العمة


لو الحكاية فيها اللخدر أنا وعركى أقرب http://www.sudanforum.net/images/smilies/icon_lol.gif
خلى جمال لمن يكبر شوية http://www.sudanforum.net/images/smilies/icon_rolleyes.gif

[حاتم مرزوق]

هل العمه في طرقها للاندثار؟ يلاحظ في الاونه الاخيره اكتفاء الشباب بلبس الطواقي الملونه وترك العمه. وياحليل الزمن العمه الاجبارية في المدرسة كما تظهر في الصورة التى ارفقها لنا دكتور بدرالدين مؤخرا.
يمكنني الاعتراف بانني وحتى هذه اللحظه ما حصل "لفيتا صاح" وخلال محولاتي التدريبيه كلها مافي زول قال لي كدا تمام. فقلت ياخي اشوف الطرق العلمية والتنظيريه في لبس العمه.
تختلف طريقة اللبس حسب طول العمه ونوع قماشا وكذلك تختلف حسب الانتماءات السياسية والقبايلية وحسب الروقه الماليه والاجتماعيه. وطرق اللف بالتالي مختلفه تلقى واحدة مجبصه وواحدة كل دقيقه تقع زي توب الهزاز. وفي لفات ذات قطر واسع واخربات ضيقة النطاق.

فعليكم الله ورونا افضل الطرق للبس العمه واختيارها حتى تخرج بصورة مشرفه



مشقاقه: حسه تجيك واحدة تقول ليك في عمه "ربط"


لو العمة توتل أصلى براها بتستعدل ! والكلام ده إعتبروا درس نمرة واحد ... يالله أعمل تحويل http://www.sudanforum.net/images/smilies/icon_rolleyes.gif

[مدنيّة]

لو الحكاية فيها اللخدر أنا وعركى أقرب http://www.sudanforum.net/images/smilies/icon_lol.gif
خلى جمال لمن يكبر شوية http://www.sudanforum.net/images/smilies/icon_rolleyes.gif

لالا ياحاتم ياخ
ماتضايقنا في الرزق الجانا دا ياخ

-------
والله جمال حرييييييييييييييف من هسي ومعلم كبير
كان عايز
يعلمك انت زاتك
وادفع بالريال
اها قصرنا! ):

[ود المطامير]

http://www.youtube.com/watch?v=i8o1jvp4Omc

[admin]

ما اصلو فى عمة ربط ..كدى اسال ود الصول"[/quote]


عليك الله اشرحوها لينا دي شكلها ساهل و"شال" بلفها ليك


ماعارفة
لكن اللبس السوداني دا
عنده نكهة خااااصة والله

جلابية مع عمة مع شال
حاجة ما تخلص



------
جمال ولدي ماشاء الله تبارك الله
من هسي
خبير في لبس العمة
ممكن تدفع بالاخضر
ونخليه يديك حصص في
افضل الطرق للبس العمة

انتي عارفه يامدنية قبل ارجع السودان الناس كلها حذروني قالوا لي الناس بقت بتاعت مصالح .. والاخو ببيع اخوهو عادي .. ومافي زول بيعمل حاجه لي الله اي زول داير حقو .. صحي الكلام دا ولا الناس ديل بكضبو علي كانو




لو الحكاية فيها اللخدر أنا وعركى أقرب http://www.sudanforum.net/images/smilies/icon_lol.gif
خلى جمال لمن يكبر شوية http://www.sudanforum.net/images/smilies/icon_rolleyes.gif

الصراحة وبدون زعل ياحاتم ما بتلحق عركي .. بلفها لفة صاحه تقول كان بدرسوها ليهم في كلية الشرطة


لو العمة توتل أصلى براها بتستعدل ! والكلام ده إعتبروا درس نمرة واحد ... يالله أعمل تحويل http://www.sudanforum.net/images/smilies/icon_rolleyes.gif


كتر خيرك معلومه مهمه .. بس في فيديو ودالمطامير دا تحت عمك لف العمه لفه واحد في اتجاه واحد .. لكن انا شفتا ناس بلفوها في اتجاهات وزوايا مختلفة .. انت رايك شنو؟

ما تخاف الحساب ولد بس بعد التخرج من الجامعه العمويه


لالا ياحاتم ياخ
ماتضايقنا في الرزق الجانا دا ياخ

-------
والله جمال حرييييييييييييييف من هسي ومعلم كبير
كان عايز
يعلمك انت زاتك
وادفع بالريال
اها قصرنا! ):

منشار بس
انا حسه ما رديت عليك فوق
غايتو زي ما بقول ودالنعمه : مخير الله في حقو



http://www.youtube.com/watch?v=i8o1jvp4omc

لكن يامطاميروا عمة عمك دي كم متر .. ما اظنها خمسة متر "القانونية" شكلو لاعب في المواصفات والمقاييس

[مايسة]

انت عايز يعلموك بلاش -

هسي لبس العمة دا داير ليهو درس عصر كمان :o

تخريمة: انت خامي الناس دي كلها في رد واحد ليه -
عايز تخفف على المنتدى العيشة ولا شنو:p

[حاتم مرزوق]

http://www.youtube.com/watch?v=i8o1jvp4Omc


اللهم أجعل قبرى روضة من رياض الجنّه

شنو يا ود المطامير قلت احسن تعتمد على نفسك ولا شنو http://www.sudanforum.net/images/smilies/biggrin.gif

وينك كده ؟

[مايسة]

ممكن تدفع بالاخضر
ونخليه يديك حصص في
افضل الطرق للبس العمة




لو الحكاية فيها اللخدر أنا وعركى أقرب http://www.sudanforum.net/images/smilies/icon_lol.gif
خلى جمال لمن يكبر شوية http://www.sudanforum.net/images/smilies/icon_rolleyes.gif


كدي خلوهو يدفع 585 ج أول :cool:

[مدنيّة]

كدي خلوهو يدفع 585 ج أول :cool:

مبالغة لكن لقيتك
بالمرصاد
هههههههههههههههههههههههه

[حاتم مرزوق]

كدي خلوهو يدفع 585 ج أول :cool:

يعنى الناس مما يسمعوا باللخدر يجيبوا دفاترهم http://www.sudanforum.net/images/smilies/biggrin.gif

[مدنيّة]

تخريمة: انت خامي الناس دي كلها في رد واحد ليه -
عايز تخفف على المنتدى العيشة ولا شنو:p

بعدين انتي الليلة شنو شيل الحال الاسفيري دا!
ههههههههههههههههههههههه

--------
الناس بتمر بيها زروف ياخ
قدروها ):

[مايسة]

مبالغة لكن لقيتك
بالمرصاد
هههههههههههههههههههههههه

:o;);););)


يعنى الناس مما يسمعوا باللخدر يجيبوا دفاترهم http://www.sudanforum.net/images/smilies/biggrin.gif


دا حالتو لسى صاحب (585ج) ما جا
لو جا يمكن يطالب بحاجات تانية :o

[ود المطامير]

اللهم أجعل قبرى روضة من رياض الجنّه

شنو يا ود المطامير قلت احسن تعتمد على نفسك ولا شنو http://www.sudanforum.net/images/smilies/biggrin.gif

وينك كده ؟
الحبيب
مشتاااااااااااااااااااقين يعلم الله

ياخ المحن والمصائب كترت الزمن دا
والموت بقى بجى فجعه

كتير بقينا نسمع يقولو ليك
على الطلاق هسى إتعشى معانا بس وصل البيت
إتكى التكيه اللى إياها

علشان كدا يا حبيب قلبى فكينا طريق ومسكنا طريق ;)

[مايسة]

بعدين انتي الليلة شنو شيل الحال الاسفيري دا!
ههههههههههههههههههههههه

--------
الناس بتمر بيها زروف ياخ
قدروها ):


يختي يمكن اقبض ان شاء الله تحت الطربيزة :cool::p

وبعدين استاذ حاتم فاتح محل للجلاليب والآدمن محل عمم -

تاني فضل شنو - :rolleyes:

[admin]

انت عايز يعلموك بلاش -

هسي لبس العمة دا داير ليهو درس عصر كمان :o

تخريمة: انت خامي الناس دي كلها في رد واحد ليه -
عايز تخفف على المنتدى العيشة ولا شنو:p



كدي خلوهو يدفع 585 ج أول :cool:

بارك الله في من زار وخفا
585 حقت شنو؟ انا ما متذكر اي حاجه .. وخطك دا ذاتو ما قادر اقراهو .. وحقو الزول ينوم بدري الليله

[admin]

يعنى الناس مما يسمعوا باللخدر يجيبوا دفاترهم http://www.sudanforum.net/images/smilies/biggrin.gif

قالوا في المثل : مفطوم اللبن ما بسكتو اللولاي

[admin]

يختي يمكن اقبض ان شاء الله تحت الطربيزة :cool::p

وبعدين استاذ حاتم فاتح محل للجلاليب والآدمن محل عمم -

تاني فضل شنو - :rolleyes:

وين ياميسو انت ياخ مشتاقين

قالوا الخواف ربي عيالو
والسترة والفضيحة متباريات
بعد ما كنت داير ارد زي الناس جريت واطي

وامي بتسلم عليك وبتقول ليك خف علينا شويه (وحقك محفوظ 10%) مما يرزق الله به من ربح

[حاتم مرزوق]

وين ياميسو انت ياخ مشتاقين

قالوا الخواف ربي عيالو
والسترة والفضيحة متباريات
بعد ما كنت داير ارد زي الناس جريت واطي

وامي بتسلم عليك وبتقول ليك خف علينا شويه (وحقك محفوظ 10%) مما يرزق الله به من ربح

شنو يا ادمن جليتنا ولا شنو :cool:

[admin]

شنو يا ادمن جليتنا ولا شنو :cool:

لي انت ماسك على حاجة برضو هههههههههه

احتياطا كدا ما تخاف بنمسح ليك شنبك

[admin]

طيب عشان نسهل على الناس اختار احسن عمه واحسن لفت عمه ممايلي
http://www.helalia.com/vb/uploaded/1886_1307537991.jpg

ترباس صاحب اشهر عمه ينافسه
http://www.hurriyatsudan.com/wp-content/uploads/2011/02/Husain-Khogali.jpeg

ولايقل عنهما شهره ابعاج اخوي
http://mosaabhilali.elaphblog.com/Blog/mosaabhilali/Album/SudanP24-50Piastres-1983-donatedth_f.jpg

عليك الله لاحظ رقم 8 دا مرسوم كيف في عمة البشير وعاين عمة المرغني تقول علي ما تامه خمسه متر
http://www.rayaam.info/news_images/112200840103AMP21.jpg

ولابد من العزبا
http://kashakeel.elaphblog.com/Blog/kashakeel/album/انتخاب%20الرئاسة/الصادق(1).jpg

واخيرا المستعربين
http://www9.0zz0.com/2011/06/30/10/391797642.jpg

[الملكة اسماء ( ام محمد )]

طيب عشان نسهل على الناس اختار احسن عمه واحسن لفت عمه ممايلي





وانت عِمتك وينها ؟
يمكن تكون .. احسن من ديل

[ahmed algam]

ياحلاوة الجلابية البيضاء مكوية


مع التوب .... هي قصدي العمة التوتل

والشال المجدوع فوق الكتف والعصاء


*** *** ***


لكن ماتقولي ياريس مبالغة بس

[حاتم مرزوق]

يختي يمكن اقبض ان شاء الله تحت الطربيزة :cool::p

وبعدين استاذ حاتم فاتح محل للجلاليب والآدمن محل عمم -

تاني فضل شنو - :rolleyes:


أسمعى يا مايسة 5% ع السريع:d

[حاتم مرزوق]

لي انت ماسك على حاجة برضو هههههههههه

احتياطا كدا ما تخاف بنمسح ليك شنبك

أيوه ماسك أرفع النسبة:)

[ahmed algam]

شوف ععمة ود الجبل دي كيف ياريس


http://i55.tinypic.com/2eee806.jpg

[خالد أحمد الصول]

أخي ابوبكر
كنت من الذين يعانون كثيرا جدا في لف العمة ..ز و كانت دائما ما تتراخي و تتهدل حتي تسيل أطرافها في كتفي و كنت أتعب جدا حتي أملصها ثم أضعها في داخل العربية ... فترقيت قليلا و صرت أعتمد علي المرايا إعتمادا كليا ... فهي ترشدني لمكان الضعف و الاهتراء و الفط في لف العمامة ... فكانت تبدو مرتبة و ما أن تخرج بها و مع أول لوليحة لرأسك تجدها قد تهاوت و اصبحت كالتورتة و لاتجد لك مرايا لظبطها مرة أخري ... حتي شاهدت الاخ الاستاذ عبد الحليم سر الختم وهو يلف عمته بطريقة جميلة جدا جعلت العمة مرتبة و أنيقة و ثابتة لا تتأثر أبدا بالاحوال الجوية ... و كمان تظهر محاسن العمة فيبدو للناظر طرفها المشغول بالحرير يعطيها جمالا و رونق ... فاسررت هذا المنظر و عندما رجعت للمنزل تدربت عليه مرات عديدة و أخالني قد أتقنته ... و اليك ما تعلمت
أولا: فك العمة كلها و ضعها في سرير بقربك ثم أمسك بالطرف المشغول منها في يدك اليسار و قدر مسافة تظهر الجزء المشغول ثم ابدا بلف الجزء المشغول من العمة و أعمل علي أن تكون اول لفة متقنة و مشدودة حتي تكون هي الاساس للف العمة ثم ابدا بالف من الجانب الايمن أولا مع ترك الجزء المشغول في أعلي رأسك ... و بعد أن تكون قد إنتهيت من الجزء الإيمن قم بتكملة الفراغات في الجزء الايسر حتي تكاد أن تنتهي فتقوم بحشر الجزء الاخير من العمة في منطقة الرأس مع تثبيته تثبيتا جيدا جدا حتي لا تنهدل العمة ... و أخيرا ترجع الي الجزء المشغول الذي تركته في رأسك لتقوم بتدليته في العمة جهه الوجه فيظهر الجزء المشغول جميلا جدا ...
و نصيحة أخري: علي المبتدئين في العمة إختيارها من قماش (الكنيبو) لمايتميز به من عدم الكرمشة و سهولة اللف

[admin]

وانت عِمتك وينها ؟
يمكن تكون .. احسن من ديل

اول ما اتعلم بتصور واوريك ليها جلالتك واحنا في ديك الساعة المباركه

[admin]

ياحلاوة الجلابية البيضاء مكوية


مع التوب .... هي قصدي العمة التوتل

والشال المجدوع فوق الكتف والعصاء


*** *** ***


لكن ماتقولي ياريس مبالغة بس

التوب وسيد التوب .. وسروال ومركوب .. و"وعمه" وسديري

[admin]

أيوه ماسك أرفع النسبة:)

ابشر
خلاص النسبه مناصفه بينكم ومافي داعي للمحاكم

[admin]

شوف ععمة ود الجبل دي كيف ياريس


http://i55.tinypic.com/2eee806.jpg

من قبيل قاعد اعاين ليها واقول حسه بتقع .. حسه بتتفكا
ياخي دي عمه وبرنده وزريبه في الشارع

[admin]

أخي ابوبكر
كنت من الذين يعانون كثيرا جدا في لف العمة ..ز و كانت دائما ما تتراخي و تتهدل حتي تسيل أطرافها في كتفي و كنت أتعب جدا حتي أملصها ثم أضعها في داخل العربية ... فترقيت قليلا و صرت أعتمد علي المرايا إعتمادا كليا ... فهي ترشدني لمكان الضعف و الاهتراء و الفط في لف العمامة ... فكانت تبدو مرتبة و ما أن تخرج بها و مع أول لوليحة لرأسك تجدها قد تهاوت و اصبحت كالتورتة و لاتجد لك مرايا لظبطها مرة أخري ... حتي شاهدت الاخ الاستاذ عبد الحليم سر الختم وهو يلف عمته بطريقة جميلة جدا جعلت العمة مرتبة و أنيقة و ثابتة لا تتأثر أبدا بالاحوال الجوية ... و كمان تظهر محاسن العمة فيبدو للناظر طرفها المشغول بالحرير يعطيها جمالا و رونق ... فاسررت هذا المنظر و عندما رجعت للمنزل تدربت عليه مرات عديدة و أخالني قد أتقنته ... و اليك ما تعلمت
أولا: فك العمة كلها و ضعها في سرير بقربك ثم أمسك بالطرف المشغول منها في يدك اليسار و قدر مسافة تظهر الجزء المشغول ثم ابدا بلف الجزء المشغول من العمة و أعمل علي أن تكون اول لفة متقنة و مشدودة حتي تكون هي الاساس للف العمة ثم ابدا بالف من الجانب الايمن أولا مع ترك الجزء المشغول في أعلي رأسك ... و بعد أن تكون قد إنتهيت من الجزء الإيمن قم بتكملة الفراغات في الجزء الايسر حتي تكاد أن تنتهي فتقوم بحشر الجزء الاخير من العمة في منطقة الرأس مع تثبيته تثبيتا جيدا جدا حتي لا تنهدل العمة ... و أخيرا ترجع الي الجزء المشغول الذي تركته في رأسك لتقوم بتدليته في العمة جهه الوجه فيظهر الجزء المشغول جميلا جدا ...
و نصيحة أخري: علي المبتدئين في العمة إختيارها من قماش (الكنيبو) لمايتميز به من عدم الكرمشة و سهولة اللف

شرح شكلو واضح شديد. مافي كورسات تدريب عملية ولا نمشي نشوف المصدر
وكنيبو دا نجيبو من وين؟ يامغتربين ما تلحقونا بي "سبعة" متر كنيبو اصلي. زيادة الامتار حتي تتناسب العمه مع اطراف الجسم الاخرى

[بدر الدين محمد]

هل العمه في طريقها للاندثار؟ يلاحظ في الاونه الاخيره اكتفاء الشباب بلبس الطواقي الملونه وترك العمه. وياحليل زمن العمه الاجبارية في المدرسة كما تظهر في الصورة التى ارفقها لنا دكتور بدرالدين مؤخرا.
يمكنني الاعتراف بانني وحتى هذه اللحظه ما حصل "لفيتا صاح" وخلال محولاتي التدريبيه كلها مافي زول قال لي كدا تمام. فقلت ياخي اشوف الطرق العلمية والتنظيريه في لبس العمه.
تختلف طريقة اللبس حسب طول العمه ونوع قماشا وكذلك تختلف حسب الانتماءات السياسية والقبايلية وحسب الروقه الماليه والاجتماعيه. وطرق اللف بالتالي مختلفه تلقى واحدة مجبصه وواحدة كل دقيقه تقع زي توب الهزاز. وفي لفات ذات قطر واسع واخريات ضيقة النطاق.

فعليكم الله ورونا افضل الطرق للبس العمه واختيارها حتى تخرج بصورة مشرفه



مشقاقه: حسه تجيك واحدة تقول ليك في عمه "ربط"

معليش للحضور متأخر ... والبجي متأخر في المدرسة الاميرية كان بياخد جلدة جامدة
شكرا على الاشارة للصورة والتي نزلت في موقعين في المنتدى للفائدة وهي الاثر الوحيد لدفعتنا في المدرسة الاميرية وقد ارسلها لي الاخ مجدي عبد الحليم خليفة في الفيس بوك

في العام 1969 دخلت دفعتنا المدرسة الاميرية وانتقلنا من الجلابية فقط (في الاولية) الى الجلابية والعمة في (الوسطى) وكانت يومها من التوتال الناصع البياض وكانت احسن الصناعات من انجلترا وسويسرا .. تكبد الاهل المشاق ووفروا لنا العمامة التوتال السويسرية .. رجعت للمرجع الاول في تلبيس العمة وهو جدي لامي عوض مصطفى وبرم العمة في رأسي الصغير.. ومن يومها وكعادة طلاب المدرسة كل صار يبحث عن طريقة متميزة (ستايل) ولو رجعتو للصورة تشوفوا الاساتايلات
في العام 1971 تقريبا تم تغيير الزي المدرسي الى الرداء والقميص الكاكي
وجميع المدارس التزمت عدا مدرستي الهوارة والاميرية مما ساعدنا في التهرب من بيوليس الحركة عنما يقبضنا مترادفين في البسكليتة طوالي نقول نحنا من الهوارة وبالتالي نضمن عدم متابعة الملاحقة البوليسية

واختم بنكتة ...
الراجل قال لي صاحبو المتدين والذي يلبس عمة قصيرة ومشدودة ومكربة على رأسه قال ليه والله عمتك دي ما تطلع الا بمفتاح البيبسي

[الملكة اسماء ( ام محمد )]

اول ما اتعلم بتصور واوريك ليها جلالتك واحنا في ديك الساعة المباركه

استنى

وراي شنو ؟

[ود المطامير]

أخي ابوبكر
كنت من الذين يعانون كثيرا جدا في لف العمة ..ز و كانت دائما ما تتراخي و تتهدل حتي تسيل أطرافها في كتفي و كنت أتعب جدا حتي أملصها ثم أضعها في داخل العربية ... فترقيت قليلا و صرت أعتمد علي المرايا إعتمادا كليا ... فهي ترشدني لمكان الضعف و الاهتراء و الفط في لف العمامة ... فكانت تبدو مرتبة و ما أن تخرج بها و مع أول لوليحة لرأسك تجدها قد تهاوت و اصبحت كالتورتة و لاتجد لك مرايا لظبطها مرة أخري ... حتي شاهدت الاخ الاستاذ عبد الحليم سر الختم وهو يلف عمته بطريقة جميلة جدا جعلت العمة مرتبة و أنيقة و ثابتة لا تتأثر أبدا بالاحوال الجوية ... و كمان تظهر محاسن العمة فيبدو للناظر طرفها المشغول بالحرير يعطيها جمالا و رونق ... فاسررت هذا المنظر و عندما رجعت للمنزل تدربت عليه مرات عديدة و أخالني قد أتقنته ... و اليك ما تعلمت
أولا: فك العمة كلها و ضعها في سرير بقربك ثم أمسك بالطرف المشغول منها في يدك اليسار و قدر مسافة تظهر الجزء المشغول ثم ابدا بلف الجزء المشغول من العمة و أعمل علي أن تكون اول لفة متقنة و مشدودة حتي تكون هي الاساس للف العمة ثم ابدا بالف من الجانب الايمن أولا مع ترك الجزء المشغول في أعلي رأسك ... و بعد أن تكون قد إنتهيت من الجزء الإيمن قم بتكملة الفراغات في الجزء الايسر حتي تكاد أن تنتهي فتقوم بحشر الجزء الاخير من العمة في منطقة الرأس مع تثبيته تثبيتا جيدا جدا حتي لا تنهدل العمة ... و أخيرا ترجع الي الجزء المشغول الذي تركته في رأسك لتقوم بتدليته في العمة جهه الوجه فيظهر الجزء المشغول جميلا جدا ...
و نصيحة أخري: علي المبتدئين في العمة إختيارها من قماش (الكنيبو) لمايتميز به من عدم الكرمشة و سهولة اللف
وحات أمى
أبله نظيره ما تلحقك ;)

[المسافر]

عاين جاي يا زول
عشان تتدرب لبس العمة لازم تجازف بحياتك . .
أول شيء وإنت هسه واقف في الاوضة ألفح ملاية السرير وما تلاوز من مرتك ( نهرة وتفوت ولا حد يموت ) أمسك طرف الملاية من الجهة ( الشمالية الشرقية ) وضم إليها الطرف ( الشمالي الغربي ) وأبرمها كما يبرم السجارة ال( ....... ) ثم ضع بداية الملاية عن ( أضانك الشمال ) ههههههههه وثبتها بإيدك اليمين ثم تحرك حول نفسك ( عكس عقارب الساعة ) حتى نهاية الملاية ومن ثم ضعه عند أضانك اليمين .

إنت الجابك من أمريكا للعذاب ده شنو ، عملت لينا دوشة

[ود المطامير]

العم الحبيب صالح أبوشوارب
كانت لديه صوره هنى والعمّه فيها منتهى الروعه

[admin]

معليش للحضور متأخر ... والبجي متأخر في المدرسة الاميرية كان بياخد جلدة جامدة
شكرا على الاشارة للصورة والتي نزلت في موقعين في المنتدى للفائدة وهي الاثر الوحيد لدفعتنا في المدرسة الاميرية وقد ارسلها لي الاخ مجدي عبد الحليم خليفة في الفيس بوك

في العام 1969 دخلت دفعتنا المدرسة الاميرية وانتقلنا من الجلابية فقط (في الاولية) الى الجلابية والعمة في (الوسطى) وكانت يومها من التوتال الناصع البياض وكانت احسن الصناعات من انجلترا وسويسرا .. تكبد الاهل المشاق ووفروا لنا العمامة التوتال السويسرية .. رجعت للمرجع الاول في تلبيس العمة وهو جدي لامي عوض مصطفى وبرم العمة في رأسي الصغير.. ومن يومها وكعادة طلاب المدرسة كل صار يبحث عن طريقة متميزة (ستايل) ولو رجعتو للصورة تشوفوا الاساتايلات
في العام 1971 تقريبا تم تغيير الزي المدرسي الى الرداء والقميص الكاكي
وجميع المدارس التزمت عدا مدرستي الهوارة والاميرية مما ساعدنا في التهرب من بيوليس الحركة عنما يقبضنا مترادفين في البسكليتة طوالي نقول نحنا من الهوارة وبالتالي نضمن عدم متابعة الملاحقة البوليسية

واختم بنكتة ...
الراجل قال لي صاحبو المتدين والذي يلبس عمة قصيرة ومشدودة ومكربة على رأسه قال ليه والله عمتك دي ما تطلع الا بمفتاح البيبسي

اعجبتني الصورة جدا وخلتني احس بخطورة الموقف. فقلت اهمية زينا الوطني في هذا الزمان. واصبح القليلون فقط من يهتمون بارتداء العمه

[admin]

استنى

وراي شنو ؟

اخوك بتعلم سريع ولو غلبتني بكبر الطاقيه

[ودسمير]

ماعارفة
لكن اللبس السوداني دا
عنده نكهة خااااصة والله

جلابية مع عمة مع شال
حاجة ما تخلص



------
جمال ولدي ماشاء الله تبارك الله
من هسي
خبير في لبس العمة
ممكن تدفع بالاخضر
ونخليه يديك حصص في
افضل الطرق للبس العمة




انتى من زمن الاخضر .. ما كلو راح ...حتى الكتاب الا......

[ودسمير]

عاين جاي يا زول
عشان تتدرب لبس العمة لازم تجازف بحياتك . .
أول شيء وإنت هسه واقف في الاوضة ألفح ملاية السرير وما تلاوز من مرتك ( نهرة وتفوت ولا حد يموت ) أمسك طرف الملاية من الجهة ( الشمالية الشرقية ) وضم إليها الطرف ( الشمالي الغربي ) وأبرمها كما يبرم السجارة ال( ....... ) ثم ضع بداية الملاية عن ( أضانك الشمال ) ههههههههه وثبتها بإيدك اليمين ثم تحرك حول نفسك ( عكس عقارب الساعة ) حتى نهاية الملاية ومن ثم ضعه عند أضانك اليمين .

إنت الجابك من أمريكا للعذاب ده شنو ، عملت لينا دوشة




ممكن كيس المخده يكون طاقيه ؟!

جا من امريكا شان يلف العمه ...

[admin]

عاين جاي يا زول
عشان تتدرب لبس العمة لازم تجازف بحياتك . .
أول شيء وإنت هسه واقف في الاوضة ألفح ملاية السرير وما تلاوز من مرتك ( نهرة وتفوت ولا حد يموت ) أمسك طرف الملاية من الجهة ( الشمالية الشرقية ) وضم إليها الطرف ( الشمالي الغربي ) وأبرمها كما يبرم السجارة ال( ....... ) ثم ضع بداية الملاية عن ( أضانك الشمال ) ههههههههه وثبتها بإيدك اليمين ثم تحرك حول نفسك ( عكس عقارب الساعة ) حتى نهاية الملاية ومن ثم ضعه عند أضانك اليمين .

إنت الجابك من أمريكا للعذاب ده شنو ، عملت لينا دوشة

هو انا معقول اسمع كلامك انتا ذاتك ما اظن تكون لبستا عمه قبل كدا. غايتو الا تكون ثبتها بي شطرطون

مشقاقه: قلتا لاخوي انا جاي الامارات اجرب حظي ما دام ناس السودان خرتونا. قال تعال طوالي ايجار السرير في بيت العزابه بي ٦٠٠درهم والتذكرة ون واي بي ٤٠٠درهم. قلتا ليهو الغي السرير انا بنوم في الطيارة

[admin]

العم الحبيب صالح أبوشوارب
كانت لديه صوره هنى والعمّه فيها منتهى الروعه

انت زول اصيل ياودالمطامير. وفعلا حبيبنا ابوشوارب كان عندو صورة جميلة جدا بالعمه وكانت عاجباهو خالص لكن قدر ما فتشتها ما لقيتها

[admin]

ممكن كيس المخده يكون طاقيه ؟!

جا من امريكا شان يلف العمه ...

وانت جيت من الهند عشان تلف شنو؟

انا عارف كلام الجلايب والعمم دا ما بتدورو.. انتو ما افرنجي بس هههههههه

[ودسمير]

شباب كتيرين عندهم مشكله فى لبس وربط الكرفته ... وبقو يخلوها مربوطه حتى يسهل لبسها مره اخرى ...

اما العمه فهى اصلا ليست للشباب فى زمننا هذا ...

اما اذا وصلت مرحلة لبس العمه للمناسبات من افراح واتراح .. فان شاء الله ستجد من يعلمك لبس العمه ... وقالو احسن تتعلم بى لبس العمه ( العذبه ) فهى ساهله بس عندها ضنب ..

ولبس العمه معناها انك خلاص بلغت من الكبر عتيا ..

قصه طريفه ..

طلب ابراهيم الزومه ( شايقى ساخر ) من احد النساء ان تقرأ له خطابا ارسله له ولده وكان ابراهيم الزومه يلبس جلابيه ورابط العمه ( فى السلك ) فقالت له المراة بالله عليك بى عمتك السمحه دى وما بتعرف تقرأ !

فخلع الزومه العمه والبسها للمرأه وقال لها : خلاص أفهمى وأقرى انتى ....

[حاتم مرزوق]

انت زول اصيل ياودالمطامير. وفعلا حبيبنا ابوشوارب كان عندو صورة جميلة جدا بالعمه وكانت عاجباهو خالص لكن قدر ما فتشتها ما لقيتها

http://www.google.com.sa/url?source=imglanding&ct=img&q=http://www.madaninet.com/vb/watermark.php?src=http://www7.0zz0.com/2010/09/10/21/732983439.jpg&sa=X&ei=XMCMTrL-G5T04QSKuPisCQ&ved=0CAkQ8wc&usg=AFQjCNHbNA-6d94vAcJYmLZ4PM-LYV7pBw

[admin]

ربنا يطراه بالخير ويواليه بالصحة والعافية. انا قصدي الصورة دي
http://wadmadani.com/vb/image.php?u=891&dateline=1264482573
13767

[الملكة اسماء ( ام محمد )]

اخوك بتعلم سريع ولو غلبتني بكبر الطاقيه

غايتو الشغلانية شكلها ح تطول

اديك اقتراح طوارئ بس ماتتعود الكسل

امشي للترزي واطلب منه ياخد مقاس راسك ويفصل ليك وحدة ( يلفها ) ويخليها جاهزة للبس

بس المشكلة .. يغسلوها الزااااااي بعدين


هنا ماف حل غير تلبسها في الاعياد بسسسس

[الملكة اسماء ( ام محمد )]

ربنا يطراه بالخير ويواليه بالصحة والعافية. انا قصدي الصورة دي
http://wadmadani.com/vb/image.php?u=891&dateline=1264482573
13767


http://www.google.com.sa/url?source=imglanding&ct=img&q=http://www.madaninet.com/vb/watermark.php?src=http://www7.0zz0.com/2010/09/10/21/732983439.jpg&sa=X&ei=XMCMTrL-G5T04QSKuPisCQ&ved=0CAkQ8wc&usg=AFQjCNHbNA-6d94vAcJYmLZ4PM-LYV7pBw

هو في كلا الصورتين صاحب اطيب قلب عرفته عبر الاسفير


همسة : لعمري ان القلب يقطر دما حين يراه بهذه الحال

ربنا يبشرنا بجميل تواجده وعطر حرفه من جديد

[بدر الدين محمد]

الاثر الذي تركته فينا المدرسة الاميرية ... الصورة في احتفالات الشمعة (8)

[حاتم مرزوق]

أهو عمتك دى يا بدر الدين عمة فنانين ملفوفة بعناية وبصراحة تستحق اللقب لهذا العام

[ريمون]

يا ادمن احسن ليك اقبض في بدر الدين كويس ..
عمته رهيييبه ..
عاين ..
يوم الاحتفال جاي بي عمه ولا شنو ؟؟!!

[ود المطامير]

ربنا يطراه بالخير ويواليه بالصحة والعافية. انا قصدي الصورة دي
http://wadmadani.com/vb/image.php?u=891&dateline=1264482573
13767
الله ينور عليك يا عمده

هى دى الصوره

ولحبيبنا العم أبوشوارب

كل الأمانى الطيبه

[ahmed algam]

http://www.google.com.sa/url?source=imglanding&ct=img&q=http://www.madaninet.com/vb/watermark.php?src=http://www7.0zz0.com/2010/09/10/21/732983439.jpg&sa=X&ei=XMCMTrL-G5T04QSKuPisCQ&ved=0CAkQ8wc&usg=AFQjCNHbNA-6d94vAcJYmLZ4PM-LYV7pBw


ربنا يطراه بالخير ويواليه بالصحة والعافية. انا قصدي الصورة دي
http://wadmadani.com/vb/image.php?u=891&dateline=1264482573
13767



http://i55.tinypic.com/izrlur.jpg




ربنا يديك الصحة والعافية عموصالح ابو شوارب

[ahmed algam]

صور عمم من داخل المنتدي


اعزل بس ياريس


http://i55.tinypic.com/2u53khi.jpg


http://i51.tinypic.com/k9ezxe.jpg


http://i54.tinypic.com/df7hw6.jpg


http://i55.tinypic.com/117y77s.jpg



http://i56.tinypic.com/28a6yzb.jpg



http://i56.tinypic.com/i5yjpl.jpg


http://i53.tinypic.com/2ziyq9s.jpg



http://i56.tinypic.com/r85mqo.jpg

[admin]

غايتو الشغلانية شكلها ح تطول

اديك اقتراح طوارئ بس ماتتعود الكسل

امشي للترزي واطلب منه ياخد مقاس راسك ويفصل ليك وحدة ( يلفها ) ويخليها جاهزة للبس

بس المشكلة .. يغسلوها الزااااااي بعدين


هنا ماف حل غير تلبسها في الاعياد بسسسس
افكار ملكيه يا ملكه. بس الزول بعد ما يستلمها من الترزي يكتر ليها صباع امير

[admin]

الاثر الذي تركته فينا المدرسة الاميرية ... الصورة في احتفالات الشمعة (8)

مافي كلام يابدرالدين عمه ولفه تمام. دي توتال اصلي ولا كينبو القال عليهو خالد الصول داك

[admin]

[COLOR="red"][B]

صور عمم من داخل المنتدي


اعزل بس ياريس




صور جميله وذكريات اجمل ومرورك في بوست ياعلقم اضافة حقيقية

انا بعزل عمة سعادتو امير عبداللطيف لكن على شرط بي حدرتا

[admin]

يا ادمن احسن ليك اقبض في بدر الدين كويس ..
عمته رهيييبه ..
عاين ..
يوم الاحتفال جاي بي عمه ولا شنو ؟؟!!

فعلا عمة بدرالدين فاهمه شديد

دا كلامك يوم الاحتفال جلابيه وعمة وتوب كمان

[بدر الدين محمد]

مافي كلام يابدرالدين عمه ولفه تمام. دي توتال اصلي ولا كينبو القال عليهو خالد الصول داك

اسرار.. اسرار .. اسرا
اجمل شئ في لفة العمة ان تكون في شكل 8 (بالعربي) فوق الجبين .. لاحظو عمة امير عبد اللطيف
ان لا تشد وتكرب على الرأس حتى لا يتم خلعها باستخدام مفتاح البيبسي
ان لا تكون حلقاتها مسطحة بل مهفهفة دون اخلال بالمكوة
ان لا تقل عن اربعة ونص متر ولا تزيد
ان تكون من التوتال السويسري او الانجليزي
تجنب المبالغة في الحجم (ترباس... ود الجبل.. القلع... حسين خوجلي)
العذبة المتدلية في الخلف او على الكتف اجمل من الجزء المطرز الذي يتم جدعه في الوش
والله اعلم

[بدر الدين محمد]

عنما افتتح السفير السوداني في القاهرة معرض التشكيليين السودانيين في متحف محمود مختار حضرت المناسبة بالعمة فجاءتني مراسلة الاذاعة البريطانية (لبنانية) طلبت معي حوار بدأت اتحدث عن المعرض فقاطعتني انني اود ان يكون الحوار عن هذه العمامة التي تلبسها

[بدر الدين محمد]

اما قصة السنغالي الذي جائ ليدرس في جامعة افريقيا العالمية فهي عندهم لون العمة يشكل درجة الطالب والعمة البيضاء تعني عندهم (عالم)
فعندما نزل من الطائرة وجد ان كل السودانيين يلبسون العمة البيضاء فاندهش من السودانيين(كلهم علماء)

[مايسة]

وين ياميسو انت ياخ مشتاقين

قالوا الخواف ربي عيالو
والسترة والفضيحة متباريات
بعد ما كنت داير ارد زي الناس جريت واطي

وامي بتسلم عليك وبتقول ليك خف علينا شويه (وحقك محفوظ 10%) مما يرزق الله به من ربح


غايتو جنس غايتو -
خلاص عشان جريت واطي عفيناك من النسبة زاتو -

بس محل الشمارات محتاج راس مال :cool:

[مايسة]

أسمعى يا مايسة 5% ع السريع:d


ليييييييييييييييييه برضو ماسك على حاجة :rolleyes:
أبيييييييت

[بت أم درمان]

يا جماعة في الحالة دي نحن مضطرين
نعمل مسابقة لإختيار أجمل لفة عمة
وفي الحالة دي مضطرين برضو
نطالب كل الاعضاء بلف عماماتهم
ويصوروا لينا الحدث لف العمة من البداية
وحتى النهاية خطوة خطوة و الجمهور يختار

[ود الجعلي]

ههههههههههههههه

[admin]

اسرار.. اسرار .. اسرا
اجمل شئ في لفة العمة ان تكون في شكل 8 (بالعربي) فوق الجبين .. لاحظو عمة امير عبد اللطيف
ان لا تشد وتكرب على الرأس حتى لا يتم خلعها باستخدام مفتاح البيبسي
ان لا تكون حلقاتها مسطحة بل مهفهفة دون اخلال بالمكوة
ان لا تقل عن اربعة ونص متر ولا تزيد
ان تكون من التوتال السويسري او الانجليزي
تجنب المبالغة في الحجم (ترباس... ود الجبل.. القلع... حسين خوجلي)
العذبة المتدلية في الخلف او على الكتف اجمل من الجزء المطرز الذي يتم جدعه في الوش
والله اعلم

فعلا الثمانية لازم تكون في النص وتكون ظاهرة
زنون بدر موسي معلمي العممي اداني سر العمه الثمانينيه لكن ما اداني حق النشر لسه. بس الطريقه ساهله وعملية وتم اعتمادها كخارطة طريق لعمه ذات لفه احترافية

@ احترافيه يعني تلفها بطريقة سليمه دون الحاجة لمرايا او مدرب

[admin]

غايتو جنس غايتو -
خلاص عشان جريت واطي عفيناك من النسبة زاتو -

بس محل الشمارات محتاج راس مال :cool:

محل الشمارات دا شفتي ولا جابو ليك؟

[admin]

يا جماعة في الحالة دي نحن مضطرين
نعمل مسابقة لإختيار أجمل لفة عمة
وفي الحالة دي مضطرين برضو
نطالب كل الاعضاء بلف عماماتهم
ويصوروا لينا الحدث لف العمة من البداية
وحتى النهاية خطوة خطوة و الجمهور يختار

مقترح جميل رايك شنو احتفال الشمعه التاسعه يكون تحت شعار
الزي الوطني ياودمدني
الرجال جلاليب وعمم والنسوان تياب جاكار ولا ابقجيجه

[admin]

ههههههههههههههه

اضحك الله سنك ياودالجعلي وكفاك شر البمبان قالوا علبتو حصلت ستة الف

[samia]

إنت حاول لف العمة كم مرة حتي تجيدها ولو فشلت يكفيك شرف المحاولة -لأن سلم لا تستطيع تسلقه ويداك في جيبك

[بت أم درمان]

مقترح جميل رايك شنو احتفال الشمعه التاسعه يكون تحت شعار
الزي الوطني ياودمدني
الرجال جلاليب وعمم والنسوان تياب جاكار ولا ابقجيجه

شعار جميل والله
نفذوا الفكرة ونحن بانتظار الصور
لإختيار أجمل لفة عمة :)

[المسافر]

ممكن كيس المخده يكون طاقيه ؟!
جا من امريكا شان يلف العمه ...




الملاية قلنا معليش ممكن يتتحمل ليهو كم ( نهرة كده )
لكن كمان كيس المخدة ، ممكن تجيهو غطا حلة طاير
الزول ما ناقص اليومين ديل

[المسافر]

هو انا معقول اسمع كلامك انتا ذاتك ما اظن تكون لبستا عمه قبل كدا. غايتو الا تكون ثبتها بي شطرطون

مشقاقه: قلتا لاخوي انا جاي الامارات اجرب حظي ما دام ناس السودان خرتونا. قال تعال طوالي ايجار السرير في بيت العزابه بي ٦٠٠درهم والتذكرة ون واي بي ٤٠٠درهم. قلتا ليهو الغي السرير انا بنوم في الطيارة




ههههههههههههههه
هو أنا أساسا عمتي بلبسها بشناكل في الأضنين

والكلام ده فعلاً وهسه أنا بفتش في سكن في طيارة
بوينج 737 بس قالوا لي حمامات صغيرة والواحد
إلا يستحمى ( حيّ وووب )

لكن لو جيتنا أنا بجازف ليك طيارة رش عشان
إنت ضيف بس

[بحيرى]

يا ادمن ....
انا شايف الموضوع ده طويل .... اطول من اغنية ود الامين بتتعلم من الايام ...
هسه حصل شفت ود الامين ده لافى عمه ....
كذلك الناس المميزين ...

[مرتضى يوسف العركي]

لو الحكاية فيها اللخدر أنا وعركى أقرب http://www.sudanforum.net/images/smilies/icon_lol.gif
خلى جمال لمن يكبر شوية http://www.sudanforum.net/images/smilies/icon_rolleyes.gif

الحبيب الادمن
قرط على كلام الحبيب حاتم فتحي ورسل التشادير وبطل الهرج والبربرة الكتيرة ما بتقدر ؟؟؟؟؟