عجبتني مع إني ما بسف

[نزار احمد كوارتي]

مابين ريدك وتمباك نوري
احسن لي ياخي التمباك
مالتمباك لي راسي ضروري
ولمن اسف يادوب بطراك
والا يكون تمباك دارفوري
...معاهو ضمان الاستهلاك
وسفة تكون هي دقار لي لوري
عشان بالجد بالجد اهواك
شايفك دايره تلفي تدوري
وقلتي السفه دي ماعاجباك
ماتتكلمي فرتقي طيري
واوعي تقول انا بترجاك
شوفي هديل بكري وعموري
ديل البنفعوا ياخي معاك
تلقي الود لامع حموري
ولمن تزعلي بيجري وراك
ومن عربيتو يدق البوري
ويقعد بره ويستناك
وتطلعو تمشوا النادي السوري
وتمشو ان شاءالله الواق الواق
بس اختيني واختي نفوري
لمن ازعل مابنطاق
أدردم سفه وادق طمبوري
واملا الدنيا دي بالكوراك
وكان غنيت بطلع من طوري
وتلقي الشينة هي سابقه غناك
اعمل ليك فيها الفيتوري
وكاتب ديوان فيكي براك
شكلك مابِّتعرفي تُدوري
لانو الشفتي اكيد غشاك
رغم السفة ورغم فجوري
وبي تمباكي ده برضو ملاك
وياما ناس سفت باللوري
وسوت بالسفتّو املاك

وسوه عمارة ركب باجوري

ولسه بسف بس ماتمباك

التمباك انا لي دستوري

وغصبا عنك وبتحداك

وكان اصدرتي قرار جمهوري

قيمة الحُّقة دي مافايتاك

ومهما تبكي ومهما تجوري

ومهما الناس يتمنو رضاك

لا في وسعي ولا مقدوري

اني اتخلى عن التمباك

يلا اتخارجي فرتقي غوري

بشَّنق سفه وبنسى هواك

[ود الضو]

[COLOR=red]لا في وسعي ولا مقدوري

اني اتخلى عن التمباك

يلا اتخارجي فرتقي غوري

بشَّنق سفه وبنسى هواك
------------------------------

نزار كيفنك آآآالحبيب
انا غايتو ماعارف لكن يمكن القصيدة الحلمنتيشية دي
تكون قديمة شوية ,, يعني زمن الواحد كان بيدس
البتاع الاسمو التمباك دا ويعمل فيها مابسف قدام تلك الجكسوية
لكن في الوقت الحالي ( تقريباً ) بقي زي العادي
الواحد يكون مدقر سفته وداقي الحنك ..
مشاققة :
ياخ انا لما انزل السودان قاعد القي الناس كلها سافة
كبار وصغار زاتو بسفوا ..

[mahagoub]

ما هو بقى المنفذ والمنفس الوحيد
الاقل تكلفه
بالمناسبه دى جيب سفه

[حاتم عمر]

جميلة ورائعة قصيدتك يا نزار وفيها معنيين للسف بيني وبينك اخير سف التمباك ويسلمو اياديك

[المسافر]

مابين ريدك وتمباك نوري
احسن لي ياخي التمباك
مالتمباك لي راسي ضروري
ولمن اسف يادوب بطراك
والا يكون تمباك دارفوري
...معاهو ضمان الاستهلاك
وسفة تكون هي دقار لي لوري
عشان بالجد بالجد اهواك
شايفك دايره تلفي تدوري
وقلتي السفه دي ماعاجباك
ماتتكلمي فرتقي طيري
واوعي تقول انا بترجاك
شوفي هديل بكري وعموري
ديل البنفعوا ياخي معاك
تلقي الود لامع حموري
ولمن تزعلي بيجري وراك
ومن عربيتو يدق البوري
ويقعد بره ويستناك
وتطلعو تمشوا النادي السوري
وتمشو ان شاءالله الواق الواق
بس اختيني واختي نفوري
لمن ازعل مابنطاق
أدردم سفه وادق طمبوري
واملا الدنيا دي بالكوراك
وكان غنيت بطلع من طوري
وتلقي الشينة هي سابقه غناك
اعمل ليك فيها الفيتوري
وكاتب ديوان فيكي براك
شكلك مابِّتعرفي تُدوري
لانو الشفتي اكيد غشاك
رغم السفة ورغم فجوري
وبي تمباكي ده برضو ملاك
وياما ناس سفت باللوري
وسوت بالسفتّو املاك

وسوه عمارة ركب باجوري

ولسه بسف بس ماتمباك

التمباك انا لي دستوري

وغصبا عنك وبتحداك

وكان اصدرتي قرار جمهوري

قيمة الحُّقة دي مافايتاك

ومهما تبكي ومهما تجوري

ومهما الناس يتمنو رضاك

لا في وسعي ولا مقدوري

اني اتخلى عن التمباك

يلا اتخارجي فرتقي غوري

بشَّنق سفه وبنسى هواك



هذه القصيدة من النوع السيريالي التمباكي الشمولي
وتندرج تحت بند ( سلطان الكيف ) و( ود عماري )
تمتاز بالجرأة والحب العميق للتمباك كحب قيس ليلي
ومهند لنور وأبكر لحفصة . . .

وقد ذكر الشاعر عبارة ( التمباك أنا لي دستوري )
وهنا وبرغم من أن السودان بحكم بتاع طوارئ إلا
أن الشاعر أوضح لمحبوبته أن حبه للتمباك نابع من وضع
سياسي مرير يعيشه الشاعر .

وأيضاً ذكر الشاعر مقولة بشنق سفة وبنسى هواك
وهذا دليل على أن تأثيره على القلب ( الشلاليف ) أقوى
بكثير من تأثير الحب على القلب وهذه قمة مراحل الحب
لا يستطيع شخص الوصول إليها إلا شخص ( كييف ) .

إلا في الآخر قام الشاعر والواضح بأن من تأثير التمباك
شطح شطح كبيرة جداً إذا قال ( وبي تمباكي ده برضو ملاك )
في ملاك بسف برضو يا هناي .

على العموم القصيدة بحاجة إلى مراجعة شاملة وسوف نعرج
لها بعد الإفطار عشان الواحد يكون راسو ظابط تمام .

[mahagoub]

هذه القصيدة من النوع السيريالي التمباكي الشمولي
وتندرج تحت بند ( سلطان الكيف ) و( ود عماري )
تمتاز بالجرأة والحب العميق للتمباك كحب قيس ليلي
ومهند لنور وأبكر لحفصة . . .

وقد ذكر الشاعر عبارة ( التمباك أنا لي دستوري )
وهنا وبرغم من أن السودان بحكم بتاع طوارئ إلا
أن الشاعر أوضح لمحبوبته أن حبه للتمباك نابع من وضع
سياسي مرير يعيشه الشاعر .

وأيضاً ذكر الشاعر مقولة بشنق سفة وبنسى هواك
وهذا دليل على أن تأثيره على القلب ( الشلاليف ) أقوى
بكثير من تأثير الحب على القلب وهذه قمة مراحل الحب
لا يستطيع شخص الوصول إليها إلا شخص ( كييف ) .

إلا في الآخر قام الشاعر والواضح بأن من تأثير التمباك
شطح شطح كبيرة جداً إذا قال ( وبي تمباكي ده برضو ملاك )
في ملاك بسف برضو يا هناي .

على العموم القصيدة بحاجة إلى مراجعة شاملة وسوف نعرج
لها بعد الإفطار عشان الواحد يكون راسو ظابط تمام .

تفسيرك الابراشى فى قمة الروعه
خلاصة القول قول عاوز سفه
افطر وختها وتعال
ولا اقول ليك ختها ما قالوا ما بتفطر

[mahagoub]

جميلة ورائعة قصيدتك يا نزار وفيها معنيين للسف بيني وبينك اخير سف التمباك ويسلمو اياديك

وانت كنت بتسف حاجه تانيه

[مايسة]

دا حالتو ما بتسف :rolleyes:- لو كنت بتعمل كدا كان القصيدة بقت معلقة :cool::p

[الجندي المجهول]

انا ما بسف ولكن محلات التمباك في مدني هي :
1/عبد الحق عبد الحليم (الجوهرة) عب الحق الجيد يا سيد
2/ مكوار (سنار)
3/الحبشي
4/ شنبول
5/ الاصلي
6/بوش

وكان ما فاطر ما تخاطر

تخريمة : عندي صاحبي كان بقرا في امدرمان الاهلية كان بسف _بشنقها فوق_ لكن كان بعد ما يدردم السفة (جوة الكيس) بختها في منديل ورق (توشيس) بعداك بشنقها .... مرات لما يجي يشرب (بعمل كبري)

وبوست للكيف ،،،

[ود المطامير]

والله يا عمك قصيده فى التنك

قبل يومين وأنا ختيت سفه بالطريقه الصاح بعد الفطور
قام جانى تلفون عاينت ليهو كدا ولقيتو رقم محلى

قلت أنسى ورخمت ليك مع سفتى بالطريقه اللى عاوزها أنا
قام تانى الموبايل ضرب مرتين تلاته

ولما خلاص كهربة السفه راحت قمت ضربت للرقم الجانى
ولقيتو بنغالى من عمالى وعاوز إجازه ماشى أبوظبى

قلت ليهو تانى لو ضربت لى فى وكت السفه إجازه سنويه ما بديك خلى يوم تمشى أبوظبى

[ود المطامير]

انا ما بسف ولكن محلات التمباك في مدني هي :
1/عبد الحق عبد الحليم (الجوهرة) عب الحق الجيد يا سيد
2/ مكوار (سنار)
3/الحبشي
4/ شنبول
5/ الاصلي
6/بوش

وكان ما فاطر ما تخاطر

تخريمة : عندي صاحبي كان بقرا في امدرمان الاهلية كان بسف _بشنقها فوق_ لكن كان بعد ما يدردم السفة (جوة الكيس) بختها في منديل ورق (توشيس) بعداك بشنقها .... مرات لما يجي يشرب (بعمل كبري)

وبوست للكيف ،،،
;););););););)

والله ذكرتنى واحد الله يطراهو بالخير
كان ما بط...... لكن بيدفع الشيرنق مع الشله ;)

[ابو عبد الرحمن]

والله يا عمك قصيده فى التنك

قبل يومين وأنا ختيت سفه بالطريقه الصاح بعد الفطور

انت إرتديت ؟؟؟؟؟؟ يا خسارة ريدي ليك ؟؟؟ مالك يا مطره ؟؟
معقوله تغيب الوليه . يومين ترتد ... أنا عارف مين الكان السبب ؟

[ود المطامير]

انت إرتديت ؟؟؟؟؟؟ يا خسارة ريدي ليك ؟؟؟ مالك يا مطره ؟؟

معقوله تغيب الوليه . يومين ترتد ... أنا عارف مين الكان السبب ؟

يا سنتر قلبى
أنا إتفكفكت من كل شئ
لكن السفّه دى أبت تفكنى كلو كلو

ما تعمل لى رُقيه ياخ ;)

[mahagoub]

انت إرتديت ؟؟؟؟؟؟ يا خسارة ريدي ليك ؟؟؟ مالك يا مطره ؟؟
معقوله تغيب الوليه . يومين ترتد ... أنا عارف مين الكان السبب ؟

والله ما انا

[mahagoub]

;););););););)

والله ذكرتنى واحد الله يطراهو بالخير
كان ما بط...... لكن بيدفع الشيرنق مع الشله ;)

ده مزاجه عالى

[mahagoub]

دا حالتو ما بتسف :rolleyes:- لو كنت بتعمل كدا كان القصيدة بقت معلقة :cool::p

كان فات عنتر