صفية .. شرف البلد !!

[ايمن عبد الله]

صفية .. شرف بلد !!

بقلم / نادية عثمان مختار

nadiaosman2000@hotmail.com

شن نقول !!
يأخي نحنا فترنا قول !!
جد شن نقول ؟!!
دايرة أصرخ وأبكي وجعاً
دايرة أكورك أوووووب عليا !!
عاوزة أضمك خايفة يُمّة
شن بزيح عن صدري غُمّة ؟
وكيف نجيب تار البنية ؟!!
هتكوا عرضك ياعرضنا
يا الأميرة وست أرضنا
وعكّروا الموية النقية !!
نحن وين في ياتو غابة ؟!
وين بلدنا .. ووين شبابها ؟!!
وين بلد سمح السجية ؟!
يا شماتة الدنيا فينا !
تاني عاد شن باقي لينا !!
نبقى شعب أولاد لذينا ؟!
والأمان عند عُصبجية ؟!!
بتي تصرخ كُر عليّا !
أختي تصرخ أوب عليّا !
أمي تصرخ حي عليّا !
الأمان بقى ليه شوية ؟!!
بت جميلة شديد نقية
بت عفيفة وجد ذكية
رفعوا ( إسكيرتيها) عنوة
وعاثوا صلفاً وعنجهية !!
غالية بت الناس حلاتها
شابة سمحة ومرمرية
مابتخاف من ذئب جائع
بت شجاعة وجد قوية !
ورغم حزننا يا صفية
إنتِ معنى العزّة فينا
وإنتِ نار الثورجية !!
إنتِ رمز العفة دائماً
مريم القديسة طاهرة
هزّي جزعنا يا آبية !!
أمسحي الدمع المدفّق
طهّري الجُرح المنوسر
ورُشي فوقنا الصندلية !
نحن ليك دفقت دموعنا
نزفنا وإتوجعت قلوبنا
وبيك فتحنا ملف قضية !!
كيف يجوز يعني السُكات ؟
كيف نقول الفات ده مات ؟
ومات شرف (طب) وعسكرية !!
لا لا يا بتي الجميلة
لا لا يا أختي العزيزة
لا لا يا أمي البهية
لا لا ما بنسكت وحاتك
وبيك بنقوى وبي ثباتك
بكرة تشرق بيك شمسنا
ومابكسّروا رأس وليِّة !!
لمِّي ( إسكيرتيك) وقومي
قُشي دمّك في وشوشهم
وأوعي تقبلي بالأذية !!
غطي ( عورة) إتناوبوها !!
إنتِ مستورة وشريفة
هم جناة وإنتِ الضحية !
رأسك المرفوع هو تاجنا
سنك الفيل إنتِ عاجنا
ونحنا بيك مليون وماية !
أوعي تجفلي يا بنية
بكرة جاي عشانك إنتِ
وتتفتح مليون قضية !!
ديلا هتكوا ( الأمن) فينا
وقدّوا قمصان الصبية !!
ده إغتصاب للأمن ( يخسي) !!
عشة ، مريومة وهدية !!
نحن بندور فجر أخضر
ومعنى أكبر
للوطن والمواطنة والهوية !!
نحنا حقنا يأخي نقدل في بلدنا
ومافي زول يقبض صفية !!
كل زول حُر لو مؤيد
وكل زول حُر لو معارض
والحوار ما بندقية !!
حقي أطلع زي صفية
وزي عشوشة وزي علية
حقي أرفض .. حقي أصرخ
في الصباح أو في العشية !
حقي أرجع بيتي ( آمنة)
دون مساس من ( بلطجية) !!
جيبي حقنا يا صفية
حق بلد حُرّة وآبية
ويلا نرفض يا بنية
إغتصاب شرف المعاني
وإنتهاك نبض الأغاني
من عصابة وأمنجية !!
الله عادل ما بيقبل
ظلم أو فعل الأذية !
القصاص حُكم الله عادل
وأي بت في الكون صفية !!
تستحق فتح القضية
وينتصر شرف البنية !!
ينتصر شرف البنية !!

[عبدالله محمد العقاد]

صفية .. شرف بلد !!

بقلم / نادية عثمان مختار

nadiaosman2000@hotmail.com

شن نقول !!
يأخي نحنا فترنا قول !!
جد شن نقول ؟!!
دايرة أصرخ وأبكي وجعاً
دايرة أكورك أوووووب عليا !!
عاوزة أضمك خايفة يُمّة
شن بزيح عن صدري غُمّة ؟
وكيف نجيب تار البنية ؟!!
هتكوا عرضك ياعرضنا
يا الأميرة وست أرضنا
وعكّروا الموية النقية !!
نحن وين في ياتو غابة ؟!
وين بلدنا .. ووين شبابها ؟!!
وين بلد سمح السجية ؟!
يا شماتة الدنيا فينا !
تاني عاد شن باقي لينا !!
نبقى شعب أولاد لذينا ؟!
والأمان عند عُصبجية ؟!!
بتي تصرخ كُر عليّا !
أختي تصرخ أوب عليّا !
أمي تصرخ حي عليّا !
الأمان بقى ليه شوية ؟!!
بت جميلة شديد نقية
بت عفيفة وجد ذكية
رفعوا ( إسكيرتيها) عنوة
وعاثوا صلفاً وعنجهية !!
غالية بت الناس حلاتها
شابة سمحة ومرمرية
مابتخاف من ذئب جائع
بت شجاعة وجد قوية !
ورغم حزننا يا صفية
إنتِ معنى العزّة فينا
وإنتِ نار الثورجية !!
إنتِ رمز العفة دائماً
مريم القديسة طاهرة
هزّي جزعنا يا آبية !!
أمسحي الدمع المدفّق
طهّري الجُرح المنوسر
ورُشي فوقنا الصندلية !
نحن ليك دفقت دموعنا
نزفنا وإتوجعت قلوبنا
وبيك فتحنا ملف قضية !!
كيف يجوز يعني السُكات ؟
كيف نقول الفات ده مات ؟
ومات شرف (طب) وعسكرية !!
لا لا يا بتي الجميلة
لا لا يا أختي العزيزة
لا لا يا أمي البهية
لا لا ما بنسكت وحاتك
وبيك بنقوى وبي ثباتك
بكرة تشرق بيك شمسنا
ومابكسّروا رأس وليِّة !!
لمِّي ( إسكيرتيك) وقومي
قُشي دمّك في وشوشهم
وأوعي تقبلي بالأذية !!
غطي ( عورة) إتناوبوها !!
إنتِ مستورة وشريفة
هم جناة وإنتِ الضحية !
رأسك المرفوع هو تاجنا
سنك الفيل إنتِ عاجنا
ونحنا بيك مليون وماية !
أوعي تجفلي يا بنية
بكرة جاي عشانك إنتِ
وتتفتح مليون قضية !!
ديلا هتكوا ( الأمن) فينا
وقدّوا قمصان الصبية !!
ده إغتصاب للأمن ( يخسي) !!
عشة ، مريومة وهدية !!
نحن بندور فجر أخضر
ومعنى أكبر
للوطن والمواطنة والهوية !!
نحنا حقنا يأخي نقدل في بلدنا
ومافي زول يقبض صفية !!
كل زول حُر لو مؤيد
وكل زول حُر لو معارض
والحوار ما بندقية !!
حقي أطلع زي صفية
وزي عشوشة وزي علية
حقي أرفض .. حقي أصرخ
في الصباح أو في العشية !
حقي أرجع بيتي ( آمنة)
دون مساس من ( بلطجية) !!
جيبي حقنا يا صفية
حق بلد حُرّة وآبية
ويلا نرفض يا بنية
إغتصاب شرف المعاني
وإنتهاك نبض الأغاني
من عصابة وأمنجية !!
الله عادل ما بيقبل
ظلم أو فعل الأذية !
القصاص حُكم الله عادل
وأي بت في الكون صفية !!
تستحق فتح القضية
وينتصر شرف البنية !!
ينتصر شرف البنية !!


الاخ ايمن العنوان غير موفق و انا شاهدت الفيديو وواضح انه ( مفبرك ) انا لا ابري الامنجية ولكن النقل يجب ان يوزن بموازين محايدة خاصة في الامور الحساسة
فالاخت صفية لو عايزة تكون البوعزيزي السوداني كان تولع في نفسها حقيقة بدلا عن هذا

[روبش]

حقيقة اخي عبدالله العقاد اوافقك الرأي بأن الفيديو مفبرك فلا يمكن ولا يعقل ان يدنس شرف فتاة وهي تحكي ماساتها بهذه الصورة العادية من غير بكاء أو حتى خجل ويفترض بها من اول كلمة ان تطلق الدموع ان كانت صادقها
اقول ::: الله يشفيها ويشفي من يطلقون مثل هذه الدبلجات

[عمروو]

شرف من؟

التمثيلية سيئة الاخراج رفضها حتى زملاءها التشكيليين .. يصدقها من يريد ان يصدقها لسبب ما
راجعوا المواقع المتخصصة

اورنيك 8 مختلف عن اورنيك 8 المعتمد والتوقيعات التي ظهرت فيه

التحويل لمستشفى النسا والتوليد للكشف (كشف الساعة) تم تنفذه

انها الآن في ضيافة الحركة الشعبية في جوبا

والاخبار تتحدث عن فتح بلاغ ضد آخرين

[خالد عباس (أبوعمرو)]

مسكينة !!!!!!

[مولانا جلال]

الاخ ايمن العنوان غير موفق و انا شاهدت الفيديو وواضح انه ( مفبرك ) انا لا ابري الامنجية ولكن النقل يجب ان يوزن بموازين محايدة خاصة في الامور الحساسة
فالاخت صفية لو عايزة تكون البوعزيزي السوداني كان تولع في نفسها حقيقة بدلا عن هذا
الاخ ايمن اتفق مع الاخوة فيما ذكر واضيف ذكرت صفية انها تعرضت للاغتصاب فى يوم13/2وتم عمل ارنيك 8 جنائ يوم 16 التاريخ واضح فيهو ، لم يظهر اى تسجيل لها اثار ضرب ، لو لاحظت الكانيولا على يدها لااثر لاى دماء عليها ونحن نعرف عند تركيب الكانيولا انها تمتلى بالدماء وهذا مالم يظهر على التسجيل داخل المستشفى ، نعم الفبركة واضحة ولاجدال عليها

[مولانا جلال]

الاخ ايمن اتفق مع الاخوة فيما ذكر واضيف ذكرت صفية انها تعرضت للاغتصاب فى يوم13/2وتم عمل ارنيك 8 جنائ يوم 16 التاريخ واضح فيهو ، لم يظهر اى تسجيل لها اثار ضرب ، لو لاحظت الكانيولا على يدها لااثر لاى دماء عليها ونحن نعرف عند تركيب الكانيولا انها تمتلى بالدماء وهذا مالم يظهر على التسجيل داخل المستشفى ، نعم الفبركة واضحة ولاجدال عليها

نسيت اقول يا ايمن صفية لحدى ماقبضوها ناس الامن وحاولت تجرى وكمموا فمها لازالت تحمل الورق الطلعت ليهو فى يدها واتخيل قطعوا منها ناس الامن فى مبانى الجهاز ، ليه الفبركة ما القصص الحقيقية موجودة ، وانتو عارفين ليه مابتطلع لانى سودانى وصاحب اى قصة سودانى وافهموها

[ايمن الطيب]

ان جاءكم فاسق بنبا فتبينوه
عسى ان تصيبو قوما بجهاله فتصبحو على ما فعلتم نادمين