مستشفى الشرطة بودمدنى

[ودسمير]

به الكماليات الجماليه والطبيه والصحيه والاسعافيه – وبه جماليات داخليه وخارجيه تشرح النفس والصدور فى رؤياها – به غرفا مثاليه بالمتابعه والعمل الدؤوب .
بدواخل معيته درر بشريه وجوهريه وانسانيه تتحلى بالطبع الجميل والخلق النبيل مشربا للمريض وسلسبيل – اناء ينضح بما فيه من جليل الخدمات وسرعة الاهتمامات هو صماما للامن والامان – ومنارة علميه ورسالة صحيه – بل هو شامه وهامه ونقله حضاريه فى غيوم سماء مدنى كما انه منتدى واسعا بعطائه الثر وظلا وظلالا بثماره اليانعه وسنبلة خضراء اريحيه وريحانه كامله وشامله فى هدؤ مساره ونظمه فى مزاياه العنايه المكثفه لراحة القلوب مثالا للتقدم والازدهار والرقى فى حضارة الانسان والاهتمام به وبحياته واسرته هذا المستشفى من مفاخر حضارات مدينة ودمدنى لان على ادارته ابن القبيله والمدينه البار ابن حى البيان سعادة اللواء طبيب مهدى على صالح –علما من اعلامه وهو راعيا على اشرافه العام لادارته القوميه تتحدث الالسن عن سعادته بريحانه مروءته وحسن معاملته ومقابلته وطيبة خاطره واخلاقه وجميل تجاوبه مثال الرحمه الانسانيه صاحب القلب العطوف من سماته سمات المؤمن الصادق المحب لوطنه وابنائه نجدة المريض والشديد يحمل بين احضانه الدافئه هموم المرضى فهو زهرة المستشفى الفواحه وشذاها العاطر ونورها عند الظلام – هو كالنخله لها طلعا نضيد تساقط منه رطبا جنيا وثمرا شهيا- لله دره وظله الله بظله مثال الحب والاعجاب والتقدير والوفاء ، والتحيه منقوله عبر سواعد القويه لاطباء المستشفى الذين هم نجومه وثريا منارته ولافراد الشرطه الذين هم كواكبه وشريات امانه وللعاملين الذين هم شموع اضاءته الذاتيه والمعنويه والروحيه .
دمتم وادامكم الله فخرا لخدمة الوطن ومواطنه حبا وكرما ومروءه وشهامه وقدرة وكفاءه يا ثمرات قلوب الرحمه والانسانيه .

منقول من جريدة الوطن بقلم حمدان محمد حمدان 12/4/2011

[الزبير محمد عبدالفضيل]

جزاءك الله كل خير علي هذا النقل الجيد وجزاء سعادة اللواء كل خير لرعايته هذه المستشفي

[مدنيّة]

النقل خليه يامعتز
الكلام المكتوب دا
فعلا حاصل في المستشفي دي!!

[ودسمير]

والله اكتر من كده ...وانا لم انقل الموضوع الا بعد رايت بام عينى وذلك بعد قمت بزيارة كثير من المرضى ووالدتى كانت ضمنهم .. فعلا مستشفى الشرطة اصبحت رمز فى ودمدنى ... واتمنى ان تسجلى ليها زيارة اذا سنحت لك الفرصه .

[مدنيّة]

والله يامعتز فرحتني من الصباح
انه عندنا مستشفي بالوصف دا

-------
حدد الزيارة دي
بغرض العلاج
ولا بغرض الشوف بث
عشان الاختساس! ):

[خالد أحمد الصول]

لا أريد إحباطك أخي ود سمير ولا إحباط المنتديين
ولكن
نعم هومستشفي مؤسس و كامل الاعداد
نعم هو مستشفي نظيف يسهر علي نظافته عساكر
و لكن للاسف الشديد تنقصه كل الخدمات الصحية
ولم يتمكن من جذب الاطباء المنسوبين لكلية طب الجزيرة
إلا القليل منهم
وصارت زيارة الاختصاصي للمريض تمثل هاجسا مزعجا
فكل ما زارك الاختصاصي ذاد عداد مصروفاتك أكثر من 600 جنيه
ولم ينجح أبدا في إجتذاب كوادر ممتازه

وحتي السيد اللواء طبيب مدير المستشفي فإنهم يقولون دائما
إن الدخول عليه و مقابلته من رابع المستحيلات
إلا إذا كنت علي علاقة معه (كحالتك)
و يقولون أن رده معروف سلفا علي كل المعضلات

[بدرالدين أحمد موسى]

يا شيخ ود سمير خليك من النقل و أسمع تجربتى أنا مع مستشفى الشرطة !!

الوالده أطال الله فى عمرها إحتاجت لعملية .. مشينا مستشفى الشرطة قابلنا أخونا مهدى صالح .. إتكلمنا فى التكاليف .. و قبلنا ( بالمقاولة) .. قلت ليهو يا خى أنا مشيت لدكتور فلان .. قال لى خلاص هو أصلوا بيتعامل معانا و بيعمل عملياتة عندنا ..
قلت ليهو يا خى دكور فلان ده أنا لى يومين ما مر على الوالدة ( فى غرفة خاصة بمستشفى مدنى ) .. شوف لى واحد من دكاترتكم يعمل ليها اللازم .. قال لى تمشى المساء لى دكتور علان فى عيادته تقول ليه إنك عاوز تعمل ليها عملية فى مستشفى الشرطة .. و من غير تطويل ياود سمير .. طلبت منو يتصل بى دكتور فلان اللى لى يومين ما لامى فيه .. و يا للعجب . أجاب على مكالمة دكتور مهدى .. وجاء يوم العملية !!

أول حاجة بعد إقترب انتهاء العملية و نحن فى أقصى حالات القلق .. طلعت لينا رئيسة الممرضات .. قالت لينا جيبو لى ( برطمانية) فاضية .. !!!!
برطمانية شنو يا زولة ؟؟؟ قالت عشان يختوا فيها العينة ..
طيب و أنا هسه أجيب ليكم برطمانية من وين .. قالت لى .. أمشى البقالة القصاد المستشفى .. إشترى ليك منو برطمانية مربى .. فضى المربة و غسل البرطمانية وجيبها !!

و بعد ذلك .. لك أن تعرف أن الملايات من بيتنا ... و العلاج من جيبنا .. و الحقن من جيبنا .. و الدرب من جيبنا .. و حتى الممرضات نصحيهم بالليل عند موعد الجرعة .. وده كله بره المقاولة !!! و كفاية لحد هنا .. عشان الهوا شديد !!

تحياتى

[فدوى الحسن]

يا شيخ ود سمير خليك من النقل و أسمع تجربتى أنا مع مستشفى الشرطة !!

الوالده أطال الله فى عمرها إحتاجت لعملية .. مشينا مستشفى الشرطة قابلنا أخونا مهدى صالح .. إتكلمنا فى التكاليف .. و قبلنا ( بالمقاولة) .. قلت ليهو يا خى أنا مشيت لدكتور فلان .. قال لى خلاص هو أصلوا بيتعامل معانا و بيعمل عملياتة عندنا ..
قلت ليهو يا خى دكور فلان ده أنا لى يومين ما مر على الوالدة ( فى غرفة خاصة بمستشفى مدنى ) .. شوف لى واحد من دكاترتكم يعمل ليها اللازم .. قال لى تمشى المساء لى دكتور علان فى عيادته تقول ليه إنك عاوز تعمل ليها عملية فى مستشفى الشرطة .. و من غير تطويل ياود سمير .. طلبت منو يتصل بى دكتور فلان اللى لى يومين ما لامى فيه .. و يا للعجب . أجاب على مكالمة دكتور مهدى .. وجاء يوم العملية !!

أول حاجة بعد إقترب انتهاء العملية و نحن فى أقصى حالات القلق .. طلعت لينا رئيسة الممرضات .. قالت لينا جيبو لى ( برطمانية) فاضية .. !!!!
برطمانية شنو يا زولة ؟؟؟ قالت عشان يختوا فيها العينة ..
طيب و أنا هسه أجيب ليكم برطمانية من وين .. قالت لى .. أمشى البقالة القصاد المستشفى .. إشترى ليك منو برطمانية مربى .. فضى المربة و غسل البرطمانية وجيبها !!

و بعد ذلك .. لك أن تعرف أن الملايات من بيتنا ... و العلاج من جيبنا .. و الحقن من جيبنا .. و الدرب من جيبنا .. و حتى الممرضات نصحيهم بالليل عند موعد الجرعة .. وده كله بره المقاولة !!! و كفاية لحد هنا .. عشان الهوا شديد !!

تحياتى

كلامك صح 100%
من خلال تجارب ما تجربة واحدة ...

[خالد أحمد الصول]

كلامك صح 100%
من خلال تجارب ما تجربة واحدة ...

إنتي ما خايفة من الهوا البارد يا فدوي مع إنك منسوبة هذا المستشفي
ما خايفة لاحد السببين:
الاول: لانهم ما قاعدين يدخلو النت و ما عندهم علاقة خالص بيهو يعني عندهم أمية تكنولوجية
الثاني: تكوني مشتته منهم

[فدوى الحسن]

إنتي ما خايفة من الهوا البارد يا فدوي مع إنك منسوبة هذا المستشفي
ما خايفة لاحد السببين:
الاول: لانهم ما قاعدين يدخلو النت و ما عندهم علاقة خالص بيهو يعني عندهم أمية تكنولوجية
الثاني: تكوني مشتته منهم
انا لما قلت كلامي ما خايفة من زول والحق ما بتخاف منو ابدا...
لا اولا ولا ثانيا...

[elfatih61]

غايتو كلوا ولا حكاية " البرطمانية " دى ... الله يخلي ليك الوالدة ويديها الصحة والعافية
يا فدوى ..
تحية خاصة جدا جدا للعزيز خالــد الصـــول

[بابكر]

والله أنا أول مره فرحت ,, إنو عندما مستشفى بهذا الجمال ,, لكنى كنت شاكى فى الموضوع , للاسف !!!
أنا أعمل بمستشفى باالمملكه , يعد من أجمل وأفحم المستشفيات , ورغم ذلك بنى مستشفى جديد أحدث منه , رحلنا إليه , وهجر الاول ,

http://a4.sphotos.ak.fbcdn.net/hphotos-ak-snc4/156675_1770611544874_1226791646_2044505_7471376_n. jpg