يومين نجاض فى بعض السودان الذى فضل

[بدرالدين أحمد موسى]

طلعت من البيت الصباح أشرت لى بتاع أمجاد قلت ليهو ماشى الميناء البرى قال لى المشوار بى 25 جنيه .. قلت ليهو يا زول أنا قبل شهرين بس ركبت بى 15 جنيه .. قال لى يا عمك البنزين مازاد !!.. يا زول البنزين زاد جنيهين انت تزيد عشرة .. قال لى خليها على الله .. و اتفقنا على 20 جنيه تقول شايلنى فى جالون البنزين ..

وصلنا الميناء البرى لقيت ليك ناس برد ديك .. شربت لى كوز موية بى مية جنيه ... وقطعت التذكرة برضو بالزيادة المفتخرة لزوم زيادة البنزين و الجاز .. مع انو ناس البصات السفرية قالوا ما حنزيد قيمة التذاكر .. أتاريهم كضابين و أنا ما عارف .. طلع كلام جرايد ساكت ..

وصلنا الكاملين وقت صلاة الظهر .. نزلنا .. خشيت الحمام لا مؤاخذة أشوف مويتى البى مية جنيه ديك .. طلعتها بى 500 جنيه .. معقولة يا ناس .. أشربها بى مية و أطلعها بى 500 ..

بالمساء مشيت أجيب العشاء الحاجة قالت لى جيب لينا معاك باقة زيت .. قبال شهرين اشتريتها بى 18 جنيه اليوم داك لقيتها بى 30 جنيه .. فى شنو يازول .. قال لى زيادة البنزين .. يعنى كل باقة بيرحلوها بى 6 جالون بنزين.

و أنا راجع لقيت ناس حلاوة المولد .. و الراجل بعرفو من زمان قلت ليهو عاملين كيف ان شاء الله مازادو ليكم الأيجار .. قال لى معقول ديل ما يزيدوه .. عليك أمان الله الأيجار طبق مرتين ..

تانى يوم الصباح مشيت مع أخوى السوق .. لاقاهوا واحد قال ليه يا شيخنا شوف لينا أى حاجة نتم بيهم حق العيش للفطور .. الحالة واقفة .. أخوى قال ليهو وقت ما عندك حق الفطور ما تطلعوا الشارع ..

تحريض للتظاهر .. أم دعوة للأصلاح سمها ما شئت و لكنها تدخل فى مخالفة أحكام قانون الطوارئ و القبضة الحديدية !!

[مدنيّة]

انت يابدر الدين
الجابك شنو!!
جاي للنجاض دا ليه ياخ!
ماقاعد هناك مرتااااااااح
النجاض دا خليه لينا احنا

[الجندي المجهول]

الحبيب بدر الدين .............

انت في السودان توقع كل شئ إلا الصدق .............د
وستجد كل شئ إلا الضمير الحي

وحريقة في البنزين وفي السرق البنزين زااتوو....

أسال الله ان يحفظك أنت والحجة وجميع افراد الاسرة الكريمة ...

[مدنيّة]

انت في السودان توقع كل شئ إلا الصدق .............
وستجد كل شئ إلا الضمير الحي



لطفا يا الجندي
ماتعمم ياخ
عشان ما تظلم ناس صادقة وعندها ضمير
حتي لو كانت قلة قليلة

[خالد الزين]

نجاض نجاض نجاض

[الجندي المجهول]

لطفا يا الجندي
ماتعمم ياخ
عشان ما تظلم ناس صادقة وعندها ضمير
حتي لو كانت قلة قليلة

طيب ولا تزعلي نفسك

95%
بالنسبة للضمير الميت 99%

تخريمة : مع المجاملة ،،،،

[مدنيّة]

طيب ولا تزعلي نفسك

95%
بالنسبة للضمير الميت 99%

تخريمة : مع المجاملة ،،،،

الله لا جاب زعل يا الجندي

--------
عارف يامحمد
حتي لو بنسبة واحد من المليون في المائة
بث الزول يحفظ للعندهم صدق & ضمير حقهم

--------
شكرا للاستجابة
وياهو العشم

[الجندي المجهول]

الله لا جاب زعل يا الجندي

--------
عارف يامحمد
حتي لو بنسبة واحد من المليون في المائة
بث الزول يحفظ للعندهم صدق & ضمير حقهم

--------
شكرا للاستجابة
وياهو العشم


لو بتعرفي يا عمتي انا اكثر شخص معني باستقرار السودان وبغض النظر عن الاسباب

نحن مغتربين وفي كل يوم نحلم بالرجوع للبلد ولكن انت تعرفين كل يوم الاسعار في زيادة وحتى الراضي الدفعنا فيها قروش لا لمينا في قروشنا لا لمينا في قطعة ارض
وكل لجنة ترمي اللوم على لجنة اخرى يعني اتسرقنا على عينك يا تاجر
ما يحدث الن في السودان لم اسمعه في قهوة ولا لمة شباب ولا في بيت بكا

تجربة ومررت بها مثلما مر بها
ابو زيد
معتز الريح
المميز
محمد عبد الله
ابو عمرو
الخ .....

النجيك من الاخر كدا ...
في السودان تدفع من تحت التربيزة ... كل الامور بتمشي مهما صعبت

وفي السودان كل بيقول يا نفسي ..... (اتحدث عن المسؤولين)

تجارب كتيرة خضتها

مع المغتربين
ومع المرور
ومع الضرائب
ومع ,,,,,,,,,,

مع ذلك اتمنى ان ينصلح حال الحكومة (المايل جداً) حتى ينصلح حال الشعب السوداني ككل

الموجودين بالداخل + المغتربين

وبصراحة الخطابات الماجايبة حقها بقت تمر فينا مرور الكرام

نحتاج نتائج

لا نحتاج لوعود

نتائج فقط

وإلا تونس
ومصر
وليبيا
هو عنوان الحلقة القادمة ::

وعن نفسي لا اتمنى لهذه الحلقة ان تاتي
اتمنى ان تلحق الحكومة بتصليح ما افسده ( اكون ظريف) واقول بعض المحسوبين عليها
ولكن هم في الاخر بيمثلوها
نريد الاستقرار فقط
اجيك من الاخر
الشعب السوداني يريد
1/ التعليم المجاني
2/العلاج المجاني
3/دعم السلع الاستهلاكية
4/الامن

بعد كدا ان شاء الله كل يوم يعملوا حفلة بي ايمان لندن وبلو بلو والقلعة

المواطن السودان لم يكن في يوم ما طموحه فيلا ولا دراسة في كلورادو ولا اجازة صيفية في ماليزيا ...اتمنى ان يعي المسؤولين ذلك !!

وبس

انا عشمي زاتي في كبير ان تكوني فهمتي راي المتواضع دا


مع خالص الود

ودا العشم

[مدنيّة]

فاهماك يامحمد
ومامختلفين في الفهم العام

بث حبيت نثبت لناس "مهما كانوا قلة"
صدقهم وضميرهم

------
احترامي الذي تعلم

------
بدرالدين
معليش
احتلينا ليك البوست ):

[آلاء عبد الرحمن]

حااال يغني عن السؤال

[مصطفى هاتريك]

حتى الذي ينتمي إلى المؤتمر عليه أن ينادي بالإصلاح الآن

وقبل فوات الآن ... أعود و أقول الإصلاح الآن .. لا بد للصادقين

من أبناء الحركه الإسلامية أن يتواجدوا الآن .. آن الأوان لتفكيك

مثلث الشر الذي يقود المؤتمر الوطني إلى التهلكه ..

[بدرالدين أحمد موسى]

انت يابدر الدين
الجابك شنو!!
جاي للنجاض دا ليه ياخ!
ماقاعد هناك مرتااااااااح
النجاض دا خليه لينا احنا

يعنى يا مدنية حولتونا من الأغتراب الى المنفى !! ثمح .. كتر خيرك و بارك الله فيك !

تحياتى

[بدرالدين أحمد موسى]

الحبيب بدر الدين .............

انت في السودان توقع كل شئ إلا الصدق .............د
وستجد كل شئ إلا الضمير الحي

وحريقة في البنزين وفي السرق البنزين زااتوو....

أسال الله ان يحفظك أنت والحجة وجميع افراد الاسرة الكريمة ...



تسلم يا الجندى المجهول .. وحريقة فى البنزين الماشفنا منو غير الغلاء .. أريتو كان بترولنا ده ما طلع و كمان راح !!

تحياتى

[بدرالدين أحمد موسى]

نجاض نجاض نجاض
نجاض الحبيب .. زى موية ناس برد برد !!

تحياتى

[بدرالدين أحمد موسى]

حااال يغني عن السؤال

ولا كييييييف !! شكرا لمرورك

تحياتى

[بدرالدين أحمد موسى]

حتى الذي ينتمي إلى المؤتمر عليه أن ينادي بالإصلاح الآن

وقبل فوات الآن ... أعود و أقول الإصلاح الآن .. لا بد للصادقين

من أبناء الحركه الإسلامية أن يتواجدوا الآن .. آن الأوان لتفكيك

مثلث الشر الذي يقود المؤتمر الوطني إلى التهلكه ..

كلام كبير يا هاتريك و يغنى عن مقالات !!

تحياتى

[ياسر عمر الامين]

الأعزاء بدر الدين مدنيه الجندى المجهول هاتريك
حسن الظن بالناس من قيم الاسلام العاليه
لكن اعمال الناس ابلغ من اقوالهم
والبنشوفو ما بيخلى فرصه للظن الحسن
واظنك سمعت بقصة مدير جامعة الخرطوم يا هاتريك

نسال الله السلامه والامن لبلدنا العزيز

[مدنيّة]

الأعزاء بدر الدين مدنيه الجندى المجهول هاتريك
حسن الظن بالناس من قيم الاسلام العاليه
لكن اعمال الناس ابلغ من اقوالهم
والبنشوفو ما بيخلى فرصه للظن الحسن
واظنك سمعت بقصة مدير جامعة الخرطوم يا هاتريك

نسال الله السلامه والامن لبلدنا العزيز


مرحبا ياسر
الرسول الكريم صل الله عليه وعلي آله وصحبه وسلم قال
اذا رائتم الرجل يرتاد المساجد فاشهدوا له بالايمان
يعني علينا بالظاهر
والباقي حق ربنا سبحانه وتعالي

--------
عن نفسي بعمل كدا

-------
شكرا ياسر

[مدنيّة]

يعنى يا مدنية حولتونا من الأغتراب الى المنفى !! ثمح .. كتر خيرك و بارك الله فيك !

تحياتى

العفو يا بدر الدين
القصد كان
انكم طلعتوا برة البلد
والنجاض بقي حقنا احنا برانا
يعني شوية انتو مرتاحين وافضل مننا
ما مكتويين بنار النجاض كل يوم زي مااحنا مكتويين بيه
-------
احترامي الذي تعلم

[بدرالدين أحمد موسى]

العفو يا بدر الدين
القصد كان
انكم طلعتوا برة البلد
والنجاض بقي حقنا احنا برانا
يعني شوية انتو مرتاحين وافضل مننا
ما مكتويين بنار النجاض كل يوم زي مااحنا مكتويين بيه
-------
احترامي الذي تعلم

و احترام آخر يا مدنية .. بث أنا مرات هزارى بيكون حار .. أصلوا أهلى بيقولوا على كاوااااااى !!

ما تخديش فى خاطرك يا ستى

تحياتى

[مدنيّة]

و احترام آخر يا مدنية .. بث أنا مرات هزارى بيكون حار .. أصلوا أهلى بيقولوا على كاوااااااى !!

ما تخديش فى خاطرك يا ستى

تحياتى

العفو والله
مااخدت في خاطري

ويابدر الدين
خليك عارف
انا اصلو مابزعل
احساس مااااااااافي، ههههههههههههههههههههههه

[بدرالدين أحمد موسى]

العفو والله
مااخدت في خاطري

ويابدر الدين
خليك عارف
انا اصلو مابزعل
احساس مااااااااافي، ههههههههههههههههههههههه

و ده من كتر النجاض و لا شنو يا مدنية !

تحياتى

[مدنيّة]

و ده من كتر النجاض و لا شنو يا مدنية !

تحياتى

معقولة بث
اخته ليك احمر
ترجعه لي ازرق!!!

[بدرالدين أحمد موسى]

معقولة بث
اخته ليك احمر
ترجعه لي ازرق!!!

مش كل واحد و .. علامه ؟؟ أدخلى قوقل صور .. و أكتبى اسمى الكامل .. و تعالى صاده !!

تحياتى

[مدنيّة]

مش كل واحد و .. علامه ؟؟ أدخلى قوقل صور .. و أكتبى اسمى الكامل .. و تعالى صاده !!

تحياتى

والله اسمك دا اقوقله
يوديني
نجاضا طيره عجم:cool:

[بدرالدين أحمد موسى]

والله اسمك دا اقوقله
يوديني
نجاضا طيره عجم:cool:




مش قلت ليك كل واحد و علامه .. على العموم العجب و هيثم أولاد عم فى المنتخب !

تحياتى

[آلاء عبد الرحمن]

والله مشكلت الاسعار دي انا بالذات معزبااااني كل يوم تسمع ليك كلمتين من الناس وتتشاكل بدون سبب

[ايمن عبد الله]

بدر الدين.. ان شاء الله بس تكون تبت من بعد النجضة دي ...

[بدرالدين أحمد موسى]

الأعزاء بدر الدين مدنيه الجندى المجهول هاتريك
حسن الظن بالناس من قيم الاسلام العاليه
لكن اعمال الناس ابلغ من اقوالهم
والبنشوفو ما بيخلى فرصه للظن الحسن
واظنك سمعت بقصة مدير جامعة الخرطوم يا هاتريك

نسال الله السلامه والامن لبلدنا العزيز


نتفق معك أخى ياسر بضرورة حسن الظن .. و ما نعرضه مواقف و مشاهدات مؤكدة !

تحياتى

[بدرالدين أحمد موسى]

والله مشكلت الاسعار دي انا بالذات معزبااااني كل يوم تسمع ليك كلمتين من الناس وتتشاكل بدون سبب

زيادة الأسعار فى السودان فى اضطراد و دون أى آفاق للرجعة ..

تحياتى

[بدرالدين أحمد موسى]

بدر الدين.. ان شاء الله بس تكون تبت من بعد النجضة دي ...

ايمن أخوى .. دحين باقى ليك ده كلام زول بيتوب !! الا أبطل أمشى البلد و دى ما بعملها !!

تحياتى

[بت أم درمان]

لو بتعرفي يا عمتي انا اكثر شخص معني باستقرار السودان وبغض النظر عن الاسباب

نحن مغتربين وفي كل يوم نحلم بالرجوع للبلد ولكن انت تعرفين كل يوم الاسعار في زيادة وحتى الراضي الدفعنا فيها قروش لا لمينا في قروشنا لا لمينا في قطعة ارض
وكل لجنة ترمي اللوم على لجنة اخرى يعني اتسرقنا على عينك يا تاجر
ما يحدث الن في السودان لم اسمعه في قهوة ولا لمة شباب ولا في بيت بكا

تجربة ومررت بها مثلما مر بها
ابو زيد
معتز الريح
المميز
محمد عبد الله
ابو عمرو
الخ .....

النجيك من الاخر كدا ...
في السودان تدفع من تحت التربيزة ... كل الامور بتمشي مهما صعبت

وفي السودان كل بيقول يا نفسي ..... (اتحدث عن المسؤولين)

تجارب كتيرة خضتها

مع المغتربين
ومع المرور
ومع الضرائب
ومع ,,,,,,,,,,

مع ذلك اتمنى ان ينصلح حال الحكومة (المايل جداً) حتى ينصلح حال الشعب السوداني ككل

الموجودين بالداخل + المغتربين

وبصراحة الخطابات الماجايبة حقها بقت تمر فينا مرور الكرام

نحتاج نتائج

لا نحتاج لوعود

نتائج فقط

وإلا تونس
ومصر
وليبيا
هو عنوان الحلقة القادمة ::

وعن نفسي لا اتمنى لهذه الحلقة ان تاتي
اتمنى ان تلحق الحكومة بتصليح ما افسده ( اكون ظريف) واقول بعض المحسوبين عليها
ولكن هم في الاخر بيمثلوها
نريد الاستقرار فقط
اجيك من الاخر
الشعب السوداني يريد
1/ التعليم المجاني
2/العلاج المجاني
3/دعم السلع الاستهلاكية
4/الامن

بعد كدا ان شاء الله كل يوم يعملوا حفلة بي ايمان لندن وبلو بلو والقلعة

المواطن السودان لم يكن في يوم ما طموحه فيلا ولا دراسة في كلورادو ولا اجازة صيفية في ماليزيا ...اتمنى ان يعي المسؤولين ذلك !!

وبس

انا عشمي زاتي في كبير ان تكوني فهمتي راي المتواضع دا


مع خالص الود

ودا العشم

حسي الجندي الجهول دا ما نجاض هههههههه
ياخي ما تمشي السودان كم يوم
نجض الجماعة ديلك

[بت أم درمان]

والله مشكلت الاسعار دي انا بالذات معزبااااني كل يوم تسمع ليك كلمتين من الناس وتتشاكل بدون سبب

انتو في البلد معزبين وتشاكلو
كر علي ناس بدر الدين
يمشو يدفعو ساااي بدون نقاش

[بت أم درمان]

طلعت من البيت الصباح !!

شفت!!!
كل الحصل ليك لانك طلعت الصباح
كان تطلع في وقت تاني

[بدرالدين أحمد موسى]

انتو في البلد معزبين وتشاكلو
كر علي ناس بدر الدين
يمشو يدفعو ساااي بدون نقاش

كر علينا ساى ... دى كر علىنا و ووب علىنا و برضو ما بتحلنا !

تحياتى

[بدرالدين أحمد موسى]

شفت!!!
كل الحصل ليك لانك طلعت الصباح
كان تطلع في وقت تاني

يا زوله هوى .. و الله كان اتأخرنا كان زاد فى ال 25 لزوم الزحام !!

تحياتى

[آلاء عبد الرحمن]

يابت امدرمان والله من الصباح الزول ياخد لي شكلو شكلتين
لكن زي ناس بدر الدين ديل مريحين ^_^
بعدين الناس تشاكلنا انحنا ليه مايشوفو الناس المحتاجين شكل بالجد
الكلام ده بجيب الهواء هههههه

[بنت الرفاعي]

كل ما تمشي تشتري حاجة تلقاها زادت
أقل شيء كمثال:
اللبان اللي كان بمئة بقى بمئتين
(بالجديد ما عرفتها كيف:cool:)!!
(اللبان علاقتو شنو بالزيادات؟؟):confused::(
واللي خلاص عاوز يقنعك في سلعة (غير غذائية)
يقول ليك:
من محلها بجيبها بي كدا يعني ربحان فيك خمسمئة جنيه
(الأخ صريح وبوريك هو ربحان فيك كم)!!!:D

الله المستعان.

[بنت الرفاعي]

قيل:
زيادة عالمية!!!


:):):)

[بدرالدين أحمد موسى]

يابت امدرمان والله من الصباح الزول ياخد لي شكلو شكلتين
لكن زي ناس بدر الدين ديل مريحين ^_^
بعدين الناس تشاكلنا انحنا ليه مايشوفو الناس المحتاجين شكل بالجد
الكلام ده بجيب الهواء هههههه

و الله يا آلاء الشكل ما بيحلنا عشان كده نحن مريحين .. ندفع و نكتب و بعد داك نسكت

تحياتى

[بدرالدين أحمد موسى]

كل ما تمشي تشتري حاجة تلقاها زادت
أقل شيء كمثال:
اللبان اللي كان بمئة بقى بمئتين
(بالجديد ما عرفتها كيف:cool:)!!
(اللبان علاقتو شنو بالزيادات؟؟):confused::(
واللي خلاص عاوز يقنعك في سلعة (غير غذائية)
يقول ليك:
من محلها بجيبها بي كدا يعني ربحان فيك خمسمئة جنيه
(الأخ صريح وبوريك هو ربحان فيك كم)!!!:D

الله المستعان.








كيف يعنى يا مرام .. اللبان ده مش فيهو سكر .. و السكر بيرحلوهو بالعربات .. و العربات شغالة بالبترول .. و البترول زاد جنيهين .. أهه كل كم لبانة بيرحلوها بى جالون .. عرفتى كيف !!

تحياتى