موضوع للنقاش((تفضل ))

[بابكر]

الجمال شىء نسبى فما تراه انت جميلا يراه غيرك غير ذلك فخذ مثلا لقد كانت الشلوخ بالنسبة للسودانيين قمة جمال المرأة وكذلك دق الشلوفه والاشياء التى كانت تعجب جدودنا وآبائنا صارت لاتعجبنا نحن 00فهل هذا التغير يعزى الى التعليم والتنوير ,,, ؟؟ام ان كل جيل له نظرته الجماليه الخاصه به؟؟؟؟؟؟هل للجمال مقاييس ؟؟؟ ام انه شىء نسبى يعنى0000 ما اعشقه انا لاتحبه انت بالضروره000 وهل للعقل دخل0 بالموضوع0000دعونا نناقش هذا الموضوع ولكم الشكر

[aborawan]

والله يا بكور ناس زمان ديل بالجد الواحد بكن ليهم كل حب واحترام وتقدير بس جد محتار في مقاييس الجمال عندهم دي كانت كيف لكن طبعا لكل زمان اوان ولكل جيل نظرة معينة ينظر بها للامور ومقاييس الجمال اكيد بتختلف وتتنوع من جيل لاخر كمان ما انسى عادات وتقاليد الشعوب يعني سبحان الله هسه زي دي انا شايف انو شناتا تقطع الخميرة من العجين لكن بني جنسها وبني شعبها شايفنها آية من الجمال

عاين للاضان عاملا ليها عملية تجميل زي ما ناس نانسي برجم بعملو عمليات تجميل ولله في خلقه شؤون

[بابكر]

الحكايه شنو ياشباب الموضوع ما عا جبكم ولا الحكايه شنو فهمونا؟؟؟؟؟؟

[صالح ابوشوارب]

.
يابكور الموضوع جميل لكن بناتك ماسياحيات

واحدة شلوفته كبيرة والثانية نخرته متر

مع الاجابة جيب حاجة تفتح النفس عشان نعلق


ابوشوارب

[صالح ابوشوارب]

.

يابكور ------ يامراقب --------- يا عجوز

انت عايز تودينا في داهية ؟؟؟؟؟



ابوشوارب

[أبوريلان]

يابابكر
سلالالالام

أنا شخصيا أرى أن للأنف دورا كبيرا فى رسم الملامح وجمال الوجه وهذا لا يتعارض مع إعتقادى بأن أختلاف العصور والثقافات يولد إختلافا فى النظرة الى ماهية الجمال ، ففى حين يرى الصينيون مثلا أن الشفايف المليانة قبيحة على المرأة ، يرى فيها الفرنسيون إغراء وفتنة، وفى حين كانت العرب أيام الجاهلية تفضل السمراوات السمينات تميل اليوم الى البيضاوات ذوات القد المياس ، وبإستثناء المعايير الأفريقية يوجد إتفاق على معايير الجمال التى يجب توفرها فى وجه المرأة والرجل ، فبالنسبة للرجل يجب أن يتمتع بوجه ذكورى حاد ، وفك بارز ، وجبهة عالية ومسافة واسعة بين العينين وأنف متوسط غير غليظ والتقاء بسيط بين الحاجبين .
أما المرأة فيجب أن تتمتع بوجه ضيق ناعم وأنف حاد صغير وخط حاجب مرتفع وشفة سفلى ممتلئة وذقن متأخرة ووجنة بارزة وشعر طويل . أها رأيك شنو يا بكور .

[medo]

مشتاقين شديد ياعسل يارهيب وانت دائما مميز في كتابتك ومواضيعك اكثر من رائعه



ربنا اديك العافيه

[114]

نسيبي كان ضابطاً اداريا في مناطق هذه الفتاة، فناقشهن في هذا الموضوع، وأنه يجب تركه، فقلن له أن الشباب لن يتزوج منا لو لم نمط (الشلوفه) هكذا، يعني بناء على طلب الشباب في قبيلتهن يفعلن ذلك حتى يتزوجن..
كذلك اهلنا في الشمال، كان الرجال يقولون للمرأة غير المشلخة (كرتا) وبلغة الشايقية (كرتي)، وكانوا لايفضلونها، لذا كانت البنات مجبرات على عمل الشلوخ حتى يتزوجن، ثم فجأة أصبحت تلك الكرتا هي المفضلة، فضاعت في تلك الفترة الانتقالية من بقيت من البنات بدون زواج وهي مشلخه، وطبعا كلا العادتين هي عادات افريقية (رغم أن بعض قبائل الشمال ليست افريقية بل عربية مثل الشايقية والجعليين والركابية).

ومن تلك العادات الموروثة والضارة والتي ما زال شعب السودان يتمسك بها هي عادة ختان الاناث، وما زال معظم- ان لم نقل كل- الشباب يفضلون البنت المختونة، رغم أن بعض الأسر بدأت في التمرد ضد هذه العادة السيئة، وقد تواجه هؤلاء البنات- المتمردة أسرهن- مشكلة مثل مشكلة (الكرتا)، ثم تنعكس الآية فتصبح مشكلة المختونة كمشكلة المشلخة في الفترة الانتقالية....:o

[بابكر]

اسوى ليك شنو يا ابو شوارب حيرتنى لاكدى عاجبك ولاكدى عاجبك يا عجوز انا شباب اكتر منك هاهاها

[بابكر]

الاخ الوفى myrelan
الاخ الحبيب 114 شكرا لكم على المشاركه فى الموضوع ووجهات نظركم محل تقدير

[بابكر]

الغاليه ميدو سلامى لك وحبى وارجو من الله ان يوفقك واشكرك على المرور والمشاركه ايتها الرائعه

[صالح ابوشوارب]

يا بكور

انت شباب وروحك شباب

لكن خليك من الرصاص الحي

انت طردت ام العيال ولا شنو

وعايز تخرب علينا انت عارف ماعندنا قروش نجيب واحدة تانية

خلينا في ضل الحيطة

ابو شوارب

[بابكر]

اخى الوفى الرائع ابو شوارب لك منى الحب والتقدير واخوك اليومين ديل عايش فى حالة تحنن العدو بس خليها على الله وانا عارفك مابتقدر تعملها تانى حتى ولو لقيت مال السيد قارووون مش؟؟؟؟؟؟؟؟؟

[ركشة]

حقيقة اعجبنى الموضوع والطرح الذى طرح به....
عزيزى بابكر:
الحقيقة انه لكل عصر وجيل مقومات معينة ونظرات معينة تبتدئ من اعظم الامور الى اصغرها...
والجمال هنا ف الوسط بالطبع...اخى ان مقياس الجمال يتفاوت....فتلك كانت لهم ابلغ ما وصل اليه الجمال...
وقد نراه نحن هنا فى هذه الايام...مجرد تشويه للوش وكلام خارم بارم....ولكنه كان عندهم من المقدسات....
وكما قلت فلكل جيل ثقافته الجمالية.....
ولكن يبقى جمال الروح.....واين نحن منه الان

[بابكر]

الاخ الوفلى ركشه شكرا على مرورك الكريم وتعليقك الرائع وانت بدل ركشه ما تخليها امجاد ولا رأيك شنو