واحد زول سوداني مصلح

[خالد الزين]

ياسودان
الوطن الواحد
تسلم
من الفرقة
ومن البقلع
عرق الناس الساكنة
مسامك ومن البلفح
انت الارض
الطاهرة وكل جمال
الوصف محلك
سكنو في حين الغفلة
قيادي
امي وجاهل
واحد زول سوداني
مصلح
واحد زول سوداني
مصلت
لابس عمة وملفح
في الرجلين
مركوب النمر
بيخلع
وريحة افرنجي
تزكم انف
البلد الولدت
كل ضمير
سوداني معتق
لمن امرق
زول سوداني مصلت
تمرق جوقة
النجدة
ومتين موتر
وكمين مدفع
قالوا
قيادي
جاي ازورنا
اروي الارض
البايرة وفايرة
دايرة البزرع
وافتح مصنع
للمكرونة
وكمين مذبح
ومصنع شبس
ولبن البدرة
وتانك معلب
دة الناقصنا
ودة الواجعنا
طلع زيتنا
زول سوداني مصلح
جاي مكندش
من المكتب وضل عربية
هواها مرطب
جاي ازور
الناس الفيهم
عرق الشقا
بالحيل اتوسد
جاي اكضب وارفع ايدو
باسم الدين
الكضب اتوجع

[صلاح سر الختم علي]

محاولة جيدةومبشرة للكتابة بالعامية
يقولون اذا اردت ان تجيد كتابة الشعر أقرأ الشعر كثيرا فكلما قرأته واستمعت اليه
اقتربت من روح الشاعر وعقله وعرفت أسرار كتابة الشعر بدون معلم
واذا اردت كتابة القصة أقرأ القصص تتعلم منها والأهم من ذلك ستملك قاموسا لغويا وحاسة لغوية صحيحة

[بت أم درمان]

محاولة جيدةومبشرة للكتابة بالعامية
يقولون اذا اردت ان تجيد كتابة الشعر أقرأ الشعر كثيرا فكلما قرأته واستمعت اليه
اقتربت من روح الشاعر وعقله وعرفت أسرار كتابة الشعر بدون معلم
واذا اردت كتابة القصة أقرأ القصص تتعلم منها والأهم من ذلك ستملك قاموسا لغويا وحاسة لغوية صحيحة

لا خلا ولا عدم
نشكرك على النصيحة
استاذ صلاح سر الختم

[بت أم درمان]

ياسودان
الوطن الواحد
تسلم
من الفرقة
ومن البقلع
عرق الناس الساكنة
مسامك

قصيدتك دي كتبتها
قبل الانفصال ولا بعد؟

يسلمو يدينك
وراجين اكثر من ابداعاتك

[خالد الزين]

محاولة جيدةومبشرة للكتابة بالعامية
يقولون اذا اردت ان تجيد كتابة الشعر أقرأ الشعر كثيرا فكلما قرأته واستمعت اليه
اقتربت من روح الشاعر وعقله وعرفت أسرار كتابة الشعر بدون معلم
واذا اردت كتابة القصة أقرأ القصص تتعلم منها والأهم من ذلك ستملك قاموسا لغويا وحاسة لغوية صحيحة


شكرا استاذ سرالختم

[خالد الزين]

قصيدتك دي كتبتها
قبل الانفصال ولا بعد؟

يسلمو يدينك
وراجين اكثر من ابداعاتك


كتبتها قبال ما اشرطوا من الخريطه اللون الاسود واخلوا لينا سواد الضمير شكرا بت ام درمان