هل .... حقا شراب المويه من يد الحريم ... عطش

[ودسمير]

قبل فتره ليست بالطويله سمعت المثل ( شراب المويه من يد الحريم عطش ) !! ، ولم اترك المثل يمر مرور الكرام فجلست وبحثت ( وحكيت راسى ) واغمضت عينى لعلى اصل الى نتيجه دون سؤال ( المنظراتيه ) !

ووصلت الى نتيجة اتمنى ان لا تغضب الجنس اللطيف ( لانى جد أحبهم ) ..

دخول المراة السودانيه الحياة العمليه اعتقد بان سلبياته اكثر من الايجابيات خاصة المراة المتزوجه ، التى يظن الجميع ان عملها ما هو الا لمساعدة زوجها واطفالها فى ظل الظروف المعيشية الصعبه والصعبه جدا ، ولكن ؟

هل حقا تعتبر المراة العامله بان راتبها لمساعدة زوجها ؟

هل الاطفال يجدون حظهم الكامل فى الرعايه فى ظل وجود المراة فى العمل ؟

هل العلاقه العاطفيه تأثرت بين الزوجه وزوجها بسبب عمل الزوجه ؟

هل تعتتقد المراة العامله بانها تستطيع ان تعيش بدون زوج او مطلقه ؟

والسؤال المهم :

هل يعيش الرجل فى حرب داخل نفسه وهو يسمع بان لولا عمل زوجته بانه ما ح يستطيع ان يواجه الحياة بمفرده ؟

وهل يستطيع ان يتحمل كلام الناس ( البوجع القلب ) بان البيت الكلمه فيه ل ( السفيره عزيزه ) ؟

سألنى احدهم هل انت مع او ضد الزوجه العامله ؟ فقلت له :

انا لو كنت المسئول ما تركت امراة متزوجه او غير متزوجه تعمل ، الا للضرورة والضروره عندى ان تعمل المراة فى العمل الذى لا يستطيع الرجل عمله .



" قال تعالى : : وقرن فى بيوتكن "

[الجندي المجهول]

ود سمير تحياتي ،،،

اجمل ما يعجبني في طرحك ( انه موضوعي جداً) وبكل شفافية تضع يدك على الجرح مباشرةً
واكثر من ذلك هو دائماً رجوعك للاستدلال (بالقرآن الكريم) حيث لا جدال ولا تتعرض لسؤال (اين المصدر) فالحمد لله القرآن الكريم لما يترك شاردة ولا واردة

وبالنسبة لشراب (المياه) من يد الحريم ( كدي خلي الموية التجي اول) بعداك بنشربها ان شاء الله بي ( بالبوز)

[mahagoub]

الحياة بقت ضنك
مهما كان راتب الزوج فأنه
لا يفى بمستلزمات الاسره
فلا بد من عمل الزوجه والبنت
والله يجازى الكان السبب

[بت أم درمان]

وبالنسبة لشراب (المياه) من يد الحريم ( كدي خلي الموية التجي اول) بعداك بنشربها ان شاء الله بي ( بالبوز)

انت كان ما نبزت اصلك ما بترتاح :cool:

المطرة جات والخير وراها ان شاء الله

[الجندي المجهول]

انت كان ما نبزت اصلك ما بترتاح :cool:

المطرة جات والخير وراها ان شاء الله

يا بتنا دا اسمه ( نقد بناء) وليس نبذ او اساءة

(الجمرة بتحرق الواطيها)

باللفة : في بالك الغربة عاجبانا (بالعكس) اتمنى ان ينصلح الحال والاحوال وعشان الناس كلها تنبسط الموجودة بالداخل ترتاح والموجودة بالخارج ( زينا) يرجعوا ونعيش في امن وسلام واستقرار ( وعندما يحدث هذا لا يعنيني من يحكم السودان ) لانه (وفر لنا ابسط مقومات الحياة) وبس

[مدنيّة]

ياود سمير
مااعتقد انه كل عمل المراة عشان المادة
لاني شايفاك حاصر الموضوع كله
في القروش

وبعدين شكلها حكاية السفيرة عزيزة دي واجعاك!
هههههههههههههههههههه

والموية ياود سمير
غير الحريم
منو القاعد يسقيكم ليها!
-------
غايتو دا رائك واحنا في القرن
الواحد وعشرين
لو كنت عشت في القرن التاسع عشر
اظنك كنت حملت راية (لآ لعمل المراة)


-------
بجدية كل ادري بظروفه

[ساريه]

الحق يقال ... والما بشوف من الغربال يبقى اعمى ..... واخوك ( الرجل ) كان ابيتو خاف الله فيهو ...
كلامك كلو صاح يا ود سمير والمرأه مكانها البيت الا للضروره .. والضروره خشم بيوت والحديث يطول ...
تحياتى

[صابرحسين]

تحياتي وتقديري أخي ود سمير .....

عمل المرأة سلاح ذو حدين يجب على الزوج دراسته من كل الجوانب ومتى ما وافق على عملها لضرورات متفق عليها بين الجانبين عليه تحمل جميع التبعات والتضحية من أجل تلك الضرورات ، واضعين في الحسبان كل ما يحفظ كرامتها ونفسها ودينها ....... وإليكم هذا الرابط أتمنى أن يجيب عن بعض ما يدور من أسئلة عن عمل المرأة المسلمة .....
http://www.saaid.net/female/0115.htm

[الجندي المجهول]

الحق يقال ... والما بشوف من الغربال يبقى اعمى ..... واخوك ( الرجل ) كان ابيتو خاف الله فيهو ...
كلامك كلو صاح يا ود سمير والمرأه مكانها البيت الا للضروره .. والضروره خشم بيوت والحديث يطول ...
تحياتى

تحياتي اختي سارية ،،،
كلام زول فاهم
ياريت عشان تعم الفائدة نأخذ نماذج (للضرورة ) التي تبيح للمرأة الخروج من منزلها والعمل ،،

بصراحة مداخلتك هذه وكانك ( وضعتي يدك على الجرح مباشرةً)

مشاركة جميلة فعالة في مجملها اختصرت الطريق إلى (التحدث ) بشافافية عن ( عمل المرأة)

وفي الانتظار ،،،،،

[مايسة]

ياود سمير
مااعتقد انه كل عمل المراة عشان المادة
لاني شايفاك حاصر الموضوع كله
في القروش

وبعدين شكلها حكاية السفيرة عزيزة دي واجعاك!
هههههههههههههههههههه

والموية ياود سمير
غير الحريم
منو القاعد يسقيكم ليها!
-------
غايتو دا رائك واحنا في القرن
الواحد وعشرين
لو كنت عشت في القرن التاسع عشر
اظنك كنت حملت راية (لآ لعمل المراة)


-------
بجدية كل ادري بظروفه


معاك جدا -
غايتو السفيرة عزيزة دي عجبتني بالجد

[samia]

تسلمي يامدنية يااختي وفعلاهم بقدروا يشربوا براهيم ،، ما أظن لأنو الواحد يكون واقف جنب الثلاجة وإنتي في المطبخ و يقول ليك أدْيني موية هههههههههههه هههههههههههههههه وبعدين معاها عين ،،، دائما يقول بإستغراب انو كيف بتعملى كل هذا في اليوم وبعد كدا تمارسي النشاطات من قراءة وعمل ،،،،والخ،،،

[ود سعدابى]

هل يعيش الرجل فى حرب داخل نفسه وهو يسمع بان لولا عمل زوجته بانه ما ح يستطيع ان يواجه الحياة بمفرده ؟

وهل يستطيع ان يتحمل كلام الناس ( البوجع القلب ) بان البيت الكلمه فيه ل ( السفيره عزيزه ) ؟

"

ود سمير مساك الله بالخير
مش بقولو من اشتغل بالناس مااات هماً؟
والبعيش فى حرب نفسية مع نفسة دا اكيد هو الخسرااان مش بقولو الحياة شراااكة
إذن مااا المشكلة ان هى شاركتنى عبء الحياة ؟؟ وتقاسمنا حملها ؟؟
لا مشكلة إطلاقاً إن امتلك الثقة فى نفسك ونفس زوجتك التى تعمل

........
الكلام الملون بالاحمر دا
انا بعتبرو تدخل فى الشؤن الداخلية وخصوصيات الحياة الزوجة
قد يكون لديها راى اكثر صواباً منى

يااا اخى العزيز
موضوعك جميل نقشت على جدار مهم

مودتى + كيمان المحبة

[ريمون]

ود سمير مساك الله بالخير مش بقولو من اشتغل بالناس مااات هماً؟ والبعيش فى حرب نفسية مع نفسة دا اكيد هو الخسرااان مش بقولو الحياة شراااكة إذن مااا المشكلة ان هى شاركتنى عبء الحياة ؟؟ وتقاسمنا حملها ؟؟ لا مشكلة إطلاقاً إن امتلك الثقة فى نفسك ونفس زوجتك التى تعمل ........ الكلام الملون بالاحمر دا انا بعتبرو تدخل فى الشؤن الداخلية وخصوصيات الحياة الزوجة قد يكون لديها راى اكثر صواباً منى يااا اخى العزيز موضوعك جميل نقشت على جدار مهم مودتى + كيمان المحبة كلام يدل علي قمة الثقة في النفس .. تصفيق حاد ..