نحـن و المواعـيد و المجاملة

[مصطفى هاتريك]

نحن .. والمواعيد ,, والمجاملة

كنت على موعد غاية في الأهمية وفات موعد الاعتذار وداهمك ضيوف يعاودونك بعد غيبة ...
كيف تتصرف هل تلغي موعدك دون اعتذار أم تعتذر لضيوفك القادمين دون موعد وتغادر ..
معادلة صعبة فنحن شعب (( عرفي )) التكوين .. المواعيد و خلفها عندنا سيان لا نحسن أدب الزيارة ولا الاستئذان ..
رغم أن ديننا الحنيف جاء مهذبا و حاضا على آداب الزيارة والاستئذان إلا أننا لا ننفك نركن إلى العادة و العرف .
إخواني في الإدمان و أخواتي والعهدة في صفة الإدمان على (( ريمون ))
هل أنت حريص و ملتزم بمواعيدك ؟؟؟ و هل تجيد ثقافة الاعتذار إذا كنت و لابد مخلف موعدك ؟؟؟؟؟أم عفوا أنت سوداني ؟؟؟

وكما يقول ود سمير حتما سنلتقي

[ودسمير]

اخى ابو الدرش ..
كده اولا خلينا ندخل عشرات البيوت السودانيه وننظر الى ساعة الحائط (اذا كانت موجوده) فهل تعمل ام محتاجة (حجار)؟!!
الزمن واحترامه تقاس به الدول المتطوره ..
نحن فى السودان للاسف لا نعرف الزمن ولا قيمته ومن يقول غير ذلك فليرمنى ب (طوبه ) ..
اضحكنى وابكانى احدهم عندما سمعته يقول : غريبه عيد رمضان جانا على غفله !!وما عملنا حسابنا !
عن الزياره والاستئذان فحدث ولا حرج ! طرق الباب فى اى وقت والغريبه مرااات الواحد يدخل البيت حتى (خط سته ) وبعد داك يصفق !!
ديننا الحنيف لم يترك لنا شئ ولكننا تركنا كل شئ !
قال احدهم لرسول الله (ص) ااستئذن على امى ؟ فرد عليه معلم الامه (ص) اتحب ان تراها عريانه ؟ فقال له الرجل لا فقال النبى (ص) اذن فاستئذن .
أما ثقافة الاعتذار فنحتاج زمن لنتعلم !

واحد مسطول محتار : مواعد واحده الساعه اتنين ولا اتنين الساعه واحده .... وزمن ياااااااا

[محمد عبد الله عبدالقادر]

العزيز هاتريك

اشتهرنا في السودان بعدم احترام المواعيد او اخبار من نود زيارتهم بذلك والذي يتغير في الغربه لسودانين الغربه اذاً اين المشكله في السودان ولا في الناس الفي السودان

[محمد عبد الله عبدالقادر]

كده اولا خلينا ندخل عشرات البيوت السودانيه وننظر الى ساعة الحائط (اذا كانت موجوده) فهل تعمل ام محتاجة (حجار)؟!!


ود سمير سلامات

والله ملاحظه حقيقة فعلاً وبديت اتذكر الساعات المعلقه في بيتنا في مدني تقريباً كلها اشكال وديكور بس

[بدرالدين أحمد موسى]

نحن .. والمواعيد ,, والمجاملة

كنت على موعد غاية في الأهمية وفات موعد الاعتذار وداهمك ضيوف يعاودونك بعد غيبة ...
كيف تتصرف هل تلغي موعدك دون اعتذار أم تعتذر لضيوفك القادمين دون موعد وتغادر ..
معادلة صعبة فنحن شعب (( عرفي )) التكوين .. المواعيد و خلفها عندنا سيان لا نحسن أدب الزيارة ولا الاستئذان ..
رغم أن ديننا الحنيف جاء مهذبا و حاضا على آداب الزيارة والاستئذان إلا أننا لا ننفك نركن إلى العادة و العرف .
إخواني في الإدمان و أخواتي والعهدة في صفة الإدمان على (( ريمون ))
هل أنت حريص و ملتزم بمواعيدك ؟؟؟ و هل تجيد ثقافة الاعتذار إذا كنت و لابد مخلف موعدك ؟؟؟؟؟أم عفوا أنت سوداني ؟؟؟

وكما يقول ود سمير حتما سنلتقي


يا شيخ مصطفى كدى قبال أديك رأيى و الذى أعتبره شخصى لأنى كذلك .. خلينى أحكى ليك واقعة حدثت بالرياض فى رمضان و عند موعد الإفطار .

أخونا فلان .. معزوم فطور مع جماعة حنث معهم وعدا سابقا بسبب مداهمة الضيوف .. و فى اليوم الموعود .. و هو بيفتح فى الباب عشان يطلع و يحصل الفطور .. جوهو إتنين ( عزابة) من قرايبه .. قال ليهم .. و الله يا جماعة أنا ماشى لى (قريبنا) فلان .. يلا نمشى ليهو سوا .. الجماعه رفضوا بحجة إنهم ( ما معزومين) .. قال ليهم طيب أدخلوا البيت و جهزوا ليكم فطور البيت بيتكم .. قالوا ليهوا .. لا ياخ .. نحن بنمشى لى فلتكان بنفطر معاه.. ودعهم و انصرف.

بعد شهر و زيادة جات والدته ( الله يرحمها) من السودان زيارة .. فى المطار لاحظ إنه سلام الوالده ما ياهو ( زى البامية) .. قال فى نفسه يمكن تكون مرهقة من تعب السفر .. تانى يوم .. نفس الإحساس .. بعد الغداء سأل والدته قال ليها يا حاجة .. إنت مالك متغيرة .. فى حاجة داساها منى .. قالت ليهو يا ولدى ما كان العشم .. يجوك أولاد خالتك فى رمضان تمرق تخلى ليهم البيت !! انتهى !

أنا شخصيا .. إذا كان فى الإمكان الإعتذار فعلت .. و إن كان وقت الإعتذار فات .. فسوف أعتذر للضيوف و أنصرف إلى موعدى المضروب .. كيفما يكون الحال ..لأنى بى صراحة بكون متضايق جدا إذا لم أفعل .

تحياتى

[مدنيّة]

صباحك سوداني يااستاذنا

---------
تصدق لو قلت ليك حاجة!
انا مستحيييييييييييييييييل
امشي لزول "مهما يكون"
من غير ماادق عليه
واقول ليه انا عايزة اجيكم
حتي لو اخوي او اختي
واعزززززززززز صاحباتي
عندي في الحاجة دي فهمين
الاول
احتمال هم يكونوا مرتبطين بموعد اخر مع ناس اخرين
التاني
احتمال بعد مااقطع الفيافي ماالقاهم

---------
لو داهموني ضيوف
صعععععععععععبة
حتي لو مرتبطة بموعد اخر اني اعتذر ليهم
عشان كدا
بدق علي اصحاب الموعد الاخر واعتذر ليهم
انه جوني ضيوف في البيت

-------
موضوع دسم جدا يااستاذنا
عميق شكري

[مصطفى هاتريك]

اخى ابو الدرش ..
كده اولا خلينا ندخل عشرات البيوت السودانيه وننظر الى ساعة الحائط (اذا كانت موجوده) فهل تعمل ام محتاجة (حجار)؟!!
الزمن واحترامه تقاس به الدول المتطوره ..

واحد مسطول محتار : مواعد واحده الساعه اتنين ولا اتنين الساعه واحده .... وزمن ياااااااا


المواعيد لسه حزنانه بتنادي

و الغريب الساعة جنبك تبدو أقصر من دقيقة

وبرضي رجعت متصبر معاي خطواتي راجع البيت

أغالط نفسي في إصرار و أقول إمكن أنا الماجيت

ود سمير ملاحظ شكل المواعيد في غنانا

[مصطفى هاتريك]

العزيز هاتريك

اشتهرنا في السودان بعدم احترام المواعيد او اخبار من نود زيارتهم بذلك والذي يتغير في الغربه لسودانين الغربه اذاً اين المشكله في السودان ولا في الناس الفي السودان


العزيز محمد ما فهمت قصدك

يعني السودانيين في الغربة حريصين و دقيقين في مواعيدهم ولا كيف ؟؟

[مصطفى هاتريك]

بسم الله الرحمن الرحيم

إن الصلاة كانت على المؤمنين كتابا موقوتا

صدق الله العظيم



ود سمير سلامات

والله ملاحظه حقيقة فعلاً وبديت اتذكر الساعات المعلقه في بيتنا في مدني تقريباً كلها اشكال وديكور بس


تصوروا جامعنا في مايو نص فيهو ساعتي حائط و الإتنين واقفات

[مصطفى هاتريك]

يا شيخ مصطفى كدى قبال أديك رأيى و الذى أعتبره شخصى لأنى كذلك .. خلينى أحكى ليك واقعة حدثت بالرياض فى رمضان و عند موعد الإفطار .

أخونا فلان .. معزوم فطور مع جماعة حنث معهم وعدا سابقا بسبب مداهمة الضيوف .. و فى اليوم الموعود .. و هو بيفتح فى الباب عشان يطلع و يحصل الفطور .. جوهو إتنين ( عزابة) من قرايبه .. قال ليهم .. و الله يا جماعة أنا ماشى لى (قريبنا) فلان .. يلا نمشى ليهو سوا .. الجماعه رفضوا بحجة إنهم ( ما معزومين) .. قال ليهم طيب أدخلوا البيت و جهزوا ليكم فطور البيت بيتكم .. قالوا ليهوا .. لا ياخ .. نحن بنمشى لى فلتكان بنفطر معاه.. ودعهم و انصرف.

بعد شهر و زيادة جات والدته ( الله يرحمها) من السودان زيارة .. فى المطار لاحظ إنه سلام الوالده ما ياهو ( زى البامية) .. قال فى نفسه يمكن تكون مرهقة من تعب السفر .. تانى يوم .. نفس الإحساس .. بعد الغداء سأل والدته قال ليها يا حاجة .. إنت مالك متغيرة .. فى حاجة داساها منى .. قالت ليهو يا ولدى ما كان العشم .. يجوك أولاد خالتك فى رمضان تمرق تخلى ليهم البيت !! انتهى !

أنا شخصيا .. إذا كان فى الإمكان الإعتذار فعلت .. و إن كان وقت الإعتذار فات .. فسوف أعتذر للضيوف و أنصرف إلى موعدى المضروب .. كيفما يكون الحال ..لأنى بى صراحة بكون متضايق جدا إذا لم أفعل .

تحياتى

تصور إذا كانت الوالده زعلانه باقي الناس يكونو كيف

عموما أنا بحييك لأنو موقفك هو الصواب و أهلنا قالوا

الزعل ورم بكرة بتفشى

[مصطفى هاتريك]

صباحك سوداني يااستاذنا

---------
تصدق لو قلت ليك حاجة!
انا مستحيييييييييييييييييل
امشي لزول "مهما يكون"
من غير ماادق عليه
واقول ليه انا عايزة اجيكم
حتي لو اخوي او اختي
واعزززززززززز صاحباتي
عندي في الحاجة دي فهمين
الاول
احتمال هم يكونوا مرتبطين بموعد اخر مع ناس اخرين
التاني
احتمال بعد مااقطع الفيافي ماالقاهم

---------
لو داهموني ضيوف
صعععععععععععبة
حتي لو مرتبطة بموعد اخر اني اعتذر ليهم
عشان كدا
بدق علي اصحاب الموعد الاخر واعتذر ليهم
انه جوني ضيوف في البيت

-------
موضوع دسم جدا يااستاذنا
عميق شكري


تحياتي الأخت الصغرى

عارفة لو إستأذنتي رغم أهمية موعدك

حايقولو شنو ...

طغيانه .. ودرهانه .. ومتبوبرة .. و عاملة فيها خواجية

[التيمان]

وكما يقول ود سمير حتما سنلتقي

شكرا لي اتصالك بزين

[مصطفى هاتريك]

شكرا لي اتصالك بزين


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

[محمد عبد الله عبدالقادر]

العزيز محمد ما فهمت قصدك

يعني السودانيين في الغربة حريصين و دقيقين في مواعيدهم ولا كيف ؟؟


ولا كيف
.....................