تعال بيجاي ... نجر دوباي

[مصطفى هاتريك]

ما تنسى قالت واكتفت

بالدهشة رديت الكلام

مشدوه دواخلي الإنكفت

فتشت ما لقيت الكلام

أنساك ؟؟ مشاعري وراك حفت

وفيك ما كفى الكلام

ضجت حواسي و أرجفت

إنبح حسي أبى الكـــلام

تهواك قصايدي إتلهفت

ما كمـــلت باقي الكـــــــــــلام

دقات قليبي إتنهفت

و اندس في جواي كلام

[فتح الله عبداللطيف]

كله تمام ياهاتريك بس حب الاستطلاع
نفسي اعرف الكلام الاندسه رغم
اني مافهمت الفوق ذي ماقال ابو اللمين
واحد سالو الجديد يااستاذ قال ليه انتو القديم فهمته

[خالد 000 ابقرجة]

هاتريك يلاك الطبيب 000 سيب البكاء وقل المنام 000

وإن مرة جافيتو الحبيب 000 ما ترمي علي القدر الملام 000

أصلو القلب وكتين يرف 000 ما بقولوا من وين جاب الهيام 000

يا بنية بشويش بالجنا 000 من شاف وشيك غلبوا الكلام 000




برة الصالون

محتاج ليك عمال نضافة يلموا النشارة 000

[آلاء عبد الرحمن]

حلوه
تسلم يا استاذنا

[مصطفى هاتريك]

كله تمام ياهاتريك بس حب الاستطلاع
نفسي اعرف الكلام الاندسه رغم
اني مافهمت الفوق ذي ماقال ابو اللمين
واحد سالو الجديد يااستاذ قال ليه انتو القديم فهمته


ما كل الكلام يا فتحي ياخ بنرصو

بنصرح بجزو والباقي خوف بندسو

بنخاف الهوا يبرانا يأكل نصو

والنص الفضل يعرفوه ناسا حسو

والرفس إندبح يا فتحي ياااخ ما تجسو

[مصطفى هاتريك]

هاتريك يلاك الطبيب 000 سيب البكاء وقل المنام 000

وإن مرة جافيتو الحبيب 000 ما ترمي علي القدر الملام 000

أصلو القلب وكتين يرف 000 ما بقولوا من وين جاب الهيام 000

يا بنية بشويش بالجنا 000 من شاف وشيك غلبوا الكلام 000




برة الصالون

محتاج ليك عمال نضافة يلموا النشارة 000



خالد أخوي روًق عيايا أعيا طبيب

كاتلني زولا زوق سابق مشيهو الطيب

نظرة عيونو دوا بيهو الجروح بطيب

صارفني دون الناس ,, رامي ضلو دليب

[مصطفى هاتريك]

حلوه
تسلم يا استاذنا


أنا بيك دوام مسرور

عاجبني تقـــــــــــــديرك

ألوية ديمه مرور

ومادحني تقريرك

[ياسر عمر الامين]

لك كل التحايا العطرة حبيبنا هاتريك بقدر عبق حروفك الندية,فالسفر فى ثنايها متعة أبدية.

[يسري الياس]

فتشت ما لقيت الكلام



الحبوب مصطفي
بتعرف انا لفتتني العبارة الجميلة دي جدا
لانها بالمناسبة بتعبر عن لحظات ممكن تقول عليها (حقيقية)
وعشان افتش ليك كلام حلو ذي كتاباتك بقول ليك (الله يديك العافية)

[تغريدا]

أستاذنا المبدع الرائع مصطفى هاتريك دائماً روعة ومتفرد فى كلماتك تحايا وأحترام وتسجيل حضور فى حضرة الأبداع وصدق الكلمات

[انور النور محمد]

اجيك بي وين
واسوقك كيف
اتاوق بس
.........
ياهو الكلام الما انكتب
سري وخطير
سكن قليباً وانفلق
بالصد عديل
.........

اعياه جد خوف الكلام
الانكتب جوة القلب
دقات مشاعر
للحب بدت تفضح
عيون للدهشة
في نص الطريق
واتفتحت كل المسام
نسمات ملاك
حافي وغريق
في الحب بفيق
وبالحب بفيق

[الاستاذة]

تسلم مصطفى هاتريك
كلمات اكثر من رائعة
يديك العافية

[مصطفى هاتريك]

لك كل التحايا العطرة حبيبنا هاتريك بقدر عبق حروفك الندية,فالسفر فى ثنايها متعة أبدية.




ردو الحروف سافر بيناتا كون ياسر
زي الفراش حايم والحرف بيك زاهر
بنريد مرورك يود ظنيت تكون شاعر
فنان كمان إنسان قولك دوام ياسر

[مصطفى هاتريك]

الحبوب مصطفي
بتعرف انا لفتتني العبارة الجميلة دي جدا
لانها بالمناسبة بتعبر عن لحظات ممكن تقول عليها (حقيقية)
وعشان افتش ليك كلام حلو ذي كتاباتك بقول ليك (الله يديك العافية)

يا يسري راقي الذوق يا فلته بين الناس
مرات الكلام بعجز ما بعكس الإحساس
ومرات السكوت أحسن لما الكلام ينكاس
تبراك دوام عافية يا يسري ود الياس

[مصطفى هاتريك]

أستاذنا المبدع الرائع مصطفى هاتريك دائماً روعة ومتفرد فى كلماتك تحايا وأحترام وتسجيل حضور فى حضرة الأبداع وصدق الكلمات



لما الكلام ينداح و الجوف يملكو الريد
والنبض يبقى نغم والزفر يبقى نشيد
المعنى جيدا جيت بالشوفة ياخي سعيد
فجو الدرب أ ناس الليلة جات تغريد

[مصطفى هاتريك]

اجيك بي وين
واسوقك كيف
اتاوق بس
.........
ياهو الكلام الما انكتب
سري وخطير
سكن قليباً وانفلق
بالصد عديل
.........

اعياه جد خوف الكلام
الانكتب جوة القلب
دقات مشاعر
للحب بدت تفضح
عيون للدهشة
في نص الطريق
واتفتحت كل المسام
نسمات ملاك
حافي وغريق
في الحب بفيق
وبالحب بفيق





تعال بأي زمن وفي أي ساعة تريد
شان انت زول فنان نحن ليك بنريد
مر علينا وبس مرك علينا بزيد
يا انور الشاعر اكتب بدون تحديد

[مصطفى هاتريك]

تسلم مصطفى هاتريك
كلمات اكثر من رائعة
يديك العافية


ويديك إنت كمان العافية طن و إتنين

ما بكفي فيك كلام يا رايعه في الحالتين

[مصطفى هاتريك]

حامد الإله الليلة طابت روحي

زال الألم واندملت معاهو جروحي

وبسوح المنتدى سحت وسخيت بالسوحي

أبشر يا جسد ردت إليك روحي

[مولانا جلال]

ما تنسى قالت واكتفت

بالدهشة رديت الكلام

مشدوه دواخلي الإنكفت

فتشت ما لقيت الكلام

أنساك ؟؟ مشاعري وراك حفت

وفيك ما كفى الكلام

ضجت حواسي و أرجفت

إنبح حسي أبى الكـــلام

تهواك قصايدي إتلهفت

ما كمـــلت باقي الكـــــــــــلام

دقات قليبي إتنهفت

و اندس في جواي كلام

عفوا هاتريك فرسمك للحرف لايجارى فلك العتبى

[مصطفى هاتريك]

عفوا هاتريك فرسمك للحرف لايجارى فلك العتبى


سمح الحرف منك بيزيد بهاهو جمال

نجاري كيف قولك فيك ياخي جلال

مولانا قادر رازق أداك علمو حلال

سواك بين الناس قاضي وكمان حلال