انتو شعب الوضوء عندكم في المساجد بالفلوس .......

[فتح الرحمن عبد الباقي]

في ظل هذه الاحداث والتداعيات السياسية المتسارعة بمتوالية هندسية ،،،، شدني أمر جعلني ابتعد قليلا عن هذه التداعيات السياسية ،،،، لاتحدث عن واحدة من مآسي بلادي وظواهره السالبة ،،،، مآسي لا ادري كيف إكتسبناها ،،،، رغم اننا نتمشدق كثيراً بأننا اصحاب ثقافات ،،، فريدة ومتفردة ،،،، الا أننا ايضا نتمتع بسخافات فريدة ما انزل الله بها من سلطان ،،،، نتمتع بعادات لا أدري من أين ورثناها ،،، وكيف تأصلت فينا وتجذرت ،،،،،

ما شدنى لكتابة ما أكتب هو قول احد العرب وبملء فيه ،،،، وهو يشتمني شخصياً ويشتم وطنى الحبيب ،،، الذي لا أقبل أن يسبه غيري ،،،، وأعتبر من يسبه كمن يسب أبي أو وأمي ،،، أو أخي وأختى ،،،،، ولا ادري هل هي الوطنية ،،،، أم لانه أجنبي وغير سوداني ،،،، وأن هذه العبارات لو خرجت من سوداني لسكت ،،، أو لربما كان وقعها أخف من قول الاجنبي ،،،، ودعنى اقل غير السوداني ،،، لان عبارة الاجنبي لا يليق اطلاقها على المسلم العربي .....
ماذا قال هذا المسلم العربي ؟؟؟؟
(((((( انت شعب الوضوء عندكم في المساجد بالفلوس ))))))
لم يتجنى هذا العربي المسلم ،،،، وما قاله حقيقة ،،، وليس كذب ،،،، وليس لدى ما انكره ،،،، فكلامه حقيقة ،،،، ولم يكذب ،،،، فصمت الحاضرون واصيبوا بالدهشة وسكتوا ،،،، برهة من الزمن ثم عاودوا السؤال ،،،،كيف ؟؟؟؟؟؟
فبدأ يشرح صديقي العربي المسلم ،،،، وفي شرحه ارى بجاحة وتضخيم للامر الا ان ما قاله حقيقة ،،،، ولم يكذب صديقي المسلم العربي ،،،، فقال في وسط الخرطوم وفي ما يسمى بالجامع الكبير ،،،،،
وبدأ يشرح كيف صلى الظهر صديقي المسلم العربي ومن المؤكد لست بحاجة لوصف ما قال فمن المؤكد ايا منكم قد صلى الظهر بالجامع الكبير وبالذات قبل تفريغ وسط المدينة من موقف المواصلات ،،،، والحضور يضحك ،،،، من وصفه ،،،، رغم تضخيمه للامور الا ان صديقي المسلم العربي لم يكذب فالامر حقيقة في كثير من جوانبه بيد انه البسه ثوب السخرية والبجاحة ،،،،،
سكت صاحبي وتوجه بنا الى امدرمان ،،،،، وكيف صلى العصر بمسجد بالسوق الشعبي امدرمان ،،،،، وكيف قام باستئجار ابريق ليتوضا وكيف جلس على الارض وكيف توضا واقفا وهو يترنح وهو ممسك بالابريق ذو الشكل الجميل والانيق ،،،، وماذا اصاب ملابسه وما نوع الماء الذي توضأ به ،،،، هكذا تحدث صديقى المسلم العربي لكنه لم يكذب ،،،، وكان الحضور يضحك ،،، وانا اتالم ،،،،

هكذا تحدث هذا المسلم العربي ،،،، وكان بامكاني الرد عليه وان اذكر له ما يحدث في بلده ،،،، ولكنني احتفظت بحق الرد كما احتفظ عبد الرحيم محمد حسين بحق الرد في حادثة السوناتا ماركة ضربني اباتشي ،،،، وكما احتفظ الجيش السوداني بحق الرد على حوادث كثيرة ،،،، وكما احتفظت الخارجية بحق الرد في حوادث مماثلة ،،،، وكما احتفظت الحكومة بحق الرد عندما هاجمت القوات المصرية حلايب وقتلت ضابطا هناك ،،،،، وكما قبعت انا بالغربة ولا ادري متى ارجع الى بلدي ......

[مايسة]

سلامات وتحياتي أيها الكاتب

ليس لنا الا أن نقول واااسفااه على بلدي -

الحمام (أعازكم الله) بفلوس وكمان الوضوء بفلوس - بعد شوية حا يقولو مكان الصلاة برضو بحاجة رمزية عشان الخدمات وكدا - والمعروف أن الجامع الكبير في الخرطوم أصلا وجهه لأكثر الناس (مواطنين او وافدين) - أصعب على الحكومة أن توفر خدمات مجانية على الاقل تكون واجهة مشرفة لنا ولبلدنا - لكن تقول شنو غير (الله يجازي الكان السبب) -
تحياتي

[abomazeen]

أخي الحبيب فتح الرحمن عبدالباقي ... أسعد الله جميع أوقاتك
ليتني أعرف طريق مراسلة لمدير هيئة الأوقاف التى تتبع لوزارة
الشئون الإجتماعية - عندها لطرقت بابه بكل أدب واقــرأ له هذا المكتوب
أين كل ذلك من خطوات تعظيم شعيرة الصلاة ؟؟؟ بالله أين نحن حتى نصل لهذا
منتهى الإفراض والتفريض في الأمر ..؟ حتى صلاحتــنا ونسكنا أصبحت في كــف
جانب عدم وجود الماء ... الماء ونحن لدينا النيلين؟ وعند الملتقى أيضاً رحماك ربي

[آلاء عبد الرحمن]

صراحة اول مرة اعرف انو في حته فيها الوضوء بقروش
والله ماصاح الناس دي فهمها شنو
كل شي مدخلين فيهو قروووش
لو ماوضوء لي صلاة
والله بعد شوية يطلعو لينا انك لما تمشي في الشارع تديهم قروش
بلد كل مرة ماشة لي وراء
الحل شنو والناس تعمل شنو عشان الحال يتصلح والبلد تمشي لي قدام

[ابو عبد الرحمن]

انا عني نفسي لا اتعجب من اي شي يحصل في مساجدنا . ولكن يحزنني عندما يتكلم عن بلدي
شخص اجنبي بهذا الاستخفاف والمهزلة ... لا اتعجب لانو مساجدنا بحصل فيها اكثر والعن من
ذلك .. ... وزي ما قالت مايسة الله يجازي الكان السبب .....تسلم اخي عبد الباقي على الطرح

[ابو لوزة]

صراحة امر محير مويه للصلاه بالقروش لكن هل السبب عدم وجود المياه ؟
ام وجود كمية الناس الكبيرة وعدم كثترة اماكن الوضؤ ؟
ونحن في السودان لا تستغرب الي اي شي
لانو نحن عائشين في عالم تاني
وربنا يستر علينا

[ابو لوزة]

انا عني نفسي لا اتعجب من اي شي يحصل في مساجدنا . ولكن يحزنني عندما يتكلم عن بلدي
شخص اجنبي بهذا الاستخفاف والمهزلة ... لا اتعجب لانو مساجدنا بحصل فيها اكثر والعن من
ذلك .. ... وزي ما قالت مايسة الله يجازي الكان السبب .....تسلم اخي عبد الباقي على الطرح




والله يا ابو عبد الرحمن يا ريت لو كنت معاي قبل يومين
كنت عند احد عملاء الشركة التي اعمل بها
واثناء وجودي حضر شخص فلسطين والله بعد السلام علي طول
عاين لي كده وانا ما بعرفوا وقال لي انتو يا السودانيين اكسل ناس
وسالتة كيف !قال مشي السودان سنة 2006 م وبعد ما خرج من المطار
مباشرة علي طريق المطار وجد ست شاي وحولها من 5 الي 8 رجال
نايمين علي الارض وبعد ست امتار نفس المنظر وبعد ست امتار نفس
المنظر ياخي الراجل فرسني فرسة لكن اخوك ما خلاه ساي اديتو ليك علي راسو
والباقي بعدين

[انور النور محمد]

اول حاجة ان شاء الله ترجع بلدك سالم غانم

اخي الكريم

اصبح التكسب والربح في بلادك المنكوبة اساس الاساس في كل مرفق يتبع للدولة واصبحت النظرة لهذه المرافق تندرج تحت بندين وان كانا غير معلنين
اما ان يحمل المرفق تكاليف تيسيره ولا نستسني المساجد
او يورد للدولة مؤونة الكفاية
هو الواقع السياسي سيدي مربوط بكل مقدرات الامة وواقع فرضته العقول المتحكمة في امر الوطن

لك السلام

[ابو عبد الرحمن]

والله يا ابو عبد الرحمن يا ريت لو كنت معاي قبل يومين
كنت عند احد عملاء الشركة التي اعمل بها
واثناء وجودي حضر شخص فلسطين والله بعد السلام علي طول
عاين لي كده وانا ما بعرفوا وقال لي انتو يا السودانيين اكسل ناس
وسالتة كيف !قال مشي السودان سنة 2006 م وبعد ما خرج من المطار
مباشرة علي طريق المطار وجد ست شاي وحولها من 5 الي 8 رجال
نايمين علي الارض وبعد ست امتار نفس المنظر وبعد ست امتار نفس
المنظر ياخي الراجل فرسني فرسة لكن اخوك ما خلاه ساي اديتو ليك علي راسو
والباقي بعدين
صراحة يا أبو لوزة عندنا حاجات عجيبة جداً والله الواحد صعب يجد ليها تفسير
نعيب زماننا والعيب فينا وما لزماننا عيب سوانا ... ؟؟ أسي النجيك لكلم اخوانا
بخوص المساجد . اها انا لمن قلت ما تتعجبوا . لانو في اعجب من الوضؤء
البقروش والحمامات البقروش . ؟؟ النبي قال صلي الله عليه وسلم . والنحن السودانين
الكضابين ديل البنقول نحن اكتر شعب بحب النبي صلي الله عليه وسلم .. وأنا بقول
نحن اكتر شعب ما بحب النبي .. الرسول قال صلي الله عليه وسلم لعن الله اليهود والنصاري
اتخذوا قبور أنبياءهم وصالحيهم مساجد . تقول السيدة عائشة رضي الله عنها وارضاها
كان يحذر من ما صنعوا .... تجي تقول لي باتا فيها شباطه ....ووضؤء وموية بقروش ..
ده الرسول لعن اليهود والنصاري ناس السودان عملين مليون قبر في مليون مسجد .......
الله يفرجها يا لوزه من عنده ..............

[ودسمير]

اخى فتح الرحمن ... لك تحياتى

اولا الوضؤ للصلاه ليس (بقروش ) فالوضايات منتشره فى كل المساجد وفى الاسواق (الاباريق موضوعه على حمالة حديد )..

نأتى لدخول الحمامات ..
للاسف الشديد غالبية الشعب السودانى لا يعرف استخدام الحمام وهذه حقيقة رضينا ام ابينا !!

موضوع القروش لدخول الحمامات مهم جداجدا لان تلك الحمامات التى عليها قروش يقومون بنظافتها اول باول .

نحن للاسف بعيدين كل البعد عن النظافة حتى داخل بيوتنا .. فتجد الواحد بعد ان يفرغ من الاكل وقبل ان يغسل يديه يقوم بشرب الماء وباقى الطعام يتركه على (كباية او كوز المويه )!!

ويكفى اننا شعب يغسل اطراف اصابعه بالماء قبل الاكل ويغسل يديه بالصابون بعد الاكل !!!

وحتى الان تجد فى معظم الاحياء الشعبيه (الناس ينظفون اسنانهم ) فى الشاااااارع!!

قلت مليون مره طالما ان الجينات الافريقيه هى الطاغيه فينا .... مافى فائده

اما ان يتكلم معك ذلك العربى بسخريه فانت من يوقفه عند حده باسلوب حضارى ..

[الملكة اسماء ( ام محمد )]

هو الوضوء براه البقروش

قضاء الحاجة في الاماكن العامة والمستشفيات ومحطات السفر و و و و كمان بقروش

وفوق كل هذا ....... ياريتهم لو بيحللوا قروشهم دي

خدمات صحية صفر%

[الملكة اسماء ( ام محمد )]

موضوع القروش لدخول الحمامات مهم جداجدا لان تلك الحمامات التى عليها قروش يقومون بنظافتها اول باول .


..
الله بيسالني
في طريق بورتسودان مدني
وقف بينا البص للاستراحة
اخدت محمد ولدي اغير ليه( البامبرز )
والله والله والله
المناظر الانا شفتها داخل دورة المياه او خلينا نقول ( الحمامات البلدية ) من وساخة وعفن وعدم اهتمام ....كان اخير لي منها اعمل رايحة من ريحة بامبرز الولد واتحملها بدل الطمام الجاني يومتها وهسي كل مااتذكر شناعة الخدمات الصحية بطني بتقلب

علما بانه قدام المدخل ( ناس تحصيل اجر الدخول قااااعدين وحريصين حرص ماعادي على لم القروش من المسافرين )

[عبدالمنعم الصديق(خدرا)]

ياناس سلام عليكم
انتو بتقولو فى شنو؟؟؟؟
ياهو دا السودان
الماشى عديل عندنا شنو؟؟؟اى حاجه فى السودان تطمم البطن وتعمل الاستفراغ وتتور المصران
احكى ليكم فى اجازتى الفاتت شلت معاى دفار وقلت ربنا كرمنى واستقر فى بلدى
اقسم بالله كنت عايز انهى اقامتى فى الغربه لكن الحمد لله الماعملتها
يوم وانا فى امدرمان ماشى بشارع الوادى وعند تقاطع مكى فى الاسطب وانا قاطع وقف العسكرى قدامى وقال لى قطعت الاشاره حمراء واقسم بالله ماقطعتها
يعنى عشان شافنى سايق دفار ولابس سديرى وشايل صفيح طماطم قال يستكرتنى
المهم هو بتكلم معاى زميلو قال ليهو وديه القسم وسلمو قاضى الحركه خليه يدفعو 90 جنيه
ركبت العسكرى معاى عشان نمشى القسم قام قال لى جيب 20 جنيه قلت ليهو لى شنو قال لى عشان ماتدفع 90 جنيه فى القسم
المهم لقانى مصر امشى القسم وقلت ليهو بحلف قسم ومعاى اتنين راكبين معاى بشهدو برضو بانى ماقطعت الاشارة
نزل ل 10 جنيه ثم ل 5 جنيه برضو رفضت لما شافنى مصر ماادفع نزل وقال لزميلو اديهو رخصتو دا هواء
ومرة فى الدمازين قالو لى تدفع خمسين جنيه عشان المثلث تالف
ومره فى الدويم وانا قاطع ايصال مخالفه شحنه عاليه من سواكن اصر العسكرى ادفع تانى نفس الايصال بحجة انو ايصالى تاريخو انتهى علما بانى لسه ماوصلت وجهتى
وده كلو عشان بتاع الهايس الكان واقف معاهو قدامى اداهو 5 جنيه وانا عملت رايح
المهم مااطول عليكم بطنى طمت كسرت الحوش ودخلت العربيه ورجعت لقواعدى تانى
هل تصدقوا اذا عندك دفار وشحنت من سواكن للخرطوم اذا ما دفعت 250 الف جبايات فى سواكن لناس الضرايب واداره البترول والزكاة لا يحق لك ان تتحرك بشحنتك للخرطوم(معاى الايصالات)

[عبد المنعم فتحي]

كهرباء المساجد جمرة خبيثة وبالسعر التجاري
الحمد لله إنو صاحبك المسلم العربي ده ما إتزنق و ما إحتاج لدخول الحمام لأنو لو دخل الحمام كان جاتو جلطة


نحنا مشكلتنا راسنا قوي و ما بنقبل النصيحة
جعجه على الفاضي
نحنا أرجل ناس و نحنا أكرم ناس ونحنا أنظف ناس و نحنا أشطر ناس و نحنا ... إلى آخر الدعاوى