استخدام طبيب ..

[معتز الريح]

كناية عن حسن الاستخدام ..
ونضافة المُستخدَم ..

[معتز الريح]

تجدها دائماً في إعلانات العربات ..
يقول ليك العربية دي استخدام طبيب ..
يعني من البيت للعيادة والعكس ..

[معتز الريح]

أو كمان أنو الأطباء ديل ناس راقيين وبتعاملو مع أي حاجه
برقة وآدمية وبحافظو على حاجاتهم ..

[معتز الريح]

في إعلانات الموبايلات المستخدمة ..
بقولو ليك موبايل مستخدم استخدام نسائي ..
رغم أنو الاستخدام النسائي للموبايل الشايفو أنا ..
بدي فكرة عكسية ..

[خالد أحمد الصول]

كلام جرائد
وهو كناية عن الكلام الغير صادق
حيث درج السودانيين و بحكم التجربة أن لايصدقوا الكلام المنشور في الجرائد لانها في ذلك الزمان كانت تمثل لسان السلطة و كان لسان السلطة لايريد أن يعلم الشعب كل الحقائق لذلك فأنها كانت تنشر كلاما ناقصا أو غير صادق
لذا فكلام الجرائد حبرا علي ورق

[عاطف عولي]

اها ورايك شنو في أستخدام دبلماسي او أستعمال دول الخليج؟

[عبدالرحمن مدثر]

عندى علاقه عشق بالدلاله

تحلو الونسه هناك .. وقزقزه الفول .. والفرفشه الجميله

خصوصا ايام عطلتنا الرسميه الجمعه .. لكن شهاده للتاريخ (عجبتنى الحته دى )

استخدام طبيب دى ميزه لاتضاهيها ميزه وخصوصا لو كانت طبيبه اى نعم هى لاتخلو

من بعض الدقيشات هنا وهناك ... لكنها دقشات رقيقه .. فى مناطق يمكن تغيييرها

[معتز الريح]

كلام جرائد
وهو كناية عن الكلام الغير صادق
حيث درج السودانيين و بحكم التجربة أن لايصدقوا الكلام المنشور في الجرائد لانها في ذلك الزمان كانت تمثل لسان السلطة و كان لسان السلطة لايريد أن يعلم الشعب كل الحقائق لذلك فأنها كانت تنشر كلاما ناقصا أو غير صادق
لذا فكلام الجرائد حبرا علي ورق

الحبيب خالد الصول ..
بحكم علاقتك القوية بالأطباء ..
بتنفي المقولة دي ..
وبعدين الدكاترة ديل ما بجاملوا ..
وعرباتهم بس من البيت للعيادة؟؟
-----------------------
منور والله

[معتز الريح]

اها ورايك شنو في أستخدام دبلماسي او أستعمال دول الخليج؟

دبلوماسي مبلوعة ..
لكن دول الخليج ما تقعوا ..
وين مختفي يا عولي ؟

[معتز الريح]

عندى علاقه عشق بالدلاله
تحلو الونسه هناك .. وقزقزه الفول .. والفرفشه الجميله
خصوصا ايام عطلتنا الرسميه الجمعه .. لكن شهاده للتاريخ (عجبتنى الحته دى )
استخدام طبيب دى ميزه لاتضاهيها ميزه وخصوصا لو كانت طبيبه اى نعم هى لاتخلو
من بعض الدقيشات هنا وهناك ... لكنها دقشات رقيقه .. فى مناطق يمكن تغيييرها
حبيبنا عبدالرحمن ..
غايتو أنا ما شايفها ميزه في حق الدكاترة ..
ولو ده استخدامهم يا معناها هم ممسحين ..
يا كمان فيهم شوية خمول ..
------------------------------------
الما قادر أقولو ليك هنا بجيك بيهو برسالة في الخاص

[احمد ابو امنة]

أظن ما جايزة فى أطباء الزمن دة
لأنو بتكون حفت من جرى الوحوش
و أسألوا مجرب و ما تسألوا الطبيب

[معتز الريح]

أظن ما جايزة فى أطباء الزمن دة
لأنو بتكون حفت من جرى الوحوش
و أسألوا مجرب و ما تسألوا الطبيب

تعرف زي ما قال أخونا عبدالرحمن
الكلمة دي ليها فعل السحر
في وصف العربات بصفة عامة
لمان يقولو ليك استخدام طبيب
معناها ما شافت ورشة ولا دخلت
صيانة وبحالتها ..
----------------------------
وعلى فكرة التعبير ده مافي السودان بس ..
يعني الفهم متوفر في كتير من الدول ..
----------------------------
شرفتنا بمداخلتك

[ايمن الطيب]

فلم هندى
ماخوذه من عدم الواقعيه والمبالغه في الاحداث

[الجندي المجهول]

يا حبيبنا

تحياتي ،،،،،

اتمنى ان يقابلك صديقي (وفردتي) د. عبد الله الشريف
لتشهد سيارته (في كل شبر طقشة وشختة وصدمة) ليس كل الاطباء ( حنينين)

طيب اهو انت ما طبيب ( لكن مسكون ) بالحنية

يا حنين

(على وزن ) يا كبير ...

[بنت الرفاعي]

و


طبيب لطبيب يفرق.




:):):)

[معتز الريح]

فلم هندى
ماخوذه من عدم الواقعيه والمبالغه في الاحداث

يا مولانا .. لكن والله بجيب دخل ..
وبظبط البيعة ..
لكن ده ما بمنع أنو الكلام ده فيهو شي من الصحة ..

[معتز الريح]

يا حبيبنا

تحياتي ،،،،،

اتمنى ان يقابلك صديقي (وفردتي) د. عبد الله الشريف
لتشهد سيارته (في كل شبر طقشة وشختة وصدمة) ليس كل الاطباء ( حنينين)

طيب اهو انت ما طبيب ( لكن مسكون ) بالحنية

يا حنين

(على وزن ) يا كبير ...

يا حبيب .. صاحبك دي تبع لكل قاعدة شواذ ..
------------------------------------------
والحنية دي لازمة يا حبيب ..
في ذمتك أنت ما حنين ؟؟ ..

[معتز الريح]

و


طبيب لطبيب يفرق.




:):):)







منورة يا مرام ..
والله كلامك صاح ..
لكن في حتة الميزة الاستخدام "النضيف"
بشتركوا كتير ..
لكن السؤال الاستخدام النضيف ده (عربات) بس
ولا في كل شي ..

[ود علوية]

ما بتعرف بيقولوا شنو عن ميز الاطباء وميز الضباط .........................؟؟؟؟؟؟؟؟؟؟؟؟ وعرباتهم ما اظنها تطلع من نفس التعريف ؟؟؟؟؟؟؟؟؟؟؟؟ طبعا دية في السودان لكن خارج السودان ممكن تقول الكلام دية ؟؟؟؟؟؟؟؟ وان كان كل موظفي المهن خارج السودان عرباتهم فل الفل بسبب طول الدوام و قلة الخروج وجودة الشوارع بخلاف جدة ؟؟؟؟ وقصر المسافات ذي قطر والامارات مثلا ؟؟؟؟
وبعدين انت واجعك وين يا ود الخال ؟؟؟؟؟؟؟؟؟؟

[بنت الرفاعي]

يا حبيب .. صاحبك دي تبع لكل قاعدة شواذ ..
------------------------------------------
والحنية دي لازمة يا حبيب ..
في ذمتك أنت ما حنين ؟؟ ..



أغلب الأطباء وإن كانوا حنينين،
بيضطروا يزيحوا الحنية علشان يعرفوا يشتغلوا!!
وأغلب الآباء اللي عندهم بنات،
حنينين شديد.
:):):)

[عاطف عولي]

دبلوماسي مبلوعة ..

البلع أنواع ياتوا نوع من البلع وبي شنوا ببسي ولا موية ولا حاجات تانية؟
لكن دول الخليج ما تقعوا ..
ليييييييييييييييييييييييييه يعني كدي؟ والسبب شنو؟
وين مختفي يا عولي ؟

ماسكني الشديد القوي كدي بس خلينا نسمع صوتك علي تلفونا 0508222438