الزوجة الثانية ... الضرة

[الجندي المجهول]

no 2


الضرة كما يسميها السودانين

[الملكة اسماء ( ام محمد )]

دي مالها كمان ؟؟

الجندي ( خففوا علينا العيار بالله )
شي مظاهرات وشي (ضرة ) اصبحنا واصبح الملك لله

[الجندي المجهول]

ما هي اسبابها ؟
هل بسبب العين الطايرة للرجل ؟
أم بسبب ضعف المرأة الأولى للحفاظ على زوجها من ناس (راجل المرة حلو حلا) ؟
ولا ننسى بأن الاسلام قد اباح تعدد الزوجات بشرط العدل !!!
هل ستؤول كل الصلاحيات للمرأة الثانية ؟
عندي صديق لي يكبرني في العمر تقريباً ( في عمر ابو عبد الرحمن كدا) كان متزوج من بنت عمه وهم اصلا من خارج المدينة
وهو من تربى في كنف (بحري ) لفت الايام وجات (دبل ) بي واحدة خرطومية وقال لي بي صريح العبارة الاولى مكانهتا محفوظة ليس لانها بنت عمي ولكن لانها ام العيال
معه ان الخرطومية ( لها تيمان ماشاء الله عليهم ) !!!

ما هي دوافع الزوجة الثانية للقبول بالزواج من رجل متزوج ويكبرها سناً ؟
عدم الثقة بالنفس ؟
ام التفكير في المال ؟
أم ماذا ؟

وبيجكم راجع باذن الله ،،،

الضرة سببت لي المضرة
معقولة بس !!!!!!!!!

[الملكة اسماء ( ام محمد )]

ما هي اسبابها ؟
هل بسبب العين الطايرة للرجل ؟
أم بسبب ضعف المرأة الأولى للحفاظ على زوجها من ناس (راجل المرة حلو حلا) ؟


مبدئيا لتكون منصفا اضف سؤال
ام بسبب اهمال الزوجة لزوجها ؟

[نزار حسن محمد]

ده شهر نحن ماعندنا فوقه نفقه

[الجندي المجهول]

مبدئيا لتكون منصفا اضف سؤال
ام بسبب اهمال الزوجة لزوجها ؟

كلام موزون !!!1

[الجندي المجهول]

ده شهر نحن ماعندنا فوقه نفقه

البتعجبني فيك صراحتك ووضوحك
الله يحفظكم يا اولاد عمي حسن ( واضحين جنس وضوح)

تخريمة : تحياتنا للوالدة العزيزة واطبع لها قبلة فوق الجبين وبلغها شوقي الحار وربنا يكتب لها السلامة والصحة والعافية

[خالد أحمد الصول]

ده شهر نحن ماعندنا فوقه نفقه

عنننننننندك ... و محندك و عاوز ... لكن خايف من الكديسة النرضوها بالدهب
أها جبت ليك حلل
تعال الدهب بقي قريب في الشرق في البطانة
تعال أعمل ليك حفرتين
واحدة للكديسة عشان ترضي
و التانية للضرة خوفا من المضرة

[مدنيّة]

ده شهر نحن ماعندنا فوقه نفقه

الجندي
خلي البتسوي فيه دا
واسمع كلام عمك "ابسفروق" دا

[ابو عبد الرحمن]

هي وينها( الضره ) بعد داك شوفوا الأسباب
تجيبوا القش قبل الحمار معقولة دي .....

[الجندي المجهول]

هي وينها( الضره ) بعد داك شوفوا الأسباب
تجيبوا القش قبل الحمار معقولة دي .....

هوووووووي يا ابو عبد الرحمن ( قش شنو وحمار منو) والله ملكة القلوب وهمسات ومدنية هسع يجوا يقول ليك دا اضطهاد واساءة للمرأة


تخريمة : يا ود المطامير تقول لي صاحبي ابو عبد الرحمن حساس ورقيق وشاعر ( تحت تحت هو عدو المرأة ) بس الناس ما جايبة خبر

[الجندي المجهول]

عنننننننندك ... و محندك و عاوز ... لكن خايف من الكديسة النرضوها بالدهب
أها جبت ليك حلل
تعال الدهب بقي قريب في الشرق في البطانة
تعال أعمل ليك حفرتين
واحدة للكديسة عشان ترضي
و التانية للضرة خوفا من المضرة

ود الصور حبيبنا ،،
دا نظام تحريش ولا الحاصل شنو

ليك وحشة يا غالي انت (شفتك في البوست ) وابتهجت والله

[الجندي المجهول]

الجندي
خلي البتسوي فيه دا
واسمع كلام عمك "ابسفروق" دا

انا هسع سويت حاجة ( دا انا غلبان ) والله

يا عمتي ،،،،،

[المسافر]

لما أعمل no 1 بجي أفتي ليكم عن إن كانت هنالك ضرورة ملحة لـ no2 أو طلاق كل الـ Numbers

[الجندي المجهول]

لما أعمل no 1 بجي أفتي ليكم عن إن كانت هنالك ضرورة ملحة لـ no2 أو طلاق كل الـ Numbers

حبيبنا ،،والله ما خلتني عرفتو البوست بجيبك جاري

اسال الله ان تعمل نمرة ( 1) وبعد تعكلنمرة واحد عندنا انحنا زاتنا معاك كلام تاني ......

تخريمة : بجواري صديق (مصري الجنسية ) وقرأ كامل البوست واثناء رد هذا قال اكتب الاتي

اذا قرر احدكم ان يتزوج الثانية فعليه ان يتزوج ( مطلقة أو متوفي عنها زوجها ) وسألته عن السبب فقال لي ( خاضتالتجربة الاولي) بكل تأكيد لن تخسر التجربة الثانية
وستعمل على راحة الزوج بكل ما تستطيع ان تفعله .....

وسألته اها لو عاوز يتزوج بنت صغيرة او طالبة جامعة قال دي ( حا تبهدلوا ) حا تنسي اسم امو !!!

السؤال هنا هل كلام صديقي المهندس المصري (مهندس خالد - صاح ام خطأ )

تخريمة : والله يا اهلنا لو شفتو الزميل خالد قال حا تبهدلوا وتنسي اسم امو ( بي ياتو طريقة ) ....... شعب تكة بس والله

بيسلم علي الجميع ويتمني لكم الخير والسعادة ،،،

[الملكة اسماء ( ام محمد )]

هي وينها( الضره ) بعد داك شوفوا الأسباب
تجيبوا القش قبل الحمار معقولة دي .....

بالله بهناك اقول عليك راقي اجي القاك خارب الدنيا بجاي
غايتو ماغلطانة القالت: ( والا خلينا نرد السيئة بالحسنة) الله يسامحك
ههههههههههه
والله دا بوست مشاكل

[الملكة اسماء ( ام محمد )]

هوووووووي يا ابو عبد الرحمن ( قش شنو وحمار منو) والله ملكة القلوب وهمسات ومدنية هسع يجوا يقول ليك دا اضطهاد واساءة للمرأة


تخريمة : يا ود المطامير تقول لي صاحبي ابو عبد الرحمن حساس ورقيق وشاعر ( تحت تحت هو عدو المرأة ) بس الناس ما جايبة خبر

قال حساس قال ( والله الا يكون عنده حساسية ضد الكلام الحلو )
نداء لام عبدالرحمن لمشاهدة هذا البوست ( اصبر لينا بس ياابوعبدالرحمن)

[همسات]

هوووووووي يا ابو عبد الرحمن ( قش شنو وحمار منو) والله ملكة القلوب وهمسات ومدنية هسع يجوا يقول ليك دا اضطهاد واساءة للمرأة


تخريمة : يا ود المطامير تقول لي صاحبي ابو عبد الرحمن حساس ورقيق وشاعر ( تحت تحت هو عدو المرأة ) بس الناس ما جايبة خبر




انا اسمي مكتوب طيييييييييييييب
اجيك ياالجندي للبوست
اول شي تعدد الزوجات له اسبابه
وهي اسباب كتيره ومتداخله جدا
يعني قد يكون السبب الاول الزوجه
وقد يكون الزوج ايضا او كلاهما معا
فصدقني الزوج والزوجه هم من يصنعون
الجو والظروف الملائمه لدخول الزوجه الثانيه او الطلاق

[تغريدا]

اول شي تعدد الزوجات له اسبابه
وهي اسباب كتيره ومتداخله جدا
يعني قد يكون السبب الاول الزوجه
وقد يكون الزوج ايضا او كلاهما معا
فصدقني الزوج والزوجه هم من يصنعون
الجو والظروف الملائمه لدخول الزوجه الثانيه او الطلاق




وأحب أضيف على قول الغالية همسات كل راجل ليه سببه البختلف عن الثانى وبكون من وجهة نظره هو معقول ومنطقى فى حين أنه من وجه نظر طرف ثالث ممكن يكون تافه بخلاف طبعاً الزوجة الأولى لأنها بالنسبة ليها كل الأسباب تافهة وغير مقنعة

[ابو عبد الرحمن]

بالله بهناك اقول عليك راقي اجي القاك خارب الدنيا بجاي
غايتو ماغلطانة القالت: ( والا خلينا نرد السيئة بالحسنة) الله يسامحك
ههههههههههه
والله دا بوست مشاكل

يا ام محمد اسي لو ما الجندي كتب البوست ده
انا كان جبت سيرة القش والحمار ... .........
انا بالعكس لي رويتان في التعد واحده خاااصة جداُ ما بقدر
اقولها ... ووحدة عامة ودي في مجملها في صالحة المرأة
اتخيلوا التعدد يفيد المرأة اكثر من الرجل .. والتعدد عندما
شُّرع كان القصد منه انصاف المراة ...................
اكثر من الرجل فالرجل قادر على العطاء والعمل أما المراة فلا
تخيلوا يا أحبائي إمراة تعدي بها العمر ، اليس التعدد خيراً لها من
الوحدة والعنوسة . وإمراة أخري تعدي بها العمر ولها اطفال . ولا
تستطيع ان تعيلهم اليس التعدد افضل لها . وكم من امراة طالق وكم
من امرأة توفي عنها زوجها وكم من امراة مريضة وكم من امراة
لا تتحرك مشلولة وكم وكم وكم .................. يا نسوان
الايدو في الماء ينظر الى الايدو في النااااار ........... لا اطيل
بجي تاني اكمل ان شاء الله .............

[الملكة اسماء ( ام محمد )]

يا نسوان
الايدو في الماء ينظر الى الايدو في النااااار ........... لا اطيل
بجي تاني اكمل ان شاء الله .............
ابوعبدالرحمن ماتاكل عقلي بالكلام دا بالله
نحن في قصة ( الحمار والقش )
ماتعمل فيها ماشايفني بالله :)

[ابو عبد الرحمن]

ابوعبدالرحمن ماتاكل عقلي بالكلام دا بالله
نحن في قصة ( الحمار والقش )
ماتعمل فيها ماشايفني بالله :)
ههههههههههههههههههههه
اها النقعد ليك يا ام محمد انا ما قاصد المرأة الحمار
انا قاصد المراة القش والاسباب الحمار ... اها كده كيف
القش ما اخير من الحمار ................

[الملكة اسماء ( ام محمد )]

ههههههههههههههههههههه
اها النقعد ليك يا ام محمد انا ما قاصد المرأة الحمار
انا قاصد المراة القش والاسباب الحمار ... اها كده كيف
القش ما اخير من الحمار ................
هههههههه
غايتو ياابوعبدالرحمن مشكلتك اني الليلة قاعدة
وعشان خاطر طلتك بكلامك الجميل الفي النص هناك دا ح اسيبك( اعفاء )

[ابو عبد الرحمن]

هوووووووي يا ابو عبد الرحمن ( قش شنو وحمار منو) والله ملكة القلوب وهمسات ومدنية هسع يجوا يقول ليك دا اضطهاد واساءة للمرأة


تخريمة : يا ود المطامير تقول لي صاحبي ابو عبد الرحمن حساس ورقيق وشاعر ( تحت تحت هو عدو المرأة ) بس الناس ما جايبة خبر
يا الجندي شوف شقلتك . أم محمد قالت إعفاء ومدنية الايام دي عندها نفسيات
المريخ ملطش وحالتو بالبلاء همسات عامل معاها معاهدة صلح دائم ,,,,,
انت الجبت الكلام الناس في شنو وانت في شنو ؟ مصر خلاص ولبيا في الطريق
وتونس و البشير ( كابي الجرسه ) انت عملتها لينا ضرة وما ضرة ...........

[مصطفى هاتريك]

غايتو أنا شايف راجل المرتين زي الزول

البشجع الهلال والمريخ سوا

غالب زعلان مغلوب زهجان

درون ... أسكت ساي

[بت أم درمان]

في مجملها في صالحة المرأة
اتخيلوا التعدد يفيد المرأة اكثر من الرجل ..
والتعدد عندما شُّرع كان القصد منه انصاف المراة .....

يعني اذا قلنا
كووووول الرجال
اتزوجو اربعة اربعة اربعة اربعة
كدا بكونوحلو مشكلة العنوسة يعني ؟
طيييييب ويييييييين الامكانيات ( المادية )
ما كل الرجال عندهم الامكانية
ولا يرضو وهم ساكتين

غايتوزي ما قالت ام محمد
البوست دا بتاع مشااااكل :mad:

[بت أم درمان]

ح اسيبك( اعفاء )

نصيحة مني
ابوعبدالرحمن بالذات
ما تقولي ليهو اعفاء ولا تعفيهو ابدن ابدن
وحا تشوفي وحا تقتنعي بكلامي دا

[ودسمير]

زماااان قالو لو عايز تادب مرتك جيب ليها ضره....
الآن الوضع اختلف معظم النسوان متعلمات وشغالات وجيبهم مليان وما فارقه معاهم لا ضره ولا (كتابه وطره ) .

اسباب الزواج التانى اذا كانت مقنعه فما مشكله ..
اما اذا الزواج التانى كان طيارة عين فوالله لا ح يرتاح مع الاولى ولا ح يسعد مع التانيه وح تطير عيشتوووووووووو

[ابو عبد الرحمن]

يعني اذا قلنا
كووووول الرجال
اتزوجو اربعة اربعة اربعة اربعة
كدا بكونوحلو مشكلة العنوسة يعني ؟
طيييييب ويييييييين الامكانيات ( المادية )
ما كل الرجال عندهم الامكانية
ولا يرضو وهم ساكتين

غايتوزي ما قالت ام محمد
البوست دا بتاع مشااااكل :mad:
عندما شرع الله الشرائع وإستنّ السنن . شرعها لإمر عظيم وجليل
يعلم العباد قليل منه ، وأخفي الله ما يريد إخفاه لحكمة يعلمها هو .
وما أتيتم من العلم الا قليلا ...يعلمون ظاهراً من الحياة الدنيا وهم
عن الآخره هم غافلون .. شرع الله القصاص لحفظ الأنفس والارواح
ولكم في القصاص حياة يا أولي الالباب . وشرع الله عقوبة الزني
للحفظ الانساب وعدم إختلاطها . وحفظ الانفس من الامراض . وليس
الإيدز منكم ببعيد .... وشرع الله حد السرقة بقطع يد السارق حفاظاً
على الاموال والممتلكات ..هذه كلها عقوبات ربانية تفيد الفرد والمجتمع
وفي الجانب الآخر من الشرائع الربانية .. مسائل الترغيب والمصالح .
ومنها واهمها تعدد الزوجات .( وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ
وَإِمَائِكُمْ إِنْ يَكُونُوا فُقَرَاءَ يُغْنِهِمُ الله من فضله .).فانكحوا مَا طَابَ لَكُمْ
مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ..
وقد ذكر غير واحد من العلماء ان الاصل في الزواج التعدد . على حسب ترتيب
الآية القرانية .................................................. ....
نخش في الرد لمشاركة أختنا بت أم در ...وهي لو تزوج كل الرجال 4
نسوان بحلو مشكلة العنوسة . والامكانيات المادية . هذا هو تقريبا مبرر
الاخت بت ام در مان . وهل التعدد يا اختي شرع لهذا السبب فقط ؟؟؟؟
شرع التعدد لمنافع كثيرة جداً . منها ثكاثر أمة النبي محمد صلي الله
عليه وسلم .. ومن ثمّ حفظ الفروج من إرتكاب الفواحش . وعدم اختلاط
الانساب . فعندما تزوج النبي وتعدد كان تعدده لأغراض معروفه . ففيهما
الأرملة والمطلقة والعربية والغير عربية . فنحن نقتدي بسنته . انا مثلا ذهبت
لدراسة او اي شي خارج البلاد واخاف على نفسي من الفواحش ، مالو لو تعددت
زوجتي فيها كل المواصفات الجميلة . بس لم تنجب مالوا لو تعددت . زوجتي كل
شي جميل وحسن فيها . وانا قادر اني اعدل مالوا لو تزوجت ... نجي للعنوسة
كما ذكرت في مكان آخر ، كم من بناتنا واخواتنا تعدوا عمر الزواج ولم يتزوجوا
وكم من ارملة ولها اطفال وليس لها من يعولها . هنا ازواج لها ولأطفالها ......
وما بال المطلقات وما بال المعاقات . وما بال الغير جميلات .............
لا تنظروا لآنفسكم اونظروا لاخواتكم من النساء .. انتن في هناء زوج واولاد
وغيركم لا زوج ولا ولد .. وتبحث عن من يلجم شهوتها ويستر عوراتها لتنجب منه
ولد يقر عينها ويلاعبها وتلاعبه . يقوم بواجباتها عند الكبر , ........... ونكمل لاحقا
إن شاء الله ....................

[مدنيّة]

ابوعبدالرحمن
يديك العافية ياخ
لكن احنا "موحدين":cool:

[ود المطامير]

الله يديك العافيه يا الجندى حقنا
ذكرتنى بالتلاته خانات الفاضيات حقاتى
أم عمرو التقول عامله لى عمل ، كلو كلو ما قاعد أتذكرهم

[ود المطامير]

هوووووووي يا ابو عبد الرحمن ( قش شنو وحمار منو) والله ملكة القلوب وهمسات ومدنية هسع يجوا يقول ليك دا اضطهاد واساءة للمرأة


تخريمة : يا ود المطامير تقول لي صاحبي ابو عبد الرحمن حساس ورقيق وشاعر ( تحت تحت هو عدو المرأة ) بس الناس ما جايبة خبر
عليك النبى ؟
وبهناك شابكنا الحرامى تلب وشال قلبى وشنو ما عارف

هو حساس لكن تروس سنه خشنه ;)

[ابو عبد الرحمن]

الله يديك العافيه يا الجندى حقنا
ذكرتنى بالتلاته خانات الفاضيات حقاتى
أم عمرو التقول عامله لى عمل ، كلو كلو ما قاعد أتذكرهم
هههههههههههههههههههههههههههههههههه
والله قتلتني بالضحك ... اسمع يا فردة . ودي بيني وبينك
والنجم والمســـــــــــــــاء . في قصيميات ) مسيار كيف
يا فرده ... اكون باقي خانتين واحدة سورية والآخيرة
حبشية ودي للتحلية ............ رايك شنو ؟؟؟

[ابو عبد الرحمن]

عليك النبى ؟
وبهناك شابكنا الحرامى تلب وشال قلبى وشنو ما عارف

هو حساس لكن تروس سنه خشنه ;)
أسمع في مثل بقول ( الفيك بادر به ) اهو ده الجندي .
ده كلام شنو ده يا ود المطامير ؟ سنه خشنة وسنه نص
كوم وسنه دايره حباسه وسنه ناقصة سفه ..... غايتو
جنس ياغتو ......................................

[بدرالدين أحمد موسى]

كلام كتييييييييييير اتقال فى البوست ده و كل واحد يا خايف يا ماعاوز يا ماعنده طريقة و المهم ياجماعة .. و دى رؤية شخصية .. أى رجل متزوج يأمن جانب الزوجة الأولى اللى بتجى منها المشاكل دايما بعد الزواج الثانى .. و يأمن جانب أولاده من سوء المعاملة و المقاطعة بموجب الفصل السابع من ميثاق الأمم المتحدة .. و يأمن جانب المجتمع من قطع العلاقات الدبلوماسية .. و يكون عنده القدرة على مثنى وأكثر .. صدقونى لن يتردد بل و يرغب ..

تحياتى

[ابو عبد الرحمن]

ابوعبدالرحمن
يديك العافية ياخ
لكن احنا "موحدين":cool:



مدنية انت والله كايسه مشاكل .... مدنية الله بيني وبينك .
ابعدي جنك من جني ... وبت ام در اساساً من الاول
ناوية تشعلها .. ولو اشتعلت والله تاني الا الدفاع المدني
ولا عذر لمن انذر .... اسي بنادي الجماعة ........

[ود المطامير]

هههههههههههههههههههههههههههههههههه
والله قتلتني بالضحك ... اسمع يا فردة . ودي بيني وبينك
والنجم والمســـــــــــــــاء . في قصيميات ) مسيار كيف
يا فرده ... اكون باقي خانتين واحدة سورية والآخيرة
حبشية ودي للتحلية ............ رايك شنو ؟؟؟
هع هع هع هع

تحليه ؟ تحليه وين مع السنون المسوسه دى ؟ ;)

[ود المطامير]

مدنية انت والله كايسه مشاكل .... مدنية الله بيني وبينك .
ابعدي جنك من جني ... وبت ام در اساساً من الاول
ناوية تشعلها .. ولو اشتعلت والله تاني الا الدفاع المدني
ولا عذر لمن انذر .... اسي بنادي الجماعة ........
سمعا وطاعه
أأمرنى يا مولاى

[ابو عبد الرحمن]

سمعا وطاعه
أأمرنى يا مولاى
أيو يا مطره ده الكلام ( اهجم عليهم بيت بيت دار دار زنقه زنقه )

[ود المطامير]

أيو يا مطره ده الكلام ( اهجم عليهم بيت بيت دار دار زنقه زنقه )
;);););););););););)
هع هع هع هع
شكيت محن محن والله

وسنحارب حتى نموت أو يوافينا الأجل ;)

[ود المطامير]

أيو يا مطره ده الكلام ( اهجم عليهم بيت بيت دار دار زنقه زنقه )
إنتا يا أبوعبدالرحمن البوست دا حق منو ؟
وكان بقول شنو ؟

يا زول أنا ماشى النفاج قبال ما يجى
صاحبنا الجندى ويقلب لينا الطربيزه ;)

[ود المطامير]

معانا واحد هنى متزوج إتنين والإتنين معاهو

والإتنين ولدن فى يومين مع بعض وهو حق خروف سمايه واحد ما عندو

مشى يدين من صاحبو قام صاحبو زهجان قال ليهو

_ إنت لما إتزوجت إتنين قايل نفسك أرجل مننا ؟ ما نحنا بس خايفين من الشحده دى

[ابو عبد الرحمن]

;);););););););););)
هع هع هع هع
شكيت محن محن والله

وسنحارب حتى نموت أو يوافينا الأجل ;)
ههههههههههههههههههههههههههههههههههههههه
الله يجازك ..................................
سنقاتل ونقاتل من آجل كرامتنا .. وسنبيد هؤلاء الجكسويات
ونعلن استقلالنا .. تيت تيت أربعة حديد ولا بد من التجديد.
والجديد شديد .. تيت تيت العرس بعدين ولو كان بالدين ..

[ابو عبد الرحمن]

إنتا يا أبوعبدالرحمن البوست دا حق منو ؟
وكان بقول شنو ؟

يا زول أنا ماشى النفاج قبال ما يجى
صاحبنا الجندى ويقلب لينا الطربيزه ;)
يا أخي تعال جنبي هنا والله عندي ليك حاجة سمحة خلاص
تعال لي يا البلال تعال لي يا الحنان تعال لي وتعال لي
ما تشمت الناس علّي يا حبيب ريد تعال لــــــــــــــي..
الجندي انساني منو ............... أسي بكون مهروش للطيش
هو زي الوقت ده بقدر ارفع رأسو ؟......................

[ابو عبد الرحمن]

معانا واحد هنى متزوج إتنين والإتنين معاهو

والإتنين ولدن فى يومين مع بعض وهو حق خروف سمايه واحد ما عندو

مشى يدين من صاحبو قام صاحبو زهجان قال ليهو

_ إنت لما إتزوجت إتنين قايل نفسك أرجل مننا ؟ ما نحنا بس خايفين من الشحده دى
والله بيني وبينك هو الغلطان .. ما عرف اوقت مضبوط ...................

[ود المطامير]

يا أخي تعال جنبي هنا والله عندي ليك حاجة سمحة خلاص
تعال لي يا البلال تعال لي يا الحنان تعال لي وتعال لي
ما تشمت الناس علّي يا حبيب ريد تعال لــــــــــــــي..
الجندي انساني منو ............... أسي بكون مهروش للطيش
هو زي الوقت ده بقدر ارفع رأسو ؟......................
يعنى الجندى اليومين ديل ذى القذافى ؟
هع هع هع

[مدنيّة]

كلام كتييييييييييير اتقال فى البوست ده و كل واحد يا خايف يا ماعاوز يا ماعنده طريقة و المهم ياجماعة .. و دى رؤية شخصية .. أى رجل متزوج يأمن جانب الزوجة الأولى اللى بتجى منها المشاكل دايما بعد الزواج الثانى .. و يأمن جانب أولاده من سوء المعاملة و المقاطعة بموجب الفصل السابع من ميثاق الأمم المتحدة .. و يأمن جانب المجتمع من قطع العلاقات الدبلوماسية .. و يكون عنده القدرة على مثنى وأكثر .. صدقونى لن يتردد بل و يرغب ..

تحياتى

تبعا ديل كلهم يابدرالدين
ما ح يأمن فيهم ولا واحد
عشان كدا
انضم لحلف "الموحدين"
وريح بالك:cool:

[مدنيّة]

مدنية انت والله كايسه مشاكل .... مدنية الله بيني وبينك .
ابعدي جنك من جني ... وبت ام در اساساً من الاول
ناوية تشعلها .. ولو اشتعلت والله تاني الا الدفاع المدني
ولا عذر لمن انذر .... اسي بنادي الجماعة ........

اها سكتنا ياابوعبدالرحمن




































































------
بت امدرمان
بالله ماتقصري ، ثمح!:cool:

[ابو عبد الرحمن]

اها سكتنا ياابوعبدالرحمن
------
بت امدرمان
بالله ماتقصري ، ثمح!:cool:

ونحن في الإنتظار إما لجنة أو لنار ؟؟؟؟؟؟؟؟؟؟

[ريانية]

هوووووووووووووووووووووي يالجندي ويالجماعة مالكم؟؟؟؟؟؟؟؟؟؟؟؟؟؟؟؟؟

[ابو عبد الرحمن]

هوووووووووووووووووووووي يالجندي ويالجماعة مالكم؟؟؟؟؟؟؟؟؟؟؟؟؟؟؟؟؟
لا ما في حاجة . أو في حاجة بسيطة جداً واحد داير أزوج على مرتو
ومدنية وصحباتها ما راضين . انتي مع منو ؟؟؟

[همسات]

هووووووووي
انتو مالكم هايجين
الداير يعرس يعرس
والموحد يوحد براحتو
وياللجندي فتحته باب يحلنا الله

[همسات]

ياجماعه كدي قولو خير
واقعدو في بطن الواطه دي
عشان نقدر نتفاهم
انتو سيد البوست ده وين

[mutasim]

السلام للجميع
هو ياناس انا بدق صدرى وبقول عايز زوجه تانيه
شرط تكون مثقفه وبتعرف تناقش ماشرط الجمال او العمر وما مدلعه من النوع البتقول عايزه او تنكد عليك البيت وانت مفلس وتكون عارفه الحاله وماتتنازل
وياريت تكون من المنتدى
وانا ما خايف لامن زوجتى ولا من مدنيه

[الجندي المجهول]

السلام للجميع
هو ياناس انا بدق صدرى وبقول عايز زوجه تانيه
شرط تكون مثقفه وبتعرف تناقش ماشرط الجمال او العمر وما مدلعه من النوع البتقول عايزه او تنكد عليك البيت وانت مفلس وتكون عارفه الحاله وماتتنازل
وياريت تكون من المنتدى
وانا ما خايف لامن زوجتى ولا من مدنيه

الحبيب معتصم صباح الخير ،،،

انك ما خايف من زوجتك دي والله وقعت لي

لكن مدنية علاقتها بالموضوع شنو ؟

تكون اخت المدام ......

تخريمة : الناس فهموا الموضوع غلط ؟؟؟؟

[الجندي المجهول]

ياجماعه كدي قولو خير
واقعدو في بطن الواطه دي
عشان نقدر نتفاهم
انتو سيد البوست ده وين


هلا بتنا ....
همسات ... صباح الخير

الناس دسل فهموني غلط ..

انا بسأل عن ما يدور في بال الزوجة الاولي والثانية

وليس ابحث عن من سيتزوج الثانية
كلامي كله عن الضرة

وليس عن ( راجل المرة)

ولكن
الفي قلبه حرقص براهو ....

والفي قلبه صمصنج براهو دانصنج

تخريمة : كل يبكي على ليلاه .....

ما حدش حوش

غايتو التاليف والتأويل ......

[ود المطامير]

انا بسأل عن ما يدور في بال الزوجة الاولي والثانية


يا عمك

ما هو هنى مافى ضره لكن ( الله أعلم )
إبقى منو اللى يقدر يعرف باللى يدور فى بالهما ؟

[الجندي المجهول]

يا عمك

ما هو هنى مافى ضره لكن ( الله أعلم )
إبقى منو اللى يقدر يعرف باللى يدور فى بالهما ؟

أنت عرفت كيف انو هنا مافي ضرة !!!

هسع امكن في لكن مشفرة !!!!!!!!!

اعمل نايم يا عمك ........

ود المطامير ،،،،،،،،،، حبيبنا ...

والله في حاجات مرات غريبة

انا بعرف واحد والله العظيم الاتنين ساكنين معاهو في شقة واحدة ... وماشين زي (التروس بتاعت ابو عبد الرحمن) بغم مافي

وانا بعرف واحد تاني كله واحدة ساكنة براها

لكن صاحبي ( قريبي) نجض وكمل من لحم الدنيا وقرر أن يأتي بالثالثة .... تصدق

يا ابو كدايس ... مبرووك المطعم عاوزين نجيكم لكن ما ركبتوا دش ....

[روبش]

بالله يا الجندي ضرة شنو عليك الله ما ياهن نفس الملامح والشبه.. الأتغيير شنو يعني
اقول ::: إلا تكون ضرة زي الفي بالي لكن حرررررررررررررررررررررررن الصوم واجب

[ود المطامير]

انا بعرف واحد والله العظيم الاتنين ساكنين معاهو في شقة واحدة ... وماشين زي (التروس
هع هع هع

ذى دا عندنا هنى ، ويوم كان طالع مع واحده العصر كدا
نحنا كنا قاعدين لما قرب لينا قام واحد زهجان لأنو قدم لمرتو
وناس الجوازات رفضو ليهو لأنو ما مستوفى الشروط قام قال لراجل المرتين

_ حظك ، كل طلعه بتقشر بواحده

[تغريدا]

انا بعرف واحد والله العظيم الاتنين ساكنين معاهو في شقة واحدة ... وماشين زي (التروس بتاعت ابو عبد الرحمن) بغم مافي




أخونا الجندى حمد لله على السلامه يعنى بالمختصر المفيد الطبله والمفتاح فى يد الرجل أذا هو والله قادر على تحمل أثنين ولاعشرة والوضع كله تحت سيطرته أكيد مابكون فى مشكله أما لوالراجل والله ضعيف الشخصية ومن أول مناوشة بستسلم أخير له يصبر ويتصبر مع الأولى بمافيها وماعليها ومافى داعى للتانية لأنه أكيد بفتح على نفسه باب من أبواب جهنم وفى أحتمال يلحق أمات طه

[ود المطامير]

يصبر ويتصبر مع الأولى بمافيها وماعليها ومافى داعى للتانية لأنه أكيد بفتح على نفسه باب من أبواب جهنم وفى أحتمال يلحق أمات طه

دايره تخوفينا مُش ؟

[ام رغد]

حليييييييييييييييل زمن الرجال البعرسو اربعة والاربعة بياكلو فى صينية وااااااااااحدة

[الجندي المجهول]

حليييييييييييييييل زمن الرجال البعرسو اربعة والاربعة بياكلو فى صينية وااااااااااحدة

اللهم نسألك بعودة هذا الزمن الجميل ،،،،،،،،،،،


يلا شد حيلك يا ابو عبد الرحمن وود المطامير وموووووووودي (والمساقر) ( عم محجوب لا لا لا)

[الجندي المجهول]

بالله يا الجندي ضرة شنو عليك الله ما ياهن نفس الملامح والشبه.. الأتغيير شنو يعني
اقول ::: إلا تكون ضرة زي الفي بالي لكن حرررررررررررررررررررررررن الصوم واجب

والفي بالك شنو يالحبيب تكعيب ...
اااقول أحسن بطل (بكسر الطاء)

[ابو عبد الرحمن]

اللهم نسألك بعودة هذا الزمن الجميل ،،،،،،،،،،،


يلا شد حيلك يا ابو عبد الرحمن وود المطامير وموووووووودي (والمساقر) ( عم محجوب لا لا لا)
الجندي أحلى صباح لاحلى وأنقى قلب وأطهر قلب صاحب الابتسامة الساحرة
أو الساهرة ... أنا ما عندي مشكلة يا ود (قلبه )خوفي كثير من الاختيار.
والاختيار داير ليهو لجنة اختيار .. ..... واللجنة فيها خيار وبقوس .
وفيها إمتحان قدرات . والامتحان داير مواصفات . والمواصفات هي
زاتها المضيعانا ................. والله غالب يا ( باكا )

[بنت الرفاعي]

التحية للجميع.:)


إجابة تقديرية على سؤالك أخي الجندي:
أعتقد أحيانا من مشاعر الضرة:
(الخوف)
الخوف من الأولى (مع أنو بيكون متبادل)
والخوف برضو بيكون من الزوج،
لأنو زي ما أنو قدر وتزوج على الأولى
أكيد حيقدر يتزوج عليها الثالثة والرابعة!!!

:):):)

[الجندي المجهول]

الجندي أحلى صباح لاحلى وأنقى قلب وأطهر قلب صاحب الابتسامة الساحرة
أو الساهرة ... أنا ما عندي مشكلة يا ود (قلبه )خوفي كثير من الاختيار.
والاختيار داير ليهو لجنة اختيار .. ..... واللجنة فيها خيار وبقوس .
وفيها إمتحان قدرات . والامتحان داير مواصفات . والمواصفات هي
زاتها المضيعانا ................. والله غالب يا ( باكا )

الحبيب تكعيب صباح الخير ،،،
كان علي البعفوا انا انت محتاج ترخيص لي (9) بس الحمد لله (الاسلام) حددهم بي (4) يا ( 4)

تخريمة : والله العظيم عاوز لي جلسة معاك ( ما قلت قعدة) عشان ود المطامير ما يفهمني غلط

[الجندي المجهول]

التحية للجميع.:)


إجابة تقديرية على سؤالك أخي الجندي:
أعتقد أحيانا من مشاعر الضرة:
(الخوف)
الخوف من الأولى (مع أنو بيكون متبادل)
والخوف برضو بيكون من الزوج،
لأنو زي ما أنو قدر وتزوج على الأولى
أكيد حيقدر يتزوج عليها الثالثة والرابعة!!!

:):):)







بتنا مرام بالانجليزي ،، صباح الخير وحمداً لله على السلامة ....

بالنسبة للزوجة الاولي لا اتفق معاك في قصة الخوف ( لان ليس هناك سبب لتخاف ) الزوجة التانية (الضرة) وجات وهذا أسوأ سناريوا للزوجة الاولي اكعب من كدا هي ما تتصور او تتخيل ،،، بس اعتقد االاحساس بيكون ( بالغبن وترمق الزوج بعين الخيانة) مع ان السلام احل له هذا ...

الزوجة الثانية : تشعر بالفخر والزهور ( والانتصار) وبانها افضل من الاولي ( لان الزوج تزوج عليها )

عموماً تختلف المشاعر وتختلف الاحاسيس ويختلف الزمان ويختلف المكان ولكن (......) يظل النقاش مفتوحاً إلا ان تطل علينا في هذا البوست

اما ضرة ( زوجة رقم 2) لتخبرنا بمشاعرها

او تطل علينا الزوجة الاولي ( لتحكي لنا) قصة تلقيها نبأ ( اجتياح امريكا للعراق )

تخريمة : ما تكتري الغيبة ونسأل الله ان يكون المانع خير ،،،،

[أحمد عمر ( MOODY )]

اللهم نسألك بعودة هذا الزمن الجميل ،،،،،،،،،،،


يلا شد حيلك يا ابو عبد الرحمن وود المطامير وموووووووودي (والمساقر) ( عم محجوب لا لا لا)



و إنت مالك ..؟ جاهل و لّلا صغّير


بالدرب العديل : المشتهي الحنيطير .. يطير
:p :p :p :p :p

[الجندي المجهول]

و إنت مالك ..؟ جاهل و لّلا صغّير


بالدرب العديل : المشتهي الحنيطير .. يطير
:p :p :p :p :p


صغير حتى اسال العمة منى

تخريمة : يا زول وين انت

باللفة : اكان ما بعرفك بصدق كلامك

[همسات]

هلا بتنا ....
همسات ... صباح الخير

الناس دسل فهموني غلط ..

انا بسأل عن ما يدور في بال الزوجة الاولي والثانية

وليس ابحث عن من سيتزوج الثانية
كلامي كله عن الضرة

وليس عن ( راجل المرة)

ولكن
الفي قلبه حرقص براهو ....

والفي قلبه صمصنج براهو دانصنج

تخريمة : كل يبكي على ليلاه .....

ما حدش حوش

غايتو التاليف والتأويل ......




انا زاتي قلته كده
:rolleyes::rolleyes:

[بت أم درمان]

يعني انت عايز تعرف رأي الزوجة التانية؟
واحساس الزوجة الأولى ؟
صح؟
طيب
بالنسبة للزوجة الثانية
بما انها قدرت تستولي على زوج الزوجة الأولى
فهي بكدا تكون كسبت المعركة
وقدرت تسيطر على الموقف
وعشان تثبت انها سيطرت على كل الموقف تماما
تحاول تطلب من الزوج ان يطلق الزوجة الاولى
وطبعا ما حا تيأس ابدا ولا حا تكل ولا حا تمل
وحا تزن على راس الراجل العبيط
طلقها طلقها طلقها
لااااااامن المسكين يا طلقها هي يا طلق الاولى يا طلقهم الاتنين

وحا اجي تاني اقول ليك
عن احساس الاولى

[ZANOON]

[غايتو يالجندي شكيت محنك
هيجت الناس وقعدت
لكن انا شايف انو الضره مافي ليها مكان اذا الراجل من البدايه اختار صاح
والحياه الزوجيه ملانه مشاكل والاختيار الصحيح من البدايه بساعد في تجاوز كل المشاكل
عشان كده ياخوي (تانيه ماااااااااااااااااااااااااااافي)


عندي عمي في الحساب زوجتو متوفيه ليها11سنه حلف مايعرس عليها

[مدنيّة]

عندي عمي في الحساب زوجتو متوفيه ليها11سنه حلف مايعرس عليها

ياسلام عليه عمك دا يا ذنون ياخ
تقول لي ابوعبدالرحمن!! :cool:




-------
ربنا يرحم زوجته ويسكنها فسيح جناته يارب

[الجندي المجهول]

انا زاتي قلته كده
:rolleyes::rolleyes:



انت ما بتنا ياخ .....

[الجندي المجهول]

يعني انت عايز تعرف رأي الزوجة التانية؟
واحساس الزوجة الأولى ؟
صح؟
طيب
بالنسبة للزوجة الثانية
بما انها قدرت تستولي على زوج الزوجة الأولى
فهي بكدا تكون كسبت المعركة
وقدرت تسيطر على الموقف
وعشان تثبت انها سيطرت على كل الموقف تماما
تحاول تطلب من الزوج ان يطلق الزوجة الاولى
وطبعا ما حا تيأس ابدا ولا حا تكل ولا حا تمل
وحا تزن على راس الراجل العبيط
طلقها طلقها طلقها
لااااااامن المسكين يا طلقها هي يا طلق الاولى يا طلقهم الاتنين

وحا اجي تاني اقول ليك
عن احساس الاولى

عملتيها لي معركة ومشاكل

ونسيتي ما معناها في قوله سبحانه وتعالى

( وجعلنا بينهما مودة ورحمة )
انتو النسوان ديل جنكم مشاكل يااااااااااااااخ

[الجندي المجهول]

غايتو يالجندي شكيت محنك
هيجت الناس وقعدت
لكن انا شايف انو الضره مافي ليها مكان اذا الراجل من البدايه اختار صاح
والحياه الزوجيه ملانه مشاكل والاختيار الصحيح من البدايه بساعد في تجاوز كل المشاكل
عشان كده ياخوي (تانيه ماااااااااااااااااااااااااااافي)


عندي عمي في الحساب زوجتو متوفيه ليها11سنه حلف مايعرس عليها

حبيبنا تحياتي ،،،،،

اولا نسأل الله الرحمة والمغفرة لزوجة عمك

وبصراحة عمك ( وفي ) او بعبارة أخرى (خالد ابيو)

تخريمة : انت زاتك ما وفي يا وفي وما تغيب كتير


مع اللفة : بصراحة قووون بكري المدينة بتاع معلمين (القون الثالث في النيل الحصاحيصا)

[بنت الرفاعي]

عملتيها لي معركة ومشاكل

ونسيتي ما معناها في قوله سبحانه وتعالى

( وجعلنا بينهما مودة ورحمة )
انتو النسوان ديل جنكم مشاكل يااااااااااااااخ



:d:d:d
:):):)

بالمناسبة أحياناً بالفعل في بعض الضرّات بيحسسوك
بأنهن في معركة حربية حياتية،
ما حياة زوجية!!

سمعت مرّة عن ضُرتين
ما شاء الله في بيت واحد وعيشة واحدة،
وزي الأخوات طالعات ونازلات مع بعض،
وحتى أولادهما واحد!!
يعني مُمكن تلقى ضرّات مُتفاهمات ومُتقبلات الوضع.
:):):)

[بت أم درمان]

عملتيها لي معركة ومشاكل

ونسيتي ما معناها في قوله سبحانه وتعالى

( وجعلنا بينهما مودة ورحمة )
انتو النسوان ديل جنكم مشاكل يااااااااااااااخ

انا ما نسيت الاية ولا معناها
لكن انت النسيت
ان الراجل هو اساسا الجاب سبب المشكلة

[همسات]

[غايتو يالجندي شكيت محنك
هيجت الناس وقعدت
لكن انا شايف انو الضره مافي ليها مكان اذا الراجل من البدايه اختار صاح
والحياه الزوجيه ملانه مشاكل والاختيار الصحيح من البدايه بساعد في تجاوز كل المشاكل
عشان كده ياخوي (تانيه ماااااااااااااااااااااااااااافي)


عندي عمي في الحساب زوجتو متوفيه ليها11سنه حلف مايعرس عليها




ذا النون بالانجليزي
والله كلامك ده عجبني عجب ;););)
وكلام يحمل جواه كلام
ولو الناس اتعمقت فيه
يصلو للزوجه التانيه واسبابها
واحساسهما معا في زواج الزوج
تحياتي


كدي ياجماعه حللو الكلمات دي
الاخيتار الصح
الحياه ملانه مشاكل
يساعد علي تجاوز كل المشاكل
الضره
الحياه الزوجيه

ومني انا احساس الاولي والتاينه

[الجندي المجهول]

انا ما نسيت الاية ولا معناها
لكن انت النسيت
ان الراجل هو اساسا الجاب سبب المشكلة

اساسا لماذا هو ذهب ليتزوج بالثانية ؟

اساساً يعني يا ان الاولي مقصرة يا اساساً التانية اكلت بي راسو حلاوة


يعني اساساً (....) السبب في النساء في كثير من الاحيان (وهذا لا يعفي الرجل من اللوم) مع ان الاسلام اباح له (تعدد الزوجات)

مع تحياتي ،،،

[أمير عبداللطيف]

تابعت جقلبة زوجه تجاوزت ال70 تزوج عليها زوجها ، فايقنت ان الامر من المراره بصوره لا توصف وان تظاهرت الاولي بالثبات فغنيماتها فى المدرسه واولادها في الزريبه ،،، وعن نفسي أحمل رايه التوحيد عااااااااااااااليه ،،،

[ابو لوزة]

اليك هذة القصة عسي ولعل يكون فيها الاجابة علي سؤالك!!!



تقول احدي الفتيات قبل ثلاث أعوام تقدم أحدهم إلى خطبتي. رجل محترم و ناجح في حياته و عمله و يتمتع بجاذبية و أخلاق عالية! حتى الان و الرجل لا غبار عليه و لكن ماذا إذا عرفتم أنه متزوج و لديه ثلاث أطفال و يكبرني بستة عشرة عاماً؟!!! فكرت كثيراً وإستخرت الله و كان شرطي الاول هو الالتقاء بزوجته و التحدث معها وهذا ما حصل و كم كانت دهشتي من تفهمها و التقيت بأنجاله و تحدثت معهم طويلاً و أعجبت بأسلوب تربيتهم و رأيت فيه الاب المثالي قبل أي شئ آخر و قبلت به. و هانذا فتاة في مقتبل العمر جامعية جميلة مثقفةو من أسرة ثرية و مرموقة, كل ذلك لم يحل بيني و بين الزواج من رجل متزوج. و أنا الان سعيدة جدا في حياتي الزوجية ولا أشعر أبدا بفارق السن بيننا بل إن خبرته في الحياة جعلت من كل يوم أقضيه بجواره هبة أحمد الله عليها. و كأي أنثى لابد من مشاعر الغيرة و هي دليل الحب لكن بالايمان نسيطر عليها و نهذبها. نحن الان أسرة يسودها الحب و الاحترام المتبادل وخاصة أنا و أختي (درتي) فكلانا يخاف أن يجرح شعور الاخر فلا نتعمد إثارة مشاعر الغيرة بيننا بل على العكس كل منا لها عالمها الخاص و مكانتها لدي زوجنا الحبيب فقد جمعنا حوله بحبه العظيم لكلينا و حكمته في التعامل مع النساء و الحمدالله على هذه السعادة و الرضا.

عزيزتي المرأءة لا تفكري في الشكليات و لا في كلام الناس الذي لا يقدم و لا يؤخر. لا تترددي في الارتباط برجل متزوج و لمعلوماتك فبخبرته فى الحياة سيجعلك تشعرين بالدلال و الانوثة و السعادة و الاهم حياة زوجية هادئة يقودها ربان حكيم. لقد أحببت زوجي كثيرا و كنت أقول لنفسي كيف لو لم يبح الاسلام التعدد؟! في الغرب معظم المتزوجين لديهم عشيقات سريات فالحمدالله الذي كرم المرأة و جعل لها من الحقوق ما يكفل و يصون كرامتها .

[بنت الرفاعي]

تابعت جقلبة زوجه تجاوزت ال70 تزوج عليها زوجها ، فايقنت ان الامر من المراره بصوره لا توصف وان تظاهرت الاولي بالثبات فغنيماتها فى المدرسه واولادها في الزريبه ،،، وعن نفسي أحمل رايه التوحيد عااااااااااااااليه ،،،












:):):):)
:):)
:)

[مدنيّة]

وعن نفسي أحمل رايه التوحيد عااااااااااااااليه ،،،

ربنا يكتر من امثالك ياسعادتك

[بنت الرفاعي]

أخي أبو لوزة
في الماضي كان التعدد شيء عادي جداً،
وكان إن لم يكن الجميع فالغالبية تعيش في سعادة،
وأحياناً تجد 3 أو أربع ضرات يعشن إن لم يكن في نفس البيت
فبالقرب من بعضهن،
ولكن الآن تغيَّر الزمن وتغيَّرت المفاهيم والنفوس،
وأصبح لكل شيء حساب،
وأضحت تلكم النساء اللاتي يقبلن ويرضين بالزواج الثاني قليلات،
فالنساء يحسبنها من كل الإتجاهات،
وإن وجدن إتجاه واحد فقط قد يؤثر
يرفضن ذلك،
وحتى الرجال أغلبهم أصبحوا يخافون من الزواج الثاني ويحسبون له ألف حساب!!.
.
.
.
.




:):):)

[الاستاذة]

كلام كتييييييييييير اتقال فى البوست ده و كل واحد يا خايف يا ماعاوز يا ماعنده طريقة و المهم ياجماعة .. و دى رؤية شخصية .. أى رجل متزوج يأمن جانب الزوجة الأولى اللى بتجى منها المشاكل دايما بعد الزواج الثانى .. و يأمن جانب أولاده من سوء المعاملة و المقاطعة بموجب الفصل السابع من ميثاق الأمم المتحدة .. و يأمن جانب المجتمع من قطع العلاقات الدبلوماسية .. و يكون عنده القدرة على مثنى وأكثر .. صدقونى لن يتردد بل و يرغب ..

تحياتى

وبموجب شرع الله لو قادرين اعدلو
كدا تخيل لي تكون اكتملت اخي بدر الدين
عذرا الجندي المجهول على الرد

[تغريدا]

دايره تخوفينا مُش ؟



أبداً والله ياأبوعمرو ;);)لكن نظام أنه البكون طبلته ومفتاحه فى جيبه بريح أضانه

[الجندي المجهول]

تابعت جقلبة زوجه تجاوزت ال70 تزوج عليها زوجها ، فايقنت ان الامر من المراره بصوره لا توصف وان تظاهرت الاولي بالثبات فغنيماتها فى المدرسه واولادها في الزريبه ،،، وعن نفسي أحمل رايه التوحيد عااااااااااااااليه ،،،

صباخ الخير ،،، حبيبنا

والله الضرة دي في اي زمان وفي اي مكان تخش بتولعها

تعجبني صراحتك بانك من الموحدين ....

بس هل يا ترى تعلميات ولا اكتفاء ذاتي !!!!!!

[الجندي المجهول]

ربنا يكتر من امثالك ياسعادتك

ههههههه (انا الان بضحك بصوت عالي )

[الجندي المجهول]

وبموجب شرع الله لو قادرين اعدلو
كدا تخيل لي تكون اكتملت اخي بدر الدين
عذرا الجندي المجهول على الرد


البيت بيتك في اي زمان ومكان ،،،

[ود المطامير]

جندينا ... صباح الخير

أنا يوم الخميس والجمعه شغال بحنّس فى جارنا أبو مرتين
وهن معاهو هنى وقلت ليهم ، عندنا موضوع مسخن فى منتديات ود مدنى
عن الزوجه الأولى والضره فياريت تجو وتحكو لينا رأيكم على الهواء مباشره
قامو قالو لى نحنا بنحكى ليك وإنت أحكى ليهم
قلت ليهم لا .. أنا لو حكيت ليهم على لسانكم كلهم بقولوا ود المطامير أداها كوز
أهااا .. غايتو وعدونى الإسبوع اللى قادم بإذن الله يكونو ضيفنا هنى

[الجندي المجهول]

جندينا ... صباح الخير

أنا يوم الخميس والجمعه شغال بحنّس فى جارنا أبو مرتين
وهن معاهو هنى وقلت ليهم ، عندنا موضوع مسخن فى منتديات ود مدنى
عن الزوجه الأولى والضره فياريت تجو وتحكو لينا رأيكم على الهواء مباشره
قامو قالو لى نحنا بنحكى ليك وإنت أحكى ليهم
قلت ليهم لا .. أنا لو حكيت ليهم على لسانكم كلهم بقولوا ود المطامير أداها كوز
أهااا .. غايتو وعدونى الإسبوع اللى قادم بإذن الله يكونو ضيفنا هنى

حاشاك من انك تديها (كوز) مصدقنك

وادينا منتظرين وقاعدين انا وكل السودانين ....

وواحدة من سوريا !!!!!

[ود المطامير]

أبداً والله ياأبوعمرو ;);)لكن نظام أنه البكون طبلته ومفتاحه فى جيبه بريح أضانه


;););););)

عندنا جارتنا ممشيه راجلها على كراع واحده على الحبل

وناس فريقنا كلهم مسمينو المهروش

قام جاب ليها أمو من السودان تقعد معاهم

شهر بس مرتو بقت ذى السوسيو الواقع فى العجين

[بت أم درمان]

اساسا لماذا هو ذهب ليتزوج بالثانية ؟

اساساً يعني يا ان الاولي مقصرة يا اساساً التانية اكلت بي راسو حلاوة


يعني اساساً (....) السبب في النساء في كثير من الاحيان (وهذا لا يعفي الرجل من اللوم) مع ان الاسلام اباح له (تعدد الزوجات)

مع تحياتي ،،،

انت اساسا دي صارفنها ليك مع الراتب الشهر دا مكتر منها كدا

طبعا لازم تخت اللوم على المرأة
والراجل دااائما براءة
يا حرام الرجال مساكين

طيب رايك شنو اكتر الرجال البتزوجوالثانية
بتكون فراغة هين منهم ساي
والدليل اي راجل يلقى ليهو مبلغ في ايدو
بدل ما امشي يبني بيهو اوضة
يمشي يعرس على طول

والادلة كتيرة على كدا

يعني نااادر جدا ما تلقى راجل بعرس
عشان الكلام البتقولو فيهو دا
السبب الاهمال والنقة والكلام الفاضي الملينة منه

غير كدا نااادر جدا برضو تلقى راجل عرس عشان الاجر
وعشان السبب الرئيسي الختاهو ليهو الله والشرع

او الاسباب الحاصلة مؤخرا لتخفيض نسبة العنوسة

او لزيادة النسل لكثرة امة محمد عليه الصلاة والسلام

والله كلامكم كلو غير منطقي

[بت أم درمان]

ههههههه (انا الان بضحك بصوت عالي )

قاعد في مكتب ولا في كوفي شوب اصلك
نقص صوتك قبل ما يجو يطردوك

[بدرالدين أحمد موسى]

البوست ده يا جماعة شايفو ماشى حلو .. و بعدين فيه العديد من المحاور .. لكن كدى النسألكم ... على فرض أن الزواج الثاني حولت الحياة الى جحيم لجميع الأطراف .. من المخطئ هنا .. و من أول زول ربط ( وش كلب) !! الرجل .. أم الزوجة الأولى .. أم الزوجة الثانية !!

[الجندي المجهول]

انت اساسا دي صارفنها ليك مع الراتب الشهر دا مكتر منها كدا

طبعا لازم تخت اللوم على المرأة
والراجل دااائما براءة
يا حرام الرجال مساكين

طيب رايك شنو اكتر الرجال البتزوجوالثانية
بتكون فراغة هين منهم ساي
والدليل اي راجل يلقى ليهو مبلغ في ايدو
بدل ما امشي يبني بيهو اوضة
يمشي يعرس على طول

والادلة كتيرة على كدا

يعني نااادر جدا ما تلقى راجل بعرس
عشان الكلام البتقولو فيهو دا
السبب الاهمال والنقة والكلام الفاضي الملينة منه

غير كدا نااادر جدا برضو تلقى راجل عرس عشان الاجر
وعشان السبب الرئيسي الختاهو ليهو الله والشرع

او الاسباب الحاصلة مؤخرا لتخفيض نسبة العنوسة

او لزيادة النسل لكثرة امة محمد عليه الصلاة والسلام

والله كلامكم كلو غير منطقي

خلاص الرجال مفترين وما بخافوا الله

والزواج الثاني يعتبر طيارة عين بس

والنساء مظلومات مظلومات ،،،،

هسع عليك الله ،، في زول بيصدق الكلام دا

منطقياً توجد اسباب وحتى نكون منصفين

هذه الاسباب تكون اما من جانب الزوجة أو الزوج يعني ليس دائماً الرجل عينو طايرة ويفكر في الزواج


وليس دائماً الزوجة (مثالية) وغير نكدية والحياة معاها ( ماشة بساطة)
انها سنة الحياة والاختلاف وارد

ولكن محورالنقاش يدور ،،،،

ليس هناك ضغينة على المرأة أو تحامل عليها وليس هناك مجال لمجاملة الرجل

كل زوج وزوجة لهم ظروفهم الخاصة التي على اساسها ( يتم الزواج للمرة الثانية)

تخريمة : اساساً (المرأة في اغلب الحالات هي التي تكون سبباً ) في زواج الرجل مرة ثانية

لان المرأة هي من لها اليد الطولى في (بناء السعادة ) وتوفير الجو الجميل الهادئ داخل المنزل وداخل المحيط الاسري


هذا لا يعفي الرجل من المسؤولية (حتى اكون منصفاً) فيمكن ان يتغلب علي بعض (صفات زوجته) التي لا يطيقها بالصبر او العمل على تغييرها

صدقيني لا يتزوج الرجل إلا في حالتين

1/ غلبتو الحيلة وفقدوا صبرو وشرد نوموا
2/ العين طاااااااااااارت والعين لما تطير ( بتقع في البير)

وبس ،،،

[الجندي المجهول]

البوست ده يا جماعة شايفو ماشى حلو .. و بعدين فيه العديد من المحاور .. لكن كدى النسألكم ... على فرض أن الزواج الثاني حولت الحياة الى جحيم لجميع الأطراف .. من المخطئ هنا .. و من أول زول ربط ( وش كلب) !! الرجل .. أم الزوجة الأولى .. أم الزوجة الثانية !!

وماشي احلى بمشاركتك يا حبيبنا ،،،

اها انت موقفك شنو من الكلام دا ؟

[أمير عبداللطيف]

:):):):)
:):)
:)


يادكتوره ،، الضحك علي الفقره الاولي ام الاخيره ؟ ههههه

[أمير عبداللطيف]

ربنا يكتر من امثالك ياسعادتك

انتي نومي قفي الحبه ما بتجيك ،، علي ضمانتي ،،

[الجندي المجهول]

انتي نومي قفي الحبه ما بتجيك ،، علي ضمانتي ،،

خلاص اعرش على كدا ......

البلد الوحيد الفي العالم الما فيهو ضمانات ( السودان) وخاصة (الخرطوم) واكثر خصوصية (......)

[بنت الرفاعي]

يادكتوره ،، الضحك علي الفقره الاولي ام الاخيره ؟ ههههه





:):):)
هي إبتسامات وأكيد لكلامك الأخير يا أخي:rolleyes:.
:):):)

[أمير عبداللطيف]

صباخ الخير ،،، حبيبنا

والله الضرة دي في اي زمان وفي اي مكان تخش بتولعها

تعجبني صراحتك بانك من الموحدين ....

بس هل يا ترى تعلميات ولا اكتفاء ذاتي !!!!!!

والله اكتفاء ذاتي خاااالص ، وما زهج والله بس امتياز فى الاداء هههههه

[بدرالدين أحمد موسى]

وماشي احلى بمشاركتك يا حبيبنا ،،،

اها انت موقفك شنو من الكلام دا ؟

انا طوالى بقول الزوجة الأولى بتكون عذبت الراجل لحد ما فكر و قدر .. ثم قتل كيف قدر .. و بعد داك نظر .. و قام يتزوج !!

تحياتى

[ام رغد]

اصلا مافى واحد معفى من المسؤلية الراجل او المرة دة اذا اخدنا الموضوع على انو تهمة
بس انا لى وجهة نظر خاصة .... اذا اراد الزوج ان يتزوج فليذهب بالسلامة ولكن فى اشياء
لازم تكون على بال الزوج الطاير من يد الزوجة الاولى وذاهب ليد الزوجة التانية اهمها الاحترام
للاولى والثانية ومراعاة ان الاولى بشر من لحم ودم وليست شيطان ....
فى اغلب الحالت بنلقى الزوج ملهى مع الثانية وكل طلباتة اوامر فى حين انو ممكن يكون شهر
ما بشوف الاولى وبتكون محسوبة عليه بس ....

[بدرالدين أحمد موسى]

اصلا مافى واحد معفى من المسؤلية الراجل او المرة دة اذا اخدنا الموضوع على انو تهمة
بس انا لى وجهة نظر خاصة .... اذا اراد الزوج ان يتزوج فليذهب بالسلامة ولكن فى اشياء
لازم تكون على بال الزوج الطاير من يد الزوجة الاولى وذاهب ليد الزوجة التانية اهمها الاحترام
للاولى والثانية ومراعاة ان الاولى بشر من لحم ودم وليست شيطان ....
فى اغلب الحالت بنلقى الزوج ملهى مع الثانية وكل طلباتة اوامر فى حين انو ممكن يكون شهر
ما بشوف الاولى وبتكون محسوبة عليه بس ....

الطاير دى مالها جاتنى زى .. يطير فى 60 حاجة !! و أتفق معاك بضرورة العدل .

تحياتى

[ZANOON]

http://i53.tinypic.com/2igynpg.jpg

اه دي بجيبو معاها ضره

[مدنيّة]

انتي نومي قفي الحبه ما بتجيك ،، علي ضمانتي ،،

يديك العافية ياسعادتك

[مدنيّة]

خلاص اعرش على كدا ......

البلد الوحيد الفي العالم الما فيهو ضمانات ( السودان) وخاصة (الخرطوم) واكثر خصوصية (......)

انت بث امرق منها ياحاقد

[بت أم درمان]

http://i53.tinypic.com/2igynpg.jpg

اه دي بجيبو معاها ضره

انت بس ما عارف حاجة
والله يجيبو جيبة

[بت أم درمان]

احيانا النقاش في حتات كدا بكون عقيم
ما منه اي فائدة
مع انه من خلال وجهات النظر
ممكن توصل معلومة
تفيد الجميع او البعض

[ZANOON]

انت بس ما عارف حاجة
والله يجيبو جيبة

والله يابتنا (لو بعد دا بيجيبوها العين الطايره تطير)

[ام رغد]

[quote=بدرالدين أحمد موسى;580424]الطاير دى مالها جاتنى زى .. يطير فى 60 حاجة !! و أتفق معاك بضرورة العدل .

تحياتى[/quo
والله الحاجات فى حد زاتة بتكون انواع واجاهات

[ام رغد]

http://i53.tinypic.com/2igynpg.jpg

اه دي بجيبو معاها ضره

فى الحالة دى بكون عذرو الجبنة المرة طبعا

[ام رغد]

والله يابتنا (لو بعد دا بيجيبوها العين الطايره تطير)

يا ولدى العين ما بملاها الا التراب..... ويا مامنة للرجال يا مامنة للموية فى الغربال .....والعايز يعرس ما عايز ليه سبب لانو ما بغلب بلقى ليه مخرج فى جميع الحالات

[الجندي المجهول]

انت بث امرق منها ياحاقد

انا اصلا ما دخلت عشان اطلع (والله العظيم الحقد بي جنبي ما بجي) يا عمتى ختى الرحمن في قلبك وقولي بسم الله الرحمن الرحيم

تخريمة : مهرجان الراحل ايداهور كان جميل ويحكي قصة معدن الانسان السوداني في الشدائد .....

صراحة عمل انساني جميل ولا اروع من كدا

انا ما شاهدت المهرجان ( حكاهو لي مصري زميل معاي في العمل) وهو حضرو من اجل متابعة (المصريين الموجودين بالمريخ) فكانت الاشادة الجميلة

[بت أم درمان]

؟
عندي صديق لي يكبرني في العمر تقريباً ( في عمر ابو عبد الرحمن كدا) لفت الايام وجات (دبل ) بي واحدة خرطومية



طيب نحن نسينا نسأللك
صاحبك البيكبرك في العمر
لي عرس وحدة تانية
وجاب المضرة لي بت عمو
ولا ما قال ليك السبب؟

[moh_alnour]

الزوجة الثانية - الضرة
هل بسبب العين الطايرة للرجل ؟
أم بسبب ضعف المرأة الأولى للحفاظ على زوجها من ناس ( راجل المرة حلو حلا ) ؟

تتعدد و تتفاوت أسباب الرجال في الشروع في الزواج الثاني و الهدف واحد هو البحث عن الإستقرار
و البحث عن ما يفقده في الزوجة الأولى
لا أتفق إطلاقا ً مع القول بأن الزواج من إمرأة أخرى يعني بالضرورة أن ذلك التصرف يُسمى ( طيارة عين )
فالرجل الذي يتصف بأنه ( عينو طايرة ) يمكن أن يخون زوجته و لكن لا يمكن أن يفكر في الزواج مرة أخرى
مع العلم بأن الزواج الثاني يمثل عبء مادي و جسدي للرجل
كثير ما نجد في المجتمع إمرأة فائقة الجمال و تتصف بمؤهلات كثيرة و لكنها فاشلة في حياتها الزوجية
لأن الزواج يحتاج إلى إمرأة بمواصفات خاصة فكثير من بنات الجيل الحالي نظرتهم للزواج لا تتعدى فستان الزفاف و الصالة و الغنّاية و كل ما يبهر الصويحبات
ناسين و متناسين بأن الزواج رحلة طووووويلة تحتاج إلى البت مستورة الحال التي يكون لديها إستعداد للمشي في طريق الحياة الزوجية الشاق
أيضا ً قد يتزوج بعض الرجال بإمرأة أخرى بحثا ً عن ( الذُرية ) و قد يتزوج بأخرى لأسباب موضوعية لا يفصح عنها للأخرين
فالحياة الزوجية أسرار قد لا يُباح بها حتى للأقربين و لذلك كثيرا ً ما يكون سبب الطلاق مجهول بالنسبة للمجتمع
و قد يكون السبب كما ذكرت أنت و هو فشل الزوجة في المحافظة على زوجها و إستقرار بيتها و قد يكون بسبب تدخل الأهل الدائم في حياة الزوجين



ما هي دوافع الزوجة الثانية للقبول بالزواج من رجل متزوج و يكبرها سنا ً ؟ عدم الثقة بالنفس ؟ أم التفكير في المال ؟ أم ماذا ؟

لكل فتاة قناعتها و أسبابها الوجيهة و المنطقية للقبول بدور الزوجة الثانية و لا أعتقد بأن الأمر خاص بالثقة بالنفس أو المال
فهناك نماذج لفتيات جميلات و متعلمات و لا ينقصهن المال و مع ذلك رضينا بأن يكُن ضرات بكامل إرادتهن

[الجندي المجهول]

تتعدد و تتفاوت أسباب الرجال في الشروع في الزواج الثاني و الهدف واحد هو البحث عن الإستقرار
و البحث عن ما يفقده في الزوجة الأولى
لا أتفق إطلاقا ً مع القول بأن الزواج من إمرأة أخرى يعني بالضرورة أن ذلك التصرف يُسمى ( طيارة عين )
فالرجل الذي يتصف بأنه ( عينو طايرة ) يمكن أن يخون زوجته و لكن لا يمكن أن يفكر في الزواج مرة أخرى
مع العلم بأن الزواج الثاني يمثل عبء مادي و جسدي للرجل
كثير ما نجد في المجتمع إمرأة فائقة الجمال و تتصف بمؤهلات كثيرة و لكنها فاشلة في حياتها الزوجية
لأن الزواج يحتاج إلى إمرأة بمواصفات خاصة فكثير من بنات الجيل الحالي نظرتهم للزواج لا تتعدى فستان الزفاف و الصالة و الغنّاية و كل ما يبهر الصويحبات
ناسين و متناسين بأن الزواج رحلة طووووويلة تحتاج إلى البت مستورة الحال التي يكون لديها إستعداد للمشي في طريق الحياة الزوجية الشاق
أيضا ً قد يتزوج بعض الرجال بإمرأة أخرى بحثا ً عن ( الذُرية ) و قد يتزوج بأخرى لأسباب موضوعية لا يفصح عنها للأخرين
فالحياة الزوجية أسرار قد لا يُباح بها حتى للأقربين و لذلك كثيرا ً ما يكون سبب الطلاق مجهول بالنسبة للمجتمع
و قد يكون السبب كما ذكرت أنت و هو فشل الزوجة في المحافظة على زوجها و إستقرار بيتها و قد يكون بسبب تدخل الأهل الدائم في حياة الزوجين



لكل فتاة قناعتها و أسبابها الوجيهة و المنطقية للقبول بدور الزوجة الثانية و لا أعتقد بأن الأمر خاص بالثقة بالنفس أو المال
فهناك نماذج لفتيات جميلات و متعلمات و لا ينقصهن المال و مع ذلك رضينا بأن يكُن ضرات بكامل إرادتهن

كلام (منطقي جداً وواقعي) كلام زول معلم ،،،

تسلم يا ابو يزن ،،،،

[الجندي المجهول]

طيب نحن نسينا نسأللك
صاحبك البيكبرك في العمر
لي عرس وحدة تانية
وجاب المضرة لي بت عمو
ولا ما قال ليك السبب؟

السؤال محول لك يا صاحب النظارة السوداء !!!!

قلنا سجل في المنتدى عشان ما تجنني اكتب كدا ورد بي لساني

تخريمة : من الان مرحب بالعضو الجديد (صاحب النظارة السوداء) فعل لينا الاشتراك يا ريس خلي راجل المرتين دي ( يدخل لينا هنا)

اجمل ما في الموضوع ( متزوج اتنين) وعندو زمن يخش معانا النت ( والله بختك)

[ZANOON]

ذا النون بالانجليزي
والله كلامك ده عجبني عجب ;););)
وكلام يحمل جواه كلام
ولو الناس اتعمقت فيه
يصلو للزوجه التانيه واسبابها
واحساسهما معا في زواج الزوج
تحياتي


كدي ياجماعه حللو الكلمات دي
الاخيتار الصح
الحياه ملانه مشاكل
يساعد علي تجاوز كل المشاكل
الضره
الحياه الزوجيه

ومني انا احساس الاولي والتاينه




تسلمي اختنا همسات
وفعلا اختيار شريك الحياه يجنب الكثير من المشاكل وتنازل الآخر للآخر يعبر بالحياه لبر الامان
وحتي في السفر الرفيق الوفي يجعل الرحله اكثر متعه
(اذا كان في السفر قالو الرفيق قبل الطريق)
مابالك برحله العمر
اوع الجندي يجي يقول
(في نص الطريق بنزلك)

[مايسة]

ياخ على الاقل يساعدو زاتو في تقليل الأزمة

تخريمة : ليه أغلب الشيوخ بعرسو اكتر من اتنين !!

[الجندي المجهول]

تسلمي اختنا همسات
وفعلا اختيار شريك الحياه يجنب الكثير من المشاكل وتنازل الآخر للآخر يعبر بالحياه لبر الامان
وحتي في السفر الرفيق الوفي يجعل الرحله اكثر متعه
(اذا كان في السفر قالو الرفيق قبل الطريق)
مابالك برحله العمر
اوع الجندي يجي يقول
(في نص الطريق بنزلك)

الحبيب ذا النون تحياتي ،،
لو الباص ماشي من مدني للخرطوم يبقى نص المسافة (الكاملين) كافتريا حافظ


تخريمة : يوم الجمعة حاضرالكورة وين امكن والله اعلم اجي ناطي (2 يوم ) اجباريات لكن ما اكيد !!!!

[الجندي المجهول]

ياخ على الاقل يساعدو زاتو في تقليل الأزمة

تخريمة : ليه أغلب الشيوخ بعرسو اكتر من اتنين !!

بتنا مايسة تحياتي ،،،

السؤال دا ليك انت ...

ليه اغلب الشيوخ بعرسو اكتر من اتنين ؟

تخريمة : الشيوخ انواع اي شيخ تقصدين (لانه هنالك مشيخة خشم بيوت) !‍‍‍

[مايسة]

بتنا مايسة تحياتي ،،،

السؤال دا ليك انت ...

ليه اغلب الشيوخ بعرسو اكتر من اتنين ؟

تخريمة : الشيوخ انواع اي شيخ تقصدين (لانه هنالك مشيخة خشم بيوت) !‍‍‍


ولك مثل هذه التحايا مضاعفة

بجاوب ليك طوالي ببساطة -
قالو عايزين يكترو أمة سيدنا محمد صل الله عليه وسلم

الشيوخ المعترف بيهم - المعروفين لدى الكل بورعهم ومخافتهم لله سبحانه وتعالى