جنب يابتاع القيتز

[بت مارنجان]

ياناس الحركة ماعزبتونا ياخ
الايام دي منتشرين زي الرقشات "في امدرمان:p"

ماشة في شارعي قبل يومين في امااااانة الله اشوف ليك من بعيد
ناس الحركة لابتين ليهم في تقاطع "مييييييت" وقريب السبعة وهاك ياصفير
اختكم مالابسة الحزام براحة سريع جريت الحزام "وكربتو:("

قربت علي التقاطع وقطعتو واحد "جييييييييييييييييييتك صفر جنب يابتاع القيتز" :eek:

قلت خلاص دي الليلة فيها غرامة واحتمال اتسجن كون انو اتحايلت والراجل
بتاع الحركة بيكون نقشني وانا بعافر اربط الحزام :confused:

وقفت وبعاين بالمراية بتاع الحركة جاي ومعاهو واحد تاني اشوفهم ليك
بيتكلمو وبيهرجو وواحد بيشاكل في التاني قلت خلاص الليلة
فضيحتك اسفيريا وعلي نطاق اليوتيوب :o:o

[بت مارنجان]

معاي امي قالت لي سجمك انا بنزل وبقول ليهم ولابعرفها
اجي ياامي :confused:

واحد من بتاعين الحركة صفر لي واحد تالت وأشر ليه
وجاي علينا
الليلة وووووووووووب قلت الا الجماعة ديل مشتبهين في عربيتي دي ولا شنو
يكون بالليل في زول سرقها عمل بيها جريمة :o:o

جوز اللوز بتاع الحركة وصل نزلت القزاز بآخر رمق قال لي بتاع الحركة :
تعرفي "يادكتورة" انا ماقاعد اوقف بت نهائي في الشارع لاني متأكد مية
المية انها ماعندها ولا مخالفة "ترخيصهم مجدد وعندهم رخصة ورابطات الحزام
وحقيقة نحن قصدنا "الوليد" الكان قدامك بتاع القيتز مارابط الحزام :rolleyes:

متأسفين يادكتورة اتفضلي ...

علاقة الدكترة بالسواقة شنو "علمآ بأنو انا عندي حساسية مع الدكتورات شديد
واي وحدا قريبتنا دكتورة بقيت مابريدها :mad:

[بت مارنجان]

الحزام عزبنا ياخ :mad:

[آلاء عبد الرحمن]

هههههههههه
بمناسبة الدكتورة دي امشي السوق اي زول بقول ليك يادكتورة
هم لما يكونو عايزين قروش بقومو شديد

[ودسمير]

الحزام عزبنا ياخ :mad:


الحمدلله ما قال ليك جيبى حق الفطور !!

على فكرة الفرق بين القيتز وال كليك شنو ؟

[بت مارنجان]

هههههههههه
بمناسبة الدكتورة دي امشي السوق اي زول بقول ليك يادكتورة
هم لما يكونو عايزين قروش بقومو شديد

ياخي انا شدت ماعندي حساسية مع الدكتورات ديل انسي بس
مع الاعتذار لي اي دكتورة في المنتدي "لكن المسألة دي شخصية:o"

[بت مارنجان]

الحمدلله ما قال ليك جيبى حق الفطور !!

على فكرة الفرق بين القيتز وال كليك شنو ؟

حق فطور ليه؟؟؟
رابطة حزامي ورخصي مية مية :rolleyes:
والله ياود سمير ماعندي فكرة في الفرق لكن اظن القيتز
ضهريتها شوية اكبر من الكليك ....

[abomazeen]

ياناس الحركة ماعزبتونا ياخ
الايام دي منتشرين زي الرقشات "في امدرمان:p"

ماشة في شارعي قبل يومين في امااااانة الله اشوف ليك من بعيد
ناس الحركة لابتين ليهم في تقاطع "مييييييت" وقريب السبعة وهاك ياصفير
اختكم مالابسة الحزام براحة سريع جريت الحزام "وكربتو:("

قربت علي التقاطع وقطعتو واحد "جييييييييييييييييييتك صفر جنب يابتاع القيتز" :eek:

قلت خلاص دي الليلة فيها غرامة واحتمال اتسجن كون انو اتحايلت والراجل
بتاع الحركة بيكون نقشني وانا بعافر اربط الحزام :confused:

وقفت وبعاين بالمراية بتاع الحركة جاي ومعاهو واحد تاني اشوفهم ليك
بيتكلمو وبيهرجو وواحد بيشاكل في التاني قلت خلاص الليلة
فضيحتك اسفيريا وعلي نطاق اليوتيوب :o:o



قبل ما أكمل باقي القصة بتاعتك دي
طواالي مشيت افتش في اليوتيبوب
قلت اشوفك والكلبشات في ايديك
" تسلمي الشر بررره وبعيد منك "
نورتيــنا يا مارنجــــو

[abomazeen]

معاي امي قالت لي سجمك انا بنزل وبقول ليهم ولابعرفها
اجي ياامي :confused:

واحد من بتاعين الحركة صفر لي واحد تالت وأشر ليه
وجاي علينا
الليلة وووووووووووب قلت الا الجماعة ديل مشتبهين في عربيتي دي ولا شنو
يكون بالليل في زول سرقها عمل بيها جريمة :o:o

جوز اللوز بتاع الحركة وصل نزلت القزاز بآخر رمق قال لي بتاع الحركة :
تعرفي "يادكتورة" انا ماقاعد اوقف بت نهائي في الشارع لاني متأكد مية
المية انها ماعندها ولا مخالفة "ترخيصهم مجدد وعندهم رخصة ورابطات الحزام
وحقيقة نحن قصدنا "الوليد" الكان قدامك بتاع القيتز مارابط الحزام :rolleyes:

متأسفين يادكتورة اتفضلي ...

علاقة الدكترة بالسواقة شنو "علمآ بأنو انا عندي حساسية مع الدكتورات شديد
واي وحدا قريبتنا دكتورة بقيت مابريدها :mad:



مارنجــــو ... سؤال كده على الطااير

إنـتِ عربـيتك قيـتــز ولاّ كليك ...؟

الإجازة قرربت .. ممكن شــده

[خالد علونى]

الحمدلله ما قال ليك جيبى حق الفطور !!

على فكرة الفرق بين القيتز وال كليك شنو ؟





الخٌّــــــــــــــــلـــــعـــــة



;) ;) ;)

[عبدالرحمن مدثر]

هههههههههههههههه

والله جوز اللوز ديل حنو عليك سااااااى

ياخ انتى بتسوطى الشارع جنس صواااااطه

مااااااااااعندهم غرامه (فوضى )

[محمد حسين (المميز)]

جيتز:rolleyes:

دكتوره:o

حساسيه من الدكتورات:confused:




---------------------------------



لاتعليق:p

[بحيرى]

هاهاهاهاهاهاهاهاها .....
والله يا دكتوره .... آآآآآآآقصد يامارنجو جرستك عجيبه ....
انت يا بت حلبيه ولا شنو ....؟!!
لكن بينى وبينك ال 30 ج كتيره ....
ياخى ديل بقصة الحزام دى كرهونا السواقه ....
انا بقيت ماشى بكراعى لمن اجى جمب بتاع مرور بمسك قاشى ....
انا بقيت بكره الاحزمه ....
عندى عقده منها ....
بشترى البنطلون مخصوص اكبر منى .... علشان امسكو بالحزام ....
تخيلى مره انا جوه البيت ... رااااااقد ....
بتاع الوساخه ضرب الصفاره بره ....
انا فى سريرى مسكت الحزام ....
الله لا تريحكم اكان جننتونا ياخ ....
هسه سيد الوساخه ذنبو شنو يا بحيرى ....
هى الزول ده ما عارف الصفاره دى بتفور لى اعصابى ....
ربنا الزمنا الصبر بث .....!!

[مايسة]

ياخي انا شدت ماعندي حساسية مع الدكتورات ديل انسي بس
مع الاعتذار لي اي دكتورة في المنتدي "لكن المسألة دي شخصية:o"


هههههههههههههههههه

ليه بس كدا - كدي وريني الموقف الخلاك تبقى قاسية كدا وعديمة المشاعر :p;)

[مايسة]

هههههههههههههههه

والله جوز اللوز ديل حنو عليك سااااااى

ياخ انتى بتسوطى الشارع جنس صواااااطه

مااااااااااعندهم غرامه (فوضى )


أسألني أنا -

مجربة ياخ :cool:

[مدنيّة]

بث .....!!

وين حقـــي!!

[مدنيّة]

بعيدا عن حقدك علي الدكترة
الزي حقدي علي المغتربين
وإن اختلفت الاسباب

موضوع تفعيل ربط الحزام دا
احسن حاجة عملوها ناس المرور
لصحة وسلامة الراكب
بعد شوية ببقي تعودية
انا حتي لو ما سايقة
بربط الحزام

------
والله ماعارفة
لكن اكتر ناس بيعجبوني في شغلهم
هم ناس المرور
ياخ ديل واقفين في سخانة تلحم
عشان يحافظوا علي انسيابية (حلوة دي) حركة السير
بغض النظر عن اي حاجة تانية
وكتير جدا بتلقي رجل مرور واقف في الظلط
عشان يمرر اطفال الاساس
ياخ ربنا يقدرهم ويعينهم علي شغلهم دا

-------
وعندي فهم
ليه اصلا الزول (يخالف)
عشان يزعل لما يقطعوه ايصال!!
عشان كدا اصلو ما بلوم رجل مرور في حاجة

[مدنيّة]

على فكرة الفرق بين القيتز وال كليك شنو ؟

السعـــــــــــــر

[محمد حسين (المميز)]

السعـــــــــــــر


سمساريه قديمــــــــــه لكن ..:p

[مدنيّة]

سمساريه قديمــــــــــه لكن ..:p



معقولة بث
الفيك عايز تعمله فيني!!
ههههههههههههههههه

[محمد حسين (المميز)]

بعيدا عن حقدك علي الدكترة
الزي حقدي علي المغتربين
وإن اختلفت الاسباب



:rolleyes::rolleyes::rolleyes:

فعـــلا .. يوجد حقد طبقي:cool:





والله ماعارفة
لكن اكتر ناس بيعجبوني في شغلهم
هم ناس المرور
ياخ ديل واقفين في سخانة تلحم
عشان يحافظوا علي انسيابية (حلوة دي) حركة السير
بغض النظر عن اي حاجة تانية
وكتير جدا بتلقي رجل مرور واقف في الظلط
عشان يمرر اطفال الاساس
ياخ ربنا يقدرهم ويعينهم علي شغلهم دا

-------





هاهاهااااااااااااااي

بلبس ابيض وقلبو اسود:cool:


ماااااااااااظنيتك ضقتي ايصالاتهم يا ماما

عشان كده الحب مازال موجود

لكن لمن يوم تاخدي ايصال بدون سبب .. اي بدون سبب:mad:

بتحول الغرام الى انتقام:p

[مدنيّة]

:rolleyes::rolleyes::rolleyes:

فعـــلا .. يوجد حقد طبقي:cool:


شديييييييييييييييد
هههههههههههههههههه




هاهاهااااااااااااااي

بلبس ابيض وقلبو اسود:cool:


ماااااااااااظنيتك ضقتي ايصالاتهم يا ماما

عشان كده الحب مازال موجود

لكن لمن يوم تاخدي ايصال بدون سبب .. اي بدون سبب:mad:

بتحول الغرام الى انتقام:p

يا محمد
مافي حاجة اسمها اخد ايصال من غير سبب
ومافي زول بيقدر يقطعني ايصال من غير سبب
عربيتك مرخصة
رخصتك سارية المفعول
ملتزم بقواعد السير
والسرعة القانونية
والله لو طار السماء
مايقدر يقطعني ايصال

-------
انا اعتقد انه السمعة (الزمان) عن رجال المرور
مازالوا بيدفعوا تمنها لغاية الان

[نزار حسن محمد]

غايتوا انا جاى خاشى ضفاررررري
كل اجازه لازم بتاع الحركة اوقفنى واسالنى من الرخصه والملكيه واتعودنا على ربط الحزام من زمان
آها وحاة معزتكم ما بلاقى اى سبب اقعد ادور حول العربيه ويبرطم بى كلام مافهوم ..انا طوالى بدخل
يدى على المحفظه ..لكن بتعمد اطلع ليه القروش علاناً واقول هاك حق الفطور او حق الخضار
طولى بجى جارى واقول لى لكن ياعمنا ماكده خلى البهانس تحت تحت ؟؟

[بت مارنجان]

قبل ما أكمل باقي القصة بتاعتك دي
طواالي مشيت افتش في اليوتيبوب
قلت اشوفك والكلبشات في ايديك
" تسلمي الشر بررره وبعيد منك "
نورتيــنا يا مارنجــــو



يسلمو ياابو مازن ياخ
بس الجماعة طلعو ماقاصديني قاصدين بتاع العربية القدامي

نوووووورك ياابو مازن

[بت مارنجان]

مارنجــــو ... سؤال كده على الطااير

إنـتِ عربـيتك قيـتــز ولاّ كليك ...؟

الإجازة قرربت .. ممكن شــده



ماااااااااااااااافرقت ياخ
المهم شئ محرك المشاوير

تتفضل طواااااااااااااااالي ياابو مازن بس البنزين عليك
اوعك تنسي الحزام ;)

[بت مارنجان]

هههههههههههههههه

والله جوز اللوز ديل حنو عليك سااااااى

ياخ انتى بتسوطى الشارع جنس صواااااطه

مااااااااااعندهم غرامه (فوضى )


هههههههههههههههههههههههه
والله حقاااااااااااااااااااااااااار
ياخ انا عماتي وخالاتي بقو يضربو بي المثل في السواقة :o

ومااااااااااااااااااببركن في "حرم الشارع :p:o;)"

[بت مارنجان]

جيتز:rolleyes:

دكتوره:o

حساسيه من الدكتورات:confused:




---------------------------------



لاتعليق:p


اني اشتم رايحة شئ في مشاركتك ياهذا
القيتز عربيتي
والديكتورات مابريدهم
:mad:

[بت مارنجان]

هاهاهاهاهاهاهاهاها .....
والله يا دكتوره .... آآآآآآآقصد يامارنجو جرستك عجيبه ....
انت يا بت حلبيه ولا شنو ....؟!!

والله الحلبي ياهو الفوق وردا لي دا :o

لكن بينى وبينك ال 30 ج كتيره ....
ياخى ديل بقصة الحزام دى كرهونا السواقه ....
انا بقيت ماشى بكراعى لمن اجى جمب بتاع مرور بمسك قاشى ....
انا بقيت بكره الاحزمه ....
عندى عقده منها ....
بشترى البنطلون مخصوص اكبر منى .... علشان امسكو بالحزام ....
تخيلى مره انا جوه البيت ... رااااااقد ....
بتاع الوساخه ضرب الصفاره بره ....
انا فى سريرى مسكت الحزام ....
الله لا تريحكم اكان جننتونا ياخ ....
هسه سيد الوساخه ذنبو شنو يا بحيرى ....
هى الزول ده ما عارف الصفاره دى بتفور لى اعصابى ....
ربنا الزمنا الصبر بث .....!!

انت ماملاحظ الصفافير كترت
صفارة الحركة
صفارة عربية الوسخ
بتاع اللبن اتعلم ليه صفارة
في بتاع كارو ببيع جاز بجي بصفر

الزمنا الصبر والله

[بت مارنجان]

هههههههههههههههههه

ليه بس كدا - كدي وريني الموقف الخلاك تبقى قاسية كدا وعديمة المشاعر :p;)

هل عهدتي علي يامايسة القسوة وعدم الاحساس :rolleyes:
وبعدين انتي مالك "كيفي كدا :mad:"

[بت مارنجان]

أسألني أنا -

مجربة ياخ :cool:

ايوااااااااااااااااااااااا
بجي الخريف
والطيارة بتجيبك السودان تاني

كوييييييييييييييييييييييس

[بت مارنجان]

بعيدا عن حقدك علي الدكترة
الزي حقدي علي المغتربين
وإن اختلفت الاسباب


تعددت الاسباب والحقد واحد :o

موضوع تفعيل ربط الحزام دا
احسن حاجة عملوها ناس المرور
لصحة وسلامة الراكب
بعد شوية ببقي تعودية
انا حتي لو ما سايقة
بربط الحزام

شوفي يالسمحة حقيقة انا لااتفق معاك في النقطة دي
قولي ليه؟
اقول ليك؟
من خلال قرايتي ؟لأصول وفنيات السواقة وقوانين السواقة
انو الحزام مفترض يتربط علي الخطوط السريعة "الهاي وي عند المغتربين:o"
لكن انا بمشي في شارع وخاصة الخرطوم جوة لاتزيد السرعة عن 20 و10 بسبب الزحمة
اربط الحزام ليه؟

------
والله ماعارفة
لكن اكتر ناس بيعجبوني في شغلهم
هم ناس المرور
ياخ ديل واقفين في سخانة تلحم
عشان يحافظوا علي انسيابية (حلوة دي) حركة السير
بغض النظر عن اي حاجة تانية
وكتير جدا بتلقي رجل مرور واقف في الظلط
عشان يمرر اطفال الاساس
ياخ ربنا يقدرهم ويعينهم علي شغلهم دا

حقيقة كلامك دا
لكن دا شغلهم ;)

-------
وعندي فهم
ليه اصلا الزول (يخالف)
عشان يزعل لما يقطعوه ايصال!!
عشان كدا اصلو ما بلوم رجل مرور في حاجة


يوم بتسلبط فيك بتاع حركة بدون سبب وبتعرفي :rolleyes:

[بت مارنجان]

يا محمد
مافي حاجة اسمها اخد ايصال من غير سبب
ومافي زول بيقدر يقطعني ايصال من غير سبب
عربيتك مرخصة
رخصتك سارية المفعول
ملتزم بقواعد السير
والسرعة القانونية
والله لو طار السماء
مايقدر يقطعني ايصال

والله فعلا مايقدر يقطعك ايصال :rolleyes:

-------
انا اعتقد انه السمعة (الزمان) عن رجال المرور
مازالوا بيدفعوا تمنها لغاية الان



ام جمال هلوووووووووووووووو
انتي في السودان ياحلوة مالك محسساني زي كأنك جاية من المدينة الفاضلة

انا ماعارفة السمعة الزمان شنو
لكن هسي وزمان وااااااااااااااااااحد

[بت مارنجان]

غايتوا انا جاى خاشى ضفاررررري
كل اجازه لازم بتاع الحركة اوقفنى واسالنى من الرخصه والملكيه واتعودنا على ربط الحزام من زمان
آها وحاة معزتكم ما بلاقى اى سبب اقعد ادور حول العربيه ويبرطم بى كلام مافهوم ..انا طوالى بدخل
يدى على المحفظه ..لكن بتعمد اطلع ليه القروش علاناً واقول هاك حق الفطور او حق الخضار
طولى بجى جارى واقول لى لكن ياعمنا ماكده خلى البهانس تحت تحت ؟؟


ههههههههههههههههههههههههههههههه
والله كلامك صح ياابو فايزة
والبرطمة دي ماتقدر تفهما غايتو انت شكلك فهمت المقصد
وبتجيبها من آخرها وتريحو وتريح نفسك ;)

[شيكو]

كدي في الاول النسلم عليك ياجارتي وبت حارتي
سلاما اذا مر بالجبال هداها
واذا مر بالبحار ارساها
سلاما سليما وشوقا عظيما
طبعا الواحد ببارك ليك العربية وعقبال مانبارك ليك الانجليزية
اها انتي كان ما متلقية حجج
بتاع الحركة ماقاصدك وقاصد الزول القدامك الموقفك شنو يابت أمي
ولا كان قريشاتك محرقات روحك قبال ده يوم التاسوعة ما قلت ليك كسوة العيد عليك
واطناشتي؟
صرفتي اول ماهية وعملتي فيها صديق سرحان؟
وعلي العموم اعتبريها مخلفة والتلاتين اديهم لي اخوك النشتري لي بنطلون وقميص
خالد الصول شايل حسي كرهتنا بي قميصك الاصفر كرهتنا بي قميصك الاصفر
هههههههههههههههههههههههههههه
ياحليلك ياغالية ياراقية
والله الليلة متكيف كيف

[ودالعمدة]

واحد صاحبى سايق فى أمان الله
فجأة اسمع ليك بتاع المرور
( جنب يابتاع الماكسيما )
صاحبى عمل طناش
لحدى ماوصل بيتهم
والدورية وراه تصيح
( ماقلنا ليك جنب يابتاع الماكسيما )
بعد مانزل جاهو بتاع المرور وصاح فيه
( ليه ماوقفت )
صاحبى البارد قال ليه
( انت قلت بتاع الماكسيما لكن انا بتاع الالتيما ) ؟

[بنت الرفاعي]

يوم بتسلبط فيك بتاع حركة بدون سبب وبتعرفي :rolleyes:



:D :D :D

لكِ عاطر التحايا وأنقاها أختي بت مارنجان.:)

مرّة ونحن في طريقنا للخرطوم،
بعربية ولد خالتي،
ومن بعيد شاف ناس المرور (وعمل زي حركتك في الحزام;))
و(رجل المرور) وقفّو وعاين لقى الحزام مربوط،
قال ليهُ الرُخص.. أداها ليهُ،
عاين في العربية لقى الشُباك فيهُ تظليل،
قال ليهُ أرفع القزّاز والحمدلله لقى التظليل ربع الشباك،
لما ما لقى شيء دار حول العربية (يعني لازم يطلّع حاجة!!)
وما مُتذكرة بالضبط لقى سبب بعد داك ولّا لا!!
لكن هو بالغ وعملها ظاهرة!!

صاحبتنا مدنيّة ما شاء الله ما بتسوق إلا في شوارع سمحة وراقية،
وما فيها كلام كثير:cool:،
والباقي بيوصلوها (بيسوقوا ليها;)) يعني ما دخلت في ذلك المُعترك،
وإن شاء الله ما تدخل.:)


:):):)

[بنت الرفاعي]

واحد صاحبى سايق فى أمان الله
فجأة اسمع ليك بتاع المرور
( جنب يابتاع الماكسيما )
صاحبى عمل طناش
لحدى ماوصل بيتهم
والدورية وراه تصيح
( ماقلنا ليك جنب يابتاع الماكسيما )
بعد مانزل جاهو بتاع المرور وصاح فيه
( ليه ماوقفت )
صاحبى البارد قال ليه
( انت قلت بتاع الماكسيما لكن انا بتاع الالتيما ) ؟




:d :d :d
حلـّــــــوة.
:):):)