هيا يا شعب السودان

[mutasim]

الشعب السودانى
منتظرين شنو نحن اسياد الثورات الشعبية ونحن فى امس الحاجه لها الان
الجماعه ديل قتلونا ونهبونا وافلسونا وضحكوا علينا واخيرا تحدونا واسفزونا بعد ان قال نافع للمتظاهرين جيبو اكفانكم معاكم فى تحد للشعب اليس هذا كافى وماننسى انهم لم يحموا الارض الارض اللى وصونا عليها جدودنا زمان ضاعت حلايب وجنوب السودان وارقين والكرمك لسه خارج سيطرتهم وعايزين يتنازلوا عن ابيى ودارفور اصحوا ياناس اصحوا
فلنبداها من مدنى بلد الوعى

[منو11]

بعد السلام
تحية للمناضلين الشرفاء حملة الشواهد العليا الذين شاركوا وأسهموا في نجاح هذه الوقفة الاحتجاجية التاريخية
وإنا على الدرب إن شاء الله حتى تحقيق مطالبنا المشروعة والعادلة
وموعدنا في الوقفة المقبلة

بالنضال والصمود مطالبنا ستعود
النضال ولا شي غير النضال
فلنبداها من مدنى بلد الوعى

[منو11]

شـــــــــــرف الكـــــــــلام أنا المديت شراع أفكاري في بحر الزمان تهتطويت الدنيا بالأفكارمحل ما تميل أكون ملت من الغالي وعظيم القول كتير مديت ايدي شلتوشان الكلمة شرف الربوشان الناس تحس تطربوقفت أنادي في الأزمانطهارة الكلمة في الفنانوصدق الحرف في صدقووحصاد اجيالنا في شتلوولو داس الشرف خانوقلوب الناس تسد البابتعاند طبلو والحانو

[منو11]

مُوندوكورو

هاشم صديق 15 ديسمبر 2010

(1)
مُوتدوكورو
وانا انفصلتَ
وانقسمتَ عديل
- ياميرى -
قبال الجنوب


عشرين سنة
وجوايا مندلعا
الحروب
هلكان مقطّع
بين مشارق
وبين غروب
جواى شمال
واقِع شَرٍق
جواى جنوب
ضهبان غَرٍب


ناشونى
ما فَضّل سهم
سامونى
ذى زفة بَهَم
نشلونى
فى حبر القلم
عصرونى
لاذوق لافهم
حِس الفرح
جوايا نِضِب


مُنشار اكل فينى
وشِرب
جلدونى
ما قالو الرقم
كِمْلَتْ على ضهرى
وعَضَاى
كل ( الجداول)
فى ( الضَرٍب ).

[sulara]

فلنبداها من مدنى بلد الوعى

[mutasim]

الاخ منو11 تحياتى
مشاركه رائعه والله نرجو المواصلة الى ان تهب الثورة قريبا باذن الله

[mutasim]

بنتنا سولارا
مرحب بيك واقول ليك
فلنبداها من مدنى بلد الوعى

[mutasim]

سلام
الثوراة السابقه سرقت من الشعب السودانى سرقتها الاحزاب الطايفيه او الترابى والصادق المهدى وعائلة الميرغنى
وهذا هو الترياق لطول حياة الانقاذ يجب ان نخرج من هذا التفكير ونجعلها ثورة عليهم اجمعين ثورة مستمرة بقيادات جديده من الصامتون او المحايدون الذين لم يتلوثوا ابدا بالنفاق والتبعيه لتكون الخلاص لنا من العسكر والطائفية
نرجو المشاركه فى البوست ؟؟؟

[sulara]

لكى نفتح ثغرة للنور لابد من ازالة الطائفية
لكى نتحرر من العسكر لابد من ازالة الطائفية

[الجندي المجهول]

ليبيا استيقظت من نوم (42 سنة)

[mutasim]

ليبيا استيقظت من نوم (42 سنة)

الجندى تحياتى
ليبيا استيقظت العقبه لينا نظامنا اسواء من النظام الليبى والتونسى والمصرى على الاقل حافظوا على ارضهم ,
ياخى نحن حاكمانه عصابه من عشرين سنه وهم نفس الاشخاص يتبادلوا فينا المناصب , هم نفسهم جماعة اتحاد طلاب جامعة الخرطوم الكيزان ولسه عقليتهم نفس العقليه بتاعت المكايد والخبث بتاعت الاتحاد والقتل والكزب وكانوا افقر الناس اصبحوا اغنى من شيوخ الخليج بمال الشعب المسكين الله يكون فى عون الشعب السودانى.
طبعا هم اختلفوا وانقسموا وتضاربوا داخل مقر الموتمر الجماعه خافوا
لكن نحن ماخايفين ولاعندنا شى نفقده

[أحمد عبدالله]

ههههههههههههههههاي وين مع الحكومه الجامده دي قصاد كل مواطن عسكري وازيدك من الشعر بيت الشرطه بقت اكثر من الشعب
ثرورة شنو؟؟؟ يازول....الشعب في مدنى ولاغيرو شعب جبان

[mutasim]

الاخ احمد عبدالله تحياتى
الشعب ما جبان بس انتو حركو الشعب

[mutasim]

http://www.facebook.com/home.php?sk=group_200514109959712
عنوان المجموعه بالفيسبوك

[منو11]

سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام

[منو11]

وانا ظنى ظنيـتـو ..
فى النيل غريق فى النيل
و الليل ولافى بالو ليل
ساكت يغنوا على القمر
واجعنى فى البحر السكات
سكتنى فى الوجع البحر
يا بت صباح الطير
وين البلد ركت ؟

[منو11]

يا بت صباح الطير
وين البلد ركت ؟

[منو11]

احتجينا مع الاحتجو واتكلمنا كلام موضوعي
قلنا المصنع حق الدولة والعمال اصحاب الحق هي البتحددوالتتولا هي البتحددوالتتولا هي البتحدد سير المصنع
ايدالعامل هي العاد تنتج موالمكنات الامريكية
وزيت العامل هو العاديمرق موالمكنات الامريكية
ودرن الايدي العمالية اشرف من لسنات الكفرةودين الدقن الشيطانية ومن كرفتةالبنك الدولي
...وكل وجوةالراس مالية

[منو11]

كم شهيداً بق مارق من فرقة الظلمة فجراً
تم بى دمو الشرافة وضمة حضن الارض عاشق
كنتو وين وين انتو كنتو لما كان فى سجنو ساير
بى جلابة الوسنكى نومتو ويصحى بامر العساكر
قومتو فى الزنزانة يمحى ويفتح الاف الحناجر

[منو11]

نورا شافت في رؤاها
طيرة تاكل في جناها
حيطه تنمغى وتفلع
في قفى الزول البناها
في جنينة سيدي سمعت
...شتله تصقع للوراها
دي الأرض ولابد ترجع
لي التعب فوقا ورعاها

[منو11]

ياود ارفع صوتك قول الحق
وردد

ويا شراره الحق
قبل ماتضرب في المليان
...قبل ماتزهق روح انسان
يابوليس مهيتك كم
ورطل السكر بقي بي كم
يا ودسالم
انثر درر الشعر وزين جيد الوطن الغالي
احكي روايه الغول الكاسر وفاطمه السمحه
وكيفن جاها الذيب يتمغي
وكيف القاضي حلف باسم الله

[منو11]

وعارف ام راشد والتومات .. مرتاً دغري وغلباوية
آه يا الزين .. لو كنت معاكم .. كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
...كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس

[عمروو]

الثورة
عايزة تمويل
والتمويل في بطن الفيل
والفيل عايز مفتاح
والمفتاح عند الموساد
والموساد
في نص الليل
قال لي ناسو
شدو الحيل
بكرة بنفتح
صالة الدسكو
وبار النيل
والنيل
عايز تعديل
والدلتا
في اسرائيل
....
والثورة
بتقوم بالشعب
وشبابو
برقص هيب هوب
شيوعية
رفقاء الدرب
القعدة
ظابنها تب
والمزة
بي لحمة ضب
...
والثورة
لعبة كونكان
والكونكان
جوة الدكان
والقائد
فاطر رمضان

[mutasim]

الاخ منو11
روعه والله

الاخ عمرو مشكور والمزيد من المشاركات

[mutasim]

اول الغيث قطرة
اول مظاهرة بمدنى حصلت امس بحى البيان
سقطت ياكيزان

[mutasim]

[SIZE="5"][COLOR="red"]السلام
وينكم ياناس المنتدى ماشاركتونا فى صفحة الثورة السودانيه القادمه اليوم وصل عدد المنضمين للصفحه 74 فيهم واحد فقط من المنتدىhttp://www.facebook.com/video/video.php?v=1720259578163&oid=200514109959712&saved#!/home.php?sk=group_200514109959712

[الدكتور]

هي البلد فضل فيها زول عندو حيل عشان يمشي معاك الملاريا بس طلعت عين الناس

[محمد تاج]

اها يا اخونا معتصم البجي يحكم البلد منو


مريم بت سيدي الصادق


ولا ياسر عرمان



قالوا الثورة شعارا إسقاط الشريعة




حظكم يا ناس السعودية حا تشوفونا في الجزيرة

وإنتوا قاعدين في المكيفات


وخالفين رجل في رجل

ولا إنوا حا تبادروا وتمشوا تعتصموا في السفارة



أها بتقدروا تعتصموا ولانقول


هاك حرية التعبير دي





كان ما خايفين المنتدي يحجبوه في السعودية كان قلنا



قال شرارة



عندكم ولعة!!!!!

[محمد تاج]

الثورة
عايزة تمويل
والتمويل في بطن الفيل
والفيل عايز مفتاح
والمفتاح عند الموساد
والموساد
في نص الليل
قال لي ناسو
شدو الحيل
بكرة بنفتح
صالة الدسكو
وبار النيل
والنيل
عايز تعديل
والدلتا
في اسرائيل
....
والثورة
بتقوم بالشعب
وشبابو
برقص هيب هوب
شيوعية
رفقاء الدرب
القعدة
ظابنها تب
والمزة
بي لحمة ضب
...
والثورة
لعبة كونكان
والكونكان
جوة الدكان
والقائد
فاطر رمضان


أها يا عمرو الأنادي كيف

وسكر المسلمين حكموا شنو


هو قول لي تاني بنفرز المسلم من الما مسلم


ما بنبقي نشحد في بطاقة لي الصلاة في الجامع


وكان أدوك ليها بتكون مصنف إرهابي

[mutasim]

الله اكبر
تحركت ام المدائن مدنى واشتعلت المظاهرات بالمدينه بقيادة طلاب جامعة الجزيرة ومستمرة حتى كتابة هذا الخبر

[بدر الدين احمد الطائف]

الاخ معتصم تحياتى
مدنى من اكثر المدن تهمشيا وعانت ما عانت من الفساد والمفسدين.
منذ استيلاء الانقاذ على السلطة ولم يتم انشاء اى مشروع اقتصادى يساهم فى رفعة المدينه وبالعكس اهم مشروع زراعى اقتصادى وهو مشروع الجزيرة تم تدميرة. مطار ودمدنى الفكرة والطموح هذا المشروع ما زالت اوراقة ترقد فى ادراج الحاقدين على ودمدنى.
الطرق الداخلية لمدينة ودمدنى وفى الاحياء تحديدا لم يتم ترميمها منذ عشرات السنين .
وفى المقابل نجد اصحاب السعادة فى الخرطوم يعيشون فى رغد العيش. والقصور التى انشاءت من اموال المساكين والغلابه وكافورى مثال لذلك.

[ود ابراهيم]

على هؤلاء الشباب أن يبطلوا اللعب بالنار.نحن ظروفنا ليست كظروف الآخرين ونحن شعب لا نقلد بل دائما رائدون في هذا المجال وقد استفادت الشعوب الأخرى منا كثيرا.والرئيس البشير يعلم يقينا بأن الشعب السوداني له المقدرة في تغيير النظام خلال 24 ساعة.مرحلة المظاهرات قد تعديناها منذ زمن بعيد فنحن لدينا سلاح العصيان المدني وقد نجح مرتين مع الرئيس عبود ونميري. لكن يبدوا أن هؤلاء الشباب معذورين فهم غير مدركين للتاريخ وعليهم أن يلتزموا الصمت فلم يحن الوقت بعد لإسقاط النظام فالرجاء عدم إثارة الفوضى. والسلام

[mutasim]

[COLOR="red"]خبر المظاهرات بقناة الجزيرة
[/COLO"
مظاهرات يوم 21/3/2011

مظاهرات
من جهة أخرى شهدت الخرطوم ومدن شمالية أخرى حركة احتجاج واجهتها قوات الأمن في الخرطوم بتدخل قوي لتفريق المشاركين فيها مستخدمة الغازات المسيلة للدموع والهراوات، حيث نشرت أعداد كبيرة من عناصر الأمن وسط العاصمة وحول الجامعات، وذلك عقب دعوة مجموعات شبابية على صفحات فيسبوك للتظاهر في مسيرات سلمية للاحتجاج على السلطات.

ويتهم المتظاهرون الحكومة السودانية بملفات فساد والمسؤولية عن انفصال جنوب البلاد، واستمرار النزاعات في مناطق داخل السودان كدارفور، وارتفاع نسبة للبطالة في صفوف الشباب، وعدم احترام قوات الأمن لحقوق الإنسان.


وقال العديد من المشاركين الذين اعتقلوا في أول حركة احتجاج مناهضة للحكومة يوم 30 يناير/ كانون الثاني إنهم تعرضوا للتعذيب والضرب، قبل أن تطلق السلطات سراح مئات الأشخاص الذين اعتقلوا دون توجيه أي اتهام لهم.
R]

[mutasim]

الاخ معتصم تحياتى
مدنى من اكثر المدن تهمشيا وعانت ما عانت من الفساد والمفسدين.
منذ استيلاء الانقاذ على السلطة ولم يتم انشاء اى مشروع اقتصادى يساهم فى رفعة المدينه وبالعكس اهم مشروع زراعى اقتصادى وهو مشروع الجزيرة تم تدميرة. مطار ودمدنى الفكرة والطموح هذا المشروع ما زالت اوراقة ترقد فى ادراج الحاقدين على ودمدنى.
الطرق الداخلية لمدينة ودمدنى وفى الاحياء تحديدا لم يتم ترميمها منذ عشرات السنين .
وفى المقابل نجد اصحاب السعادة فى الخرطوم يعيشون فى رغد العيش. والقصور التى انشاءت من اموال المساكين والغلابه وكافورى مثال لذلك.
نعم اخى بدر الدين كل ماذكرت حقيقه انهم اهملوا مدنى ومازالت مدنى مقصوده همشوها كل التهميش لكن ليهم يوم( والحلة قربت تتقلب)

[mutasim]

اخونا ود ابراهيم تحياتى
حكايتك شنو انت مع الجماعه ولا شنو
بعدين العصيان المدنى مابحصل الا بعد المظاهرات وتعبئة الشعب

[منو11]

قريبا ستردد الفضائيات اجمل كلمات تفرح الشعب السوداني

[منو11]

شدوا الهمة لتزيلوا الغمة طائرة الرئيس السوداني المخلوع تبحث عن مطار للهبوط

البشير المخلوع يتصل بالقذافي فيرد عليه قالا

لجوء مافي انا ظاتي مزنوق لكن لو بتشتغل مرتزقة مافي مانع
بالسكاكيين لتوفير الذخيرة قدر الامكان لانك عارف ان امريكا واوربا عامله علينا حظر سلاح
قائد طائرة الرئيس السوداني المخلوع يستنجد بدول العالم
لا تزال طائرة البشير المخلوع تحوم من بلد لي بلد ويتم رفض طلب النزول

فاصبحت تشبه الكديسه ام خيط وهي تحوم من بيت لي بيت

سأل شيخ شريف احمد رئيس جمهورية الصومال
انا ما عندي مانع استضيفك بس جيب اكلك معاك

خاصة ان وزنك تقيل والغذاء ليس متوفر كثيرا في الصومال ؟؟؟؟؟

الرئيس السوداني المخلوع شايل معاك شنو
قائلا وقود الطائرة قرب يخلص ويتسأل انزل وين ؟؟؟؟؟؟؟؟؟؟؟؟؟؟؟
واكيد عندك خبرة كبيرة من دارفور في ابادة وذبح الناس ؟؟؟؟؟
انا محتاج لي قائد لكتيبة الجزاريين على ان تجعل جنودك يعتمدون على ذبح الشعب

[ود ابراهيم]

اخونا ود ابراهيم تحياتى
حكايتك شنو انت مع الجماعه ولا شنو
بعدين العصيان المدنى مابحصل الا بعد المظاهرات وتعبئة الشعب
اخي معتصم لك التحية كيف اكون مع الجماعه وانا اقول عصيان مدني اخي الحبيب بقض النظر يفترض
ان نكون اكثر واقعية كلنا مجمعين بان الحكومه كلها عيوب لكن الوقت الراهن ليست في مصلحة البلاد القيام بالتفكيك فنترك هذا حتي خروج الجنوب نهائيا من السودان اي بعد يوليو لكي ينجح اي مطالبات سوى كانت بتنحي الحكومة او الاصلاح اخي الكريم لقد جربنا هذه الاحزاب البالية فلابد ان يحدث التغير كلي ولا يكون هولاء الشباب فداء لتك الفئه الهرمه ابتداء من الصادق المهدي والترابي والبشير ونقد وغيرها من الاحزاب التقليدية لابد من التجديد وعندما نبداء لابد ان تكون البداية قوية بعيده عن المتسلقين حالة البلد في الوقت الراهن فنتخذ عبره عن ما حدث في مصر حتى الان الانفلات في الامن وما يحدث في ليبيا من انفلات وانت ادرى فلذلك لابد ان تكون وقفتنا قوية لوحدة البلاد فاذا اردنا ان نغير فلابد ان نضع صوب اعيننا ان جدودنا زمان وصونا علي الوطن الغالي وصيانة ترابه والملاحظ في مازكرته وكالة الانباء علي قلة التظاهر وهذا يعني ان الشعب السوداني الان غير مهئيه لحدوث تغير في الوقت الراهن وانا معك اخي معتصم لتذهب هذه الحكومه اليوم قبل الغد ولكن بعد تأمين وحدة البلاد