هنا و هناك واحد ؟؟؟

[مصطفى هاتريك]

إخوتي و أخواني

سؤال تبادر إلى ذهني فأرتأيت أن نتشارك إجابته

هل يا ترى معالم الشخصية التي نراها من خلال كتاباتك تعكس واقع شخصيتك

إذا كان ديدن كتابتك المرح ... فهل أنت فعلا مرح دائم التبسم و المزاح.....

أو إذا كان العكس كنت .............................................

هل أنت مثالي ..أم عفوي ... كما نراك..............................

هل أنت أخو أخوان جد جد .........................................

هنا و هناك واحد ولا بتتجمل.....؟؟؟؟؟؟؟

[الجندي المجهول]

الحبيب هاترك تحياتي ،
بصراحة دائماً تتحفنا بمواضيع ( مثيرة) وغصباً عن الواحد يجد نفسه مشدوداً ومتابعاً لما تكتب ،،

من حيث الاجابة الشخص لا يستطيع ان يجب بالنفي او الايجاب (عن نفسه) ولكن اذا كان هنالك اشخاص قريبون منك وكذلك يعرفونك (بره وجوة) واقصد بها داخل المنتدى من خلال كتاباتك ومن خلال المعرفة الشخصية (جيران أو اصدقاء او اهل) هكذا يمكن ان تجد التقييم من الاخرين ...

من هنا استطيع ان اجزم وأؤكد أن :
محمد عبد الله ابو زيد - مهذب في كتاباته وكذلك في طبعه (الهدؤ في الكتابة وفي الطبع) الاستماع بكل اريحية للطرف الاخر دون كلل أو ملل اما بالنسبة إلى انه اخو اخوان وصاحب مبادرات فهذه حكايتها جكاية وتطول وشهادتي فيه مجروحة عشان ..... انسان بمعنى الكلمة (خلقة واخلاق واب جم وذوق رفيع)
محمد حسين المميز ،،، القط المشاكس السمسار ،، برئ للحد البعيد خدوم صاحب قلب ابيض (اخي الاصغر) صاحب العقل الكبير

في المنتدى وفي الواقع (هما نفس الشخصية) بحكم المعرفة والجيرة والتواجد بالموقع ومتابعة ما يكتبون ...

إلى حد ماء وحتى لا اظلمه (الاستاذ / عصام حسين) لان جلستنا معه لم تطول ولكن الجواب باين من عنوانه .... ولكن يجبرك على محبته ( من اول لقاء)

وبالنسبة إلى الاستاذ رضا (خارج الموقع ) برئي + هادئي (إلا في الكورة وخاصة هلال مريخ بيفقد اعصابه ...)

وطبعا بالنسبة لكتابته انتو عارفين الحاصل شنو خاصةً ايام (المطرة) الخ .... يعني يوجد اختلاف بين الكاتب والشخصية الحقيقة

ملاحظة : 1993م استاذ رضا كان يدرسني مادة اللغة الانجليزية ( والشهادة لله) من افضل من درسها ( كان وما زال نعم الاستاذ والاخ والصديق) وكان بيجدع في الادب الانجليزي

ولي عودة لاكشف الوجه الاخر لمن اعرفهم ::
القادم باذن الله ...
ابو لوزة
ابو مازن
ابو يزن (محمد النور)
مدناوي
واخرون ،،،،

شكراً عزيزي هاتريك لانك اجبرتني على الاتكاءة على هذا البسوت الجميل والاندياح (الصاح)

مع تحياتي ،،،

[مدنيّة]

مساءك سوداني يااستاذنا

غايتو انا زااااااتي انا
هنا وهناك

------
عميق احترامي

[خالد 000 ابقرجة]

أستاذنا مصطفي 000
نحتاج بالفعل حرفيتك الصحفية لطرق مواضيع تحليلية ذات أهداف بعيدة 000
من وجهة نظري وبدون إسقاط علي شخصي أو من أعرف 000
فإن الكتابة عموماً ليس من الضروري عكس طباع الشخص ولكنها قد تحدد معالم شخصيته 000
فالشخصية تظهر من خلال مجمل الأفكار التي يطرحها 000
ولكن الطباع تختفي وراء الفارق الزمني للمشاركة 000
لأن الطباع تعتمد علي رد الفعل اللحظي 000
والكتابة توفر مساحة زمنية للكاتب ليسيطر علي مزاجه ويعيد ترتيب رد فعله من حيث الشكل بين الهدوء والحدة ليجعله متناسباً مع ما هو مطروح 000

لي عودة مرة أخري هنا بإذن الله
__________

أعجبتني الطريقة الإستدلالية للجندي لأنها تقرب المعني (ما تنسي معتز الريح يا جندي) :p:p:p

[بت أم درمان]

انا في رأي
أنه ليس من الضروري ان تكون شخصية العضو داخل المنتدى
هي نفسها شخصيته في واقع الحياة

اما الصفات التي ذكرتها اخي مصطفى
المثالية
والعفوية
والمرح
وخــــاصة أخو أخوان
كل هذه الصفات تلتمس من خلال الواقع
لا أعتقد ان بالضرورة مشاركات العضو تجعك تجزم بذلك

[مصطفى هاتريك]

الجندي حبيب الكل

شكرا على إضفاء نكهاتك على الموضوع

أقول: ما تورينا حاجة عن روبيش و أيمن عبدالله

بالجد أنا بتخيلكم قراب من بعض

[مصطفى هاتريك]

خالد أبوقرجة

تحياتي

أتفق معاك تماما أن لحظية الكتابة قد تساهم في صناعة الإنطباع

وليس بالضرورة أن يكون الإنطباع المكون عن الشخصية هو كل

تفاصيل الشخصية...

[مصطفى هاتريك]

انا في رأي
أنه ليس من الضروري ان تكون شخصية العضو داخل المنتدى
هي نفسها شخصيته في واقع الحياة

اما الصفات التي ذكرتها اخي مصطفى
المثالية
والعفوية
والمرح
وخــــاصة أخو أخوان
كل هذه الصفات تلتمس من خلال الواقع
لا أعتقد ان بالضرورة مشاركات العضو تجعك تجزم بذلك

كلامك في محله

وأضيف بعد إذنك ما ذكره الأستاذ خالد أبو قرجة

ليكون الناتج هو أن كتاباتك قد تعبر عن بعض جوانب شخصيتك و ليس الكل

[الجندي المجهول]

الحبيب هاترك ،،،،
بالنسبة للاخوان روبش وايمن عبد الله فاكهة المنتدى بصراحة ،،،

ولكن عشان اقدر اقعد مع ( عمو اسامة - روبش ) إلا يكون عندو زيارة لوالدي العزيز

وبالنسبة للحبيب تكعيب ايمن (الصغيروني ) ممكن تلقانا يوم في امدرمان متغدين في بيت ناس جدي ( في ود ارو ) أو متغدين في بيت ناس جدي (ابو والدتي( في حي العرب ) وبعد الغداء ماشين الرد كاسل لتجديد العضوية المنتهية ليها 5 سنوات ومشاهدت التمرين ..

تخريمة : بصراحة موضوعك يجعل المسافات بين الناس قريبة جدا بغض النظر عن المسافة والمكام وينتابني احساس الان بان الجميع داخل القلب .....(ما عدا انت ....)

وما تمشي بعيد يا هاتريك ... السبب بسيط (انت تحتاج قلباً كبيراً بحجم قلمك الرائع) يا مبدع ،،،

مع اللفة : لا تغرنك كتابة الاخ المهندس (اخي الذي لم تلده امي) بهذا الانضباط .....

الزول دا والله والله والله (وبشهادة والدتي) مافي زيو اتنين

رااااااااااااااااائع وطيب (كاسم والده) وقيل ان كل شخص له نصيب من اسمه وفي رواية اخرى ( من اسم والده)

هو عبارة عن بسلم وكفى ،،،،،

تفحيطة : في تخريمة نبهني الحبيب خالد اب قرجة ان لا انسى معتز الريح (وهذا بالذات حتى احكم عليه ) بحكم معرفتي به محتاج انزل ( مخصوص السودان) ورجاءاً لا تسالني عن السبب ؟؟؟؟؟؟؟!!!!!!!!!!

[مصطفى هاتريك]

مساءك سوداني يااستاذنا

غايتو انا زااااااتي انا
هنا وهناك

------
عميق احترامي

مدنية

إسعد مساك

بس في حاجة واحدة مختلفة

شنو الرجال الكبار ديل ماسكنك يا عمة يا عمة

هو إنتي بت متين كمان ...

طبعا أنا و بإعتبار أني دفعة النيل متضرر من المسألة دي

[مصطفى هاتريك]

حبيبنا الجندي

هكذا كنت أرسم شخصيات أيمن و روبيش فشكرا للتأكيد

أما قولك عن مكاني و مكانهما في قلبك (( ينقل )) إلى

الثقافي ,, فقد نطقت شعرا ...

المميز قابلته وكان شديد الهدوء عكس شكله في المنتدى

(( إمكن عشان كانت معاه الحكومة و كده ))

أبو النور زول لذيذ فعلا و أن كان يدعي المساخة أحيانا

لكن حتى مساخته لها طعم لذيذ .. غايتو أبو النور هنا و هناك واحد

zanoon بس ما تغلط في المريخ تلقاهو أحلى زول و أفتكر إنه هنا

وهناك واحد

يلااااااا واصل

[الاميره]

عنى ..طبعى جوه المنتدى وبره شىء واحد

[أحمد عمر ( MOODY )]

يااخ .. أنا ما قلت ليك إنت خسارة في الهلال
:p :p :p :p :p


موضوع البوست حا أجيك ليهو راجع
( عاوز أخفي شخصيتي ياااخ )

لكن عاوز أقول ليك الإجازة الجاية إن شاء الله
تكون طالبني زيارة

[مدنيّة]

مدنية

إسعد مساك

بس في حاجة واحدة مختلفة

شنو الرجال الكبار ديل ماسكنك يا عمة يا عمة

هو إنتي بت متين كمان ...

طبعا أنا و بإعتبار أني دفعة النيل متضرر من المسألة دي




الواحد خائف يااستاذنا
يعمل فيها ظريف
ترشه زي المرة الفاتت:cool:

------
بالنسبة للرجال الكبار ديل
الله يسامحهم " وش مسكين"

[نزار احمد كوارتي]

انا غايتو برئ هنا وهناك

بالزقاق:-

ضحكه بريئة شديد

[بحيرى]

الاستاذ هاترك
سلامات !!
الموضوع شيق ومثير للجدل حتى ولو اتفق البعض على اشياء بعينها
ولكن
لى بعض الملاحظات عن الكتابه فى المنتدى وإرتباطها بالشخصية التى كتبتها , ففى اعتقادى أن الكتابه ربما لا تكون هى دلاله على الشخص الكاتب فمثلاً انا عند ما اكتب للمشاركة فى اى بوست اعتمد على امران هما عن ماذا يتحدث البوست وباى لغة , هذان الامران يحددان اللغة التى اكتب بها وشكل الرد الذى اشارك به وربما تكون كتابتى مرحةً او جاده او .... الخ
وهذه قد لا تكون مقياس لشخصيتى اخذ مثل اخر بالشاعر بشار بن برد فهو شاعر كتب فى الفخر والشجاعه كانه عنتر بن شداد وفى نفس الوقت هو اعمى واظنه لم يحمل سيف فى حياته .

[مصطفى هاتريك]

عنى ..طبعى جوه المنتدى وبره شىء واحد


بس غيابك طال ... حابين كتير وجودك معانا

وأنا سعيد جدا بمرورك

[مصطفى هاتريك]

يااخ .. أنا ما قلت ليك في الهلال
:p :p :p :p :p


موضوع البوست حا أجيك ليهو راجع
( عاوز أخفي شخصيتي ياااخ )



الرائع مووودي

رأيك شنو أفاجئك و أفاجئ ناس المنتدى ديل كلهم و أشرحك بجااااي

[مصطفى هاتريك]

الواحد خائف يااستاذنا
يعمل فيها ظريف
ترشه زي المرة الفاتت:cool:

------
بالنسبة للرجال الكبار ديل
الله يسامحهم " وش مسكين"


إنتي يا عمة روبيش لسه زعلانه ولا شنو ؟؟؟؟

خليك مسامحه نظام إنتي الكبيرة و كده..........

باي ذا وي

حضورك الخميس ضروري

[مصطفى هاتريك]

انا غايتو برئ هنا وهناك

بالزقاق:-

ضحكه بريئة شديد


لا لا والله ضحكتك ظاااااهرة بريئة

بالمناسبة يا نزار عندك كتاباتك شعرية راقية شديد لكنك مقل ما عارف ليه

باي ذا وي

أنا من مواليد ودكنان و أفتخر

[مصطفى هاتريك]

الاستاذ هاترك
سلامات !!
الموضوع شيق ومثير للجدل حتى ولو اتفق البعض على اشياء بعينها
ولكن
لى بعض الملاحظات عن الكتابه فى المنتدى وإرتباطها بالشخصية التى كتبتها , ففى اعتقادى أن الكتابه ربما لا تكون هى دلاله على الشخص الكاتب فمثلاً انا عند ما اكتب للمشاركة فى اى بوست اعتمد على امران هما عن ماذا يتحدث البوست وباى لغة , هذان الامران يحددان اللغة التى اكتب بها وشكل الرد الذى اشارك به وربما تكون كتابتى مرحةً او جاده او .... الخ
وهذه قد لا تكون مقياس لشخصيتى اخذ مثل اخر بالشاعر بشار بن برد فهو شاعر كتب فى الفخر والشجاعه كانه عنتر بن شداد وفى نفس الوقت هو اعمى واظنه لم يحمل سيف فى حياته .


الرائع بحيري

أنا أراك هكذاا

انا ساظل احترف المحبة مثل كل الانبياء ..... واظل احترف الطفولة والبراءة والنقاء ......
وانا وارجو ان اظل كما انا ..... طفلاً يخربش فوق حيطان النجوم كما يشاء ........
حتى يصير الحب فى وطنى بمرتبة الهواء ..... واصير قاموساً لطلاب الهوى ... واصير فوق شفاههم الفا .. وباء

[مصطفى هاتريك]

نـــــــداء عاجل إلى :

1/ المســــــــــــــــــــافر

2/ مدنــــــــــــاوية

3/ ود المطا مــــــــــــــير


تجو ولا نجي

[الاميره]

بس غيابك طال ... حابين كتير وجودك معانا

وأنا سعيد جدا بمرورك



تسلم
بس الواحد مسؤليتو كترت خصوصا مع العيال والمدارس ومشاغل الدنيا
وبحاول اشارك قدر الامكان ..
لكنى موجوده دوما بقرا ودمدنى كضيف..وبكون سعيده ومتونسه معاكم
احترامى...

[مدنيّة]

إنتي يا عمة روبيش لسه زعلانه ولا شنو ؟؟؟؟

خليك مسامحه نظام إنتي الكبيرة و كده..........

باي ذا وي

حضورك الخميس ضروري


لالا العفو يااستاذنا
اي رشة بتجي عااااااااااادي بنتحملها ههههههههههههههههههههه

[محمد الجزولى]

كل كاتب له بصمة معينة يتميز بها واسلوب غالب يكتب به
ولكن ليس بالضرورة أن يعكس ما هو مكتوب شخصية الكاتب
نزار قباني شاعر الحب والجمال .. تغنى للحب رغم حياتة المليئة بالنكبات الحزينة
وفاة شقيقته الصغرى : وصال ، وهي ما زالت في ريعان شبابها بمرض القلب .
- وفاة أمه التي كان يعشقها ..
- وفاة ابنه توفيق من زوجته الأولى .. كان طالباً في كلية الطب بجامعة القاهرة .. لم يتجاوز 17 عاماً.
- مقتل زوجته : بلقيس الراوي " العراقية في حادث انفجار السفارة العراقية ببيروت عام 1982.
ورغم ذلك كانت قصائدة تقطر حبا وعشقا للحياة
عن نفسي صراحة انا هنا وهنالك واحد

تحياتي هاتريك

[مصطفى هاتريك]

كل كاتب له بصمة معينة يتميز بها واسلوب غالب يكتب به
ولكن ليس بالضرورة أن يعكس ما هو مكتوب شخصية الكاتب
نزار قباني شاعر الحب والجمال .. تغنى للحب رغم حياتة المليئة بالنكبات الحزينة
وفاة شقيقته الصغرى : وصال ، وهي ما زالت في ريعان شبابها بمرض القلب .
- وفاة أمه التي كان يعشقها ..
- وفاة ابنه توفيق من زوجته الأولى .. كان طالباً في كلية الطب بجامعة القاهرة .. لم يتجاوز 17 عاماً.
- مقتل زوجته : بلقيس الراوي " العراقية في حادث انفجار السفارة العراقية ببيروت عام 1982.
ورغم ذلك كانت قصائدة تقطر حبا وعشقا للحياة
عن نفسي صراحة انا هنا وهنالك واحد

تحياتي هاتريك



الموسوعة ود الجزولي

كالعاده مرورك يختلف بتميزه و إضافاته

[نزار احمد كوارتي]

لا لا والله ضحكتك ظاااااهرة بريئة

بالمناسبة يا نزار عندك كتاباتك شعرية راقية شديد لكنك مقل ما عارف ليه

باي ذا وي

أنا من مواليد ودكنان و أفتخر


والله يا هاتريك بس كترة الجري
طبيعة شغلي نصها في الخلا ونصها في المدينه
ويصدف في إسبوع واحد أمشي وأجي مرتين تلاته
مع العلم بي إنو المشوار 240 كيلو

باي ذا وي

انا كنت حاسي إنك من جهتنا ديك حتي ولو ما من ودكنان نفسها
ولينا رجعه للموضوع ده

[مصطفى هاتريك]

نـــــــداء عاجل إلى :

1/ المســــــــــــــــــــافر

2/ مدنــــــــــــاوية

3/ ود المطا مــــــــــــــير


تجو ولا نجي




النـــــــــــــــــــــداء الأخير

للمذكورين أعـــــــــــــــــــــــــــــــــلاه

[mahagoub]

غايتو ما بعرف تسموها شنو؟؟
شلاقه ودالمطامير ولا لقافة بحيرى
ولا شلفطت نزار
ما عزمتونى لكن براى بجى ناطى
انا ما بعتمد على موضوع واحد
ولا رد واحد لكن هى تسلسل
لعدة خطوات لدراسة الشخصيه التى امامك
ام انا والعياذ بالله
احب امرح داخل وخارج المنتدى
ما قالوا اخرتا كوم تراب
فتبسمك فى وجه اخيك صدقه

[نزار احمد كوارتي]

النـــــــــــــــــــــداء الأخير

للمذكورين أعـــــــــــــــــــــــــــــــــلاه


شُفتك إنت في كلُ غابه
صحرا وايي صعيد ووادي
يوم تنادي علي الغلابه
ولا حياة لمن تنااااااااااااااااادي

[نزار احمد كوارتي]

غايتو ما بعرف تسموها شنو؟؟
شلاقه ودالمطامير ولا لقافة بحيرى
ولا شلفطت نزار
ما عزمتونى لكن براى بجى ناطى
انا ما بعتمد على موضوع واحد
ولا رد واحد لكن هى تسلسل
لعدة خطوات لدراسة الشخصيه التى امامك
ام انا والعياذ بالله
احب امرح داخل وخارج المنتدى
ما قالوا اخرتا كوم تراب
فتبسمك فى وجه اخيك صدقه


شلفطت! شلفطت! شلفطت!
ياخ شلفطته روحنا ورينا الداهيه دي يعني شنو عشان نعرف نرُد

[بوتشى]

اخى اخر من قراء الموضوع ولكن بقول ليك شوف ردود الاخوان وبتعرف انو كل واحد يرد حسب فهمه للشخصيه الكاتبه والتحيه والاحترام لك

[ود المطامير]

نـــــــداء عاجل إلى :

1/ المســــــــــــــــــــافر

2/ مدنــــــــــــاوية

3/ ود المطا مــــــــــــــير


تجو ولا نجي


الحبيب

نجيك طواااالى وجيتك شرف لينا وجيتنا ونورتنا وشرفتنا
أنا يا الحبيب .. وبشهادة كل من قابلنى داخل المنتدى وخارج المنتدى شخص واحد

كلما أكون بتونس مع أم عمرو ، هى تقعد تضحك لحد ما نفسها يكتم وتأشر تقول عاوزه مويه
ومره حصل دا وقامت شجن بتى قالت لى والله يا با با يوم بتكتل أمى دى بالضحك

مره كنا ماشين نعزى صديق لينا فى وفاة أبوه الله يرحمه
قام صاحبى قبلما ندخل قال لى

عليك دينك لما ندخل ما تقلب لينا بيت البكا ضحك وتفضحنا

بالجد .. كتاباتى فى المنتدى هى إنعكاس لما يجيش بدواخلى

تسلم يا الحبيب

[ايمن عبد الله]

مشكور هاتريك على البوست الجميل الذي رأيته متأخراً .. معذرة ..

ودعني اقتبس جزاً من بوست قديم ثم اعود لك في المشاركة التالية .. لأدلو بدلوي



قد يساهم في تحليل بعض سلوكيات الكاتب واتجاهاته وقد يطمس شخصيته ايضاً ويجعله مغايراً لحقيقة الشخص الفعلية ايضاً ويمكنك ان تستنتج ما ان كان هذا الكاتب منظم في حياته وعمله ومدى درجة ذلك وإهماله لأشيائه الخاصة ومدى درجة ذلك .. وكما ذكرت يمكن ان يغير الكاتب كل شي ويفرض عليك ان تفهم ما قد لا يكون فيه.

[ايمن عبد الله]

أعتقد انه مهما حاول الكاتب ان يكون هنا غير هناك فأنه لن يستطيع الا بقدر ولكنه عندما يصل لمرحلة معينة لا يستطيع ان يكون الا هو (الحقيقي)

[ايمن عبد الله]

عن نفسي اعتقد انه كلما كان العضو مسجلاً بإسمه الحقيقي فإنه بكون اقرب لأن يكون هنا وهناك واحد .. سلوكياً وادبياً وتعامل .. لأنه يتعامل بشخصيته الحقيقية اما الاشخاص الذين يتعاملون بالالقاب فقد لا يهتمون بأي شي من جملة ما قلت ويتعاملون وفق المواقف آنياً فقط .. ويمكن ان يتغير مع المواقف التي امامه

[مدنيّة]

لما يجيش

لو البوست دا ماحق استاذنا مصطفي هاترك
كان قلت ليك لمنو!!! ):


-------
لطفا يااستاذنا لكن والله غلبني افوتها "وش اترش من قبل" ):

[ود المطامير]

لو البوست دا ماحق استاذنا مصطفي هاترك
كان قلت ليك لمنو!!! ):


-------
لطفا يااستاذنا لكن والله غلبني افوتها "وش اترش من قبل" ):
هع هع هع هع هع هع

غايتو شكيت محن محنك

قناص بغداد ما يلحقك ;)

[مصطفى هاتريك]

غايتو ما بعرف تسموها شنو؟؟
شلاقه ودالمطامير ولا لقافة بحيرى
ولا شلفطت نزار
ما عزمتونى لكن براى بجى ناطى
انا ما بعتمد على موضوع واحد
ولا رد واحد لكن هى تسلسل
لعدة خطوات لدراسة الشخصيه التى امامك
ام انا والعياذ بالله
احب امرح داخل وخارج المنتدى
ما قالوا اخرتا كوم تراب
فتبسمك فى وجه اخيك صدقه

والله يا محجوب الله إيديك العافية

أنا بتخيل لي لو مرة كدا قام (( ناظر )) المنتدى ده قال

بكرة كلو واحد يجيب ولي أمرو .....

حايلقى الناس كلها جايبة عم محجوب

بالمناسبة

بلغ تحياتي لإبن عمي مصطفى سليمان مصطفى

[مصطفى هاتريك]

اخى اخر من قراء الموضوع ولكن بقول ليك شوف ردود الاخوان وبتعرف انو كل واحد يرد حسب فهمه للشخصيه الكاتبه والتحيه والاحترام لك


كدي يا بوتشي أول حاجة ورينا قصة بوتشي دي شنو يا برنس

[مصطفى هاتريك]

عن نفسي اعتقد انه كلما كان العضو مسجلاً بإسمه الحقيقي فإنه بكون اقرب لأن يكون هنا وهناك واحد .. سلوكياً وادبياً وتعامل .. لأنه يتعامل بشخصيته الحقيقية اما الاشخاص الذين يتعاملون بالالقاب فقد لا يهتمون بأي شي من جملة ما قلت ويتعاملون وفق المواقف آنياً فقط .. ويمكن ان يتغير مع المواقف التي امامه


ملك الإجابات النموذجية

لا فض فووك

[مصطفى هاتريك]

لو البوست دا ماحق استاذنا مصطفي هاترك
كان قلت ليك لمنو!!! ):


-------
لطفا يااستاذنا لكن والله غلبني افوتها "وش اترش من قبل" ):


هع هع هع هع هع هع

غايتو شكيت محن محنك

قناص بغداد ما يلحقك ;)


الأخت الصغرى دي يا ود المطامير (( أيواكس ))

وين ما تكون بتشوفك بتشوفك

[مصطفى هاتريك]

الخواجه المدمن العاشق (( ة ))

ريمـــــــــــــــــــــــــــــــــــــــــــــــ ون

مطلوب حضورك هنا

[ريمون]

وانا ما بقدر اتأخر ..
عن نفسي هنا وهناك وفي كل مكان واحد .. والمكان اللي بكون عاوزني واحده تانية ما بعمر فيهو ..هي بالضبط الحاجة اللقيته في المنتدي .. الأريحيه ..
بعدين اسمي ومكان شغلي وسكني وانا ذاااتي جيتكم .. كيف اقدر اكون واحده تانية ؟؟