انت نجم الشهر...

[التيمان]

آيا ناس ازيكم وكيفنكم
انا لي زمان ما شفتكم
غايتو جنس كضب قااعدين وجع وش تقيل ..
المهم ..
قلت ياض يالتيمان انتو يا كافي البلاء اعضاء المنتدي ديل جت علهيم
فوق اي اسم ولا صوره يا نجم الشهر يا مشرف فخري يا حاجه كده (احم)
انا اسمي ده نفسي يوم اجي القي فوق في اي لسته ما افتش ليه ..
طوالي في اي شي ما نافع الله يجازيني غايتو ..
كتابه كتبنا .. حنك حنكنا .. مظاهرات عملنا .. اجتماعات حضرنا ..
بمناسبه الاجتماع والله عمنا بتاع قطر ده بقول كلام زي الفل وجااي مرطب تب ..
والله زكرنى ايام شبابي لمن الم لي عشره جنيه مع بعض .. قال يعملو مقر ويعرسو للتيمان ديل مثلا .. عليكم النبي الزول ده ما بتكلم كلام زي الفل .. وحالف الشيله عليهو ..
عليكم الله ما نجم الشهر..
انا وهاتريك ابو النسب في سرج وااحد ..

[ريمون]

مدام الزول ده قال الشيله عليهو انا غايتو علي ازغرد ليكم ..قصرت ؟؟؟
ما تزعلوا اديتكم لقب ملوك شباب المنتدي ..مبروك ..(المفروض اقول بموجب السلطة المخوله لي ...... لكن مع الأسف ماعندي سلطة )
بالجنبه كده .. ما تكونوا جعانين واشرف وكده وتقروا لي سلطة دي سلطه ..

[مايسة]

نبارك هسه ولا كيف

الف مبروك يا التيمان - وصراحة إنتو فاكهة المنتدى
----------------------------------------
غايتو ورأي شخصي - المفروض يكون هنالك عُدة أوسمة تُعطى للأعضاء كل أسبوع أو كل شهر
وبهذا نضمن نشاط الأعضاء وكثرة المواضيع -
ولكن نجم شهر واحد فقط ومحصور فقط في العام - ليست مشجعة إطلاقا - ولا شنو يا خالتو مدنية :(

[بت أم درمان]

غايتو ورأي شخصي - المفروض يكون هنالك عُدة أوسمة تُعطى للأعضاء كل أسبوع أو كل شهر
:(

تقصدي أن الوسام يكون عام
ويمنح من الإدارة
ولا يكون محصور على قسم معين
داخل المنتديات
فكرة حلوة والله :)

[مايسة]

تقصدي أن الوسام يكون عام
ويمنح من الإدارة
ولا يكون محصور على قسم معين
داخل المنتديات
فكرة حلوة والله :)


قصدته كدا فعلا
وياريت عدد الأوسمة يزيد كمان مع مسمياتها
وبكدا بالجد حا يشجع الاعضاء ويديهم دافع أكثر للكتابة وللمشاركة -
ولكن أن يكون حكر على منتدى واحد فقط او منتديين فأراه فيهو إجحاف لبقية الأعضاء ولا شنو :cool:

[بت أم درمان]

[FONT=Georgia][SIZE=5]ولكن أن يكون حكر على منتدى واحد فقط او منتديين فأراه فيهو إجحاف لبقية الأعضاء ولا شنو :cool:

ما ولا شنو ولا حاجة :rolleyes:

بالنسبة للأوسمة بتكون تابعة لي بوست معين وفكرة معينة
يعني وسام المنتدى العام تابع
لبوست نجم الشهر اللي هو اساس فكرته الموضوع البكون مميز في هذا الشهر

وكمان مثال وسام التميز في المنتدى الثقافي
تابع لبوست الموضوع المميز في المنتدى الثقافي

يعني مشرفي اي قسم داخل المنتديات من حقهم ابتداع افكار
ومن خلالها يطالبو بي اوسمة تتبع الفكرة دي
لذلك الاوسمة بتكون محصورة

اما فكرتك انتِ
والعجبتني طبعا
وسام العضو المميز مثلا
دا بكون عام وبكون من الادارة :)

[التيمان]

شفتو ريمون دي من قالت ليك عندي عنكم خبركده بقيت اتزاق منها
ومن جابت لي سيره اشرف وسلطات بقيت اتوقوش

[التيمان]

مايسه وبنت ام در
البعجبني فيكم بتقروني سريع كيف ؟؟
اها كدي نشوف راي الناس دي شنو؟

[ريمون]

شفتو ريمون دي من قالت ليك عندي عنكم خبركده بقيت اتزاق منها
ومن جابت لي سيره اشرف وسلطات بقيت اتوقوش
الفي قلبو حرقص .. وش بري براءءءءءه !!!

[التيمان]

الفي قلبو حرقص .. وش بري براءءءءءه !!!

ههههههه
ياخ انا لي يومين برقص كدي وريني الشماره في راسله خاصه
حاسي اني بعرفك ..
والوش البري مرجع ليك

[مولانا جلال]

يا التيمان انا زعلان منكم كل ما اعلق على حاجة ليكم مابتردو على، اكون جلدتكم فى النظام العام

[التيمان]

هههههههههه ماجلدتنا بس انت قريت الجكس فى ابن خلدون وكان بتطردنا ما بتخلينا نعاين

[مولانا جلال]

هههههههههه ماجلدتنا بس انت قريت الجكس فى ابن خلدون وكان بتطردنا ما بتخلينا نعاين

والله يا التيمان اول مرة افتح المنتدى اضحك لحدى ما دموعى كبن شوووو ، وبالمناسبة انا عاوز اقعد معاكم فى عيزومة خاصة حددو الزمان والمكان ، عشان نحدد شنو البفتو فى المنتدى وشنو البدسو ـ والله قطعتو مصارينى من الضحك ، انا جادى فى موضوع العيزومة دى

[ريمون]

يا التيمان .. الدرجه عصاري عصاري وامسيات امسيات ..
دي شففوني ليها ..

[ايمن عبد الله]

بختكم يا التومكس عزومة ملح .. نظير سكاتكم .. لسانكم الطويل ده ..

غايتو انا لو في محل الادارة بعمل وسام خاص ليك انت ومطاميرو وخالد وما يدو لي زول غيركم .. رايكم شنو .. نقوم نقرأ لي ابوبكر ولا كيف ؟

[التيمان]

يازوووووووووول ابشر تب والجكس علينا

[مولانا جلال]

بختكم يا التومكس عزومة ملح .. نظير سكاتكم .. لسانكم الطويل ده ..

غايتو انا لو في محل الادارة بعمل وسام خاص ليك انت ومطاميرو وخالد وما يدو لي زول غيركم .. رايكم شنو .. نقوم نقرأ لي ابوبكر ولا كيف ؟

يا ايمن انا ماعارف معاييرالاختيار شنو لكن انا متابع التيمان من دخلت المنتدى وهم بيستحقوا وسام ومنى انا وسام رمانة المنتدى التيمان والعيزومة حقتى جزء من الجائزة اوع تفسر تفسير ثانى

[التيمان]

يا التيمان .. الدرجه عصاري عصاري وامسيات امسيات ..
دي شففوني ليها ..

ريمون يختي انا ماقلت ليك كدي تعالي عديل والله ما بتجيك شي

[التيمان]

وهم بيستحقوا وسام ومنى انا وسام رمانة المنتدى التيمان والعيزومة حقتى جزء من الجائزة اوع تفسر تفسير ثانى
علي الطلاق كلامك ده براهو وسااام
ونختو في صدرنا ونخوجج بيهو في البلد
بس لو ختيت لينا رقمك لو احتجنا لي ضمانه ولا شي نجي نصحيك بليل هههههه

[التيمان]

بختكم يا التومكس عزومة ملح .. نظير سكاتكم .. لسانكم الطويل ده ..


اللهم لا حسد يااخ
حاجات زي دي حقو نتداوله في الخاص تصدق يا مولانا

[ايمن عبد الله]

كدي هسة رجعو لينا التوقيع القديم .. وبعدين نتفاهم .. اشتقنا للاغنية ياخ ..


هي اسمها شنو ؟

[مولانا جلال]

علي الطلاق كلامك ده براهو وسااام
ونختو في صدرنا ونخوجج بيهو في البلد
بس لو ختيت لينا رقمك لو احتجنا لي ضمانه ولا شي نجي نصحيك بليل هههههه
رقمى 0912911511ـــــــ 0925921205

[التيمان]

الجكس مايشيل الرقم

كمان عامل اريبا للجكس يا شقى

[مولانا جلال]

الجكس مايشيل الرقم

كمان عامل اريبا للجكس يا شقى
انا راى احول ليكم حق العيزومة رصيد رسلوا لى ارقام هواتفكم ولو خائفين من الجكس رسلوها برسالة خاصة