النيمه

[عثمان جلالة]

قال لي صديقي، حينما صادفته على حين غفلة من الزمن، ومن سحابة الغربة التي حجبت عنا شمس الصفاء والنقاء والضحكات البريئة

تعرف يا حبيب؟ ما أفتقده وبشده الأن ... هو تلك "النيمة" الصغيرة ... تلك الشجرة التي كنت أناجيها يوميا .. أحكي لها هموم يومي المضني .. أشكي لها جوعي .. وهواني على أصحاب الوظائف أثناء رحلة البحث غير المجدي عن عمل ... نعم كانت تسمعني وتفهمني وتشد على ساعدي .. تمنحي بعضا من أمل ... وهي تتمايل في طرب من وجودي معها أو من نسمه هواء عابر.

كنت أنبه الرجل الطيب النحيل الذي يسقيها يوميا .. في حال نسى ذلك في يوم من الأيام .. وأقوم رغم نظرات المارة وتأففهم.. بتنظيفها من مخلفات البشر وفضلاتهم.

وها أنا ذا ... أرتب أفكاري ، جواز سفري .. وأحاسيسي المضطربة في رحلة البحث عن وطن ... وثق أنني لن أبحث عنه في صالة الوصول بالمطار .. أو سرعة اجراءات رجال الجمارك والجوازات أو في البنية التحتية للطرق أو في الإبتسامة التي تعلو الوجوه السمراء .. سأبحث عنه في حضرته تلك "النيمه" .. وكل ما أخشاه يا صديقي أن أجدها وقد جارت عليها يد الزمان .. كم أشتاق إليها لأضمها بين يدي لوقت طويل ... علها تروي بعض ما في من شوق!!!!

نظرت إلى صديقي في دهشة وقلت له بتعجب وسخرية:

إنت يا زول بتحب النيمه دي ولا شنو؟؟

قال لي ووجه مضيء وعيناه مغمضتان

نعم أحبها .. لأنها .. كانت في يوم ما تستقبل معي حبيبتي .... مضت حبيبتي ولم تعاود مكان لقائنا ... بينما ظلت النيمه وفيه وحاضره وتسرد كل يوم تفاصيل المكان مواعيد اللقاء.

كل الود،،،،

[مدنيّة]

كدي ما تكشف لينا تفاصيل اللقاء دي
واعتبرنا احنا زاتنا نيمة ياابوها ):

--------
منور والله

[عثمان جلالة]

كدي ما تكشف لينا تفاصيل اللقاء دي
واعتبرنا احنا زاتنا نيمة ياابوها ):

--------
منور والله

هههههههه .. منور المكان دائما بوجودك والله .. كدي خليها التفاصيل ... لامن جيت أكتب صديقي أتذكرتك لانك وقتين تجي تعومي الموضوع بتقولي .. واحده صاحبتي :rolleyes:

معليش والله ما منعنا من المنتدى إلا الشديد القوي

نتمنى أن تزول ظروف عدم القدره على المشاركة .. لنعود كما كنا دائما

كل الود،،،،،

[خالد 000 ابقرجة]

الهمباتي الجميل أبو منة (مع الإعتذار لمشمش ) 000
صفة الهمبتة التي حاولت تلبسها هنا يوماً 000
في ظني هي صفة حقيقية لا يمكنك الهروب منها 000
فأحرفك حينما تنهمر كما رصاص أب جقرة 000
جهاراً نهاراً 000
تسلب كل قارئ عنوة (وحمرة عين ) 000
كما طه الضرير 000
منور يا همبتة 000

برة النيمة 000


طبعاً كنت عاوز أقول ليك برة النيمة كدي صديقي دي ما تكون زي واحدة صاحبتي إياها 000
لكن لقيتك سبقتني 000


لامن جيت أكتب صديقي أتذكرتك لانك وقتين تجي تعومي الموضوع بتقولي .. واحده صاحبتي :rolleyes:

[ودسمير]

جميله كلماتك ...

ويا حليل النيم ...

ويا حليل الفارقونا وراحووووو

[مصطفى هاتريك]

الجميل عثمان

أعجبني خالد أبوقرجة وهو يصفك بالهمباتي

فحروفك أخي تسرقنا وتحلق بنا فنتعطر برحيق المكان

وروعة الزمان ....

الله لا يحرمنا من همبتك

[naz_imam]

حبيب القسا وينك ياراجل والله مشتاقين ليك زي شوق صاحبك للنيمة اتمني ان تكون بالف خير وماتكتر الغياب

لك مؤنة عام من الود

[عثمان جلالة]

الهمباتي الجميل أبو منة (مع الإعتذار لمشمش ) 000
صفة الهمبتة التي حاولت تلبسها هنا يوماً 000
في ظني هي صفة حقيقية لا يمكنك الهروب منها 000
فأحرفك حينما تنهمر كما رصاص أب جقرة 000
جهاراً نهاراً 000
تسلب كل قارئ عنوة (وحمرة عين ) 000
كما طه الضرير 000
منور يا همبتة 000

برة النيمة 000




طبعاً كنت عاوز أقول ليك برة النيمة كدي صديقي دي ما تكون زي واحدة صاحبتي إياها 000
لكن لقيتك سبقتني 000

صديقي أب قرجه

تحيات وحب وشوق ... يصلك ويجدك كما أحب دائما

هانئا بإبتسامة وضيئه ... وتداعب يديك تلك الآنية اللماعه

والفرح الذي ينبع منك .. يلامس "الكبابي" فتصدر هي من فرحتها صوتا شجي

كما قالها هناك ..... الشاعر

"وفرحي بيهم سال ملا حتى الكبابي"

ضروري .. يا حبيب نشرب الشاي والقهوه سوا ... لو عندي ولا عندك ... وإن كان فنجان القهوة في مدينة المصطفى صلى الله عليه وسلم ... سيكون ذو طعم آخر بلا شك

هااااااااا زول ها .. مشتاقين ... شوق همباتي .. لـ سربه الليل ههههههههه

كدي بعد ألاقيك .. بحكي ليك

تعرف هههههههههه يا حبيب قصة ملاقاتك دي ... بقت زي أجزاء سلسلة باب الحارة .. كل ما حضرت جزء منها ... تنتظر الآخر بشغف ... وبرضو مشتاقين:)

[ودالعمدة]

نظرت إلى صديقي في دهشة وقلت له بتعجب وسخرية:
إنت يا زول بتحب النيمه دي ولا شنو؟؟
قال لي ووجه مضيء وعيناه مغمضتان
نعم أحبها .. لأنها .. كانت في يوم ما تستقبل معي حبيبتي .... مضت حبيبتي ولم تعاود مكان لقائنا ... بينما ظلت النيمه وفيه وحاضره وتسرد كل يوم تفاصيل المكان مواعيد اللقاء.
كل الود،،،،

الحبيب ودجلالة
حمداً لله على سلامة العودة وعقبال عودة النيمة وضلها ،
علا مسئول من الخير صديقك دا اللى ماهو انت ماعندو ( حيكومة ) ؟

[عثمان جلالة]

جميله كلماتك ...

ويا حليل النيم ...

ويا حليل الفارقونا وراحووووو

ود سمير يا صديق .. مشتاقين ... رغم إنو طال علينا فراقكم والله يا غاليين

النيم يا حبيب ... لدى أهل الملاريا ومن يعانون ويلات الحمى .. مرارة في الفم وقشعريره ... خيارهم الأفضل من قشعريرة الحمى .. ومن ضيق ذات اليد ... ومن حبيبنا الصيدلاني .. فلان الفلاني

ما نحسه نحن تجاه النيم ... إلفه .. وذكريات جميله ... ونشترك مع أهل الملاريا في هلوسه الحمى .. واحساس الخدر.

نورت البوست:)

[عثمان جلالة]

الجميل عثمان

أعجبني خالد أبوقرجة وهو يصفك بالهمباتي

فحروفك أخي تسرقنا وتحلق بنا فنتعطر برحيق المكان

وروعة الزمان ....

الله لا يحرمنا من همبتك

الغالي مصطفى

كلما حادثتك أو قرأت لك أو تداخلت معك .. أو تشرفت بمشاركتك لي في أحد البوستات

روادني .. ودون قصد إحساس حارس ولجت شباكه ثلاثه أهداف من لاعب واحد ... فكانت الـ هاتريك

1- سلاسة الردود
2- الفهم العميق لـ نص الكاتب والقاريء
3- الاحترام والأدب الجم ... لشخوص الحوار .. نصيا كان أو مباشرا

كميات من الود،،،،

كن بخير ... كل التحايا :)

[عثمان جلالة]

حبيب القسا وينك ياراجل والله مشتاقين ليك زي شوق صاحبك للنيمة اتمني ان تكون بالف خير وماتكتر الغياب

لك مؤنة عام من الود

أبو ريم يا فردة جناحي التاني ... تحيات وشوق الشوق للشوف آآآ خي

الغياب يا حبيب القسا ... أسبابو ضغط عالي من العمل .... ههههههههه وكان بقت علي ساعات العمل الرسميه بس هينه .. لكن القصه فوقها أوفر تايم كمان ... والعجب كان كملت بـ أعمال منزليه ههههه مش ح تقدر تغمض عينيك ... والله يا حبيب لدرجة فترنا من الفتر زاااااااااااتو .... كراع كراع .. رقبه رقبه .. "صفاق صفاق" ... هع هع هع زنقه زنقه :):):)

[ابوالنور]

اااا تششمم اه الحمد لله
ود عمي كيفينك عنك طيب

[ريمون]

اعمال منزليه ؟؟ بقيت تغسل العده ؟؟

[عثمان جلالة]

الحبيب ودجلالة
حمداً لله على سلامة العودة وعقبال عودة النيمة وضلها ،
علا مسئول من الخير صديقك دا اللى ماهو انت ماعندو ( حيكومة ) ؟

ناس المدينة سلام :)

الله يقبل حمدك .. معليش جات متأخره .. وأنت خابر الظروف

صديقي دا يا حبيب القسا عندو حيكومه لكن شعبها قادر ع إنو يطلع مظاهرات تدعو للرفق بالنيم هههههههههه ... مشتاقين يا حبيب

[عثمان جلالة]

اااا تششمم اه الحمد لله
ود عمي كيفينك عنك طيب

يرحمكم الله آآآآ ود العم

كيفنك ؟؟ لعلك طيب ومبسوط .. والعقب لا .. حدهم؟؟


أوع يكون عندك حساسيه من النيم وكده :rolleyes::):)

[عثمان جلالة]

اعمال منزليه ؟؟ بقيت تغسل العده ؟؟

ريمون يا ذات البنفسج كيفنك ؟؟

أريتا كان بقت على غسيل العده يا بت أمي ;)

[naz_imam]

والله ياودعمي بقيت زي هلال رمضان مرة في السنة وفى مقولة اخري مرة كل سنتين

[ريمون]

وين انت يازول .. ؟؟؟