ما هكذا ينشر الغسيل !

[ودسمير]

فى الثمانيات والتسعينات من القرن الماضى كانت الاعراس السودانيه تباع فى الخليج ( شرائط الفيديو ) وكان زوى النفوس الضعيفه يجنون اموالا من بيع تلك الاشرطه التى لها سوق رائج فى تلك الفتره ، خاصة وان اللبس ايام زماان لم يكن محتشما !
الان اصبحت قناة النيل الازرق وعلى عينك يا تاجر تقدم برنامج ( افراح افراح ) كل يوم خميس والكل داخل وخارج السودان يشاهدون للاسف الشديد الرقص الماجن والملابس الضيقه جدا والاكتاف العاريه !!
وطبعا القناة بالمجان ....

ويا انتو ... السجن بدون سجان !!

[نزار حسن محمد]

والله ياود سمبير عندما اقارن بين قناة النيل الازرق وقناة زول ..بشوف قناة النيل الازرق ذى قناة ساهرون اوطيبه يازول ناس زول ديل ببالغو عدددديل والان شايف ناس قناة الخرطوم وام درمان قالوا حيكون احسن من قناة النيل الازرق ...ولسع بكره حنشوف العجب العجاب ..قالو ا دى العولمه يابوى خليها على الله

[الجندي المجهول]

الحبيب ود سمير ،،،
كنت احسب حتى (قبل فترة قليلة) أن الشعب السوداني (محافظ على الفطنة والذكاء) اللتين يتمتع بهما !!!
حقيقة بدأ يتثرب الشك إلى نفسي (واعذب الله من شرور انفسنا وسيئات اعمالنا)
1/افراح افراح ( ما ذكرته من تعري ورقيص ماجن)
2/الجرائد الرياضية ( وما بها من الفاظ يندي لها الجبين)
3/انتشار ستات الشاي (الحبشات) بصورة لم تشهد لها البلاد مثيلاً من قبل
4/انتشار المخدرات في البقالات ....والجامعات ..الاحياء ... الخ ...

ما ذكر اعلاه هو آداة (لإلهاء الشعب ) وشغله عما يدور ...... ونتيجة لذلك حدث التالي :

5/زيادة (الوافيدن) لدار الامل والمايقوما ...
6/ارتفاع الاسعار بصورة خرافية في جميع (السلع) بدون فرز
7/اندلاع الحروب في جهات مختلفة من السودان (دارفور ، النيل الازرق ، جنوب كردفان، وقريباً ..... الشرق)
8/تدهور الصحة
9/ تدهور التعليم
10/تدهور القيم والاخلاق
تخريمة : ياخي ساهور (ديل زاتهم ) بتاعين جبجبة ، وفي حلقة كان فيها (فنان مصري) وكل البنات متجهات بالموبايلات (لتصويره)
بالمناسبة الفنان هو _حمادة هلال_ (بصراحة شديدة ) الوضع اصبح خطير للغاية

واعرش على كدا يا بطل ( ودسمير)

[عبدالله محمد العقاد]

فى الثمانيات والتسعينات من القرن الماضى كانت الاعراس السودانيه تباع فى الخليج ( شرائط الفيديو ) وكان زوى النفوس الضعيفه يجنون اموالا من بيع تلك الاشرطه التى لها سوق رائج فى تلك الفتره ، خاصة وان اللبس ايام زماان لم يكن محتشما !
الان اصبحت قناة النيل الازرق وعلى عينك يا تاجر تقدم برنامج ( افراح افراح ) كل يوم خميس والكل داخل وخارج السودان يشاهدون للاسف الشديد الرقص الماجن والملابس الضيقه جدا والاكتاف العاريه !!وطبعا القناة بالمجان ....

ويا انتو ... السجن بدون سجان !!


الحبيب ود سمير وين الرقص الماجن دا ، دا رقيص عادي و رقيص شباب ما شايف فيه شي مشاتر ، معليش لو بيجيبوا رقيص عروس ممكن يرقص ماجن
لكن ديل ناس مبسوطين و زي ما قال دكتور البوني لما نشوف قناة النيل الازرق و نلقى انه لسة في ناس تعرس و تنبسط نحن زاتنا ببنبسط
الظاهر بقيت متشدد يا ود سمير

[ودسمير]

الحبيب ود سمير وين الرقص الماجن دا ، دا رقيص عادي و رقيص شباب ما شايف فيه شي مشاتر ، معليش لو بيجيبوا رقيص عروس ممكن يرقص ماجن
لكن ديل ناس مبسوطين و زي ما قال دكتور البوني لما نشوف قناة النيل الازرق و نلقى انه لسة في ناس تعرس و تنبسط نحن زاتنا ببنبسط
الظاهر بقيت متشدد يا ود سمير


يا ريت لو بقينا متشددين ما كان ده حالنا .... البلد يا ولدنا انهارت اخلاقيا ..

ممكن اكون غلطان ..

مشكور على المرور

[خالد عباس (أبوعمرو)]

ويا انتو ... السجن بدون سجان !!




القناة دي يبدو انها موجهة ( الماسونية ،،، او ما شابه ) !!

[سيف الدين الامين]

ليس دفاعـا عن قنـاة النيـل الأزرق لكنـها الحقيقة فقنـاة النيـل لا تقـوم
بتصـوير الأفـراح خلسـة أو عبر الأقمار الصناعية فالدعـوة تأتيهم وهـم في
مكانهـم أما الملابس الفاضحة للبنـات فهي مسـئولية الآباء والأمهات والأخوان
لذا لا يجب علينـا أن ( نرى الفيـل ونطـعن في ضــلو)

[حاتم عمر]

ليس دفاعـا عن قنـاة النيـل الأزرق لكنـها الحقيقة فقنـاة النيـل لا تقـوم
بتصـوير الأفـراح خلسـة أو عبر الأقمار الصناعية فالدعـوة تأتيهم وهـم في
مكانهـم أما الملابس الفاضحة للبنـات فهي مسـئولية الآباء والأمهات والأخوان
لذا لا يجب علينـا أن ( نرى الفيـل ونطـعن في ضــلو)

كلامك مظبوط يا سيف
ود سمير ( يا دفعة) موضوعك جميل وفعال

[mahagoub]

تقول لى الطياره فيها بورى
ما البلد بقت جبانه هايصه
والمصيبه ناس المخدرات هم الشباب العليهم الحمل
والخاتنهم للتقيله
والظاهر تكلنا على حيطه مايله
مايله شنو دى واقعه عديل