ــــ أعضاء المنتدى بمدينة جدة و غرائب الأسماء ــــ

[moh_alnour]

كل عام و الجميع بألف خير بمناسبة عيد الفطر المبارك و بمناسبة العيد دي
كُنا يوم الجمعة الماضي على إتفاق أنا و أخي ( الجندي المجهول ) لزيارة الأخ ( أبو عمرو )
و عند طريقنا لمنزل الجندي سألت زوجتي ( إنت ِ بت أبو عمرو الصغيرة أسمها منو ؟ )
فقالت لي و الله نسيت أسمها ، فقلت ليها و الله ناس جدة ديل قاطعين ليهم أسامي من رأسم
الواحد ما يقدر يحفظ أساميهم بسهولة إلا يسجلها في ذاكرة الهاتف أو الميموري
فأخونا ( معتز الريح ) أطلق على إبنه الأكبر أسم ( ساطع ) و على إبنته أسم ( ليّان )
و أخونا أبو عمرو أسمو الحقيقي ( حجاج ) و قد أطلق على إبنته الصُغرى أسم ( تالية )
بينما أخونا ( محمد عبد الله أبو زيد ) أطلق على بناته أسم ( ريماس ) و ( روان )
و أخونا ناصر عبده ( أبو مازن ) أطلق على إبنته الصُغرى أسم ( ميزاب )
و الأخ هيثم الخواض ( أبو لوزة ) أطلق على إبنته الصُغرى أسم ( مُزن )
و رضا ود حسن القال جدو كتل الأسد :p أطلق على أصغر أبنائه الذكور أسم ( حازم )
و أخيرا ً أطلق ( محمد النور ) على إبنه البكر أسم ( ذي يزن ) و الذي تًصر جدته
لأمه أن تُناديه بـ ( جذر ) و ذلك بعد أن صعُب الإسم عليها :D
و حسب معلوماتي المتواضعة فإن ( ذي يزن ) هو الإبن الأكبر للفنان ( أبو عركي البخيت )
أها يا أخونا شاركونا بأسماء نادرة وجدت طريقها للمجتمع السوداني في السنوات الأخيرة

[مدنيّة]

فأخونا ( معتز الريح ) أطلق على إبنئه الأكبر أسم ( ساطع ) و على إبنته أسم ( ليّان )



كدي قبل المشاركة
عدل كلامك دا
قبل ما يجيك
ويمسكها ليك للحول


-------
بوست عايز ليه جية بمزاج ياود الجاك
في أمان الله
لما نرجع ليك

[abomazeen]

كل عام و الجميع بألف خير بمناسبة عيد الفطر المبارك و بمناسبة العيد دي
كُنا يوم الجمعة الماضي على إتفاق أنا و أخي ( الجندي المجهول ) لزيارة الأخ ( أبو عمرو )
و عند طريقنا لمنزل الجندي سألت زوجتي ( إنت ِ بت أبو عمرو الصغيرة أسمها منو ؟ )
فقالت لي و الله نسيت أسمها ، فقلت ليها و الله ناس جدة ديل قاطعين ليهم أسامي من رأسم
الواحد ما يقدر يحفظ أساميهم بسهولة إلا يسجها في ذاكرة الهاتف أو الميموري
فأخونا ( معتز الريح ) أطلق على إبنئه الأكبر أسم ( ساطع ) و على إبنته أسم ( ليّان )
و أخونا أبو عمرو أسمو الحقيقي ( حجاج ) و قد أطلق على إبنته الصُغرى أسم ( تالية )
بينما أخونا ( محمد عبد الله أبو زيد ) أطلق على بناته أسم ( ريماس ) و ( روان )
و أخونا ناصر عبده ( أبو مازن ) أطلق على إبنته الصُغرى أسم ( ميزاب )
و الأخ هيثم الخواض ( أبو لوزة ) أطلق على إبنته الصُغرى أسم ( مُزن )
و رضا ود حسن القال جدو كتل الأسد :p أطلق على أصغر أبنائه الذكور أسم ( حازم )
و أخيرا ً أطلق ( محمد النور ) على إبنه البكر أسم ( ذي يزن ) و الذي تًصر جدته
لأمه أن تُناديه بـ ( جذر ) و ذلك بعد أن صعُب الإسم عليها :D
و حسب معلوماتي المتواضعة فإن ( ذي يزن ) هو الإبن الأكبر للفنان ( أبو عركي البخيت )
أها يا أخونا شاركونا بأسماء نادرة وجدت طريقها للمجتمع السوداني في السنوات الأخيرة






http://photos-e.ak.fbcdn.net/hphotos-ak-ash4/299131_10150308489612556_145055062555_7761745_7903 845_s.jpg


وش مبستم وسعيد كمان
بجيك راجع مع جية مدنية دي

[الجندي المجهول]

الحبيب محمد النور ،،،،
تحياتي ،،،،

لكن اسم حازم دا ياخي معناهو (الاسد) واسم موجود منذ عهد الازل بس بي صراحة (اسم جميل)
حازم
حازم وكمان مريخابي (على السكينة) عامل ليك في رضا عمايل
....
ريماس وروان الله يحفظهم (ابو زيد اخبرني ) معاني هذه الاسماء ولكن لا استحضرها الان .

......

بالنسبة للحبيب (ناصر /ابو مازن) اسم مازن برضو من الاسماء الموجودة منذ الازل وادل على ذلك بان (عنترة بن شداد) كان لديه صديق ( ما شيبوب)واحد تاني اسمه مازن وكذلك يوجد شاعر جاهلي اسمه مازن ...

......
اما الحبيب معتز الريح ( وبالمناسبة ) دي بقول ليهو مبرووووووووك

اسم ساطع ايضا من الاسماء الموجودة منذ الازل ويوجد منها فارس او شاعر على ما اعتقد في العصر الجاهلي
............

ابو عمرو ( طبعاً) الحجاج (الكل يعرف معنى الحجاج) وعمرو موجود وبكثرة
عمرو بن العاص
عمرو بن هند
عمرو بن كلثوم
يعني الاب والابن من التاريخ

................
اما انت يا ابو يزن
فانت اكيد اعرف عنك انك من المطلعين فاكيد مليون في المية مرت عليك سلسلة (كليلة ودمنة) وفي فحواها قصة الفارس الشجاع سيف بن زي يزن واخته (الشريرة) قمرية ....
.................
ابو لوزة (هيثم الخواض) دا كلامو برا عاوز ليهو بوست ( لوحده) وما تسالني عن السبب !!!!!!!!!!!!!
......................

اما بالنسبة للاخت مدنية فاعتقد ان اسم جمال اسم جميل ومنتشر ايضا منذ الازل ( هي محسوبة معانا في جدة صاح ولا انا غلطان) على حسب التصنيف الاخير للفيفا

تخريمة : والله انا شفت الخطأ الفوق وعملت نايم بسبب ( انك زول فردة) لكن مدنية ما ( بتستر ليهو زول) وكمان عاملة اقتباس ،، يعني بالثابتة ،،لكن اقول ليك ولا يهمك واثقين منك ...

[ايمن الطيب]

يعني ياالجندي
امش ليك بعد ده وين علشان تسلم عليه

[mahagoub]

كدى اول
كل عام وانت بخير
وربنا يحفظ ناس جده واولادهم
وهاك
ميسون
مشكاة
تسنيم
روزندا
روزلين

بالجنبه كده:
انت المدام حامل وعاوز تختار اسم؟
ههههههههههههههههه

[moh_alnour]

كدي قبل المشاركة عدل كلامك دا قبل ما يجيك و يمسكها ليك للحول

:mad: غايتو جنس غايتو :mad:

همسة : ما وريتينا أسماء المواليد في محل ما الطيارة بتقوم و الرئيس بنوم :rolleyes:

[moh_alnour]

الأخوة : أبو ميزاب و أبو حمزة و أيمن الطيب
شكرا ً للمرور و الإضافة



بالجنبه كده : إنت المدام حامل و عاوز تختار إسم ؟ ههههههههههههههههه

بالجنبة كدا : في زول قال ليك إني متزوج أرنب :mad: ولدنا يا دوبك تم تسعة شهور بس كان الله أراد فالأسماء موجودة :p

[أبوعمرو]

ودالنور...
لوكنت عارف إنك جاي علينا وما عارف أسم البت شنو كان قفلت الموبايل وعملت نائم...
تاليه: تلي يتلو تلاوة.... يعني من تلاوتة القرآن وليس تاليه بمعني نمرة 2 ...
والاسم يجمع ما بين العربي الأصيل والمودرن يعني في حناكيش كده بنطقوها زي الخواجااااااات تااااااااليه...
عموما اسم موفق من اختيار أمها ربنا يحفظهم.
عمرو: ما محتاج لي شرح
أما كبيرهم الذي علمهم السحر فهذا لاناقه لنا فيه ولا جمل

[الجندي المجهول]

الحبيب ود النور وكل المتداخلين تحياتي ،،،
طيب ما كدي زاتو شوف اسماء الاباء


طبعاً ما شاء الله اسم محمد ( متوفر ) في مجموعة كبير والحمد لله
1/ محمد عبد الله ابوزيد
2/ محمد النور
3/ محمد الامين - الجندي المجهول
4/ محمد حسين - المميز
5/محمد عبد الله عبد القادر
-------
6/ناصر حامد - ابو مازن
7/ الحجاج - ابو عمرو (اول مرة اقابل ابو عمرو واعرف اسمه الحجاج قعددت افتش فيهو قلت الزول دا اقالاها بيكون شايل ليهو لسيف ولا نشاب وبالعدم مطوة )
8/ فوزي - الفخيم
9/ مدثر - بورتوبيل
10/ استاذ رضا حسن - رضا حسن

اتمنى انو ما اكون نسيت زول ...
تخريمة : الحجاج (اني ارى رؤوساً قد اينعت ) ولا ما كدا !!!

[ZANOON]

كل عام وانتم بالف خير
ربنا يحفظ اصحاب الاسماء الجميله
_______________
لكن يالجندي اسم حجاج ...صعبب اديييييييييل
الله يسترعلي رقاب ناس في المنتدي

[moh_alnour]

ود النور لو كنت عارف إنك جاي علينا وما عارف أسم البت شنو كان قفلت الموبايل وعملت نائم...






لا و الله يا شاب ما جهل بالإسم و لكن أنسانا المشوار أنا و المدام ذِكر إسم إبنتنا ( تالية )
و عندما أردت إختيار أسم للبوست قلت بأن ( غرائب الأسماء ) جاذبة أكثر من ( نفائس أو نوادر ) الأسماء
ربنا يحفظم ليك يا حبيب بس برضو ياخ إسم ( البتيلة ) مالو لومو لي في سطر :p



اتمنى انو ما اكون نسيت زول ...

الليلة و الليلة يا الجندي نسيت أسم السيد المشرف العام ( معتز الريح سنهوري ) :p
و ناس حي الصفا العديلين ( هيثم الخواض أبو لوزة و معز مدناوي ) و الحبيب همسة شوق ( زيكو )
همسة : قلتا لي العِلة في منو ؟ :p



كل عام وانتم بالف خير و ربنا يحفظ اصحاب الاسماء الجميله


حباب ذا النون المريخابي الأصيل و ذا النون أيضا ً أسم نادر في المجتمع السوداني و ربنا يحفظ الفي الصورة

[moh_alnour]

و أخونا ناصر عبده ( أبو مازن ) أطلق على إبنته الصُغرى
إسم ( ميزاب )

بمناسبة قدوم الفارس ( محمد )
جعله الله بارا ً بوالديه و ذُخرا ً لوطنه و أهله

[بابكر]

جيت السودان قبل شهرين والله وجدت عروسه إسمها ((( الدرداء ))) بالله ده كلام يعنى الاسامى كملت تقوم تسمى بتك الدرداء ؟؟؟
واحد مقترب جابوا ليهو ولد ,, رسل قال سموه أبو الدرداء ,, لم جاء بعد سنه لقى أسم ولده أبو الدرداق

[moh_alnour]

بينما أخونا ( محمد عبد الله أبو زيد ) أطلق على بناته إسم ( ريماس ) و ( روان )

رُزق أخونا محمد عبد الله أبو زيد بأمورة أختار لها إسم
( أندى )
جعلها الله من المستوارت التاليات و البارات بوالديها

[moh_alnour]

أخونا أبو عمرو أسمو الحقيقي ( حجاج ) و قد أطلق على إبنته الصُغرى إسم ( تالية )

رُزق أخونا أبو عمرو بإبن أختار له إسم
( آمن )
جعله الله من الآمنين من عذاب يوم القيامة و المشفعين في والديه