خواطر حول رحلتي للفلبين 2011 بالصور

[محمد النويري-الفقراء]

عندي رغبة جامحة في تعليم اللغة الانجليزية ( مخاطبة ) لانو اخوكم مشكلتو بفهم انجليزي كويس لكن ما بعرف ارد يعني عندي صعوبة في تركيب الجمل ..زي ( محس + دناقلة الخرطوم ) ماعندي غير الانجليزي العرفتو عبر كراتين الصابون . اها قلت اشوف اي من الدول ممكن ادرس فيها انجليزي مخاطبة (conversation ) اصلو اخوكم في الانجليزي خلوها سااااي .. اها بعد جري ومساككة .لاي سفارة اوربية تقبل اخوكم يدرس عندها شهر او شهرين فشلت كل المحاولات ووصل الخيار النهائي لدولتين الهند او الفلبين .. واخيرا فاز خيار الفلبين لان الشعب لو ما كله معظمه بتكلم اللغة الانجليزية .. ولقوة التعليم فيها بعد استشارة بعض الاخوان . وكذلك جمال الطبيعة فيها فالفلبين دولة جميلة جداً وفيها مناظر طبيعية روعة في الجمال وشعبها طيب جدا ومتعاون . قل ما تجد او تعاني من مشكلة معهم خلونا نمشي مع بعض الى الخواطر واحدة واحدة ابتداء من الوصول ومرورا على التعليم والحياة الجامعية وكيفية الدراسة هناك لانني التقيت مجموعة من الطلبة السودانيين هناك وكذلك الحياة العامة وتكلفة المعيشة إذا رغب اي واحد منا ارسال ابنه او بنته الى الدراسة هناك . لذا توجهت صوت السفارة الفلبينية بالرياض للحصول على تأشيرة زيارة سياحية .. نواصل
http://hh7.net/Aug/9/hh7.net_13128870383.jpg (http://hh7.net/)

[ابو عبد الرحمن]

اخ محمد حمد على السلامة وبركة الجيت طيب . ورحلة موفقة ان شاء الله
والفلبين بقولوا انها بلد جميل . والحقيقة بانت امامنا الآن .. العلم طلبه مطلوب
كما جاء في الاثر أطلبوا العلم ولو كان في الصين ... في انتظار الحكاية ...
اخي محمد وكتر الرز ... اقصد كتر الصور ههههههههههه تسلم محمد ....

[محمد النويري-الفقراء]

اخ محمد حمد على السلامة وبركة الجيت طيب . ورحلة موفقة ان شاء الله
والفلبين بقولوا انها بلد جميل . والحقيقة بانت امامنا الآن .. العلم طلبه مطلوب
كما جاء في الاثر أطلبوا العلم ولو كان في الصين ... في انتظار الحكاية ...
اخي محمد وكتر الرز ... اقصد كتر الصور ههههههههههه تسلم محمد ....
نسلم يا ابو عبد الرحمن . فعلا بلد جميلة جدا وشعبها طيب لابعد الحدود انشاء الله الرز اقصد الصور حتجيكم واتمنى ان اعكس صورة حقيقية وواقعية كي يستفيد منها من يرغب في ارسال ابنه او بنته للدراسة هناك فهناك العجب والتعجب والندهاش ..

[محمد الجزولى]

حمدا للسلامة اخي العزيز محمد النويري
وحتما سوف تبحر بنا في هذا البوست عبر مشاهد سوف نستفيد منها جميعا
تحياتي العزيز محمد وفي انتظارك

[تغريدا]

أخى محمد تصوم وتفطر على خير ورحلة موفقة مكللة بالنجاح

[محمد النويري-الفقراء]

نصحني احد الاصدقاء وهو اخ لزميلي بالشركة لديه سابق معرفة بطريقة السفر للفلبين ، بان يكون تقديم طلب الفيزا للسياحة (tourism ) وليس للدراسة حتى للطلبة الذين يرغبون في الدراسة الجامعية هناك. لان طلب تاشيرة للدراسة يحتاج قبول جامعة من هناك واجراءات طويلة تؤدي للتعطيل لذا الواحد لو عاوز يدرس بعد ان يصل الى مانيلا يمكن له ان يقوم بتغيير الفيزا من سياحية الى إقامة بغرض الدراسة بعد ان يقدم لأي جامعة يرغب الدراسة بها ويستلم القبول ونوع الدراسة المرغوبة ( من السهل الحصول عليه ) يمنح إقامة لمدة أقصاها سنة تجدد سنوياً وهناك الجامعات ممتازة جدا بها كل التخصصات طبعا هناك في مكاتب خدمات تساعدك للحصول على اقامة دراسية .

http://hh7.net/Aug/10/hh7.net_13129616961.jpg[/url

[url=http://hh7.net/]http://hh7.net/Aug/10/hh7.net_13129632843.jpg (http://hh7.net/)

http://hh7.net/Aug/10/hh7.net_13129632844.jpg

[url=http://hh7.net/]http://hh7.net/Aug/10/hh7.net_13129632845.jpg (http://hh7.net/)

[محمد النويري-الفقراء]

الله اديك العافية اخي محمد الجزولي .. مشكور ياغالي

[محمد النويري-الفقراء]

الله اديك العافية اختي تغريد وربنا يتقبل من الجميع انشاء لله .. مشكورة

[مصطفى هاتريك]

تسجيل حضور و متابعة بشغف عالي جدا

و مشكور يا النويري

[محمد النويري-الفقراء]

تسلم ياغالي اتمنى ان اعكس صورة حقيقية ومعاشة لكي يستفيد منها الجميع وبكل شفافية .. ( شفافية دي خت تحتها 3 خطوط ) هههههههههههه

[محمد النويري-الفقراء]

ركبت عربيتي ومشيت متوجها نحو السفارة الفلبينية بحي السفارات بالرياض . هناك وجدت دفتر تسجيل وضع امام الباب تكتب اسمك ورقم هويتك وتلفونك في دفتر وضع امام الباب والكل يأتي ويستطف اي كان رجل او امرأة. من باب دخول السفارة بتشعر بروح السماحة في استقبالهم لكل زائر . وانسيابية في كل شئ لا بتسمع كواريك او صوت عالي كأن السفارة دي ما فيها ناس ،طبعا مافي حاجة اسمها رسوم دخول زي الثلاث ريال رسوم لإجراء اي معاملة الكنا بندفعن زمان في السفارة حقتنا في الرياض. استقبلتني موظفة الاستقبال بابتسامة جميلة ( ديل ما بعرفن اكشرن او اقولن امشي وتعال والسيستم عطلان ) اها وجهتني على الموظفة المختصة ومشيت عليها لقيت صف إلى ان وصل دوري وكالعادة سؤال بابتسامة عن سبب ذهابي للفلبين واخوكم بدون تردد ( للسياحة ) ورطنت معاي كمية من الكلام طبعا فهمت ورديت عليها وتميت الباقي بيدي. استلمت منها طلب الحصول على تأشيرة دخول مدون فيها الشروط : خطاب من جهة عملك محدد الراتب والمهنة وحجز ( reservation ) فندق في مانيلا طول فترة الاقامة وتذكرة سفر ذهاب وعودة مع صورة من تأشيرة الخروج والعودة السعودية . وعدتني اجيها بعد اسبوع لان الموافقة غير فورية ع الاقل اسبوع وبحمد الله استلم الجواز . نواصل

[Amin Idries]

سردك شيق و انا متابع بشوق لمعرفة القادم
لك التحية أخي محمد النويري و رمضان كريم

[محمد النويري-الفقراء]

تسلم اخي امين ولك التحية اضعاف مضاعفة .. شكرا ع المرور

[محمد النويري-الفقراء]

وكان السفر يوم 1/7/2011م من مطار الملك خالد بالرياض الرحلة تستغرق 9 ساعات متواصلة مع ملاحظة انو هناك فرق 5 ساعات ما بين المملكة والفلبين. ودا كان في عز الصيفية يعني المطار كان زحمة بطريقة عجيبة . إتعنقلت في الطائرة كنت انا الوحيد سوداني وقليل من السعوديين والبقية فلبينيين ونحن في المطار كمية كبيرة من النسوان الكل عبايات ولبس اسلامي مية المية . اخذت لي غفوة وصحيت لو ما قلت بسم الله كنت افتكرت اني في طائرة غير الركبت فيها شكل الطائرة كل اتغير بناطلين وتي شيرتات وشعر مفكوك ياحليل طائراتنا وبلدنا كانت جنبي فلبينية مكمكة اسود في اسود بعد ما صحيت لقيتها حاجة تانية سالتها : هل دي نفس الطائرة المتوجهة لمانيلا ؟ اجابت : نعم انت ماشي لبلد الحرية والجمال والانتعاش !!! الكلام دا ما فهمتو إلا بعد ما نزلنا في مانيلا نواصل ..

[محمد النويري-الفقراء]

نزلنا في مطار مانيلا على الساعة 5 مساء تقريباً كان جو رهيب ممطر والله روعة شكرتنا المضيفة على اختيارنا الخطوط السعودية ونزلنا في المطار استقبالات وابتسامات من الكل وصلت لضابطة الجوازات ورطنت معاي كمية من الكلام ، انا شبكتها ليك ( yes ) شيتا فهمتو وشيتا خليتو للزمن ، سلمتني جوازي بكل احترام . مشيت خطوات وانشغلت باتصال هاتفي وما مشيت في نفس خط الجماعة الكانو راكبين معاي ( خط سير عفش الخطوط السعودية ) صادف نزولنا طائرة الخطوط البريطانية والفرنسية دا لو عندنا ما عارف كان حيكون الصالة كيف ؟ صالة الوصول اتشكلت بألوان الطيف من البشر بالجد الامور جاطت في راسي اول حاجة العملية مقلوبة ( البنات لابسات اردية نص كم ) والرجال متحشمين بالبناطلين !!! المشكلة مافي عربي تسال منو وتقول شنو ؟ تهمس باي كلمة إجوك جاريين ( نعم يا سيدي ) مافي حاجة اسمها نرفزة او صرة وش او استهداف ( عليك الله اشتري لي علبة لبن من الاسواق الحرة ) بخدموك مجاني وبابتسامة عريضة لو الزول ما مسك نفسو وبقى رزيين حيسكن جوة المطار . جاتني ملامح مطارنا وحياتنا ( حياتنا الما حياتنا ) المشكلة يا جماعة دي اول مرة اشوف بلد اسيوي او اطلع شوية من ذاكرة الدول العربية .المطار منظم جداً واللوحات الارشادية واضحة للزول (النجيض ) وعندو انجليزي لكن عينة اخوكم دا ياهو البتعب ههههه .نواصل ..

[moh_alnour]

حمدا ً لله على سلامة العودة من الفلبين و الطلة عبر المنتدى و رمضان كريم
و أتفق معك أخي محمد فمن خلال إقامتي في السعودية أستطيع القول بالفُم المليان
بأن أكثر الشعوب رُقي في التعامل من بين الأجانب الموجودين بالسعودية هم الفلبينيين و الأندنوسيين



لانو اخوكم مشكلتو بفهم انجليزي كويس لكن ما بعرف ارد يعني عندي صعوبة في تركيب الجمل

و أنا كذلك أتشارك معك هذه المشكلة فأنا أفهم و أكتب و أقرأ الإنجليزية جيدا ً و لكن أجد
صعوبة في المخاطبة ، و كم تمنيت أن أجد فرصة لتعلم الإنجليزية على أصولها عبر التخاطب المباشر مع أهلها

[تغريدا]

و أتفق معك أخي محمد فمن خلال إقامتي في السعودية أستطيع القول بالفُم المليان
بأن أكثر الشعوب رُقي في التعامل من بين الأجانب الموجودين بالسعودية هم الفلبينيين و الأندنوسيين




أخوانى الكرماء محمد النويرى وأبويذن تصوموا وتفطروا على خير
أتفق معكم فى هذه الجزئية شعب منظم بمعنى الكلمة بعملوا حاجات تحير

[مصطفى هاتريك]

أهه يا النويري واصل


وبابتسامة عريضة لو الزول ما مسك نفسو وبقى رزيين حيسكن جوة المطار


كنا واقفين هنا

[محمد النويري-الفقراء]

حمدا ً لله على سلامة العودة من الفلبين و الطلة عبر المنتدى و رمضان كريم
و أتفق معك أخي محمد فمن خلال إقامتي في السعودية أستطيع القول بالفُم المليان
بأن أكثر الشعوب رُقي في التعامل من بين الأجانب الموجودين بالسعودية هم الفلبينيين و الأندنوسيين
هلا بالحبيب محمد .. نعم الفلبينين شعب راقي لدرجة لاتوصف .. عندهم رقة واسلوب عالي في التعامل .. نقطة سطر جديد : عندهم جمال طبيعة وبشر لدرجة الاندهاش .. مشكور ع المرور الجميل يا جميل



و أنا كذلك أتشارك معك هذه المشكلة فأنا أفهم و أكتب و أقرأ الإنجليزية جيدا ً و لكن أجد
صعوبة في المخاطبة ، و كم تمنيت أن أجد فرصة لتعلم الإنجليزية على أصولها عبر التخاطب المباشر مع أهلها
نعم اكثر حاجة عندهم فوة التعليم من اول يوم نزلت وكل الناس بتتكلم انجليزي ابتداء من الحبوبة وانتهاء بالطفل الصغير

[محمد النويري-الفقراء]

أخوانى الكرماء محمد النويرى وأبويذن تصوموا وتفطروا على خير
أتفق معكم فى هذه الجزئية شعب منظم بمعنى الكلمة بعملوا حاجات تحير

الله اديك العافية تغريدا .. فعلا ولو شفتيهم في بلدهم وكمية احترام الضيف والرقي في التعامل تحتاري اكثر .

[محمد النويري-الفقراء]

أهه يا النويري واصل


وبابتسامة عريضة لو الزول ما مسك نفسو وبقى رزيين حيسكن جوة المطار


كنا واقفين هنا



تسلم يا رائع حنواصل من هنا .. اشكرك ع المتابعة الجميلة

[محمد النويري-الفقراء]

كل طائرة وعندها سير للعفش براها . اخوكم ( راسو داش ) من العلي ما براي سويتو في نفسي .. اللوحات دخلن في بعض وحاجات تانية زغللت لي عيوني ماعرفت شنطة ملابسي في ياتو سير ( انشاء الله سير مكنة ) الفيوز كلها ضربت والمشكلة عاينت في الناس الكانو معاي ماعرفتهم مشو بياتو طريق وماحاولت اسال اي واحد قلت خليني النعمل بفهم زائد ( والفهم الزائد مشكلة ) المهم قلت مافي طريقة غير اعمل ( يا إيدي ختيني ) شختك بختك واقيف في اي صف وخلاص ، مشيت وركبت صف ناس كلهم ( نضاف ) انا الوحيد الخاطف لونين في نصهم ، لبسهم لبس عادي جدا ( اردية نص كم والباقي انتو عارفنو ) وزولي الفلبيني برة عامل لي قلق اشيل وإتصل بي وين انت ؟ وين انت ؟ ماعارفني انا هنا دايش ومدشدش . نواصل ..

http://hh7.net/Aug/15/hh7.net_13133673771.jpg (http://hh7.net/)

http://hh7.net/Aug/15/hh7.net_13133673772.jpg (http://hh7.net/)

http://hh7.net/Aug/15/hh7.net_13133673773.jpg (http://hh7.net/)

[محمد النويري-الفقراء]

فكرت اسيب شنطتي واشتري غيرها وخلاص لكن اتراجعت وشفتها شينة المهم لشلاقتي في واحدة جنبي متمرة التقول مودينها الدلالة قلت اتظارف معاها واسألها بلطف بطريقة الهمس الجميل سالتها عن ياتو خطوط دي ردت علي بالفرنسي وما فهمت من ردها اي حاجة عرفت نفسي اني اتشعلقت في سير الخطوط الفرنسية . قلت دي ما ظبطت شفت سير تاني جمبهم وركبت فيهو الشنط لافة وكل الشنط حتة حتة شنط جميلة ياحليل سير العفش عندنا في مطارنا شئ براميل مربطة ،وشئ شنط مربطة بحبال ( كانها حتجري منهم ) وكراتين واشياء ما بتلقاها إلا عندنا نحن بس ما بتعرف دي طائرة ولا لوري عفش . سرحت بعيد انتبهت لصوت ناعم همس عجيب ( can u help me please ) . نواصل ..
http://hh7.net/Aug/16/hh7.net_13134810181.jpg (http://hh7.net/)
http://hh7.net/Aug/16/hh7.net_13134810192.jpg (http://hh7.net/)

[تغريدا]

حضور ومتابعة وكتتتتتتتتر من الصور

[abomazeen]

محمد النويري ... رمضان كريم
صراحة سردك جميل ومشوق كمان
عجبتني صورة مدينة (كلامبا لاقونا شديد Calamba Laguna)
وتشتهر ضواحي المدينة بعمل المنحوتات الخشبية المتنوعة
ويا ريت لو شرحت بتفصيل مسهب طريقة الحياة هناك

[محمد النويري-الفقراء]

مشكورة ع المتابعة ومروركم يسعدني ..

[محمد النويري-الفقراء]

محمد النويري ... رمضان كريم
صراحة سردك جميل ومشوق كمان
عجبتني صورة مدينة (كلامبا لاقونا شديد Calamba Laguna)
وتشتهر ضواحي المدينة بعمل المنحوتات الخشبية المتنوعة
ويا ريت لو شرحت بتفصيل مسهب طريقة الحياة هناك



تسلم اخي ابومازن .. الله اكرم .. فعلا مدينة قمة في الجمال وروعة والله ابهرتني كل الفلبين انا اكثر مدة كنت في مدينة Baguio اشياء لا توصف وشعب طيب لابعد الحدود فعلا بلاد تستحق السفر إليها . اها باين عليك كنت هناك من خلال معرفتك بمدينة لاقونا . مشكور ع المرور الجميل

[محمد النويري-الفقراء]

عاينت ليها من شدة ما متنعمة الدم في عروقها شايفو جاري ناولتها شنطة وقعت من السير وبقيت منتظر شنطتى وقنعت وقلت اسيبها ليهم انشاء الله تنفعهم . لكن الحمد لله جاتني موظفة من موظفات المطار ماشاء الله ( ترقش زي اللمبة ) يا جماعة الناس ديل بجيبو النضافة دي من وين ؟ مافي غبشة كلو بيلمع وبيرقش رجال كان نسوان . هناك ما بتنادي على زول او تكورك الكلام كلو همس ( yes sir ) تعامل راقي جداً من كل القائمين في المطار وانقذتني لانو شافتني زي الشامة واقف متشنط وسط الفرنسيين السمحين ديل أتلفت زي مروحة الطربيزة. دلتني على سير الخطوط السعودية ولقيت جماعتني الكانو معنقلين معاي في الطائرة.. شلت شنطتي وعلى الباب ، بعدها عملت تبديل للعملة من الريال للفلبيني ( بيسو – peso طبعا الريال يساوي 11 بيسو ) ملاحظة عجبتني شديد . وانت داخل اول مرة بتعمل تبديل من ريال او دولار حسب العملة الجايبها معاك الى عملتهم المحلية . وانت راجع في نفس المطار بترجع ليهم اي عملة محلية معاك وبتاخد العملة الاجنبية الانت عاوزها وطلعت لبرة المطار . نواصل ..
http://hh7.net/Aug/17/hh7.net_13135716731.jpg (http://hh7.net/)
http://hh7.net/Aug/17/hh7.net_13135769642.jpg (http://hh7.net/)
http://hh7.net/Aug/17/hh7.net_13135769643.jpg (http://hh7.net/)

[محمد النويري-الفقراء]

عندي زميلي فلبيني بالشركة عمل لي تنسيق مع اخوه هناك عشان يستقبلني في المطار طبعا لا بعرفني لابعرفو . لانو الفكرة اني امشي ادرس عندهم في مدينتهم .عند الباب وجدت الجماعة عاملين لوحات وشفت زولي معاهو مرتو من خلال اللوحة الرافعها فوق كاتب عليها ( Mohammed Alnuwari ) طبعا كلو انجليزي ما في عربي بعد ما سلمت وحق الله وبق الله ، ملاحظة مهمة عندهم حكاية التصوير دي مهمة وعادي جدا ممكن اتصوروا في المطعم او الشارع او اي حتة ما زي عندنا لو مسكت ليك كاميرا في الشارع الجماعة اقولو ليك (شوف العوير دا ) إكرهوك الصور زاتها. طبعا اتصورنا ( مافي زول اقول لي نزل صور استقبال المطارههههه ) اها حصلت دهشة صغيرونة زولي جاني هو ومرتو لابسين زي اللبس الشفتو في المطار، مرتو سلمت علي عادي جداً ( والله نحن في نعمة نسوانا تسلم عليك وهي آخر حشمة ) كلام عجيب من خلال الشارع العام توصلت لان البلد كلها دي حياتهم كده .. لبس اوربي الواحد لو استنكر اللبس حيكون هو الغريب .. عادي جداً فنادق بها كل الخدمات بارات مفتوحة طوال اليوم . المهم مشيت الموضوع لان دي حياتهم كده . مشيت معاهم هم ساكنين على بعد ساعتين من مانيلا في مدينة اسمها (laguna ) سبحان الله عندهم ( لاقونة ) وعندنا ( زقلونة ) ! مابين زقلونة ولاقونة فرق كبيييير بلد جميلة جداً اكبر مشكلة واجهتني كنت خائف من اكلهم لانهم بياكلو الخنزير ولحم الكلاب ومشكلتي نسيت كلمة خنزير بالانجليزي شنو ( Pork ) وحسيت بجوعة شديدة سالني ناكل شنو ؟ قلت ليهو بنزل معاك المطعم اشوف بعيني قلت من باب الوقاية خير من العلاج عيني للدجاج المابغباني قلت ليهو انا اديني دجاج وانت اكل الاكل البتعرفو انت . الاكل عندهم رخيص جداً وجبة دجاج مشوي تآكل وتشيل باقي الاكل معاك بقيمة 12 ريال فقط !! طبعا طول الطريق امطار نازلة بكثرة .. نواصل .
http://hh7.net/Aug/20/hh7.net_13138250631.jpg (http://hh7.net/)
بلد جميلة بالفعل
http://hh7.net/Aug/20/hh7.net_13138250632.jpg (http://hh7.net/)
http://hh7.net/Aug/20/hh7.net_13138250633.jpg (http://hh7.net/)
http://hh7.net/Aug/20/hh7.net_13138250634.jpg (http://hh7.net/)

[abomazeen]

تسلم اخي ابومازن .. الله اكرم .. فعلا مدينة قمة في الجمال وروعة والله ابهرتني كل الفلبين انا اكثر مدة كنت في مدينة Baguio اشياء لا توصف وشعب طيب لابعد الحدود فعلا بلاد تستحق السفر إليها . اها باين عليك كنت هناك من خلال معرفتك بمدينة لاقونا . مشكور ع المرور الجميل



حباب الحبيب النويري الفلبيني (حلوة الفلبيني دي)
لكن بعد وصفك الجميل وكلام عن البلدي دي
وبصراحة أنا ما مشيت الفلبين قبل كده
لكن عندي صديقي في مدينة Laguna
وأول ما شاف الصور بتاعتك عرفها
وقال لي صاحبك مشى Laguna
كدي قول لينا سعر الإيجار لمدة شهركم ؟
وسعر الوجبات في المطاعم وأنواعها ..؟
أكيد في مطاعم (عربية/مسلمة) مش كده ؟
وطبعا مدينة (مندناو المسلمة) أشهر مدينة مسلمة
يلا واصل لينا وصفك وسردك الجميل (وصااف)
لكن يا النويري ... ما لقيتك وصااااف شديد ...!

[محمد النويري-الفقراء]

حباب الحبيب النويري الفلبيني (حلوة الفلبيني دي)
سوداني معدل فلبيني هههههههه

لكن بعد وصفك الجميل وكلام عن البلدي دي
وبصراحة أنا ما مشيت الفلبين قبل كده
لكن عندي صديقي في مدينة Laguna
وأول ما شاف الصور بتاعتك عرفها
وقال لي صاحبك مشى Laguna
كدي قول لينا سعر الإيجار لمدة شهركم ؟
وسعر الوجبات في المطاعم وأنواعها ..؟
أكيد في مطاعم (عربية/مسلمة) مش كده ؟
وطبعا مدينة (مندناو المسلمة) أشهر مدينة مسلمة
يلا واصل لينا وصفك وسردك الجميل (وصااف)
لكن يا النويري ... ما لقيتك وصااااف شديد ...!



المدينة جميلة شديد انا ماقعدت فيها إلا يومين وسافرت بعدها لمدينة باجيو بلد الجمال والحرية والإندهاش . ما لاقتني مطاعم عربية هناك ولا مسلمة لكن كنت بآكل الدجاج معروف واللحم ( البقري ) كان للوصف اوصف ليك لمن تعرف حاجة لكن بحاول اختصر عشان ما اطول على الناس .. اتمنى ليك تمشي زيارة وتشوف بعينك روعة وجمال الطبيعة ...
http://hh7.net/Aug/20/hh7.net_13138302921.jpg (http://hh7.net/)

http://hh7.net/Aug/20/hh7.net_13138302932.jpg (http://hh7.net/)

[محمد النويري-الفقراء]

المساء نزلني الفلبيني في بيتهم تتكون اسرته من زوجته وطفلين ووالدة زوجته . حبوبة كبيرة في العمر كلموها بأني ضيف عندهم لقيتها ماشاء الله بتتكلم انجليزي فل بس حيرتني شوية . لابسة ليها ( برمودة وفانيلة ) والله طبعا استغربت جداً بعد شوية لقيت البيت كلو كده من هنا استوعبت انو دا لبسهم وحياتهم ، والحيرني اكثر لقيت اخت زوجته ساكنة معاهم بأطفالها سالتهم وين بيتها ردت مرتو قالت اختي ساكنة معاي لانو راجلها شغال برة الفلبين فيهم صفاتنا الجميلة ( تكافل اجتماعي ). بعد الترحيب والاستقبال الجميل انتقلت للمبيت في شقة مفروشة ملاصقة لسكنهم . واتفقت مع الفلبيني عشان اشوف اي جامعة او معهد أدرس فيهو كورس مخاطبة لغة انجليزية .اليومين الاولين عيوني زغللن ما عرفت اعاين في منو الأول ؟ في الاشجار والطبيعة ولا في الناس .هناك مافي زول شغال بزول من جميع النواحي ومن ناحية اللبس او السكن الكل واحد . ماعندهم حكاية انت ساكن فوق ولا تحت اهم حاجة عندهم الاكل والشراب ( البيرة ) ما بشيلو هم لقفة الملاح ( هم زاتم اكلهم ما ملاح ) اصابني الاندهاش نواصل ..[/[/COLOR][/SIZE]http://im9.gulfup.com/2011-08-23/1314086620381.jpg (http://www.gulfup.com/)

http://im9.gulfup.com/2011-08-23/1314086620162.jpg (http://www.gulfup.com/)

[تغريدا]

تسجيل حضور ومتابعة

[محمد النويري-الفقراء]

تسجيل حضور ومتابعة

الله اديك العافية حضورك يشرفني ومرورك يسعدني

[بنت الرفاعي]

كان للوصف اوصف ليك لمن تعرف حاجة لكن بحاول اختصر عشان ما اطول على الناس ..
[/URL]

[URL="http://hh7.net/"] (http://hh7.net/)



:):):)
لك التحية أخي محمد.:)

ما شاء الله،
مُتابعين لوصفك الجميل للرحلة،
وإن شاء الله ما بتطول على الناس،
فنتمنى تواصل وبلا اختصار لو سمحت.:)


:):):)

[محمد النويري-الفقراء]

:):):)
لك التحية أخي محمد.:)

ما شاء الله،
مُتابعين لوصفك الجميل للرحلة،
وإن شاء الله ما بتطول على الناس،
فنتمنى تواصل وبلا اختصار لو سمحت.:)


:):):)




الله اديك العافية اخت مرام واشكر لك المتابعة الجميلة .. وما بيدي اطول على الناس ولكن لظروف الشغل جيت ولقيت شغل مردوم ردم .. بحاول ادخل واكمل كل ما تتاح لي الفرصة بذلك . وانشاء الله حيكون الموضوع متوصل بلا انقطاع

[محمد النويري-الفقراء]

شقيق زميلي بالشركة عندو صاحبو بيحضر ماجستير صيدلة بالفلبين وقال لي لزوم التواصل لازم تمشي ليهو في مدينة اسمها ( Baguio ) مدينة جميلة جداً بها طاب لي المقام لمدة شهر كامل .. مدينة مرتفعة على الجبال امطار غزيرة لشهور عدة .جوها طول السنة روعة، مخضرة وسبحان الله كلها اشجار وخضرة ووجه حسن يرتادها معظم الاوربيين تبعد عن مانيلا 7 ساعات ، سكانها قمة في الرقى والبساطة بها 3 من اكبر الجامعات واقواها وهي : جامعة ( اس ل يو - SLU-Saint Louis University و جامعة ( يو بي - UB-University of Baguio ) وجامعة ( يو سي - UC- University of Cordillera ) بهم كل التخصصات . لذا تجد كمية كبيرة من الطلبة ومن جميع الجنسيات . من الناحية الاقتصادية البلد رخيصة جدا ، اتصلت على ذاك الدكتور السوداني وسالني وين انت الان ذكرت ليهو المدينة ( لاقونة ) قال لي تركب تجي بكرة الصباح بدري وتجينا هنا في مدينة ( باجيو ) مدينة التعليم والسياحة والجمال وحتعجبك جداً سبحان الله فينا ميزة جميلة وهي سودانيتنا مهما تمشي اي بلد في العالم بتجد روح التعاون والمساعدة من بني جلدتك ، ذاك الطبيب واخوه و3 من الطلبة السودانيين مثلوا معاي هناك أدوار من الرجولة والشهامة والإخاء فقد كانوا عوناً وسندا لي ابتداء من استقبالهم لي عند محطة الوصول للمدينة وانتهاء بوداعي بنفس محطة الوصول راجعاً الى مانيلا . نواصل ..
http://hh7.net/Aug/24/hh7.net_13141865361.jpg (http://hh7.net/)
http://hh7.net/Aug/24/hh7.net_13141865362.jpg (http://hh7.net/)
http://hh7.net/Aug/24/hh7.net_13141865363.jpg (http://hh7.net/)

[تغريدا]

[quote=محمد النويري-الفقراء;625633] الصباح بدري وتجينا هنا في مدينة ( باجيو ) مدينة التعليم والسياحة والجمال وحتعجبك جداً سبحان الله فينا ميزة جميلة وهي سودانيتنا مهما تمشي اي بلد في العالم بتجد روح التعاون والمساعدة من بني جلدتك ، ذاك الطبيب واخوه و3 من الطلبة السودانيين مثلوا معاي هناك أدوار من الرجولة والشهامة والإخاء فقد كانوا عوناً وسندا لي ابتداء من استقبالهم لي عند محطة الوصول للمدينة وانتهاء بوداعي بنفس محطة الوصول راجعاً الى مانيلا . نواصل ..


ياهو دا السودان والسودانين أينما حلوا
طبيعة ساحرة سبحان الله أخى محمد النويرى والله ضربت عصفورين بحجر واحد جبت أجلهم دراسة وسياحة:)
متابعين بس ماتكتر الفواااااااصل:)

[محمد النويري-الفقراء]

[quote=محمد النويري-الفقراء;625633] الصباح بدري وتجينا هنا في مدينة ( باجيو ) مدينة التعليم والسياحة والجمال وحتعجبك جداً سبحان الله فينا ميزة جميلة وهي سودانيتنا مهما تمشي اي بلد في العالم بتجد روح التعاون والمساعدة من بني جلدتك ، ذاك الطبيب واخوه و3 من الطلبة السودانيين مثلوا معاي هناك أدوار من الرجولة والشهامة والإخاء فقد كانوا عوناً وسندا لي ابتداء من استقبالهم لي عند محطة الوصول للمدينة وانتهاء بوداعي بنفس محطة الوصول راجعاً الى مانيلا . نواصل ..


ياهو دا السودان والسودانين أينما حلوا
طبيعة ساحرة سبحان الله أخى محمد النويرى والله ضربت عصفورين بحجر واحد جبت أجلهم دراسة وسياحة:)
متابعين بس ماتكتر الفواااااااصل:)


ههههههههههه .. تغريدا بركة الجبت اجلهم بحجر واحد وما جبت اجلي انا .. لانو بالجد بلد جميلة حد الاندهاش لو الواحد ما شاف بعينو كان ممن ما اقدر استوعب كل ذاك الاندهاش والجمال الطبيعي بالجد الراجل الهناك واخوه واصحابو ما قصروا معاي فعلا اولاد مأصلين والعاجبني فيهم ما زي بقية الطلبة السودانيين الهناك بالجد حاجات تحير وتكمل الفهم .. مرورك اسعدني

[محمد النويري-الفقراء]

طول الطريق ذاك الطبيب على اتصال دائم بي وسؤالي وين انت الآن ومن الظريف انو كلو اجاباتي نحن في حتة عالية وجبال خضراء طبعا قعد إضحك لانو كلو الطريق كدا . وصلت مدينة ( باجيو ) على الساعة 6 مساء استقبلوني الشباب اجمل استقبال واحر ترحيب ( ديل أهلي مكان قبلت القاهم معاي معاي زي ضلي ) فعلا اثلج صدري استقبالهم وترحيب بعد السلام والتحايا عرفتهم بنفسي وعرفوني بنفسهم 2 منهم بحضروا ماجستير صيدلة وواحد مختبرات وواحد اقتصاد. بعد الضيافة والترحاب قال لي صاحبي هذا ( بقينا اصحاب طبعاً ) انو يمكن ان استاجرغرفة في فندق 5 نجوم وجاهزة الان ولكنه اقترح أني اسكن مع طبيب زميلهم لانه مستاجر 2 غرفة وهناك غرفة غير مستخدمة تم تجهيزها لي ودفع قيمة السكن بدلا عن الفندق حيث كانت بنصف السعر وبها كل الخدمات . وانتقلت للاقامة بها . شقيق صاحبي ( اقتصاد ) ومقيم معه بشقة . قال لي انو عندو معهد درس فيهو وانو طريقة التعليم فيهو ممتازة جدا واتفقنا على ان نتقابل صباح اليوم التالي للذهاب والتسجيل في ذاك المعهد . وفعلا التقينا على الساعة 9 صباحاً وتحركنا سوياً ، اجمل حاجة عجبتني انو صاحبي يتكلم معهم باللغتين المحلية ( تاقالو tagalo ) وانجليزي . في الطريق شقيق صاحب قال لي اول حاجة لازم اشتري ( مظلة - Umbarella ) لانو فعلا المطر نازل يومي وساعات طوال دا لو نازل عندنا كنا طلبنا الإغاثة والميزة الحلوة مافيهو رعد ولا برق صااابي بقوة وبدون رعد .. بعدها اتوجهنا للمعهد .. بعد السلام وحق الله وصلنا باتفاق ودفعت القروش شهر كامل مخاطبة (one by one ( الرسوم 1300 ريال فقط 5 ساعات دراسة متواصلة والله حاجة روعة . نواصل ..

في الطريق الى باجيو بالبص السياحي

http://im9.gulfup.com/2011-08-27/131443419281.jpg (http://www.gulfup.com/)

http://im9.gulfup.com/2011-08-27/131443419282.jpg (http://www.gulfup.com/)

http://im9.gulfup.com/2011-08-27/1314434193393.jpg (http://www.gulfup.com/)

[تغريدا]

[QUOTE=محمد النويري-الفقراء;626046] اجمل حاجة عجبتني انو صاحبي يتكلم معهم باللغتين المحلية ( تاقالو tagalo ) وانجليزي .


أظن بل أكيدة أنه الواحد لما يمارس التكلم باللغة مع الدراسة بيتعلما أكثر خصوصاً أذا كان التخاطب مع أصحاب اللغة أنفسهم
أخى محمد كل سنة وأنت طيب تسجيل حضور ومتابعة وتفاصيل أكثر

[ياسر عمر الامين]

استمتاع بالسرد الجميل اخى النويرى...معاك لاخر القصة.

[محمد النويري-الفقراء]

[quote=محمد النويري-الفقراء;626046] اجمل حاجة عجبتني انو صاحبي يتكلم معهم باللغتين المحلية ( تاقالو tagalo ) وانجليزي .


أظن بل أكيدة أنه الواحد لما يمارس التكلم باللغة مع الدراسة بيتعلما أكثر خصوصاً أذا كان التخاطب مع أصحاب اللغة أنفسهم
أخى محمد كل سنة وأنت طيب تسجيل حضور ومتابعة وتفاصيل أكثر

نعم اختى تغريد .. الممارسة مع اصحاب الشأن افضل واللغة معروف عنها بيئة يعني ممكن لو الواحد قعد معاهم 3 شهور يستفيد اكثر لانك مجبر على التحدث انجليزي لقضاء حوائجك اليومية والتقل من مكان لمكان . وانتي طيبة واشكرك ع الحضور الجميل والمتابعة

[محمد النويري-الفقراء]

استمتاع بالسرد الجميل اخى النويرى...معاك لاخر القصة.
تسلم ومشكور يا غالي .. اتمنى اكون قريب لعكس الواقع الحقيقي وبكل شفافية .. مرورك اسعدني

[محمد النويري-الفقراء]

كل سنة وانتم طيبين .. سوف اتوقف عن سرد خواطري لحين الرجوع بعد أداء العمرة بمكة المكرمة والعيد بالمدينة المنورة على ساكنها افضل السلام ... وسوف اواصل ذكر خواطر معينة إنشاء الله على الرغم من إني كنت لا اود سردها ولكن صديق عزيز كان مصراً على ذكرها كي يستفيد منها كل من كان له ابناً او بنتاً يدرسون هناك ومنها : اول مرة على الطبيعة ارى ما اشاهده في الافلام الأجنبية عن علاقة ( البوي والقيل فرند ) ؟؟
ماذا عن التحصيل الأكاديمي وما أخطر المؤثرات الخارجية على كل طالب ؟؟ وهل كل واحد يمكن له أن يرسل إبنه للدراسة هناك دون توعيته بالحياة هناك وما يمكن أن يواجهه ؟؟ وكيفية التعامل معه ؟؟ بالعربي الفصيح أي نوع من ابناءنا يمكن أن نرسله للدراسة هناك ؟؟ والف مرحب باستفساراتكم فكلنا اخوة ...

[محمد النويري-الفقراء]

[COLOR="blue"][SIZE="5"]ملاحظة الفلبيين عندهم اهتمام بالكلاب بطريقة عجيبة بتلقى الواحد عندو كم كلب مربيهم في البيت ، الكلب زي الخروف شدت ما كبير لو (هوهو) فيك بتتسمر في مكانك من الخوف .. اهتمام بالتغذية حقتو وعندو دكتور بودوهو ليهو لو شعر باي تعب او مرض ( نحن وين وهم وين ) والكلب عندو يوم للنزهة عشان ما ادبرس وتجيهو نفسيات ( عندنا اجيبوا ليك من مافي مية سبب عشان اعملو ليك نفسيات )بالجد كميات من الكلاب بتكون موجودة في البيت بطريقة مدهشة طبعا للاكل والبيع زي ماعارفين هم بياكلو لحم الكلاب ( حمانا الله وإياكم ) والاجمل كلابهم ما زي ( كلابنا ) عندنا الكلب لو شاف العربية بيجري وراءها مطاردة لكن كلابهم ما بيجروا لو شاف العربية او بالاصح بيبتعدو قدر استطاعتهم ( طبعا خوفاً من الضبح ) ذكرتوني صاحبي الدكتور قال لي يوم جينا راجعين البيت بدري شوية ولقينا جارنا الفلبيني خاتي يديهو في راسو ومتاثر شديد سالوهو مالك : قال الليلة فاقد كلبو جاء البيت ما لقاهو ( إكيد اتلحس خلاص ) قال ليي شدت ما الراجل حزين قعد سبعة يوم بفتش وبسأل عن كلبو وبعد ما قنع من رجعتو رقد في الواطة وقعد ابكي واكورك ( البكاء ما بجيبو لي ) اتخيلو حزين لفراق كلبو !!! سبحان الله عندنا الكلب لو جاء ماشي في الشارع الف واحد اضربو بحجر لمن اعرف حاجة .. نواصل
http://im11.gulfup.com/2011-09-05/1315212092721.jpg (http://www.gulfup.com/)

[انيس التوم]

اول مرة على الطبيعة ارى ما اشاهده في الافلام الأجنبية عن علاقة ( البوي والقيل فرند ) ؟؟


الاخ النويري

كل سنة وانت طيب وربنا يحقق امانيك وانشاء الله السنة الجاية خواجة عديل .... متابع البوست ومستمتع لاني مشيت مانيلا كم مرة بس عندي تعقيب بسيط على الفقرة أعلاه ...
انت عارف الحاجه دي مهمة جداً جداً ما تفهمني غلط عشان الواحد يقدر يتعرف على البلد ويتعلم لغتها طالما حيقعد فيها ،، الحاجة التانية بتوفر الامان للزول وتحفظ الزول قول لي بتحفظه كيف في صديقات بنات حلال يعني الواحد بتكون انت صديقها واحتمال تبقى خوة عديل والله كلامي ده صاح ,,,, والاهم من ذلك الزول نفسه لو زول جامد وملتزم ما بتجيه عوجة لكن لو كان زول نص نص اكيد حيقع في الغلط ,,,, الشعب الاسيوي كلوا شعب مرح وجميل ...
بالنسبة للغة الانجليزية تخيل معاي يكون عندك فردة تطلعوا وتمشوا وتشتروى وتاكلوا وتشربوا وتمشوا السوق واي حاجه بتكون معاك
اكيد اللغة بتجي براها ,,,, والاهم من ذلك الزول يكون ملتزم واسل مجرب
تحياتي
واصل سردك ومنتظرين

[انيس التوم]

اما مسالة الكلاب والحاجات دي خليها ساكت ،،، انا اديك قصة مرة رحلت في شقة كانوا ساكين فيها كوريين قبلي المهم مشيت اجرت الشقة لقيت في قطة (كديسة ) اظاهر ما رحلت نسوها المهم كديسة قدر الخروف قلته ياخي خلاص طالما الكديسه دي قاعدة معاي في الشقة اخليها تقعد اخير من الزول يقعد براه المهم وبقيت اشتري ليها الاكل الخاص بتاعها وبالشي الفلاني طبعاً الامور ماشية ...
في يوم من الايام فتحت الباب وكان الكديسة راقدة ما شوفتها حصل ليها كسر في السلسلة الفقرية حسب كلام الطبيب الكديسة بقت تكورك اتصل على جاري كوري قام اتصل بالاسعاف لاحظ اسعاف خاص بالحيوانات وطوالي جوه ومعاهم طبيب طبعاً عندهم علم بانها كديسة
زي ما بقول ليك نقالة خاصة وكده مشيت المستشفى ,,,, طبعاً هنا اي حيوان عندو ملف خاص بيه من الولادة الموضوع جره المهم انا دفعة لايدي ولا كراعي 200 دولار علاجات وكده وبعد داك طلبوا مني المتابعة كلو اسبوع لحدي ما الكديس بقى كويس ،،، ما كان عندي خيار غير اسلم الكديس لسلطات البلدية باعتباره قط مجهول وحصل ......

[محمد النويري-الفقراء]

الاخ النويري

كل سنة وانت طيب وربنا يحقق امانيك وانشاء الله السنة الجاية خواجة عديل .... متابع البوست ومستمتع لاني مشيت مانيلا كم مرة بس عندي تعقيب بسيط على الفقرة أعلاه ...
اخي انيس جميل انك مشيت والاجمل اني انشاءالله لو لقيت طريقة كل سنة بمشي بس مع عيالي ههههههه

انت عارف الحاجه دي مهمة جداً جداً ما تفهمني غلط عشان الواحد يقدر يتعرف على البلد ويتعلم لغتها طالما حيقعد فيها ،، الحاجة التانية بتوفر الامان للزول وتحفظ الزول قول لي بتحفظه كيف في صديقات بنات حلال يعني الواحد بتكون انت صديقها واحتمال تبقى خوة عديل ( صديقة وتبقى خوة دي كيف ياغالي؟ ) والله كلامي ده صاح ,,,, والاهم من ذلك الزول نفسه لو زول جامد وملتزم ما بتجيه عوجة لكن لو كان زول نص نص اكيد حيقع في الغلط ,,,, الشعب الاسيوي كلوا شعب مرح وجميل ...
بالنسبة للغة الانجليزية تخيل معاي يكون عندك فردة تطلعوا وتمشوا وتشتروى وتاكلوا وتشربوا وتمشوا السوق واي حاجه بتكون معاك
اكيد اللغة بتجي براها ,,,, والاهم من ذلك الزول يكون ملتزم واسل مجرب
تحياتي
واصل سردك ومنتظرين
الغالي انيس مع احترامي الشديد ليك طال ما الواحد عاوز صديقة ليه ما اخليها زوجة ؟ لو لاحظت وانت مشيت هناك الواحدة بتكون صديقة وبتعيش معاك كزوجتك تمام مافي شي ناقص غير ورقة الزواج !! لو على اللغة البيئة بتساعدك براها لانو الشارع والبقالة والتاكسي والجامعة وكل البيئة انجليزي يعني ما معتاج لصديقة ؟ ولو على النص نص لو لاحظت الشارع هناك ما بيساعد على الالتزام مهما قاومت وحاولت . بصراحة الوضع صعب جداً والادهي وامر انو عندهم حكاية الصداقة دي عادي جداً ممكن تجيك وهي طالعة من بيتهم لبيتك راس عديل .. بالجد مرورك اسعدني ياغالي

[محمد النويري-الفقراء]

اما مسالة الكلاب والحاجات دي خليها ساكت ،،، انا اديك قصة مرة رحلت في شقة كانوا ساكين فيها كوريين قبلي المهم مشيت اجرت الشقة لقيت في قطة (كديسة ) اظاهر ما رحلت نسوها المهم كديسة قدر الخروف قلته ياخي خلاص طالما الكديسه دي قاعدة معاي في الشقة اخليها تقعد اخير من الزول يقعد براه المهم وبقيت اشتري ليها الاكل الخاص بتاعها وبالشي الفلاني طبعاً الامور ماشية ...
في يوم من الايام فتحت الباب وكان الكديسة راقدة ما شوفتها حصل ليها كسر في السلسلة الفقرية حسب كلام الطبيب الكديسة بقت تكورك اتصل على جاري كوري قام اتصل بالاسعاف لاحظ اسعاف خاص بالحيوانات وطوالي جوه ومعاهم طبيب طبعاً عندهم علم بانها كديسة
زي ما بقول ليك نقالة خاصة وكده مشيت المستشفى ,,,, طبعاً هنا اي حيوان عندو ملف خاص بيه من الولادة الموضوع جره المهم انا دفعة لايدي ولا كراعي 200 دولار علاجات وكده وبعد داك طلبوا مني المتابعة كلو اسبوع لحدي ما الكديس بقى كويس ،،، ما كان عندي خيار غير اسلم الكديس لسلطات البلدية باعتباره قط مجهول وحصل ......

هههههههه صدقت الناس ديك عندهم اهتمام بالحيوانات بطريقة عجيبة انا لو كنت محلك كان فتح ليها الباب بالليل ويادار ما دخلك شر هههههههه

[محمد النويري-الفقراء]

بصراحة يا جماعة موضوع الصداقة دا شايك وعجيب بحاول اوصلو ليكم بقدر المستطاع لو وافقنا انو اكون الطالب عندو صديقة وبتساعدو وبتعلمو اللغة سريع : كيف حيكون وضعها مع انو هناك مافي شريعة ولا يحزنون ؟ مع العلم اننا مسلمين ؟ انا ما زول عالم وما عندي فتوى لكن بالجد ماعارف الوضع كيف ؟ الشارع العام لو بقيت شارب الدين شراب ما بتقدر تتحمل لو كانت مدتك طويلة ؟ اخوكم ما اعمل فيها الشريف الرضي لكن الحمد لله كانت مدتي قصيرة شهر بس . لكن بالجد الموضوع شايك شديييد وماعارف ابداهو من وين ؟ هههههههههه
http://hh7.net/Sep/6/hh7.net_13152966671.jpg (http://hh7.net/)
http://hh7.net/Sep/6/hh7.net_13152966682.jpg (http://hh7.net/)

[النويري]

بصراحة يا جماعة موضوع الصداقة دا شايك وعجيب بحاول اوصلو ليكم بقدر المستطاع لو وافقنا انو اكون الطالب عندو صديقة وبتساعدو وبتعلمو اللغة سريع : كيف حيكون وضعها مع انو هناك مافي شريعة ولا يحزنون ؟ مع العلم اننا مسلمين ؟ انا ما زول عالم وما عندي فتوى لكن بالجد ماعارف الوضع كيف ؟ الشارع العام لو بقيت شارب الدين شراب ما بتقدر تتحمل لو كانت مدتك طويلة ؟ اخوكم ما اعمل فيها الشريف الرضي لكن الحمد لله كانت مدتي قصيرة شهر بس . لكن بالجد الموضوع شايك شديييد وماعارف ابداهو من وين ؟ هههههههههه
http://hh7.net/Sep/6/hh7.net_13152966671.jpg (http://hh7.net/)
http://hh7.net/Sep/6/hh7.net_13152966682.jpg (http://hh7.net/)


يعني نفهم من كلامك دا يا حمادة لو مدتك كانت طويلة كان خربت الدنيا أنا غايتو بحب الجو الجميل والمناظر الطبيعية دي حب غير عادي أكان مشيت بس بباري الطريق دا وخلاص هههههههههههه

مستمتعين معاك بكل الشغف وكل عام أنت والأسرة بكل خير وواصل ونحن متابعين

[انيس التوم]

نواصل يا اخي النويري

واحدة واحدة اوكي

شايفك ياخوي مستغرب من قصة الخوة والحنك ده انا ابسط ليك الموضوع انت عارف اي شاب لمن يطلع اول مرة لبلد مفتوحة يعني بالعربي كده على كيفيك بكون في حالة بتاعت طشاش وبجرب كل انواع الحاجات الموجودة قدامه وكلامي ده ما لكل الناس بعض الناس بعد داك يا حبيب برجع لصوابه كيف يرجع صدقني الانسان بطبعوا ما يقدر يستقر على وتيرة واحدة ,,,, انا مثلاً اول ما دخلته اسيا كان عندي فهم انوا اتعلم واقدر اقدم شي لناس التعبت فيني لحدي ما بقيت راجل الحمدلله وربنا جابني لبلاد اساساً البت فيها عزيرة بالرغم من الانفتاح الموجود عزيرة كيف يعني بالعربي ما من الساهل تسلمك نفسك وخصوصاً نحن في تصنيفهم سود الكلام ده بالتحديد في كوريا واليابان انا عشت في البلدين ديل ... اما بقية الدول تايلاند ، فلبين ، اندونسيا، ماليزيا ديل لو اشتريت ليك حاجه ممكن يدوك الباقي بت عادي جداً ,,,,
انا من واقع تجربي العشتها هنا في كوريا بفتكر الصداقة الواضحة من اول مرة بتكون افيد لانك بتدي البت الامان وتقابلها في مكان عام لاحظ مكان عام يعني يستحيل تدي نفسك فرصة تكونوا لوحدكم والتجارب كتيرة يا خوي وكلها ناجحه .....
وبجيك راجع يا حبوب

[محمد النويري-الفقراء]

يعني نفهم من كلامك دا يا حمادة لو مدتك كانت طويلة كان خربت الدنيا أنا غايتو بحب الجو الجميل والمناظر الطبيعية دي حب غير عادي أكان مشيت بس بباري الطريق دا وخلاص هههههههههههه

مستمتعين معاك بكل الشغف وكل عام أنت والأسرة بكل خير وواصل ونحن متابعين
هههههههههههههههه كان حيكون عايرة وادوها سووووووووط .. اكيد لا يا غالي لكن الوضع كان حيكون صعب بالجد افضل الحلول زواج على سنة الله ورسوله .. لو انتي مشيت الا ننتظر رد فعلك بعد ما تمشي ههههههههههه . بالجد مرورك روعة

[محمد النويري-الفقراء]

نواصل يا اخي النويري

واحدة واحدة اوكي

شايفك ياخوي مستغرب من قصة الخوة والحنك ده انا ابسط ليك الموضوع انت عارف اي شاب لمن يطلع اول مرة لبلد مفتوحة يعني بالعربي كده على كيفيك بكون في حالة بتاعت طشاش وبجرب كل انواع الحاجات الموجودة قدامه وكلامي ده ما لكل الناس بعض الناس بعد داك يا حبيب برجع لصوابه كيف يرجع صدقني الانسان بطبعوا ما يقدر يستقر على وتيرة واحدة ,,,, انا مثلاً اول ما دخلته اسيا كان عندي فهم انوا اتعلم واقدر اقدم شي لناس التعبت فيني لحدي ما بقيت راجل الحمدلله وربنا جابني لبلاد اساساً البت فيها عزيرة بالرغم من الانفتاح الموجود عزيرة كيف يعني بالعربي ما من الساهل تسلمك نفسك وخصوصاً نحن في تصنيفهم سود الكلام ده بالتحديد في كوريا واليابان انا عشت في البلدين ديل ... اما بقية الدول تايلاند ، فلبين ، اندونسيا، ماليزيا ديل لو اشتريت ليك حاجه ممكن يدوك الباقي بت عادي جداً ,,,,
انا من واقع تجربي العشتها هنا في كوريا بفتكر الصداقة الواضحة من اول مرة بتكون افيد لانك بتدي البت الامان وتقابلها في مكان عام لاحظ مكان عام يعني يستحيل تدي نفسك فرصة تكونوا لوحدكم والتجارب كتيرة يا خوي وكلها ناجحه .....
وبجيك راجع يا حبوب


حبيبنا انشاء الله المرة الجاية انا حامشي اليابان ونشوف الحاصل ههههههه .. اقول ليك حاجة انا مش استغربت وبس انا طشيت شبكة وبقيت في الترجع لي شبكتي الا بقدرة قادر ههههه . بالمناسبة لو الطالب ما كان واعي واهله ربوهو كويس حيطش شبكة واضرب ترانس وما بتلقى تاني .. ذكرتني واحد من الطلبة جابوهو فرش ولقى الوضع شبكات يمين وشمال وشبكتو طشت جابوهو مكلبش بحكي عنو لاحقاً .. مرورك جميل ياغالي

[محمد النويري-الفقراء]

وانا متوجه للمعهد راكب تاكسي التفت علي السواق وسالني هل عندك صديقة ( do u have a girlfriend ) استغربت جداً وقلت ليهو لا نحن مسلمين والحاجات دي عندنا حرام وما بنعرفها رد على باستغراب شديد ( what ? ) قلت ليهو الوطواط انشاء الله اتعنكش ليك في رقبتك طبعا شرح لي سبب إستغرابه وان الحاجات دي عندهم عادي جداً . رجعت البيت مصدوم ومستغرب ومندهش ، وانتظرت متين ارجع البيت عشان اسأل صاحبي الدكتور عن الكلام دا وفعلا كان الرد كما ذكر الفلبيني دي حاجات عادية ولازم كل واحد اكون عنده قيل فرند او عندها بوي فرند ( شي عجيب والله ) اهو دي طريقة الحياة الاوربية الواحد شافها بعينو !! وان الفلبيني بكون للان مندهش ومستغرب مني حتى صاحبي قال لي بكونو مستغربين منك جداً كيف ما اكون عندك صديقة ( سبحان الله والله نحن في نعمة ) والأغرب انو الصديقة بتعيش معاك في البيت كانكم متزوجين واهلها عارفين انها معاك او مع صديقها !! طبعا الكلام دا ما قدرت استوعبه بالجد كان كتير علي شديد والواحد بسمع بيهو سمع وبشوفو في الأفلام الاجنبية والتركية ( انا شفت لميس ومهند بس نسخة فلبينية سودانية هههههه ) نواصل ..

http://im11.gulfup.com/2011-09-07/1315396400811.jpg (http://www.gulfup.com/)

http://im11.gulfup.com/2011-09-07/1315396401133.jpg (http://www.gulfup.com/)

[بابكر]

http://a8.sphotos.ak.fbcdn.net/hphotos-ak-snc7/316736_2369719762205_1226791646_2903431_8324568_n. jpg

بعنى يا محمد لو أتصورت معاهم كان يكون أحسن ..

[بابكر]

http://a4.sphotos.ak.fbcdn.net/hphotos-ak-snc6/223750_2369372073513_1226791646_2902524_2351019_n. jpg

[محمد النويري-الفقراء]

http://a8.sphotos.ak.fbcdn.net/hphotos-ak-snc7/316736_2369719762205_1226791646_2903431_8324568_n. jpg

بعنى يا محمد لو أتصورت معاهم كان يكون أحسن ..
اخونا بابكر انا كان اتصورت مع زي ديل كان للان اكون هناك .. ههههههههه كويس اني كنت عامل زي القطر من البيت للدارسة وبالعكس .. فعلا الواقع زي ما وضحت يا بابكر بالصور وديل متحشمات ولابسات كويس .. مشكور ع المرور

[محمد النويري-الفقراء]

تحياتي للجميع .. عذرا للانقطاع لاسباب صحية لمت فيني نزلة وقحة عبيطة بحمد الله اتفكيت منها . نواصل

[محمد النويري-الفقراء]

من المؤثرات علاقة الصداقة بين الطرفين وشراب المسكرات بأنواعها في كل مكان وفي متناول اليد والبارات مفتوحة ليل نهار وكل عوامل اللهو إلا من أبى ، التقيت ببعض الطلبة هناك ودار بينا نقاش طويل وفجعت بان بعض الطلبة منهم ( يسكر حتى الصباح ) فكيف له أن يقوم للدراسة ويتوجه للجامعة ؟ حكي لي أحد الطلبة هناك أن طالب سوداني أهله يقيمون في إحدى الدول العربية كان يدرس معهم ولكنه طوال اليوم جلسات سمر وسكر قرابة الثلاث سنوات يوهم اهله بانه يدرس وكل سنة ناجح ووالده يرسل له مصاريف شهرية لتعينه على الدراسة وهو يصرفها في اللهو ولا يذهب للجامعة إلا نادرا إلى ان تم فصله من الجامعة ( تم رفده ) وهو لا يعي ولا يهتم بحرص والديه على تعليمه وواصل في كذبه عليهم بأنه يدرس وبقوة . والله نحن كان الدعم والسند الحاصل الان كنا طلعنا عباقرة ( كنا بنشتغل في الإجازة عشان نوفر حق الجامعة ) أها سألتهم ليه الطلبة هنا ما كلمو أبوه او اسرته بوضعه واستهتاره ؟ إجابو انهم ما دايرين اعملو فتنة بينه وبين اهله ! إلا أن أخيراُ بلغ احد الطلبة والده بحالة إبنه ووالده حضر له في المدينة ووجده في غياب تام عن الوعي . فيا لحسرة ذاك الاب ؟؟ وغيره الكثير من المآسي عشان كده يا جماعة يجب علينا ان ننبه ابناءنا واخواننا ونفتح اذهانهم عليها ونوصيهم عسى الوصية تؤتي أوكلها . نواصل ..

http://im9.gulfup.com/2011-09-12/1315832629811.jpg (http://www.gulfup.com/)

http://im9.gulfup.com/2011-09-12/1315832630352.jpg (http://www.gulfup.com/)

[انيس التوم]

زول ده يا النويري ما حريف هههههههههههههههههههههههههههه قول لي كيف في حاجة اسمها weekend ومعروفه ايام هسه عندنا في كوريا هنا يوم السبت المساء تشوف الناس دي بنات واولاد على الطلاق تقول البلد مافيه زول شغال يوم السبت المساء لحدي الصباح دامر شديد يوم الاحد الواحد فيهم يرتاح يوم الاثنين شفو اكل عيشوا او دراستوا وين لكن زول ده مسكين ساكت ضيع نفسه واهله.....

[محمد النويري-الفقراء]

زول ده يا النويري ما حريف هههههههههههههههههههههههههههه قول لي كيف في حاجة اسمها weekend ومعروفه ايام هسه عندنا في كوريا هنا يوم السبت المساء تشوف الناس دي بنات واولاد على الطلاق تقول البلد مافيه زول شغال يوم السبت المساء لحدي الصباح دامر شديد يوم الاحد الواحد فيهم يرتاح يوم الاثنين شفو اكل عيشوا او دراستوا وين لكن زول ده مسكين ساكت ضيع نفسه واهله.....

هههههههه صدقت يا اخونا انيس الناس ديك عندهم الويك اند لازم اكملوها كلو طلعات وصيحات بالجد عالم تاني .. اها الماشي معاي منو الفلبين عشان اسجل اسمو بعد ما ادفع الرسوم عشان الاماكن محدودة هههه ..

[محمد النويري-الفقراء]

ما شدتني اكثر ونال اعجابي الكثير ان هناك مسلمين على الرغم من كل مظاهر الحياة الدنيوية وكل ما تشتهيه الانفس عبر شيطان الهوي او كل شياطين الجن والانس فهناك مسلمين ومسلمات فلبينين . مدي باجيو فيها اكبر سوقين او ( مول ) مول يقال له (S M ( و آخر (Senter Mall ) فدخلت سوق (Senter Mall ) سوق ضخم ومن الاسواق الرئيسية والمعروفة في مدينة باجيو فهو ملئ بالمتسوقين طوال اليوم فيه كل انواع التجارة والمطاعم وكل ما يخطر على بالك او تريد شرائه وطبعا الموسيقى في كل مكان والناس مبتهجة ولكن هناك وفي قمة الصخب والضجيج سمعت قرآن يتلى بصوت القارئ الشيخ ( السديس ) وهو يقرأ آيات من سورة البقرة جذبني الصوت باهتمام لاني ما توقعت ان اجده وفي هذا المكان سبحان الله ، فالتفت الى مصدر ذاك الصوت فإذا به بفتاة جميلة جدا ومحجبة تجلس وامامها سيدهات واشرطة للقرآن والسنة النبوية بالجد شدني وافرحنى غاية الفرح فعلا ربنا برحمته يحفظ الذكر وفي أي مكان بالعالم شوفو في قمة الحياة المادية تجد مسلمين ونحن المسلمين لو وقفنا صادقين مع انفسنا بتجد البعض منا بعيد عن الدين وتعاليمه فيا سبحان الله والاجمل مافي الموضوع انو هيئة المسلمين في الفلبين فرضت على اصحاب السوق ان يكون لهم مسجد وقد كان ففي هذا السوق مسجد جامع تقام فيه صلاة الجمعة كل اسبوع ويأتيه عدد كثير والحمد لله صليت فيه صلاة الجمعة طيلة وجودي هناك ، فعلا حاجة جميلة وقمة الايمان على الرغم من وجود كل مسببات اللهو وحياة الانحراف ولكن الايمان عالى في القلب . نواصل ..


http://im10.gulfup.com/2011-09-18/1316343690811.jpg (http://www.gulfup.com/)


http://im10.gulfup.com/2011-09-18/1316343691662.jpg (http://www.gulfup.com/)

[محمد النويري-الفقراء]

من الطرائف كمية التحدي والامتحان كثيرة جدا ويصادف خلال اليوم الواحد تعجز عن ترجمة كلمة او نطق طلب او حاجة انت محتاجة ليها . طلعت من البيت الصباح بدري متوجها للمعهد على الساعة 8 صباحاً تقريباً وكالعادة حملت معي ( المظلة ) لان الامطار يوميا كم اسلفت لكم ، الفلبيين ميزتهم بحبو الضيوف جداً وبالذات لو افريقي قليل منهم بعرفو الاجناس ولكن استقبالهم جميل ومرحين جداً وكالعادة سواق التاكسي وقع فيني نضمي وانا انضم خشمي لمن وجعني ودا مفيد عشان ممارسة اللغة الانجليزية ، اها نزلت قريب للمعهد قلت اشتري لي منديل ورق ( فاين ) كما بنقول نحنا ، اها دخلت المحل الاول بكل ظرافة قلت للبياعة : لو سمحتى عندك فاين ؟ وانا ماعرفت المنديل بسموهو شنو هنا وكان الوقت بدري و ما حبيت ازعج صاحبي واصحيهو عشان اقول ليهو المنديل بقولو ليهو شنو هنا لانو في السعودية بتمشي اي بقالة وبتقول ليهو اديني ( فايل) بجيبوا ليك جري ، طبعا زولتنا اتلفتت يمين وشمال وماعرفت كلامي وردت بالاجابة ( What ) انا عرفت انو خلاص ماحاشتري منديل ورق ومشيت منها لمحل تاني وتالت ورابع وكانت نفس الاجابة ( What ) وماعرفت اسوي شنو اخيرا مشيت لحارس المعهد وقعدت اوصف ليهو بيدي ورجلي إلى ان اخرج من جيبه منديل ونطق باسمه ( تي شو ) ومن عنده الى اقرب محل والحمد لله .

http://im15.gulfup.com/2011-09-25/1316938179471.jpg (http://www.gulfup.com/)

http://im15.gulfup.com/2011-09-25/1316938180193.jpg (http://www.gulfup.com/)

http://im15.gulfup.com/2011-09-25/1316938180102.jpg (http://www.gulfup.com/)

[محمد النويري-الفقراء]

رجع ليكم تاني لحساسية الموضوع ولإتصال بعض الاخوة واستفسارهم واشكرهم لثقتهم في رائي وفي حديثي من خلال تلك الخواطر ..اكثر حاجة شدت انتباهي واعجبتني جداً تكاتف السودانيين في المدينة ومعرفتهم ببعضهم البعض وتقديم المساعدة لمن أراد ذلك واكبر دليل على هذا التعاون ما ساودهم لكم من قصة واقعية حصلت اثناء تواجدي بمدينة ( باجيو ). مضمونها ما ذكرته لكم في معرض حديثي سابقا بأن من اهم الاشياء والضروريات المهمة جدا أن الواحد قبل ما ارسل ولدو للدراسة هناك انو اكون الولد نفسو انسان مسؤول وواعي ومتزن وعندو اهداف واتربى على القيم والاصالة وان من اهم الاشياء عندو اكمل تعليمو ويتخرج ليرفع راس والديه واهله وتكون الدراسة همه الاول والاخير ، وإراعي فرحة والديه بتدرجه في التعليم في الفلبين عام بعد عام وما ينسى وقوف والديه معه وتكفلهم بمصاريف الدراسة والسكن وكل ما يعينه على التعليم بأفضل وسائل الراحة والامان ، ولكن للاسف هناك بعض الطلبة من لا يهتم لتلك الاشياء ولا يراعي ولا يتذكر إلا نفسه وهواه . فيخيب كل الآمال والتوقعات فيصيب والديه واهله بحسرة وندامة واحباط .نواصل ..
http://im16.gulfup.com/2011-10-12/1318418967613.jpg (http://www.gulfup.com/show/X2zmxdkayjxwkwkc)

http://im16.gulfup.com/2011-10-12/1318418966701.jpg (http://www.gulfup.com/show/X8yws3bcsw4sos0)