المساعد الشخصي الرقمي

مشاهدة النسخة كاملة : افطار جماعى ... وحبة ثقاله


بحيرى
21-08-2011, 10:25 AM
هسه ابدأ ليكم من وين ....
قاعدين لى كده ذى الطماطم البايره ....
لكن والله الفطور فاتكم ... والله ما بتعوض .... دقستوا عدييييييل كده ....
واو الجماعه ادى طبعاً للناس الما حضروا الفطور ....
انا عارف معانا ناس الا تشرح ليهم كده .... العربى عندهم مشكله ...
والجميل فى الموضوع لمة الناس وونستهم مع بعض ....
والشئ الغريب انك بتكون بتعرف الناس دى كلها ... رغم انو بكون اول تلاقى ...
ما علينا ...
واكتر حاجه لفتت انتباهى ... طاقية ابو النور الحمراء ...
والله يا بحيرى انت ثقيل ...هسه مافى حاجه تانى لفتت بالك ...
انا طبعاً جاى احكى ليكم عن التفاصيل الصغيره ... وانقل ليكم ما دار خلف الكواليس بصفتى شاهد عيان ...
وبقدم نصيحه للناس لو حضروا الفطور القادم بإذن الله انو اجو فاطرين ...
ياخى الادمن فطرنا والشمس لسه فى نص السماء ....
الفطور من الساعه 4 ...
والله انتو تبارو الادمن ده .... تعيدو من 15 رمضان ....
ودسمير طبعاً كويسه معاهو .... نايمه نوم ....
اصلو اختو عملت ليهو ليمون كارب .... ضواقه سااااى الحفاظه كملت قبل الاذان ...
والله تطيروا للزول الرحمن من قلبو ...
طبعاً اول ما جيت خاشى ...
لقيت ليك الادمن مكتف ايديهو ... وعمنا ود الصول لافى عمتو .... وبكرى فاروق بكرش فى دقنو ... ونبيل حمتو بتلفت ... واحمد علقم بصور ... وحاجه امال لابسه النضاره ...
عرفت ليك الموضوع فيه كيس صائم وفرحة العيد ...
اصلوا الجماعه ديل جنهم مواضيع جاده ....
هاترك طبعاً استلم ليك البرنامج .... وبوزع ليك فى الفرص ذى المراره ...
والله هيثم مصطفى بث .... العب ليك الباص وهو مغمض ...
طبعاً ناس ابوالنور وود البلال والتيمان المواضيع الجاده دى ما بتنفع معاهم ....
كل واحد ولع ليهو سجاره واخد ليهو كورنه .... وهاك يا تشليف ...
التيمان ديل طبعاً معذورين .... برنامجهم عضه وبث ... والرهيفه التنقد ...
والله بختكم ... ناس البيت طبعاً بكونوا بتمنوا الافطارات دى تكون يومياً ...
علشان اقللوا من المنصرفات ...
مع انو التيمان ديل كل واحد فيهم بصوم يوم وبفط يوم .... اصلو نيتهم واحده ...
وخليكم شاهدين ... انا كان جاتنى حاجه .... ديل التيمان ...
ودالماحى طبعاً عارف الموضوع ده ....
جاء شايل معاهو سندوتش من البيت .... الظروف ما معروفه ....
والله عاقل ...
القاها من منو يعنى ... ودسمير ولا التيمان ولا الادمن ...ولا من البسبوسه الكملت بدرى ...
البسبوسه والكنافه ديل حكايتهم حكايه ...
اول مره اشوف لي بسبوسه بتكمل قبل المغرب ...
اتخيل لى انا الوحيد الكنت صايم ...
والله مسكين يا بحيرى ...
الغريبه مدناويه ( ست البسبوسه ) جارتى ودفعتى ...
اصلو الخيانه بقت تجى من اقرب الناس .... آخر الزمن نسوى شنو عاد ...
ولا حنونه .... جابت الكنافه ... طلعت نص الصينيه والباقى جوه الشنطه ...
نفسى ثم نفسى ثم نفسى .... عداك العيب ...
البركه فى عز الدين ... اشيل واجيب لى فى الابرى ...
لمان مرقت عندى مصران ....
والله الاكل راقد هبطرش ...
لكن احمد علقم ما بديك فرقه ....
كان شلت ليك بلحه بوثقها ليك بالصوره .... كشف حالنا ...
الواحد كان داير اشيل ليهو حاجه الا بالدس ....
لكن الاخ ريمون طلع حريف ...
لابده ليك جمب البسبوسه ....اول صحن على يدك الشمال ....
وتانى لفه من الاء عبدالرحمن ...
الويه طبعاً قاعده جمب حنونه .... يا بخت من جاور ....
والكنافه جوه الشنطه .... سعيد ولاقى سعيد ...والعيد سعيد ...
وما قلت ليكم ...
طبعاً ابو لوزه طلع عمى .... اى والله ...
المره الفاتت نبيل حمتو طلع قريبى ...
انت يا بحيرى بتاع لصيق سااااى ... هسه الناس ديل بشبهوك ....
اسكت ... مش خطبت لوزه ... بت عمى ...
والله الفطور طلع معاك بى فايده ...
لكن ابو النور طوالى غز عودو ... ابو النور ده ثقيل ثقاله ... عينه ...
اخير منو المسافر ...
المسافر عيشتو تطير ... هسه ذنبو شنو فى الموضوع ده ...
انا عارف ما كلهم مغتربين ...
قصدك منو يعنى ...
قصدى المميز وودعبدالله ...
الاتنين تقول قاطعين تزاكر .... ما بتفارقوا كلو كلو ...
وبقول ليهم حمد لله على السلامه ومدنى منوره بوجودكم ....
لكن ما شفنا منكم اى حاجه ...غير البسمات ...
فنيله ساااى ما جابوها لينا ...
ربنا ما احرمنا من لمتكم ... وشوفتكم ... وكل الذين حضروا للإفطار لهم منى كل التحايا والذين لم يحضروا والذين هاتفونا ...
ومدنى ...
افتخر بان اكون واحداً من ابنائها ...وان اكون اخ لإخوه كرام برره هم اهل المنتدى ...
وربنا اديم التلاقى والموده والمحبه ...
وسمعنى سلام صباح الخير مدرستى ...
ولنا عوده ...

ملحوظه :
الكاتب غير مسؤل عن اى خدش او تغيير داخل البوست ... والزعلان له العتبى حتى يرضى ...
مع تحيات شاهد عيان ثقيل ...
الجندي المجهول
21-08-2011, 10:39 AM
الحبيب دوما بحيري
تحياتي ..
ياخ الادمن فطركم على حسب توقيت امريكا

وواصل بدون فواصل .... بصراحة نفسي كان اكون معاكم بس سعر الطماطم مرتفع جدا
ود الجعلي
21-08-2011, 10:41 AM
الاخ بحيري رمضان كريم ابداع في التصوير وخفة دم ممتعة
بنت الرفاعي
21-08-2011, 10:49 AM
:D :D :D
ما شاء الله.:)
لو سمحت أنت صاحب التيمان،
ولّا هم أصحابك،
أو بيقربوا ليك؟!:rolleyes::cool:

:):):)
بحيرى
21-08-2011, 10:56 AM
الحبيب دوما بحيري
تحياتي ..
ياخ الادمن فطركم على حسب توقيت امريكا

وواصل بدون فواصل .... بصراحة نفسي كان اكون معاكم بس سعر الطماطم مرتفع جدا


الحبيب تكعيب ...الجندى المعلوم ...
ياخى الطماطم ازتنا ازيه ... والله بقت ذى السكر واغلى ....
بقينا نجيبها للتحليه عدييييل كده ...
وصاحبك الادمن ده بالغ معانا ... والله لو ما ايمانا قوى كان فطرنا من الصباح ...
بعد شيل وخت ... حتين اقتنع لينا بالساعه 4 ... وكتر خير الاجاويد ...
لو ما عمك ود الصول وهاترك ومولانا جلال ... كان الليله اكون يوم الوقفه عديل كده ...
وانشاء الله المره الجايه تكون حضور وسط الاهل والاحباب ... والشباب ناس ودعبدالله والمميز فتوك لينا فت تقيل ... وفكوا اخرك ....!!!
بحيرى
21-08-2011, 10:59 AM
الاخ بحيري رمضان كريم ابداع في التصوير وخفة دم ممتعة


شكراً ود الجعلى على الاطراء ...
ونتمنى نشوفك معانا فى مقبل اللمات ...
بث حاول تعمل بنصيحتى ... وما ترمى نصيحتى فى البحر ...
وتعال شايل معاك عمودك ... وخت ليك سندوتش بالجمبه ... وما تقعد الا جمب الناس الكبار ... اصلو بكون شوفهم ضعيف ...!!!
بحيرى
21-08-2011, 11:04 AM
:D :D :D
ما شاء الله.:)
لو سمحت أنت صاحب التيمان،
ولّا هم أصحابك،
أو بيقربوا ليك؟!:rolleyes::cool:

:):):)






شكيتك على الله ...
طيرتى لى النوم من عيونى ...
وقمت شربت لى جك آبرى كامل ... وحشيت لى سندوتش بطحنيه ...
حرام عليك ياخى ...
التيمان .....
والله ما قادر اتصور ...
انتى الهداك شنو على السؤال ده ...

تخريمه :
التيمان هم اكثر من اخوان واصدقاء ... يجذبك لهم مرحهم وروحهم الجميله ... ولى عظيم الشرف بأن اكون اخ لهم ... ولكن اكرر هم اكثر من ذلك ...!!
عاطف عولي
21-08-2011, 11:06 AM
الثقالة خليها في النفاج.
تنفع مزيع إذاعي للنقل الحي والمباشر
أذاعة اها
تلفزيون لا
تشكر يا الحبيب
بحيرى
21-08-2011, 11:16 AM
الثقالة خليها في النفاج.
تنفع مزيع إذاعي للنقل الحي والمباشر
أذاعة اها
تلفزيون لا
تشكر يا الحبيب


الحبيب ودعولى ...
والله كم تمنيتك حضوراً معنا ...
ولكن دائماً لا تكتمل الصور الجميله ...
هاهاهاهاهاها ...
مزيع عديييييييييل كده ...
لا كترت المحلبيه ...
انا بالكتير حتة عضو لا بجدع لا بجيب الحجار ...
بث فالح فى الثقاله ....!!
بحيرى
21-08-2011, 11:17 AM
عن اذنكم يا جماعه ....
ماشى احضر برنامج اغانى واغانى ...
مصطفى هاتريك
21-08-2011, 11:21 AM
أنا طلعت قبلك و لكن أفادتني مصادر موثوقة

إنك طلعت آخر زول ... وشايل معاك تلاتة أكياس لتيته

لكن عازرنك ما ماشي على مناطق شدة و كده
آلاء عبد الرحمن
21-08-2011, 11:26 AM
كما تعودنا دائما


غايتو الله يديك العافية بث
آلاء عبد الرحمن
21-08-2011, 11:29 AM
لمه جميلة والزول اتعرف علي الناس علي ارض الواقع

دمتم بالف خير
ابوالنور
21-08-2011, 11:32 AM
لا يعني انت ما قلت لي مرام انا صاحب ابو النور وهو الجابني المنتدي ليه يا ثقيل
عاين نسيت اقول ليك
التيمان ديل ما شكالين
خلي اعذ وبتاع وشنو ما عارف
عاطف عولي
21-08-2011, 11:37 AM
الحبيب ودعولى ...
والله كم تمنيتك حضوراً معنا ...
تحضر ما تغيب يا الحبيب

ولكن دائماً لا تكتمل الصور الجميله ...
مكتملة بحضوركم الجمييييييييييييييييل
هاهاهاهاهاها ...
مزيع عديييييييييل كده ...
لا كترت المحلبيه ...
انا بالكتير حتة عضو لا بجدع لا بجيب الحجار ...
بث فالح فى الثقاله ....!!

تنفع ونص وخمسة
الجندي المجهول
21-08-2011, 12:15 PM
الحبيب تكعيب ...الجندى المعلوم ...
ياخى الطماطم ازتنا ازيه ... والله بقت ذى السكر واغلى ....
بقينا نجيبها للتحليه عدييييل كده ...
وصاحبك الادمن ده بالغ معانا ... والله لو ما ايمانا قوى كان فطرنا من الصباح ...
بعد شيل وخت ... حتين اقتنع لينا بالساعه 4 ... وكتر خير الاجاويد ...
لو ما عمك ود الصول وهاترك ومولانا جلال ... كان الليله اكون يوم الوقفه عديل كده ...
وانشاء الله المره الجايه تكون حضور وسط الاهل والاحباب ... والشباب ناس ودعبدالله والمميز فتوك لينا فت تقيل ... وفكوا اخرك ....!!!

حبيبنا حتى النهاية - بحيري ....
بالنسبة للادمن الزول دا ( ما كان كدا) ...
لكن اتوقع ان هنالك من سبب له هذا العطش (في مدني) ومعه العذر إلا ان نلتقي به

بالنسبة للحبايب ( محمد عبد الله عبد القادر) طوالي لاحم مع ولدنا (مفروض) يقعد مع القدرو ماس (هاتريك وود الصول والادمن )

وبالنسبة لمحمد حسين (المميز) انا اتصلت على السيدة (الوالدة) وقالت لي اديناك اللحم وادينا العضم
ولما يرجع جدة تاني باذن الله سفر مافي خاصة وان (خلاص) راحت ليهو (الاولاد جايين معاهو)
وابشرك اي كب كبوهو ليك (كضب) دي حسادة بس في الله كدا
وبالنسبة للطماطم والسكر وبقية المستلزمات (اجيك) من الاخر كدا انتو استسلمتوا ولا شنو ؟
ريمون
21-08-2011, 12:24 PM
ازيك يا بحيري ..
بركه الفطور العجبك ..
لكن شكلنا اليوم ده الا نقضيهو علي قولك ..
ابوالنور
21-08-2011, 01:46 PM
ازيك يا بحيري ..
بركه الفطور العجبك ..
لكن شكلنا اليوم ده الا نقضيهو علي قولك ..

لا ياخ انتي جاده !
admin
21-08-2011, 02:26 PM
ياجماعه فطرتكم مدناويه ما تظلموني ساكت انا كنتا بتكلم مع مدناويه حيث اتصلت معتذرة عن حضور الافطار. وسمعتا الاذان اذن في جامعهم سالتها دا شنو قالت لي الاذان قلتا ليها يعني فطرتو قالت اي. اضافه لي كدا وانا ماكنت عايز احبطكم موبايلي مربوط بمحدد مواقع يعني بحدد انا قاعد وين اللحظة دي في الكره الارضيه وبرنامج الاذان الفي الموبايل مربوط بمحدد المواقع. اها بعد ما قفلت من زول القسم الاول دا موبايلي اذن تاني في شنو.

الذ حاجه د. عمر قال لي انت يازول تلفونك دا مظبوط علي وين؟ قلتا ليهو على جامع الحكومه افطر سااي ههههههههههه
بحيرى
21-08-2011, 09:36 PM
أنا طلعت قبلك و لكن أفادتني مصادر موثوقة

إنك طلعت آخر زول ... وشايل معاك تلاتة أكياس لتيته

لكن عازرنك ما ماشي على مناطق شدة و كده


شهيدى الله ....
الحاجات القولتها دى كلها ختيتها فى ضهرية العربيه بتاعت ودسمير ...
اصلو بخجل ...
وبعد ده كلو يا كلفى البلا .... النوصلك ساااى ما قالها لى ....
مع انو فى شارعنا ...
وانت الجاب ليك الشمار ده منو ....
والله تحيروا الزول فى نفسو ....
هسه انا حالتى قلت مافى زول جايب لى خبر ...
القاها فى المواقع الالكترونيه .... والله عوجه ...!!
بحيرى
21-08-2011, 09:54 PM
لمه جميلة والزول اتعرف علي الناس علي ارض الواقع
دمتم بالف خير

اكيد دى اكبر الفوائد ...
وهذا لو تعلمون عظيم .... ان تكون المعرفه موجوده على مستوى الاعضاء .... ليست معرفه اسميه فقط .... بل معرفه شخصيه ...
فانا اعتقد ان المعرفة القويه والتلاقى وجها لوجه حتى ولو لثوانى ...كفيل بان يخبرك ماهو الشخص الذى التقيته ...
وهذا يساهم بطريقه اكبر فى دفع المنتدى الى الامام ...وجعل كل الاعضاء يعملون كاسرة واحده ...
شكراً الويه ...
مدنيّة
21-08-2011, 09:58 PM
بوست اوسكار ادددددددددددددديل كدا يابحيري


----------
الخلاء كيف الايام دي!
نزار احمد كوارتي
21-08-2011, 10:31 PM
كدي ده كللللللو خليو يا ولدنا
إنت رفدوك من الشغل يا أخوي ولا شنو؟
Isam Hussien H
21-08-2011, 11:13 PM
أيامكم ساكوبيس كما يقول أخونا عصام جاكسون .. ربي يجمعكم دائماً على الخير .. وشكلك يا بحيري ود نقرية ولا الشبه شديد ..
بحيرى
22-08-2011, 04:08 AM
لا يعني انت ما قلت لي مرام انا صاحب ابو النور وهو الجابني المنتدي ليه يا ثقيل
عاين نسيت اقول ليك
التيمان ديل ما شكالين
خلي اعذ وبتاع وشنو ما عارف


ابو النور انت لسه صايم ولا شنو ...
هسه مرام الجابها شنو ...
قايتو الكديسه فى نص البحر بتقول للفار بتكتح مالك ...!!!
بحيرى
22-08-2011, 04:13 AM
تنفع ونص وخمسة



على وزن سته ونص وخمسه ....
والله الادمن ده شكلو اثر على الناس دى كلها ....
يا خال ...
انت ما جايب خبر ... قال مزيع ...
والله لو ما كان جدى شمو وواستطتى على عثمان ... خفير ما ابقى ...
ولا كمان لو كنت وجيه .... ودى طبعاً مستبعده ..
لكن لو كنت بت .... هسه كان تشوفنى فى النيل الازرق بث ....!!
اصحى يا بريش ...!!
مصطفى هاتريك
22-08-2011, 04:16 AM
كدي ده كللللللو خليو يا ولدنا
إنت رفدوك من الشغل يا أخوي ولا شنو؟



, والله يا نزار اللمة كانت ناقصاك ... و بالجد كده بحيري كان فاكهة الإفطار

لكن ما تقول ليه هاتريك قال كده ....سمح
بحيرى
22-08-2011, 04:21 AM
حبيبنا حتى النهاية - بحيري ....
بالنسبة للادمن الزول دا ( ما كان كدا) ...
ما باين ...!!
لكن اتوقع ان هنالك من سبب له هذا العطش (في مدني) ومعه العذر إلا ان نلتقي به
يعنى لزوم شهاده اجنبيه وكده ...!!!
بالنسبة للحبايب ( محمد عبد الله عبد القادر) طوالي لاحم مع ولدنا (مفروض) يقعد مع القدرو ماس (هاتريك وود الصول والادمن )
يا راجل ...!!!
يعنى محمد عبد الله بصبغ شعرو ....!!!

وبالنسبة لمحمد حسين (المميز) انا اتصلت على السيدة (الوالدة) وقالت لي اديناك اللحم وادينا العضم
اصيله ....!!
ولما يرجع جدة تاني باذن الله سفر مافي خاصة وان (خلاص) راحت ليهو (الاولاد جايين معاهو)
وابشرك اي كب كبوهو ليك (كضب) دي حسادة بس في الله كدا
انا ذاتى قلت كده ... لكن الونسه كانت سمحه ...!!
وبالنسبة للطماطم والسكر وبقية المستلزمات (اجيك) من الاخر كدا انتو استسلمتوا ولا شنو ؟

نحن ...!!
وهو نحن منو ... انت قصدك مين ...
الناس ديل شغالين معانا بنظام ...
( خليك امين فى العشره لى آخر مدى )
وهسه نحن مستنيين آخر محطه ...!!
بحيرى
22-08-2011, 04:26 AM
ازيك يا بحيري ..
بركه الفطور العجبك ..
لكن شكلنا اليوم ده الا نقضيهو علي قولك ..

لا لا لا ... الموضوع ده ما موضوع قضا بث ...
الموضوع ده فيهو اطعام 60 مسكين عديل كده ...
مش هم ماسكين برنامج كيس الصايم ... وطيب ..
شفتى الناس ديل ذكيين كيف ...!!
يعنى باعتبارنا فطرنا عمد ... وطبعاً لازم نعوض ... وهم استفيدوا مننا فى برنامج كيس الصائم ...
انا اول مره مره اعرف نفسى ذكى كده ...!!!
ahmed algam
22-08-2011, 04:36 AM
ههههه هههه ههههه

مبالغة ابعاد عديل كدة ياصالح

لكن الفيك اتعرفت تب
ahmed algam
22-08-2011, 04:38 AM
http://i56.tinypic.com/biebl.jpg
بحيرى
22-08-2011, 04:42 AM
ياجماعه فطرتكم مدناويه ما تظلموني ساكت انا كنتا بتكلم مع مدناويه حيث اتصلت معتذرة عن حضور الافطار. وسمعتا الاذان اذن في جامعهم سالتها دا شنو قالت لي الاذان قلتا ليها يعني فطرتو قالت اي. اضافه لي كدا وانا ماكنت عايز احبطكم موبايلي مربوط بمحدد مواقع يعني بحدد انا قاعد وين اللحظة دي في الكره الارضيه وبرنامج الاذان الفي الموبايل مربوط بمحدد المواقع. اها بعد ما قفلت من زول القسم الاول دا موبايلي اذن تاني في شنو.

الذ حاجه د. عمر قال لي انت يازول تلفونك دا مظبوط علي وين؟ قلتا ليهو على جامع الحكومه افطر سااي ههههههههههه


شفيق يا راجل ....
مدناويه ذنبها شنو ....!!
لكن انا يادوب بديت اجمع .... !!!
اتارينو مدناويه اتصلت عليك فى الاول ....
وعكاشه اشيل واقالط فينى .... انا متأكد الموضوع فيهو إن ...
البسبوسه دى ... اكتر من كده ...
ما صينيه واحده بث ...
وطبعاً على حيث كده انت اتلخبطت .... و.....
ياما تحت السواهى دواهى ...
ودكتور عمر مسكين على نياتو ...
فاكر الموضوع موضوع اذآن سااااى ... اتارينو الموضوع موضوع بسبوسه ...
والبسبوسه طلعت مظبوطه ....مظبوطه على خط قرنتش ...
سكر معقول .... وما فيها نشادر ...
يعنى بتكمل قبل المغرب ...
لكن موبايلك خطير ... نحن فاكرين الموضوع من تحت راسك ...
لكن طلع ده الموبايل ... اخير اول ...
قدر ما فتشت ما لقيت ليك عذر ...!!!
اتخيل لى كده انا عملت العلى ...!!
بحيرى
22-08-2011, 04:46 AM
بوست اوسكار ادددددددددددددديل كدا يابحيري
----------
ال
خلاء كيف الايام دي!

خالتى مدنيه ...
والله مشتاقين وفاقدنك عديل كده ....
والله الفطور ناقصك ... ومكانك شاغر ...
وشكراً على الإطراء .... اصلو بقيت بخجل وكده ....
والخلاء تمام ... مطر شديد ... وجو باااااااااااااااارد ....
ياريت لو كلكم معاى ...!!!
والاحمر ده علشانك والله ....!!!
بحيرى
22-08-2011, 04:50 AM
كدي ده كللللللو خليو يا ولدنا
إنت رفدوك من الشغل يا أخوي ولا شنو؟


نزار الصغمبروتى .....
والله الشوق بحر ....
وياريت لو كنت معانا المره دى ...
وبعدين مالك داير تقطع اكل عيشى ....
ياخى بعد الشر على ... انشاء الله عدوى ...!!!
بحيرى
22-08-2011, 04:54 AM
أيامكم ساكوبيس كما يقول أخونا عصام جاكسون .. ربي يجمعكم دائماً على الخير .. وشكلك يا بحيري ود نقرية ولا الشبه شديد ..


اممممممممممك ....
الريس عديل كد ....
البوست ده شكلو حيجيب لينا الكتاحه ....
آآآآآآآآهلين يا ريس .. والله مشتهين نشوفك فى مثل هذه المناسبات ....
لكن الجايات اكتر ....
والشبه باين .... !!!
بحيرى
22-08-2011, 04:56 AM
والله يا نزار اللمة كانت ناقصاك ... و بالجد كده بحيري كان فاكهة الإفطار
لكن ما تقول ليه هاتريك قال كده ....سمح



من بعدك يا استاذ ....!!!
بحيرى
22-08-2011, 04:59 AM
ههههه هههه ههههه

مبالغة ابعاد عديل كدة ياصالح

لكن الفيك اتعرفت تب


انا الفينى اتعرفت ....
لكن انت البعرف لينا الفيك منو ....!!!

وربنا اعينكم على فعل الخير واجازيكم باعظم الثواب ....!!!
ابوالنور
22-08-2011, 05:08 AM
:D :D :D
ما شاء الله.:)
لو سمحت أنت صاحب التيمان،
ولّا هم أصحابك،
أو بيقربوا ليك؟!:rolleyes::cool:

:):):)







ابو النور انت لسه صايم ولا شنو ...
هسه مرام الجابها شنو ...
قايتو الكديسه فى نص البحر بتقول للفار بتكتح مالك ...!!!

ومال فاطر يا ثقيل
ودسمير
22-08-2011, 05:23 AM
بحيرى ... والقاعدين منتظرين الفطور ... والمكنكشات فى البسوسه التى خرجت ولم تعد !! وبرضو بقولو نواعم وما أكالااااااااااااااااااات .... زمن ياااااااااااااااااااااااا !! كلو تكلم عن الليمون الكارب والبسوسه ولو راجل امشى ( كوسه ) ... والكنافه القالو بتعمل رجيم للنحافه ... بس نسيتو المشاوى .. وطبعا بحيرى شابكنا نضمى سااااااااااااااى عشاى يخفى معالم الجريمه التى قيدت ضد مجهول !! انتو فى كم صحن شيش كباب اختفو فى ظروف غامضه ؟ وبرضو تقولو بسبوسه !!

انت يا بحيرى ما خليت حاجه بى ( نبله ) واحده وحجر واحد ضربت ضربات موجعه ... وبكره يا قلبى الحزين تلقى السعاده ..

اللمه كانت سمحه بالحيل وثقالتك يا بحيرى الممزوجه بى عكارة النيل الازرق والعصيده البايره ... أنتيكا ...

وبرضو رجعنا بيوتنا فرحانين وشبعانين ... مانسينا اهلنا التعبانين فى زاد الصائم وفرحة العيد ليكم جايين ..

مدنى الروائع ... مدنى البدائع ...







































وبالله عليكم ما تنسوا بعد العيد عودة ...














































الكوارع
مدنيّة
22-08-2011, 10:30 PM
وابشرك اي كب كبوهو ليك (كضب) دي حسادة بس في الله كدا



هسي انت متجرس كدا مالك!
مش يمكن كانوا بيشكروا فيك!
انظر للنصف الممتلئ من الكوب ياخ
مدنيّة
22-08-2011, 10:44 PM
والاحمر ده علشانك والله ....!!!

تسلم يابحيري والله
wad alballal
22-08-2011, 11:49 PM
بحيري كشف حال من الذ منو ..
لكن نسيت بعض الناس ما زكرتهم .. لانك مركز علي البسبوسة والكنافة والليمون .. عارفك بطيني ..
والله انا البسبوسة لحقتها بي اااااخر ركنية وقربت تطلع اااوت ..
وريمون ما قصرت والله قسمتها كلها لحدي أخر الصينية .. اكبر النصيب كان للنواعم زي ما قلت .. اما كنافة حنونة انا شخصيا يعميني فيها شكلها كيف ما عارف ... لكن صحي سؤال يا بحيري انت صنيتها جات نص من البيت ... وش زول ما شاف وما يمع حاجة ..
لكن علي قول ودسمير يا بحيري انت صحي كان في شيش كباب ...
.. نحنا نطالب وبشدة من علقم يورينا صور اللافطار ويركز تحديدا علي الصحون ..
..
رمية : بحيري هسة في داعي لي كشف الحال دا ...
بحيرى
23-08-2011, 12:15 AM
ومال فاطر يا ثقيل



شكلك إحنن ....!!!
تغريدا
23-08-2011, 12:20 AM
بالهنا ليكم عاطر التحايا للجميع مشكور أخى بحيرى
بحيرى
23-08-2011, 12:28 AM
بس نسيتو المشاوى .. وطبعا بحيرى شابكنا نضمى سااااااااااااااى عشان يخفى معالم الجريمه التى قيدت ضد مجهول !! انتو فى كم صحن شيش كباب اختفو فى ظروف غامضه ؟


عليك نووووووووووور ....!!
انا كنت قاعد اتكلم ... يعنى برقى ... يعنى خشمى فااااااضى ....
لكن صحى فى كم صحن بتاع شيش ....؟
السؤال ده حامينى النوم عدييييييييييييييل كده ...
قايتو انا شخصياً لاقانى واحد جمب ناس كتار .... والتانى لاقانى جمب هاترك والادمن ....
وفى تلاته صحانه جمب ريمون ....
واحمد علقم شايل ليهو صحن .... اختو جمبك ... اصورك بيهو .... واشيلو منك ...
لقمه واحده ما اخليك تشيلها ....
الموضوع ده لسه .... شكلنا حنكتب فيهو كتير ...!!
علشان ما تضيع الحقيقه وراء الاتهامات المزيفه ... والشك فى بعضنا البعض ...
ممكن نكون جادين فى الموضوع ... ونفتح تحقيق مع الحاضرين والغايبين ...
وارجو من كل من يمتلك معلومه ان يمدنا بها ... والله لا يضيع اجرمن احسن عملا ...
بحيرى
23-08-2011, 12:31 AM
هسي انت متجرس كدا مالك!
مش يمكن كانوا بيشكروا فيك!
انظر للنصف الممتلئ من الكوب ياخ

الفى قلبو حرقص .... براهو بدنصنق ....
بحيرى
23-08-2011, 12:39 AM
تسلم يابحيري والله


بعد التلجه دى كلها ....
تقولى لى ( تسلم ) بث ...
هسه انا قلت تعزمينى فطور فى البيت الاسكتلندى ... ولا المطعم السراليونى ...
قايتو ... قروش الحكومه دى اسِمنا فيها ....
انشاء الله سحبه بالعربيه ...
اصلو عندى واحده معجب بيها ... وداير اعمل ليها عندى عربيه وكده ...
لزوم الود مرطب يعنى ...
فكرى ... واسرعى بالرد ...!!!
بحيرى
23-08-2011, 12:45 AM
لكن علي قول ودسمير يا بحيري انت صحي كان في شيش كباب ...
.. نحنا نطالب وبشدة من علقم يورينا صور اللافطار ويركز تحديدا علي الصحون ..



والله شكلو يا بلال الموضوع ده حيجرجر ناس كُبارات فى المنتدى ....
الموضوع ده انا قايلو حارقنى براااى ...
اتارينو الناس دى كلها مكويه منو ...
ود علقم كمان قفل تلفونو ...
وريمون ليها يومين ما مشت الشغل ...
لا .. لا .. لا ... لا
انا بديت اشك ... يا بلبل ... الموضوع ده دخل الجيب عديل كده ...
وشكلنا حنستعين بالمفتش كرمبو ....!!
بحيرى
23-08-2011, 12:51 AM
بالهنا ليكم عاطر التحايا للجميع مشكور أخى بحيرى


العزيزه تغريدا ...
كل سنه وانتى طيبه ... وفقدناك والله ...
انا عارفك ... تكونى سمعتى بالناس الجاين الفطور ...
دخلتك خوفه ... ومسكتى ليك جك ليمون كرطعتيهو ...وحشيتى ليك طحنيه سريع كده ...
بينى وبينك .... عاقله ...
الخواف ... ملاء بطنو ..!!
ريمون
23-08-2011, 01:27 AM
غايتو ريمون المسكييييينه دي اسألو منها الادمن ..
بعدين انتوا تاكلوا وتنكروا ..
بسبوسة حنونه وكنافة مدناوية ..
غايتو قروش العربية قربت تتم ..
الله يكتر من الافطارات الجماعية ..:p
عاطف عولي
23-08-2011, 02:21 AM
على وزن سته ونص وخمسه ....
والله الادمن ده شكلو اثر على الناس دى كلها ....
يا خال ...
انت ما جايب خبر ... قال مزيع ...
والله لو ما كان جدى شمو وواستطتى على عثمان ... خفير ما ابقى ...
ولا كمان لو كنت وجيه .... ودى طبعاً مستبعده ..
لكن لو كنت بت .... هسه كان تشوفنى فى النيل الازرق بث ....!!
اصحى يا بريش ...!!


طيب النشرة الجوية كيف؟
عاطف عولي
23-08-2011, 02:28 AM
شكراً الويه ...

تعرف يا بحيري هنا هعندنا ناس شمارات خلاث وكمان ملاقيف لسرعة أستيعاب الشمار ومعالجته وأعادة طرحه يعني تقدر تقول بي كلام المثقفاتية مش بيكتبوه كدي برضو؟ عملية الري سايكلنق بالنسبة للشمار التازة دا.

والملوك العندنا وبحبو الشغلة دي منهم هنايين وهنايات
رجال ونسوان اولاد وبنات
اقول ليك زي منو؟
ليييييييييييييييييييييييييييييييييييييييه
يال ود انت عاوز تعمل فيها ثاحبي ولا شنو؟
لو جا ود سمير ذاتو ما بقول ذي منو مش علي كيفي؟

لكن البرنسة الجديدة الوية دي لقيتا لقيك ختيرة جنس ختارة لمن غلط زاتو.

ملكة ملوك الشمار.
ود المطامير
23-08-2011, 07:04 AM
والله يا فرده عفيت منك
رفعت راس النفاجيين فوووووووووق
ود المطامير
23-08-2011, 07:05 AM
انظر للنصف الممتلئ من الكوب ياخ

هع هع هع هع هع

شاحد ربى الجندى يقرا الكلام دا نص النهار
ويكون جيعان وعطشان

هع هع هع هع
أحمد عمر ( MOODY )
23-08-2011, 07:11 AM
هع هع هع هع هع

شاحد ربى الجندى يقرا الكلام دا نص النهار
ويكون جيعان وعطشان

هع هع هع هع



حاااااااقد :mad::mad::mad: من يومك
و أصلو الحسادة دي ما بتخليها
ود المطامير
23-08-2011, 07:27 AM
حاااااااقد :mad::mad::mad: من يومك
و أصلو الحسادة دي ما بتخليها
;);););););)
بنت الرفاعي
23-08-2011, 09:16 AM
هع هع هع هع هع

شاحد ربى الجندى يقرا الكلام دا نص النهار
ويكون جيعان وعطشان

هع هع هع هع







حاااااااقد :mad::mad::mad: من يومك



و أصلو الحسادة دي ما بتخليها






:D :D :D
:):)
:cool:





:):):)
بنت الرفاعي
23-08-2011, 09:21 AM
شكيتك على الله ...
طيرتى لى النوم من عيونى ...
وقمت شربت لى جك آبرى كامل ... وحشيت لى سندوتش بطحنيه ...
حرام عليك ياخى ...

:rolleyes:
ده كلو؟!:cool:

التيمان .....
والله ما قادر اتصور ...
انتى الهداك شنو على السؤال ده ...


بالله ما عارف؟!:confused:


تخريمه :

التيمان هم اكثر من اخوان واصدقاء ... يجذبك لهم مرحهم وروحهم الجميله ... ولى عظيم الشرف بأن اكون اخ لهم ... ولكن اكرر هم اكثر من ذلك ...!!






:d :d :d
.............
.........
.....
!!!!!!



ربنا يخليكم دائماً كما تودون لبعضكم.


:):):)
بنت الرفاعي
23-08-2011, 09:25 AM
لا يعني انت ما قلت لي مرام انا صاحب ابو النور وهو الجابني المنتدي ليه يا ثقيل
عاين نسيت اقول ليك
التيمان ديل ما شكالين
خلي اعذ وبتاع وشنو ما عارف





وأنا أقول الأقلام دي قريبة من بعض لي شنو؟!:rolleyes:


:):):)
ابوالنور
23-08-2011, 10:01 AM
وأنا أقول الأقلام دي قريبة من بعض لي شنو؟!:rolleyes:


:):):)




عايني
انا جبت بحيري لكن بعض ده ما عارف الجابو منو
بنت الرفاعي
23-08-2011, 10:20 AM
عايني
انا جبت بحيري لكن بعض ده ما عارف الجابو منو




:rolleyes:
:D :D :D
لييه أخوك بحيري لقيتو وين وجبتو؟!:rolleyes::cool:
وبعض ده بطبيعة الحال جبتوه أنت وأخوك.:cool:



:):):)
ابوالنور
23-08-2011, 11:08 AM
عايني
انا طبيعتي زول ثقيل جدن جدن
ياربي يكون طبيعتو كيف
مدنيّة
23-08-2011, 11:24 AM
هع هع هع هع هع

شاحد ربى الجندى يقرا الكلام دا نص النهار
ويكون جيعان وعطشان

هع هع هع هع

الظاهر عليك ياعروة
عايز فيني يوم
هههههههههههههههههههههههههه
مدنيّة
23-08-2011, 11:26 AM
حاااااااقد :mad::mad::mad: من يومك
و أصلو الحسادة دي ما بتخليها

تسلم يامودي والله
ياهو العشم
آلاء عبد الرحمن
23-08-2011, 11:51 PM
تعرف يا بحيري هنا هعندنا ناس شمارات خلاث وكمان ملاقيف لسرعة أستيعاب الشمار ومعالجته وأعادة طرحه يعني تقدر تقول بي كلام المثقفاتية مش بيكتبوه كدي برضو؟ عملية الري سايكلنق بالنسبة للشمار التازة دا.

والملوك العندنا وبحبو الشغلة دي منهم هنايين وهنايات
رجال ونسوان اولاد وبنات
اقول ليك زي منو؟
ليييييييييييييييييييييييييييييييييييييييه
يال ود انت عاوز تعمل فيها ثاحبي ولا شنو؟
لو جا ود سمير ذاتو ما بقول ذي منو مش علي كيفي؟

لكن البرنسة الجديدة الوية دي لقيتا لقيك ختيرة جنس ختارة لمن غلط زاتو.

ملكة ملوك الشمار.

انحنا هنا مش في المنتدي العام؟؟؟؟؟؟؟؟؟؟؟؟؟؟؟


وانا ياربي عملته ليكم شنو وفي شنو؟؟؟
اهئ اهئ اهئ
مدنيّة
24-08-2011, 12:48 AM
تبعا يابحيري
أمس مع القطعة العالمية للكهرباء دي
ابو جمال
قال خلا نفطر
اذن ، اذن ياخ
قلت ليه خلينا نتريث
عشان ما تعمل فينا عملية الادمن في ناس مدني
بحيرى
24-08-2011, 03:36 AM
غايتو ريمون المسكييييينه دي اسألو منها الادمن ..
بعدين انتوا تاكلوا وتنكروا ..
بسبوسة حنونه وكنافة مدناوية ..
غايتو قروش العربية قربت تتم ..
الله يكتر من الافطارات الجماعية ..:p


ها ها ها ..
نسأل منك منو ....؟!!
قصدك شريكك فى الختلاس الاخير ...
الموضوع ده طبعاً تحت النظر ....
روقى ما تستعجلى ... هسه شغالين تحريات مع عزالدين ....!!
بحيرى
24-08-2011, 03:40 AM
طيب النشرة الجوية كيف؟


هسه عليك الله ده جو داير ليهو نشره ....!!!
تغريدا
24-08-2011, 03:41 AM
العزيزه تغريدا ...
كل سنه وانتى طيبه ... وفقدناك والله ...
انا عارفك ... تكونى سمعتى بالناس الجاين الفطور ...
دخلتك خوفه ... ومسكتى ليك جك ليمون كرطعتيهو ...وحشيتى ليك طحنيه سريع كده ...
بينى وبينك .... عاقله ...
الخواف ... ملاء بطنو ..!!





هههههههههههههههههههههههه
وأنت طيب وبألف خير ويارب ماتفقد عزيز ولاغالى بشينة :)
بالغت بوليغ شديد فى حش الطحنية دى;);););););)
والظروف هى التى حالت دون وجودى بس الجايات اكتر من الرايحات:)
بحيرى
24-08-2011, 03:43 AM
ملكة ملوك الشمار.


انفع عنوان بوست .....!!!
لكن ... الزول بنعرفوا ....
والويه دى حنك منك سااااى .... نظام تمويه وكده ...
لكن برضو بنعتمد ليك شهادتك فيها ...!!!
بحيرى
24-08-2011, 03:46 AM
والله يا فرده عفيت منك
رفعت راس النفاجيين فوووووووووق


تربيتك يا كبير ....!!!
والله طلتك علينا بالدنيا ....
واحشنا والله .... تعال حصل الاختلاسات دى ....
لهف شديد ... تعال بتمرق ليك بقطعة واطه غايتو ....!!!
بحيرى
24-08-2011, 03:49 AM
:d :d :d
.............
.........
.....
!!!!!!



ربنا يخليكم دائماً كما تودون لبعضكم.
:):):)



انا جاوبت ليك ....
دورك انتى وتجاوبينى .... انتى سعلتى السعال ده ليه ...!!
بحيرى
24-08-2011, 03:51 AM
وأنا أقول الأقلام دي قريبة من بعض لي شنو؟!:rolleyes:


:):):)






سلامت البنكرياس ....!!
بحيرى
24-08-2011, 03:54 AM
انحنا هنا مش في المنتدي العام؟؟؟؟؟؟؟؟؟؟؟؟؟؟؟
وانا ياربي عملته ليكم شنو وفي شنو؟؟؟
اهئ اهئ اهئ


هسه انا ذنبى شنو ....!!!
بحيرى
24-08-2011, 04:00 AM
تبعا يابحيري
أمس مع القطعة العالمية للكهرباء دي
ابو جمال
قال خلا نفطر
اذن ، اذن ياخ
قلت ليه خلينا نتريث
عشان ما تعمل فينا عملية الادمن في ناس مدني


هاهاهاهاهاهاها...
والله ضحكتينى وانا جعان .....
الادمن بقى (امبمبرومبو) المثل ....
امبارح جابو لينا الشمار ... قالوا الادمن امبارح مفطر ليهو ناس من قطعة الكهرباء مباشرةً ...
الادمن ده بينى وبينك عندو مشكله مع الاتلات الخيره ...!!
بحيرى
24-08-2011, 04:02 AM
هههههههههههههههههههههههه
وأنت طيب وبألف خير ويارب ماتفقد عزيز ولاغالى بشينة :)
بالغت بوليغ شديد فى حش الطحنية دى;);););););)
والظروف هى التى حالت دون وجودى بس الجايات اكتر من الرايحات:)



انشاء الله نشوفك قريب ...
علشان نضوق الطحنيه بالمره .....
خلاص ما تزعلى يا ستى .... شكلك ما بتحبيها ...!!
عاطف عولي
26-08-2011, 12:13 PM
انحنا هنا مش في المنتدي العام؟؟؟؟؟؟؟؟؟؟؟؟؟؟؟


هنا وهناك وراك

أي سكة نواصلا لما بكرة نحصلاترم برم

وانا ياربي عملته ليكم شنو وفي شنو؟؟؟


وكمان ما عارفة؟
اهئ اهئ اهئ


يضحك السمك ومتاميرو وعم محجوب وكمان ود سمير سيد الكوارعوالليمون شفتي كيف.
عاطف عولي
26-08-2011, 12:18 PM
انفع عنوان بوست .....!!!
لكن ... الزول بنعرفوا ....


لكن ما لقيتك ناقش؟!!!!!!!
والويه دى حنك منك سااااى .... نظام تمويه وكده ...


قرط علي كدي وما تكلم أبلة أظاظابالشمار دا
لكن برضو بنعتمد ليك شهادتك فيها ...!!!


بالله هي برضوكمان كدي؟