تمشي بطفلك شديد مستشفي الاطفال لودقسته تطلعه ميت

[wadalsir]

عندي اختي جابت مولود ربنا احفظه وهي عندها سكري باختصار مفترض بعد الولاده نمشي بيهو مستشفي الاطفال (المستشفي الوحيد في مدني ) (بس تقول قناه الجزيره حصري الدوري الاسباني ) لانه طفل اثناء ولادته امه عندها سكري فلازم اعمله ليهو فحوصات لمده 3ايام بعدين اطلعه من دخلنا مستشفي عفن وجنس كدايس تخوف والغريب تتم نظافه المستشفي تحت والميادين حتي اجوه الحبش انظفه عنبر حديثي الولاده (دكاتره شفع ولا نائب اخصائي واحد واتعامله مع البشر ذي البهايم) ماموضوعنا دخلنا وكتبه لينا فحص السكر في الدم النتيجه من معمل المستشفي 8 الدكتوره كتبه العلاجات وقالت نرقد مشيت للاخصائي كدا براي اديته النتيجه قال ليه الطفل دا حي قلت ليهو شديد بس جينا نتأكد من السكري بتاعه قال ليه انا ماشي معاك هسي لما جينا المستشفي ولقينا الدكتوره قال ليها ليه ماقلتي النتيجه دي غلط ولا مشيتي لناس المعمل ولافهمتي خاله حاجه كتبتي العلاج علي نتيجه وانتي عارفها غلط باختصار الصباح لاقيت هدي هارون وشكله المستشفي وقفتها علي رجل واحده قلتي ليها اجيبه شديد اطلع منكم ميت يعني سمح في كم حاله اتوفيت واهله فقره ومساكين وماعارفين ناس المعمل قاله الجهاز بركن ليه فتره ارواح الاطفال لعبه في يدهم سبحان الله

[ودسمير]

اولا نرحب بيك فى منتدانا المنور بحروفكم وطلتكم البهيه ..

يا ولدنا زمااااان قال ..

الداخل مفقود والخارج مولود ..

وغنى احدهم ل مستشفى ودمدنى ..

الشق فى الحيطه او فى فى زجاج يمثل خريطة ل ساحل العاج

الضفدع بالليل عامل ازعاج يقلد وردى وفاطمه الحاج !!


اسال الله السلامه لكل المرضى

[المارشال]

عندي اختي جابت مولود ربنا احفظه وهي عندها سكري باختصار مفترض بعد الولاده نمشي بيهو مستشفي الاطفال (المستشفي الوحيد في مدني ) (بس تقول قناه الجزيره حصري الدوري الاسباني ) لانه طفل اثناء ولادته امه عندها سكري فلازم اعمله ليهو فحوصات لمده 3ايام بعدين اطلعه من دخلنا مستشفي عفن وجنس كدايس تخوف والغريب تتم نظافه المستشفي تحت والميادين حتي اجوه الحبش انظفه عنبر حديثي الولاده (دكاتره شفع ولا نائب اخصائي واحد واتعامله مع البشر ذي البهايم) ماموضوعنا دخلنا وكتبه لينا فحص السكر في الدم النتيجه من معمل المستشفي 8 الدكتوره كتبه العلاجات وقالت نرقد مشيت للاخصائي كدا براي اديته النتيجه قال ليه الطفل دا حي قلت ليهو شديد بس جينا نتأكد من السكري بتاعه قال ليه انا ماشي معاك هسي لما جينا المستشفي ولقينا الدكتوره قال ليها ليه ماقلتي النتيجه دي غلط ولا مشيتي لناس المعمل ولافهمتي خاله حاجه كتبتي العلاج علي نتيجه وانتي عارفها غلط باختصار الصباح لاقيت هدي هارون وشكله المستشفي وقفتها علي رجل واحده قلتي ليها اجيبه شديد اطلع منكم ميت يعني سمح في كم حاله اتوفيت واهله فقره ومساكين وماعارفين ناس المعمل قاله الجهاز بركن ليه فتره ارواح الاطفال لعبه في يدهم سبحان الله
نسأل الله الصحة والعافية للجميع وبالأخص اطفالنا وفلذات اكبادنا . المشكلة فى كبار الاخصائيين تاركين الجمل بما حمل لطلبة الإمتياز وجارين وراء مصالحهم بالعيادات الخاصة فى وقت نحسب ان هؤلاء الاطفال تقع المسؤلية اولا واخيرا على عاتقهم بحكم التجارب والممارسة والتخصص اذ ان هؤلاء الاطفال لا يحتملون التشخيص او العلاج الخطأ .. خافو الله فى انفسكم .. وحاسبو قبل أن تحاسبو ...

[مصطفى هاتريك]

نسأل الله العافية لينا و لأولادنا

فعلا هناك تردي في الخدمات الصحية .. وأنا أستغرب لعدم العناية

بالإنسان و هو أهم عنصر في عملية التنمية ...

[mahagoub]

الما عندو ضهر
ما فى محاسبه لاى طبيب
مات المريض اتشل ما عليه
عشان كدى ليه الحق يتنفخ
ربنا يلطف بالغلابه
كله نائم

[mahagoub]

الما عندو ضهر
ما فى محاسبه لاى طبيب
مات المريض اتشل ما عليه
عشان كدى ليه الحق يتنفخ
ربنا يلطف بالغلابه
كله نائم

[wadalsir]

والمشكله انه الغلطه في الانسان بعاه مستديمه يعني دا بشر ماعربيه اذا خربته ممكن تتصلح لكن والله المكانيكي تعامله مع العربيه أرحم ومن ناس المستشفي الاطفال

[نزار حسن محمد]

مرحباً بك قلماً وعقلاً يسنتر به اهل الجزيره عموم
اكتب كل ما تراه او تسمع به وعري كل الصور المخزيه
سعيد جدا انا بانضمام امثالك لبيتنا الكبير ..

[الزبير محمد عبدالفضيل]

مرحبيك أخي وهذا موضوع مهم جدا مستشفي ود مدني بقي يخوووف سوء أداره ثم الاخطاء الطبيه حدث ولا حرج وفي النهائيه حسب التقارير

الطبيه أو المعامل المخبريه (((المريض ميئوس من حالته )))) يعني مافي علاج الله المستعان ومستشفي ودمدني هو مستشفي تجريبي للطلبه الجدد
يتعلموا في الولاده وفي الاطفال وبقية المرضي وضحية التجربه المواطن المسكين

[الجندي المجهول]

مرحباً بك قلماً وعقلاً يسنتر به اهل الجزيره عموم
اكتب كل ما تراه او تسمع به وعري كل الصور المخزيه
سعيد جدا انا بانضمام امثالك لبيتنا الكبير ..

اضم صوتي للاستاذ نزار حسن
+
الترحيب بيك بيننا وبي قلمك المضئ دوماً باذن الله ،،

+ نسال الله الصحة والعافية للجميع

[ام رغد]

ربنا يتلطف بينا وباولادنا ....غايتو لو مرضت انت وحظك ما بقول انت ويومك لانو اليوم لما يتم مافى كلام
واحيان كتير بكون الموت رحمة من الحالات البتحصل نتيجة للاخطاء والاهمال البشرى....

[همسات]

اخي ود السر لك التحيه وكل الاحترام
ومرحب بيك في بيتك كتير...
حقيقه اشكرك كل الشكر علي هذا الطرح الجاد والهام
في الحقيقه أري ان المسئوليه كبيره جدا
والكل مسئول نعم الكل مسئول ....
لا أعفي احدا من المسئوليه من المسئولين الكبار
ولحدي الفراشين وعاملين النظافه لا اعفي احدا ابدا
اللذين يعملون دون زمه وضمير من اجل ماذا لااعلم ؟

[نزار احمد كوارتي]

حسبي الله ونعم الوكيل

[سيف الدين الامين]

دعــوني أصحح من معلـوماتكم فقـد تم تغير اسمه من مستشفى الأطفـال الى ( مسلخ الأطفـال )
والله المستتفيد الوحيـد من هـذا الصـرح هـي (القطط) التي تتمتـع بصحـة وعافيـة أضـعاف
أضـعاف ما يتمتع به اطـفالنا حفظهم الله وكان في عونهم اما الأطبـاء الخريجين فحدث ولا حرج
وبصراحة شديدة وبدون زعل ممكن الخفير يقـوم بمهامهم لانها في النهاية كلها اخطاء تؤدي للقبر
والحــل الوحيد الذي لا مفر منه هو أن تنفخ جيبك وتقابل دكتور اخصائي ....
وطبعا مستشفى الحوادث ليس باحسن حال من مستشفى الأطفال وهاكم ما واجهني فيه من موقف :
لدي أخ يصغرني في العمر يعاني من ( ... ) وكحال معظم اهلنا في السودان اعتقادهم مترسخ
في العــلاج البلدي اتجه اخي لهذا الطريق بعد ان افتاه صديقه بان ( فلان ) يعالج أحسن من ألف
أخصائي مما أدى لتأخر حالته وهو متحامل على نفسه يمني نفسه بالفرج القريب الذي مناه به ذلك
(الفلان) ولم أكن اعلم ما به نسبة لاقامتي خارج الوطن المهم حوالي الساعة الثالثة صباحاً نهضت
من النوم مفزوعاً على صوت انينه وبمجرد ما علمت ما به أدرت محرك السيارة واتجهت صوب
حوادث مدني وكان مناوب في ذلك اليوم أحد الأطباء الشباب فشرحت له ما حدث وبعد أن فحصه
رجع الي وقد كنت منذعجاً جدا لحالته وياليته لم يرجع (الطبيب) حيث خاطبني بالآتي ( لقد عملت
مع بروفسير (...) وبروفسير (...) ولكل واحد طريقة معينة في العلاج فأي الطريقتين تريدني
أن انتهج ) أقسم بالله هذا ما خاطبني به فوقفت لحظة غير مصدق ما اسمع الى ان قطع علي هذه
اللحظات آهات أخي مرة ثانية فرديت على الطبيب وقد بلغ مني الغضب ما بلغ بالآتي ( عليك ان
تنتظرني مدة خمس سنوات لأكمل دراسة الطب ومن ثم اجيبك أي الطريقتين تستخدم ثم اضفت
لن أدعك تعالجه بأي طريقة فقط أعطه حقنه مهدئة للألم حت اقابل به أخصائي في الصباح) وأقسم
بالله أن هذا الطبيب لم يصدق قراري وبسرعة فائقة كان قد تخلص منا بعد ان اعطى أخي حقنة
مهدئة ... هذا هو للاسف حال اطبائنا تنتهي علاقتهم بالدراسة والاطلاع بمجرد التخرج من
الجامعة ومن ثم يبدأ مشوار التجربة في المرضى ... وياتصيب أو تخيب ... انت وحظـــك