ليلة القبض علي المبدعين!!!!!!!!!!

[شيكو]

لعل قيمة الوفاء هي التي دفعت بي لكتابة هذا البوست
ونحن ننشغل بتفاصيل حياتنا وهي التي تفقدنا بعض من تلكمو القيمة.
ومنتديات ودمدني الشامخة الابية هي مدرسة لكل المنتديات بلاشك
ومثلها مثل غيرها تتعرض للاكتساب والفقد
ولكن أصولها ثابتة
نحن جميعا نتحمل غياب كثيرا من نجوم المنتدي
وهم الذين أسهموا بفعالية في ترقيه مصافا عاليا
فتعالوا نشعل جذوة هذه القيمة
ونسأل عنهم
ونناشدهم
ونزيل كل ما يعترض سبيل عودتهم
نتواصل بكل ماهو متاح معهم
ولتكن عودتهم عيدا من أعياد المنتدي
ولينادي كل من يتداخل علي اسم او أسماء غائبة
الفنان الراقي خالد أبوقرجة
الفنان المبدع العاقب المصباح
الفنانة الكتابة دينا رمضان
و
.................................................
.................................................. ......
.................................................. ..........
.................................................. ................
.................................................. .........................
.................................................. .......................
.................................................. ..................................
.................................................. .....................................

[الملكة اسماء ( ام محمد )]

و
.................................................
.................................................. ......
.................................................. ..........
.................................................. ................
.................................................. .........................
.................................................. .......................
.................................................. ..................................
.................................................. .....................................

تغريد

أنت السماء بدت لنا ... واستعصمت بالبعد عنا

[آلاء عبد الرحمن]

ان شاء الله يظهر كل من غاب عن المنتدي

فالمنتدي بكم ولكم

احلي منتدي واحلي ناس

ربنا يحفظكم
^_^

[بدر الدين محمد]

الفكرة جميلة وكلها حميمية اخي شيكو

ناس قطر نرجو ان يسألوا لينا عن المبدع الذي ملأ المنتدي في يوم ما ابداع

(حسن سادة)
هاتف:0097339085329

[بدر الدين محمد]

اين؟؟؟؟؟؟؟؟؟؟
عموش
114
مرتضى العركي

[شيكو]

الفكرة جميلة وكلها حميمية اخي شيكو

ناس قطر نرجو ان يسألوا لينا عن المبدع الذي ملأ المنتدي في يوم ما ابداع

(حسن سادة)
هاتف:0097339085329

ياسلام استاذنا بدر الدين
شرفت البوست يافناننا الجميل
واقيف النحكي ليك دي علي ذكر حبيبنا حسن سادة
في انسان عزيز من احبابنا في المنتدي
عرفت بانه جا السودان عشان يتزوج
اتحصلت علي رقمو والمهم مشيتلو
والراجل شهم وكريم بالغ في الحفاوة بي
وقعد يعاين فيني ويعاين فيني
وماعرف ده منو الجاهو يبارك ليهو العرس
قمت قت ليهو عرفت الخلقة دي؟
ضحك بي طول حسو وقال لي:
بالله دي علي أنا انت ماحسن ساده!!!
ولي يوم الليلة ماعرف الزول الجاهو ده منو؟؟
هههههههههههه

[abomazeen]

لعل قيمة الوفاء هي التي دفعت بي لكتابة هذا البوست
ونحن ننشغل بتفاصيل حياتنا وهي التي تفقدنا بعض من تلكمو القيمة.
ومنتديات ودمدني الشامخة الابية هي مدرسة لكل المنتديات بلاشك
ومثلها مثل غيرها تتعرض للاكتساب والفقد
ولكن أصولها ثابتة
نحن جميعا نتحمل غياب كثيرا من نجوم المنتدي
وهم الذين أسهموا بفعالية في ترقيه مصافا عاليا
فتعالوا نشعل جذوة هذه القيمة
ونسأل عنهم
ونناشدهم
ونزيل كل ما يعترض سبيل عودتهم
نتواصل بكل ماهو متاح معهم
ولتكن عودتهم عيدا من أعياد المنتدي
ولينادي كل من يتداخل علي اسم او أسماء غائبة
الفنان الراقي خالد أبوقرجة
الفنان المبدع العاقب المصباح
الفنانة الكتابة دينا رمضان
و
.................................................
.................................................. ......
.................................................. ..........
.................................................. ................
.................................................. .........................
.................................................. .......................
.................................................. ..................................
.................................................. .....................................


أووووووه .. شيكو شخصياً
وييينك يا الحبيب وحمدلله على سلامتكم
http://wadmadani.com/vb/showthread.php?t=32611&page=1
فقدناااااكم مع اوائل الناس ... تاني ما تغيب علينا

[شيكو]

أووووووه .. شيكو شخصياً
وييينك يا الحبيب وحمدلله على سلامتكم
http://wadmadani.com/vb/showthread.php?t=32611&page=1
فقدناااااكم مع اوائل الناس ... تاني ما تغيب علينا


أبومازن الاصيل الغالي
تسلم والله ياحبيب
طبعا انا ماكنت عارف انك عامل بوست بتتفقد فيه الغائبين وكنت منهم أنا ذاتي
القلوب شواهد
وياها دي اخلاقكم وسماتكم ياناس مدني ياراقيين
شكرا ليك ولي علوني حبيبي
لي كل زول بيسال عن حبيبا غايب
ياريت نتلم كلنا زي اول
ونساهم في عودة المنتدي لي ايامو الحلوة الجميلة
كان ناسا قدام ولا الاحباب الشرفونا
تسلمو كلكم
واحبكم لامن ترجفوا
وأموت فيكم ركن
ديني انا وايماني انا من غلاوتكم

[mahagoub]

هم كثر لا حصر لهم
واكيد بيتاوقوا ويمشوا
نأمل عودتهم اجمعيين
بالاضافة لمن ذكروا
عمر بشير
بازى
سيد البلد
هشام
فدوى
والكثير

[نزار حسن محمد]

عندما نهز جزع نخلة المنتدى تتساقط علينا رطب الخير والمحبه والسلام
شيكو محبوبى الفنان دام لنا ولاؤك وادام لك ولاؤنا ودمت لنا شامخاً نفتخر بك
دوماً

[مدنيّة]

ياسلام عليك ياشيكو ياخ
بوست بيشبهك تماما

------
بننادي معك كل الغائبين
وبنقول ليهم
ارجعوا تعالوا
مدني والمنتدي في حوجة ليكم


-------
شكرا شيكو

[مصطفى هاتريك]

شيكو يا أجمل الحلوين.... عهودك ويييين


الدرويش (( ذا النون أحمد نايل )) مبدع نفتقده كثيرا

[شيكو]

عندما نهز جزع نخلة المنتدى تتساقط علينا رطب الخير والمحبه والسلام
شيكو محبوبى الفنان دام لنا ولاؤك وادام لك ولاؤنا ودمت لنا شامخاً نفتخر بك
دوماً

نزر ياحبيب
انت شقاري وين راح؟
أسأل بشده عن شقاري الذي اختفي في ظرف كأنو رسالة
أيام كانت الظروف بطالة
ولا لا لا لالا

[شيكو]

ياسلام عليك ياشيكو ياخ
بوست بيشبهك تماما

------
بننادي معك كل الغائبين
وبنقول ليهم
ارجعوا تعالوا
مدني والمنتدي في حوجة ليكم


-------
شكرا شيكو


أم جمال الغالية
الضفر مابمرق من اللحم
كان اتكاجرنا يانا ناس مدني
وكان اتصالحنا يانا ناس مدني
ودي منتديات مدني العظيمة
فيها أحمد خير اشارة
لانتشار الوعي بادر
أشعل التأريخ منارة
مؤتمر عم البنادر
منو انطلقت شرارة
في ربوع أم در بشاير
ومدني يا أم المداين
الجميلة الخيرا باين
لازم نتلم تاني ونعيد الكان
ومانقول حليل الكان
نتلم عشان مدني
وعشان مدني
وعشان مدني
البلاقي اي حبيب يقول ليهو تعال
فتو وحتو حت
أمرق الفي قلبك كلو
وسامحنا لوكنا سبب ابتعادك
نحن منك وانت لينا
وكلنا مع بعض
احباب في الله واخوة
كان رجال كان عوين
كان شبان كان شابات
المنغنغين منهم والمنغنغات
المفلسين منهم والمفلسات
اللهم أجمع شملنا جميعا يارب العالمين

[شيكو]

شيكو يا أجمل الحلوين.... عهودك ويييين


الدرويش (( ذا النون أحمد نايل )) مبدع نفتقده كثيرا
الدرويش المتجول
ذو النون الفنان
ده ياهاتريك صاحبي
وانا باذن الله بتكلم معاه
وكمان انت صاحبو
اتكلم معاهو
وهو بيحبكم وبحب مدني
بجي راجع
لازم حيجي
انا بعرفو حبيب وغاااالي

[ايمن الطيب]

لعل قيمة الوفاء هي التي دفعت بي لكتابة هذا البوست
ونحن ننشغل بتفاصيل حياتنا وهي التي تفقدنا بعض من تلكمو القيمة.
ومنتديات ودمدني الشامخة الابية هي مدرسة لكل المنتديات بلاشك
ومثلها مثل غيرها تتعرض للاكتساب والفقد
ولكن أصولها ثابتة
نحن جميعا نتحمل غياب كثيرا من نجوم المنتدي
وهم الذين أسهموا بفعالية في ترقيه مصافا عاليا
فتعالوا نشعل جذوة هذه القيمة
ونسأل عنهم
ونناشدهم
ونزيل كل ما يعترض سبيل عودتهم
نتواصل بكل ماهو متاح معهم
ولتكن عودتهم عيدا من أعياد المنتدي
ولينادي كل من يتداخل علي اسم او أسماء غائبة
الفنان الراقي خالد أبوقرجة
الفنان المبدع العاقب المصباح
الفنانة الكتابة دينا رمضان
و
.................................................
.................................................. ......
.................................................. ..........
.................................................. ................
.................................................. .........................
.................................................. .......................
.................................................. ..................................
.................................................. .....................................

طبعا نحن اى حاجه فيها قبض افراج بتلفت نظرنا
الفكره جميله وياريت تتطبق

[اميمه عشريه]

مهيره ... ( بت ملوك النيل ) اختفت عندما فاجأها المطر ..وانقطعت عن الهطول علينا ... ود الماحي كان كانما هو نخله من الخير ما بتخلا .... ابوبكرحامد استاذي المحنك الفصيح ... علمني اللماضه وفات ... اشرف السر .... كان يخفي سرا كبيرا عن قلمه فما عرفنا الي الان من اين يستقي مداداته ....برهومه وكديستو واشراقه الافكار المضحكه ...عموش .. معتز حمدتو ....متواري بالغياب .... ديل ناسي وانا منحازه تماما لهم ان رجعو بقيت وان لم يرجعو سأذهب اليهم حيث هم .........فانا بدونهم اشعر بالوحشه ويقتلني الحنين ....

[بدر الدين محمد]

عشان البوست دا يؤتي اكله
نقوم نحنا ناس الخرطوم نلتزم بالاتصال بالغايبين الموجودين في الخرطوم

ناس مدني يقوموا يعملو نفس الشئ

ناس السعودية

ناس قطر

ناس

من الآن نبدأ الاتصال وسأتصل اولا بالعضو (كاتم الاحزان) ثم نواصل

[شيكو]

أستاذنا بدر الدين
يارائعنا الجميل دوما
كلامك ظابط مية المية
فعلا لومافي فعالية مافي نتائج
لانو لو قعدنا نحلم كده مابتجيب نتيجة
لازم فعلا الناس تتصل وتلاقي
لغاية ما نحقق هدف البوست
الكتابة براها مابتجيب رائع غايب
وليك علي تكون لجنة من الليلة مهمتا الاتصال بالغايبين من مبدعي المنتدي في ودمدني
ولازم يعودوا لازم يرجعوا
باذن الله باذن الله باذن الله

[شيكو]

طبعا نحن اى حاجه فيها قبض افراج بتلفت نظرنا
الفكره جميله وياريت تتطبق

مولانا أيمن الفنان الراقي
كلامك تمام
وشايف أستاذ بدر الدين اشتغل خطوة ايجابية
ونحن كمان حنفعل مضمون البوست فيما يلي ناس مدني
وربنا يحقق المبتغي
ويجو عايدين بالمدرع والمكسيم
يا الله

علي جمبة كده:
صاحبك عصام محمد نور وين؟ غير رقمو ولاياهو جايز تكون الشبكة فيها مشكلة ياربي؟

[نزار حسن محمد]

ولكم على اوصل الكلام لناس الحكومه
واسلم الكشف للسيد الرئيس شخصياًومجلس ادارته
ومشوار المليون خطوه ببداء بخطوه

[شيكو]

علي النعيم
البسيط .. ود البلد .. الخدوووم
كم وقف معنا في كل مامن شأنه الرقي بهذا المنتدي
جمل الشيل وحلال المشاكل
المثقف الفنان
تعال
أيها الجميل معني ومبني
لك القدح المعلي
ورغم عدم ظهورك بالمنتدي
لكنه ماغاب عن خاطرك
تلم ناسو وتقيف علي راس الصغيرة والكبيرة
فقط نحتاج قلمك
وانت بيننا تشعرنا بقيمة عالية
جنابو علي النعيم
نأمل عودتك
ويارب يملاك صحة وعافية
وتلقي مرادك والفي نيتك
امين

[بدر الدين محمد]

اتصلت على العضو الظريف كتام الاحزان وهو يعمل مذيع في قناة قووووووووون والمشاغل منعته من التواصل وعد بان يتواصل مع الناس في المنتدى
وهو يوم الاحد الساعة ستة حيكون على الهواء في القناة (شوفوه)

[بدر الدين محمد]

ولكم على اوصل الكلام لناس الحكومه
واسلم الكشف للسيد الرئيس شخصياًومجلس ادارته
ومشوار المليون خطوه ببداء بخطوه
كدي بالله يا نزار شوف لينا صاحبك حسن سادة (سكر زيادة) تلفونو في اعلى البوست

[سواااح]

مهيره ... ( بت ملوك النيل ) اختفت عندما فاجأها المطر ..وانقطعت عن الهطول علينا ... ود الماحي كان كانما هو نخله من الخير ما بتخلا .... ابوبكرحامد استاذي المحنك الفصيح ... علمني اللماضه وفات ... اشرف السر .... كان يخفي سرا كبيرا عن قلمه فما عرفنا الي الان من اين يستقي مداداته ....برهومه وكديستو واشراقه الافكار المضحكه ...عموش .. معتز حمدتو ....متواري بالغياب .... ديل ناسي وانا منحازه تماما لهم ان رجعو بقيت وان لم يرجعو سأذهب اليهم حيث هم .........فانا بدونهم اشعر بالوحشه ويقتلني الحنين ....

الانيقة اميمة ..
تحايا لك قدر ما تشتهين
ان كان هناك من هو مطلوب القبض عليه فهم كثر وانت في اول القائمة
ارتحلتم .. وتركتم الدار يكسوها السواد
رحلتم .. والقلب يلفه الصمت ويقتله الانين
رحلتم .. وليتكم تركتم ولو مذكرة فيها ولو افادة
انه هناك امل بانكم سوف تعودون ولو بعد حين.

[سواااح]

هناك انيق لم اجد له اثر ولو بصمة مشابهه في اي مكان
العزيز كاظم .. اين انت .. واين نحن الآن ؟؟
فها هو الصقيع ارهق دواخلنا .. ومزق كل الاوتار والالحان.

[سواااح]

الجميل شيكو ..
لقد افردت لنا مساحة للحزن
وقد اينعت ثمار الحنظل والالم
فشكراً لك على هذه .. المساحة.

[الملكة اسماء ( ام محمد )]

هناك انيق لم اجد له اثر ولو بصمة مشابهه في اي مكان
العزيز كاظم .. اين انت .. واين نحن الآن ؟؟



http://wadmadani.com/vb/showthread.php?t=41641&p=611430&viewfull=1#post611430

[شيكو]

الجميل شيكو ..
لقد افردت لنا مساحة للحزن
وقد اينعت ثمار الحنظل والالم
فشكراً لك على هذه .. المساحة.

سواح حبيبي
عهدتك متلفحا ثوب التفاؤل
ولكم بألوان الابداع زينته
وليه بتحزن
ومن دموعك مابتكسب غير ندامه
ولو حبيبك فات وروح مابتجديك الملامه
أيها النضر
نحن نضحك من وراء الدموع ولكنا نخفيها
الدنيا ياغالي شن فيها
مابتستاهل ابدا
وانت مابتستاهل اي حزناية واحده
لانك بهي مظهرا وجوهرا

[ود الضو]

عبد الرحمن مدثر
معتصم
العاقب مصباح
كانو حضورا انيقاً
ولكني لا اراهم الآن
ارجو ان تكونوا والجميع بخير ..

[اميمه عشريه]

الانيقة اميمة ..
تحايا لك قدر ما تشتهين
ان كان هناك من هو مطلوب القبض عليه فهم كثر وانت في اول القائمة
ارتحلتم .. وتركتم الدار يكسوها السواد
رحلتم .. والقلب يلفه الصمت ويقتله الانين
رحلتم .. وليتكم تركتم ولو مذكرة فيها ولو افادة
انه هناك امل بانكم سوف تعودون ولو بعد حين.

تعلم انك اخي ورفيق درب الادب الجميل...اصدقك القول بعد ان اقرئك السلام وكم من الشوق..
سنواتي الماضيه وقفت مع الحياه في جبهتين متناحرتين .. خضت من ا لمعارك الكثير ..صرعت كثيرا وانكسر مني القلم اكثر ... لم تكن اشيائي بسيطه فركزت مجهودي لاناضل واكون انا حيث انتمي وكيف اريد .. كل هذا سرقني حتي من روحي كنت انتظر ان اقفز من هذه الساقيه التي تدور رحاها وتطحنني بها كل يوم في مشهد جنائزي مؤلم ...لذلك غبت ...ولم اتمكن حتي من ان اسطر لكم افاده واعتذار كأقل ما يليق بكم ... لاني اؤمن في قراره روحي انكم ستقدرون فلكم العتبي حتي ترضو ولك مني سؤال عظيم عن كل اخبارك مع احترامي

[سوباوي]

أنه البهاء في أسحر وجوده .. والغيث يتقاطر لؤلؤه على

سيرة الرائعين فتفوح من باطن القلوب محبة و شيكو يا جميل تعزف على أرق السلالم في وجدان الجميع ..

عظيم هو السؤال عن الغائبين وعظيم هذا المكان ببوح من فيه تجاه بعضهم البعض ..

يا ها المحرية فيك يا شيكو وأنا أقرأك على الدوام ثم أدلف نحو سبحنتي وحوقلتي منتعلاً استفهامي وإعجابي

بأي عطر يمزج مداده هذا الشيكو؟!!!!!! ثم تستحي الحروف فلا أعلق ..

حنجرتي الآن معبئة بالصهيل للسؤال عن كل الغائبين مع دعوات صادقات بأن يسهل الكريم كل أمورهم ..

- لواء ..

- برهوتة (إبراهيم)

- راشد خضر ..

- Salah ..

- مهيرة ..

- سلوى أم أحمد ..

ولا زال الحنجور يستفه الصهيل نحو من غابوا .. وها أنا يا عزيزي شيكو أسلم نفسي لك في هذه الليلة من

غير تنفيذ لأمر قبض وتلصصاً مني على قائمة أولائي المبدعين الذين أتمنى أن أكون موازياً لحروفهم وحضورهم

أينما وجدوا ..

أكثر من أن تسمى محبة ،،،

[سواااح]

تعلم انك اخي ورفيق درب الادب الجميل...اصدقك القول بعد ان اقرئك السلام وكم من الشوق..
سنواتي الماضيه وقفت مع الحياه في جبهتين متناحرتين .. خضت من ا لمعارك الكثير ..صرعت كثيرا وانكسر مني القلم اكثر ... لم تكن اشيائي بسيطه فركزت مجهودي لاناضل واكون انا حيث انتمي وكيف اريد .. كل هذا سرقني حتي من روحي كنت انتظر ان اقفز من هذه الساقيه التي تدور رحاها وتطحنني بها كل يوم في مشهد جنائزي مؤلم ...لذلك غبت ...ولم اتمكن حتي من ان اسطر لكم افاده واعتذار كأقل ما يليق بكم ... لاني اؤمن في قراره روحي انكم ستقدرون فلكم العتبي حتي ترضو ولك مني سؤال عظيم عن كل اخبارك مع احترامي



الشقيقة الكبري الغالية .. اميمة
صدقتي اختي .. تاهت بنا الحياة في دروبها
وسحبتنا وطحنتنا ثم رمتنا عظماً دونه اللحم بقارعة المحطمين
واصدقك قولاً اني لم اسطر كلمة منذ عامين او اكثر !!!
وفي بعض لحظات السكينة المغتصبة تاتي كلمات تائهة حيرى
لشئ من لا شئ وترتحل كلها اسى وانا كلي خجل !!!
اهـ منك يا دنيا .. اهـ منك يا قلب !!!
والامنيات تتراقص حبلي مبشرة بغدٍ انضر
او .. هكذا .. اظن !!!
كوني اميمة دوماً بكل الخير وافضل الحال.

[نزار حسن محمد]

عاجل قبل قليل كنت اتحدث مع الاخ العزيز حسن ساده وهو يبلغكم السلام مشكلته انه ما قدر ادخل بى كلمة المرور وسوف نعالج الامر فى القريب العاجل

[شيكو]

أنه البهاء في أسحر وجوده .. والغيث يتقاطر لؤلؤه على

سيرة الرائعين فتفوح من باطن القلوب محبة و شيكو يا جميل تعزف على أرق السلالم في وجدان الجميع ..

عظيم هو السؤال عن الغائبين وعظيم هذا المكان ببوح من فيه تجاه بعضهم البعض ..

يا ها المحرية فيك يا شيكو وأنا أقرأك على الدوام ثم أدلف نحو سبحنتي وحوقلتي منتعلاً استفهامي وإعجابي

بأي عطر يمزج مداده هذا الشيكو؟!!!!!! ثم تستحي الحروف فلا أعلق ..

حنجرتي الآن معبئة بالصهيل للسؤال عن كل الغائبين مع دعوات صادقات بأن يسهل الكريم كل أمورهم ..

- لواء ..

- برهوتة (إبراهيم)

- راشد خضر ..

- Salah ..

- مهيرة ..

- سلوى أم أحمد ..

ولا زال الحنجور يستفه الصهيل نحو من غابوا .. وها أنا يا عزيزي شيكو أسلم نفسي لك في هذه الليلة من

غير تنفيذ لأمر قبض وتلصصاً مني على قائمة أولائي المبدعين الذين أتمنى أن أكون موازياً لحروفهم وحضورهم

أينما وجدوا ..

أكثر من أن تسمى محبة ،،،



سوووووووووووووووووووووووووووووووووووووووباوي
حبيبي
ياكتااااب
شووووق لافوق
قررنا الاتي:
1/ القبض عليك الان وحبسك داخل الثقافي لغاية مايدك تفتر من الكتابة.
2/اغلاق جميع المنافذ والمخارج لتنسم عطر ماتكتبه.
3/ ومحسوبلك غيابك الثانية بسنة.

[همسات]

أنحني لكم احتراما وشكرا
ماذا أقول وماتفعلونه يفوق حد القول
فرحه بهذا الاخاء الجميل
سعيده بهذه الروح وهذا الوفاء الخالص
أقولها بأعلي صوتي أنا افتخر بكم كثيرا
ويلا بينا نسمو ونرتقي ببيتنا الكبير
أتمني ان يعود لنا جميع الغائبين سالمين
شيكو شكري وأحترامي

[ودالعمدة]

سوووووووووووووووووووووووووووووووووووووووباوي
حبيبي
ياكتااااب
شووووق لافوق
قررنا الاتي:
1/ القبض عليك الان وحبسك داخل الثقافي لغاية مايدك تفتر من الكتابة.
2/اغلاق جميع المنافذ والمخارج لتنسم عطر ماتكتبه.
3/ ومحسوبلك غيابك الثانية بسنة.

نؤيد بشدة هذا الاعتقال الابداعى
شيكو انت ذاتك رهن الاعتقال

أبحثوا عن أختنا الرائعة أمنية من الشقيقة الجزائر

[شيكو]

أنحني لكم احتراما وشكرا
ماذا أقول وماتفعلونه يفوق حد القول
فرحه بهذا الاخاء الجميل
سعيده بهذه الروح وهذا الوفاء الخالص
أقولها بأعلي صوتي أنا افتخر بكم كثيرا
ويلا بينا نسمو ونرتقي ببيتنا الكبير
أتمني ان يعود لنا جميع الغائبين سالمين
شيكو شكري وأحترامي

همسات في ضمير الغيب تشجي مسمعي
وخيالات الاماني رفرفت في مضجعي
وأنا بين كياني وهمومي لاأعي
هو كده يا همسات ياراقية
الحب ولاغيره
جسور الحميمية هي وحدها القادرة علي عبور ضفتيه
وتبقي مدني العظيمة أغنيتنا المفضلة
كلنا اخوة وأحباب
نتلاقي في تسامي ونقاء
أحباب أحباب
والقريب ينادي الغايب القريب ومش ممكن يكون بعيد
وتسلم استاذه همسات

[شيكو]

نؤيد بشدة هذا الاعتقال الابداعى
شيكو انت ذاتك رهن الاعتقال

أبحثوا عن أختنا الرائعة أمنية من الشقيقة الجزائر

عمدتنا الشفاف
كانت جابت ليها توسيع شبكة الاعتقالات
اقبضوا علي مدثر
أرق نسمة
وأندي كلمة
عليه قررنا:
ا 1/ القبض علي الفنان النبيل عبد الرحمن مدثر
وحجزه داخل الثقافي مكلبشا بكل كلابيش الابداع
2/ القبض علي ياسر ود العمدة واجباره علي مواصلة نزف قلمه الوردي