الفيـس بـوك ,,, ونسـة في الصقيـعة ..

[ود الضو]

ماعارف أقول شنو لكن حتي الآن قناعتي بالاسمو الفيس بوك دا عبارة ( ناس قاعدة ليها في ضل نيمة أو ضل ضحوية كاااارب وبتتونس ) , كل ما افتح الرابط يلم فيني ( يساعدك فيس بوك على التواصل والتشارك مع كل الأشخاص في حياتك ) يعني عملت شنو يا الفيس بوك ؟ من زمان قاعدين نتواصل بوسائل تواصل كتيرة كمان ..
مشاققة :
بعدين الفيس بوك دا مكشوف حال بالواضح كدا , يعني مثلاً الجماعة المُجكساتية تلقي الواحد عندو كم جكسوية كدا يجوا ناطين يعلقوا علي مشاركتو النزلها ( تعليقاتهم ) يقراها كل الناس ( مافي خصوصية ياخ ) وعليه سيقوم كل طرف بكتم مابه من مشاققات وتشعلقات مالياهو لي اضنيه ويردد ( أحيييي انا منك آآآالفيس بوك ) ..

[ود الضو]

تفتح الصفحة بتاعتك وفوق تلقي الانوار الحمراء مولِّعة ( الاشعارات ) :
توتا , وسلمي المحسية , وودالضعين ( اعجبوا بالحالة الخاصة بك ) , طيب نتكلم شوية في حتة الاعجاب بالحالة الخاصة بي دي , فلنفترض اني قمت كتبت الحاجة الانا كتبتها في الفيس بوك وعجبت الناس ديل وردة الفعل منهم كانت ( بس ) ضغط علي ايقونة ولا اسمها شنو هي عليها كلمة ( أعجبني ) قمت كتبتها في منتدي, هل ردة الفعل في المنتدي كانت ح تكون نفس ردة الفعل الفي الفيس بوك ؟ في المنتدي علي الاقل تلقي واحد يكتب ليك رد جميل أجمل من مشاركتك زاتها ( ياعم بلا أعجب فلان بلا بطيخ ) قال اشعارات قال ..
تمشي شوية تلاقيك ( الرسائل ) جارة لِصِق للاشعارات ( نتلاقي بعدين ياعمك انا هسي مافاضي ) خلاص لما تفضي تعال لي في البيت ,
( ود الضو انا الدردشة ما اشتغلت معاي اعمل شنو ؟ ) طيب ود الضو يعمل شنو يعني عشان الدردشة تشتغل معاك ( تعالي اديك دردشتي دي دردشي بيها ورجِّعيها ) ..
وكمان تمشي شوية تلاقيك ( طلبات الصداقة ) ياخ طلبات الصداقة دي بتجيب جنس اسماء ماعارف بجيبوها من وين زاتو ( اشترمندرا ( دا اخر طلب جاني ) ياريت ياخ لو المعلم فيس بوك دا يعمل خدمة توضيحية للذين يطلبون الصداقات ( ذكر أووور أنثي ياخ ) يعني هسي الاسم الجاني دا انا اعرفو ولد ولا بت قبل ما ادخل علي الصفحة بتاعتو من الاسم ساي يعني الجزء الاول منه ( اشتر , ضكر ) والجزء التاني منه ( مندرا , زي الانثي كدا ) جائي من الـ ( مندرا ) ومافي زول يقول لي دا جائي من مندرا البطل الهندي ,
مشاققة :
ياخ المسنجر والاسكايبي مستورات حال يعلم الله وتقدر تتواصل مواصلة سمحة خلاس ( صورة وصوت ) ..

[ود الضو]

الاظرف من دا كلو تجي داخل تلقي عندك حاجة اسمها ( نكز )
ايوا نكز دي قطع شك جاية من ( لكز ) , سبحان الله نحنا بنقوليها لكز والفيس بقول ليها نكز ( حنكشة تقريباً وكدا ) .. إييييك مادايم الا وجه الله ومن نحنا شفع صغار كلمة ألكز قدّت اضنينا ( إلكزك أبلكاز اللخلي ........................... ؟ ) دعوة قديمة تأتي من الامهات والحبوبات وكل العالم الحوّائي ..
مشاققة :
رد النكز ؟؟؟
عليك الله مش حاجة كدا زي اللعبة ( ينكزني وأنكزو ) ,
مشاققة 2 :
الابراج اليومية :
في ناس بس متخصصين في الحاجات دي
انتوا عندكم ابراج ياجماعة ؟؟
انا ماعارف لكن لو عندي برج قطع شك حيكون برج ( الطـَّفـَشْ )
جايط , مامستقر , مدبرس وفاكة منو عديل ,,

[ود الضو]

تقوم تدخل ليك صفحة بتاعة واحد مثلاً ,
تلقي الصورة بتاعتو ممثلة هندية أو فنانة عربية ,
التعليم ( طب جامعة الخرطوم ) ,
تمشي علي التلفزيون بتاعو تلقي ( استار اكاديمي او مزازيك ) ,
النشاطات والاهتمامات ( الدردشة )
طيب تعال قيـِّـم لي طالب الطب دا ..
( هو دا بقي طب آآآآآآجدعااان ) ..

[ود الضو]

أها قبال اتفكفك من هنا :
الفيس بوك كيف معاكم في رمضان ؟؟
......
رمضان كريم ..
تامين ولامين ..

[آلاء عبد الرحمن]

الله اكرم
وتصوم وتفطر علي خير

[آلاء عبد الرحمن]

الفيس عالم براو

وفيو كل حاجة

[الجندي المجهول]

الحبيب ود الضو
مشتاااقين ورمضان كريم

قبل ما اخش ليك في الغريق
الفيس بوك كله كله ما ركب لي في راسي ( قدر ما الاخوان ) جزاهم الله خير (عملوا لي حساب) واضافو لي الاصحاب ما قاعد اخشو ابدا ابدا
وبالنسبة (للصديق) الذي اراد الاضافة ( مندرا) ...... كيف ياخ ما عرفت هذه الشخصية ( انه الشقيق الاصغر) لي (دهري مندرا) ذلك الممثل الهندي الشهير الذي كان يعتبر (فردة) اميتاب باتشان (ابو طويلة) ...

وتسلم يا حبيب وتصوم وتفطر على الف خير ،،،،

[همسات]

اخي ود الضؤ تحياتي واحترامي
ورمضان كريم ربنا يقبل مننا ومنك صالح الاعمال
صراحه انا ماعندي اي شغله بالفيس .....
في رأئي الشخصي لا أنكر ان الفيس به ايجابيات
ولكني أري ان سلبياته اكثر بكثير من تلك الايجابيات

[تغريدا]

ود الضويا خوى صباحك خير وتصوم وتفطر على خير أنا بس عجبنى البوست دا ;);););) ويعلم الله كيفنى زى كباية الشاى اللهم انى صائمة:)

[wad alballal]

ويعلم الله كيفنى زى كباية الشاى اللهم انى صائمة:)


تغريد علاقة الشاي بالفيس بوك شنو والبوست غايتو جنس غايتو .. رمضان خش العضم ولا شنو ..
اخونا ود الضو .. في الفيس لي جووووووووة كدا في حاجة اسمها الاعدادات ادخل فيها واقفل اي خيار كدا ما في زول بيشوفك ولا بتشوف زول ... اها ما حليت ليك المشكلة بتاعتك ..
الناس دي دي كلها مزاجات .. عشان كدا بتدخل الفيس ..
ومودة بطعم شاي غردة ...
ورمضان كريم

[ود الضو]

[quote=آلاء عبد الرحمن;621940]الفيس عالم براو

وفيو كل حاجة[/quote
--------------------------
حباب آلاء
يسعد نهاراتك
زي ماقلتِ : الفيس بوك عالم براو
لكن انا ومعاي كثيرين ماركب لينا في ريسينا تب
دمتِ بخير اختي آلاء ..

[مصطفى هاتريك]

ود الضو


أنا أكثر تطرفا ,, عشان كده بقول ليك أنا بكره الفيس بوك ده عديييييييييييييييل كده


وأنا في رأيي الناس قايمة فيهو خلعه سااااااااااي ... وزي ما قلت في وسائل للإتصال

أفضل و أبرك
...لكن يا حبيبي هي صناعة الإعلام في الغرب فيس بوك أهم من أمك و أبوك

[ود الضو]

الحبيب ود الضو
مشتاااقين ورمضان كريم

قبل ما اخش ليك في الغريق
الفيس بوك كله كله ما ركب لي في راسي ( قدر ما الاخوان ) جزاهم الله خير (عملوا لي حساب) واضافو لي الاصحاب ما قاعد اخشو ابدا ابدا
وبالنسبة (للصديق) الذي اراد الاضافة ( مندرا) ...... كيف ياخ ما عرفت هذه الشخصية ( انه الشقيق الاصغر) لي (دهري مندرا) ذلك الممثل الهندي الشهير الذي كان يعتبر (فردة) اميتاب باتشان (ابو طويلة) ...

وتسلم يا حبيب وتصوم وتفطر على الف خير ،،،،
--------------------------

حبيبنا
كل يوم وانت بالف خير ياخ
صيام مقبول ان شاء الله
حتة الفيس مادخل ليك في رأسك دي انا معاك فيها تب
لكن ياخ تقوم تطلع لي مندرا دا ( ضكر ) فد مرة دي مامعاك فيها تب آآآالحبيب ؟
مشاققة :
ماتنسي تقعد عافية آآآآالحبيب ..

[ود الضو]

اخي ود الضؤ تحياتي واحترامي
ورمضان كريم ربنا يقبل مننا ومنك صالح الاعمال
صراحه انا ماعندي اي شغله بالفيس .....
في رأئي الشخصي لا أنكر ان الفيس به ايجابيات
ولكني أري ان سلبياته اكثر بكثير من تلك الايجابيات


-----------------------------

همسات
لك التحية , تصومي وتفطري علي خير
رأي منطقي دون شك من ناحية السلبيات والايجابيات
دمتِ بخير ..

[ود الضو]

ود الضويا خوى صباحك خير وتصوم وتفطر على خير أنا بس عجبنى البوست دا ;);););) ويعلم الله كيفنى زى كباية الشاى اللهم انى صائمة:)


--------------------------

تغريد حبابك مليون
رمضان كريم وربنا يتقبل
انتِ عارفة ياتغريد :
مش رمضان اليوم الرابع منو ؟ الرابع مش
اها انا لسة رأسي شغال لففاان من القريفة بتاعة الشاي
وباقي مكيفات أخر ..
عشان كدا الكيف بتاع كباية الشاي كيف كبير وممتد ..
خليك بالف خير ..

[ود الضو]

[QUOTE=wad alballal;621960]
اخونا ود الضو .. في الفيس لي جووووووووة كدا في حاجة اسمها الاعدادات ادخل فيها واقفل اي خيار كدا ما في زول بيشوفك ولا بتشوف زول ... اها ما حليت ليك المشكلة بتاعتك ..
-----------------------

ود البلال اخوي كيفنك
رمضان كريم آآآالحبيب
والله ماقصرت تب لكن انت عارف المصيبة وين ؟
اني ماقاعد اداقش جوة البتاع دا نوهائياً
يعني الصفحة الاولانية دي وبس ..
لكن خلينا نجرب وندخل علي الاعدادات ..
لك التحية ..

[ود الضو]

ود الضو


أنا أكثر تطرفا ,, عشان كده بقول ليك أنا بكره الفيس بوك ده عديييييييييييييييل كده


وأنا في رأيي الناس قايمة فيهو خلعه سااااااااااي ... وزي ما قلت في وسائل للإتصال

أفضل و أبرك
...لكن يا حبيبي هي صناعة الإعلام في الغرب فيس بوك أهم من أمك و أبوك
------------------------------

انت عارف يامصطفي انا قبل ما اسجل فيهو
كنت بسمع ليك الجماعه يتكلموا عنه كلام ( لسة ماشفتو في الفيس بوك )
قلت لازماً اسجل وسجلت ومالقيت اي حاجة
اوافقك تماماً في قولك ( صناعة الإعلام في الغرب فيس بوك أهم من أمك و أبوك )
تصوم وتفطر علي الف خير آآآالحبيب ..

[عبدالرحيم ال دريس]

بسم الله الرحمن الرحيم
معني كلمة فيس (وجه او وش) وبوك (كتاب) والمعني ان الفيس بوك وش كتاب او كتاب مفتوح لكل مطلع فالمعني واضح ولايحتاج الي توضيح اكثر
تقبلو مروري وتحياتي

[مايسة]

رمضان كريم ود الضو - وتقبل الله منا ومنكم

كما أسلفتم في الطرح أن للفيس سلبيات - فله ايجابيات ايضا -
فتجد الكثير من الروابط التي تؤدي بك لمواقع مفيدة جدا - فهو (رأي شخصي) عالم مصغر به الصالح والطالح - وهذا يعتمد علي المستخدم نفسه والسبب الذي دعاه للإشتراك فيه -

كما أضيف بأن اغلب المشاركين به يشعرون بأنه ليس هناك رقابة وفيه نوع من الحرية تستطيع من خلالها التنفيس عما بداخلك -
وبعدين ما تنسى إنو الفيس لعب دور كبير جدا في الثورات الاخيرة في معظم البلاد

وأمسك في كلام ود البلال دا قوي :)

[ودالعمدة]

الحبيب ود الضو
تميز عصرنا الحالى بثقافة السندوتشات السريعة
ويمثل هذا الفيس بوك أحد مظاهر هذه الثقافة
البعض منا قد يجد ضالته التى ينشدها فيه
مثل صفحات المشاهد والقصص القصيرة وغيرها
ومن ميزات هذا الموقع استفادة الناس
منه للتواصل الى درجة دعم وتنسيق حركة الثورات
كما حدث فى مصر الشقيقة وغيرها
وبعض الحكومات والمؤسسات الاعلامية وغيرها
اتخذت منه وسيلة للتواصل media وللاستقراء

[ودالعمدة]

واستأذنك فى سرد تاريخ هذا الموقع :
بدأت القصة
عندما جلس مارك جوكربيرج امام شاشة الكمبيوتر في حجرته بمساكن الطلبة في جامعة هارفارد الامريكية العريقة، وبدأ يصمم موقعا جديدا على شبكة الانترنت، كان لديه هدف واضح، وهو تصميم موقع يجمع زملاءه في الجامعة ويمكنهم من تبادل اخبارهم وصورهم وآرائهم وتبادل الملفات ومشاركتها من خلال بعض الاجهزه الحاسوبيه له ولاصدقائه فى الجامعه
لم يفكر جوكربيرج، الذي كان مشهورا بين الطلبة بولعه الشديد بالانترنت، بشكل تقليدي. مثلا لم يسع الى انشاء موقع تجاري يجتذب الاعلانات، او الى نشر اخبار الجامعة او .. ببساطة فكر في تسهيل عملية التواصل بين طلبة الجامعة على اساس ان مثل هذا التواصل، اذا تم بنجاح، سيكون له شعبية جارفة.
جوكربيرج حقق نجاحا سريعا في وقت قصير
واطلق جوكربيرج موقعه " فيس بوك " في عام 2004، وكان له ما اراد.
فسرعان ما لقي الموقع رواجا بين طلبة جامعة هافارد، واكتسب شعبية واسعة بينهم، الامر الذي شجعه على توسيع قاعدة من يحق لهم الدخول الى الموقع لتشمل طلبة جامعات اخرى او طلبة مدارس ثانوية يسعون الى التعرف على الحياة الجامعية.
واستمر موقع "فيس بوك" قاصرا على طلبة الجامعات والمدارس الثانوية لمدة سنتين. ثم قرر جوكربيرج أن يخطو خطوة اخرى للامام، وهي ان يفتح ابواب موقعه امام كل من يرغب في استخدامه، وكانت النتيجة طفرة في عدد مستخدمي الموقع وصلت لأكثر من 100 مليون شخص

[ودالعمدة]

وفي نفس الوقت قرر ايضا ان يفتح ابواب الموقع امام المبرمجين ليقدموا خدمات جديدة لزواره، وان يدخل في تعاقدات مع معلنين يسعون للاستفادة من قاعدته الجماهيرية الواسعة.
وكان من الطبيعي أن يلفت النجاح السريع الذي حققه الموقع أنظار العاملين في صناعة المعلومات، فمن ناحية بات واضحا أن سوق شبكات التواصل الاجتماعي عبر الانترنت ينمو بشكل هائل، ويسد احتياجا هاما لدى مستخدمي الانترنت خاصة من صغار السن. ومن ناحية اخرى نجح موقع "فيس بوك" في هذا المجال بشكل كبير.
وكانت النتيجة أن تلقى جوكربيرج عرضا لشراء موقعه بمبلغ مليار دولار العام الماضي

[ودالعمدة]

مليار دولار لا تكفي! الا ان جوكربيرج، وعمره 23 عاما، فقط فاجأ كثيرين من حوله برفض العرض.
وتوقع كثيرون ان يندم على هذا الرفض، خاصة وانه جاء بعد عام واحد فقط من قيام شركة "نيوزكوربوريشن"، التي يمتلكها المليونير الاسترالي روبرت ميردوخ، بشراء موقع "ماي سبيس"، وهو موقع للعلاقات الاجتماعية، بمبلغ 580 مليون دولار.
اما سبب رفض جوكربيرج لهذا العرض فيرجع الى انه رأى ان قيمة شبكته اعلى كثيرا من المبلغ المعروض. وحسبما قال في مقابلة مع صحيفة فاينانشيال تايمز البريطانية فانه "ربما لم يقدر كثيرون قيمة الشبكة التي بنيناها بما تستحق". واضاف ان
عملية الاتصال بين الناس ذات اهمية بالغة، و"اذا استطعنا ان نحسنها قليلا لعدد كبير من الناس فان هذا سيكون له اثر اقتصادي هائل على العالم كله".
واثبت واقع الحال انه كان محقا في رفضه هذا العرض. فقد قالت صحيفة "وول ستريت جورنال"، ابرز الصحف الاقتصادية الامريكية، ان شركة ميكروسوفت تسعى لشراء 5% من قيمة "فيس بوك" بقيمة من 300 الى 500 مليون دولار، الامر
الذي يعني ان قيمة فيس بوك" الكلية تصل الى مبلغ من ستة الى عشرة مليارات.
يشار الى ان شركة ميكروسوفت تحتكر اعلانات الانترنت على شبكة فيس بوك في الوقت الراهن

[ودالعمدة]

احلام ومشكلات امام جوكربيرج مشروعات كثيرة، فهو مثلا يريد ان يستمر النمو في مستخدمي الشبكة بحيث يتضاعف عدد
المستخدمين كل ستة اشهر، ويريد تقديم المزيد من الخدمات التفاعلية في شبكة "فيس بوك"، وان كان جوكربيرج لا يفضل عموما الحديث عن خططه طويلة الاجل.
الا ان الطريق ليس سهلا. هناك منافسة شرسة من عدة مواقع للعلاقات الاجتماعية، ابرزها موقع "ماي سبيس" الذي سيبلغ عدد مستخدميه اكثر من 200 مليون فرد، ويعد اكبر شبكة للعلاقات الاجتماعية في العالم.
هناك ايضا تقارير تحدثت عن قيام فيس بوك بتطوير نظام يسمح للمعلنين باستخدام المعلومات التي يقدمها مستخدمو الشبكة عن انفسهم، وهو ما ينفيه زوكربرج اذ ان مثل هذا النظام يثير تساؤلات عن مدى الخصوصية التي يتمتع بها مستخدمو الشبكة. .
على طريق بيل جيتس؟ يبدو التشابه واضحا بين بيل جيتس ومارك جوكر بيرج. كلا الرجلين بدأ العمل في صناعة المعلومات في
بداية العشرينات من العمر، وكلاهما اصبح من اصحاب الملايين في العشرينات ايضا، وكلاهما صاحب رؤية اثمرت نجاحا وتغييرا في سوق المعلومات استفاد منه الملايين في العالم.
وكلاهما درس في جامعة هارفارد، وان كان جيتس لم يكمل دراسته بسبب انشغاله بتطوير برامج الحاسبات الشخصية. وبين الرجلين ايضا علاقة عمل تتجه الى التطور والتوسع كما ذكرنا.
بل ان ملامح وجه زوكربرج تبدو لحد من قريبة من ملامح جيتس.
غير ان جيتس، الذي ولد في عام 1955، هو الاغنى على وجه كوكبنا حسب تصنيف مجلة فوربس" الامريكية، وهو صاحب اكبر شركة لبرامج الكمبيوتر في العالم، كما انه اكبر متبرع للعمل الخيري في العالم.
وهذا يعني ان على جوكربرج القيام بالكثير اذا ارادا ان يحقق نجاحا يقارب ماحققه جيتس

[مدنيّة]

صاحب القلم المميز
جمعتك وكل الحضور مباركة باذن الله تعالي

---------
سجلت في الفيس
لاني كنت بسمع بيه كتير
ومابعرفه هو شنو!

------
الفيس لماني في ناس لي 15 سنة مالاقيتهم
بتصدق ياود الضو!
(تبعا لا يخفي علي فطنة القارئ الكريم اني ما لاقيت الناس دي من كان عمري 10 سنوات ، دا عشان الاختساس وكدا ): )


-------
موضوعك دسم
وعايز ليه جية بمزاج

[ود الضو]

بسم الله الرحمن الرحيم
معني كلمة فيس (وجه او وش) وبوك (كتاب) والمعني ان الفيس بوك وش كتاب او كتاب مفتوح لكل مطلع فالمعني واضح ولايحتاج الي توضيح اكثر
تقبلو مروري وتحياتي

----------------------------------
عبد الرحيم حبابك مليون
شكرا للمرور والتوضيح
رمضان كريم
واقعد عافية ..

[ود الضو]

رمضان كريم ود الضو - وتقبل الله منا ومنكم

كما أسلفتم في الطرح أن للفيس سلبيات - فله ايجابيات ايضا -
فتجد الكثير من الروابط التي تؤدي بك لمواقع مفيدة جدا - فهو (رأي شخصي) عالم مصغر به الصالح والطالح - وهذا يعتمد علي المستخدم نفسه والسبب الذي دعاه للإشتراك فيه -

كما أضيف بأن اغلب المشاركين به يشعرون بأنه ليس هناك رقابة وفيه نوع من الحرية تستطيع من خلالها التنفيس عما بداخلك -
وبعدين ما تنسى إنو الفيس لعب دور كبير جدا في الثورات الاخيرة في معظم البلاد

وأمسك في كلام ود البلال دا قوي :)
----------------------------

حباب مايسة
تصومي وتفطري علي الف خير
كلامك كلو منطقي جدا يامايسة
استوقفتني حكاية الثورات العربية الاخيرة
فحتماً هناك من يراها محمدة للفيس بوك
وغيرهم من يراها غير ذلك لما يحدث اليوم
في ليبيا وسوريا واليمن , حيث اني اعتبر
انّ ماكان يُخطط له داخل الفيس بوك
لم يكن بهذا الحجم من تلك الحروب التي
لم تزل تقضي علي الاخضر واليابس في بعض الدول
لك التحية ..

[ود الضو]

الحبيب ود الضو
تميز عصرنا الحالى بثقافة السندوتشات السريعة
ويمثل هذا الفيس بوك أحد مظاهر هذه الثقافة
البعض منا قد يجد ضالته التى ينشدها فيه
مثل صفحات المشاهد والقصص القصيرة وغيرها
ومن ميزات هذا الموقع استفادة الناس
منه للتواصل الى درجة دعم وتنسيق حركة الثورات
كما حدث فى مصر الشقيقة وغيرها
وبعض الحكومات والمؤسسات الاعلامية وغيرها
اتخذت منه وسيلة للتواصل media وللاستقراء
------------------------

ود العمدة حبابك مليون
تصوم وتفطر علي خير
اول شيئ انا شاكر لك كل هذه المداخلات
المليانة معلومات وتوضيحات لما يخص الفيس بوك
نعم هناك من يجد ضالته لما يبحث عنه
وهناك من يجلس طوال الساعات لا لشيئ
غير ان يُضايق و ................ الخ ..
لك التحية من تاني
وهاك شكري الجميل ..

[ود الضو]

[QUOTE=مدنيّة;622105][COLOR="red"]

الفيس لماني في ناس لي 15 سنة مالاقيتهم
بتصدق ياود الضو!
(تبعا لا يخفي علي فطنة القارئ الكريم اني ما لاقيت الناس دي من كان عمري 10 سنوات ، دا عشان الاختساس وكدا ): )

------------------------------

مدنية حبابك
رمضان كريم
الحسنة الوحيدة حتي الان يامدنية الانا لقيتها من الفيس
هي اني زي ماقلتِ انت لاقيت ناس لي زمن مالاقيتهم
ولسة قاعد افتش علي ناس تانيين ان شاء الله الم فيهم ..
مشاققة :
شكلك لاقيتي اصدقاء الطفولة ( عمرك كان 10 سنة )
ولاقيتيهم بعد 15 سنة ؟
( لووووووووووووول ) او كما قال الحناكيش ..
يديك الف عافية اختي مدنية واكيد راجي جيتك البي مزاااج ..

[ابو عبد الرحمن]

صاحب القلم المميز
جمعتك وكل الحضور مباركة باذن الله تعالي

---------
سجلت في الفيس
لاني كنت بسمع بيه كتير
ومابعرفه هو شنو!

------
الفيس لماني في ناس لي 15 سنة مالاقيتهم
بتصدق ياود الضو!
(تبعا لا يخفي علي فطنة القارئ الكريم اني ما لاقيت الناس دي من كان عمري 10 سنوات ، دا عشان الاختساس وكدا ): )


-------
موضوعك دسم
وعايز ليه جية بمزاج
هههههههههههههههههههههههههه
رمضان كريم يا مدنية والشهر مبارك وكل عام وانت بخير
يا ربي اسي السالك منو ؟؟ مصدقين بدون اختباسات ....
غايتو عالم جبانات بشكل ههههههههههههههههههه

[الجندي المجهول]

كما أضيف بأن اغلب المشاركين به يشعرون بأنه ليس هناك رقابة وفيه نوع من الحرية تستطيع من خلالها التنفيس عما بداخلك -
وبعدين ما تنسى إنو الفيس لعب دور كبير جدا في الثورات الاخيرة في معظم البلاد

وأمسك في كلام ود البلال دا قوي :)
صباح الخير بتنا مايسة
وبعد اذنك ود الضو في ان اشارك في الرد على هذه الجزئية

طيب طالما انه يساعد في الثورات لي هسع لا شفنا لينا (ثورة) ولا ( منشية)

أو بالأحرى ناسنا بخشوا الفيس بوك (قرقر قرقر بس) قرقر بالبنغلاديشي يعني ( كلام في كلام في كلام مافي فائدة) أو #50*
وتقبلي تحياتي ،،،،

[مدنيّة]

هههههههههههههههههههههههههه
رمضان كريم يا مدنية والشهر مبارك وكل عام وانت بخير
يا ربي اسي السالك منو ؟؟ مصدقين بدون اختباسات ....
غايتو عالم جبانات بشكل ههههههههههههههههههه


دي اسمها
للضمان كدا ياابو عبدالرحمن ياخ
هههههههههههههههههههههههه

[الجندي المجهول]

---------


الفيس لماني في ناس لي 15 سنة مالاقيتهم
بتصدق ياود الضو!
(تبعا لا يخفي علي فطنة القارئ الكريم اني ما لاقيت الناس دي من كان عمري 10 سنوات ، دا عشان الاختساس وكدا ): )


-------


اسال الله ان يمتعك بالصحة والعافية انت ومن تحبين

تخريمة : انا واثق ان عمرك فعلا ما بزيد (25 سنة) طبعاً من غير سنين حكم الانقاذ ال21

[محمد الجزولى]

والله يا ود الضو يا أخوي انا لو في يدي سلطة كنت عملت الفيس بوك الدولة رقم 194 في الامم المتحدة
مع إني ما بدخلوا كثير لكن ( الزول ) ده سرو باتع ياخ ... يكفي انو مد جسور التواصل بين التكنلوجيا والسياسة
واستطاع ان ( يذيب ) الفوارق بين الناس ..يعني الفقير داقي الحنك مع الغني ... والصغير يغالط في الكبير
وزول جايب خبر مافي .. العبره في فهمك واسلوبك ووعيك ...

[مايسة]

صباح الخير بتنا مايسة
وبعد اذنك ود الضو في ان اشارك في الرد على هذه الجزئية

طيب طالما انه يساعد في الثورات لي هسع لا شفنا لينا (ثورة) ولا ( منشية)

أو بالأحرى ناسنا بخشوا الفيس بوك (قرقر قرقر بس) قرقر بالبنغلاديشي يعني ( كلام في كلام في كلام مافي فائدة) أو #50*
وتقبلي تحياتي ،،،،


عزرا ود الضو ياخ -

محمد الأمين - من الآخر اقول ليك - منتظرنك تخش وتولعه انت :cool::p

[مايسة]

والله يا ود الضو يا أخوي انا لو في يدي سلطة كنت عملت الفيس بوك الدولة رقم 194 في الامم المتحدة
مع إني ما بدخلوا كثير لكن ( الزول ) ده سرو باتع ياخ ... يكفي انو مد جسور التواصل بين التكنلوجيا والسياسة
واستطاع ان ( يذيب ) الفوارق بين الناس ..يعني الفقير داقي الحنك مع الغني ... والصغير يغالط في الكبير
وزول جايب خبر مافي .. العبره في فهمك واسلوبك ووعيك ...


الله يديك العافية

[ود الضو]

والله يا ود الضو يا أخوي انا لو في يدي سلطة كنت عملت الفيس بوك الدولة رقم 194 في الامم المتحدة
مع إني ما بدخلوا كثير لكن ( الزول ) ده سرو باتع ياخ ... يكفي انو مد جسور التواصل بين التكنلوجيا والسياسة
واستطاع ان ( يذيب ) الفوارق بين الناس ..يعني الفقير داقي الحنك مع الغني ... والصغير يغالط في الكبير
وزول جايب خبر مافي .. العبره في فهمك واسلوبك ووعيك ...
---------------------------

محمد الجزولي
هاك التحية
( سرو باتع ) دا وصف جميل ياخ و ( يكفيني )
دا كلو حاصل ياحبيبنا
دمت بالف خير ..

[ود الضو]

عزرا ود الضو ياخ -

محمد الأمين - من الآخر اقول ليك - منتظرنك تخش وتولعه انت :cool::p
---------------------

أها قلت شنـــو ياحبيبنا ؟؟؟
مشاققة :
ياخ ايام الثورات كانت مولعة في تونس ومصر
كانوا في ( بعض الشرفاء ) بينادوا بمثل تلك المظاهرات
ياخ اليوم التاني كان اقرأ ليك في شريط أخبار قناة الجزيرة
( ان الشرطة السودانية قد قامت بـ ...................... )
ومن اليوم داك للحظة دي زول قال ( بُغـُـم ) مافي ..

[ود حنتوب]

الاخ ود الضو

يسعد مساءك بكل جميل ورمضان كريم

والله ياخوى رغم اننى طراز قديم ولكننى مواكب ولذا اشتركت فى الفيس بوك واصبحت بقدرة قادرة من الفيسبوكاب مرة واحدة ولا اخفيك سرا اننى وجدت فيه تواصلا رائعا مع اسرتى التى غبت عنها ومن لم يكونو فى الوجود وجدتهم فيسبوكاب وعملنا قروب للاهل وكان رائع جدا ...

ولكن شىء يضايقنى كثيرا فى هذا الفيس بوك وهو ان البعض كما تفضلت يطلب صداقتك ولاننا اولاد بلد فمستحيل ان نرفض صداقة انسان وهنا تبدأ المشكلة ... يا زول وكيلك الله قولت سلام يا الفيس بوك يجيك واحد ناطى انت ما بتعرفه اصلا وهاك يا برى ولو ما رديت بقيت فى غضب الله وانت يا استاذ مستصغرنى وما عاوز تكلمنى وهلم جرا اكتر من جر الصادق المهدى نفسه .. باختصار البتاع ده فيه ناس فاضين وبراييييييييييييييييييين بس تدخل راسك ينجروه ليك ...

[ود الضو]

الاخ ود الضو

يسعد مساءك بكل جميل ورمضان كريم

والله ياخوى رغم اننى طراز قديم ولكننى مواكب ولذا اشتركت فى الفيس بوك واصبحت بقدرة قادرة من الفيسبوكاب مرة واحدة ولا اخفيك سرا اننى وجدت فيه تواصلا رائعا مع اسرتى التى غبت عنها ومن لم يكونو فى الوجود وجدتهم فيسبوكاب وعملنا قروب للاهل وكان رائع جدا ...

ولكن شىء يضايقنى كثيرا فى هذا الفيس بوك وهو ان البعض كما تفضلت يطلب صداقتك ولاننا اولاد بلد فمستحيل ان نرفض صداقة انسان وهنا تبدأ المشكلة ... يا زول وكيلك الله قولت سلام يا الفيس بوك يجيك واحد ناطى انت ما بتعرفه اصلا وهاك يا برى ولو ما رديت بقيت فى غضب الله وانت يا استاذ مستصغرنى وما عاوز تكلمنى وهلم جرا اكتر من جر الصادق المهدى نفسه .. باختصار البتاع ده فيه ناس فاضين وبراييييييييييييييييييين بس تدخل راسك ينجروه ليك ...
----------------------

ود حنتوب لك التحية ولحنتوب مليون سلام
تصوم وتفطر علي خير ياحبيبنا
الجزئية الاولي من كلامك هي ايجابية دون شك
وانا معاك فيها تماماً زي ماذكرت سابقاً ..
والجزئية التانية من كلامك دي كمان بتفق معاك فيها
اتفاق شديد خلاص ,, ياخ في ناس كدا يقيفوا ليك في حلقك
وغير كدا انت عارف ياحبيبنا فيهم شفع صغاااار
يعني عندنا شفع من حلتنا صغار الواحد تلقاهو جادع ليك
طلب صداقة ( صداقة شنو ) انا لو عرست بدري شوية
ولدي يكون قدرك ترسل لي طلب صداقة , ياخ الصداقة
دي مش عندها مواصفات وحاجات كدا ادونا ليها زمان في الابتدائي
وكمان في نوعية كدا تكون ولابتعرفها يجيك طلب صداقة منه
وتقبل بعداك تعال شوف النقة والبري و ( الكضب )
جني وجن الكضب دا ياخ ..
ود حنتوب سعيد جدا بمشاركتك الانيقة ..

[آلاء عبد الرحمن]

والعجب بالنظام الجديد
بقي مباااالغة

زي كلام واحد قال كانو ينشرو الانبوكس بعد كده
ههههههه