التوقيع

[ريمون]

منذ ان شاركت لأول مره في المنتدي وهناك هاجس يملؤني .. التوقيع ..
كنت اتابع مشاركات الأعضاء بشغف واهتم كثيرا لتواقيعهم .. اعتقد ان كل توقيع يعبر عن شخصية صاحبه .. تجد البعض يضع كلمات عامه لا تتبين منها شئ ..تجد آخرون يضعون اكثر من معني .. وايضا تجد من يضع شئيا يجعلك تصل اليه مباشرةً .. اعرف الآخرين من خلال تواقيعهم ..
في وقت ما كنت اكتب عباره احسست بها واعجبتني بشده (إن بقت السكة الماشه طشاش ما تبقي السكة الجاية ضهب ) ورفعتها شعاراً في حياتي .. وفي مرحله آخري من مراحل حياتي كتبت (كيف الوصول ومن وين الطريق ؟؟؟) .. لكني الآن انتهيت من كل هذا واعيش مرحله آخري في حياتي لكني لا استطيع التعبير عنها .. اتمني ان استطيع الرؤية بوضوح يجعلني اكتب توقيعي ..

[ايمن عبد الله]

تسلمي يا ريمون على الموضوع ..

لكن انتي عارفة انا كذا مرة سألت نفسي قلت ريمون دي مشاركاتها كويسة ونشطة .. لكن عندها عيبين .. ما عندها توقيع .. وما بتغير الخط واللون ..




يلا دي دعوة عشان تهتمي بالحاجتين ديل ..
التوقيع في نظري يجمل المشاركة (مجرد رأي ) وكذلك تلوين الخط ياحبذا لو استخدمتي خط واحد ولون واحد في كل مشاركاتك (برضو مجرد رأي)

[ريمون]

والله يا ايمن زي الوقعت لي في جرح ..مره لقيت الملكه كاتبه بوست بتتكلم عن الصفحه ومشاكل الكتابه فيها وراح مني بعد داك ..
المهم كل ما احاول اعمل تنسيق ادخل لي في مشاكل لا اول لها ولا اخر لما قررت اكتب سليقه ساي بالافتراضي ..
انت عارف مره دخلت في مشاكل يقول لي انت غير مسجل الدخول وانا داخله ..بس النفعني حبه الكمبيوتر الفي الراس ..
وكمان اقول ليك مبالغه شكل المنتدي في جهاز المكتب بالنهار يختلف عن شكلو في اللابتوب البدخل بيه في البيت المساء ..
غايتو معليش هبشتني براك وانا ما صدقت .. فشيت روحي !!
وبالنسبه للتوقيع كلامك صاح بس لازم يجي من جواي ويعبر عن حاجاتي ..وهنا تكمن المشكله !!

[ايمن عبد الله]

والله يا ريمون ما عارف لكن المنتدى فيهو امكانيات كبيرة برضو ما معروفة للكل الواحد ما محتاج كثير عشان اتعلمها ومن هنا انا طلعت لي فكرة نخلي ناس قسم الكمبيوتر يختو بوست تعليمي لاستخدام ادوات المنتدى مثل الخطوط والالوان واي فنيات اخرى واي عضو عارف شي يجي يشارك يفيد بيه بقية الناس لانه في ناس كتار رايحة ليهم حاجات كثيرة اي واحد يكتب مشكلته مع المنتدى والسناير يجو يورو الحل ..

نشوف ابو النور بكرة بقول شنو .. ولا رأيك شنو ؟


بالنسبة للتوقيع .. اكيد لازم ينبع من جواك .. غايتو ح ننتظر توقيعك ده بفارغ الصبر .. عشان كده كبري التوقيع ..:cool:

[الملكة اسماء ( ام محمد )]

.مره لقيت الملكه كاتبه بوست بتتكلم عن الصفحه ومشاكل الكتابه فيها !!
وكتبنا
وايدينا وجعتنا
وكوركنا
يااااااادمن
اغثنا وانقذنا

وعشت وناديت حيا ولا حياة لمن انادي


تخريمة: ماتحمر لي انا بس بحاول ابين للشعب اني اناضل من اجلهم واستميت لاجل التغيير المنشود

[ريمون]

نحن عملنا اصلا في مجال الحاسوب لكن فنيات العمل في صفحات النت دي شغل كبير ومهم ويكتسب بالممارسه كتير .. ناس العلم فيهو بسيطين .. كان ابو النور ابا يورينا نجيب خواجاته ..

[ريمون]

الملكه الحاضره دوما ..لكي التحيه والأجلال ..
عارفه حاجه .. نفسي موت اقرب منك واتعرف بيك ..

[الملكة اسماء ( ام محمد )]

الملكه الحاضره دوما ..لكي التحيه والأجلال ..
عارفه حاجه .. نفسي موت اقرب منك واتعرف بيك ..\
بس كدا ياقمر
مااالك حسستيني اني قاعدة في عرش بلقيس
حبابك وحياك الف و200 و في كل الاوقات ياعسل

[ريمون]

عرفنا الألف ال200 دي زياده خير ؟؟

[الملكة اسماء ( ام محمد )]

عرفنا الألف ال200 دي زياده خير ؟؟
لا ياخي لزوم القافية وكدا
عشان لو فكرتي تلحنيها تظبط معاكي هههههههه

[ساريه]

نحن عملنا اصلا في مجال الحاسوب لكن فنيات العمل في صفحات النت دي شغل كبير ومهم ويكتسب بالممارسه كتير .. ناس العلم فيهو بسيطين .. كان ابو النور ابا يورينا نجيب خواجاته ..

خليك من ابو النور وخليك من الخواجات وتعالى انا بوريك ......
دى طبعا اسمها (جر رجل يعنى كراع ) ....
نحن ذاتنا كايسين سبب ولقيناهو .....
همسه ... انت فى الحالتين احلى .....

[ايمن عبد الله]

نحن عملنا اصلا في مجال الحاسوب لكن فنيات العمل في صفحات النت دي شغل كبير ومهم ويكتسب بالممارسه كتير .. ناس العلم فيهو بسيطين .. كان ابو النور ابا يورينا نجيب خواجاته ..

أكيد بالممارسة كل شي ممكن يتم .. وزي ماقالوا مافي زول بعرف اي شي في النت والحاسب .. فالكل يعرف القليل من هذا البحر الواسع .. وحتى مصممي مايكروسوفت لا يعلمون بكل خفايا الويندوز والبرامج لان الويندوز نفسه يعده اكثر من مهندس كل واحد له تخصص معين في الويندوز نفسه ولا احد يعلم شيئاً عن عمل الثاني ..
وممكن تلقي مهندس كمبيوتر يجيد عمل الصيانة بكل احترافية لكنه لا يستطيع ان يتعامل مع برامج اخرى .. لذلك لازم الناس تاخد شوية من خبرات البعض في كل امور الحاسب والانترنت ..

[التيمان]

انت ما تقولي يا التيمان عاجبني توقيعكم البغني براهو ..

وعايزه لى توقيع زيو لكن خجلانه ما تخجلي قولي

ولي عوده

[ايمن عبد الله]

التيمان : المشكلة مافي الغنية : المشكلة في الخطوط البتمشي وتجي دي ..

[ريمون]

شكرا ليكم للمساعده .. مشكلتي كانت بسيطه وحليتها مع ساريه مشكوره .. وكمان المشكله لما تكتب بتلقي اسم التنسيق في نص الكلمات وبالذات لما تكون عاوز تنسق بعض الكلمات بصوره خاصه .. يطلع مزاجك من الكتابه .. لو امكن اسم التنسيق ما يظهر يكون اريح ..

[ريمون]

توقيعك يا التيمان جميل وبعبر عنكم .. انا ما بعرفكم شخصيا لكن شخصيتكم واضحه قدامي .. شكراً للمرور

[ريمون]

رايك شنو يا ايمن في اللون ده ..؟؟؟

[التيمان]

التيمان : المشكلة مافي الغنية : المشكلة في الخطوط البتمشي وتجي دي ..

اكان عندي برنامج السويتش وعرفت ختيت الغنيه والصوره .. بس اكتب تحميل ملفات مفتوحه للسويتش ماكس ..
ومتع نفسك ..
جيب حق الملعومه كاش بالله :)

[التيمان]

توقيعك يا التيمان جميل وبعبر عنكم .. انا ما بعرفكم شخصيا لكن شخصيتكم واضحه قدامي .. شكراً للمرور
ياخ تسلمي لينا انت ..
وكفايه علينا طلتك البهيه في المنتدي ..
وما مشكله مصيروا نتلاقي ونتعرف ..

[التيمان]

رايك شنو يا ايمن في اللون ده ..؟؟؟

بنفسجي ونفسك تجي ...
رجعتني سنتين لي وري في المنتدي ده
ايمن قصه البنفسجي اوعي يكون نفس قصتنا عشان المشاكل وكده

[ابوالنور]

والله يا ريمون ما عارف لكن المنتدى فيهو امكانيات كبيرة برضو ما معروفة للكل الواحد ما محتاج كثير عشان اتعلمها ومن هنا انا طلعت لي فكرة نخلي ناس قسم الكمبيوتر يختو بوست تعليمي لاستخدام ادوات المنتدى مثل الخطوط والالوان واي فنيات اخرى واي عضو عارف شي يجي يشارك يفيد بيه بقية الناس لانه في ناس كتار رايحة ليهم حاجات كثيرة اي واحد يكتب مشكلته مع المنتدى والسناير يجو يورو الحل ..

نشوف ابو النور بكرة بقول شنو .. ولا رأيك شنو ؟


بالنسبة للتوقيع .. اكيد لازم ينبع من جواك .. غايتو ح ننتظر توقيعك ده بفارغ الصبر .. عشان كده كبري التوقيع ..:cool:


نحن عملنا اصلا في مجال الحاسوب لكن فنيات العمل في صفحات النت دي شغل كبير ومهم ويكتسب بالممارسه كتير .. ناس العلم فيهو بسيطين .. كان ابو النور ابا يورينا نجيب خواجاته ..


الملكه الحاضره دوما ..لكي التحيه والأجلال ..
عارفه حاجه .. نفسي موت اقرب منك واتعرف بيك ..



خليك من ابو النور وخليك من الخواجات وتعالى انا بوريك ......
دى طبعا اسمها (جر رجل يعنى كراع ) ....
نحن ذاتنا كايسين سبب ولقيناهو .....
همسه ... انت فى الحالتين احلى .....


شكرا ليكم للمساعده .. مشكلتي كانت بسيطه وحليتها مع ساريه مشكوره .. وكمان المشكله لما تكتب بتلقي اسم التنسيق في نص الكلمات وبالذات لما تكون عاوز تنسق بعض الكلمات بصوره خاصه .. يطلع مزاجك من الكتابه .. لو امكن اسم التنسيق ما يظهر يكون اريح ..
يعني انتهيت من حتت التنسيق مع سارية انا بعد كده اقوم اشوف ليك ربط للسكة الماشة والسكة الجاية
والطريق التايه
افطر واجيك نشوف استوب للطرق دي
قال توقيع قال

[ايمن عبد الله]

ابو النور .. بعد الاقتباسات الكثيرة دي ولسة مافطرت يعني كان فطرت كان سويت شنو بالله يا خواجة ..

[ايمن عبد الله]

بنفسجي ونفسك تجي ...
رجعتني سنتين لي وري في المنتدي ده
ايمن قصه البنفسجي اوعي يكون نفس قصتنا عشان المشاكل وكده


كدي النسأل المسافر ومطمورة وارجع بالرد

[ايمن عبد الله]

رايك شنو يا ايمن في اللون ده ..؟؟؟


اللون حلو والله بس كبري الخط عشان في ناس عندهم بعد نظر ..

[ايمن عبد الله]

اكان عندي برنامج السويتش وعرفت ختيت الغنيه والصوره .. بس اكتب تحميل ملفات مفتوحه للسويتش ماكس ..
ومتع نفسك ..
جيب حق الملعومه كاش بالله :)



دقست يا خوي كان تقول كده قبل ما تقول المعلومة .. هسة بقت ملح ساااي

[التيمان]

كدي النسأل المسافر ومطمورة وارجع بالرد

اها قالو شنو انا اعصابي ما مستحمله يااخ

دقست يا خوي كان تقول كده قبل ما تقول المعلومة .. هسة بقت ملح ساااي

نحن تانى يمرقنا الله من موضوع البت
شكلو عامل لينا فيهو بخور والفنا وما تخالفنا

[ريمون]

اها قالو شنو انا اعصابي ما مستحمله يااخ


نحن تانى يمرقنا الله من موضوع البت
شكلو عامل لينا فيهو بخور والفنا وما تخالفنا
بخور ناس الدرجه ما بتعرفو ؟؟

[ريمون]

بنفسجي ونفسك تجي ...
رجعتني سنتين لي وري في المنتدي ده
ايمن قصه البنفسجي اوعي يكون نفس قصتنا عشان المشاكل وكده
حلو القول في خشم سيدو .. ورونا قصتكم دي امكن نشفها ..

[ريمون]

يعني انتهيت من حتت التنسيق مع سارية انا بعد كده اقوم اشوف ليك ربط للسكة الماشة والسكة الجاية
والطريق التايه
افطر واجيك نشوف استوب للطرق دي
قال توقيع قال
مشكور ياخ بس وريني الفطور اللي هسه ده وين عشان شكلو كارب ..سؤال برئ ..الخواجات معاك في الفطور ؟؟؟
بالجنبه كده .. سككي بقدر عليها .. البحلك من عيون الناس الفي الخواجات شنو

[ريمون]

اللون حلو والله بس كبري الخط عشان في ناس عندهم بعد نظر ..
مداخلاتك اسعدتني وعملت بيها ..شكراً كتير ..نردها ليك في الأفراح اقصد البوستات ..

[التيمان]

بخور ناس الدرجه ما بتعرفو ؟؟

انا شامي ريحه حاجه اتفت فت تقييييييل ..
لكن جبتي التايها واهو خطفها الغراب
خلو خشمنا ملح ملح
لكن اهو اخير الملح من عدموو

لو القول في خشم سيدو .. ورونا قصتكم دي امكن نشفها ..
دي قصه ما بتحنكي ولا بتنسمع
قصه ..
نانسي وناندى وشيماء ولمياء ْ وحوراء وكفا
من وين! من لندن جينا امس راجعين باكر زي ها الحظات
من الطايف والمنشية ومدينة النيل وبنوت راقيات
طيبات طيبة وكل كليمة معاها ضحيكة
ونضاااف ورهااااف زي اللعبات
واحدتاٌ فيهن سمحة سماح لكن مي طاعمة
وانا زول مستغرب في حاجات
انا زول اسراني سماحتاً كاسيا
بنت البلد الهاديه وراسية وضميرا الحي التب مامات
فهمت شي


الخواجات معاك في الفطور ؟؟؟
هههه والله قبيل جيت الدكان لقيت الخواجات منوره تحلف لمبه قلوز كبيره
كويس ما نزلت كان اشتريت لي رام

[ايمن عبد الله]

مداخلاتك اسعدتني وعملت بيها ..شكراً كتير ..نردها ليك في الأفراح اقصد البوستات ..

تسلمي يا ريمون .. ..

[ايمن عبد الله]

اها قالو شنو انا اعصابي ما مستحمله يااخ


نحن تانى يمرقنا الله من موضوع البت
شكلو عامل لينا فيهو بخور والفنا وما تخالفنا

انكروا عديل كده ناس مطمورة والمسافر اها رايكم شنو مش ديل ياهم رفقاء السؤ رفقاء الدرب والسلاح ...


والله شكلكم نشبتوا نشبة في البوست ده .. اييييك ده بخور قوي يا شيخنا ..

تخريمة : اخير التوقيع القديم

[ريمون]

شماركم ما عندي يا التيمان .. لكن عندي معاكم قصه لطيفه بحكيها ليكم مره تانيه .. والشمار بجيبوا ..
يا ايمن الفكي بالله ما كااااار ب ..

[ايمن عبد الله]

والله يا ريمون ده فكي لمن غلت .. بالله اديني اميلو ياريمون ..:cool:

[ريمون]

ده فكي مخصوص .. لكن غايتو كان كلمتني عاوز شنو بكلمو ليك ..علي رأيهم ( وش برئ براءه ) ..

[ايمن عبد الله]

ده فكي مخصوص .. لكن غايتو كان كلمتني عاوز شنو بكلمو ليك ..علي رأيهم ( وش برئ براءه ) ..

لا لا حاجة خاسة .. اقولا ليك كمان اجي ود المطامير يشوفها تبقى مشكلة كبيرة :confused:

[محمد الجزولى]

يا ريمون ياخ انا تهت
البوست ده عن التوقيع ودلالاته ولا عن طريقة رفع التوقيع من الاستايل ...
تحياتي ريمون..

[ريمون]

يا ريمون ياخ انا تهت
البوست ده عن التوقيع ودلالاته ولا عن طريقة رفع التوقيع من الاستايل ...
تحياتي ريمون..

عن التوقيع ودلالاته وخصوصيته .. لكن الونسه جرت شويه ..

[ايمن عبد الله]

والله جرت جر الونسة .. خلاص يا ريمون انسي الفكي وارجعي لمضمون البوست .. وبالمناسبة دي ود الجزولي عندو بوست مميز عن التوقيع اتمنى انك تتطلعي عليه .. اسمه من وحي التواقيع .. على ما اذكر .. بفتشو ليكم هسة بجيب الرابط .

[ايمن عبد الله]

بعد جهد جهيد جبت ليكم الرابط .. الخاص بالبوست الذي ذكرته بعاليه ..

من وحي التواقيع (http://wadmadani.com/vb/showthread.php?33569-مــن-وحــى-التـواقــيع)
الكاتب الرائع : محمد الجزولي .

أضغط هنـــــا (http://wadmadani.com/vb/showthread.php?33569-مــن-وحــى-التـواقــيع)

[ريمون]

شكرا يا ايمن ..

[ايمن عبد الله]

شكرا يا ايمن ..

عفواً يا ريمون .. اي بوست رايح ليك .. ما تتردي .. قاعدين للتفتيش !!

[ريمون]

شكرا تاني بعد قريت البوست ..
وشكرا للفنان محمد الجزولي .. استمتعت كتير بالبوست ..

[مولانا جلال]

التوقيع انعكاس لمرحلة معينة وواقع معين تعيش فية ، ولاضير من تغير التوقيع احيانا ليتناسب مع المرحلة الى تعيشها

[ايمن عبد الله]

التوقيع انعكاس لمرحلة معينة وواقع معين تعيش فية ، ولاضير من تغير التوقيع احيانا ليتناسب مع المرحلة الى تعيشها

يعني مثلاً انت الان في مرحلة محكمة .. وبعد ما الجلسة تنتهى والمتهم يطلع بري حتى يثبت جرمه وادانته .. ممكن جداً بعد كم يوم نلقى توقيعك مكتوب فيهو (وصلت شندي) او (فريق السرور يا النسور) او (سدو الباب يا اتحاد) وهلمجرا

[ريمون]

التوقيع انعكاس لمرحلة معينة وواقع معين تعيش فية ، ولاضير من تغير التوقيع احيانا ليتناسب مع المرحلة الى تعيشها
نفهم يعني من توقيعك انك في مرحله ( العمل اهم مافي حياتي )
شكرا للمرور ..

[ريمون]

يعني مثلاً انت الان في مرحلة محكمة .. وبعد ما الجلسة تنتهى والمتهم يطلع بري حتى يثبت جرمه وادانته .. ممكن جداً بعد كم يوم نلقى توقيعك مكتوب فيهو (وصلت شندي) او (فريق السرور يا النسور) او (سدو الباب يا اتحاد) وهلمجرا
ايمن المتابع دوما .. الله يخليك ..

[مولانا جلال]

والله يا ايمن وريمون توقيعى مقيدنى شديد ، مرات بكون عاوز اتفتح فى روبش القى التوقيع واقف لى الف احمر ، انا عاوز اقول بخصوص المرحلة انو المرحلة البقصدة هى المرحلة العمرية والمهنية ، اناخليت القضائية منذ ست سنوات لكن لو ماقلت مولانا جلال مافى زول بيعرفنى ، لو ركبت مؤتر اجد التعنيف من الاخوة والزملاء، العمل شنو ،اجى اعمل توقيعى مثلا (لقيتو واقف منتظر ) ولا (عويناتك ترع لؤلى وبحار ياقوت )، عشان كده قلت انو كثير من الاشياء تتحكم فى التوقيع

[مصطفى هاتريك]

يعني مثلاً انت الان في مرحلة محكمة .. وبعد ما الجلسة تنتهى والمتهم يطلع بري حتى يثبت جرمه وادانته .. ممكن جداً بعد كم يوم نلقى توقيعك مكتوب فيهو (وصلت شندي) او (فريق السرور يا النسور) او (سدو الباب يا اتحاد) وهلمجرا

أو ( بلا مريخ بلا بطيخ )

[ريمون]

والله يا ايمن وريمون توقيعى مقيدنى شديد ، مرات بكون عاوز اتفتح فى روبش القى التوقيع واقف لى الف احمر ، انا عاوز اقول بخصوص المرحلة انو المرحلة البقصدة هى المرحلة العمرية والمهنية ، اناخليت القضائية منذ ست سنوات لكن لو ماقلت مولانا جلال مافى زول بيعرفنى ، لو ركبت مؤتر اجد التعنيف من الاخوة والزملاء، العمل شنو ،اجى اعمل توقيعى مثلا (لقيتو واقف منتظر ) ولا (عويناتك ترع لؤلى وبحار ياقوت )، عشان كده قلت انو كثير من الاشياء تتحكم فى التوقيع
بالضبط هو ده التوقيع الحقيقي البدل علي صاحبه .. تسلم ..

[ريمون]

أو ( بلا مريخ بلا بطيخ )
الله علي البطيخ ..
معليش يا هاتريك ..

[ايمن عبد الله]

والله يا ايمن وريمون توقيعى مقيدنى شديد ، مرات بكون عاوز اتفتح فى روبش القى التوقيع واقف لى الف احمر ، انا عاوز اقول بخصوص المرحلة انو المرحلة البقصدة هى المرحلة العمرية والمهنية ، اناخليت القضائية منذ ست سنوات لكن لو ماقلت مولانا جلال مافى زول بيعرفنى ، لو ركبت مؤتر اجد التعنيف من الاخوة والزملاء، العمل شنو ،اجى اعمل توقيعى مثلا (لقيتو واقف منتظر ) ولا (عويناتك ترع لؤلى وبحار ياقوت )، عشان كده قلت انو كثير من الاشياء تتحكم فى التوقيع

تسلم يا مولانا جلال ..

اسمعني .. !

أو

أقرأ ::

روبش ده ماعليك منو خلي يلف على قدر ما يقدر خسوساً يوم السب ::

[ايمن عبد الله]

أو ( بلا مريخ بلا بطيخ )

بالمناسبة التوقيع ده جلس يوم واحد بس !!

وكنت زعلان من موسى الزومة .

لكن بعد داك استعدلت وراسي جاء ..


واوعدك ياهاتريك انه يوم السب .. ح يكون توقيعي ::

بلا هلال بلا ريال .. :