ردا على كل دعاة سقوطنا ( سهوا ) حلم الجيعان عيش

[الملكة اسماء ( ام محمد )]

اليوم مظاهره مليونيه للرجال شعارها
الزوج يريدتغيير المدام
وتعقيباً لما سبق نشرة الزوجات
يعدن باصلاحات اهمها :
1: السماح للزوج بتعدد الزوجات
2: السماح له بالسفر اين ومتىشاء
3: الزوج يخرج من البيت دون سؤال
وين رايح ومتين جاى
لكن الازواج رفضوا كل هذه الحلول
مطالبين باسقاط المدام
لطول مدة حكمها


تعال ياعم محجوب نشوف النسبة الحاتقبل تخش معاك في المظاهرات دي كم ؟

نمسك سؤال سؤال


1: السماح للزوج بتعدد الزوجات
هل يمتلك الرجل حق كفالة زوجة واحدة هذه الايامات حتى ( يطمح ) في التعداد ؟؟

2: السماح له بالسفر اين ومتى شاء

اليس من حق ( المسكينة ) التي تزوجها ( التفسح ) معاه بما انه يمتلك حق السفر اين ومتى شاء ؟؟؟

3: الزوج يخرج من البيت دون سؤال وين رايح ومتين جاى..
الغريبة هناك فئة تريد الزواج (مخصووص) عشان يلاقوا حد (يغيير عليهم ويسالهم ماشين وين وجايين من وين ؟؟)
سؤالي هو : الزواج استقرار .. اين سيكون الاستقرار اذا كان الرجل لا يزال راغب في مزيد من (الهملة) والحوامة البلا سبب ؟؟

والله يامعشر( آدم ) حيرتونا معاكم

غايتو احنا حا ننظم مظاهرة عنوانها ( اذهبوا فانتم الطلقاء)


همسة: اتمنى ان نناقش الموضوع الذي اعرف انه كان بطابع هزلي , فصدقوني هناك اسئلة عديدة خلف جمل قصد من ورائها المزاح

همسة 2: عمو محجوب شكرا مقدما لانك اديتني فكرة موضوع :o

[مدنيّة]

هي بالله المسج دي انترناشونال!! هههههههههههههههههههه

-------
خليهم يحلموا ياخ
هو الحلم بقروش!:p

--------
ليس كل ميادين التحرير سواء:cool:

[الجندي المجهول]

هلا بتنا ،،،،
شوفي النجيك بالنجيضة من الاخر كدا ....
والله والله لو مسكنا في كتاب الله وسنة نبيه الكريم سنحترم علاقتنا ببعضنا البعض

لان الله سبحانه وتعالى في كتابه الكريم قال فيما معناه ( وجعلنا بينهم مودة ورحمة )
وجا في التفسير فيما معناه
المودة والرحمة تعنيان الرفقة الجميلة يعن ياديك ليها بفهم بسيط ان تكون زوجتك
صديقتك
اختك
والدتك
زميلتك
ولكن بكل أسف (العرب ) عموماً لا يأبهون لهذه المسائل ولا يلقون لها بالاً ....
واديك البرنامج السوداني :
الصباح في العمل
العصر اخد ليهو نومة
والمساء لفح الجلابية وطلع ما بقعد في البيت إلا للشديد القوي ...
هنالك ( فجوة) ما بين الرجل والمرأة وبالمناسبة وخاصة أننا في زمن اصبح المتعلمات فيه كثر ولذلك تجدي ان المرأة تريد حقوقها كاملة ( ولا عيب في هذا) ولكن ( بما يتماشى مع شرع الله سبحانه وتعالى) .....
لماذا يعتبر بعض الازواج البيت طارد
ولماذا يزرع لدى الشباب عند الاقبال على الزواج ( فكرة ان يضبح الكديسة ) وأن يكون هو النهائي والامر ..
مع ان الوضع الطبيعي والذي قاله الشرع صراحة ( ان الرجال قوامون على النساء) يعني وضع طبيعي لا يحتاج لابراز العضلات والهيجان والصريخ والضرب

الحياة بين اي اثنين يجب ان تكون مبنية على ( طاعة الله ورسوله) وصدقيني كلما اقتربنا من الدين حافظنا على انفسنا وادميتنا وعلاقتنا ببعضنا البعض

كلما بعدنا ..... ضاع الحلم الجميل

تخريمة : المرأة هي : الام والاخت والمعلمة والطبيبة والزوجة ... فيجب علينا احترامهمن ويجب علينا معاملتهن معاملة كريمة كما امرنا الله سبحانه وتعالى

ولك كل التحيايا ،،،
باللفة : مواضيعك الليلة ما بين (النسيان والمرأة) الله يستر من الجاي

عندي موضوع بكتب فيهو اسمو الزوجة الثانية .... بس انشغلت وما عملت ليهو انزال في المنتدى ..

[عزالدين]

هناك من يبحث عن الزوجة التانية ولكن بمواصفات خاصة
زى اخونا ود المطامير والباقى تمو خيال انا ما قلت حاجة
بالنسبة للموضوع الفهم فيهو واضح ولايحتاج لشرح وكما قلتى
وبفهم بلدى ( كدى اقدرو على الاول ومتطلباتها وبعدين فتشو على تانية)

[ايمن عبد الله]

الايام دي يا الملكة .. العندو (مدام) واحدة حقو يمسك فيها ويقعد في الواطة دي .. يا محجوب ..

عليك الله الايام دي هو الناس لاقية (مدام) واحدة عشان يمشي بطيارة عين يفتش المدام الاخرى .. يا محجوب ..

الله يقدر الواحد على الواحدة .. خلي الاثنين دي كثيرة خالص .. مع الزمن ده .

المظاهرة دي يا شباب .. نتيجتها .. (لم ينجح احد)

[mahagoub]

انتو ما تغنوا ساى
فى القادر على 10 مش واحده
بعدين يا ايمن ما تكسر مقاديفنا
من نفسنا ننفس شويه
والظاهر حلم الجعان عيش

[بدرالدين أحمد موسى]

و القال ليكم منو الراجل عاوز يطلع مظاهرة للحصول على تلكم الحقوق المكفولة أصلا !! سؤال مشروع أليس كذلك .

تحياتى

[ود المطامير]

هناك من يبحث عن الزوجة التانية ولكن بمواصفات خاصة
زى اخونا ود المطامير والباقى تمو خيال انا ما قلت حاجة
بالنسبة للموضوع الفهم فيهو واضح ولايحتاج لشرح وكما قلتى
وبفهم بلدى ( كدى اقدرو على الاول ومتطلباتها وبعدين فتشو على تانية)
هووووووووى
أنا هسى بفكر فى التالته

[ود المطامير]

يا عم محجوب
جبت لينا الهوا ياخ

[ود المطامير]

همسة 2: عمو محجوب شكرا مقدما لانك اديتني فكرة موضوع :o

عمنا دا
شلاقتو أخير منها شلاقتى

[ود المطامير]

هناك من يبحث عن الزوجة التانية ولكن بمواصفات خاصة
زى اخونا ود المطامير والباقى تمو خيال انا ما قلت حاجة

هووووى يا خريج غوانتانامو ما تجيب لى الهوا ياخ
أنا من فتره ومرات مرات لما أمشى البيت نهاية الإسبوع بلقى ليك أم عمرو غيرت النظام
غرفة الجلوس وغرفة النوم وكل شئ
ومن أدخل بقول ليها .. الله ... الله كدا حلووو ، اللى غيرتو معاك منو ؟
وهى تقول لى برااااى
فى حين إنو أنا لو عاوز أغير مكان الكنبه أم تلاته بنادى لعمرو ولأ شجن
أقوم أفكر فى التانيه عشان تعمتنى وتقطع نفسى ؟

[عزالدين]

هووووى يا خريج غوانتانامو ما تجيب لى الهوا ياخ
أنا من فتره ومرات مرات لما أمشى البيت نهاية الإسبوع بلقى ليك أم عمرو غيرت النظام
غرفة الجلوس وغرفة النوم وكل شئ
ومن أدخل بقول ليها .. الله ... الله كدا حلووو ، اللى غيرتو معاك منو ؟
وهى تقول لى برااااى
فى حين إنو أنا لو عاوز أغير مكان الكنبه أم تلاته بنادى لعمرو ولأ شجن
أقوم أفكر فى التانيه عشان تعمتنى وتقطع نفسى ؟

عاوز تورينا انها عضلات تبش ؟
لو كانت كده دى ماحالتك عاين لى بالعين الشمال ...........................

[الملكة اسماء ( ام محمد )]

والله انتوا اروع ناس
جاياكم (نفر - نفر )