مسرح الجزيرة

[بدر الدين احمد الطائف]

ماذا حل به

[بدر الدين احمد الطائف]

ازكر فى عهد جعفر نميرى كان مسرح الجزيرة يعج بالفعاليات والنشاطات والحفلات العامه والخاصه.

[بدر الدين احمد الطائف]

اذكر ان الفرق المسرحيه بمدنى وعلى راسها عزالدين كوجاك اصبحت تقدم عروضها فى المناسبات الحكوميه الرسميه وتكون العروض حسب متطلبات المرحله.

[معتز الريح]

يا حبيبنا ..
ما تكلم الوزير النشيط (السموأل خلف الله) ده يدينا طله ..
ولو السودان بقى الخرطوم بس في التطور والأنشطه ..
كلمونا عشان يا رحلنا الخرطوم يا طلبنا تقرير المصير ..

[بدر الدين احمد الطائف]

يا حبيبنا ..
ما تكلم الوزير النشيط (السموأل خلف الله) ده يدينا طله ..
ولو السودان بقى الخرطوم بس في التطور والأنشطه ..
كلمونا عشان يا رحلنا الخرطوم يا طلبنا تقرير المصير ..

ودالريح سلام
ونكلم السمؤال ونتجاوز ناس الثقافه فى مدنى كيف مش لازم يكون ليهم دور فعال فى اثراء الثقافة والفن واللى مسرح الجزيرة جزء منها ولا شنو.
بالنسبة للاهتمام بالخرطوم دون المدن الاخرى اصبحت المساله وووواضحه جدا.
حقيقة انا مريت بي شارع الستين الخرطوم وكنت عاوز افتح بوست بخصوص الموضوع ده لكن لسه الصور ما وصلت.

[مصطفى هاتريك]

أستاذنا بدر الدين

سبحان الله ,,,

أمس كنت أشاهد (( أماسي أم در )) على قناة النيل الأزرق

وشاهدت كيف إستطاع الوزير الإعلامي السمؤال خلف الله أن

يخلق حراك ثقافي مهول بوزارته الولائية ... وقررت من فورها

أن أتصل بالدكتور أبراهيم القرشي لطرح مقترح بتفعيل ليالي

مسرح الجزيرة ...

عدت بالقناة إلى تلفزيون السودان فوجدت و زيرنا الولائي

يقدم برنامج ميداني عن المدائح في ميدان المولد بأم درمان

[الجندي المجهول]

لماذا لا يعلن اهل ود مدني التمرد ويرفعون ( مذكرة) كالتي رفعها (ايلا) والي بورتسودان وجعلت الجميع ( يرتعدون) ويلبون مطالب المدينة ( ومطالب الوالي)

لا يفل الحديد إلا الحديد ،،

[بدر الدين احمد الطائف]

أستاذنا بدر الدين

سبحان الله ,,,

أمس كنت أشاهد (( أماسي أم در )) على قناة النيل الأزرق

وشاهدت كيف إستطاع الوزير الإعلامي السمؤال خلف الله أن

يخلق حراك ثقافي مهول بوزارته الولائية ... وقررت من فورها

أن أتصل بالدكتور أبراهيم القرشي لطرح مقترح بتفعيل ليالي

مسرح الجزيرة ...

عدت بالقناة إلى تلفزيون السودان فوجدت و زيرنا الولائي

يقدم برنامج ميداني عن المدائح في ميدان المولد بأم درمان



مصطفى يا فنان ياريت لو تكتب لينا مشاهداتك للمسرح فى السابق وما يحدث الان من فتور وشلل عام اصاب كل مرافق المدينه الحبيبه.
ووزيرنا الولائى مرقه فى امدرمان ليه المولد فى مدنى لغوه ولا شنو.

[بدر الدين احمد الطائف]

لماذا لا يعلن اهل ود مدني التمرد ويرفعون ( مذكرة) كالتي رفعها (ايلا) والي بورتسودان وجعلت الجميع ( يرتعدون) ويلبون مطالب المدينة ( ومطالب الوالي)

لا يفل الحديد إلا الحديد ،،

والله يا الجندى نحن ما عندنا وجبع وابناء مدنى اكثرهم هجروها يا اما خارج السودان ويا اما فى الخرطوم والموجودين طول اليوم بيناتلوا عشان يجيبوا المصاريف حقت البيت اسال (ابو النور) ومافى زول فاضى للكلام ده.

[ايمن عبد الله]

غايتو الحكومة دي قدرت على الناس دي قدرة بس هلكتهم ليك بالمعايش هسة لو اتكلمت مع زول في السياسة وقلت مظاهرات واعتصام وكلام زي ده بعاينوا ليك زي المجنون مجنون وده الشي المطمن ناس الحكومة .. هسة كدي ورونا هي الحكومة دي فيها منو غير الوالي من مدني ؟ والله ما عارفين فيهم اي واحد تاني ولا بظهروا ليك هم ذاتهم .. ووزير الثقافة ذاتو منو هو ؟

[بدر الدين احمد الطائف]

غ

.. هسة كدي ورونا هي الحكومة دي فيها منو غير الوالي من مدني ؟ والله ما عارفين فيهم اي واحد تاني ولا بظهروا ليك هم ذاتهم .. ووزير الثقافة ذاتو منو هو ؟
.

ورونا زى ما قال ايمن كده

[بحيرى]

نحن ما عندنا وجبع وابناء مدنى اكثرهم هجروها يا اما خارج السودان ويا اما فى الخرطوم والموجودين طول اليوم بيناتلوا عشان يجيبوا المصاريف حقت البيت اسال (ابو النور) ومافى زول فاضى للكلام ده.

هنا تكمن المشكله الحقيقيه !!
فاهل الوجعه هم بعيدين عن مدنى
حتى الذين هم موجودين شغلتهم مشاكل الحياه
وابو النور اقرب مثل !!
هاهاهاهاهاها

[ahmed algam]

وزير الثقافة والاعلام هنا في الولاية

هو الدكتور أبراهيم القرشي

[محمود (أبو وضاح)]

أنا عندى اقتراح ممكن تسمعونى :-
أن نطالب بملء الفم جميعا بتقسيم ولاية الجزيرة على الولايات الأخرى ، مثلا الكاملين والحصاحيصا ومدنى تتبع ولاية الخرطوم ، ودا حيدينا أفضلية وحمرة عين للمطالبة بتحسين وتأهيل مرافق المدينة كاملة على نفقة ايرادات ولاية الخرطوم ، وباقى ولاية الجزيرة يعرضوها فى مزاد للولايات الأخرى كولاية سنار والنيل الأبيض والقضارف .
ونرتاح من حكاية الناس راحلة الخرطوم ، فالجميع شاهد الهجرة الجماعية نحو العاصمة المثلثة وبدأت قرى الريف بولاية الجزيرة يرحلون لمدنى ، رأيكم شنو ؟؟؟