عصام محمد نور ـ هل هانت عليك مدني لهذا الحد؟

[ود البصير]

عفواً أخي الفنان العظيم ـ عصام محمد نور

مدني أمنا جميعاً ـ بل أمنا الرؤوم العطوف ، ولها فضل كبير علينا جميعاً
أتذكر جيداً أخي عصام حينما كنت أقابلك تقطع الطرقات جيئة وذهابا جزلاً مرحاً فرحاً في أحياء مدني ، أمك الودود ـ
تُفتح لك الأبواب أينما حللت ، وتوزع لك الإبتسامات في كل شبر من أرجائها الرحبة ، وتقدم لك التسهيلات وأنت تتلمس الخطى في درب الفن الشائك ، ، تحظى بالتقدير والإحترام من أهلها صغيرهم وكبيرهم ، سيما زملائك ، ناس ودكري ، ابوستة ، ضؤ البيت ، نوبة ، والسمؤال ، عيدابي ، وبقية العقد الفريد

أتذكر جيداً مدى الحفاوة التي يقابلك بها الناس حينما كنت تتردد بين الفينة والأخرى على معرض ودكان ضؤ البيت مزمل للخياطة النسائية بود أزرق ـ

إنها مدني التي قدمت لك كل شئ ، حتى أصبحت عصام محمد نور ، فصار من النادر أن لا تذكر مدني حينما يذكر عصام ـ وهل من فخر للمرء أكثر من ذلك

ولكن !!!!!!!!!!!!!!!!
هل بعد كل هذا الود والمحبة ، توجه هذه الصفعة المؤلمة لمدني

بدلاً عن أن تخفض لها جناح الذل من الرحمة
و ترد نذر يسير من جمائلها عليك

لم أتوقع أبداً أن يأتي يوم تتنكر فيه لمدني يا عصام ،
لم أصدق نفسي وأنا أعايش هذه اللحظات في ذلك المساء المشئوم
حينما أعلنها صلاح طه ( الذي لا يضمر خيراً لمدني رغم أنه عاش ردحاً من الزمن بها)
عبر برنامجه الجماهيري المشاهد (أستديو النجوم )
حيث أعلن في الفقرة الرئيسية في ختام الحلقة ،
(الأن أقدم لكم مفاجأة البرنامج، النجم اللامع ،والفنان الكبير ، إبن الحصاحيصا ـ الفنان عصام محمد نور)

عقدت الدهشة لساني من موقف المذيع صلاح طه ، وهو يعلم تمام العلم أن عصام محمد نور هو أبن مدني ، تربى ، وترعرع فيها ، ودرس بها جميع مراحله الدراسية ، بل أنطلق منها نشاطه الفني ، ولم يبارح ربوعها ، إلا بعد أن قوى عوده ، وشب عن الطوق،

ولكن كانت دهشتي أعظم حينما لاذ عصام بالصمت التام ـ ولم يسعى لتصحيح المعلومة ـ بل قابل ذلك بإيتسامة عريضة ـ فقد كنت أتوقع أن يعقب عصام على معلومة المذيع وهي غير صحيحة ، ويعلن أمام الملأ أنه أبن مدني ، رغم أنه ولد في الحصاحيصا ـ

مازلت أعشم أن يتحقق ذلك ، ويبادر عصام ، لتصحيح ما ورد على لسان المذيع في برنامج يشاهده قطاع كبير من المشاهدين .

ست المدائن لا تستحق هذا الموقف المهين يا عصام ، فلولا مدني لما وصلت لما تتمتع به من هالة وجمهور .

[مدنيّة]

ود البصير عساك طيب

--------
معليش لكن عندي راي مخالف لكلامك دا
والله مافي اي صفعة او تنكر من عصام محمد نور لمدني

وفي راي والله مافي اي اختلاف بين مدني والحصاحيصا
او اي من مناطق السودان
دعونا من هذه الاختلافات يااخوانا بالله عليكم

--------
عميق احترامي

[النويري]

حبيبنا ود البصير عند أهل القانون يأخذ عادة بلد المولد بقض النظر عن الجنسية المكتسبة فنقول فلان سوداني معه الجنسية الأمريكية مثلاً فالقياس دائماً ما يكون من البلد الذي ولدت فيه ولكن أن تنتقل إلى أي مكان أخر وتعيش فيه هذا لا ينفي أنك من مواليد منطقة معينة ما ذكره صلاح طه كان صحيحاً ولكن ما يعاب على السيد عصام حبيب الملايين أنه كما ذكرت لا يصحح بل يؤكد أنه من مواليد الحصا والحيصا ويذكر انه تربى وعاش وتعلم وأشتهر في ودمدني هكذا كان يكون رد عصام محمد نور والمعروف عن شخص عصام محمد نور طيب القلب بسيط في تعامله قد يكون لا يريد إحراج صلاح طه في وقت البرنامج ونحن نعرف عصام جيداً فهو حساس جداً ولا تعلم أنت أنه تناقش معه ما بعد البرنامج عن أن ذكر عصام من الحصا والحيصا قد يزعل ناس مدني أتمنى أن يكون عصام قد تعامل مع الموضوع بحسن نية .

[بدر الدين محمد]

عصام محمد نور من قرية في ريفي ارقو اسمها كودي
نشأ في الحصاحيصا
ثم مدني
ثم الخرطوم
وله التحية ومن حقنا التمسك بموهبته ونجوميته والحصاحيا ومدني بنات اعم

[ود البصير]

ود البصير عساك طيب

--------
معليش لكن عندي راي مخالف لكلامك دا
والله مافي اي صفعة او تنكر من عصام محمد نور لمدني

وفي راي والله مافي اي اختلاف بين مدني والحصاحيصا
او اي من مناطق السودان
دعونا من هذه الاختلافات يااخوانا بالله عليكم

--------
عميق احترامي

أستاذتنا العزيزة مدنية ـ خالص الود والتقدير
أحترم وجهة نظرك كثيراً ، لكن صدقيني موقف عصام وجد إستهجان كبير من شريحة كبيرة ممن تابعوا تلك الحلقة ، وكان معي شقيقي الأكبر ، وزوجتي وهي من مدني أيضاً ، فقد كان رد الفعل عنيفاً ،

كان على عصام أن يرضي كل الأطراف ، ويعلن أنه ولد بالحصاحيصا ، ولكنه من مدني ، لان فضل مدني على عصام كبير ، وكبير جداً

[ود البصير]

حبيبنا ود البصير عند أهل القانون يأخذ عادة بلد المولد بقض النظر عن الجنسية المكتسبة فنقول فلان سوداني معه الجنسية الأمريكية مثلاً فالقياس دائماً ما يكون من البلد الذي ولدت فيه ولكن أن تنتقل إلى أي مكان أخر وتعيش فيه هذا لا ينفي أنك من مواليد منطقة معينة ما ذكره صلاح طه كان صحيحاً ولكن ما يعاب على السيد عصام حبيب الملايين أنه كما ذكرت لا يصحح بل يؤكد أنه من مواليد الحصا والحيصا ويذكر انه تربى وعاش وتعلم وأشتهر في ودمدني هكذا كان يكون رد عصام محمد نور والمعروف عن شخص عصام محمد نور طيب القلب بسيط في تعامله قد يكون لا يريد إحراج صلاح طه في وقت البرنامج ونحن نعرف عصام جيداً فهو حساس جداً ولا تعلم أنت أنه تناقش معه ما بعد البرنامج عن أن ذكر عصام من الحصا والحيصا قد يزعل ناس مدني أتمنى أن يكون عصام قد تعامل مع الموضوع بحسن نية .


أخي النويري ـ أشكرك كثير على مداخلتك القيمة ـ لكن بالنسبة لينا ، الزول دائما بينتمي للبلد النشأ وإترعرع فيه ، وأتفق معك إنو عصام راجل طيب ، ومهذب ، بس دا ما بمنع إنو يصحح المعلومة ، وخاصة إنو عارف حساسية ناس مدني في الجوانب دي

تخريمة :أخي النويري ، هل أنت إبن العم عبد الله النويري بمايو 40 ، ولو الإجابة نعم ، مين فيهم ـ غاندي أم عارف ؟

[النويري]

أخي النويري ـ أشكرك كثير على مداخلتك القيمة ـ لكن بالنسبة لينا ، الزول دائما بينتمي للبلد النشأ وإترعرع فيه ، وأتفق معك إنو عصام راجل طيب ، ومهذب ، بس دا ما بمنع إنو يصحح المعلومة ، وخاصة إنو عارف حساسية ناس مدني في الجوانب دي

تخريمة :أخي النويري ، هل أنت إبن العم عبد الله النويري بمايو 40 ، ولو الإجابة نعم ، مين فيهم ـ غاندي أم عارف ؟

عبد الله النويري عمي وغاندي وعارف بالتأكيد أبناء عمي وبيتنا قريب من عمنا عبد الله النويري مرحب بيك ود البصير وهدي أنت والمدام

[النويري]

[quote=بدر الدين محمد;582966]عصام محمد نور من قرية في ريفي ارقو اسمها كودي
نشأ في الحصاحيصا
ثم مدني
ثم الخرطوم

quote]

وله التحية ومن حقنا التمسك بموهبته ونجوميته والحصاحيا ومدني بنات اعم[/


حبيبنا بدر الدين شكراً للمعلومة المهمة جداً جداً وقيمة في تقديري

[روبش]

ود البصير ... اديك العافيه
احساس جميل من شخص جميل
ولكن بالنسبة لعصام لا زال الفاضل السنوسي بداخله
ولا زال السمؤل ونوبه وعيدابي وغيرهم للان هم رفقاء عصام في السراء والضراء
ولا زالت احياء وازقة مدني بأكملها تحن لعصام ويحن لها
ولا زال عصام محمد نور هو عصام محمد نور لم تغيره العاصمه
وان سهى عن تصحيح ما قاله صلاح طه فذلك احترام لمدني
لانه يعرف واهل السودان جميعا يعرفون من اين اتى عصام محمد نور
اخي ود البصير لا نحتاج لمن ينصفنا
ولا زال الكثير يحلم بأن يكون من مدني

[mahagoub]

من مدنى او لا فلن ينقص من حق مدنى شئ
فولدت وما فتئت
فلن تتوقف عند احد
عصام او غيره

[ود البصير]

عصام محمد نور من قرية في ريفي ارقو اسمها كودي
نشأ في الحصاحيصا
ثم مدني
ثم الخرطوم
وله التحية ومن حقنا التمسك بموهبته ونجوميته والحصاحيا ومدني بنات اعم


أخي بدر الدين ـ أشكرك على إضافة هذه المعلومات ـ وبدوري أضيف الملعومات المرفقة عن نشأة عصام على لسانه في لقاء بموقع الراكوبة ـ الرابط (http://www.alrakoba.net/news-action-show-id-8922.htm( :


عصام محمد نور، بلبل غريد وعلامة مضيئة في جبين الغناء السوداني، روائعه تتحدث عنه وعن حنجرته الذهبية التي ما فتئت تراقص الوجدان على إيقاع الألق. جلسنا إليه في حديث قصير الأوتار الخفية في ألحان عصام والتي لا يعرفها الناس عنه فأجاب الرجل بعفوية تضاهي روحه البشوشة فكان هذا اللقاء.

عبد الله برير

أصلا من وين يا عصام وقريت وين زمان؟
أنا من مواليد مدنية الحصاحيصا في العام 1965. قريت الابتدائي في مدرسة ود أزرق الأساسية في مدني، والمتوسط في مدني الأهلية (أ) والثانوي في مدرسة مدني الثانوية، وخريج جامعة السودان كلية الموسيقى والدراما، تخصص صوت وبيانو إضافي. وبالمناسبة اتخرجت بتقدير جيد جداً.
- لو ما كنت فنان كنت بتتمنى تكون شنو ؟
لو ما كنت فنان كنت ح أغني .
- البدايات كانت كيف؟
كنت متبني الأناشيد في المدرسة من بدري وكنت مشارك في الجمعيات الأدبية والثقافية .
- في البيت كيف زول صعب ولا عندك مساحات حوار؟
أنا زول ديموقراطي في البيت وزوجتي over ديموقراطية مني، ما في أوامر في البيت، أي حاجة بتتعمل بي ذوق، أنا زول مرن شديد لأنو الأمور ما بتمشي بالقوة .
- علاقتك بالمطبخ كيف؟
علاقتي بالمطبخ ضعيفة شديد وما بعرف أعمل ولا بيضة مسلوقة ذاتو، كباية الشاي دي ما بعرف أعملها.
- الوجبات المفضلة بالنسبة ليك شنو؟
ملاح الرجلة، الأسود المصقّع، وأي ملاح بتاكل بالكسرة زي الخدرة والويكة ( أي ملاح لايوق) لكن ما زي لياقتك البتعملها معاي دي .
- بالمناسبة دي اشتهرت بأنك زول مرح وبترد ردود ساخرة، جبت الحاجة دي من وين؟
- هي عندها محل بشتروها منو؟ دي حاجة فيني من كترة ما عركتنا الحياة وما قدرنا نعركها الواحد بتغلب على همومو بالضحك والابتسامة والهزار وخفة الدم، والفينا مكفينا زي ما بقولوا .
- بتسمع لمنو من الفنانين وياتو أغنية محببة ليك؟
برتاح للأغنيات، ما للفنانين، تقريبا بسمع لكل الرعيل الأول في الغناء السودانين وفي خصوصية لإبراهيم الكاشف، وأبوداؤود وإبراهيم عوض والمحمدين ( محمد وردي ومحمد الامين ) وما في أغنية محددة بستمع ليها.
-علاقتك بالرياضة كيف ؟
أنا مدمن لممارسة كرة القدم وأشجع المريخ العظيم، ومعه حتى النهاية، حتى ولو هبط إلى دوري الدرجة الثالثة.
- بتلعب في أي خانة، ولا دافوري؟
أنا بلعب في كل الخانات في الملعب، لكن متخصص صانع ألعاب .
- آخر كتاب قريتو كان شنو؟
ما في كتاب أعظم من المصحف الشريف وآخر مرة قريتو الليلة الصباح (أمس). وإذا توفر الوقت من مشاغل الدنيا والجري أقرا بعض كتب السيرة.
- آخر إجازة اخدتها كانت متين بدون أي نشاط؟
آخرإجازة اخدتها كانت من تاني يوم في رمضان الفات لحدي ثامن أيام عيد الفطر المبارك.
- ناس البيت ما بتضايقوا من سفرك الكيتر وارتباطاتك؟
كتير شديد، أنا ناس البيت ديل حتى لما أكون ما مسافر أغلب اليوم بمشي بخليهم نايمين بجي بلقاهم نايمين يعني الحاضر الغائب.
- كفنان المدام ما بتتضايق من معاكسات البنات المعجبات؟
المدام الحمد لله متفهمة طبيعة شغلي وما بتحصل أي إشكالات في الموضوع دا.
- سؤال اتوقعت نسالك ليهو وما سألناك؟
كنت متوقعك تسألني عن الوحدة والانفصال، أنا لحنت كم عمل بخصوص الموضوع دا، لكن نحنا بنلعب في الزمن الضائع، العمل للوحدة مفروض يكون من بدري ما يكون هسي زي علوق الشدة، أعمالي دي أنا حأغنيها حتى لو حدث الانفصال، يعني ما حاغنيها هسي بغنيها بعد الاستفتاء .

الاحداث

[ود البصير]

[quote=بدر الدين محمد;582966]عصام محمد نور من قرية في ريفي ارقو اسمها كودي
نشأ في الحصاحيصا
ثم مدني
ثم الخرطوم

quote]

وله التحية ومن حقنا التمسك بموهبته ونجوميته والحصاحيا ومدني بنات اعم[/

حبيبنا بدر الدين شكراً للمعلومة المهمة جداً جداً وقيمة في تقديري


أخي النويري ـ صدقني الأمر بالنسبة لي لا يتعدى شعور أهل مدني بالفخر حيال أبنائهم المبدعين ، ولذلك الموضوع يحتاج قدر من الحرص وإن شئت قل اللباقة في مثل هذه المواقف ،

الحصاحيصا مدينة حبيبة للنفس ، وأكن لها تقدير ومحبة لأهلها ، وإثارة هذا الموضوع أرجو أن لا تثير أي قدر من الحساسية ، فلو قال عصام أنه من الخرطوم لأثير الموضوع أيضاً

أخي النويري ـ أشكرك كثيراً على تفضلك بالإجابة على سؤالي الشخصي ، وليتني أستطيع الوصول للأخوة غاندي ، عارف ، طارق ـ جوال ـ 0504672450

[ود البصير]

ود البصير ... اديك العافيه
احساس جميل من شخص جميل
ولكن بالنسبة لعصام لا زال الفاضل السنوسي بداخله
ولا زال السمؤل ونوبه وعيدابي وغيرهم للان هم رفقاء عصام في السراء والضراء
ولا زالت احياء وازقة مدني بأكملها تحن لعصام ويحن لها
ولا زال عصام محمد نور هو عصام محمد نور لم تغيره العاصمه
وان سهى عن تصحيح ما قاله صلاح طه فذلك احترام لمدني
لانه يعرف واهل السودان جميعا يعرفون من اين اتى عصام محمد نور
اخي ود البصير لا نحتاج لمن ينصفنا
ولا زال الكثير يحلم بأن يكون من مدني

تسلم يا روبش على الإضافة القيمة
بس مدني للجميع ـ ومن يشرب من سبيل بمدني فهو ينتمي لها

تخريمة : المشكلة يا روبش الحلم دا أصبح سهل المنال بعد الخطط الإسكانية الأخيرة ، الجماعة خلو الأرض في المناقل أغلى من مدني

[بدر الدين احمد الطائف]

ودالبصير سلام
عصام محمد نور اشتهر كفنان وميلاده الفنى كان فى مدينة ودمدنى ولما يذكر عصام الفنان لابد ان تذكر مدنى.
اما اذا كان عصام محمد نور شخص عادى فلابد ان يذكر مولده الاصلى وينسب له ومافى زول حا يهتم.

مشكور استاذ بدرالدين محمد اول مرة اعرف انه عصام محمد نور من مواليد الحصاحصيا.

[ايمن عبد الله]

اعتقد ان الموضوع غير مهم بالدرجة الكبيرة دي .. ولا اظن ان صلاح طه يقصد من وراءه شي .. ولكن لان الاستاذ صلاح دائماً ما يحب ان يعطي المشاهدين معلومات يظن انهم على جهل بها .. او يحب دائماً مفاجأة الجماهير بإحضار معلومات جديدة لزوم الاثارة وكده .. لبرنامجه الفاشل الذي يحاول به تقليد الاستاذ بابكر الصديق الذي يحسب أيضا على انه إبن مدني .. في برنامجه الناجح نجوم الغد ..

[عبدالله محمد العقاد]

ود البصير وين يا زول انشالله عافية

التحية لك على هذا الموضوع الذي يوضح وفائك و حبك لست المدائن
عصام محمد نور اكبر مني شوية و كان قدامنا في الاهلية ( أ ) المتوسطة و هو من اولاد حي البيان وبانت و على ما اذكر انه اهل امه من الحصاحيصا لانه دائما كان عندهم زوار من الحصاحيصا لكن يبدو لي باقي اسرته من ابوه لسة في حي البيان و يبدو لي لسه بيتهم في بانت .
اما مسالة انه صلاح طه يقول انه ابن الحصاحيصا فيبدو لي دا مقصودة في راي المتواضع وذلك يبدو لي للنعرات العنصرية التي ظهرت على بعض من اولاد مدني للمدينة او من بعضهم للاحياء داخل مدني مثال ذلك المنتديات التي تحمل اسماء الاحياء داخل مدني
مما يؤكد كلامي اليوم باشوف في قناة الشروق في برنامج الرياضة كان هناك سؤال و جائزة والسؤال عبارة عن صورة لواحد من اللاعبين فالسؤال هل اللاعب اللي في الصورة هو حمد دفع الله لاعب الاهلي مدني و ود كركوج الجزيرة ام هو لاعب بورسودان فلان ام لاعب الفريق الفلاني
اللي لفت نظري في السؤال انه لما ذكر اهلي مدني ذكر منطقة اللاعب اي القصد منها توضيح انه اللاعب حمد ما عنده علاقة بمدني و لا ينسب لمدني
عليه انا استنتجت انه مدني اصبحت ايضا مقصودة اعلاميا بعد سياسيا و طبعا دا كله جزاء ما اقترفت ايادي بعض اولاد مدني

[ود البصير]

من مدنى او لا فلن ينقص من حق مدنى شئ
فولدت وما فتئت
فلن تتوقف عند احد
عصام او غيره


أستاذ محجوب ، أشكرك كثيراً على المرور والمداخلة ـ فقط كنت أمني النفس لو أن عصام حرص على منح مدني حقها الأدبي ، فهل مبدع رائع ،

[ود البصير]

ودالبصير سلام
عصام محمد نور اشتهر كفنان وميلاده الفنى كان فى مدينة ودمدنى ولما يذكر عصام الفنان لابد ان تذكر مدنى.
اما اذا كان عصام محمد نور شخص عادى فلابد ان يذكر مولده الاصلى وينسب له ومافى زول حا يهتم.

مشكور استاذ بدرالدين محمد اول مرة اعرف انه عصام محمد نور من مواليد الحصاحصيا.


أشكرك أستاذ بدر الدين على المداخلة ، الجميع يعلمون أن عصام هو أبن مدني ، ولكن لحاجة في نفسه سعى صلاح طه لطمس الحقيقة ، وساعده عصام بالصمت ، وهو موقف ربما اثر في علاقة عصام بأهله في مدني ، مثلما أثار سخط من من حضر معي السهرة في تلك الليلة

عصام يحظى بمحبتنا ، فنتمنى أن يسعى لأن يكون حبل الود موصولاً بيننا

[ود البصير]

اعتقد ان الموضوع غير مهم بالدرجة الكبيرة دي .. ولا اظن ان صلاح طه يقصد من وراءه شي .. ولكن لان الاستاذ صلاح دائماً ما يحب ان يعطي المشاهدين معلومات يظن انهم على جهل بها .. او يحب دائماً مفاجأة الجماهير بإحضار معلومات جديدة لزوم الاثارة وكده .. لبرنامجه الفاشل الذي يحاول به تقليد الاستاذ بابكر الصديق الذي يحسب أيضا على انه إبن مدني .. في برنامجه الناجح نجوم الغد ..


أشكرك أخي أيمن على المداخلة ،
ولكن لو كان صلاح طه يسعى لإعطاء المشاهدين معلومات جديدة ، فليعطيهم معلومات صحيحة ، ولو كان رجلاً مغرض ، كان حري بعصام أن لا يسمح له بذلك على حساب مدني ، وينبغي أن يكون هو أحرص من غيره لحفظ حقها الأدبي

[ود البصير]

ود البصير وين يا زول انشالله عافية

التحية لك على هذا الموضوع الذي يوضح وفائك و حبك لست المدائن
عصام محمد نور اكبر مني شوية و كان قدامنا في الاهلية ( أ ) المتوسطة و هو من اولاد حي البيان وبانت و على ما اذكر انه اهل امه من الحصاحيصا لانه دائما كان عندهم زوار من الحصاحيصا لكن يبدو لي باقي اسرته من ابوه لسة في حي البيان و يبدو لي لسه بيتهم في بانت .
اما مسالة انه صلاح طه يقول انه ابن الحصاحيصا فيبدو لي دا مقصودة في راي المتواضع وذلك يبدو لي للنعرات العنصرية التي ظهرت على بعض من اولاد مدني للمدينة او من بعضهم للاحياء داخل مدني مثال ذلك المنتديات التي تحمل اسماء الاحياء داخل مدني
مما يؤكد كلامي اليوم باشوف في قناة الشروق في برنامج الرياضة كان هناك سؤال و جائزة والسؤال عبارة عن صورة لواحد من اللاعبين فالسؤال هل اللاعب اللي في الصورة هو حمد دفع الله لاعب الاهلي مدني و ود كركوج الجزيرة ام هو لاعب بورسودان فلان ام لاعب الفريق الفلاني
اللي لفت نظري في السؤال انه لما ذكر اهلي مدني ذكر منطقة اللاعب اي القصد منها توضيح انه اللاعب حمد ما عنده علاقة بمدني و لا ينسب لمدني
عليه انا استنتجت انه مدني اصبحت ايضا مقصودة اعلاميا بعد سياسيا و طبعا دا كله جزاء ما اقترفت ايادي بعض اولاد مدني


أستاذ عبد الله ـ أطنان من الود والمحبة والإخاء

يسأل عنك الخير يا حبيب ـ طبعاً أصبحنا في قبضة (الحكومة) وأصبح كل شئ بحساب ، خليها على الله

كالعادة تعطي مداخلتك زبدة الموضوع ، وهو إستهداف مدني ـ نعم هو الخلاصة ـ مدني مستهدفة في وسائل الإعلام بشكل متعمد ـ وأتفق معك جزئياً في أسباب هذا الإستهداف ـ والدلائل على إستهداف مدني لا تخفى على العين الفاحصة ، أنظر الأن للنشرة الجوية ، أنظر لمدني التي يتم إدراجها في المؤخرة ، وبعد أن يتم إدراج كل المدن ـ بل أنظر لإستهداف مدني في بطولة المحليين الأخيرة ، حيث منحت فرصة إستضافة المجموعة ، ولكن بدلاً عن أن تكسب خيراً ، نالتها السهام من كل حدب وصوب ، ودون أن يعرف أحد حتى اليوم من أمر بإزالة نجيل الأستاد قبل بضع أيام من إنطلاق البطولة ، فحققت المؤامرة هدفها ، بعد أن أصبحت المدينة العريقة محل سخرية الجميع ، وتهكم المنتديات

أشكرك كثيراً أخي ودالعقاد

[ام قبس]

ود البصير ازيك
[/B][/COLOR]بالنسبه لي صلاح طه فهي مقصوده منه لاني سمعتها اكثر من مرة يردده في برنامجه الذي اعتبرة افشل من الفشل . دي واحد
عصام اذا كان شخص عادي لن يعره اي شخص اهتمام ابدا اذا كان من مدني او من جمهورية جنوب السودان ولكن لانه فنان وفنان اكثر من رائع وهذه الروعه والمكانه لم توفر ولم تتاح له الا بمدني ولو كان ظل بالحصاحيصا لمان كان عصام محمد نور دي اتنين .
عصام مهذب وخجول لايحتلف اثنان من ابناء مدني في ذلك فجميعنا نعرف هذا عن عصام ومجامل ايضا ولكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ان يجامل عصام في حق مدني هنا يكون ناكر جميل و هنا لنا وقفه ووقفه قويه وسنسمعها لعصام طال الزمن او قصر دي تلاته .
تستهدف مدني من الحكومه نعلم لماذا لانها مدني ومدني تعرفها كل الانظمه والحكومات ولكن ان يستهدفها من ترعرع فيه ان يستهدفها ابناءها ان يسمحوا لكل من هب ودب بالاساءة لها هذا ملا نقبله لان مدني لم ترضع احد جحودا ولا نكران ولا عقوق
شكرا ود البصير



قال عصام من الحصاحيصا شوفو جنس المحن دي :confused::confused::confused::confused:

[بدر الدين احمد الطائف]

Quote:
قاطعوا حفل سفارة النظام وفنان النظام عصام محمد نور!!!!
مجتمـــع السودانيين
بمنطقة واشنطن الكبرى

لعلكم تتابعون مجريات الامور وتداعياتها فى وطننا السودان .. وكنتيجة طبيعية وحتمية لسياسات الحرب والخراب التى انتهجتها حكومة الجبهة الاسلامية منذ استيلائها على السلطة بانقلابها المشئوم فى 1989. فقد اختار اهلنا فى الجنوب الانفصال على البقاء تحت هكذا نظام .. ومازالت نار الحرب مشتعلة فى دارفور مخلفة ورائها الاف القتلى والاجئين والنازحين . وفى جبال النوبة والانقسنا وابيى مازالت الحكومة تمارس حيلها لخلق مزيدا من عدم الاستقرار والبلبلة .

تصاعدت حدة الازمة الاقتصادية ، واحتكرت عصابة الجبهة الاسلامية السوق مما نتج عنه ارتفاع جنونى فى تكلفة المعيشة ، وانعكس ذلك سلبا على العلاج والدواء وكافى مناحى الحياة ..
خرجت جماهير الشباب والنساء فى مظاهرات الاحتجاج على هذا السياسات .. لجات الحكومة لاستخـدام الـة البطش والارهـاب لقمعها .. فاعتقلت الكثير منهم وتجاوز جهاز امن النظام الحقير كل القوانيين والاعراف .. فمارس اقذر اساليب التنكل ، والتعذيب منتهكا كرامة وحق المعتقلين والمعتقلات الانسانى . بل استخدم الاغتصاب كسلاح امعاننا فى اذلال الشعب السودانى.
ونتيجة لكل ماورد ذكره من ممارسات وسياسات رعناء اصبح النظام في ورطة حقيقية وعزلة مطبقة داخليا وخارجيا وانفض السامر واصبح الانتماء لهذا النظام المجرم وصمة عار لمن كل من ساوم وهادن او ارتهن ارادته لهم..واصبح الشارع قاب قوسين وادني من الانفجار الوشيك ..والقضاء علي دولة الظلام وعهد الظلم..
وفي محاولة يائسة لفك تلك العزلة المجيدة وخاصة عزلة النظام وسط جموع المهاجرين الشرفاء في الولايات المتحدة والذين كانوا ومازالوا شوكة حوت..يصعب بلعها وحاول النظام وبكل السبل كسب ود جماهير واشنطوان وعزلهم او تدجينهم وتحيدهم..وفي هذا الاتجاه تطالعنا الانباء بوصول وفد رسمي يمثل تلفزيون السودان بصحبة الفنان عصام محمد نور والمخرج طارق كبلو والاثنان اعضاء رسميين في مايسمي بحزب المؤتمر الوطني..تخيلوا ..هذا الوفد جاء في مهمة رسمية الا وهي فك عزلة النظام اجتماعيا وخلط اوراق السياسة بالمجاملات الاجتماعية.
ولكن خاب ظنهم وفشلت حسابتهم كعدنا بهم في سوء تقديرهم لقيم الشعب السوداني الابئ..وبالامس القريب يتبجح ممثلهم في واشنطون المجرم عقيد امن النظام المدعو محمد سليمان عبدالله وفي لقاء عام وبمل فيه ..ان بامكانه شراء اي سوداني..هذه عقليتهم وهكذا ال حالهم..قمة العنجهية والغرور وقمة النظرة الدونية والاستهتار بالشعب السوداني العظيم..ونحن هنا في واشنطون نقول لهذا المجرم..ان جماهير واشنطون تعرف هذا النظام جيدا..وستفشل كما فشل غيرك من سدنة النظام..حاول نظامك البائس من قبل حملة الجوزات..وفشلت تم تبعها بحملة بيع الاراضي..وفشلت ..ثم كانت قمة الفشل في حملة الانتخابات الاخيرة..
من هنا نخاطب جماهير شعبنا ..جماهير الثورة القادمة في واشنطون وفي كل الولايات الامريكية..قاطعوا حملات السفارة المحمومة في تبيض وجه نظام الانقاذ اذ كان او مازال لهذا النظام المجرم وجه..قاطعوا هذه الحملات المتخفيه في شكل حفلات ترفيهيه..وفي ظرف اقل من شهر كانت قناة الشروق..ودي قناة كيزانية عديل..في مدينة فيلادلفيا تقوم بنفس الدور القذر لتلميع النظام وفك عزلتهم وكربتهم في امريكا..بعبع الكيزان مش كدا يا كرتي...السؤال هل تمت كل هذه الترتيبات وفي هذا التوقيت وهكذا ظروف صدفة..كلا والف كلا..هذا النظام يواجه مصيره المحتوم وما يقوم به الان فرفرة مذبوح..فعلي جماهير شعبنا الاوفياء نيل شرف المشاركة في عزلهم
ورميهم في مزبلة التاريخ..

هذا ما كتبه الأخ محمد محمود ونشره فى منبر آخر
نقل من سودانييز اون لاين

س سؤال هل فعلا عصام محمد نور مؤتمر وطنى يا ناس مدنى

[انيس التوم]

الاخ العزيز كاتب الموضوع

اشكرك اولاً على هذه الغيرة المستحقة وكلنا نفتخر بود مدني حيثما كنا ، الاستاذ عصام محمد نور من ابناء فريقي مدني بانت جوار المدرسة الصناعية والشيء الذي كنت اعرف ان لديها اقارب من الدرجة الأولى في الحصاحيصا والدليل على ذلك الزيارات المتبادلة واقاربة الذين كانوا يسكنون معهم مثل الأخ الرائع ابو طالب وكان حينها طالب ، الشيء الذي اعرف عصام يفتخر بذلك والدليل على ذلك عندما ذهب للخرطوم سكن مع ابناء مدني قبل أن تأتي اسرته مع الاخوة الاعزاء ياسر الحبوب ود المزاد وياسر سيد خليفة وبقية الأخوة الاعزاء .وحتى عندما اشتهر في الخرطوم كان يزور مدني بصورة دائمة ....
ويكفينا انا السودان كله بيعرف عصام محمد نور من مدني واما صاحب البرنامج الفاشل ده الناس ما تشغل بيه كتير .....
لك التحية اخي
انيس التوم
سيول-كوريا الجنوبية

[عوض صقير]

الحبيب ود البصير

المبدع / عصام محمد نور .... زول مهذب وحساس جداً ...
وفجأة وبدون مقدمات وجد نفسه فى موقف حرج جداً ... عندما قدمه صلاح طه ..
وفى هذه الحالة وحسب شخصية عصام محمد نور المهذبة الخجولة لم يستطيع التعليق على كلمة صلاح طه ,
لأن أى كلمة تصدر من عصام لنفى أو أثبات ما قاله صلاح طه سوف يدخله فى موقف محرج آخر

عصام محمد نور ظهر كثير جداً عبر مختلف القنوات الفضائية
وكان جل حديثه موجه لمدنى وحبه لها ولم يتطرق خلال لقاءاته بأنه من مواليد الحصاحيصا


وبالمقابل حضرنا حلقات كثيرة جداً للفنان محمد الأمين وكان يذكر دائماً بأنه من مواليد ( قرية ود النعيم )


والفرق هنا بين عصام وود الأمين بأن الأول لم يصرح والثانى صرح أكثر من مرة

ومن هنا نقدر نقول بأن حب وعشق ( عصام ) لمدنى حال بينه وبين التصريح بذلك

وهنا لابد أن نحى هذه الروح الطيبة لهذا الشاب الطيب الخلوق المسكون حباً لمدنى وأهل مدنى ...

[ابو عبد الرحمن]

عصام محمد نور . أخوك الكبير إسمو عادل محمد نور . حسب ظني
من مواليد الحصاحيصا . أخوه كان في فرقة اللواء عشرون مشاة بمدني
تابع لفرقة سلاح الموسيقي أو الرياضيين . ومشجع لفريق الاهلي مدني
وكان إداري اللهو عادل محمد نور في رابطة المشجعين . وعصام
يعشق مدني . وكما ذكر الاخ عندما ذهب الى الخرطوم كان ساكن
مع ياسر الحبوب اللهو من حي المزاد من مدني وياسر سيد خليفة
وبعض الاخوان من مدني ..... الشاهد في الموضوع إنو عصام
يرتبط بمدني كلياً وكذلك جميع الاخوان والاسرة . ويعرف مدني
اكثر من سكانها . ... وان ولد في الحصاحيصا . فهذا لا ينفي انه
من مدني ...كل ناس مدني كانو ساكنين وري القضيب . يعني
قضيب السكة حديد . ورحلوا بعدها الناس .المشي المزاد والمشي دردق
ومايو ... فعندما تسال الواحد بقول انا من المزاد او مايو او دردق
ما بقول انا من المدنين او ود أزرق.. بقول انو في المكان الساكن
فيهو وتربي وكبر وعاش فيهو ...........................
اما هذا الخبيث صاحب النوايا الخبيثة . مقدم البرنامج الفاشل
وهو زاتو فاشل ... يريد ان يطمس الحقائق .. كل الدنيا والعالم
بعرف عصام انو من مدني .. وعصام عندما يكون هو من مدني
فهذا شرف له هو . واي شخص ينتمي لمدني فهو شرف له وليس
لمدني ... فمدني أنجبت الكاشف والمساح وكثير من عباد الله الشكور
الذي لا يسع المكان لذكرهم .............. نشكرك ود البصير كثير

[ودسمير]

يا احباب ليكم السلام ...
عصام محمد نور شاب رائع ومتواضع جدا ..
والده محمد النور على اسد جزوره من الشماليه ولكن ولد ترعرع فى ودمدنى لان جده النور على اسد كان عسكرى ( كان يسمى الشاويش النور) وظروف عمل والد عصام الذى كان يعمل بالصحه فى الحصاحيصا وعصام ولد فى الحصاحيصا ولكنه اتى الى ودمدنى طفلا صغيرا جدا جدا ونشا وترعرع فى ودمدنى ( كل مراحله الدراسيه) وبدأ حياته الفنيه من الدورات المدرسيه فى مدنى .
يعنى يا جماعة الخير عصام ابن ودمدنى ( وذى ما بيقولو الام ليست التى تلد ولكن الام التى تربى )>>

لفه صغيره ..
برضو ناس الحصاحيصا اهلنا وجيرانا ..

[ايمن عبد الله]

أشكرك أخي أيمن على المداخلة ،
ولكن لو كان صلاح طه يسعى لإعطاء المشاهدين معلومات جديدة ، فليعطيهم معلومات صحيحة ، ولو كان رجلاً مغرض ، كان حري بعصام أن لا يسمح له بذلك على حساب مدني ، وينبغي أن يكون هو أحرص من غيره لحفظ حقها الأدبي

في ناس كده يا ود البصير معاكسين .. يعني الشئ المعروف لكل السودان انه عصام من مدني .. ولكنه قد لا يكون مولود في مدني لكنه نشأ على الاقل فنياً في مدني .. اها صلاح ده عايز يثير الامر ويغالط كل السودان بإنه ما مدني لكن زي ماقلت ليك .. شي ما مهم شديد عشان الناس تقيف فيه لانه اصلاً هو فاشل كما ذكرت لك يعني هو وبرنامجه ما نافعين ..

[moh_alnour]

بعيدا ً عن نظرية المؤامرة و إستهداف ود مدني
لدينا كسودانيين عادة قديمة متوارثة و هي أن تلد الزوجة إبنها الأول و ربما كل أبنائها عند والدتها
فمثلا ً أختي الصغيرة وضعت إبنتها البِكر و إبنيها الصغيرين في مدينة ود مدني و لكنهم نشأوا في مدينة الجنيد
و الأن إرتباطهم بالجنيد أكبر من إرتباطهم بمدني و التي هي مسقط رأس أبويهم
أيضا ً ظروف العمل و تنقلات الموظفين بين المُدن و الأرياف قد تضطر إحداهن أن تضع مولودها بعيدا ً عن أرض الجدود و الجذور
أيضا ً أنا و زوجتي من ( مدني ) و نقيم في مدينة ( جدة ) و قد ذهبت لخالتها في مدينة ( الدمام ) و لكنها وضعت أبننا الأول في ( القطيف )
فما تدري نفس بمكان ميلادها و لا تدري نفس بأي أرض تموت
أسأل الله طول العافية و طول العمر للجميع
فعصام محمد نور شديد الولاء لمدني و دائم العرفان لأستاذه و أستاذي بمدرسة السني الثانوية الملحن ( الفاضل السنوسي )

[ايمن عبد الله]

وضعت أبننا الأول في ( القطيف )


الخوف كل الخوف يا ود النور بعدين ذي يزن ده يطلعو ليك شيعي أديييل كده اعمل حسابك ..

(حاول زور شهادة الميلاد) :cool: