المساعد الشخصي الرقمي

مشاهدة النسخة كاملة : بترول أبوجن .. و ان شاء الله أجن و أزيد فى الجن


بدرالدين أحمد موسى
20-03-2011, 12:26 AM
الناس ديل قالوا أول أبريل حيطلعوا البترول فى أبو جن و بما أن أبوجن تقع فى الجزيرة و أنا ود جزيرة و بى خبراتى فى مجال الخدمات اللوجستية و ما ناقصنى غير دقينة صغيرة و أصبع لزوم التكبير و التهليل فاقوم أعمل ليك استقالة و أجى أبقى كفيل أو على الأقل أقوم أشتغل ليك فى بترودار ..

محل الدخول بالتيار و أبقى مع ناس سوار
و اجيب التالته مسيار و الرابعة من دارا بعيد الأسفار
و الخامسة كان فكرت أجيبها يقولوا على مكار
أسقط اللوحات ما يقولوا زول غدار

********
و أعمل زى المنشار كله شان الأستقرار
لا يهمنى زياده و لا أى دغمسة أسعار
اسافر شرق و غرب الا الجنوب بقى حار
و أمشى الشمال اشوف الكهرباء و المقدار
عشان أبيع الغاز و زيتنا جوه الدار
فى كل بيعة أنهب نهبة المحتار
قسم الله عبد النص و من السمين بختار
و عشان أكون تفتيحة بكبر الأقرار
و لمان أخلى المهنة أكون بقيت ختيار

*******
أولادى بين ماليزيا و كندا بالدولار
علا الأجازة بتبقى براااك و حلوة بالمسيار
أم الوليدات زاتها بتكره الأسفار
خليك مع الجنون الفرقة ما أقدار

****
صحونى من النوم ..قالو لى جاك الفار
قت لهم كديسة أنا قتلوهو بالفرار
قالوا العقارب جاية و ناوية للأشرار
قت لهم تماسيح بلدى عايمة فوق النار

****
قالوا لى نارا تاكلك .. يخمك الدفار
قوم امشى لى شغلك شان تدفع الأيجار
ما تنسى تغشى الملجة و تحاسب الجزار
ترجع تجيب البوهية و الخشبة و المسمار
ناس المدارس قالو الحصة بالأيجار
و ناس النفايات قالو الوسخة بالأيجار
و ناس العوايد قالوا الغرفة بالأيجار
و ناس الكهارب قالوا الجمرة بالأيجار
و ناس الضرايب قالوا الكلمة بالأيجار
و انت نايم تحلم بوظيفة بره الدار
و انت نايم تحلم فى شغلة بره الدار
**

تحياتى
ABUZAID
20-03-2011, 01:25 AM
قالوا البترول طلع
يغنينا بعد الوجع


بترولنا وبنصفي
فوق النار بندفي

في صفايحو بنعبي
وللمينا لبلاد برة بنصدرو

ومظلومنا بنكفي
والغنيان يموت شبع

ونغني ريالات
ونلبس عقالات
وعملتنا تبقى حرة
استرليني ودولارات
وشوف عيني جنيه العمة
في الكوشة انجدع



كلها اغاني احلام

ويا حليل الاحلام
لانها انعدمت هذه الايام


لا بترول كفى فقير
ولا العمة كبرت
ولا فلحت كدنكات وتدفقت ابو عشرينات



انهارت قيم
وضاعت مبادئ
وضعفت ايمانيات
واهتزت روحانيات

وتعولمت اجيال

فاصبح واقع الحال
يغني عن السؤال
خالد عباس (أبوعمرو)
20-03-2011, 02:16 AM
و اجيب التالته مسيار و الرابعة من دارا بعيد السفار







بوست سمح عديل كدة :d
بدرالدين أحمد موسى
20-03-2011, 12:31 PM
قالوا البترول طلع
يغنينا بعد الوجع


بترولنا وبنصفي
فوق النار بندفي

في صفايحو بنعبي
وللمينا لبلاد برة بنصدرو

ومظلومنا بنكفي
والغنيان يموت شبع

ونغني ريالات
ونلبس عقالات
وعملتنا تبقى حرة
استرليني ودولارات
وشوف عيني جنيه العمة
في الكوشة انجدع



كلها اغاني احلام

ويا حليل الاحلام
لانها انعدمت هذه الايام


لا بترول كفى فقير
ولا العمة كبرت
ولا فلحت كدنكات وتدفقت ابو عشرينات



انهارت قيم
وضاعت مبادئ
وضعفت ايمانيات
واهتزت روحانيات

وتعولمت اجيال

فاصبح واقع الحال
يغني عن السؤال





و الله يا حبيب ديل ما يطلعوا ليك سرسار !
يخلوك تقيف محتار لا تمرق الشارع لا تبقى جوه الدار

تحياتى
بدرالدين أحمد موسى
20-03-2011, 12:33 PM
بوست سمح عديل كدة :d

تسلم يا أبو عمرو .. ان شاء الله أحفاد عمرو يشهدوا بترول أبو جن قبال ما نجن و نزيد فى الجن و نمشى التجانى الماحى !

تحياتى
الزبير محمد عبدالفضيل
20-03-2011, 07:54 PM
هههههههههههههه بترول ظهر وطلع وبيع في الاسواق والمواطن السوداني لم ينوبه من الحب جانب

زي الجواز الاكتروني الي هذه للحظه لم يظهر كما قال المسؤولين نسأل الله السلامه من كل شر
الجندي المجهول
20-03-2011, 08:55 PM
مجرد سؤال ::::

البترول الطلع المرة الفاتت شفنا منو شنو ؟

ابراج

عمارات

مصانع في ماليزيا


غايتو حسنى مبارك جمدوا ليهو 31 مليار و 500 مليون دولار !!!!!!!!!!!

موجودة بامريكا

غايتو العندو عقار عاوز يعملوا من ( الجماعة)

احسن ابني ليهو عمارات في

1/ القدنبلية
2/ العيلفون
3/ ام ضواً بان

لان هذه الاماكن غير معروفة !!!!!!!!!!!!

تخريمة : فيها شنو لو
1/العلاج مجاني
2/التعليم مجاني
3/دعم السلع الاستهلاكية

وباقي البترول على الصمغ العربي على الماشية والضرائب والزكاة (حلال عليهم)

ال3 نقاط اعلاه دا اقصى الطموح يا انقاذ !!!!!

ليس هنالك قوي ،،،،

لان القرآن ذكر فيما معناه ( يؤتي الحكم من يشاء) ودي جاتكم في غفلة من الزمان لان الله اراد ذلك

( ويذل من يشاء) ودي والله قادر عليها

وعندكم
قارون
فرعون
حسني مبارك
بن علي
صدام حسين

وليس انتم بأقوى من هؤلاء بأي حال من الأحوال !!!!!!!

والعاقل من اتعظ من غيره

ولا زال في الزمن بقية واحست تستثمروا الفرصة قبل ان تقرع الاجراس

ويصيح المدرس داخل الفصل باعلى صوته

انتهى الدرس يا ....... !!!!!!!!!
saadabi
20-03-2011, 10:02 PM
الطلع ما البترول من الجزيرة
لكن
الطلع روح المواطن بولاية الجزيرة من الأهمال المتعمد من قبل الحكومات السودانية لولاية الجزيرة التي ظلت تعني منه طوال فترات الحكم السودانية
لو كان طريقة كان طلوعه بالشمالية.
saadabi
20-03-2011, 10:03 PM
الطلع ما البترول من الجزيرة
لكن
الطلع روح المواطن بولاية الجزيرة من الأهمال المتعمد من قبل الحكومات السودانية لولاية الجزيرة التي ظلت تعني منه طوال فترات الحكم السودانية
لو كان في طريقة كان طلوعه بالشمالية.
بدرالدين أحمد موسى
20-03-2011, 11:39 PM
هههههههههههههه بترول ظهر وطلع وبيع في الاسواق والمواطن السوداني لم ينوبه من الحب جانب

زي الجواز الاكتروني الي هذه للحظه لم يظهر كما قال المسؤولين نسأل الله السلامه من كل شر

ده لو طلع يا شيخ الزبير ..!!

تحياتى
بدرالدين أحمد موسى
20-03-2011, 11:42 PM
مجرد سؤال ::::

البترول الطلع المرة الفاتت شفنا منو شنو ؟

ابراج

عمارات

مصانع في ماليزيا


غايتو حسنى مبارك جمدوا ليهو 31 مليار و 500 مليون دولار !!!!!!!!!!!

موجودة بامريكا

غايتو العندو عقار عاوز يعملوا من ( الجماعة)

احسن ابني ليهو عمارات في

1/ القدنبلية
2/ العيلفون
3/ ام ضواً بان

لان هذه الاماكن غير معروفة !!!!!!!!!!!!

تخريمة : فيها شنو لو
1/العلاج مجاني
2/التعليم مجاني
3/دعم السلع الاستهلاكية

وباقي البترول على الصمغ العربي على الماشية والضرائب والزكاة (حلال عليهم)

ال3 نقاط اعلاه دا اقصى الطموح يا انقاذ !!!!!

ليس هنالك قوي ،،،،

لان القرآن ذكر فيما معناه ( يؤتي الحكم من يشاء) ودي جاتكم في غفلة من الزمان لان الله اراد ذلك

( ويذل من يشاء) ودي والله قادر عليها

وعندكم
قارون
فرعون
حسني مبارك
بن علي
صدام حسين

وليس انتم بأقوى من هؤلاء بأي حال من الأحوال !!!!!!!

والعاقل من اتعظ من غيره

ولا زال في الزمن بقية واحست تستثمروا الفرصة قبل ان تقرع الاجراس

ويصيح المدرس داخل الفصل باعلى صوته

انتهى الدرس يا ....... !!!!!!!!!

على قولك يا الجندى .. طالما قالوا الكبارى و الجسور بنوها بالضرائب و الزيادات .. يكونوش بدلوهو بى عدة .!!
أوع واحد يقول لى عملوا بيهو المشاريع التنموية لأننى سأحيله الى الديون الخارجية البالغة حولى 40 مليار دولار !! مين يزاود!!

تحياتى
nehroo
22-03-2011, 10:48 PM
ده كلام خارم بارم يقال خماً في هجة الإحتفالات والعكاكيز والعمم
قبل كده القال الكلام ده ما قال ليكم مدني دي
أصبوا شوية وحا تبقى أجمل من جنوب أفريقيا ؟؟؟
شفتو حاجة يا عمكـ ؟؟
mahagoub
23-03-2011, 08:33 PM
اصحا يا نائم وحد الدائم
الفرج من عند الله
لكن ربنا قال اسعى يا عبد
بدرالدين أحمد موسى
23-03-2011, 09:57 PM
الطلع ما البترول من الجزيرة
لكن
الطلع روح المواطن بولاية الجزيرة من الأهمال المتعمد من قبل الحكومات السودانية لولاية الجزيرة التي ظلت تعني منه طوال فترات الحكم السودانية
لو كان طريقة كان طلوعه بالشمالية.

و فى ظل بشريات أبريل الشهير .. كمان برضو قالوا الشمالية فيها بترول تحت كرسى الوالى .. تصدق .. هذا ابريل يا رجل !!

تحياتى
بدرالدين أحمد موسى
23-03-2011, 09:58 PM
الطلع ما البترول من الجزيرة
لكن
الطلع روح المواطن بولاية الجزيرة من الأهمال المتعمد من قبل الحكومات السودانية لولاية الجزيرة التي ظلت تعني منه طوال فترات الحكم السودانية
لو كان في طريقة كان طلوعه بالشمالية.

و ما زال مسلسل طلوع الروح مستمرا ..!!

تحياتى
بدرالدين أحمد موسى
23-03-2011, 09:59 PM
ده كلام خارم بارم يقال خماً في هجة الإحتفالات والعكاكيز والعمم
قبل كده القال الكلام ده ما قال ليكم مدني دي
أصبوا شوية وحا تبقى أجمل من جنوب أفريقيا ؟؟؟
شفتو حاجة يا عمكـ ؟؟

خارم بارم و شخارم بخارم وشك ماوارم يا نهرو !!! تبقى أجمل من جنوب افريقيا .. طيب كويس .. كأس العالم متين يا حبه !!

تحياتى
بدرالدين أحمد موسى
23-03-2011, 10:01 PM
اصحا يا نائم وحد الدائم
الفرج من عند الله
لكن ربنا قال اسعى يا عبد


يا نايم وحد الدائم !!
الكضب ليهم و الأجر لينا !!
رمضان كريم .. و أبريل شهر الكذب المباح !!

تحياتى
بدر الدين احمد الطائف
23-03-2011, 11:22 PM
الناس ديل قالوا أول أبريل حيطلعوا البترول فى أبو جن و بما أن أبوجن تقع فى الجزيرة و أنا ود جزيرة و بى خبراتى فى مجال الخدمات اللوجستية و ما ناقصنى غير دقينة صغيرة و أصبع لزوم التكبير و التهليل فاقوم أعمل ليك استقالة و أجى أبقى كفيل أو على الأقل أقوم أشتغل ليك فى بترودار ..



**
فى كل بيعة أنهب نهبة المحتار
قسم الله عبد النص و من السمين بختار


*******
أولادى بين ماليزيا و كندا بالدولار
علا الأجازة بتبقى براااك و حلوة بالمسيار
أم الوليدات زاتها بتكره الأسفار
خليك مع الجنون الفرقة ما أقدار


بدرالدين سلام

يازول بترول ابوجن شنو
والله الشقله ولا محتاجه بترول ابوجت ولا ود جزيرة بس مجرد مواطن مسكين غلبان يقطعوا فى لحمة وينهبوا حقة (ضرائب وغيرة).
الله فى يا زول.