المساعد الشخصي الرقمي

مشاهدة النسخة كاملة : $$ فضيحه بجلاجل $$


بحيرى
15-05-2011, 12:28 AM
وما ادراك ما الناها ....
ممشوقة القوام .... جميلة العينين .... ساحرة الابتسامه .... يكاد برق بردها يصيب الاعين بلمعانه ...
ساحرة الساسه والدبلماسيين ....
ومجرسة ناس الخارجيه كلهم من الخفير الى كرتى ..... مروراً ببتاع البوفيه ...
يا اخوانا ده كلام ده ... والله البشير مظلوم ...
الناس ديل رسلوهم لانعاش العلاقات بين البلدين وتبادل التجارب .... تبادلوا الشعر ....
انا اكتب ليك ..... وانت تكتب لى ....
يعنى لو داير تشتغل فى وزارة الخارجيه لازم تكون بتجيد نظم الشعر السريع ....
المورتانيين طالبوا باقالة بنت مكناس .... لحدى ما شالوها بره السلك الدبلماسى ....
قال ليك ديل عندهم امام جامع عكليته جنس عكلته ... اسمو الشيخ احمدو ولد المرابط .... ده لمه ليك نقه فى الناها دى لحدى ما لحقها امات طه ....
ياخى قال ليك الدول بقت ما بتجيب وزرائها من النساء للسودان .... اشانة سمعه عديل ....
والله البشير ده مظلوم .... ظلم الحسن والحسين ....
يا حليلك يا المساح .... هسه كان بقيت نائب الرئيس مره واحده ....
ناس المنتدى الثقافى ديل ... بدل ما قاعدين كده .... حقوا اشوفوا الموضوع ده ... انشاء الله اقدموا للعمل فى السلك الدبلماسى ...
يا خى سعادة السفير السودانى قال فى الناها بنت مكناس :

ما كنت اعرف كيف الشعر لولاها ...
حتى تبدت ولاحت لى ثناياها ....
فقلت برق بدا ... ام ان بى سِنة ....
ام ان ما ابصرتُ فاها ....
اسائل الناس عن قلبى واحسبه ....
قد ذاب فى حسنها او عند يمناها ....والله ابونواس عديل كده .... ياخى عنتر ما قال كده ....
الذول ده لو بهتم بكتابتو .... الحلنقى ده كان هسه بكون سواق رقشه ...
ياخى الناس ديل شكلهم دايرين احولوا الحكم من اسلامى الى علمانى ....
الناس ديل دايرين ارجعوا عهد هرون الرشيد ....
يا جماعه تابيتا بطرس شالوها مالها ..... اكون فى سفير عاكسها ولا شنو ...
والله الشريف مبسوط منى لو سمع الكلام ده .... هسه اقوم اعمل ليه قمه افريقيه ....
يعنى تانى ناس ندى القلعه ديل محلى بث .... ذى المريخ .... والله سيكافا ما تمشوها ....
والله البشير ده مظلوم ...
قايتو على عثمان ده شكلو بلحن .... نافع ده شكلو بتاع ايقاع ساااى ....
لكن البشير ده مظلوم والظلم كاتلو ....
يا جماعه البشير ده ما بعرف للشعر .... زول رقيص ساااااى ....
واحد ثقيل قال لى .... هو البشير عربى ذى الناس مابعرف .... خلى اقول شعر ...
البشير براءه .... ناس الجنائيه ما عندهم حق فى الموضوع ده ....
قال ليك فى 25 سفير سوف يقادرون السودان مقدم الاسبوع الاتى الى محطات خارجيه ....
السؤال: كم عدد الشعراء من بين هؤلاء السفراء ؟
يعنى بالواضح كده الفتره الجايه دى حتشهد تعسر ملفات السودان الخارجيه ....
الموضه الجديده : اسمها الناها .... بدل الناله ...
يعنى بعد شويه حيكون فى ثوب اسمو الناها .... وفى محلات تجاريه اسمها الناها ....
قال ليك الغنيه بتاعت المرحوم سيد خليفه ... نانا ... يا نانا ...حتبقى ناها يا ناها ...
مولانا سألوهو عن الموضوع ده ....
قال طال ما الزوله دى على قدر من الجمال .... وزولكم ده كتب فيها شعر جميل ذى ده ...
اذا لا ضرر ولا ضرار .... الله جميل يحب الجمال ...
يا مولانا ...
قال يعنى هى بقت على انا ....
مستقبل السودان شكلو متجه نحو الاداب ...
يعنى تانى الناس حتخلى المجال العلمى ... وتقلب ادبى بث .... احتمال بعدين تطلع سفير ....
هسه انا قلت صعلوك ...
يا جماعه ... ما تفهمونى غلط .....!!
بدر الدين محمد
15-05-2011, 12:41 AM
التحية اخي بحيري

نزل موضوع بذات المضمون في تاريخ 2011/1/8 للكاتب الاستاذ ابو نبيل
وللفائدة ارفق الرابط
http://wadmadani.com/vb/showthread.php?38714-%E3%D8%C7%E1%C8%C7%CA-%C8%C5%DE%C7%E1%C9-%E6%D2%ED%D1%C9-%E3%E6%D1%ED%CA%C7%E4%ED%C9-%CA%DB%D2%E1-%C8%E5%C7-%E3%D3%C4%E6%E1-%D3%E6%CF%C7%E4%ED&highlight=
محمد عبد الله عبدالقادر
15-05-2011, 03:23 AM
بحيري سلامات
سبق وان تم تناول هذا الموضوع في هذه المنتديات اكثر من مرة واليك الرابط احدهم

http://wadmadani.com/vb/showthread.p...ا-مسؤول-سوداني
mahagoub
15-05-2011, 08:35 PM
برضو بنرد
نهب مال الشعب
وخطف واغتصاب بالقول
الى اين يقودنا الانقاذ