منتديات ودمدني والخيار والفقوس

[ود ابراهيم]

بكثير من الادلة منتديات ودمدني بها خيار وفقوس وبها ناس انناس وناس بالمداس تنداس ولوغابت بت الناس كلها تكتب عشان خاطره ولوغاب احد اركان المنتدى عيك ولا واحد بيشتقل بيهو كلامي لو ما صحيح بجيب الادلة وانظرو واكبر دليل شوفوا نبدأ بالراس الفوق الفيهو الخيار والفقوس اذا كان هم كذالك كيف يكون الاعضاء اها رائكم شنو في موضوعي ده والمعترض يقول اها مع سلامه

[بدر الدين محمد]

انت ونحنا كلنا خيار ومافي بيناتنا قفوس باذن الله

[آلاء عبد الرحمن]

الناس هنا كلها واحد ^_^

[ود ابراهيم]

انت ونحنا كلنا خيار ومافي بيناتنا قفوس باذن الله

اخي بدرالدين بدون عواطف وبدون حياد في خيار وفقوس

[ود ابراهيم]

الناس هنا كلها واحد ^_^

الاء الدليل موجود وانا قلت كلامي ليس من فراغ

[Amin Idries]

بكثير من الادلة منتديات ودمدني بها خيار وفقوس وبها ناس انناس وناس بالمداس تنداس ولوغابت بت الناس كلها تكتب عشان خاطره ولوغاب احد اركان المنتدى عيك ولا واحد بيشتقل بيهو كلامي لو ما صحيح بجيب الادلة وانظرو واكبر دليل شوفوا نبدأ بالراس الفوق الفيهو الخيار والفقوس اذا كان هم كذالك كيف يكون الاعضاء اها رائكم شنو في موضوعي ده والمعترض يقول اها مع سلامه

الأخ ود ابراهيم تحياتي
أنا غايتو لسه عضو جديد يعني لي أيام بسيطة في المنتديات، و ما غبت لسة لكن من الترحيب الحار الذي وجدته من البعرفهم و الما بعرفهم افتكر انو ما في خيار و فقوس و ده ما بمنع انو في درجات متفاوتة من الصداقات و العلاقات و احتمال برضو انو البنات عددهم بسيط في المنتديات عشان كدة سهل انو الزول يحفظهم و يلاحظ غيابهم لكن ما ممكن الاحظ غياب كل المشاركين لكن خيار و فقوس الله أعلم و لك الود

[naz_imam]

الحبيب ود ابراهيم كيفنك

اخي الحبيب اظن انك اعطيت الامر اكثر مما يتحمل مع شويه زعل فلا يوجد خياروفقوس واي شخص يقوم بكتابة موضوع تجد المداخلات كثيرة مع العلم هذا لا يمنع ان يكون بين الاعضاء من هم متقاربين اكثر وذلك يعزي لعدة اسباب فمنهم من يعيش في منطقة واحدة ويتقابلون بصفة دورية وجمعت بينهم علاقات اسرية فتجدهم متداخلون مع بعضهم اكثر واكثر وهذا شي طبيعي في كل المجتمعات تجده في الاحياء واماكن العمل والاندية الرياضية وعلي كافه الاصعدة وهنالك ايضا من يحب قسم معين في المنتدي فتجد من يستهواهم المنتدي العام ودائمين فيه وتجد من يستهواه النفاج ولهم بوستات تجمعهم يوميا وتجد من تجمعهم احدي دول الشتات ويتعارفون شخصيا فعند غياب احدهم يكون ملحوظا جدا ويبداون بالسؤال عنه وعن اسباب غيابه وهذا طبيعي جدا واواكد لك اخي الحبيب كل المتواجدون في منتديات ودمدني يحملون نفس الاحساس وعند انخراطك وسطهم سوف تحس هذا الشعور وستجد الكل يسال عنك عند تغيبك وتجد الكل يفرح حين تعود وكل قسم له نكهته الخاصة وبمجرد دخولك تبداء الاسماء تلوح اما ناظريك فعندما تبداء بالمنتدي العام تلوح لك الاسماء محمد نور عثمان جلالة ايمن النويري مدنية وبقية العقد الفريد وعندما تتوجة الي النفاج تجد ودالمطامير عمنا محجوب مودي مايسة بت مارنجان ام رقبة المسافر وتطول القائمة ودمدنيات تتطلع للاخ ودالصول الثقافي ناس ابوعبدالرحمن وصحبه فتعيش في كل قسم بإحساس مختلف.

اخي الحبيب بطل الزعل شويه وخليك وسط الحوش وانشاء الله سوف اري لك بوست شكل تاني ودمت بخير

ولك مؤنه عام من الود وسط احبابك

[bit madani]

أثني على رايك أخي ود إبراهيم .. أفتقد الأدمن صاحب البيت الكبير الأصلي ... تقديري له آمل ان يجد الكبار مثله و مجهودات سنين و كل من ضاع صيتهم هنا مندوبي داعية مكثفة و إعلان رغم علمي أنهم يترفعوا على ذلك ... احيانا في المنتديات تجد بعضهم يطرق باب العلاقات مع من يجعله معروفا ظاهرا للعيان من يعلم تمام انهم ممسكون بكاميراتهم و اقلامهم بسب و بدونه فيما لا ما فائدة له حقا للقارئ البسيط ... خيركم من انفقت يمينه ما لا تدري عنه يساره في الخير... ان يصير المنتدى زخم مكثف حول البعض وواجهة دعائية للبعض لإعلاء شأنهم كاننا داخلين إنتخابات هذا يقلل قيمة الكتابة نفسها و العمل العام و الإنساني ... فرفقا بنا ... نتمنى تحري الأهمية للقراء في كل ما يكتب و خاصة في مجال العمل الخيري الإ إذا كان مقصود منه الإنتشار ... مجرد رأي...

[نزار حسن محمد]

الحبيب ود ابراهيم كيفنك

اخي الحبيب اظن انك اعطيت الامر اكثر مما يتحمل مع شويه زعل فلا يوجد خياروفقوس واي شخص يقوم بكتابة موضوع تجد المداخلات كثيرة مع العلم هذا لا يمنع ان يكون بين الاعضاء من هم متقاربين اكثر وذلك يعزي لعدة اسباب فمنهم من يعيش في منطقة واحدة ويتقابلون بصفة دورية وجمعت بينهم علاقات اسرية فتجدهم متداخلون مع بعضهم اكثر واكثر وهذا شي طبيعي في كل المجتمعات تجده في الاحياء واماكن العمل والاندية الرياضية وعلي كافه الاصعدة وهنالك ايضا من يحب قسم معين في المنتدي فتجد من يستهواهم المنتدي العام ودائمين فيه وتجد من يستهواه النفاج ولهم بوستات تجمعهم يوميا وتجد من تجمعهم احدي دول الشتات ويتعارفون شخصيا فعند غياب احدهم يكون ملحوظا جدا ويبداون بالسؤال عنه وعن اسباب غيابه وهذا طبيعي جدا واواكد لك اخي الحبيب كل المتواجدون في منتديات ودمدني يحملون نفس الاحساس وعند انخراطك وسطهم سوف تحس هذا الشعور وستجد الكل يسال عنك عند تغيبك وتجد الكل يفرح حين تعود وكل قسم له نكهته الخاصة وبمجرد دخولك تبداء الاسماء تلوح اما ناظريك فعندما تبداء بالمنتدي العام تلوح لك الاسماء محمد نور عثمان جلالة ايمن النويري مدنية وبقية العقد الفريد وعندما تتوجة الي النفاج تجد ودالمطامير عمنا محجوب مودي مايسة بت مارنجان ام رقبة المسافر وتطول القائمة ودمدنيات تتطلع للاخ ودالصول الثقافي ناس ابوعبدالرحمن وصحبه فتعيش في كل قسم بإحساس مختلف.

اخي الحبيب بطل الزعل شويه وخليك وسط الحوش وانشاء الله سوف اري لك بوست شكل تاني ودمت بخير

ولك مؤنه عام من الود وسط احبابك

ود ابراهيم ..بعد الكلام ده تانى ماعندي رد
واهلنا زمان قالوا الما لامك ما دارك
فدحين ياخوى تعال ونحن زعلك ما بندور
وبعد الكلام ده كله زعلك فوق راسنا
المهم ماتغيب وخليك قريب
عمك : ابوسفروووق

[الجندي المجهول]

الحبيب ود ابراهيم
تحياتي ،،،،

والله بغض النظر عن وجهة نظرم التي احترمها وهي محل تقدير بلا شك

لكن والله اوالله والله الناس هنا كلهم اخوة واهل ( والاخوان في البيت بتلقاهم مرات اتنين بشجعوا الهلال والتالت مريخابي) ومع ذلك امهم واحدة وابوهم واحد

وبغض النظر

حتى اذا جاك الاحساس دا ( فاعتببروا تقصير مننا ياخ) ونيابة عن الجميع بعتذر عن هذا التقصير (الغير مقصود) فأنت محل حفاوة وترحاب

لا اعرف اين انت الان ( داخل السودان أم خارج السودان) لكن بكل تأكيد انت داخل القلب

وما تشيل ولا تدي نفسك هذا الاحساس

والله وان اختلفت الميول لدينا واختلفت اشكالنا وسحناتنا وميولنا

يبقى القلب ابيض وينبض باسم مدني وكل ما هو يتعلق بتراب الوطن

طالما انت سوداني

انت الحبيب إلى الروح
انت الصديق
انت الاخ

وحتما ستزول هذه السحابة .......

اخي ود ابراهيم ( كلنا لادم وادم من تراب)

انت قرب تعال وما تبتعد وستجد نفسك اخ للجميع ( اخوان / اخوات)

ود ابراهيم ،،، في انتظار مشاركاتك يا حبيبنا ،،،،،


لو بقيت في جدة ابقى مارق ولو خارج الديار ( الايميل والتلفون بطرفك ) وفي انتظار اي رنة - رسالة - مس كول - ايميل - وزيارة ( اي حاجة منك منك )

والعجب كان وصلت جدة ( ما ترجع تاني ) ....

مع خالص الود والتقدير

وصدقني لا يوجد فرق بين عضو قديم وعضو جديد (اجتهادك هو الذي يفرض شخصك من خلال مشاركاتك ) التي ننتظرها بفارق الصبر

ودمت يا غااااالي الحروف ،،،،

اخووووووووووووووووووووووووووك ( محمد صلاح)

[naz_imam]

[QUOTE=الجندي المجهول;599536][B][COLOR="blue"]الحبيب ود ابراهيم
تحياتي ،،،،

والله بغض النظر عن وجهة نظرم التي احترمها وهي محل تقدير بلا شك

لكن والله اوالله والله الناس هنا كلهم اخوة واهل ( والاخوان في البيت بتلقاهم مرات اتنين بشجعوا الهلال والتالت مريخابي) ومع ذلك امهم واحدة وابوهم واحد

وبغض النظر

حتى اذا جاك الاحساس دا ( فاعتببروا تقصير مننا ياخ) ونيابة عن الجميع بعتذر عن هذا التقصير (الغير مقصود) فأنت محل حفاوة وترحاب

لا اعرف اين انت الان ( داخل السودان أم خارج السودان) لكن بكل تأكيد انت داخل القلب

وما تشيل ولا تدي نفسك هذا الاحساس

والله وان اختلفت الميول لدينا واختلفت اشكالنا وسحناتنا وميولنا

يبقى القلب ابيض وينبض باسم مدني وكل ما هو يتعلق بتراب الوطن

طالما انت سوداني

انت الحبيب إلى الروح
انت الصديق
انت الاخ

وحتما ستزول هذه السحابة .......

اخي ود ابراهيم ( كلنا لادم وادم من تراب)

انت قرب تعال وما تبتعد وستجد نفسك اخ للجميع ( اخوان / اخوات)

ود ابراهيم ،،، في انتظار مشاركاتك يا حبيبنا ،،،،،


لو بقيت في جدة ابقى مارق ولو خارج الديار ( الايميل والتلفون بطرفك ) وفي انتظار اي رنة - رسالة - مس كول - ايميل - وزيارة ( اي حاجة منك منك )

والعجب كان وصلت جدة ( ما ترجع تاني ) ....

مع خالص الود والتقدير

وصدقني لا يوجد فرق بين عضو قديم وعضو جديد (اجتهادك هو الذي يفرض شخصك من خلال مشاركاتك ) التي ننتظرها بفارق الصبر

ودمت يا غااااالي الحروف ،،،،

اخووووووووووووووووووووووووووك ( محمد صلاح)

جندينا الهمام

والله ياها المحريه فيك يالحبيب تسلم ياغالي

[مايسة]

بكثير من الادلة منتديات ودمدني بها خيار وفقوس وبها ناس انناس وناس بالمداس تنداس ولوغابت بت الناس كلها تكتب عشان خاطره ولوغاب احد اركان المنتدى عيك ولا واحد بيشتقل بيهو كلامي لو ما صحيح بجيب الادلة وانظرو واكبر دليل شوفوا نبدأ بالراس الفوق الفيهو الخيار والفقوس اذا كان هم كذالك كيف يكون الاعضاء اها رائكم شنو في موضوعي ده والمعترض يقول اها مع سلامه


ود ابراهيم كيفنك

معترضة بس في عدم الوضوح

كدي ما تخليك واضح وصريح كدا - وقول الناس الأناناس ديل منو
وربنا يحفظك(البتنداس بالمداس منو)

زي ما ذكرته إحنا أعضاء مساكين ساي - علينا بالظاهر فقط - وما عندنا دخل بالرؤوس الكبيرة -
الملاحظ إنك عضو مسجل بتسجيل قديم - ولكنك متابع لمجريات الأحداث وبتعرف أشياء كثيرة وبأدلة وبراهين كمان - طيب ممكن تقول كلامك كلو وبعد كدا المعترض يقول معترض وبالبرهان كمان - وإذا كنت تقصد شخص محدد من الإدارة مختفي - قول إسمو - يمكن انت ما بتعرف ليهو طريق والباقين بعرفو
أما إذا غابت بت الناس دي - بتخيل جبتها بس عشان المثل يتم ولا شنو
-----------------------------------
وبعدين في ملاحظة - إذا غاب شخص مثلا - مستحيل المنتدى كلو يقعد يسأل ويفتش - في كم عضو في المنتدى دا - كم واحد بيشارك وكم واحد بيكون مكتفي بالمراقبة وبالقراءة فقط (لشئ في نفسه) وممتنع عن المشاركة

تحياتي - ليك

[سيف الدين الامين]

الأخ ود ابراهيــــــــــــــــــــــم :
لك تحية صادقة صدوقـة من قلب ذاب عشــقاً بمــدني وأهلها وكل ما يتعلق بها
لا أخفيك ســراً ان قلت لك أنك أكثرنا جـرأة بطرقك هـذا البـاب ... كثير منا
لاحظ ما ذهبت اليـه فآثرنا الصمت حباً في هـذه النافـذة التي تعتبر حبل المودة
الذي يربـط أبنـاء هـذه المدينـة وقـد أثبت أنت عبر صوت اللوم الذي أطلقتــه
بأنك تفوقنا حبـاً لهـذا المنتدى وأحرصنا على تقوية الرابط الذي من المفترض
أن يربط بين اعضائه ... فقط أتمنى عليك وعلى كل من انتابه هذا الاحساس
أن تزيد من الطلة سواء عبر البوسترات أو التعقيبـات وحتماً ذلك سيكون مبعث
سعادة للكثيرين ..... ولك العتبــى حتى ترضــــــــــــــــــــــــــــــــــــــــى

[مايسة]

إتذكرته لي شئ

العنوان بتاع البوست دا - انت قاصد تكتب منديات

يعني مندي شنو بالضبط عشان الاختصاص وكدا

[ايمن عبد الله]

ود ابراهيم ياريت لو توضح اكثر .. كده الموضوع مضبب وما واضح خالص ..

[mohd saeed magazoub]

اخونا ود ابراهيم لك التحية

طبعاً انا احترم رائيك

بس عايزك تمر على البوست ده ...


13069

http://wadmadani.com/vb/showthread.php?32611-سؤال-عن-كل-الغائبين-والغائبــات

[ودسمير]

اخونا ود ابراهيم ...

بيقولو اهلنا .. حتى فى الاولاد عندك ولد !

الخيار والفقوس ليس غريبا على بنى البشر ..

ودمدنى والمنتدى ليست حكرا على احد ..

وجودنا داخل البيت (المدناوى ) هو الاهم والناس جميع ما تهمنى ..

روق المنقه يا ود ابراهيم وخليك صنديد واتحفنا بكل ما هو رائع وباذن الله سترى الاجمل .

[ود ابراهيم]

ود ابراهيم كيفنك

معترضة بس في عدم الوضوح

كدي ما تخليك واضح وصريح كدا - وقول الناس الأناناس ديل منو
وربنا يحفظك(البتنداس بالمداس منو)

زي ما ذكرته إحنا أعضاء مساكين ساي - علينا بالظاهر فقط - وما عندنا دخل بالرؤوس الكبيرة -
الملاحظ إنك عضو مسجل بتسجيل قديم - ولكنك متابع لمجريات الأحداث وبتعرف أشياء كثيرة وبأدلة وبراهين كمان - طيب ممكن تقول كلامك كلو وبعد كدا المعترض يقول معترض وبالبرهان كمان - وإذا كنت تقصد شخص محدد من الإدارة مختفي - قول إسمو - يمكن انت ما بتعرف ليهو طريق والباقين بعرفو
أما إذا غابت بت الناس دي - بتخيل جبتها بس عشان المثل يتم ولا شنو
-----------------------------------
وبعدين في ملاحظة - إذا غاب شخص مثلا - مستحيل المنتدى كلو يقعد يسأل ويفتش - في كم عضو في المنتدى دا - كم واحد بيشارك وكم واحد بيكون مكتفي بالمراقبة وبالقراءة فقط (لشئ في نفسه) وممتنع عن المشاركة

تحياتي - ليك
اولا استاذن الاخوه الذين لم ارد عليهم واشكرهم علي مداخلتهم لان كلام بنتي هذه وجعني شديد

ابنتي ارى بانك كأنك عندك موقف ضددي من دون الذين ردوا في هذا الموضوع وكأنك تريدين الدخول معي في مهاترات اولا انا قديم ام جديد بس انا متابع... ثانيا هذا اكبر دليل على تهكمك واذا انا غلطان ارجو من الاعضاء تغليطي
إتذكرته لي شئ

العنوان بتاع البوست دا - انت قاصد تكتب منديات

يعني مندي شنو بالضبط عشان الاختصاص وكدا وارجو قبل الواحد قبل ان يكتب يفهم مغذى ما كتب بعد ذالك ينقد انا قلت ده راي انا كدي نشوف رائكم وانا عندما كتبت كان عشمي ان الفت نظر الناس لشي مهم واذا كان انا قلت عن الاداره او المشرفين كنت اقصد ذالك واكبر دليل هو غياب الاخ عمر غلام الله زميلي واخي وصديقي وارجعي الي برفايل الاخوه اعضاء مجلس الادارة او المشرفين وشوفي اخر مشاركات لهم متى وقصدي ان الاداره تعمل على ازالة اسباب الغياب وارجو ان تفسر الناس الكلام في محلو هسع امانه في زمتك كان غابت الاخت مدنية ما تجي كم بوست في السؤال عنها كدي شوفي غياب الاخ مرتضى العركي وغياب عدد من المشرفين الفخريين هل هنالك بوست من الاداره تناشدهم والسؤال الذي كنت اود الوصول اليه لماذا غياب هولاء الاخوان ولي عوده ابنتي وفتك بعافيه وتأكدي انا لم اقصد منديات وربما اختفت الحروف نسبة للاستعجال وخوف من ان تتحول الكتابة الي حروف غير مفهومه

[ود ابراهيم]

اخونا ود ابراهيم لك التحية

طبعاً انا احترم رائيك

بس عايزك تمر على البوست ده ...


13069

http://wadmadani.com/vb/showthread.php?32611-سؤال-عن-كل-الغائبين-والغائبــات






اخي محمد سعيد متابع هذا البوست وهذا ايضاء دليل على الشللية وان المنتدى به خيار وفقوس وتشكر وكدي امشي شوف البوست المكتوب من الاخ اسامه في المناسبات وهذا بيدل على كلامي وده الرابط http://wadmadani.com/vb/showthread.php?40819-عيد-ميلادي-متين

[مصطفى هاتريك]

أخي ود أبراهيم

تحية و تقدير


دخلت على هذا البوست أكثر من مره في محاولات دائبة لصياغة رد

يلائم الطرح و طارحه ..

إذا سمحت لي سأحكي لك قصة قصيرة هي قصتي أنا .............

[مصطفى هاتريك]

غبت عن هذا المنتدى منذ يوليو 2010 ولم أعد إلا في بداية هذا العام

وطرحت هذا البوست


http://wadmadani.com/vb/showthread.php?38932-%DA%C7%ED%D2-%D1%C3%ED%DF%E3-%E3%C7-%D1%CF%DF%E3

[مصطفى هاتريك]

أرجو أن تعذرني أخي للفواصل بسبب العمل

المهم كنت أرى مثل رأيك أن بالمنتدى خيار و فقوس ولكن بالتجربة ثبت لي

أني على خطأ .. والدليل أن مشاركاتي عند الغياب كانت 80 مشاركة وقد تعدت

الألف الآن .. وعليه فأن تواجدي المستمر هو الذي خلق تلك الصداقات التي أعتز

بها .. بل ونشأت بيني وبين بعض الأشخاص علاقات خاصة تصل درجة المشاورة

في الشئون الأسرية حتى .. وأنا لا أرى هؤلاء الأشخاص إلا من خلال أسفير المنتدى

وإذا شأت أسوق لك الأمثال ..

غاية ما أريد قوله كثرة التواجد و التداخل في ما يطرحه الأعضاء هي التي تقوي العلاقة

بينهم دون خيار ولا فقوس ...

دمت أخي الكريم و أنت تزفر الهواء الساخن بكل شجاعة و صلابة رأي

ولك الحب حتى تكتفي

[أحمد عمر ( MOODY )]

أرجو أن تعذرني أخي للفواصل بسبب العمل

المهم كنت أرى مثل رأيك أن بالمنتدى خيار و فقوس ولكن بالتجربة ثبت لي

أني على خطأ .. والدليل أن مشاركاتي عند الغياب كانت 80 مشاركة وقد تعدت

الألف الآن .. وعليه فأن تواجدي المستمر هو الذي خلق تلك الصداقات التي أعتز

بها .. بل ونشأت بيني وبين بعض الأشخاص علاقات خاصة تصل درجة المشاورة

في الشئون الأسرية حتى .. وأنا لا أرى هؤلاء الأشخاص إلا من خلال أسفير المنتدى

وإذا شأت أسوق لك الأمثال ..

غاية ما أريد قوله كثرة التواجد و التداخل في ما يطرحه الأعضاء هي التي تقوي العلاقة

بينهم دون خيار ولا فقوس ...

دمت أخي الكريم و أنت تزفر الهواء الساخن بكل شجاعة و صلابة رأي

ولك الحب حتى تكتفي





يا سلام عليك يا نجم فوق العادة
مع إنّك .. هلالابي

http://i55.tinypic.com/akyan8.gifhttp://i55.tinypic.com/akyan8.gifhttp://i55.tinypic.com/akyan8.gif

[ريمون]

غايتو اكبر رد ليك ..
كل الردود الجاتك مع انو ممكن كان يسكتوا ..
اتسأل مثلك اين الاسماء الكبيره التي نعرفها واختفت مشاركاتها ..
لكن لا اظن ان هناك خيار وفقوس ..

[abomazeen]

بكثير من الادلة منتديات ودمدني بها خيار وفقوس وبها ناس انناس وناس بالمداس تنداس ولوغابت بت الناس كلها تكتب عشان خاطره ولوغاب احد اركان المنتدى عيك ولا واحد بيشتقل بيهو كلامي لو ما صحيح بجيب الادلة وانظرو واكبر دليل شوفوا نبدأ بالراس الفوق الفيهو الخيار والفقوس اذا كان هم كذالك كيف يكون الاعضاء اها رائكم شنو في موضوعي ده والمعترض يقول اها مع سلامه




العزيز المكرم ود ابراهيم المحترم
تحية وسلام مني عساها تجدك بخير
البوست مبهم بعض الشيئ في مجمله
البداية كانت ذات تيار محدد المصب
ولكن الأمر أختلف في آخر سجالك
وكان يمكن تطفيء الظمأ بسرد أدلتك
ولكن الأمر تشعب وتفرع في السياق
فلم أجد هنا رابط بين الخيار والفقوس
وبين تفقدك للعزيز الغالي عمر غلام الله
ولعل ثم علاقة بين المشرفين والإدارة
هذا كله في جهة ومركب سير واحد
ولكن مداخلتك و مشاركتك رقم 19
لي فيها وجهات نظر في عدة مواضع
وأبشرك بأن التحزب و( التشلشل )
هذا السياق من قاموسي الخاص أنا بس
ليس له موضع قدم في منتديات ودمدني
هذا وبالله السداد والتوفيق ... أقف هنا
وكن على يقين التأكيد بسرعة عودتي
متى أذن لي الرحمن في ذلك
سلام وتحياتي لكل المتداخلين

[الجندي المجهول]

اين الخيار والفقوس وهنلك مشاغل الدنيا

مثيرون غابوا ولنا معهم معرفة شخصية وقوية ولم نفرد لهم بوستات

وياريت نقدر ظروف بعض

اين عثمان جلالة

اين صلاح ود الطاهر

اين ود المامون

اين هيما

اين مهدي ابراهيم

اين ضياء الدين احمد وداعة

اين

اين

اين هم كثر

لكن صدقني يبقى ما في القلب من مودة ومحبة

لا لشئ

فقط

لان الذي يجمعنا اكبر من ما هو يفرقنا

ولنجد دائماً لاخواننا الف عذر وعذر

ودمتم بالف خير ،،،،،،،،،

تخريمة : وين العمة بالمناسبة دي

من ما الهلال صعد دور الثمانية ما شفناها !!!!!!!!!!!!!

[ود ابراهيم]

اين الخيار والفقوس وهنلك مشاغل الدنيا

مثيرون غابوا ولنا معهم معرفة شخصية وقوية ولم نفرد لهم بوستات

وياريت نقدر ظروف بعض

اين عثمان جلالة

اين صلاح ود الطاهر

اين ود المامون

اين هيما

اين مهدي ابراهيم

اين ضياء الدين احمد وداعة

اين

اين

اين هم كثر

لكن صدقني يبقى ما في القلب من مودة ومحبة

لا لشئ

فقط

لان الذي يجمعنا اكبر من ما هو يفرقنا

ولنجد دائماً لاخواننا الف عذر وعذر

ودمتم بالف خير ،،،،،،،،،

تخريمة : وين العمة بالمناسبة دي

من ما الهلال صعد دور الثمانية ما شفناها !!!!!!!!!!!!!

لك التحية اخي الكريم واشكرك على الوضح

[مايسة]

اولا استاذن الاخوه الذين لم ارد عليهم واشكرهم علي مداخلتهم لان كلام بنتي هذه وجعني شديد

ابنتي ارى بانك كأنك عندك موقف ضددي من دون الذين ردوا في هذا الموضوع وكأنك تريدين الدخول معي في مهاترات اولا انا قديم ام جديد بس انا متابع... ثانيا هذا اكبر دليل على تهكمك واذا انا غلطان ارجو من الاعضاء تغليطي وارجو قبل الواحد قبل ان يكتب يفهم مغذى ما كتب بعد ذالك ينقد انا قلت ده راي انا كدي نشوف رائكم وانا عندما كتبت كان عشمي ان الفت نظر الناس لشي مهم واذا كان انا قلت عن الاداره او المشرفين كنت اقصد ذالك واكبر دليل هو غياب الاخ عمر غلام الله زميلي واخي وصديقي وارجعي الي برفايل الاخوه اعضاء مجلس الادارة او المشرفين وشوفي اخر مشاركات لهم متى وقصدي ان الاداره تعمل على ازالة اسباب الغياب وارجو ان تفسر الناس الكلام في محلو هسع امانه في زمتك كان غابت الاخت مدنية ما تجي كم بوست في السؤال عنها كدي شوفي غياب الاخ مرتضى العركي وغياب عدد من المشرفين الفخريين هل هنالك بوست من الاداره تناشدهم والسؤال الذي كنت اود الوصول اليه لماذا غياب هولاء الاخوان ولي عوده ابنتي وفتك بعافيه وتأكدي انا لم اقصد منديات وربما اختفت الحروف نسبة للاستعجال وخوف من ان تتحول الكتابة الي حروف غير مفهومه


أخي الكريم ود إبراهيم - تحياتي

اولا بعتزر إذا إنتابك إحساس بأنني والعياز بالله أتهكم عليك - في عنوان البوست -

ثانيا : ليس لي أي موقف ضدك ولم أقصد بمداخلتي لك المهاترة - إذا لم أأيدك معنى هذا بأني أهاترك !!

ثالثا: ألم يكن من الأحرى بك السؤال من البداية مباشرة عن الاستاذ العلامة عمر غلام الله - والبقية وان تفرد لهم بوست يحمل أسمهم - وبهذه الطريقة تكون لفت نظر الإدارة مباشرة وبدون أي ضبابية
أما بخصوص لماذا غاب هؤلاء - الكل يعلم الانقسام الذي حصل بين الأعضاء وآثر البعض الذهاب للبيت الثاني - والبعض الآخر الإكتفاء بالمتابعة من بُعد والقله الإبتعاد عن عالم المنتديات -

ولكي أكون معك صريحة أكثر - رأيت مشاركتك في النفاج في بعض البوستات للأستاذ(صلاح ود الطاهر) - وإستغربت كثيرا لطريقة تحسرك - إذا أردت جلبت لك كمية من البوستات تدور كلها عن الاستاذ ود الطاهر في النفاج - وكمية من النقاشات دارت في هذا الطريق -


بالنسبة للأخت مدنية إذا غابت فعلا الأغلبية سيسألون حتى وإن لم يكن في المنتدى - ولكن لماذا ؟ لأنها تشارك الكل بدون فرز ولها بصمة معينة - تضعها في ردودها - (أما إذا كان لك رأيى مُخالف فأرجو إيضاحه) .

أستميحك عزرا مرة ثانية - ولكن عنوان البوست وعدم وضوحه من البداية هو ما سبب كل هذا - تحياتي لك ولكل المتداخلين

[الزبير محمد عبدالفضيل]

ود أبراهيم سلام عليك نحنوووا جميعا في البيت الكبير ونته خليك الكبير وما تزعل ياحبيب ودمدني للجميع بكل ما تحمل من معاني ومرحبا بك

[الجندي المجهول]

الحبيب ود ابراهيم
ممكن سؤال خارج النص

هل لك صلت قرابة او اي صداقة بالعمدة (صلاح ود الطاهر)

بصراحة اسلوبك في الكتابة ( يشبه لحد ما ) اسلوب ود الطاهر

الذي يعتمد على (الكر والفر)

صدقني الدنيا بسيطة وساهلة بس انحنا برانا بنصعبها

لو قابلت العمدة ود الطاهر ( بلغوا التحايا) لانو برضوا كتر الغياب

وبرضوا عثمان جلالة

وبرضو فلان
وفلان
وفلان

وكلهم بدون فرز

مع خالص الود


،،،،

[نزار حسن محمد]

المشاركة الأصلية كتبت بواسطة abomazeen


هوووي يا رضا ود حسن
ما لك عاوز تلخبط الكيمان

خلي الضفدعة ضفدعة
وخلي السمكة سمكة

لكن قلت لي شنو
مدنية حاصل ليها شنو

نصحية مني لك يا ود حسن
أعمل حسابك من (الفقوس)




اخي ابومازن نحن نعلم وليس نحن با غبياء ونحن اولاد العشير يعني بنفهمه وهي طايره امش اسال عن الدرنيه واسال عن القور وبرضو خيار وفقوس

من هنا جاءت فكرة بوست اخوانا ود ابراهيم ..
والمثل يقول لو عرف السبب بطل العجب .
عليه اتمنى ان تعود المياه الى مجاريها

[مصطفى هاتريك]

بسم الله الرحمن الرحيم

أخي الكريم ,,,

يبدو أنك تمارس ما تنهي عنه في (( الخيار و ........)) و أمتنع عن ذكر الكلمة الأخرى لأن لها مدلولات أخرى
تخدش الحياء العام ....
أخي الكريم ,, راجع معي إذا تفضلت القرآن الكريم ,, وهو المنهج الذي يجمعنا وفق قوانين المولى عز و جل

بسم الله الرحمن الرحيم

(( هل يستوي الذين يعلمون و الذين لا يعلمون ))
(( قليل من عبادي الشكور ))
(( ورفعنا بعضهم فوق بعض درجات ))
(( إن أكرمكم عند الله أتقاكم ))

كما جاء في الحديث القدسي
إن لله رجال إختصهم بقضاء حوائج الناس حببهم للخير و حبب الخير إليهم

إذن هنالك إختصاص بين خلق الله وفقا لمعايير التقوى والعلم و الشكر .. وغيرها مما أورده القرآن الكريم

أقول قولي هذا عطفا على (( تمثيلك )) بأختنا مدنية (( بت الناس ))
التي لها من المشاركات ما يفوق العشرة ألاف مشاركة إقطتعتها من وقتها و وقت بيتها لتجعل هذا المنتدى جاذبا لمن يستحق ...
(( مدنية )) هذه أخي الكريم تساهم بمالها و فكرها في كل مشاريع المنتديات والجمعية الخيرية الموازية للمنتدى
والتي لا أعتقد أنك عالم بإنجازاتها الواضحة في المدينة ...
أما عن إستدلالك ببوست ( روبيش )) فلا أظن أنه قصد ما فهمت ,, فهو رجل محب و محبوب يحب الطرفة
والمداعبة و كلنا يحبه و يحب مداعباته ,,, وهو أجدر مني بالرد عليك لتبيان مقاصده ......

أخي ما يجمعنا هنا الحب و الحب الصادق وهذا الحب لمدينتنا و لبعضنا هو المعيار الشرعي و الوحيد
للتصنيف هنا .....

الآن يمكنك أن تختار أين تضع نفسك (( ما بين الخيار , و .......................... ))

[ود ابراهيم]

الحبيب ود ابراهيم
ممكن سؤال خارج النص

هل لك صلت قرابة او اي صداقة بالعمدة (صلاح ود الطاهر)

بصراحة اسلوبك في الكتابة ( يشبه لحد ما ) اسلوب ود الطاهر

الذي يعتمد على (الكر والفر)

صدقني الدنيا بسيطة وساهلة بس انحنا برانا بنصعبها

لو قابلت العمدة ود الطاهر ( بلغوا التحايا) لانو برضوا كتر الغياب

وبرضوا عثمان جلالة

وبرضو فلان
وفلان
وفلان

وكلهم بدون فرز

مع خالص الود


،،،،

اخي الكريم لك التحية والتقدير واشكرك علي تشبيهي بالاستاذ صلاح لاني لاسوى ضفره

[ود ابراهيم]

بسم الله الرحمن الرحيم

أخي الكريم ,,,

يبدو أنك تمارس ما تنهي عنه في (( الخيار و ........)) و أمتنع عن ذكر الكلمة الأخرى لأن لها مدلولات أخرى
تخدش الحياء العام ....
أخي الكريم ,, راجع معي إذا تفضلت القرآن الكريم ,, وهو المنهج الذي يجمعنا وفق قوانين المولى عز و جل

بسم الله الرحمن الرحيم

(( هل يستوي الذين يعلمون و الذين لا يعلمون ))
(( قليل من عبادي الشكور ))
(( ورفعنا بعضهم فوق بعض درجات ))
(( إن أكرمكم عند الله أتقاكم ))

كما جاء في الحديث القدسي
إن لله رجال إختصهم بقضاء حوائج الناس حببهم للخير و حبب الخير إليهم

إذن هنالك إختصاص بين خلق الله وفقا لمعايير التقوى والعلم و الشكر .. وغيرها مما أورده القرآن الكريم

أقول قولي هذا عطفا على (( تمثيلك )) بأختنا مدنية (( بت الناس ))
التي لها من المشاركات ما يفوق العشرة ألاف مشاركة إقطتعتها من وقتها و وقت بيتها لتجعل هذا المنتدى جاذبا لمن يستحق ...
(( مدنية )) هذه أخي الكريم تساهم بمالها و فكرها في كل مشاريع المنتديات والجمعية الخيرية الموازية للمنتدى
والتي لا أعتقد أنك عالم بإنجازاتها الواضحة في المدينة ...
أما عن إستدلالك ببوست ( روبيش )) فلا أظن أنه قصد ما فهمت ,, فهو رجل محب و محبوب يحب الطرفة
والمداعبة و كلنا يحبه و يحب مداعباته ,,, وهو أجدر مني بالرد عليك لتبيان مقاصده ......

أخي ما يجمعنا هنا الحب و الحب الصادق وهذا الحب لمدينتنا و لبعضنا هو المعيار الشرعي و الوحيد
للتصنيف هنا .....

الآن يمكنك أن تختار أين تضع نفسك (( ما بين الخيار , و .......................... ))


اخي كريم انا لم اسي لاحد حتى تقول خطبتك انا ضربت مثل فقط ولم اقصد اساء لا قدر الله فقلت لو غابت الاخت مدنية كم بوست يفتح ضرب مثل فقط اخي كريم في النهاية قصدي من هذا البوست انو نسأل فقط عن الغائبين ولك العذر اذا تم فهم البوست خطا وانا من اليوم خارج من هذا المنتدى عشان لايكون في زعل ولا شي ةتحياتي للجميع والاخت مدنية على العين والراس واشكرك اخي الكريم

[النويري]

اخي كريم انا لم اسي لاحد حتى تقول خطبتك انا ضربت مثل فقط ولم اقصد اساء لا قدر الله فقلت لو غابت الاخت مدنية كم بوست يفتح ضرب مثل فقط اخي كريم في النهاية قصدي من هذا البوست انو نسأل فقط عن الغائبين ولك العذر اذا تم فهم البوست خطا وانا من اليوم خارج من هذا المنتدى عشان لايكون في زعل ولا شي ةتحياتي للجميع والاخت مدنية على العين والراس واشكرك اخي الكريم

أخي ود ابراهيم لك التحيات آلاف

أسمع حديثي دا سمح نحن هنا وعبر السنين الطويلة في منتديات ودمدني وعبر حالات الشد والجذب التي حدثت مع أخوة لنا وأعضاء في هذا المنتدى تنافرنا وتجازبنا وتركنا المنتدى لفترات شهور وسنين وعدنا تقديرنا لأخوة لنا هنا نعزهم ونحترمهم وهذا الصرح الذي حمل ذكريات جميلة وقصص وحكايات وأنت أخي بعض الأعضاء قد أساء فهم الأمور هنالك بالطبع أعضاء في المنتدى حركتهم غير حركة كل الأعضاء محبوبين لله في لله وبتواجدهم المستمر يجبروك على تفقدهم وهم كثر وهنالك أشخاص لهم تأثيرهم وأهميتهم ولكن عند الغياب تجد أن لا أحد يسأل عنهم نظراً لقلة دخولهم المنتدى وعدم المشاركة بإستمرار فرجائي أخي لا تبتعد فالكل هنا من أجل ودمدني ولا شيء غيرها ونحن نحيي فيك هذه الشجاعة ونتمنى لك قضاء أجمل الأوقات ولا تبتئس ولا تحقن في قلبك شيء فالدنيا فانية .

لك خالص التقدير والإحترام وتقبل تحياتنا،،،

[مولانا جلال]

الاخ ودابراهيم
السلام عليكم ورحمة الله
دعنى ارد عليك فى نقاط دون ترتيب ومن خلالها استنتج ما اود قوله
1/تسجيلك للعضوية فى اكتوبر 2009
2/نسبة مشاركتك 0,06
3/ من ردوا عليك فى هذا البوست 34 عضو رديت انت على 6 منهم نحن الواحد يحلم يكتب ليهو بوست يرد عليهو نص العدد ده
4/ كان من الممكن استغلال هذا البوست لزيادة رصيدك من المشاركة
5/ لااعتقد ان لديك دليل على ماتقول وماعندك نسمية بينات ظرفية
6/والله ووالله لم احس بما ذكرته فى هذا المنتدى
7/مشاركاتك تجعل الاخرين يلتفتون اليك واحسن اختيار المواضيع مثل هذا المضوع
8/ اجمل مافى هذا المنتدى الحب المتبادل بين الجميع ومايزيده القا اننا لانعرف بعضنا البعض ، بما فيهم انت
9/ لك حبى فى الله واحترامى الكثير

[ود ابراهيم]

أخي ود ابراهيم لك التحيات آلاف

أسمع حديثي دا سمح نحن هنا وعبر السنين الطويلة في منتديات ودمدني وعبر حالات الشد والجذب التي حدثت مع أخوة لنا وأعضاء في هذا المنتدى تنافرنا وتجازبنا وتركنا المنتدى لفترات شهور وسنين وعدنا تقديرنا لأخوة لنا هنا نعزهم ونحترمهم وهذا الصرح الذي حمل ذكريات جميلة وقصص وحكايات وأنت أخي بعض الأعضاء قد أساء فهم الأمور هنالك بالطبع أعضاء في المنتدى حركتهم غير حركة كل الأعضاء محبوبين لله في لله وبتواجدهم المستمر يجبروك على تفقدهم وهم كثر وهنالك أشخاص لهم تأثيرهم وأهميتهم ولكن عند الغياب تجد أن لا أحد يسأل عنهم نظراً لقلة دخولهم المنتدى وعدم المشاركة بإستمرار فرجائي أخي لا تبتعد فالكل هنا من أجل ودمدني ولا شيء غيرها ونحن نحيي فيك هذه الشجاعة ونتمنى لك قضاء أجمل الأوقات ولا تبتئس ولا تحقن في قلبك شيء فالدنيا فانية .

لك خالص التقدير والإحترام وتقبل تحياتنا،،،

التحية لك اخي النويري الحصل هنا خلاني اكتب في قوقل مدني وجاني كم منتدى ولكن كما زكرت وجود اخوه يجعلك متواجد ولكن تاكد اخي الكريم مناشدتك على عيني وراسي ...

[ود ابراهيم]

الاخ ودابراهيم
السلام عليكم ورحمة الله
دعنى ارد عليك فى نقاط دون ترتيب ومن خلالها استنتج ما اود قوله
1/تسجيلك للعضوية فى اكتوبر 2009
2/نسبة مشاركتك 0,06
3/ من ردوا عليك فى هذا البوست 34 عضو رديت انت على 6 منهم نحن الواحد يحلم يكتب ليهو بوست يرد عليهو نص العدد ده
4/ كان من الممكن استغلال هذا البوست لزيادة رصيدك من المشاركة
5/ لااعتقد ان لديك دليل على ماتقول وماعندك نسمية بينات ظرفية
6/والله ووالله لم احس بما ذكرته فى هذا المنتدى
7/مشاركاتك تجعل الاخرين يلتفتون اليك واحسن اختيار المواضيع مثل هذا المضوع
8/ اجمل مافى هذا المنتدى الحب المتبادل بين الجميع ومايزيده القا اننا لانعرف بعضنا البعض ، بما فيهم انت
9/ لك حبى فى الله واحترامى الكثير

يا سلام علي ناس القانون نعم يا مولانا لكن كان تجتهد شويه وتمشي المناسبات وتعرف لي مشاركاتي ضاعت واديك الرابط
http://wadmadani.com/vb/showthread.php?29206-عضو-قديم-قبل-السيل-وعضو-جديد-بعد-السيل
الحاجه التانية اسم المستخدم وكلمة المرور ضاعت وسجلنا من تاني بشهادة اخونا بكري كسلا الله يطراهو بالخير وتحياتي اليك اخي الكريم وارجع بزاكرتك اخي جلال وتزكرنا انا وعثمان دسكو وود الشايقي بحي مايو واخونا جنابو سيف لك التحية اخي مولنا جلال ويازول الدنيا اخره كوم تراب ولكن يا مولانا مرات التنظير بيجمعنا بناس حلوين ويرجع الماضي اذكر اخي جلال بنطلون الجنز والفول في سوق الدرجه وعثمان دسكو اخوك ابوالقاسم اها ازكرته ولا لسع ودعم حسن شوه 114

[ود ابراهيم]

الآن يمكنك أن تختار أين تضع نفسك (( ما بين الخيار , و .......................... ))


اخي مصطفي يمكن ان اضع نفسي ما بين الخيار و....................... اكملها لك ان اغادر وتأكد اخي الكريم سوف اغادر المنتدى عشان ما نكون مصدر قلق وعكننه ومن هنا اناشد الاخ المشرف بحذف هذا البوست حتى لا نخسر اخوه ولك التحية اخي الكريم وكل من شارك في هذا البوست وكانت بدايته ده رائ اها رائكم شنو ويمكن حسنت هذا البوست انه عمق الاخوه بين جميع ابناء هذه المدينة التي ظلمت كثير فالتحية للجميع المنتديات بأسم هذه المدينة والي اللقاء ونستسمح الجميع ولكم العتبى حتى ترضووالتحية الي جميع الاداره والمشرفين